|
|
 الحرب تشتعل في داخلية البركس بين كوادر النظام وطالبات دارفور
|
في أغرب ظاهرة من نوعها بالجامعات السودانية
دخل كوادر المؤتمر الوطني وجهاز الامن الوطني
بزي طالبات منقبات الي داخلية البركس (البنات)
بجامعة الخرطوم
وقامو بالإعتداء علي طالبات دارفور بدون إستثناء
وإثر ذلك تمت إصابة عدد كبير من طالبات المجمع البركس
وسط تهليل وتكبير طالبات المؤتمر الوطني وعلي مسمع
من قوات الشرطة والإحتياطي المركزي التي تجمهرت خارج المجمع
والي الان تدور الاحداث داخل مجمع البنات
كل هذه الاحداث تدور في تمام الساعة الواحدة صباحا
|
|
 
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: د.نجاة محمود)
|
الأخ حاتم شناب
لك التحية و الإحترام
هذا موضوع في غاية الخطورة ....
بنات دارفور مع آلام الغربة في العاصمة .. عانين الأمرين من سوء المعاملة و الطرد من الداخليات ..
الآن يأتي الأوغاد بهذه التصرفات الجبانة و التي لا تسمع بها في غير هذا الوطن الذي حولوه الي جحيم العنصرية و الإستهداف المقصود ...
د. نجاة محمود
Quote:
اتمنى ان تكتب القصة بالتاصيل لماذا حدث ما حث لطالبات دارفور فقط
علما و ايام فترة دراستنا اشرس الكوزات من دارفور... في الاسلامية
ضربت صديقتي من عدد من الكوزات غالبيتهن من دارفور..
|
أولا : حاتم ده .. ليس بمحقق في الأسكتلانديارد ..... القصة التي أوردها بالطبع لم يصادف هواك ... لذلك هي ناقصة ..... مع أن الناقصين هم أولئك الذين إرتدوا أزياء نساء ليمارسوا العنف مع نساء ...
ثانيا: أقبح ما تورديه ينبي قبح ما تختزنيه من عنصرية ضد دارفور كإقليم و شعوب ....
بس أقول ليكي يا دكتورة نجاة ... نحن زاتنا قرفنا من دولة يسيطر عليها نوعكم ده .....
الحاجة الكويسة إنو أغلب الدارفوريين و الدارفوريات بدأوا يؤمنوا حقيقة إنو العيش معاكم مستحيل .....
و بعد 2011 .... أي جلابي و جلابية يقطع وشو .. و وشها مننا ....
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: Mohamed Suleiman)
|
يا محمد سليمان طبعاً أنت ما صدقت تمسع حاجة أسمها حرب إلى وتلفح نعلاتك وتنصب سماعاتك بعيد وتقعد تحمي في النيران
العنف مدان مبدئياً كما قالت الأخت د. نجاة والقصة فعلاً ناقصة
ما ممكن تقول قامت حرب من غير أن توضّح الإسباب وما أدى للحرب والمقاصد, مع تحفّظي على كلمة "حرب" العاجباك دي
يعني لابد من سرد القصّة من بدء نشأتها وإلى أخر تداعيتها
-----
بعيداً عن القضية محور البوست ضحّكتني فعلاً يا أرجوز المنبر
شايفك عملت ليك ديدلاين بنهاية دولة الجلابة بعد 2011 ما ذكرت الشهر يا مضحّكاتي
إنت يعني بداية 2012 مافي تاني جلابة ولا يحزنون؟
بالجد حاتك تدعو للرثاء والتعاطف والدعاء بالشفاء
أوباما جااااااااكم
أوكامبو جاااااااااااكم
أساطيل أمريكية جااااااااتكم
تساقط المدن وتحرير دارفور مدينة مدينة جاااااااااااااكم
النمر النمر المنر جااااااااااااكم
أنت طلعت أي كلام ياجدع
كمال
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: Frankly)
|
شايفك اليومين ديل معنوياتك مرتفعة يا فرانكلي ....
نحن يانا نحن ... مرابضين في كل الظروف ..
المصيبة فيكم .. قولة كوف ... تقوموا جارين لجحوركم ... تختفوا من المنبر ..... تتاوقوا من بعيد لبعيد ....
هي الحرب دي أصلها مدورة .. ما وقفت ... و ما تفتكر الحرب بتقيف لأنك بتجيب بوستات إنت زاتك ما مصدق كلمة فيها ....
و بمناسبة أوكامبو ... أصلو هو جاييكم ...
و بمناسبة أوباما ..... هو حيفهم إنو ... عمرو ضنب الجلابي .. أقصد الكلب .. ما حينعدل ....
بمناسبة السفن .... إنتو فعلا ما بتخجلوا .... ضربوكم بالطيارات شرقا و غربا ... و برضو بتفتشو لسفن؟؟!!!
إنتو ما بتخجلوا ... بتخافوا بس ....
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: Mohamed Suleiman)
|
Quote: أولا : حاتم ده .. ليس بمحقق في الأسكتلانديارد ..... القصة التي أوردها بالطبع لم يصادف هواك ... لذلك هي ناقصة ..... مع أن الناقصين هم أولئك الذين إرتدوا أزياء نساء ليمارسوا العنف مع نساء ...
ثانيا: أقبح ما تورديه ينبي قبح ما تختزنيه من عنصرية ضد دارفور كإقليم و شعوب ....
بس أقول ليكي يا دكتورة نجاة ... نحن زاتنا قرفنا من دولة يسيطر عليها نوعكم ده .....
الحاجة الكويسة إنو أغلب الدارفوريين و الدارفوريات بدأوا يؤمنوا حقيقة إنو العيش معاكم مستحيل .....
و بعد 2011 .... أي جلابي و جلابية يقطع وشو .. و وشها مننا .... |
قرقرقرقر يا محمد سليمان
قلتو ما عايزنناونقطع وشنا؟
متين نحناجيناكم ولا سكيناكم...
يا احلامنا..
ياعمك بلاش حقد اسودياخي
المشاكل السياسية ما بتتحلى بالحقد دا
ماتقولي بنات دارفور مرقوهم من الداخلية عشان من دارفور
علما يقبلن مجانا في الجامعات في القبول الحكومي..
خلي الزول دا يجي يكتب السبب الاخوات نسيبة قلبن عليهن
لانهن الى وقت قريب جدا كنا يقدن اخوات نسيبة
في ضرب الطالبات الجلابيات
قلنا ليك يااللخو العنصرية في السودان فكرية ياكوز يا زعلان..
قبل طردت الترابي كان لكم القدح المعلى في المناصب والفرص
والتعينات في عهد التمكين بعد طرد عيال الجلابة
بالصالح العام..
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: د.نجاة محمود)
|
د. نجاة تحياتي
تعرفي أبو قردة بطل فليم "الجنائية تبحث عن مخرج"
والBonus "عش يوماًفي لاهاي كمتهم" من إخراج شركة السياحة الجنائية
الأتعرض الشهر الفات في سينما الجنائية الفاخر المزوّد بفندق 5 نجوم يسمى مزاحاً بالزنزانة
أها أبو قردة دا بعد ما عمل السياحة الجنائية واتمتّع في بلاد الفرنجة الباردة دي
قال "بعضمة" لسانه إنّه كان كوز وكوز كبير
غاتو كلامك أصلاً ما بيقع الواطة
تحياتي كمال
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: Mohamed Suleiman)
|
اوكد صحة الخبر دخلت جامعة الخرطوم صباح اليوم وقابلت عدد من الطالبات يحكن عن فظايع تمت داخل الداخلية رجال يرتدون العبايات ويختحمون داخليات الطالبات فاين الشرع والعرف من ذلك واين السلام وكشف العورات ياربى الرجال الدخلوا ديل اخوات نسيبة ولا شنو ولا دا سيد اللبن ؟؟؟؟؟؟؟؟؟؟ويا اهل القانون بماذا يعرف المشرع مثل هذه الجرايم وليست اقرب الى جرايم الاغتصاب افيدونننننننننننننننننننننننننننننننننننننا ويا شيوخ المنبر افتونا عن جواز استعمال ملابس النساء والتشبه بهن فى الحروب علما بان ساحة الحرب هى داخلية البركس للطالبات والدخول فى وقت العورة المحظور بعد صلاة العشاء ودون استئذان فهنيئا لكم الجنة يا اخوان نسيبة
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: حسن مضوي)
|
أخي حاتم
شكرا علي ايرادك البوست الذي نتابعه ببالغ اهتمام و نعتصر الالم الذي يداهم اخواتنا في مكان أقل ما يقال فيه انه داخلية فتيات .
د.نجاة
Quote: علما و ايام فترة دراستنا اشرس الكوزات من دارفور... في الاسلامية
ضربت صديقتي من عدد من الكوزات غالبيتهن من دارفور.. |
من الطبيعي ان تجد خدعة الاسلاموعروبيين المغلفة جيدا بآيات و احاديث مقدسة - تجد لها موقعا في قلوب احفاد كساة الكعبة . و لكن هذه الخدعة لم تعش طويلا في العقل الدارفوري الذي و بسببها تحور هذا العقل ليرتدي عباءة العلمانية في نسختها السودانية ( le nouveaux soudanisme . لذلك لا تخافي علي نفسك من لكمة دارفورية أتت دفاعا عن ( هي لله .. هي لله) و لكن من صفعة دارفورية ضد جلابية تركب عرقها لتستأسد .
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: أنور أدم)
|
| Quote: من الطبيعي ان تجد خدعة الاسلاموعروبيين المغلفة جيدا بآيات و احاديث مقدسة - تجد لها موقعا في قلوب احفاد كساة الكعبة . و لكن هذه الخدعة لم تعش طويلا في العقل الدارفوري الذي و بسببها تحور هذا العقل ليرتدي عباءة العلمانية في نسختها السودانية ( le nouveaux soudanisme . لذلك لا تخافي علي نفسك من لكمة دارفورية أتت دفاعا عن ( هي لله .. هي لله) و لكن من صفعة دارفورية ضد جلابية تركب عرقها لتستأسد |
.
برضو مافي حاجة بتبرر العنف ضد او مع..
اليقظة دي جات بعد خربت مكة..واسع بالنسبة لنا فخار يكسر بعضو..
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: د.نجاة محمود)
|
د.نجاة
Quote: برضو مافي حاجة بتبرر العنف ضد او مع..
|
العنف الذي تعرضتي له بأسم (هي لله...هي لله) هو ليس العنف الذي يتعرض له بناتنا بداخلية البركس بأسم العروبية ... العنفان مبعثهما واحد وهو إلغاء الآخر مرفوض بحكم المبدأ و لكن المنطق يقول ان العنف يولد العنف المضاد الذي يجب ان يكون مساويا في القوة و معاكسا في الفكر . و ما حملة مايو علي أمدرمان ببعيد عن الاذهان
| Quote: اليقظة دي جات بعد خربت مكة..واسع بالنسبة لنا فخار يكسر بعضو.. |
فهمك دي جندري .... فاليقظة ليس شيئا (يكسر بالمعني الدارفوري) مرة واحدة يتبعه طلاق ........ قبل يومين احتفلت فرنسا بحرب النورماندي و علي مسمع و مشهد من المانيا .
فالدين و كل ماهو اعتقادي قابل للتغير ،أو كما قال كارل ماركس كله يتغير إلا التغير ...و بلغة اهل الاسلامية : فلسفة الدعوة تقوم علي نقطة التغيير هذه.
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: Deng)
|
Quote: في أغرب ظاهرة من نوعها بالجامعات السودانية
دخل كوادر المؤتمر الوطني وجهاز الامن الوطني
بزي طالبات منقبات الي داخلية البركس (البنات)
بجامعة الخرطوم
وقامو بالإعتداء علي طالبات دارفور |
سلوك عادي و متوقع من الكيزان , سنة 1999 حدث فعل مشابه في داخلية الطالبات النوبيات بحمد النيل
حيث اقتحمت مجموعة من رجال الأمن بيت الطالبات في وقت متأخر جداً من الليل وقاموا بضرب الطالبات
و طردهن و القاء كل ما بداخل الداخلية في الشارع و طرد البنات بملابس النوم , فقام اهالي
الحي باستضافة الطالبات في منازلهم.
المرة دي اترقوا شوية و رسلوا طالبات ما رجال أمن
| |
|
|
|
|
|
|
|
|
 Re: الحرب تشتعل في داخلية البركس بين كوادر النظام وطالبات دارفور (Re: سناء عبد السيد)
|
حاتم شناب يا صديق سلام يغشاك اينما كنت
خبرمؤسف واحداث فى غاية الخطورة ولها تبعاتها
ما عارف الواحد يقول شنو للناس الهنا ... زول جاب خبر عن طالبات جامعة الخرطوم والعنف الإتعرضن ليها وكمان فى الداخلية وجات واحدة اكدت الخبر ... معقول الزول ده نطالبو بالمصدر؟؟؟!!!
يعنى مافى أى خبر ينزل هنا إلا يكون نزل فى جريدة!
