|
Re: الخرطـــــوم.. تغــــــرق.. (Re: فيصل محمد خليل)
|
لو المطر والجو استمر بالطريقه دي .. ان شاء الله رمضان يكون سنه
لا يعكر الجو الخريفي الجميل سوي سؤ التصريف وتكدس المياه وابتلاعها لشوارع الاسفلت والمحليات - كالعاده - نايمه في العسل وتصحو بعبارة ( فاجئنا الخريف هذا العام )
اميره صباحك برائحة المطر والدعاش
| |
|
|
|
|
|
|
Re: الخرطـــــوم.. تغــــــرق.. (Re: عبدالله كع)
|
Quote: عضة ساااكت اليومين ديل ...... شرباتات مافي !! |
والله يا عبد الله بما انو الدنيا صباح في السعودية لكن مما جبت كلمة عضة أخوك ريقو سال لأنو فعلاً السودان حاتكون فيهو عضة عجيبة ايام المطرة دي. غايتو يا أميرة مبروك عليكم الجو دا والعضة دي.
| |
|
|
|
|
|
|
Re: الخرطـــــوم.. تغــــــرق.. (Re: الصادق صديق سلمان)
|
الأخت الأميرة /أميرة تحياتي ،
رمضان كريم ، وتصومي وتفطري على خير .
والله الواحد يحسدكم عديل على (الغرق) في هذا الجو الجميل الماطر وصيام مقبول وذنب مغفور بإذن الله
نحنا هنا في رياض الغربة لينا الله وسخانة الجو !!؟ تصدقي هسع الساعة 9 صباحاً ودرجة الحرارة 42 درجة ؟!! ما عارف عز الهجيرة بتكون كم ؟
غايتو في هذه الأيام صيام يوم واحد في الرياض وماجاورها يعادل صيام إسبوع أو زيادة في الخرطوم ، يا بختكم بجو العضة والهمبريب (طبعاً مع النظر بعين الغضب لمسؤولي البلديات والمحليات ؟!!) .
مودتي ،
( ليمو )
| |
|
|
|
|
|
|
Re: الخرطـــــوم.. تغــــــرق.. (Re: الصادق صديق سلمان)
|
الاميره اميره ...
صباحك خير .. والله انتي وصلتي بمعجزه .. انا ما قدرت اطلع اصلا والغريبه قالوا انا ساكنه في حي درجه اولى ؟؟؟؟ والله طلع كلو احمد
وحاج احمد ..
بالمناسبه ممكن الصديغ يستلف من صديغو في البورد البوست بتاعو ينزل فيهو صور عشان ما يملا المنبر بوستات ساااااااكت؟؟؟؟؟؟؟؟
اذا اوكي بنزل ليكم صوري حقت المطره هنا ...
| |
|
|
|
|
|
|
Re: الخرطـــــوم.. تغــــــرق.. (Re: ismeil abbas)
|
Quote: Khartoum is Big Village |
والله يا هاني يا أخوي،
نحن بقت علينا: لا طلنا بلح الشام
ولا عنب اليمن..
أريتها كان بقت قرية راسها عديل،
كان الواطة شربت الموية،
وانتهى الموضوع..
لكن هسه غرق.. غرق..
| |
|
|
|
|
|
|
Re: الخرطـــــوم.. تغــــــرق.. (Re: أميرة فاروق عبد العال)
|
عبد الحليم..
Quote: غايتو في هذه الأيام صيام يوم واحد في الرياض وماجاورها يعادل صيام إسبوع أو زيادة في الخرطوم ،
خلاص صوم ليك أربعة يوم بس وكفاك..
يا بختكم بجو العضة والهمبريب (طبعاً مع النظر بعين الغضب لمسؤولي البلديات والمحليات ؟!!) .
|
شكيناهم علي الله..
| |
|
|
|
|
|
|
Re: الخرطـــــوم.. تغــــــرق.. (Re: أميرة فاروق عبد العال)
|
Quote: والغريبه قالوا انا ساكنه في حي درجه اولى ؟؟؟؟
والله طلع كلو احمد
وحاج احمد ..
