|
|
|
 Re: المــريخ والهــلال أمام الإمتحـان الأفريقي (Re: ثابت محمد)
|
ياثابت:
الهــــلال:
ح يضرب الجماعة ديل تلاتة صفر زي الترتيب وفي بعض الروايات .. أربعة واحد
المريــــخ:
يعني كان بالغو .. اتنين واحد ..
وبذلك
في جماعة كدا حقو يشوفو ليهم .. ( بنج ) .. يا البتاعة ( الكتلت ) الزول داك في مدني
بعدين ياثابت بطل لينا ( الكبكبة ) دي
وقول:
الهــــلال: ( و ) المريــــخ:
وقدم السبت علشان نمتعك يوم الاحــد
| |
 
|
|
|
|
|
|
|
 Re: المــريخ والهــلال أمام الإمتحـان الأفريقي (Re: tmbis)
|
Quote: وقول:
الهــــلال: ( و ) المريــــخ:
وقدم السبت علشان نمتعك يوم الاحــد |
تمبس يا حبيبنا
ثاني حاجة السبت بجي قبل الأحد إلا يكون إنقلب في الرياض
ثالثاً المريخ لاعب قبل الهلال قدِّم إنت السبت
رابعاً المريخ عندو كاس أفريقي وكاست شرق ووسط أفريقية
وأولاً أنا مريخابي إنت نسيت ولا شنو ؟؟
بعدين تعال أحضر معاي مباراة الهـلال ما تعديها كلها زوغان
صاحبك جاء من المدينة لو عاوز مدني كلها بنجيبا ليك
عارف أنا كنت جاي الرياض الليلة للجواز
بس ناس السفارة ريحوني جايين هنا بكرة ..
شفت الحظ بدأ يدور كيف ؟؟
منتظرك بكرة أو بعد بكره
| |
|
|
|
|
|
|
|
|
|
Re: المــريخ والهــلال أمام الإمتحـان الأفريقي (Re: tmbis)
|
إخوتي المريخاب:
لقد مات سامي عز الدين (عليه رحمة الله) واعتزل جمال أبو عنجة وحامد بريمة وووووووو وما ليهم شبيه ووو
لذا بشراكم بهزائم متكررة وصرف ما ليه فايدة غير المر ووجع الكبد!!!!
إخوتي الهلالاب:
مات الوالي وأعتزل طارق أحمد آدم وتنقا وووووووو وبرضو ما ليهم شبيه وووو
لذا بشراكم بهزائم متكررة وصرف ما ليه فايدة غير المر ووجع الكبد!!!!
مصيبتنا في الكورة يلاقو فيها!!!. والمأتم في بيت الكرة السودانية سنين عددا !!!
هشام
| |
|
|
|
|
|
|
|
|
|
Re: المــريخ والهــلال أمام الإمتحـان الأفريقي (Re: ثابت محمد)
|
إنتهت المباراة في الزمن الرسمي بثلاث أهداف للمريخ
دون مقابل لفريق أي سي باماكو المالي
أحرز أهداف المريخ هدفين العجب صناعة صلاح الأمير
وأحرز صلاح الأمير الهدف الثالث
وتاهل المريخ بعد ماراثون ضربات الجزاء
وياتمبس وووووووووب عليك ويوم بكرة راجيك فتش ليك بنج
مبرووووووووووووووووووووووووووووك
ومريخنا فووووووووووووووووووووووووووووووق
وبرجع ليكم بمزاااااااااااااااج
| |
|
|
|
|
|
|
|
|
|
Re: المــريخ والهــلال أمام الإمتحـان الأفريقي (Re: ثابت محمد)
|
كتب مزمل أبو القاسم في عمـودة كبـد الحقيقـة اليوم
باماكو.. الله معاكو!
تبت يدا المستحيل.. يا مريخ.. وتربت يدا من رفض أن يراهن عليك نجم السعد يا فخر الوطن!
انتصرنا.. قهرناك يا مستحيل.. مرغنا وجهك في التراب..
وهزمنا اليأس بالأمل مرتين!
هزمناه أولاً عندما مزقنا الشباك المالية (العذراء) بالثلاثة..
وقهرناه ثانياً عندما رفضنا رفع الراية بعد ضياع ركلتي الملك والأمير..
وعقدنا العزم على أن نعود.. فعدنا!
وعاد الزعيم.. وأطاح باماكو ليصبح على مرمى حجر من دوري المجموعات..
حيث سيسافر إلى الكنغو مواصلاً رحلة الترقي إلى دوري المجموعات بإذن الله..
بملاقاة سانت ألوي لوبوبو الكنغولي الذي خسر أمام إنييمبا..
وغادر دوري الأبطال ليلاقي الزعيم في دور الستة عشر الثاني في الكونفدرالية.
و مرةً أخرى يمنح الكاف المريخ جانباً من فاتورة تميزه كبطلٍ سابق بالسماح له بأداء لقاء الذهاب خارج ملعبه..