مؤسف ما يحدث فى الوطن
مؤسف جداً ان يتعرض بنات فى داخلية جامعية للعنف لمجرد إنهن من إقليم معين
مؤسف جداً هذا الذى يحدث
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: شول اشوانق دينق)
|
كتبت رهف
| Quote: اوكد صحة الخبر دخلت جامعة الخرطوم صباح اليوم وقابلت عدد من الطالبات يحكن عن فظايع تمت داخل الداخلية رجال يرتدون العبايات ويختحمون داخليات الطالبات فاين الشرع والعرف من ذلك واين السلام وكشف العورات ياربى الرجال الدخلوا ديل اخوات نسيبة ولا شنو ولا دا سيد اللبن ؟؟؟؟؟؟؟؟؟؟ويا اهل القانون بماذا يعرف المشرع مثل هذه الجرايم وليست اقرب الى جرايم الاغتصاب افيدونننننننننننننننننننننننننننننننننننننا ويا شيوخ المنبر افتونا عن جواز استعمال ملابس النساء والتشبه بهن فى الحروب علما بان ساحة الحرب هى داخلية البركس للطالبات والدخول فى وقت العورة المحظور بعد صلاة العشاء ودون استئذان فهنيئا لكم الجنة يا اخوان نسيبة |
الكيزان ديل اصلو مابتغيروا، ولا بتعلموا؟
ده شنو ده البحصل ده
| |
|
|
|
|
|
|
|
|
 Re: الحرب تشتعل في داخلية البركس بين كوادر النظام وطالبات دارفور (Re: سناء عبد السيد)
|
يبدو ان هذه الطقمه لن ترعوى ابدا
وصلت بهم السفالة والقذارة مرحلة الاعتداء على حرم الداخلية امس الساعة الواحدة صباحا و الخبر مؤكد جدا فكل طالبات الجامعة روا تفاصيل هذا الاعتداء الغاشم من انصاف الرجال
هؤلاء المشوهون ألم يجدوا فيهم رجل رشيد يحدثهم عن حرمة الداخليات
حقيقة من اين اتى هؤلاء
قطعا لا يوجد رجل سودانى مربى بالحلال يقتحم ويعتدى على طالبات آمنات فى داخليتهن
د نجاة لماذا يجب ان تكون طالبات دارفور هن من بدأن بالاعتداء أؤكد لك إن كل الجامعه لم ترى اى من طالبات دارفور ذهبت الى داخلية الطلاب وتحرشت بإى من هذ المخلوقات المشوهه التى لا يمكن باى حال من الاحوال يمكن وصفها بإنها إنسانيه ولا حتى حيوانية والله حتى الحيوانات لتخجل اذا نسبت اليها هذه المخلوقات المشوهه
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: رغيم عثمان رغيم الحسن)
|
تسلم يا سيد علي إيرادك البوست المهم..
وكامل تضامني مع الزميلات من دارفور..
إقتحام داخلية البركس من قبل جهاز الأمن و المؤتمر الوطني ليس للمرة الأولي..
ففي إحدي إنتخابات الإتحاد في الدورات السابقة و أثناء إقامتي هنالك..في صبيحة يوم التصويت حوالي الساعة الثانية صباحا ذهبنا لتفقد بعد الصديقات و التي كانت إحداهن مريضة..
في الداخلية القريبة من الباب الجديد للداخلية.. و بعد أن إطمئننا علي صحة المريضة كنا عائدين أدراجنا لداخلية أم كلثوم فوجدنا عدد من الرجال يتحركون بسرعة متخفين بالظلام..
وكان أن صرخنا في أوجههم و ظللنا نلاحقهم حتي وصلوا لداخلية تقيم بها عدد كبير من المرابطات وتستروا خلفهم بستار انهم حرس..و تجمع عدد كبير من الطالبات و رفضنا أن ننصرف حتي يخرجوا..و تحركنا خلفهم حتي تأكدنا من ذهابهم.. وفي هذه الأثناء وفي الداخليات الطرفية توزع بيان مدسوس يتحدث عن أحد أكبر التنظيمات السياسية بإنسحابه من تحالف القوي الوطنية ... ولكنهم حظيوا بفشل كبير جدا... و دائما جامعة الخرطوم لهم بالمرصاد..
فأين حرمة و خصوصية الطالبات و انت الذين تدعون بالدين؟! ألم تكتفوا بإقتحام حرمة الجامعات و الجامعة الأم التي تخرج منها كافة من أسسوا السودان؟
كامل التضامن مع طالبات البركس وكامل أسفي أن تكون هذه قدرة تنظيم سياسي حاكم..العنف و العنف ضد الطالبات و هذا انما يدل علي الإفلاس الكامل..
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: اينانا)
|
| Quote: د نجاة لماذا يجب ان تكون طالبات دارفور هن من بدأن بالاعتداء أؤكد لك إن كل الجامعه لم ترى اى من طالبات دارفور ذهبت الى داخلية الطلاب وتحرشت بإى من هذ المخلوقات المشوهه التى لا يمكن باى حال من الاحوال يمكن وصفها بإنها إنسانيه ولا حتى حيوانية والله حتى الحيوانات لتخجل اذا نسبت اليها هذه المخلوقات المشوهه |
خلاص قمنا على اللولوة ولف الكلام
راجع انا كتبت شنو؟
ما ترد على كلام ما اتقال
سمح؟
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: د.نجاة محمود)
|
Quote: خلي الزول دا يجي يكتب السبب الاخوات نسيبة قلبن عليهن
|
د نجاة سلام وتحية
دا الكلام الاتقال صاح
طيب ظاهر الكلام بعنى انو الصعاليك ديل العملوه دا كان رد فعل
صاح ولا انا فهمت غلط؟
لو كان صاح انا احتجيت على كلامك لأنو القامو بيه الصعاليك ديل كان فعل اصلى منهم ما رد فعل
ولانو رد الفعل مفروض يكون بساوى الفعل
انا وضحت ليك انو طالبات دارفور ما قاموا باى فعل بالشكل دا
واذا كان انا فهمت ظاهر كلامك غلط او بطريقه غير الانتى قاصداها
فانا بعتزر عن سؤ الفهم
ومعزره عن التأخر فى الرد بس ظروف الامتحانات ما بتخلينى ادخل كتير
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: اينانا)
|
جبناء و ما بيختشو
طبعا الكيزان اتعودو يلبسو ملابس النسوان لما يمارسو عاداتم السرية العفنة دى
لكن الغريبة انو رجال (بلبس نسوان, او العكس) ومدربين , ما قدرو يقيفو قدام لكمات بنات دارفور الجسورات
التحية لهؤلاء الشجاعات
ونسال الله ان يشفى المصابات
واخزى والعار للمؤتمر الوطنى وزبانيته وعملاؤه فى كل مكان
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: اينانا)
|
خسة وجبن ونذالة وعنصرية لا تشبهة الا هذه الدويلة التي يسيطر عليها اوباش الجلابة.
حتي اولئك الطالبات المصابات باصابات بالغة اخرجونهن من المستشفيات بعد اجراء الاسعافات الاولية فقط.....
منذ ليل امس الاربعاء وحتي هذه اللحظة طالبات دارفور مشردات في العراء في عاصمة دولة الجلابة.
تري كيف يكون حال هذا المنبر لو حدث العكس، ماذا لو قام دارفوريين بالاعتداء علي بنات جلابة وهن آمنات داخل غرفهن في داخليات الخرطوم؟؟!...عندها سنري هنا مليون بوست وتريلون شتيمة....... يجب ان يعرف الدارفوريين بانهم مستهدفون في ذاتهم
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: وليد محمد المبارك)
|
| Quote: اتمنى ان تكتب القصة بالتاصيل لماذا حدث ما حث لطالبات دارفور فقط |
الدكتوره
لأنهم من دارفور هذا يكفي ليستهدفهم مجرمي الحكومه كما أستهدف الألاف من أهل دارفور الذين يريدون أن يحيوا بكرامه في هذا الوطن الكبير الأسمو السودان .
Quote: علما و ايام فترة دراستنا اشرس الكوزات من دارفور... في الاسلامية
ضربت صديقتي من عدد من الكوزات غالبيتهن من دارفور.. |
لنفترض أن ما ذكرته أعلاه صحيح ما علاقه ذلك بما يحدث في البركس منذ الأمس ؟ أم هو أمتصاص لأي غضب سوداني يرفض هذا الأسلوب الجبان .... فمن مارس العنف يستاهل ما يحدث له !!!! .
لا تزر وازره وزر أخري ....
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: حافظ حسن ابراهيم)
|
| Quote: ماذا لو قام دارفوريين بالاعتداء علي بنات جلابة |
العنصري تاج الدين
اللوم هنا يفع على الانقاذ وحدها و التي يؤيدها الكثير من ابناء دارفور
الانقاذ بتستعمل في سلاحا الوحيد الفضل ليها اسي و الي هو اثارة النعرات العنصرية
بين الشعب و انت و امثالك من عنصريين دارفور بتساعدوها في تحقيق ما تريد
و كان دايرين في الوكت الحاضر نكتب مثل كلامك ده كان ممكن نقول ليك انه في بداية
الانقاذ و لحدي وقت قريب كان اغلب اعضاء اتحادات الجامعات و المدارس من ابناء و بنات دارفور
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: سناء عبد السيد)
|
الي الجلابية المستهبلة سناء:
قولي لي، هل قام الاوباش من بطانتك من شندي وحوش بانقا وحجر الطير باستهداف الاطفال والنساء بدارفور وابادتهم بالملايين لانهم كيزان ومؤيدي انقاذ يا هذه...... وهل تم الاعتداء بخسة ونذالة علي هؤلاء البنات الدارفويات في غرفهن بالداخلية ليلا لانهن مؤيدات للانقاذ او كوزات يا من تصفينا بالعنصرية؟ .....هل كل من تقول سحناته من دارفور مؤيد للانقاذ كي يتم اعتقاله وقتله ومحاكمته بعد هجوم العدل والمساواة في مايو 2008 .... ام انها العنصرية القبيحة التي تحاولين اخفاءها؟
ومرة اخري يا ايها المتذاكية: ماذا لو قام دارفوريين بالاعتداء علي بنات جلابة وهن آمنات داخل غرفهن في داخليات الخرطوم؟؟!
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: تاج الدين عبدالله آدم)
|
Quote: العنصري تاج الدين
اللوم هنا يفع على الانقاذ وحدها و التي يؤيدها الكثير من ابناء دارفور |
سناء ازيك .... سؤال والله ما اكثر انت فهمك للعنصرية شنو البتصفي بيها تاج الدين؟.... الانقاذ يؤيدها كثير منالدارفوريين اذا سلماً جدلا قولا فماذا مصير من لم يؤيدها .... هل هومصير ساكنات البركس من الدارفوريات؟ ام مصيره مصير نساء صربا؟ صربا دي يا سناء قرية في جنوب دارفور .... و السؤال الثاني اذا فرض جدلا ان الانقاذ يويدها كثيرا من الدارفوريين فهل هذا يعني سحق من لم يؤيد؟
أختي سناء .... في قرارة نفسي اري انك انسانة فاضلة و حاولي تفصلي بين الامور .... تاج الدين حاول بقدر الامكان ضبط مصطلحاتك فالقضية اكبر من جلابة و دولتهم
دمتم احبتي في موده و لدارفورابناء ورب كبير يحميها
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: حافظ حسن ابراهيم)
|
Quote: الي الجلابية المستهبلة سناء:
قولي لي، هل قام الاوباش من بطانتك من شندي وحوش بانقا وحجر الطير باستهداف الاطفال والنساء بدارفور وابادتهم بالملايين لانهم كيزان ومؤيدي انقاذ يا هذه...... وهل تم الاعتداء بخسة ونذالة علي هؤلاء البنات الدارفويات في غرفهن بالداخلية ليلا لانهن مؤيدات للانقاذ او كوزات يا من تصفينا بالعنصرية؟ .....هل كل من تقول سحناته من دارفور مؤيد للانقاذ كي يتم اعتقاله وقتله ومحاكمته بعد هجوم العدل والمساواة في مايو 2008 .... ام انها العنصرية القبيحة التي تحاولين اخفاءها؟
ومرة اخري يا ايها المتذاكية: ماذا لو قام دارفوريين بالاعتداء علي بنات جلابة وهن آمنات داخل غرفهن في داخليات الخرطوم؟؟! |
الى الغرابي المستهبل تاج الدين , (البادي أظلم)
أفهم الكلام سمح قبل ما تجي تكتب ليك مقالة طول و عرض
كلامي واااااضح ما تلف و تدور كان ما عرفت ترد عليهو , قلت ليك تلوم الانقاذ الحكومة مش تدخل لي
شندي و حجر الطير , و الحكومة فيها كل الملل و الطوائف جلابة و غرابة و غيرم , لكنك مستثني
ناسكم التبع الحكومة و رامي كلو السخط و الكره للجلابة و ده طبعاً , عدم فهم ما بلحقك فيهو
الا بعض زمرتك من العنصريين المعاك هنا في المنبر .