بالمناسبه ممكن الصديغ يستلف من صديغو في البورد البوست بتاعو
ينزل فيهو صور عشان ما يملا المنبر بوستات ساااااااكت؟؟؟؟؟؟؟؟
اذا اوكي بنزل ليكم صوري حقت المطره هنا ... |
شفتي الدرجة أولي ده يا داليا،
هو ذاتو الغرقت أنا فيه..
حي المطرّف داك مرقت منه في أمانة الله..
وبمناسبة الصور نزلي ياختي نزلي..
الغرق واحد..
بس أهم شئ تكون صور غرقانة..
| |
|
|
|
|
|
|
Re: الخرطـــــوم.. تغــــــرق.. (Re: أميرة فاروق عبد العال)
|
أميرة سلام
طبعاً الجو خرافي ... والبلد غرقانة ... طين × طين ونفس الغرق بتاع السنة الفاتت والقبليها والقبليها والـ ...... إلخ بس عزانا إنو دة رمضان كان غرقنا ولا اتطينا ولا البلد اتملت موية الجو بكون كويس والناس بتصوم تمام.
الغريبة نفس الحتات البتمسك الموية في السنين الفاتت ياها ذاتها الماسكة الموية السنة دي (ممكن أسمعها ليكم وأنا جاي من الثورة للخرطوم) يعني ماعارف المسؤولين ديل كانو شغالين شنو السنين الفاتت دي كلها؟؟!!
| |
|
|
|
|
|
|
Re: الخرطـــــوم.. تغــــــرق.. (Re: أميرة فاروق عبد العال)
|
أميره
رمضانك ماطر وكريم وبارد زي جو اليوم دا الصباح -- ماااا بعد كدا !!
بعد الظهر بتجيكم الشمس وسخانة الواطه بتطلع ! مع الروائح والعطورات !!
الضبان بيشرف بي كثره بعد الثانية ظهراً !
العصرية كلها سخانه جد !
المغرب تكتم كدا لمن تأمنوا زاتو !
المساء هاكم يا قاق قاق - ويا باعوض ويا كتمه وعتمه !
بس ربنا يعظم أجركم ويتقبل صيامكم وصبركم على ناس المحليه والمجلس الريفي !
أنتي كل الساتك في الموية ، سايقه مُركب ؟
هشام
| |
|
|
|
|
|
|
Re: الخرطـــــوم.. تغــــــرق.. (Re: Hisham Ibrahim)
|
Quote: ده كلامك، من هسه انا ماشة أعجن عجين القراصة،
والدمعة الماخمج..
ياخي والله جوعتني.. |
الجوعه هينه يامورة .... المشكله الكبيرة في حتي تانيه .... عندالناس البتركب (الافيال) ((داخل وخارج رمضان )) وخصوصا الجو المستفز جداجدا
وبخصوص الدمعه المسكوبه في القراصه البي لحم الضان
يااااااااا حليل امي الحاجه حليمه
| |
|
|
|
|
|
|
Re: الخرطـــــوم.. تغــــــرق.. (Re: أميرة فاروق عبد العال)
|
اميره الاميره و الله الواحد حقو يجى يعمل عمره عندكم و يتم الشهر معاكم اصلو انا بحب المطر مش لو غرقت الخرطوم لو غرق السودان كله و بعدين دى تكون كويسه عشان الناس تشكها و توزعه تانى و ممكن الواحد تطلع ليه حاجه فى كافورى و الله شارع النيل و احتمال زاتو ما يكون فى شارع نيل لانه البلد كلها بقت نيله (جمع نيل ) مش نيله التانيه
المهم دى نعمه من ربكم اخيرا نسيت اوع تكون الكهرباء قطعت بعد المطر ما وقفت و اذا ما وقفت يارب ما تقيف لانه الكهرباء حاتقطع و بعدين يتقطع راسكم
| |
|
|
|
|
|
|
Re: الخرطـــــوم.. تغــــــرق.. (Re: احمد محمد بشير)
|