ليمتلك فرصة (دفن الخصم) في الرد كاسل إياباً
.. كما فعل أمس مع سبورتيف باماكو.. (الله معاكو)!
صعد المريخ عنوةً واقتدراً.. رغم أنف الحكم الإريتيري الذي حرم السلطان عبد الحميد من ركلة جزاء صحيحة
لا يمكن لأي حكم مبتدئ أن يتجاهلها أبداً!
عدنا (بإيدنا وشديدنا).. وبعد أن ذبنا اشتياقاً والتياعاً واكتوينا.
عدنا.. لنقول لباماكو (الله معاكو.. الزعيم طخاكو)..
وغنينا مع عثمان: (مالي والهوى.. أنا مالي).
عدنا.. وغردت عصافير دلدوم في ليلةٍ ليست كالليال..
وتذكرنا أحمد يوسف.. والعمدة.. و الربيع!
عدنا لنضع على هاماتنا الفسيحة تاج النصر الجميل..
وعدت لنا جميلاً يا مريخ السعد يا فخر البلد لتملأ الزمان والمكان حضوراً زاهياً.. وتغرس الفرحة نديةً في كل ربوع سودان المريخ.
عدت إلينا لنترنم مع (عمر): العصر والتاريخ يشهدان..
والأرض والسماء يعرفان.. المجد والمريخ توأمان..
والنصر فوق صدره الفسيح.. والفخر فوق هام النجم يستريح..
والأمن مستتب والأمان.. وأنت يا مريخ تصنع التاريخ.. تملأ الزمان والمكان!
عدت إلينا حلواً وندياً لنغني مع فرح عوض: أنا المريخ أنا التاريخ..
أنا البعرف اجيب الكاس.. وانا العرفوني كل الناس..
انا السواى ما حداث.. وكلو كلامي بى مقياس.
انا المريخ.. انا القدمت اعمالي.. وكاس الدوري في بالي..
بيجبوا اشرف اجيالي .. ولو لعبت اشبالي.. وحتى منير وودالياس!!
انا المريخ .. انا الدايما بشد الحيل..
وانا الماشى في طريقي عديل.. وانا الفى هجومى زي السيل..
وللشبكات بسوي الويل.. بهّدف بالقدم والراس!
انا المريخ.. انا الدايماً لهيب سارى..
شعاري الأحمر الناري.. بدمي افدى لشعاري..
وانا البعرف اجيب تاري.. ولازم اقطع الانفاس!
وقطع السلطان عجبنا وسر بالنا أنفاس الماليين
وأحضر التار بهدفين من نار رفع بهما رصيده من الأهداف الإفريقية إلى الرقم ثمانية موجهاً أعنف إنذار لزميليه السابقين زيكو المنتصر وهيثم الرشيد.
وتولى الأمير صلاح إكمال المهمة..
لتغني جماهير المريخ أغنية (سايقا صلااااح.. سايقا صااااح)!
وما أحلاه من نجمٍ سامق.. وبشراك يا فتح الله وأنت تمنحنا
(أجمل الحلوين.. وين فنونك وين)!
قالوا إن شباك سبورتيف باماكو عصية.. قلنا استعصت لأنها لم تواجه عجبكو الهندسية!
قالوا إن الطريق إلى مرماهم عسير..
قلنا لأنهم لم ينازلوا صلاح الأمير!
قالوا الثلاثة كثيرة.. قلنا (سايقا صلاح.. وسايقا صااااح)..
ما شفت (ساري الليل).. يا باكايوكو؟
قالوا المريخ ودع.. قلنا إن عجبكو عمره ما خذلكو!
عجبكو رصاكو.. وعداكو.. وهداكو.. وبكاكو.. من أم در لباماكو!
رفضنا الاستسلام.. وكتبنا أن الأربعة كثيرة..
لكننا سنبدأ بالأول.. ونتطلع للثاني.. فإن أتى سنسعى للثالث!
وذكرنا أننا نعلم أن المهمة صعبة..
وأن الخصم شرس بدليل أنه لعب خمس مباريات ولم تهتز شباكه بأي هدف..
وسجل تسعة أهداف.. ورغم ذلك قلنا إننا سنسعى..
ونجتهد.. ونملك الحق في أن نتفاءل لأن من يملك لاعبين بوزن الملك فيصل والسلطان عبد الحميد والأمير عثمان والدود قرقر من حقه أن يتفاءل!
وانتصرنا.. للملايين الذين احتضنوا المذياع تكويها اللوعة!
انتصرنا للآلاف التي زحفت لتملأ مدرجات الرد كاسل..
وهتفت حتى بحت الأصوات!
انتصرنا حتى للرجافات الذين هربوا من الإذاعة..
أو خرجوا من الإستاد يظنون أن المريخ قد ودع البطولة!