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: سناء عبد السيد)
|
| Quote: ومرة اخري يا ايها المتذاكية: ماذا لو قام دارفوريين بالاعتداء علي بنات جلابة وهن آمنات داخل غرفهن في داخليات الخرطوم؟؟! |
حصل كتيييير
تم اكثر من مرة الاعتداء على داخليات الطالبات النوبيات و داخلية طالبات مدني و داخلية
تانية لطالبات قرية من قرى الجزيرة ما متذكرة اسم القرية و الداخليات المذكورة كانت تتبع لطالبات
الجامعة الاهلية
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: سناء عبد السيد)
|
| Quote: .....هل كل من تقول سحناته من دارفور مؤيد للانقاذ كي يتم اعتقاله وقتله ومحاكمته بعد هجوم العدل والمساواة في مايو 2008 .... ام انها العنصرية القبيحة التي تحاولين اخفاءها؟ |
ده شنو هو الكلام الخارم بارم ده , اسه انا قلت الانقاذ قاعدة تتكتل الدارفوريين المؤيدين للانقاذ؟؟ يعني بتكتل الناس التبابعيين ليها؟؟
الانقاذ قتلت و اعتقلت و عذبت الكثير ممن تقول سحناتهم انهم من دارفور بعد هجوم العدل و المساواة
و هذا جذء من المخططات التي تنتهجها الانقاذ لزرع الكراهية و الحقد بين ابناء الوطن و الانقاذ كانت تعلم
بقدوم خليل و اتباعه و تقاعست عن حماية المواطنين حتى يقتل خليل اكبر قدر من المواطنين ثم يحدث
الكره و البغض بين المواطنين و قد نجحت تماماً في ذلك و عندما يأتي شخص مثلك و يكتب كلمات كالتي كتبتها انت ايضا هذا يعد جذء كبير من نجاح مخططات الانقاذ
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: احمد محمد بشير)
|
| Quote: اوكد صحة الخبر دخلت جامعة الخرطوم صباح اليوم وقابلت عدد من الطالبات يحكن عن فظايع تمت داخل الداخلية رجال يرتدون العبايات ويختحمون داخليات الطالبات فاين الشرع والعرف من ذلك واين السلام وكشف العورات ياربى الرجال الدخلوا ديل اخوات نسيبة ولا شنو ولا دا سيد اللبن ؟؟؟؟؟؟؟؟؟؟ويا اهل القانون بماذا يعرف المشرع مثل هذه الجرايم وليست اقرب الى جرايم الاغتصاب افيدونننننننننننننننننننننننننننننننننننننا ويا شيوخ المنبر افتونا عن جواز استعمال ملابس النساء والتشبه بهن فى الحروب علما بان ساحة الحرب هى داخلية البركس للطالبات والدخول فى وقت العورة المحظور بعد صلاة العشاء ودون استئذان فهنيئا لكم الجنة يا اخوان نسيبة |
الدكتورة نجاة
تحية طيبة
اعلاه لك وهو قول الاخت رهف شاهدة عيان لاحداث الجبهة الاسلامية القبيحه علي طالبات دارفور
الخزي والعار لاؤلئك النسوة المساندات من قبل حكومة فاجرة وظالمه بالخرطوم
انتظر ردك اخت نجاة
وانت حقانية وبتخافي الله
ومنتظره تعرفي عشان تديني او ما تديني
انا اقول قاتل الله الهوس الديني ولعنة الله علي الكيزان نساء ورجال
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: سناء عبد السيد)
|
سلامات
ادين بشدة اي عنف ضد الطلاب او معهم
وااكد ان على ادارة الجامعة و التعليم العالي منع اي نشاط طلابي داخل السكن
وتحديد دار الاتحاد فقط للمارسة النشاطات الطلابية...
هه الفوضى العارمة تخق اجواء للعنف... دا من ناحية الرفض بعامة...
نجي لكلام دارفور لا اتصور ابدا ان الحرب بين الجلابيات وبنات دارفور
الضرب هنا بين طالبات كيزان حردانين وكزات مع النظام
ودفنتنتلي الناس العايزين هنا يقولو ان الجلابيات مذنبات
ودي حروب با الجلابة من بنات دارفور
ماعايزين الحقيقة....
الحقيقة هي انه هناك عنف وفوضى عارمة في مؤسسات السودان التعليمية
وان الصراعات ما عنصرية بل فكرية...
وانا متأكدة
ان الضاربين والمضروبين حيكون فيهم طالبات
من دارفور كما متأكدة ان الاحتياطي المركزي الجلد
البنات 90% منهم من دارفور
ومتأكد انه لا احد يضرب احد في ركن نقاش عشان هو من دارفور..بضربو عشان كوز ولا شيوعي ولا بعثي
علما ان 70% من اخوات نسيبة من دارفور انهن من افظع كوادر الضرب حين كناطالبات
ودي شكلة في ركن نقاش ذي شكلات اركان النقاش العادية
واكرر ندين كل اشكال العنف والقمع البدني واللفظي الممارس في هذا البوست ضد من يكتب رأيه
ونناشد وزارة التعليم العالي لعمل حل لهذا العنف المتنامي..
ويجب عمل مناهج تعلم وتدرب على الحوار الصحي
ونتمنى الشفاء العاجل للمصابات ونتمنى النظر الى هذا الموضوع موضوعية..
واي كوز سابق هنابالله ما يجي ينظر لينا عن الجلابيات.
الا يدردق سبعة مرات في الرملةويغتسل في النهر
حتى يجي يشيل كيبوردو ويتكلم عن الجلابيات..
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: د.نجاة محمود)
|
Quote: اصدر اعلام حركة الاسلاميين الوطنيين بجامعة الخرطوم بيانا اليوم حول احداث داخلية الطالبات اهم مافيه من نقاط
اثر نقاش بين طالبتين من حركة الاسلاميين الوطنيين وحركة تحرير السودان جناح عبد الواحد تطور الامر الي اعتداء من طالبات حركة عبد الواحد والجبهة الديمقراطية والحركة الشعبية علي طالبات حركة الاسلاميين الوطنيين نتج عنه اصابة 17 بعضهن في العناية وواحدة كسرت رجلها وبعد ذلك خرجت طالبات التجمع اعلاه وقمن بحرق مباني الادارة والمكتبة وبعض المحال التجارية بالداخلية وكن يحملن اسلحة بيضاء
وليس من بينهن اي اصابات
لم يكن هنالك ركن نقاش سابقا للاحداث حيث ان الجامعة تعيش اجواء الانتخابات |
ما كتبه عمر صديق
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: مؤيد شريف)
|
Quote: دا كلام ساكت اولا لا دخل بما يحدث في دارفور منذ سنوات طويلة
ما يحدث الان في داخلية الطالبات |
محاولتك بأمتصاص غضب السوداني البسيط الذي يرفض الأعتداء على (حرمه) بالتذكير وبدون مناسبه بأن هناك كوزات دارفوريات ضربن صديقتك محاوله مكشوفه وبائسه لن تنطلي على أحد ...
فنحن نرفض الأعتداء على كل حريم السودان بمن فيهم أنت وبما فيهم نساء القتله من أمثال الرئيس المجرم ومن في شاكلته وتحت أي ظرف من الظروف ...
ومعروف أن دارفور هي أساس الخلاف بين الطالبان بعد أن عبرت فتيات دارفور عن قسوه الأحكام السياسيه التي ألبست ثوب القضاء بأعدام أسري الحرب بعد أن رفض مجرمي النظام أعتبارهم أسرى مع أنهم كذلك .
فكيف لم يتم الأعتداء عليهم لأنهم من دارفور فقط ؟ !!!! وقد رأينا بأم أعيننا كيف أن سحنتك الدارفوريه قد تتسبب في موتك أبان هجوم أمدرمان وبعده وكيف أن الحكومه قبضت وعذبت الألاف فقط لأنهم من دارفور .
لن يستطيع أحد أن يخدع كل الناس كل الوقت يا دكتوره مثلما لن تستطيعي أن نغطي قرص الشمس بسبابتك .
| Quote: فما تجيب كلام ساي .. الجلابةبرضو عايزين يعيشو بكرامة ولكن الحكومة القالت اسلامية احالتهم للصاح العام وعذبيتهم في بيوت الاشباح وشنقت اولادهم في حر مالهم.. |
من حق كل البشر أن يحيو بكرامه أعراضهم ودمائهم وأموالهم مصانه لا يعتدي عليها أحد ... ومع أنني لم أذكر كلمه جلابه قط فهذا أيضا يؤكد أنك تحاولين الأصطياد في الماء العكر في تصنيف مغرض .
Quote: الحكومة دي قوامها ناس دارفور .. لكن الجلابة قادرين يميزوا لانهم ما حاقدين
ان من يؤذيهم هم الكيزان هذا المسى الذي يحمل حمولا ت فكرية... |
هذا كذب صريح .....
الحكومه ليست قوامها ناس دارفور هذا تزييف للحقائق ومحاوله رخيصه منك للعزف على وتر العنصريه البغيض .
بل أن أساس مشكله السودان هي الهيمنه التي تمارس بأسم العرق والدين ولتنظري الى مكونات مجلس الزوراء في أي حقبه من الحقب لتتيقني من فريتك .
هذا الحديث أنت ذاتك ما مقتنعه بيهو لكن نقول شنو في الزول لما تحركوا حاجه غير قناعاتو المستمدها من الحقائق .
عموما الشمال هذا لن يستطيع أحد أن يزايدنا فيه ولا حتي (بغاث الطير)
Quote: الجلابة يقومون بدعم قضية دارفور ويتعاطفون مع اهلها لان النيران التي تحرقهم هي ذات النيران
الجاية من حكومة قوامها مواطنين من دارفور. |
شيئ طبيعي أن يرفض أي انسان شريف قتل الأبرياء وأنتهاك حرماتهم وهؤلاء الشرفاء بالتأكيد موجودين في الشمال والجنوب والشرق والغرب .
أما فريتك بأن الحكومه الحاليه قوامهامن دارفور لن تنطلي على أحد فهيمنه أهل الشمال عليها لا ينكرها أحد أما الدوافع فهو ما يختلف حوله .
وسواء كانت هيمنه الشماليين على حكم السودان بدوافع عنصريه أو بفعل أنهم (فتحوا) بتشديد التاء قبل غيرهم من السودانيين تبقى الحقيقه أن هناك هيمنه وهناك عدم توازن أثني لابد أن ينتهي حتي لا تضيع البلد..
وهذا ما أقرته نيفاشا البقت ليكم دستور ...
Quote: لكن امثالكم بعد ان خرج شيخكم الذي مكنكم صار لديكم مشكلة مع الحكومة التي قامت على اكتافكم
بعداك جيتو بكل عدم خجلة تشتمون الجلابة قاطبة الجلابة الشلتو وظائفهم وعذبتوهم في بيوت الاشباح
دا لو عايزة استخدم لغتك انت اللغة التي تتهم جهة بحالها وما قادرة تأشر باصبعها جبنا وخوفا
مشكلتكم يا ناس دارفور هي الحكومة داك الرئيس قاعد في القصر الجمهوري |
أمرك عجيب تطلقي في الأحكام الأستباقيه بعشوائيه لا تتناسب مع مؤهلك الأكاديمي .
فتاره غرابه حاقدين وتاره جلابه مش عارف أيه ...
يا سيده ركزي شويه ...
لم أشتم أحد ولم أذكر كلاما مما تفضلت بتلفيقه هنا ولا أستخدم مثل تلك اللغه الممعنه في التفريق وكما ذكرت لك أتحداك وأتحدي أي شمالي أخر أن يدعي أن له في الشمال أكثر مما لي وأتحدي أي دارفوري أن يدعي أن له في دارفور أكثر مما لي . فبطلي مزايده على جلابي وغرابي ومش عارف أيه ما بتجيب معاي .
قوانين جمهوريه السودان و أعتقد أن النظام الأساسي لكل الأحزاب السودانيه لا يقر عملا يشكل جريمه لذلك فأن كل من أرنكب عملا يشكل جريمه أنما يرتكبها بصفته الشخصيه وهو وحده فقط من يتحمل تبعاتها .
فأن كان لديك أدله على ما تقولينه فما عليك الا التوجه الى القضاء (أقصد بعد أن يطلق سراحه من الأسر) ... هذا أن لم يلحق بأسري دارفور فعندها هناك رب سينصف كل من ظلم لا محاله
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: مجدى محمد مصطفى)
|
سناء ازيك
| Quote: الى الغرابي المستهبل تاج الدين , (البادي أظلم |
بالله يا سناء غرابي دي بقت اساءة عشنا و شفنا.... تاج الدين ممكن يكون قال ليك جلابية و انا كنت فاكر خلال مداخلاتك ان وصف الجلابة لا ينطبق عليك ... و بعدين يا سناء لفظ جلابة لهو مضمون ثقافي , اجتماعي, اقتصادي ... يعني ناس في يوم من الايام مارست ابشع الجرائم الانسانية في السودان و هي تجارة الرق و عندما انتهي الرق ( وشكراً للثورة الفرنسية) ... اصبح احفاد تجار الرقيق القدامي يمارسون الاستعلاء علي اساس اللون .... ولكن و للامانة كثير جداً من السودانيين من احفاد تجار الرقيق اتجاوزا المسألة دا و العكس بقوا ناس متحررين جدأ و العقبال عندك يا سناء عشان ما تشتمي انسان بناء علي منطقته الجغرافية .... لكن يا سناء بنجي في بوست منفصل عن العنصرية قريب انشاء الله
Quote: اسه انت رايك شنو ؟ هل الجلابة بمفهوم تاج الدين هم المسؤولون عما يحدث ام الانقاذ الحكومة؟؟؟؟؟؟؟؟؟؟؟
|
الجلابة بمفهومي انا هم المسئوليين و الانقاذ فقط بتمثلهم....
