|
Re: المريخ في دوري الابطـال (صورة) (Re: عبدالوهاب علي الحاج)
|
وهبة لا تقتل حلم الجماعة
هم اسى معولين على خروج الهلال اكثر من كانو
لزيسكو نقطة واحدة وهوثالث المجموعة تبقت له 4 مباريات 2 داخل ارضه من الممكن ان يعمل سبعة نقاط,,,
ويتساوى مع القوم,,,
للهلال مباريات داخل مقبرة الخصم,,,وهنالك قبرين محفرات جداد لاقرب ضحيتين,,,من السهل جد ان يتحصل كبير الزعماء على 10 نقاط
افضلية الكبير على فرق المجموعة,, انه الفريق الوحيد الذى يملك خط دفاع محكم لا يجل مرماه غير هدف فى 6 مباريات
انا ارشح للمجموعة فريقان احدهم الهلال والثانى مين ؟؟؟ياصمرقع
| |
|
|
|
|
|
|
Re: المريخ في دوري الابطـال (صورة) (Re: طارق الكوتش)
|
الاخ الكريم عبد الوهاب علي الحاج سلام وتحية
رجاءا خاصا أن تسحب الصورة فهي لا تشبهك ولا تشبه هلالاب المنبر
ولا نريد ان ننقل هنا أجواء بعض الصحف الرياضية وأنت الان فتحت باب للآخرين للرد عليك بالمثل وهي كلها اساءات لأبناء الوطن الواحد
وأحيي الأخ الأنيق هارون دياب علي الرد بهدوء عبر صورة لا تحمل اساءة لأحد ولا باس أن تسعي لتمجيد معشوقه المريخ
| |
|
|
|
|
|
|
Re: المريخ في دوري الابطـال (صورة) (Re: مهدى الصادق السيد)
|
حبيبنا / عبود اشواقنا كيمان.....كيمان
Quote: وأحيي الأخ الأنيق هارون دياب علي الرد بهدوء عبر صورة لا تحمل اساءة لأحد ولا باس أن تسعي لتمجيد معشوقه المريخ |
دائمامخجلنا بي كلامك الجميل وربنا يديم المعروف .
ياوهبه..... ماعارفين نلقاها منك ولا من محمد عادل....!!!!!
| |
|
|
|
|
|
|
Re: المريخ في دوري الابطـال (صورة) (Re: haroon diyab)
|
Quote: ياوهبه..... ماعارفين نلقاها منك ولا من محمد عادل....!!!!! |
هارون ياعمك كلام عبود دا يعتبر نيران صديقة وعبود طبعا راجل مهذب زيادة عن اللزوم ونحن وانتو ما عندنا اي كلام غير في الميدان وشايف الاسد الازرق دا .. كدي لاحظ ليدو اليمين المرفوعة دي وبعدين اسأل عنها عمك ريتشارد واكرم انتو البجيبكم محل الابطال شنو ؟
| |
|
|
|
|
|
|
Re: المريخ في دوري الابطـال (صورة) (Re: مهدى الصادق السيد)
|
السيد وهبة سلام يا زول
جينا نتفرج ساكت
ماشاء الله بتعرف تستخدم ال polygona lasso tool كويس وبعد داك تكشحها بالجردل ومرات بالا screen
المهم يا زول بعد ماتخلص من تجاربك في ال photoshop دي أنا منتظر في البوست داك عشان تجي تشرح ليا ملاحظاتك الفنية حول رسوماتي المعفنة ومقززة زي ماقلت.
أما عن مناداتك لي بي( المدعو عمر دفع الله) كما يفعل إعلام الكيزان مع السيد أوكامبو فالسيد أوكامبو شخص مهذب ويحترم موقعه الرفيع أما أنا فغير مهذهب ولا أعتلي موقعا رفيعا ولا تخينا يعني زي ماتقول كدا رسام ساكت وكمان رسمي كلو عفانة وزبالة يعني تقدر تقول ( مشروعي الفني) زي (المشروع الحضاري الاسلامي)فساد وعفن وزبالة . فهذه المناداة تنطوي على تحقير وإزدراء غير مبررين من شخص لم أحتك به في الموقع ولو لمرة واحدة ولا أعرف سر العنف اللفظي تجاهي. عموما سأحتفظ بحقي في الرد وصاحبك الذي يخفي صورته يعرف ذلك.
ودمتم عمر
| |
|
|
|
|
|
|
Re: المريخ في دوري الابطـال (صورة) (Re: عمر دفع الله)
|
Quote: وشايف الاسد الازرق دا .. كدي لاحظ ليدو اليمين المرفوعة دي |
معليش يا وهبة اعتقد انه خانك التعبير
يد الاسد العجوز ماشة ليحته ما كويسة
لااظن انه من الكياسة الاشارة اليها فهذا يخدش الحياء العام
ارجو تعديل المشاركة فى الحتة دى
ولا تنجرف وراء التعصب الاعمى وتسىء للا خرين
وشكرا
| |
|
|
|
|
|
|
Re: المريخ في دوري الابطـال (صورة) (Re: عمر دفع الله)
|
الاخ الكريم عمر دفع الله
Quote: فهذه المناداة تنطوي على تحقير وإزدراء غير مبررين من شخص لم أحتك به في الموقع ولو لمرة واحدة ولا أعرف سر العنف اللفظي تجاهي. عموما سأحتفظ بحقي في الرد |
اول حاجة انا اعتذر عن العنف في خطابي ليك ولك العتبى حتى ترضى واستغفر الله عما فعلت حقيقي ما عندي حق اكتب كلام زي (المدعو) وما شاكل ذلك واكرر اعتذاري اما باقي كلامي عن الفكرة بتاعة الرسم في محلو ودا رأيي لا انت ولا غيرك ما بقدر يحجروهو ولا شنو ؟ وكان بقينا حيين بنتلاقى في ملجة بكرى دي وبنتناقش عن رسوماتك وافكارك في الرسم كان الله هون
Quote: وصاحبك الذي يخفي صورته يعرف ذلك. |
الكلام دا ما وقع لي كان ما قادر تقولو هنا لاي سبب من الاسباب ممكن تقولو لي في الخاص لو كنت قاعد معانا في القلاية دي شد لي سلك تلفوني في البروفايل وتحياتي
| |
|
|
|
|
|
|
Re: المريخ في دوري الابطـال (صورة) (Re: Maawya Hussein)
|
Quote: اول حاجة انا اعتذر عن العنف في خطابي ليك ولك العتبى حتى ترضى واستغفر الله عما فعلت حقيقي ما عندي حق اكتب كلام زي (المدعو) وما شاكل ذلك واكرر اعتذاري |
يازول العفو والعافية
أما عن موضوع الرسم ونقده فهذا ما اتوق اليه وانتظره من الآخرين فليس بالضرورة من شخص متخصص ففي تقديري ان أي متلقي لأي لمادة فنية فله ذوقه الخاص ووجهة نظرة. ومثل هذه الآراء تكون عادة افضل من الاطراء.
ودمتم عمر
| |
|
|
|
|
|
|
|