Quote: إغلاق جميع مدارس الخرطوم لمدة يومين الخرطوم أعلنت وزارة التربية و التعليم بولاية الخرطوم إغلاق جميع مدارس الولاية لمدة يومين بسبب الأمطار التي غمرت الولاية صباح اليوم على إن تعاود الدراسة يوم الأحد القادم. وأوضح الأستاذ الهادي عبدالعزيز زائد مدير الأعلام بالوزارة /لسونا/ للأمطار إلى إن قرار إغلاق المدارس تم اتخاذه احترازا من حدوث أي حوادث تضر بالتلاميذ وتم إغلاقها حفاظا عليهم نسبة لان الأمطار كانت غزيرة و عمت جميع ارجاء الولاية. و أكد /لسونا/ عدم وجود أي بلاغات بانهيار أي مدرسة بالولاية لا إن المدارس محاطة بالمياه |
SMC
| |
|
|
|
|
|
|
Re: الخرطـــــوم.. تغــــــرق.. (Re: أميرة فاروق عبد العال)
|
Quote: الخرطوم تشهد أمطارا غزيرة فجر اليوم واستنفار واسع لغرف الولاية والمحليات
الخرطوم شهدت ولاية الخرطوم بمحلياتها السبع أمطارا غزيرة فجر اليوم واستمرت لمدة خمس ساعات غمرت الشوارع والميادين مع عدم وجود التصريف الكافي للمياه مما تسبب في تجمع مياه الأمطار في الشوارع الرئيسية معيقة لحركة العربات والسير
والأمطار الغزيرة التي شهدتها الخرطوم اليوم لم تشهدها العاصمة منذ العام 1988 حيث تضررت المنازل والمدارس وراحت جرائها أرواح مما حدا بوزارة التربية والتعليم بإصدار قرار فوري بتعطيل المدارس بالولايات لمدة يومين ، كما استفرت غرف الطوارئ المركزية بولاية الخرطوم وغرف المحليات السبع كوادرها لمواجهة الموقف ومعالجة الآثار وفي هذا الإطار استطلعت (سونا) مسئولي الغرف للوقوف على الأمطار العامة
ففي محلية جبل الأولياء غمرت مياه الأمطار كل الميادين والشوارع والمدارس مما حدا بالمحلية تعطيل الدراسة وتكليف تيم لإجراء تقييم لموقف المدارس خاصة أن المحلية شهدت أمطارا غزيرة في اليوم السابق مما يجعل الضرر كبير بالمباني والمصارف
وقال الأستاذ عماد الدين محمد الخضر نائب معتمد محلية جبل الأولياء في تصريح (لسونا) إن غرفة الطوارئ بالمحلية تحركت فوراً للوقوف على الموقف العام مبيناً أن المياه تجمعت بكميات كبيرة فاقت حجم المصارف مشيرا إلى أن الجهود متواصلة لتصريف المياه كأولوية للغرفة لتي تضم الدفاع المدني والشرطة الشعبية والدفاع الشعبي وإدارة مكافحة الملاريا بالمحلية
وحول مدى تأثر المباني والمدارس بالمحلية قال الأستاذ عماد بان الحصر والمسح ما زال جاري لتحديد الضرر حيث تضررت أعداد من المباني بمناطق (سوبا) والكلاكلات والأزهري مربع (24) بجانب وقوع احد المواطنين بالكلاكلة القبة في بئر تم إنقاذه على الفور. وفي محلية كرري تتواصل الجهود لاحتواء الآثار وتقليل الضرر من جراء الأمطار التي بدأت هطولها منذ الساعة الخامسة والنصف واستمرت لمدة ستة ساعات بصورة مكثفة وغزيرة