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: حافظ حسن ابراهيم)
|
| Quote: الجلابة بمفهومي انا هم المسئوليين و الانقاذ فقط بتمثلهم |
Quote: الأخ حافظ للأسف الشديد شايفاك بتميل لي اسلوب اللولوة و بتدافع عن واحد ما ناكر
عنصريتو
انا ما استعملت كلمة غرابي بقصد الاساءة لكن حبيت استعملا للمدعو تاج الدين كرد مماثل لاستعماله
لكلمة جلابة و الي هو قاصد بيها الشماليين ما تجي انت تلحن الكلام , لمن انا اقول غرابي بقت عنصرة
و لمن هو يقول جلابيية ما عنصرة مش؟؟
امشي اقرى كلامه كويس قبل ما تدافع عنه ,ده حتى ذاكر اسماء مناطق , شندي و وين وين تجي تقول
لي هو قاصد الانقاذ!!!!!!!!!!!!!!!!!!!!!!!!!!!!!!!!! |
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: سناء عبد السيد)
|
| Quote: الحقيقه أن هناك هيمنه وهناك عدم توازن أثني لابد أن ينتهي حتي لا تضيع البلد |
ليه الجنس يدخل في الوظائف ليه ما تكون بالكفاءة والجنس سوداني...
..
العنصرية البغيضة هو ماتمارسونه انتم يا من مكنتكم الانقاذ ودي حقيقة لا يمكن انكارها ابدا
كم عدد المحالين للصالح العام وماهي نسبة ابناء دارفور منهم؟
من هم الذين دخلوا بيوت الاشباح وكم عدد ناس دارفور منهم؟
وكم عدد الذين يعملون في جهاز الامن من انباء دارفور؟
واهم حاجة اخوات نسيبة كم تشل بنات دارفور منهن؟
اهم حاجة كم عد الذين تمت استدعائهم بجرائم حرب في دارفور في المحكمة الدولية
كم من الجلابة وكم من ناس دارفور؟
والى الان في انتظار حقائق عما حدث في البركس
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: سناء عبد السيد)
|
Quote: لكلمة جلابة و الي هو قاصد بيها الشماليين ما تجي انت تلحن الكلام , لمن انا اقول غرابي بقت عنصرة
و لمن هو يقول جلابيية ما عنصرة مش؟؟
امشي اقرى كلامه كويس قبل ما تدافع عنه ,ده حتى ذاكر اسماء مناطق , شندي و وين وين تجي تقول
لي هو قاصد الانقاذ!!!!!!!!!!!!!!!!!!!!!!!!!!!!!!!!!
|
اختي سناء انا هنا ما مسؤول ادافع عن تاج الدين و تاج الدين بعرف يكتب براهو ... ان هنا فقط مسئول ادافع
عن ما أؤمن بها .... ادافع عن افكاري .... ادافع عن ناس بعيشول لانهم ما بملكوا حق ان يموتوا.....
يا استاذه يا فاضلة انا وضحت ليك شنو مفهومي عن الجلابة و حاولي تقريهو تاني ......و بعدين اسلوب اللولوة الجابو هنا شنو يا اختي
يا خي الشتايم دي مفروض ما تطلق في اول ملف .... حاولي توفريها لناس بستاهلوها.... وانا عند قولي ان الانقاذ بتمثل فئة الجلابة يا سناء و حاولي ما تكوني جلابية .... معاك يا سناء العنصرية هو برنامج حياة متكامل و فتشي نفسك يا اختي.
في الختام في طالبات من دارفور اتطردن من الداخلية و ضربن انت رأيك شنو كأمراة بعيد عن كل شئ؟
و فتك بعافية يا ابنة امي
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: سناء عبد السيد)
|
Quote: و الحكومة فيها كل الملل و الطوائف جلابة و غرابة و غيرم , لكنك مستثني
ناسكم التبع الحكومة و رامي كلو السخط و الكره للجلابة و ده طبعاً , عدم فهم ما بلحقك فيهو |
دي كلو ما بحلك وما بنفي انو دولة السودان هي دولة ابارتيدية يسيطر عليها جلابة الشمال النيلي:
| Quote: و الحكومة فيها كل الملل و الطوائف جلابة و غرابة و غيرم |
دا نفس الكلام الكانو بقولوه العنصريين البيض في الجنوب افريقيا دفاعا عن دولتهم العنصرية: انحنا ما برانا معانا سود برضو في حكومتنا.....
ومرة اخري يا متذاكية، هل سمعت بحاجة اسمهاحملات تنظيف العاصمة من الغرابة التي مارسها الحاكم الجلابي غير الانقاذي نميري ام لا؟ ... ذاكرتنا ليست مثقوبة لهذا الحد:
في عهده، وتحديدا في 83 كان يتم مطاردة الغرابة في الخرطوم بالالآف حسب سحناتهم جهارا نهارا وجمعهم وشحنهم في عربات نقل البضائع وترحليهم بالقطار الي غرب السودان......هل كان مبرر نميري في استهداف مواطنيين حسب سحناتهم ومعاقبتهم جماعيا الا هذه العنصرية التي تجمع بينه وبين البشير الانقاذي في عداءهما للغرابة ؟ اوعي تجي تقولي نميري دا كان مستبد وديكتاتوري وكتل ناس عبدالخالق محجوب الي آخر الغلوتية..
ما اشبة الليلة بالبارحة، هل كان الحاكم الجلابي نميري وقتها انقاذيا ام كان ضحاياه كانوا كيزان، خليك من جماعتك جزارين القرن ديل.
وهل الجلابي الاخر (المعارض) الميرغني كوز ام انقاذي عندما يضع يده في يد القاتل البشير ويقول فاليذهب حياة الالاف الدارفوريين الذين ابادهم الي الجحيم، عندما يستميت في رفضه للمحكمة الجنائية؟
ويا تري لماذا لم نري قري محروقة في الشمالية وديار الجلابة عندما حمل الصادق المهدي والميرغني وعبد العزير خالد السلاح في وجه حكومة البشير (اللي فيها كل الملل و الطوائف جلابة و غرابة و غيرم) يا متذاكية.... لو كنت مثلك لانوزيت بعيدا في ركن قصي لان قومك العنصريون لم يتركوا لك شيئا لتستري به سؤة اعمالهم القبيحة.
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: تاج الدين عبدالله آدم)
|
في أغرب ظاهرة من نوعها بالجامعات السودانية
دخل كوادر المؤتمر الوطني وجهاز الامن الوطني
بزي طالبات منقبات الي داخلية البركس (البنات)
بجامعة الخرطوم
أخى المحترم
عزيزي شناب
سلامي وكامل تضامني مع المعزبات في الأرض بنات الغرب الجريح ومشردات المعسكرات والبركس.
دولة المشروع الحضاري يأخواني
مافيها هيئة الأمرء بالمعروف والنهي عن المنكر
هي لله.....هي لله حافيه كده؟؟
لك التقدير
شطة
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: خالد أحمد شطة)
|
دارفورى
جنسية جديدة تريدون فرضها على أهل السودان!!!
الطريق البرى إلى الحجاز إنقطع عليكم بحكم قيام الدول
عودوا إلى فورت لامى وكانو حيث جزوركم
افيقوا من كوابيسكم بأن تصبحوا أصاحب أرضنا
لن تحكموا ولن تحكمونا
وهذا آخر الكلام
لقد عيل صبرنا
أرحموا أنفسكم قبل أن ترحمونا
مموا أبناءكم شطر جامعات إمجامينا ووغيرها
اتركونا نعيش بسلام على أرضنا
_______________________________
جاتكم داهية
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: Hassan Makkawi)
|
Quote: دارفورى
جنسية جديدة تريدون فرضها على أهل السودان!!!
الطريق البرى إلى الحجاز إنقطع عليكم بحكم قيام الدول
عودوا إلى فورت لامى وكانو حيث جزوركم
افيقوا من كوابيسكم بأن تصبحوا أصاحب أرضنا
لن تحكموا ولن تحكمونا
وهذا آخر الكلام
لقد عيل صبرنا
أرحموا أنفسكم قبل أن ترحمونا
مموا أبناءكم شطر جامعات إمجامينا ووغيرها
اتركونا نعيش بسلام على أرضنا
|
اللهم لا نسألك رد القضاء لكن نسألك اللطف فيهو ..... و يا سيد يا فاضل ما في حد جاب سيرة حكم هنا ... ارضكم و حلال عليكم لكن كل الاتقال في بنات اضربن و اطردن من الداخلية .... كدي ورينا رأيك يا عشا البايتات و رينا رأيك بس في موضوع البنات ديل يا سليل العباس
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: حافظ حسن ابراهيم)
|
Quote: دي كلو ما بحلك وما بنفي انو دولة السودان هي دولة ابارتيدية يسيطر عليها جلابة الشمال النيلي:
دا نفس الكلام الكانو بقولوه العنصريين البيض في الجنوب افريقيا دفاعا عن دولتهم العنصرية: انحنا ما برانا معانا سود برضو في حكومتنا..... |
اسه كان ما بلاده منك عايز تقارن جنوب افريقيا بالسودان ؟؟
البيض الفي جنوب افريقيا مستعمريين ما بحق ليهم يحكموا اساساً
لكن في السودان شئت تم ابيت الحكومة لامة شمال و جنوب و شرق و غرب و اكترم من الغرب
و لا تكون يا ربي عايز السودان يحكموا الفور فقط
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: بشير أحمد)
|
Quote: اختي سناء انا هنا ما مسؤول ادافع عن تاج الدين و تاج الدين بعرف يكتب براهو ... ان هنا فقط مسئول ادافع
عن ما أؤمن بها .... ادافع عن افكاري .... ادافع عن ناس بعيشول لانهم ما بملكوا حق ان يموتوا.....
يا استاذه يا فاضلة انا وضحت ليك شنو مفهومي عن الجلابة و حاولي تقريهو تاني ......و بعدين اسلوب اللولوة الجابو هنا شنو يا اختي
يا خي الشتايم دي مفروض ما تطلق في اول ملف .... حاولي توفريها لناس بستاهلوها.... وانا عند قولي ان الانقاذ بتمثل فئة الجلابة يا سناء و حاولي ما تكوني جلابية .... معاك يا سناء العنصرية هو برنامج حياة متكامل و فتشي نفسك يا اختي.
في الختام في طالبات من دارفور اتطردن من الداخلية و ضربن انت رأيك شنو كأمراة بعيد عن كل شئ؟
و فتك بعافية يا ابنة امي
|
حافط اخوي انت دافعت عن تاج الدين من غير ما تحس
و انا ما سئلتك عن ماذا تعني كلمة جلابة لك
انا قلت ليك تاج الدين يقصد بالجلابة الشماليين و هو ما ناكر الكلام ده , سؤالي ليك
رأيك شنو في اتهام تاج الدين لكل الشماليين دون استثناء بأنهم السبب فيما يحدث في دارفور؟؟
مش اتهام كل الشماليين الابرياء و نسب كل جرائم الانقاذ لهم مش جريمة برضو ؟؟
طبعا بدين الاعتداء التم على الطالبات الدارفوريات و ده سلوك ما بصدر من بنات و اولاد ناس
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: د.نجاة محمود)
|
منقول من منبر السودان
رابطة طلاب دارفور .
الله الحقيقة الوطن الانسانية
اتحاد طلاب جامعة الخرطوم
رابطة طلاب دارفور
بيان رقم( 100)
الي جماهير الشعب السوداني
نخاطبكم اليوم والجامعة تستعد لدخول الامتحانات النهائية للعام الدراسى الحالي ورغم التحديات والضغوط التي يواجهها طلاب دارفور من استهداف ومضايقات وتهديدات رغم تلك التحديات يصرون ويعقدون العزم علي تكملة مشوارهم التعليمي الا أن بعض الجهات تعمل بشده علي خلق حالة عدم استقرار لطلاب وطالبات دارفورحتي لايتمكنوا من الجلوس للامتحانات في وضع اكاديمى مستقر ومعافي فتوقيت افتعال الصراع مع طلاب وطالبات دارفور يؤكد ما قلناه تنفيذا لهذا المخطط اللا اخلاقي وكما تعلمون فان اقليمنيا الحبيب (دارفور)يعاني منذ ست سنوات من ويلات الحرب والقهر والظلم والقتل والتشريد والاغتصاب وغيرها من الانتهاكات لحقوق الانسان ورغم هذه التحديات تمسك طلاب دارفور بمواصلة مشوارهم التعليمي الا ان نظام الجبروت (نظام المؤتمر الوطني واجهزته الامنية) ابت انفسهم الا ان يلحقو الاذى بطلابنا
السادة جماهير الشعب السوداني
في عشية الاربعاء 10 يونيو2009في تمام الساعة العاشرة ليلآ قامت مجموعة من طالبات المؤتمر الوطني بالاعتداء علي طالبات دارفور في داخلية البركس محملات بالسيخ والسكاكين مما ادي الي جرح عدد 32 طالبة تم نقلهن الي مستشفي الحوادث وفي تمام الساعة الواحدة صباحآ اتي حوالي 300من طلاب الؤتمر الوطني مرتديين ملابس نسائية (عبايات –النقاب) وقامو بالضرب والتحرش بطالباتنا منتهكين في ذلك كل القوانين والاعراف وحتي القيم السودانية . وبعد ذلك قاموا بطرد الطالبات من داخل حرم الداخلية الي الشارع حتي اضطر الطالبات الي المبيت امام الداخلية مما ادي الي زيادة عدد الجرحى وسرقت ممتلكاتهن وفي صباح الخميس الساعة 10صباحآ تم الاعتداء علي طالباتنا مجددا مما زاد الجرحي وقام جهاز الامن باختطاف عربه اسعاف الجرحي وبها 19 طالبة و3طالب بالاضافة الي الاعتقالات العشوائية لطلاب دارفور بلغ عددهم 11 طالب وطالبة وهناك عدد 16 طالب في عداد المفقودين حتي الان والجدير بالذكر ان هناك عدد 4 طالبة من الجرحي في حالات خطره.
