|
|
 اصدقاء الشـــــتاء
|
الاحبة الذين فرقتني عنهم الغربة والسنين واتجاهات الارض الاربعة..
كالعادةاستغل هذا المكان لشهرته وفراغ اهله لارسل لكم التهنئة بحلول الشهر الكريم..
املا ان تكونوا في وافر من الصحة والسعادة وان يجمعني الله بكم في قابلات الايام..
ياسر كمبال
مروان العبادي
المعز صديق
ابو اللول
عبد الرحمن حيدر
كبسور
اشرف طرواة
عز الدين كديس
نزار العجوز
محمدهاشم الكناني
بدر الاستاذ
طارق الهاشم
ايمان حسن
رشا الصلحي
نهلة
رامية
مي عاطف
سهير صديق
عبادي عباس عبادي
ابو الجوخ
وليد محمد احمد
احمد عمر ابوشوك
قدورة
محمد حسن الفيل
شذى نجم الدين
رندة نجم الدين
سلمى صديق
سلمى بابكر
محمد تاج
نزار تاج
الصادق
اللمين حمزة
حيدر الفنوب
بكري الماسوني
هند عوض
منى عثمان
سهير محمد عبدالله
محمد صلاح الدين خوجلي
شفق ابوالحسن
يوسف محي الدين
مزمل التجاني
ندى حسن
هاجر الكدرو
مني يوسف
خالد نقد
سلوم بكري
عمر عشاري
وجن
هالة
داليا خيري
شبكة
عبد الباسط
عزة غندور
احمد الحلبي
سلمى صالح
حمد الزين
عمار محمدادم
على عبد الرحمن
ابرهة
عبد الرحمن الامين
هنطي
ايهاب بكه
مجتبى
عبدالغفار النحس
ومن والاهم ..
ومن على ركام الذاكرة..
اعلموا:
انني لاازال ادين لكم وللايام الطيبات بالكثير من الحب والجمال والمودة والمقيمة..
اشتاق اليكم واذكر تلك الايام الطيبات بوافر الصبر والسلوان..
ان ذكرى الكثيرين منكم تُـطل نتفاً نتفاً..
تجعل هذه المدن اقل جحيما وشيئا يُطاق ..
انا لا ازال كما انا..فقيرا، مضطربًا، سريع الكلام، اعتمر الحنين واسلك مسالك الشوق في دروب هذه الحياة..
وهو لوتعلمون يبعدني عن واقع الحياة كثيرا ومرهق ..
تكاد الحياة تهزمني ولم يفاجني القرمصيص بعد..
ولكن لاعليكم ..كل شي مرده الى خيرٍ عميم.
اصدقائي..
والشتاء ُمـقبلُ ُ
وددت ان اسوق اليكم مع شدة اشواقي التهنئة الكريمة بهذا الشهر الكريم
لكم ولازواجكم وزوجاتكم واطفالكم ولاسركم الكريمة وشوارع البيوت..
والامنيات بغدٍ اكثر آمالا للذين لم يحالفهم حظ في دنيا الناس هذه ..
جعلنا الله واياكم من عتقائه واعاننا واياكم على صيامه وقيامه والذكر فيه والتدبر في معانيه..
هذا والحمد لله على نعمة العافية..
والحمد لله على لقياكم ..
والحمد لله على اتاحته هذه الفرصة ..
تهنئتني هذه تجعل لي هذا المكان جديرا بالنظر في هذه الشهر الفضيل..
فانا احبكم بلاشروط..
|
|
 
|
|
|
|
|
|
|
|
Re: اصدقاء الشـــــتاء (Re: DKEEN)
|
كل عام وانت بخير
ربي يصومك ويفطرك علي خير
i hope next year we are all celebrating the end of the ingaz mafia gang dictatorship
dr mustafa
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
الله يديك العافية يا عاشق الجمال وجميل الخصال ...ويحفظك انت واصدقائك ويديم المحبة بيكم ..
تصوم وتفطر علي الف خير وربنا يتقبل منا ومنك صادق الدعوات وصالح لاعمال ويرزقك ببت الحلال
..............
