|
|
 الليلة ح اشجع ليكم المريخ ...
|
سأكون حضوراً .. في شكل ( طيــف ) في مدرجات الريد كاسل الحمراء .. ح اللبس فنلتين البي فوق حمراء والتحتها اصفر فاتح وفوقه نجوم وح اللبس طاقية حمراء بي اصفر ..
|
|
 
|
|
|
|
|
|
|
 Re: الليلة ح اشجع ليكم المريخ ... (Re: tmbis)
|
مع اللبسة الفوق دي:
ح الفتش لي بنطلون جينز لونو كاكي .. واقوم اصبغو احمر بي اصفر .. يعني يكون كاكي واحمر بي اصفر وفوقو شخوط بي الجمبات ..
على شرط .. يكون ماركة كونس وكدا .. لانو الكونس بيكون بوقي .. وواسع من فوق .. ودبل كمر اربط فوقو تلاتتة احزمة .. مش احتمال تجي ( جريــة ) بين الشوطين 
| |
|
|
|
|
|
|
|
|
 Re: الليلة ح اشجع ليكم المريخ ... (Re: omer osman)
|
| Quote: أنا خاشي وجيبي مليان حجار .... شوته ساي جنب الخشبات من سادومبا والا باكمبابتاعكم ده ... بفلع طوالي |
يا جنابووو .. والله معاك حق ..
طبعا انا معاك في نفس الحركة دي ..
لكن
أنا ما بطقع .. بس بجري بشيل الكورة زي الحركة بتاعت زيكو الزمااان ديك 
| |
|
|
|
|
|
|
|
|
 Re: الليلة ح اشجع ليكم المريخ ... (Re: tmbis)
|
ابوالنسب
مسكاقمي
الحاصل شنو
الله يستر
غايتو اذا فزتو طوالي نعمل حمد لبد
انتو مولعين نار
وبقيتوا تهضربوا كمان
إذا فزتو ما تفكر في جوالي
انا حاقفلوا طوالي
الحق ود الموج وطارق نقد
| |
|
|
|
|
|
|
|
|
|
Re: الليلة ح اشجع ليكم المريخ ... (Re: tmbis)
|
بالله ما تنسى تلون الشعروتستعين بدهن الكركار
كمثبت(جل) وتجلبط الوش وتشيل ليك شمعه حمراء
بالشمال وترفع يدك اليمين وتلوح بيها
وتهتف هتافات المريخ و بهدوء......
عشان تدخل عالم الصفوة.
| |
|
|
|
|
|
|
|
|
|
Re: الليلة ح اشجع ليكم المريخ ... (Re: waleed dawash)
|
السلام عليكم
......
تمبس ازيك
....
ود أختي زول مرضان هلال
مرضة كده نوعها براها
أي شغل كان اشتغلو في السودان يلم ايراد الأسبوع كلو
وينتظر ليك أي كورة للهلال
ويأجر بوكسي ولّ حافلة ويعزم الشباب والجيران الهلالاب كلهم على حسابو
ويقوم الدكان الماسكو ولّ الجزارة ولّ الكافتيريا الماسكها تكسر وتفلس
آخر حاجة خلا البلد وسافر السعودية
....
المهم ..
جيت السودان في اجازة قصيرة كدي وكان لازم امشي البلد
ود اختي ده لم فيني إلا انتظر مباراة الهلال وشنو كدي ما عارف (كانت كورة مهمة)
بعد 5 أيام
وحلف بي دينو وايمانو ما اسافر
قدر ما اتهربت منو مافي فايدة
...
بالليل كدي جاتني ليك فكرة عبقرية
مشيت ليهو : نجم الدين ..طبعاً انت عارفني أنا بشجع الهلال صاح ؟
نجم الدين : طبعاً يا خال ..ما عشان كده أنا مصر تحضر معانا الكورة
أنا: يا زول مافي مشكلة ... لكن داير اقول ليك حاجة !!!
نجم الدين : شنو .. الحافلة جاهزة ما تخاف .. بعد الكورة تاني يوم طوالي أوديك الموقف
أنا : لالا دي ما المشكلة أنا ما حصل مشيت حضرت لي كورة إلا الفريق الشجعتو انغلب
نجم الدين : يا زول ده كلام شنو؟ لالا ان شاء الله المرة دي ماتحصل
أنا : إن شاء الله ...لكن زي ما قلت ليك ...ما حصل الموضوع ده خيب معاي .. ياخي مرة شجعت ليك يوفنتوس في الإستاد لما كان في عزّو ..يوفنتوس بينغلب ؟؟ والله طقطقوهو ليك زي الترتيب ...
....
بالليل وأنا نايم ... الساعة 2 صباحاً جاني نجم الدين صحاني
والله يا خال أنا فكرت في الموضوع وأفتكر عشان اجازتك قصيرة أحسن تسافر تقضي مشوارك
والكورة ملحوقة...