السادة جماهير الشعب السوداني
نحن في رابطة طلاب دارفور نطالب ونؤكد الاتي :- .
1\نرفض كل اشكال العنف و العنف المضاد
2\نطالب ادارة الجامعة بالقيام بمسؤليتها تجاه حماية الطلاب
3\نطالب الجهات ذات الاختصاص بالتحقيق الفوري حول ملابسات الحدث
4\ نحمل ادارة المجمع والحرس اي عملية اصابة وقعت علي طالباتنا وطالبات الجامعة
5\نطالب منظمات حقوق الانسان والامم المتحدة بالتدخل والتحقيق في حالات الضرب والتعذيب والتحرش
6\نؤكد ان الرابطة لن تقف مكتوفة الايدى في الاحداث
عاجل الشفاء لكل الطالبات المصابات
اعلام الرابطة يونيو2009
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: خالد أحمد شطة)
|
بغض النظر عن الخلافات السياسية في الجامعات بين المؤتمر الوطني ومناوئيـه :
| Quote: وفي تمام الساعة الواحدة صباحآ اتي حوالي 300من طلاب الؤتمر الوطني مرتديين ملابس نسائية (عبايات –النقاب) وقامو بالضرب والتحرش بطالباتنا منتهكين في ذلك كل القوانين والاعراف وحتي القيم السودانية |
| Quote: . وبعد ذلك قاموا بطرد الطالبات من داخل حرم الداخلية الي الشارع حتي اضطر الطالبات الي المبيت امام الداخلية مما ادي الي زيادة عدد الجرحى وسرقت ممتلكاتهن |
تخفي الرجال في ملابس النساء والدخول والاعتداء على النساء بالضرب في أماكن السكن وكشف العورة أمر جديد كلياً في (الشريعة الاسلامية) ويحتاج إلى فتاوي جديدة كلياً,
من هذا المنبر أطالب مستشار رئيس الجمهورية للتأصيل والمجامع الفقهية وهيئات العلماء اصحاب الفتاوى بإيجاد تفسير وتوصيف وأحكام لهذا الفعــل ,
ماذا لو حصـل هذا التصـرف أيام محاكم الطوارئ والعدالة الناجزة من الطلاب (الشيوعيين) ؟؟؟؟؟؟؟؟؟
أحمد الشايقي
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: أحمد الشايقي)
|
خالص التحايا
العزيز شناب..
اضف لما اردت ان إيصاله انت هنا ومجموعة السادة المتداخلين ؛هو المحاربة من قبل الرقابة لكل خبر عن الموضوع او عن طلاب دارفور بشكل عام ...!!!!
من المفترض ان ينزل بعدد الجمعة بتاريخ 12-06-2009
Quote: إخلاء داخلية طالبات جامعة الخرطوم بعد احداث عنف(نزعته الرقابة الامنية)
اخلت ادارة الصندوق القومي لدعم الطلاب امس داخلية البركس بجامعة الخرطوم والتي تاوي قرابة الاربعة الف طالبة وذلك في اعقاب وقوع احداث عنف بين طالبات يتبعن للمؤتمر الوطني وطالبات دارفور.
وادت اعمال العنف الي احراق مقر الصندوق بالداخلية (الاستقبال والحسابات والارشيف) واصابة عشرات الطالبات اللائي تم اسعافهن الي المستشفى وشاركت ثلاث عربات تابعة للدفاع المدني في اطفاء الحريق وطوقت قوة من الامن والشرطة موقع الداخلية وقامت ادارة الصندوق باخلاء الداخلية من الطالبات وبدات الشرطة في اجراء التحقيقات
اخلت ادارة الصندوق القومي لدعم الطلاب امس داخلية البركس بجامعة الخرطوم والتي تاوي قرابة الاربعة الف طالبة وذلك في اعقاب وقوع احداث عنف بين طالبات يتبعن للمؤتمر الوطني وطالبات دارفور. وادت اعمال العنف الي احراق مقر الصندوق بالداخلية (الاستقبال والحسابات والارشيف) واصابة عشرات الطالبات اللائي تم اسعافهن الي المستشفى وشاركت ثلاث عربات تابعة للدفاع المدني في اطفاء الحريق وطوقت قوة من الامن والشرطة موقع الداخلية وقامت ادارة الصندوق باخلاء الداخلية من الطالبات وبدات الشرطة في اجراء التحقيقات |
+
من المفترض ان ينزل بعدد السبت بتاريخ 13-06-2009
Quote: ..
مؤتمر صحفي لرابطة طلاب دارفور بجامعة الخرطوم – حول الاحداث الاخيرة (نزعته الرقابة الامنية)
اقامت رابطة طلاب دارفور بجامعة الخرطوم مؤتمراً صحفياً بالمركز العام لجيش وتحرير السودان تحدثت فيه حول الاحداث والاعتداءات الاخيرة على طالبات دارفور وجامعة الخرطوم وملحقاته بمجمع الوسط (البركس) حضرة لفيف من ممثلي الصحف والشخصيات البارزة ورؤساء الاتحادات الطلابية السابقة (التعايشي – ولاء)؛ وعدد مقدر من الطلاب والحضور من المنظمات الحقوقية والمهتمين بالشأن العام. حيث اوضحت الرابطة بشكل مفصل كل ماتم ومايتم حول أحداث العنف التي شهدتها جامعة الخرطوم، والتي وصفتهابالنشاز في كل ما هو متعارف عليه من اخلاق وقيم . كما تحدث عدد من روابط طلاب دارفور لمختلف الجامعات (الاهلية - ودادي النيل - الاحفاد - جوبا - امدرمان الاسلامية - شرق النيل ..الخ) مؤكدين وقفتهم كابناء وطلاب دارفور يداً واحدة حيال مايحدث لهم بشكل خاص .
ومن جهة أخرى انتقدت الرابطة أحداث العنف المتكررة في الجامعات السودانية؛ واكدت بانهم ليس طلاب عنف ولكن حق الرد مكفول لهم جراء الانحياز الواضح من الادارات الجامعية والاجهزة العدلية. وحملت الرابطة إدارة الجامعة مسئولية العنف ونتائجه. ودعت كل قطاعات الطلاب بتنظيماتهم المختلفة إلى وقفة جادة لإعادة الجامعات إلى ساحات للحوار وتبادل الأفكار والآراء لا مكان لاستعراض القوة وقتل الطلاب وتشريدهم. جاء ذلك في بيان أصدرته رابطة طلاب دارفور. |
نص البيـــــان:
Quote:
الله الحقيقة الوطن الإنسانية
اتحاد طلاب جامعة الخرطوم
رابطة طلاب دارفور
بيان رقم (100)
إلى جماهير الشعب السوداني
نخاطبكم اليوم والجامعة تستعد لدخول الامتحانات النهائية للعام الدراسي الحالي ورغم التحديات والضغوط التي يواجهها طلاب دارفور من استهداف ومضايقات وتهديدات رغم تلك التحديات يصرون ويعقدون العزم على تكملة مشوارهم التعليمي ؛إلا أن بعض الجهات تعمل بشدة على خلق حالة عدم استقرار لطلاب وطالبات دارفور حتى لا يتمكنوا من الجلوس للامتحانات في وضع أكاديمي مستقر ومعافى ، فتوقيت افتعال الصراع مع طلاب وطالبات دارفور يؤكد ما قلناه تنفيذاً لهذا المخطط اللا أخلاقي . وكما تعلمون فان إقليمنا الحبيب (دارفور) يعاني منذ ست سنوات من ويلات الحرب والقهر والظلم والقتل والتشريد والاغتصاب وغيرها من الانتهاكات لحقوق الإنسان ورغم هذه التحديات تمسك طلاب دارفور بمواصلة مشوارهم التعليمي ، إلا أن نظام الجبروت (نظام المؤتمر الوطني وأجهزته الأمنية) أبت نفسهم إلا أن يلحقوا الأذى بطلابنا.
السادة جماهير الشعب السوداني
في عشية الأربعاء 10 يونيو 2009م في تمام الساعة العاشرة ليلاً قامت مجموعة من طالبات المؤتمر الوطني بالاعتداء على طالبات دارفور في داخلية البركس محملات بالسيخ والسكاكين مما أدى إلى جرح عدد 32 طالبة تم نقلهن إلى مستشفى الحوادث في تمام الساعة الواحدة صباحاً ؛ فقد آتى حوالي 300 من طلاب المؤتمر الوطني مرتديين ملابس نسائية (عبايات- النقاب) وقاموا بالضرب والتحرش بطالباتنا منتهكين في ذلك كل القوانين والأعراف حتى القيم السودانية.وبعد ذلك قاموا بطرد الطالبات من داخل حرم الداخلية إلي الشارع حتى اضطر الطالبات إلى المبيت أمام الداخلية مما أدى إلى زيادة عدد الجرحى وسُرقت ممتلكاتهن ، وفي صباح الخميس الساعة 10 صباحاً تم الاعتداء على طالباتنا مجدداً مما زاد الجرحى وقام جهاز الأمن باختطاف عربة إسعاف الجرحى وبها 19 طالبة و3 طلاب بالإضافة إلى الاعتقالات العشوائية لطلاب دارفور إلى أن بلغ عددهم 11 طالب وطالبة ؛ وهناك عدد 16 طالب في عداد المفقودين حتى الآن ، والجدير بالذكر أن هنالك عدد 4 طالبات من الجرحى في حالات خطيرة.
السادة جماهير الشعب السوداني
نحن في رابطة طلاب دارفور نطالب ونؤكد على الآتي:-
1- نرفض كل أشكال العنف والعنف المضاد.
2- نُطالب إدارة الجامعة بالقيام بمسؤوليتها تجاه حماية الطلاب.
3- نُطالب الجهات ذات الاختصاص بالتحقيق الفوري حول ملابسات الحدث.
4- نُحمل إدارة والمجمع والحرس إي عملية وقعت على طالباتنا وطالبات الجامعة.
5- نُطالب منظمات حقوق الإنسان والأمم المتحدة بالتدخل والتحقيق في حالات الضرب والتعذيب والتحرش.
6- نُؤكد أن الرابطة لن تقف مكتوفة الأيدي في الأحداث.
عاجل الشفاء لكل الطالبات المصابات...
إعلام الرابطة يونيو 2009.
|
* بروق شوية بجي بذهب معاك في البوست ده لتوضيح كثيرما يجب توضيحه...
التحايا النواضر..
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: Elbagir Osman)
|
Quote: السادة جماهير الشعب السوداني
في عشية الأربعاء 10 يونيو 2009م في تمام الساعة العاشرة ليلاً قامت مجموعة من طالبات المؤتمر الوطني بالاعتداء على طالبات دارفور في داخلية البركس محملات بالسيخ والسكاكين مما أدى إلى جرح عدد 32 طالبة تم نقلهن إلى مستشفى الحوادث في تمام الساعة الواحدة صباحاً ؛ فقد آتى حوالي 300 من طلاب المؤتمر الوطني مرتديين ملابس نسائية (عبايات- النقاب) وقاموا بالضرب والتحرش بطالباتنا منتهكين في ذلك كل القوانين والأعراف حتى القيم السودانية.وبعد ذلك قاموا بطرد الطالبات من داخل حرم الداخلية إلي الشارع حتى اضطر الطالبات إلى المبيت أمام الداخلية مما أدى إلى زيادة عدد الجرحى وسُرقت ممتلكاتهن ، وفي صباح الخميس الساعة 10 صباحاً تم الاعتداء على طالباتنا مجدداً مما زاد الجرحى وقام جهاز الأمن باختطاف عربة إسعاف الجرحى وبها 19 طالبة و3 طلاب بالإضافة إلى الاعتقالات العشوائية لطلاب دارفور إلى أن بلغ عددهم 11 طالب وطالبة ؛ وهناك عدد 16 طالب في عداد المفقودين حتى الآن ، والجدير بالذكر أن هنالك عدد 4 طالبات من الجرحى في حالات خطيرة. |
تفكيك البيان دا
اولا بنات المؤتمر الوطني ساكت كدا ما لقو حاجة يعملوها قالو تعالو ندق بنات دارفور ديل
مشو شايلن سكاكين وسيخ دقو بنات دارفور جرحو منهم32طالبة
بعداك جو300 كوز لابسين عباية طردو بنات دارفوور من الداخلية مشو باتو برة الداخلية قام زاد عدد الجرحي وسرقو ممتلكاتهم.. الممتلكات دي شالوها معاهم ولما نامو جوا سرقوها؟
ولا الكيزان بعد طردو بنات دافور سرقو ممتلكاتهم..
عربة اسعاف فيها 19 بت و3 اولاد (الاولاد ديل جو من وين)
اسعاف بشيل 21 زول دا الا ناس القوات المسلحة جابو مجروس اخلاء الجرحي,,
بعدين عداد المفقودين دي شنو؟
هل كانت هناك معركة حقيقية لم يجدو الجثث؟
البيان بيان فيه مشكلة كتابة وارقام وطبعا الى الان لم نجد مصدر محايد يحكي ما حدث...
ناس دارفور عندهم بالجد مشكلة كتابة بيانات يجب ان يعالجوها...