كتر البطاطين
| |
|
|
|
|
|
|
|
|
|
Re: اصدقاء الشـــــتاء (Re: تولوس)
|
Quote: ياسر كمبال
مروان العبادي
المعز صديق
ابو اللول
عبد الرحمن حيدر
كبسور
اشرف طرواة
عز الدين كديس
نزار العجوز
محمدهاشم الكناني
بدر الاستاذ
طارق الهاشم
ايمان حسن
رشا الصلحي
نهلة
رامية
مي عاطف
سهير صديق
عبادي عباس عبادي
ابو الجوخ
وليد محمد احمد
احمد عمر ابوشوك
قدورة
محمد حسن الفيل
شذى نجم الدين
رندة نجم الدين
سلمى صديق
سلمى بابكر
محمد تاج
نزار تاج
الصادق
اللمين حمزة
حيدر الفنوب
بكري الماسوني
هند عوض
منى عثمان
سهير محمد عبدالله
محمد صلاح الدين خوجلي
شفق ابوالحسن
يوسف محي الدين
مزمل التجاني
ندى حسن
هاجر الكدرو
مني يوسف
خالد نقد
سلوم بكري
عمر عشاري
وجن
هالة
داليا خيري
شبكة
عبد الباسط
عزة غندور
احمد الحلبي
سلمى صالح
حمد الزين
عمار محمدادم
على عبد الرحمن
ابرهة
عبد الرحمن الامين
هنطي
ايهاب بكه
مجتبى
عبدالغفار النحس |
للتوثيق عشان نجي نفرز بعد رمضان ؟
| |
|
|
|
|
|
|
|
|
|
Re: اصدقاء الشـــــتاء (Re: عمران حسن صالح)
|
يااااااااااه يا دكين
الشتاء واصدقاء الشتاء.. اصدقاء الحميمية.
يرتبط الشتاء دائما في ذاكرتي
برائحة بخور اللبان
التى تطلقه جدتي يوميا
في الصباح والمساء..
لا ادري يا صديقي..
افتقد كثيرا رائحة الشتاء
تعرف احس بحنو وحنين
للشتاءات حتى تلك التى تتكفن
فيها الارض بالبياض فتورثني الكآبة
في فيلادلفيا..
حيث كنت اقضي
كل الوقت في انتظار عودة الخضرة والسناجيب
الى الشجرة التي كانت تلامس نافذة في بيتي.
بواكير الشتاء
عندي تعني حالة ربو
شديدة..
اول شتاء خارج بيتي
كان سنة 1980
عندما خرجت لاول مرة للدراسة بعيدا عن الاسرة..
كنت انام في سريري
واتغطى ببطانيتي
ويرحل عقلي وقلبي
الى بيتي.. بيت امي وابي واخوتي واخواتي وجدتي..
اشم رائحة الشتاء
ورائحة بخور اللبان..
يعلوا صدري وينخفض
مصدرا اصواتا لو سمعتها
لظننت ان مزيعا سيطل
بصوته ليقول هنا ام درمان..
ثم يسيل الدمع مدرارا..
فارتبط عندي الشتاء
بهذه "الحنانية" الطاغية..
اكتب اجمل خواطري في الشتاء,,
وكنت من المغرب ارجع الى الداخلية ولا اخرج
فصرت دون ان اعي حائط المبكي
لعدد كبير ممن يشجيهم الشتاء..
هل تعلم يا صديقى
انني متغيبة
عن حضور الشتاء
منذ اعوام واعوام في هذه البلد الاستوائية
في الجغرافية كنا نقرا حار ممطر طول العام
نقرأها هكذا دون ان نعرف ماذا تعني ان تكون حياتك
كلها ممطر حار..ولا شتاء يمر بها.
افتقد رائحة الشتاء
وعبارة جدتي الاثيرة
ييييي يا جنس البرد دا
مي نزل بجنياتو..
وأفتقد نصائح امي ما تقلعي فنيلتك
وما تشربي الموية الساقطة..
وافتقد قصص صديقتي أمينة النور
اذ انها تشاركني بياتي الشتوي
وضحكات المرحومة نعمات هارون
وصخب آسيا التلب وضجيجها الذي لا يهدأ..
وصديقي مصطفي دراج الذي يتطوع دائما
باعطائي سويتره عند الذهاب لحضور
مسرحيات مادة النقد التطبيقي في المسرح..
ويشتد على البرد رغم فنيلتي الصوفية..
