|
|
 الحكومة رايها كمل!!
|
الحكومات الديكتاتورية في آخر أيامها
تخبطها بكتر
شفنا السادات ونميري وغيرهم
هسه جماعتنا ديل
ما عارفين يسووا شنو
حكومة إنقاذ ولا وحدة وطنية
يخموا سلفا ولا يهرشو
بتاعين سلام ولا دبابين
إنبرشوا ولا لسه مجاهدين
رجعوا جابوا شرطان حمرا ربطوها في رسينهم
قالوا عندهم حرية صحافة
وودوا عروة ومدني السجن
البشير يقول أمريكا تحت بوتو
وقبل شوية قال اتعاونوا مع السي آي إيه
رجعوا يقولوا هي للجاه
وأظنها للبترول
قالوا على محمود حسنين ومبارك إنقلابيين وكمان إرهابيين
وعارفين ما في زول بيصدق الكلام دا
وزراهم مطلوبين للأنتربول
ودايرين يستخدموا الإنتربول لمطاردة خصومهم
صحفيينهم يدعون لكبت الرأي
وبرلمانهم يخضع للجهاز التنفيذي
والقضاة بيخافوا من البوليس
الفلم دا دخلناهو قبل كدة
ودي بتشبه مناظر قبل النهاية
عمر محمد الطيب لآخر لحظة كان قايل نظام مايو ما بيسقط
والصحاف قال للصحفيين بجيكم بكره
لغاية هسي ما جا
هتلر قال الإتفاقيات كلها لا تعني شئ
وصدام قال إيه بوش هذا
والبشير قال الدول الكبرى تحت بوتو
ونافع
أها يا نافع
الرهيفة إنقدت
يلا
ورينا لحسة كوعك!!
و..
لو دامت لغيرك...
الباقر موسى
|
|
 
|
|
|
|
|
|
|
|
Re: الحكومة رايها كمل!! (Re: Elbagir Osman)
|
يا الباقر اخوي
الحكومة لو دفروها كده وقعت .... لكن المشكلة في عدم وجود قيادة
بنازير بوتو الان تصارع الديكتاتور
وناسنا الكبار كلهم( لبدو) منتظرين الشماسة عشان
بكره تشوف المؤتمرات وهلمجرا وينبغي
| |
|
|
|
|
|
|
|
|
|
Re: الحكومة رايها كمل!! (Re: Elbagir Osman)
|
Quote: هسه جماعتنا ديل
ما عارفين يسووا شنو
|
سلام يا باقــر،
ياريت نحن الفى المنبـر دا عرفنـا نســوى شنـو.
زمان قالوا الفراغ لغيـر الأحـرار مفســدة.. ودى طبقت فى البورد، ولو على مستوى
محدود وغيـر عام.. بدت نقاشات، تليهـا نقاشـات، حتى صار النقاش غايـة فى ذاته
وليس وسيلـة للتغييـر، وعندمـا صار غايـة، سـار الى حيث يجب أن يسيـر.. ليتداعى
للكلام الفارغ والشتـائم وأخراج كل سخائم النفوس.
| |
|
|
|
|
|
|
|
|
|
Re: الحكومة رايها كمل!! (Re: Abureesh)
|
احذرو اللصوص
لصوص هذا الزمن
احذروهم
افتحو العين الكبيرة
عشان تشوفوهم
مرحلة مرحلة تابعوهم
أرصدو كل تحركاتم انتبهو ليهم
وضحوا ليهم انكم انتو بتعرفوهم
*****
سرقوا البلد
كتلو الولد
ونهبو الدهب
وسرقو الأمل من اعين الناس الحيارى
وكل معانات هذا البلد منسوبه ليهم
*****
واصلو ما بتغيرو
ديل اصلو من بتغيرو
الا انتو تغيروهم
شدو حيلكم وغيروهم
| |
|
|
|
|
|
|
|
|
|
Re: الحكومة رايها كمل!! (Re: Elbagir Osman)
|
العزيز أبوريش
أراك في حالة تشاؤم
البورد يسير بخير
يكشف الكثير من المعلومات
تعلم فيه الكثيرون بعضا من تقاليد النقاش
أو حتى الإعتراف بوجود الآخر
أنت شخصيا من الذين إضافوا لهذا البورد إيجابا
ويمكن للبورد أن يفعل أكثر
الباق
| |
|
|
|
|
|
|
| |
Elbagir Osman
abuguta
Abureesh
Mustafa Mahmoud
فيس بوك
تويتر
انستقرام
يوتيوب
بنتيريست