نتمنى لكل الجرحى الشفاءالعاجل ونتمنى ان يحقق في هذا الحدث المؤسف بواسطة لجنة من التعليم العالي
وفصل كل متسبب او مشارك
عن الدراسة ...
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: د.نجاة محمود)
|
Quote: تفكيك البيان دا
اولا بنات المؤتمر الوطني ساكت كدا ما لقو حاجة يعملوها قالو تعالو ندق بنات دارفور ديل
مشو شايلن سكاكين وسيخ دقو بنات دارفور جرحو منهم32طالبة
بعداك جو300 كوز لابسين عباية طردو بنات دارفوور من الداخلية مشو باتو برة الداخلية قام زاد عدد الجرحي وسرقو ممتلكاتهم.. الممتلكات دي شالوها معاهم ولما نامو جوا سرقوها؟
ولا الكيزان بعد طردو بنات دافور سرقو ممتلكاتهم..
عربة اسعاف فيها 19 بت و3 اولاد (الاولاد ديل جو من وين)
اسعاف بشيل 21 زول دا الا ناس القوات المسلحة جابو مجروس اخلاء الجرحي,,
بعدين عداد المفقودين دي شنو؟
هل كانت هناك معركة حقيقية لم يجدو الجثث؟
البيان بيان فيه مشكلة كتابة وارقام وطبعا الى الان لم نجد مصدر محايد يحكي ما حدث...
ناس دارفور عندهم بالجد مشكلة كتابة بيانات يجب ان يعالجوها...
نتمنى لكل الجرحى الشفاءالعاجل ونتمنى ان يحقق في هذا الحدث المؤسف بواسطة لجنة من التعليم العالي
وفصل كل متسبب او مشارك
عن الدراسة ... |
على عُجالة يادكتورة، هو فعلا زي ماقلتى بنات المؤتمر الوطني ساكت كدا ما لقو حاجة يعملوها قالو تعالو ندق بنات دارفور ديل ) لانو السبب القامت فيهو المشكلة فعلا بقول زي ماذكرتي زول عايز ليهو مشكلة مع زول تفتكري حيعمل ليهو شنو حتى لو قال ليهو ياحليلك؟!؟!
حتى موضوع عربية الاسعاف وكل ماذكرتيه ، ما اعتقد انها محتاجة لشرح انو جهاز الامن يختطف ليهو عربية طلبة
اما الجابهم شنو ؟ ده سؤال بالجد يحير..
ماختيتي انهم اهلهم اصحابهم ، ناس الرابطة اي ماكان ليه علاقة بهؤلاء الطالبات جاي يطمن عليهن؟!؟!؟
دكتورة انتى عايزة تجادلي عشان تجادلي فقط؟
ما انا لو كنت بشوف انو طلاب وطالبات دارفور غلطانين في شى كان ذكرتو ..
عمومنا بقدر ما مزحوم ، بقدر ما مستعجل لانو اي ملف بخصوص القضية دي مابنزل في الجرايد يبقى سودانينز اون لاين ملحوقة عشان الزول يكمل كل الاشياء ويجي بى رواقة يرد على كل استفهاماتك دي، في حين اني بعتقد ما مفروض يكون الرد عليك مباشر ، الموضوع ما موضوع اثبت ليك واثبت لي ، بقدر ماهي قضية اخلاقية ما مكن تجرم الضارب والمضروب وتضعهم في سلة واحدة...
التحايا النواضر..
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: د.نجاة محمود)
|
لا لعنف الدولة المنظم المقنن ضد الطلاب العزل
لا يمكن أن يمر هذا الحادث مرور الكرام وأن يتم تصنيفه عنف وشغب طلابي طلابي
الموتمر اللا وطني وضمن أجندته المعلنة يمارس العنف ويرتكب أبشع أنواع الجرائم ضد الطلاب ويمول هذه الجرائم من المال العام من أجور لهؤلاء المرتزقة العاطلين المتسكعين بالجامعات وسيارات نقلهم ووقودها وأكلهم وشربهم وأسلحتهم ، شرطة الموتمر اللا وطني وأمنه وقضائه صامتون لا يسمعون ولا يرون .... محاكمة قتلة الشهيد ابو العاص ليست بعيدة ...
محتاجون معجزة لمنع وقف هذه الجرائم ...وإلي وقت حدوث هذه المعجزة على المواطنين (حبس) ومنع أبنائهم وبناتهم في بيوتهم دراء للفتنة وعصمة للنفس والروح العزيزة من سطوة وتسلط وقهر وظلم هذا الحزب اللا وطني ...
الشفيع إبراهيم
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: Alshafea Ibrahim)
|
Quote: على عُجالة يادكتورة، هو فعلا زي ماقلتى بنات المؤتمر الوطني ساكت كدا ما لقو حاجة يعملوها قالو تعالو ندق بنات دارفور ديل ) لانو السبب القامت فيهو المشكلة فعلا بقول زي ماذكرتي زول عايز ليهو مشكلة مع زول تفتكري حيعمل ليهو شنو حتى لو قال ليهو ياحليلك؟!؟!
حتى موضوع عربية الاسعاف وكل ماذكرتيه ، ما اعتقد انها محتاجة لشرح انو جهاز الامن يختطف ليهو عربية طلبة
اما الجابهم شنو ؟ ده سؤال بالجد يحير..
ماختيتي انهم اهلهم اصحابهم ، ناس الرابطة اي ماكان ليه علاقة بهؤلاء الطالبات جاي يطمن عليهن؟!؟!؟
دكتورة انتى عايزة تجادلي عشان تجادلي فقط؟
ما انا لو كنت بشوف انو طلاب وطالبات دارفور غلطانين في شى كان ذكرتو ..
عمومنا بقدر ما مزحوم ، بقدر ما مستعجل لانو اي ملف بخصوص القضية دي مابنزل في الجرايد يبقى سودانينز اون لاين ملحوقة عشان الزول يكمل كل الاشياء ويجي بى رواقة يرد على كل استفهاماتك دي، في حين اني بعتقد ما مفروض يكون الرد عليك مباشر ، الموضوع ما موضوع اثبت ليك واثبت لي ، بقدر ماهي قضية اخلاقية ما مكن تجرم الضارب والمضروب وتضعهم في سلة واحدة... |
ما عايزة اغالطعايزة الحقائق وعازة الناس تكتب بيانات مظبوطة
وعايزة الناس تكتب بمسؤولة يحددو المشكلة وليه حصلت..
المسألة الاخلاقية انك ما تتهم عموم الجلابة بارتكاب كل المعاصي في الدنيا..
الموضوع دا اسع ما موضوع عنصري..
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: د.نجاة محمود)
|
OK
دكتورة ، يبقى انا معاك انو الناس تكتب باخلاقية دي ما اختلفنا عليها، ولكن قول هم ما بكتبوا باخلاقية نقعد نلوك الحقائق..
ما انا عارف انو البلد دي فيها ياما اعلام لكن ياما تحت السواهي دواهي ماتقدر تقول فيهم بغم والناس تطلععكم انت حاقد وماتعرف شنو..
حتى حكاية عنصري دي برضو ما بتخلينا نلوك الحقائق
نفصل المشكلة وكل واحدة بتمشى براها ، ما انا عارف وانتى كذلك انو في عنصريين من الشماليين او الغرب وغيرهم من بقاع السودان، لكن ده بمنع بانو اقيف مع ناس دارفور او الشمالين في الحق ؟؟
المهم، والاهم هو حاليا فيما يتعلق بالتحرشات والحقارة بطلاب وطالبات دارفور وانو الحل شنو والناس ممكن تعمل شنو ..
ولمن اجي زي ماقلت عشان احاول اذهب في الموضوع ده ..قيلي بعافية..
التحايا النواضر..
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: د.نجاة محمود)
|
Quote:
طالبات البركس
بيان مهم
لا إرهابنا ولا تشريدنا ولا ضربنا ولا حتى قتلنا يثنينا عن مواصلة النضال
طالبات وطلاب جامعة الخرطوم
هذا هو ما يحدث كل عام .. فهو قديم متجدد .. يطفو على السطح في فترة الإمتحانات .. والسؤال المطروح : لماذا ؟؟؟؟
ما حدث العام الماضي ليس ببعيد عنكم
والان.. إنكشفت عورة المؤتمر اللا وطني وحركة الطلاب اللا إسلاميين اللا وطنيين بإستهدافهم الواضح العنصري لطالبات وطلاب دارفور
طالبات وطلاب جامعة الخرطوم:
ما حدث بداخلة البركس لا يتخيله العقل .. فهو منافي لكل القيم والأعراف والتقاليد السودانية .. ففي يوم الأربعاء الموافق : 10/6/2009 قامت طالبات المؤتمر اللا وطني بالتهجم على البركس بالسيخ والطيقان والالات الحاده في صمت رهيب من الحرس وإدارة المجمع
ومن ثم خرجت الطالبات إلى الشارع وتم إرجاعهن إلى الداخلية بعد تعهد من مدير المجمع بضمان الحمايه
في تمام الواحده والنصف صباحا" وبعد أن هدأ روع الطالبات تم إقتحام الداخلية (على ثلاث دفعات )..
- كوزات الجامعة والجامعات الأخرى
.. أخوات نسيبة ..
وكانت المفاجأه : الدفعة التالتة : أخوان نسيبة ( الأبدعو) فقد تحول مسجد جامعة الخرطوم "العتيق " إلى مكان لإرتداء الأزياء النسائيه " عبايات ونقاب " ..ومن ثم إقتحمو الداخلية مرة أخرى كعون ومدد لأخوات نسيبه
وقد تم التعرف على بعضهم ومنهم طلاب كيزان من جامعة الخرطوم
وقد كانت ضحايا هذا العنف المنظم عدد كبير فقد تمت إصابة وجرح الكثيرات منها إصابات خطره .. وفقد في الأموال والممتلكات ولا يزال بعضهن في عداد المفقودات .. كما تم إعتقالهن في سابقة الأولى من نوعها وتعرضن للتحرش والعنف اللفظي والبدني
نحمل ما حدث وما يتبع من أحداث لمدير المجمع والحرس بالداخلية ومدير الجامعة والحرس الجامعي وإدارة الصندوق وعليه نطالب بالاتي : التحقيق الفوري في الاحداث الاجرامية المؤسفة . ارجاع الطالبات الي المجمع باسرع مايمكن ولاسيما ان الامتحانات في مقبل الايام.
_ونؤكد الاتي :
_لن نتنازل عن داخلية البركس وان كان الثمن المهج والارواح
ان ماحدث لن يزيد طالبات البركس الاعزيمة واصرار.
في ظل الوضع الراهن نعم للعنف و العنف المضاد ولا وجود للامتحانات في هذا الوضع المزري المأساوي. كل الاليات لدينا مفتوحة تماما.
.ظلت وتظل طالبات البركس قادرات على انتزاع حقوقهن وحاسمات في كل القضايا المصيرية
عاجل الشفاء للجرحى والمصابات .
ودمتم ,,,, ,
طالبات داخلية البركس.
14/6/2009
جامعة الخرطوم |
ـــــــــــــــــــــــــــــــــــــــــــــــــــــــــــــــــــــ
في يوم 14/6 تواصلت ايضا احداث العنف من داخل شارع المين بمجمع الوسط
وذلك بإعتداء طلاب المؤتمر الوطني علي منبر القوي السياسية واعتقالهم
للطالب نصرالدين من كلية العلوم واخرون
الواضح ان المؤتمر الوطني يسعي لتاجيل الامتحانات من خلال هذه الوقائع
ـــــــــــــــــــــــــــــــــــــــــــــــــــــــــــــــــــــ
سوف اعود للرد علي كل المداخلات في اقرب فرصة
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: Abdel Aati)
|
انت عارف يا بشير نوعك دا لو سمع ليهو صوت رصاص علي بعد مسافة بجري بدخل تحت اقرب سرير.... لكن بعد كلو نرجع
نذكرك انو السلاح الدخلو بيهو ناس العدل والمساواة الخرطوم كان كفيل بمسحك ومسح الخرطوم ومساواتها بالتراب
علي غرار ما فعله البشير وزمرته بقري دارفور، وهذا هو الفرق بين الجبان الذي يستاسد بالنساء والاطفال والطالبات في الداخليات كما فعل بطانتك من اشباه الرجال وبين من يقاتلون من اجل حقوقهم......
لو الناس اخدت الحكاية مسح في مسح ممكن في زول تاني يقطع الحدود للحبشة بلا عودة لكن من حسن حظك انو في ناس لسع بتؤمن بالتعايش مع نوعك دا في بلد واحد
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: تاج الدين عبدالله آدم)
|
| Quote: : اوكد صحة الخبر دخلت جامعة الخرطوم صباح اليوم وقابلت عدد من الطالبات يحكن عن فظايع تمت داخل الداخلية رجال يرتدون العبايات ويختحمون داخليات الطالبات فاين الشرع والعرف من ذلك واين السلام وكشف العورات ياربى الرجال الدخلوا ديل اخوات نسيبة ولا شنو ولا دا سيد اللبن ؟؟؟؟؟؟؟؟؟؟ويا اهل القانون بماذا يعرف المشرع مثل هذه الجرايم وليست اقرب الى جرايم الاغتصاب افيدونننننننننننننننننننننننننننننننننننننا ويا شيوخ المنبر افتونا عن جواز استعمال ملابس النساء والتشبه بهن فى الحروب علما بان ساحة الحرب هى داخلية البركس للطالبات والدخول فى وقت العورة المحظور بعد صلاة العشاء ودون استئذان فهنيئا لكم الجنة يا اخوان نسيبة |
بتنادي في منو انتي يا اختي؟!!!