والعزيز المرحوم حسبو الذي يسالني دائما
معاكي بخاختك ..
ونجاشي الذي ياخذني دائما الى طبيب المعهد
القبطي العجوز الذي يكتب ادوية انتهت في الستينات
الشتاء شهر الحنين والاحزان..
في الفصول
وعندما نستخدمه استعاريا لنرمز لعمر الانسان..
شتاء العمر
تخيل ان يكون الفصل شتاء وانت في شتاء العمر..
حاجة تحنن وتجنن..
رمضان كريم لك لاصدقاء الشتاء
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
Quote: يرتبط الشتاء دائما في ذاكرتي
برائحة بخور اللبان |
د.بيان
بالضبط قدرتي تجيبي لي الصديق الرايح..
البخور بتاع اللبان..
عودتنا الوالدة - حفظها الله- على البخور في الشتاء ..
فاضحى مرتبطا بليالي الشتاء ..
اول امش لامن الشوق فاض بي لى الناس الفوق ديل ..
اديتها ليك حبة بخور ..
فصحصح البخور المواقف المنسية في ركام الذاكرة..
في كافترياء اقتصاد في شتاء الجامعة كان كيمو بتاع الكشك يعرف قيمة البخرو في الشتاء
وبس الواضة تمغرب كان بجيب المبخر في السيغما ..
يجتمع الشاي والبخور والاصدقاء والنيل وحي الوابورات..
والنزلة..
بيان
ايقظتي حنيناً ..فشكرا ..
شكرا كتير..
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
دكين
رمضان كريم
وشايفه بوستاتك منضبطه مع الصيام
لما قلت شتاء
ذكرتنا المحن الشفناها في البلد دي.
وضحكته لكلمة شتاء...وما كنا نعتقد انه شتاء....
لاننا جينا لبلاد عجيبه ..عارف شتاءنا داك في السودان
هنا افضل ربيع وكما يمكن صيف.
تعال شوف الشتاء الجدجد.....هنا البدخل في عظامك رغم
تدثرك بملابس مثل البطاطين لكنهما ما بتنفع.
كلام بيان ذكرني طفولتي....
فقد كنانت لي ذكريات كثيره مع الازمه
لكنها انتهت مع المرحله الجامعيه....يقال لانها بدأت باكرا.
الحمد لله واصدق الدعوات لبيان ان يخفف عنها الازمه ومحنها.
ويا دكين ..يحق امانيك ويجمعك بنصفك الحلو قريب ويديك تأشيرة
كندا.
عشان تجيئ تنضم لقوافل المكنكشين هنا.
تراجي.
| |
|
|
|
|
|
|
|
|
|
Re: اصدقاء الشـــــتاء (Re: Tragie Mustafa)
|
تراجي
رمضانك كريم واسعد الله ايامك..
| Quote: عارف شتاءنا داك في السودان |
الشتاء ياتراجي ليس مجرد برد خفيف او قارس
الشتاء عندي حالة نفسية ..
من جمالهم وبهائهم ومعزتهم فهو عمل ابداعي..
Quote: ويا دكين ..يحق امانيك ويجمعك بنصفك الحلو قريب ويديك تأشيرة
كندا. |
آمين واياكم..
انا لسع منتظرك بالمنسابة..
اصلو ماممكن انتي يدوكي وانا لا..
دمتي انتي ووليداتك في نعمة هذا الشهر الكريم..
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
مصطفى ..ربنا يتقبل الصيام والقيام ..
وتصوم وتفطر على خير..
والله يديم المودات..
تولولس الوجيه..
ماتنسى الخميس الجاي عند ناس عمران الفطور..
ورمضان كريم .. ودمتا منقة ياسمح يازين..
ماعندك زول بتعرفو في اللستةالفوق دي؟؟
ابو حمودي المنقة البي لون المنقة..
الخميس الجاي زي الوكت ده باذن الله نكون اتينا على الاخضر واليابس في منزلكم العامر...
اهم شي سلطة الاسود..
والليمون..
طبعا ان زول جناحي مكسور وماعندي عربية ..
يعني عيزومة ومعاها توصيلة..
قتا لي اللستة دي مالها؟؟
طبعا ممكن تضيف العزيزة ميسون نجومي مع القائمة اعلاه بكل رحاب..