وقال د. عمار حامد سليمان معتمد محلية كرري في تصريح (لسونا) إن الغرفة التي تضم كل مديري الإدارات العامة عقدت فور الحدث وترفع تقارير كل ساعتين عن موقف الأمطار ، كما قامت الغرفة بجولات ميدانية تبين من خلالها وجود بركة ضخمة في الجانب الشمالي الغربي من المحلية والناحية الجنوبية مما يتطلب تضاعف الجهود من الغرفة لاحتواء آثار هذه البرك موضحاً أن هناك بلاغات وصلت للغرفة تشير إلى سقوط أسلاك الكهرباء بقرية النوبة شمال أم درمان تمت إعادة تركيبها عبر طوارئ الكهرباء بجانب تضرر عدد من المنازل بالحارة 21 - شارع الوادي والحارة 22 شرق الظلط الفاصل يين أم بدة ومحلية كرري هذا بجانب وجود تجمع كبير للمياه في الحارتين الثانية والثالثة نتيجة لسد المواطنين للمصرف الذي يقع بين الحارتين مما أدى إلى تكدس المياه أمام المنازل بصورة كبيرة بالإضافة إلي تراكم المياه بالناحيتين الجنوبية والشرقية لسوق خليفة وفي الخط الفاصل بين الحارتين 29 و 22 مع تعطيل مصارف الحارة 29و 25 بجاب تراكمات كبيرة في الحارات 18،19،21 والواحة غرب
وأضاف د. عمار أنه تم تحريك آليات الشئون الهندسية وفق خرطة البلاغات لعمل اللازم ، كما تقوم الغرفة بجولة إلى منطقة الفتح والريف الشمالي وأحياء المحلية المختلفة
وفي ذات الموضوع أشار الأستاذ الجعفري معتمد أم بدة أن المشكلة الأساسية للمحلة هي السيول التي تأتي من الناحية الغربية فهي أكبر من طاقة المصارف الموجودة بالمحلية مما يؤدي إلى انجراف المياه إلى داخل الأحياء مؤكداً أن المياه الآن تشكل أضرارا بالغة نسبة لتراكمها وخاصة في المناطق الغربية للمحلية ومنطقة مقابر حمد النيل والراشدين مؤكداً أنه لا توجد خسائر في الأرواح والمنازل. |
SMC
| |
|
|
|
|
|
|
Re: الخرطـــــوم.. تغــــــرق.. (Re: أمين فاروق)
|
بالله دى العاصمه كدا يعنى الاقاليم تكون كيف ودا كلو هين الكلام الباعوض القاعد يعمل لينا فى التسخين فى البرك دى وبالمناسبه أمس انا دفعونى عوائد 150 ألف انا ما عارف على طين ايه لم يتبقى لنا غير ان نرفع ايدى الضراعه فى رمضان المبارك ونسأله سبحانه أن يخلصنا من كل المحليات ويبدلنا خيرا منها انه سميع مجيب الدعاْء
| |
|
|
|
|
|
|
Re: الخرطـــــوم.. تغــــــرق.. (Re: م. سيد احمد قدورة)
|
Quote: بالله دى العاصمه كدا يعنى الاقاليم تكون كيف ودا كلو هين الكلام الباعوض القاعد يعمل لينا فى التسخين فى البرك دى وبالمناسبه أمس انا دفعونى عوائد 150 ألف انا ما عارف على طين ايه
|
استاذ قدروة..
والله باقي لي اللأقاليم أرحم حالا،
على الأقل كمية الزلط والتولتوارات أقل..
الخرطوم فيها (محابس) للمياه وليس (مصارف)..
نحضّر النامويات من هسه غايتو..
| |
|
|
|
|
|
|
Re: الخرطـــــوم.. تغــــــرق.. (Re: م. سيد احمد قدورة)
|
الاخت اميرة .. .. رمضان كريم ..
الخرطوم عايزة اعادة تخطيط والادهي ان التخطيط الجديد لايوجد فيه جديد والمثال لذلك نفق عفراء الذي كان من المفترض مراعاة التصريف الحديث فيه ولكننا شاهدنا النفق يغرق في المياه بل اصبح معيقا للحركة بدل تسهيل المرور؟؟
| |
|
|
|
|
|
|
|