|
|
 اللحق حرررررررررررررررررررررررررررررررررررررررررامي
|
: عوووك ياناس حرامي اللحق ...
: وينوا؟ ...
: جري با جاي!!
: لا شفته الجماعة ساكينهو بهناك ...
: اللحق قطع الزلط ...
: ولع نور العربية ...
: هنداك مدسي وراء الكوم داك ...
واخيراً يتم القبض عليه وينهال عليه الجماعة بالضرب المبرح لب لب لب ..
: يا ابن الكلب تاني تجي بالحلة دي ؟؟
: يا جماعة حرام عليكم انا ما حرامي!!
:كلامه صاح يا جماعه ده انا بعرفه.
: ما حرامي طيب جاري ليه ؟
: ده فلان الفلاني جاي ضيف عند ناس فلان !!!
: البطلعوا زي الوقت ده شنوا ، ما يتلم ؟
بعد جدل طويل يتضح انه ليس حرامي ، انما شخص ضعيف مغلوب على امره ، ولا يوجد من يحميه من العكاكيس والحجارة والبونيات والكفوف.
o للاسف الشديد هذا هو حال المنبر اصبح العضو الذي يختلف مع اشخاص محددين فى سودانيزاوين فى الراي مثل الحرامي يطارد من قبل البودي قاردات ويضرب الضرب المبرح حتي يقول الرووب او يسنحب مكسور الخاطر.
مع فائق الاحترام،،،
معاذ السر
|
|
 
|
|
|
|
|
|
|
 Re: اللحق حرررررررررررررررررررررررررررررررررررررررررامي (Re: moaz elsir)
|
Quote: مني بت العمدة عوض خوجلي
لك التحية والاحترام ،،،
o فى اعتقادي الخاص انتي ممكن تلعبي دور فعال فى تقريب وجهات النظر بين جميع الاعضاء بما تمتلكيه من حضور مميز وقبول لدي الجميع .
o يعني سفيرة للنوايا الحسنة. |
شكرا يا معاذ علي ثقتك وحسن ظنك..
لكن مرات الموضوع ماقصة سوء فهم عايزة شرح والواحد يقدر يصلحها..
مرات استهداف عديل وحملات منظمه وتنظيم في الفيس بوك وحتت تانيه..
وفي النص مرات بيجوا ناس بس هاشمية ساكت مع الصراخ عايزين يساعدوا بيقوموا يبوظوا القضيه أكتر!
وبعدين الناس برضه مرات بتكون عايزه بس شر..وما يهمها..
ومرات ومرات..
ومستحيل مرات تعرف الموضوع بادي من وين وبدا متين..
أها كان قلت باركوها وقعدت تحاول تقرب بينهم..
بقولوا ليك خلي عندك رأي واحد..يعني لازم تاخد جانب..
وان قلت الجانب ده غلطان والتاني برضه غلطان يقولوا ليك ماسك العصاية من النص والطرفين يلبدوا ليك..زي شفع المدارس
الابتدائيه..
وان زحيت منهم كلهم يقولوا عليك ماعندك موقف..
أخير ازح ولا أسمع كلمة فاضيه..
اصله في ناس تخصصها للاسف تقول الكلمة الكعبه وتستمر عادي زي الماقالت حاجهّّ!
أسه عليك الله اي بوست بتاع شكله بين اتنين..ما انتهي بي كام شكله بين الباقيين؟؟
أها اسه ده يقولوا عليه شنو غير ناس بس التسويهو غلبها؟؟
يازول دي قضية طويلة مافي حلل معاها الا تطبيق اللوائح علي الجميع!
غايتو رمضان قرب..كل سنه وانت طيب مقدما
| |
|
|
|
|
|
|
| |
moaz elsir
سيف اليزل جعفر عبد الرحمن
humida
مزمل خيرى
Muna Khugali
فيس بوك
تويتر
انستقرام
يوتيوب
بنتيريست