ديل عندهم مشاريع تانية وما فاضين لحريات وقانون وعدالةّّ!!! باعترافهم واعتراف كبيرهم هنا!!!...
وكان فلحوا وجوكم حكام ... وحات الله تلقوهم كيزان اس اربعين !!
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: مهيرة)
|
حاتم شناب .. تشكر علي ايراد هذا الخبر
وفضح ممارسات وافعال كلاب الامن واتباع المؤتمر من
الطلاب فاقدي الشهامة واصالة السوداني اخو البنات
وملعون " الحكومه التي تعتدي علي اعراض الطالبات في انصاص الليالي
والتحيه للماجدات اخوتنا من دارفور وصمودهن امام الفاشيون
وسنوات الظلم لن تطول مهما تعاظمت .. وتجبر الطغاه سوف ياتي اليوم
الذي يحاسبون فيه علي كل جرما اغترفوه .. بحق الابرياء
وان غدا لناظره لقريب ..
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: د.نجاة محمود)
|
الحقائق التي تكشفت الى الان من عدة مصادر
ان المشكلة بدأت في غرفة التلفزيون
في يحضرو شنو
قامت طالبة من دارفور بضرب طالبة كوزة
ضرب مبرح
دي الشرارة الاندلع منها اللهيب.
ذكر ان عدد بنات دارفور اغلبية
وهذه معلومة خطأ حيث انهن نسبة صغيرة جدا من مجموع الطالبات الساكنات البركس
قيل انهناك اغتصابات
ةتحرشات جنسية
من شاهدة شافت كل حاجة قال الشكلة ف حتة واحدة ضرب مباشر بين البنات في بعضهن..
بالسيخ والاطواق...واندهشت لانه تجي اشاعة اغتصابات في شكلة في داخلية
والتفصيل ان شاءالله في بوست مختلف قريبا
وسنروي فيه كل الروايات الجمعناها..
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: د.نجاة محمود)
|
في الحقيقة اتخذ البوست مسارا اخر غير موضوعه الذي طرحه
وهو العنف الطلابي بصورة عامة متخذا من حادثة البركس مدخلا
لمناقشة القضية بإعتباري كنت من ضمن القريبين من مكان الحدث
في داخلية الوسط للطلاب
ولكن بعض المداخلين والمتداخلات في البوست حرفو مجرى النقاش الأساسي
وحورو عنوان البوست
الحرب تشتعل في داخلية البركس بين كوادر النظام وطالبات دارفور
كل حسب هواه وما يعتقده
د.نجاة محمود ذكرتي في اخر مداخلة لكي مايلي
Quote: الحقائق التي تكشفت الى الان من عدة مصادر
ان المشكلة بدأت في غرفة التلفزيون
في يحضرو شنو
قامت طالبة من دارفور بضرب طالبة كوزة
ضرب مبرح
دي الشرارة الاندلع منها اللهيب.
|
هذا الكلام عار من الصحة
وهو بعيد كل البعد من الحقيقة إذا كانت الحقيقة هي غايتنا
السبب الأساسي الجميع يعرفه وليس بالضرورة أن يكون
السبب عنصريا وهوليس كذلك
ولكن اسباب المشكلة لها جذور في دارفور ولها جذور في الجامعة الام
لسنين سابقات ليس مع الدارفوريين فقط بل مع كل من يدعو ال ي قيم
الحوار والعداله والديمقراطية
كان الفقد فيها كثيرا من الارواح العزيزة من جنوبنا وشرقنا وغربنا وشمالنا
مازلت الجامعة وحركتها الطلابية تستعيد ذكراهم وتحتفل بها
ونواصل لاحقا
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: حاتم شناب)
|
Quote: دا كلام ساكت اولا لا دخل بما يحدث في دارفور منذ سنوات طويلة
ما يحدث الان في داخلية الطالبات
فما تجيب كلام ساي .. الجلابةبرضو عايزين يعيشو بكرامة ولكن الحكومة القالت اسلامية احالتهم للصاح العام وعذبيتهم في بيوت الاشباح وشنقت اولادهم في حر مالهم.. |
دكتورة نجاة تحياتي:
دة كلام سبق ان قلناه لك في بوست تبيدي بالتحديد وكنت قد نكرتيه تماماً مطالبة اينانا بان ناتي
بادلة عن التعذيب في بيوت الاشباح...فما الذي دعاك اليوم للاعتراف به ؟؟يبدو ان الزنقة هي ما دعتك
له......عموما انا لسني من الذين يؤمنون بان الصراع في السودان هو جهوي ولكن بعد سقوط المشروع
الاسلامي .....الذي كان جل همه ان يجيش الشباب تحت وهم حور الجنة ... قد تأكل فلم يعد امام الحريصين
علي استمرار منهج الفساد الا انتهاج اسلوب جديد للتجيش ...وهو اسلوب القبلية والجهوية المتبلد...
ويبدو انك فيي غمرة التأيد لهذا المنهج الجديد تناسيت ما قلتينه سابقا وهذا هو منطق الاخوان المعوج
والمبني علي قاعدة (ننحل من دي وبعد داك يحلها الف حلال)...
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: ibrahim alnimma)
|
Quote: دكتورة نجاة تحياتي:
دة كلام سبق ان قلناه لك في بوست تبيدي بالتحديد وكنت قد نكرتيه تماماً مطالبة اينانا بان ناتي
بادلة عن التعذيب في بيوت الاشباح...فما الذي دعاك اليوم للاعتراف به ؟؟يبدو ان الزنقة هي ما دعتك
له......عموما انا لسني من الذين يؤمنون بان الصراع في السودان هو جهوي ولكن بعد سقوط المشروع
الاسلامي .....الذي كان جل همه ان يجيش الشباب تحت وهم حور الجنة ... قد تأكل فلم يعد امام الحريصين
علي استمرار منهج الفساد الا انتهاج اسلوب جديد للتجيش ...وهو اسلوب القبلية والجهوية المتبلد...
ويبدو انك فيي غمرة التأيد لهذا المنهج الجديد تناسيت ما قلتينه سابقا وهذا هو منطق الاخوان المعوج
والمبني علي قاعدة (ننحل من دي وبعد داك يحلها الف حلال)... |
عضو مركب مكنة مناضل وبخاطبني على اني كوزة..
اذ دا ردك على كلامي عن تبيدي يبقى انت ما بتفهم خالص
ونقوليك اعد
لانه موضوع تبيدي كلو ما عنده اي دخل بالكيزان
عنده دخل بالبورد
الكيزان حايمين حولك وحاكمنك امشي قوليهم كلامك دا
ما تناضل فوقي سمح؟
لووووووووووووووووول@وهذا هو منطق الاخوان المعوج
والله يامناضلين الكيبورد وابدعتو في قصة اني كوزة ونشرها
طيبلو مقنعين كدا الحومة ما اتغيرت؟
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: حاتم شناب)
|
Quote: طالبات البركس
بيان مهم
لا إرهابنا ولا تشريدنا ولا ضربنا ولا حتى قتلنا يثنينا عن مواصلة النضال
طالبات وطلاب جامعة الخرطوم
هذا هو ما يحدث كل عام .. فهو قديم متجدد .. يطفو على السطح في فترة الإمتحانات .. والسؤال المطروح : لماذا ؟؟؟؟
ما حدث العام الماضي ليس ببعيد عنكم
والان.. إنكشفت عورة المؤتمر اللا وطني وحركة الطلاب اللا إسلاميين اللا وطنيين بإستهدافهم الواضح العنصري لطالبات وطلاب دارفور
طالبات وطلاب جامعة الخرطوم:
ما حدث بداخلة البركس لا يتخيله العقل .. فهو منافي لكل القيم والأعراف والتقاليد السودانية .. ففي يوم الأربعاء الموافق : 10/6/2009 قامت طالبات المؤتمر اللا وطني بالتهجم على البركس بالسيخ والطيقان والالات الحاده في صمت رهيب من الحرس وإدارة المجمع
ومن ثم خرجت الطالبات إلى الشارع وتم إرجاعهن إلى الداخلية بعد تعهد من مدير المجمع بضمان الحمايه
في تمام الواحده والنصف صباحا" وبعد أن هدأ روع الطالبات تم إقتحام الداخلية (على ثلاث دفعات )..
- كوزات الجامعة والجامعات الأخرى
.. أخوات نسيبة ..
وكانت المفاجأه : الدفعة التالتة : أخوان نسيبة ( الأبدعو) فقد تحول مسجد جامعة الخرطوم "العتيق " إلى مكان لإرتداء الأزياء النسائيه " عبايات ونقاب " ..ومن ثم إقتحمو الداخلية مرة أخرى كعون ومدد لأخوات نسيبه
وقد تم التعرف على بعضهم ومنهم طلاب كيزان من جامعة الخرطوم
وقد كانت ضحايا هذا العنف المنظم عدد كبير فقد تمت إصابة وجرح الكثيرات منها إصابات خطره .. وفقد في الأموال والممتلكات ولا يزال بعضهن في عداد المفقودات .. كما تم إعتقالهن في سابقة الأولى من نوعها وتعرضن للتحرش والعنف اللفظي والبدني
نحمل ما حدث وما يتبع من أحداث لمدير المجمع والحرس بالداخلية ومدير الجامعة والحرس الجامعي وإدارة الصندوق وعليه نطالب بالاتي : التحقيق الفوري في الاحداث الاجرامية المؤسفة . ارجاع الطالبات الي المجمع باسرع مايمكن ولاسيما ان الامتحانات في مقبل الايام.
_ونؤكد الاتي :
_لن نتنازل عن داخلية البركس وان كان الثمن المهج والارواح
ان ماحدث لن يزيد طالبات البركس الاعزيمة واصرار.
في ظل الوضع الراهن نعم للعنف و العنف المضاد ولا وجود للامتحانات في هذا الوضع المزري المأساوي. كل الاليات لدينا مفتوحة تماما.
.ظلت وتظل طالبات البركس قادرات على انتزاع حقوقهن وحاسمات في كل القضايا المصيرية
عاجل الشفاء للجرحى والمصابات .
ودمتم ,,,, ,
طالبات داخلية البركس.
14/6/2009
جامعة الخرطوم |
البيان داما كتبوه بنات البركس
واحد من البيانات المغشوشة
المدسوسة...
الزول الجابو يكتب اسماء اللجنة الكتبتو
كما هو معمول به في البيانات
والا كم قيل لي انه لم يسمعو به
ممكن اي زول يجي يكتب منشور لكنما بيان
نحنا بنلعب بلي ولا بالجد في قضية عايزنها تتناقش؟
لاقين مافي زول بقرا البورد دا اي زول جاينا
ببيان من ناس علان
ذي بيان التحرش الجنسي بالصحفية التي كانت في وفد كونداليزا..
لازم تتعلموا تكتبوا كلام صادق صحيح عشان الناس المحترمة تفهم عايزين شنو
وتساعدكم..
Quote: هذا الكلام عار من الصحة
وهو بعيد كل البعد من الحقيقة إذا كانت الحقيقة هي غايتنا
السبب الأساسي الجميع يعرفه وليس بالضرورة أن يكون
السبب عنصريا وهوليس كذلك
ولكن اسباب المشكلة لها جذور في دارفور ولها جذور في الجامعة الام
لسنين سابقات ليس مع الدارفوريين فقط بل مع كل من يدعو ال ي قيم
الحوار والعداله والديمقراطية
كان الفقد فيها كثيرا من الارواح العزيزة من جنوبنا وشرقنا وغربنا وشمالنا
مازلت الجامعة وحركتها الطلابية تستعيد ذكراهم وتحتفل بها |
بعدين يا حاتم شناب قصة التلفزيون انا جبتها من مصادر متعددة
حتى البرنامج الدورت فيه الشكلة عارفاه
افهم انك بتقول انه المشكلة ما حصلت في غرفة التلفزيون؟
انك متأكد من معلوماتك؟
ممكن نعرف المشكة بدأت كيف؟
انا هنا بتكلم عن السبب المباشر واكيد بما اني كنت طالب عارفةفي احتقانات كثيرة بين الطلاب على اساس فكري..
ممكن تبرر لي اشتراك طالبات من دارفور في الضرب من جناح المؤتمر الوطني؟
لو الموضوع الجلابة ضد بنات دارفور كماحاول البعض تصويرها؟
الناس لو ما وصلت لحقيقة العنف الطلابي ما بتعالج
لو اي زول بيجي يكتب اي كلام عاطفي وعار من الصدق يزيد بيه الطين بلة
ليه تخاطبوا عواطف الناس وما تحاطيوا عقولهم؟
ليه توسعوا الشقة بين الشعب بنشر الفتن الجهوية والعنصرية
ما حدث سلسلة من سلاسل العنف الطلابي منذ بداية تجمع الطلاب والجامعات
تحتاج لان ينظر لها بصورة منهجية لتعرف الحلول..
وندين اي عنف في كل الجامعات ولونا مع الامهات والاباء
الذني رسلون ابنائهم الى جبهة التعليم ليدخلوا الدوائر الجهنمية..
وتقى الخيارات يا اتخرج يا ما اتخرج يا قتل..