انتصرنا لكرامتنا.. وأخرجنا لساننا لوكالات الأنباء التي رشحتنا للمغادرة.
وجاء المريخ ليلة أمس بهياً ليؤكد أن رهاننا عليه لا ينبع من فراغ!
وقد كتبنا في هذه المساحة أن سبورتيف باماكو سيدفع جزية الذل عن يدٍ وهو صاغرٍ في الرد كاسل!
وذكرنا أن حسن ظننا في الزعيم يمنحنا ألف سبب للتفاؤل.
وجاءنا المريخ في الموعد لينثر الفرحة في كل بيت..
ويمهد طريق النصر لشقيقه هلال السودان الأبي وهو يتأهب لتأديب قراصنة أولاندو مساء اليوم!
وكما هنأنا المريخ ليلة أمس سنهنئ الهلال اليوم بإذن الله..
لتصبح الفرحة فرحتين.
آخر الحقائق
* الأمير الأمير.. صلاح الخطير.. وعنتر عنتر.. ضبط السنتر!
* موسى ألقى ركلته فإذا هي (في الشبكة) حية تسعى!
* ترنم الطيب عبد الرحمن: الخيل الصيلة في اللفة دايماً تظهر..
والراهن عليها والله تب ما بخسر..
ما شفتوا الأمير وكتين قدل واتبختر..اندهشوا البشر.. ما قونو فنو مسطر!
* ورأس عجبكو.. ما مهلكو!
* تعلن شركة عجبكو الهندسية عن انتهائها من تخطيط الشوارع المالية
وتفرغها لردم وتسوية للمنتزهات الكنغولية.. زلط وردمية!
* وآه يا عنتر.. سكر وأكتر.. ومتحرك دامر.. كله تمام يا أفندم!
* متحرك قلق.. قالوا الدود قرقر.. حبس الدرب!
* سخيل ما بناطح بقر.. وسحلية ما بتبلع دقر.. قالوا الدود قرر.. ظبط الضرب!
* زومتنا.. حاشاه لا ضايقي.. ولا شافت ضيق!
* جندينا المشير.. وكل زول مفتون بزولو!
* أحمد محجوب.. يا ما في الحبس مظاليم.. غاب سفاري.. وحضر السم الهاري!
* (الماليين) ظريفين وكريمين.. وحلوين.. وبالتلاتة مجندلين!
* بهاء الدين ثبت شرعاً.. بهاء الدين الحارس الأمين!
* نهنيء محمد عمر.. المدرب الناجح الذي عرف كيف يعد فريقه ليرد اعتباره ويخطف ورقة التأهل.
* محمد عمر متميز محلياً.. ومتفوق إفريقياً.. وما تنسى عطبرة وكسلا يا كوتش!
* ونهنئ جهازه المساعد.. نصر والشحات وخالد والدكتور.. وقبل ذلك هوما وصديق!
* يا باماكو.. المريخ خلاكو بس تتباكو.. الأمير وراكو.. خلط الليبرو مع مساكو.. وعجبكو هز شباكو!
* تهنئة حميد بمبروك لا تكفي.. عاوزين قصيدة.. يا ملك القوافي!
* الموج الأزرق يتهيأ لالتهام القراصنة!
* الموج الأزرق سيبتلع سفينتهم.. ويمزق علمهم..
ويرمي جمجمتهم القميئة في عرض البحر!
* سايقا صلاح.. وللشباك بسوي الويل.. أنا المريخ!!
* أب زرد قبض.. أب زرد خبط!!
* والعاقبة عندكم في المسرات.. تعالوا الليلة يا هلالاب..
وتعالوا بكرة يا مريخاب!
* ياماكو الله معاكو .. والقراصنة بارياكو!!
=================================================
مريخنا فووق فوووق فووووووووق
| |
|
|
|
|
|
|
|
|
|
Re: المــريخ والهــلال أمام الإمتحـان الأفريقي (Re: ثابت محمد)
|
الأخ / ثابت
مبروك لكل سوداني بصورة عامة وبصورة خاصة لكل المريخاب هذا الإنجاز الذي زعمت أنه بعيد المنال فكان بهؤلاء الفتية قريب المنال، ولكن لا حلاوة بدون نار، فستحقوا الحلاوه.
انشاء الله دائما في القمة، وفي القمم أعلاها، يا مريخ السودان ،
وعقبال عند الهلال انشاء الله يخيب توقعاتي المكتوبة فوق دي وينجز زي المريخ انشاء الله.
هشام
| |
|
|
|
|
|
|
| |
ثابت محمد
tmbis
Hisham Ibrahim
.. بس للاسف من آخر رد طلعت المطار .. سفرت زول عزيز علي .. ونتيجة المباراة لقيته الان في المنبر بعد وصولي ..
على محمد على بشير
فيس بوك
تويتر
انستقرام
يوتيوب
بنتيريست