الظاهر عليهو النوم غلبو اليوم داك 
....
أها يا تمبس انت من الماركة بتاعتي ولّ شنو؟؟؟
عايز تنحس الجماعة ؟؟؟
تحياتي
| |
|
|
|
|
|
|
|
|
|
Re: الليلة ح اشجع ليكم المريخ ... (Re: abdelwahab hijazi)
|
Quote: مع اللبسة الفوق دي:
ح الفتش لي بنطلون جينز لونو كاكي .. واقوم اصبغو احمر بي اصفر .. يعني يكون كاكي واحمر بي اصفر وفوقو شخوط بي الجمبات ..
على شرط .. يكون ماركة كونس وكدا .. لانو الكونس بيكون بوقي .. وواسع من فوق .. ودبل كمر اربط فوقو تلاتتة احزمة .. مش احتمال تجي ( جريــة ) بين الشوطين
. |
ياتامبا
احسن حاجة اشتري بنطلون جينز ماركة ديزل انا عارفو غالي كتير بس الغالي يرخصلك والغالي بي غلاتو يضوقك حلاتو يمكن قبل الجرية بين الشوطين تاخد ليك مسمار بين الحزامين ومايحميل الا البنطلون الاصلي
تحياتي
الجنز الازرق بينفع في اليوم الاحمر
زاتوووو
| |
|
|
|
|
|
|
|
|
 Re: الليلة ح اشجع ليكم المريخ ... (Re: tmbis)
|
تشجيعي لمنتخب المريخ:
امعانا في الوطنية لدي .. ح اكون وطني بحت .. زيي وزي اي وطني غيور على مصلحة المريخ العظيم .. بعد شوية كدا ح امشي اقرا لي مزمل ابوالقاسم .. ( كبد الحديدة ) .. وأدخل الرد كاسيل ( مصفـح ) وجلدي ( طخيـــن ).. واعمل زيارة سياحية تعريفية قبال المباراة لي اخوانا ناس الصفر الدولي .. ح اوريهم النجيلة .. والكراسي .. واطلع بيهم وانزل بيهم من الطابق الأول والتاني .. واعلق جزء منهم في الكشافات .. وأوزع بنفسي كراتين الموية الباردة .. على أن تكون في اكياس عبوة لترين ونص .. وأصبن لي كرتونة انا اشرب ما اروى
ملحوظةمهمة
يظهر انو ناس الهلال مكتفين حتى الانترنت .. من فتحت البوست ما قادر اكتب وامتع نفسي بالردود .. هناك صيانة لمزود الخدمة .. اكتب في هذا الرد .. واحتمال كبير ما يصلكم أو يصلكم من اربعة خمسة نسخ أو سبععععة عديل كدا التقول صابة مطرة ..
فاعفو لي يا سادة ياكرام لو ما قدرت اتابع البوست دا .. ولو تابعت البوست دا معناته السبعة محمداكم حتى لو ما صبت مطرة زاتوووو 
عليكم الله حسع دي ما وطنية مني ؟؟
| |
|
|
|
|
|
|
|
|
|
Re: الليلة ح اشجع ليكم المريخ ... (Re: tmbis)
|
| Quote: ح اللبس فنلتين البي فوق حمراء والتحتها اصفر فاتح |
.. ربما يتسال عشاق المووج الأحمر عن سبب لبسي فنلتين في وكت واحد ..
ياخ مش احتمال اكون بردااان من الحمى .. يعني عندي حمى ام برررد ؟؟
مش احتمال اكون ضعيف .. وداير اسمن دلاقين ..؟
لالالالالا..
أنا لابس فنلتين .. تحسبا لي الطوارئ ..
كيف يعني تحسبا؟؟:
ح املص الفنلة الأولى .. عند اللزوم ..؟ واجدعه في الكراسي .
بعد شوية كدا .. ح املص الفنلة التانية وبرضو اجدعه تحت الكراسي بتاعات الريد كاسيل ..
معناته كدا فضل كم فنلة من الفنلتين ؟؟ فضل الفنلة الداخليه ..
يللا دي هنا بالذات ح اقش بيها دموعي مش احتمال يكون في بمبـان ؟؟
طبعا الفنايل ديل بووودي .. والنوع البتزلق ويتملص بسرعة ..
بالمناسبة ح املص الفنايل وما ح ابكي .. أنا زول متصالح مع نفسي وكمان ولا ح اخت يديني في راسي 
| |
|
|
|
|
|
|
| |
tmbis
طارق جبريل
omer osman
حبيب نورة
waleed dawash
الزوول
فيصل نوبي
محمد الكاب
7abib_alkul
ALZOLZATOO
abdalla osman
فيس بوك
تويتر
انستقرام
يوتيوب
بنتيريست