وقلبي على وطني
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: د.نجاة محمود)
|
ما كتبته زينب بدر الدين
سلام للجميع
زينب بدر الدين وما ذلت بلا باسويرد
ما حدث لطالبات دارفور لا يصدقة الا من يراهو فكل ما هو مكتوب لا يستطيع ان يصف الحاله
المذكورات تعرضن لابشع هجوم وللعلم رأت طالبة احد الحرس يسلم طالبات سيخ وهى فى
مدخل الداخلية وذكرت انها سمعتة يقول بنات دارفور فاسرعت وابلغتهن وسارعن لمدير الصندوق
وابلغنة انهن سوف يعتدى عليعن وان هناك سيخ يوزع ولم يبالى واحتما ل انة نبه جماعتة حتى لا يراهم احد
هناك طيقان اى اقفال حديدية جميعها جديدة لنج وايضا سكاكين جديدة لنج احدى الطالبات
مضروبة فى الراس وقالت ان الطبيب المناول قال لها قلتى لى زغاوية اها اتحملى ما عندنا بنج وخيط
الجرح غرذتين بدون بنج
كنت ضمن وفد من نساء الاحزاب السياسية سجل زيارة للعمارة التى استأجرها منى واوى فيها
المطرودات وسوف اسرد بعض الاشياء فقد كلفنا الزميلة مريم عضو البورد بفتح بوست
ومعها الصور التى تحصلنا عليها ولا ادرى ماهو الظرف الذى اخرها فى ذلك ولكنى اذكر ما رايتة
عدد من الطالبات مضروبات فى الظهر ومصابات باورام بشعة
احدى الطالبات ثانية اداب ومضروبة اعتقلت وكن 22 تعرضن لتحقيق كان عبارة عن شتائم
بالفاظ بذيئة لا تقال ولا تكتب وكانو بسالوهن قبيلتك شنو بعدها خشم بيتك شنو ولمن
قالت ليهو امها تعيشية وابوها من قبيلة من قبائل عرب دارفور ما متذكرة اسم القبيلة قال ليها انتى بنت عرب خلاص امشى
هذة الطالبة تمر بحالة نفسية سيئة جدا
احدى الطالبات ذكرت ان مطاردها حاول اغتصابها وقاومتة بشدة وعندما سالته هل تعرفينه قالت
هى تعرفه ودائما تراهو مع الحرس
البنات ديل مضروبات ومشردات والامتحانات شغالة معظمهن لم يذهبن للامتحانات بعضهن يعتقدن
ان المقصودهو ضربهن اكاديميا ممكن تتصورو طالبة نطت حائط البركس الغربى وجرت فى اتجاة
الكلينك وهى بقميص النوم حافية مش دى كل البنات ديل جرو الشارع بهدوم النوم وفى البداية كان
الضرب لبنات دارفور فقط وبعدها بقى اى لون اسود وبرضو من اقوالهن فى زولة
شايلة لستة بتزيع الاسم بنات المؤتمر الوطنى اهللوا واقولو يا ديك وبنات دارفور بالمناسبة قاومن بشدة
وضربن وفى البداية كانو قايلين الملثمين بنات واكتشفوهم بالشلاليت وبعدها بمحاولات الاغتصاب
قصة الاغتصاب دى حقيقى البنات كانو مصرات انهن ما مغتصبات ونهن قاومن لكن احدى
الخريجات والتى مهدت لنا الزيارة قالت هناك حالات اغتصاب ولكن رجتنا ان لا نثير
الامر هناك طالبات دخلنا لهن فى الغرف وهن لا يتحدثن وبهن كسور ولا يتحركن ابشع الحالت اثنين
طالبة برلومة اعتقد انها لم تبلغ الثامنة عشر سألتنا لى انتو بتكرهونا والله طفر الدمع من عينى
وقد ردينا لكنها لم تقتنع
وأعتقد ان هذا الاحساس كان من اهم اهداف الحملة
طبعا منى زار الداخلية واسرع باستئجار العمارة لكين دا ما بدى استقرار نفسى الشنط فى الهول
فى اسرة لكين معظم البنات نايمات فى البروش وفى طالب مضروب اجرو ليهو بيت مجاور لكين ما زرناهو
أكيد قصة منى يستأجر عمارة ويلمهن دى ما كانت فى حسابات الجماعة الخططوا للهجوم
وكانو دايرين البات اكونن فى الشارع وارجعوهن بشروط ويفصلوا القيادات والباقيلات يدخلن
الحملة اصلا ارتدت عليهم وكل البعملو هسى انهم انكرو بس البنات ديل عندهن اسماء مرشدات شاركن فى الضرب واسماء اولا طلبة شاركو برضو
ياللعار اى تنظيم هذا فى اى دولة لها دين او خلق يحدث هذا ولا يقدم مدير الصندوق استقالتهه
ولا يقدم مدير الجامعة استقالته ولا وزير الداخلية ولا رئيس الجمهوري
رحم الله عمر الذى لو عثرت بغاة فى العراق لساله الله عنها
يا رئيس الجمهورية ألسن من رعاياك ايها المسلم
يا وزير الداخلية السن تحت رعايتك
يا مدير الجامعة اتنام وهن يغتصبن يا مدير الصندوق وكنت تعلم متى تستقيل حتى يحترمك ابناءك وتحترمك زوجتك
يا زوجات هؤلا ء هل تحتريمنهم
انا لا
الأخ العزيز البراق
شكرا للمعلومات المهمه
وللمرة الثانية اقتحم بوستك
اولا أعتزر عن الأخطاء الاملائية والعتب على النظر
والله الدكتورة حيرتنى وخلتنى ارجع أكتب هل قرأت ما كتبت ذكرت ان الطالبات قلن
ان هناك محاولات محاااااااااااااااولات محااااااااااااااااولات اغتصاب
قاومنها تقول لى اوديهن دكتور اديهن حقن وخرابيط وديل بنات وراهن رابطة
تهز وترز وما هاملات لى زيارتنا التي كانت تضامنية فقط
ثانيا ما زينب وبس نحن وفد ممثل فيهو الحزب الشيوعى الحركة الشعبية
حركة تحرير السودان حزب الأمة الاصلاح والتجديد المؤتمر الشعبى
التحالف الوطنى الحزب القومى السودانى وللعلم محروسات ومافى زول بزورن فرجة
ثالثا لم أذكر كل ما قيل لحسابات كتيرة ذكرت فقط الممكن والحالة اصعب من ذلك
اخيرا الاغتصاب عار من حاوله ووجدهن اقوى منه قاومن واشباه الرجال فشلوا
لقد وجدت بنات فى قوه لا يستهان بها واعتقد ان هذه القوه هى ما يزعج أبين عبايات
الملثمين.
من أدانوا يعلمون أن لجان التحقيق بتلحق قضية ابو العاص لكين البرسلوا خطابات لوزير التعليم
العالى وطبعا الاشارة واضحة لى فاطين مدير الصندوق ومدير الجامعة خلاص المهم
طالبوا بلجنة تحقيق محايدة يدخل فيها المجتمع المدنى والأحزاب السياسية والصندوق متهم يبقى ما يدخل لجنة التحقيق
والبقولوا اتقوا الله منو نحنا ولا انتو ؟؟ ولا المعتدين البتقوا الله زول بقرا البوست من الأول بس
ما افتح الله عليهو بكلمة ادانة ولا حتى تعجب وبعدين اقول اتقوا الله اها استغفر الله
واتوب الية واتقيهى وبعد دا رأيك شنو ناس المؤتمر الوطنى دقوا بنات دارفور والبنات الزرق
وفتحو رسينن بالسيخ وحاولوا اغتصبوهن وفشلوا وطردوهن من الداخلية للشارع وسرقوا قروشن
واعتقلوهن وروعوهن وفى المعتقل هددوهن وفى المستشفى فرزوهن وووووووو
عليك الله بس رضى ضميرك حبة وأكتب ليك سطر فى دا وبس ما تقول لى جيبى
الدليل الداخلية موجودة ورسلوا وفد من بورداب الخرطوم يزوروا الداخلية ويجوا يقولوا الحاصل شن
ملاحظة
عن الطبيب مكتوب مواعيد النبطشية والطالبة ساهل تتعرف عليهو
بس كيف اتفتح تحقيق نزية؟
| |
|
|
|
|
|
|
|
|
|
Re: الحرب تشتعل في داخلية البركس بين كوادر النظام وطالبات دارفور (Re: د.نجاة محمود)
|
Quote: كتب فابيلوس ناقلا عن سودانيزأونلاين بتصرف, كتب
اقتباس:
احدى الطالبات
مضروبة فى الراس وقالت ان الطبيب المناول قال لها قلتى لى زغاوية اها اتحملى ما عندنا بنج وخيط
الجرح غرذتين بدون بنج |
Quote: ذهبنا الي المأوى الجديد لضحايا البركس, و قابلنا فيمن قابلنا الطالبه سعدية إدريس التي تمت إصابتها بالرأس و حكت لنا قصتها التي تختلف مع ما كتبه فابيلوس في أن عدد الغرز كان أربعة و ليس اثنين.
و تختلف قصتها مع قصة حريقه في أن العمليه تمت من غير بنج. |
Quote: أخي الكريم مصطفى شوقار, لك التحيه و الإحترام و الود.
لم تكن هناك إشاره لإسم الطالبه في إقتباس العزيز فاب, لكننا كما أسلفت ذهبنا و جلسنا مع بنات البركس و علمنا أن الطالبه المقصوده بموضوع العلاج من غير بنج هي الطالبه المذكوره و قد أجرينا معها حوارا مطولا و سمعنا منها كل القصه بإعتبارها شاهد عيان لكل أحداث ذلك اليوم.
ليس الغرض من هذا البوست أن أعطيك درسا في الأخلاق كما تفضلت. هي دعوة للتحقق من أمر تجاوز الطبيب و محاسبته إن ثبت تورطه, فأمر كهذا كفيل بسحب رخصة عمله كطبيب و طرده من نقابة الأطباء غير مأسوفا عليه. و أنا مستعد لتبني أمر التحقيق و رفع دعوى قضائيه عند الحاجه و الإلتزام بكافه متعلقاتها الماليه.
لا لإضاعة الحقوق مالم تكن حقوقا زائفه. |
Quote:
سألنا الطالبه سعديه عن حقيقة وجود تحرشات جنسيه أو إغتصابات, فقالت أنها شهدت الحدث كاملا و لم ترى شيئا من هذا القبيل, و لكنها بعد إنقضاء الأحداث سمعت همسا كهذا.
ثم سألناها عن أصل المشكله فقالت إنها بين بنات دارفور و (الكوزات), ثم سألتها أنا سؤالا مباشرا عن موقف الطالبات الغير دارفوريات وغير كوزات, فقالت انهن كن بعيدات عن المشكله الا ان بعضهن تضرر بشكل غير مقصود.
وعن العنصريه قالت إن إحدى الكوزات كانت دارفوريه و كانت تقاتل في صف واحد مع الكوزات.
و اتضح لنا جليا من حديثها أن الحدث كان بين الكوزات (أذيال النظام) و الدارفوريات, و لم تكن له علاقة بالعنصريه.
شهد الحوار كل من:
1. عبد الرحمن.
2. ود قرشي.
3. عيسى جديد.
4. ود حسين.
5. محمد جبريل.
6. شخصي الضعيف. |
هل زارت زينب بدر الدين نفس الطالبات ديل؟
ومن يكذب على من؟
لمراجعة الامر كله راجع هذا البوست
http://www.newsudan.org/vb3/showthread.php?t=18355
وانظر الى هذا البوست ومهاجمة من ذهب لتحقيق في حادث المستشفى
وانظر ال مداخلات تراجي.. في كل البوستات
ليه ما عايزين القصة الحقيقة تحكي لمصلحة من؟
http://www.newsudan.org/vb3/showthread.php?t=18295
http://www.newsudan.org/vb3/showthread.php?t=18226
يجب قراءة كل هذه الوصلات لنصل لحقيقة ما حدث في البركس...
لان من قام بها قابل الطالبات وتجول في المكان
و المجموعة هذه مجموعة رجال عدول..لا غرض لهم سوى الحقيقة وايقاف الفتنة العنصرية
وهم معارضين للنظام وقادرين يفرزو بين الوطن والحكومة
السؤال الان هل حادث البركس حدث عفوي ام مدبر؟
راجع ما كتبته زينب بدر الدين هنا
Quote: وللعلم رأت طالبة احد الحرس يسلم طالبات سيخ وهى فى
مدخل الداخلية وذكرت انها سمعتة يقول بنات دارفور فاسرعت وابلغتهن وسارعن لمدير الصندوق
وابلغنة انهن سوف يعتدى عليعن وان هناك سيخ يوزع ولم يبالى |
| |
|
|
|
|
|
|
| |
حاتم شناب
Mohamed Suleiman
Frankly
رهف
Ahmed Abdallah
أنور أدم
مها عبد الله
حافظ حسن ابراهيم
Deng
سناء عبد السيد
شول اشوانق دينق
رغيم عثمان رغيم الحسن
اينانا
M A Muhagir
emad altaib
تاج الدين عبدالله آدم
وليد محمد المبارك
BAKTASH
mekki
مجدى محمد مصطفى
حسام يوسف
احمد محمد بشير
Amjed
خالد أحمد شطة
Hassan Makkawi
بشير أحمد
rosemen osman
Safia Mohamed
معتز تروتسكى
أحمد طراوه
Elbagir Osman
Abdel Aati
مهيرة
مكي ابراهيم مكي
ibrahim alnimma
فيس بوك
تويتر
انستقرام
يوتيوب
بنتيريست