بس ميسون هسي مافاضية لينا ..
وزمان برضو ماكانت فاضية لينا..
كنا بنسرق الونسة سرقة من زمنها المتلاحق..
ياحليلا..
ميسون رمضان كريم وكل سنة وانتي وعصمت طيبين ...
طبعا تاني بعد ده مافي دعوة سمحة اقدر اشوتها ليكي ..
الحصل حصل..
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
دكين اولا الدنيا رمضان عشان كده نشوف الضكور ...
لو محمد حسن الفيل العمرابي ود كسلا يبقي معرفة وهو الاخ الاكبر لمروان حسن الفيل وهم معرفة وصلة رحم
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
من الواضح انو الكُبر دخل..
ولا ادري كيف تسربت وجدان حسين وفردوس وحفية وعاصم شرزم واحمد المنداح من الذاكرة..
العزيز طارق جبريل
مودتي تبراك ..
وشايف البنية كبرت وذادت حلا.. الله يحفظهم ..
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
لكـن ازهـار الشـتاء بخـيلـة
بخـلت عـلى قـلبي كمـا بخـلت عـليك
دكـين المـكين .. وكـأنك تنفض عـن الزاكـرة غـبارهـا
بخـيطـك هـذا والذي ايغـظ في النفس اشـجان واشـجان يا انـسـانا
تأمـر عـليه الشـتاء وعبر بزاكـرته عليل طيف اصـدقاءه وحـميمـية
لم يتبقى منهـا سـوى دخـان بخـور لبان كـلما تصـاعـد بالنشـوى
ابتلعـته اقـدار ايام تفرقت الناس ايدي سـبا.
| |
|
|
|
|
|
|
|
|
|
Re: اصدقاء الشـــــتاء (Re: مجاهد عبد الرحمن)
|
يادكنه.....
كل سنه وانت طيب
وتصوم وتفطر على خير
لكن يا دكين مانحن برضو لينا حق
خصوصا المساحه مساحتنا ... ولا شنو ؟[/B
اسأل الله ان يتقبل صيامكم وقيامكم
ويجعلنا واياكم من عتقاء هذا الشهر الكريم .. آمين
| |
|
|
|
|
|
|
|
|
|
Re: اصدقاء الشـــــتاء (Re: mohamed elshiekh)
|
لو كنت اعرف ان اضع اغنية
لوضعت اغنية فيروز شادي
خلفية لهذا البوست...
ونسيت ان اضيف مديدة الحلبة
تذكرني بشتاءات بعيدة..
هناك في تلافيف ماضي سحيق..
وجدتي التى تجيد صنع مديدة الحلبة..
| |
|
|
|
|
|
|
|
|
|
Re: اصدقاء الشـــــتاء (Re: bayan)
|
دكيييييين
والشتاء
احيك على ذاكرتك التى اختزنت تلك الاسماء
الشتوية..التى كانت تعطر جلسات زمنك الجميل
شلتكم مطعمة زى ابرى رمضان..
وزى دفء البطانية..مع عشاء قراصة
اومع بلحات جايبهم من البلد
اخيرا رمضان كريم
وشكرا على هذا الدفق الشتوى
| |
|
|
|
|
|
|
|
|
|
Re: اصدقاء الشـــــتاء (Re: abuguta)
|
د.بيان
تعرفي اجمل من فيروز لو نزلت مقدمة اسماء في حياتنابتاعة عمرالجزلي ديك..
ابوقوتة
| Quote: شلتكم مطعمة زى ابرى رمضان |
..
شلة شنوياخينا
في زول شلتو قدر دي؟؟
ماكنتا جيت..
تصدق نص الناي دي مابتعرف بعض
يعني جزء من اقتصاد وجزء من كلية العلوم وجزء من شمبات وجزء من مجمع طب وجزء من هندسة وجزء من قانون وادارية واداب وناس مامعروفة وين كلاليهم..
والذ شي انهم ذوي امزجة مختلفة ولا يتشابهون ..
نزار العجوز مثلا كان دائم الضجر من هذ الحياة..
لو لاقيتو وانتا قافلةمعاك..تشوف حالتو تهون عليك حالتك امورك تستعدل..
مي عاطف دي حرم مايشوفها زول إلا تمغرب الواضة حوالينو..وتحس بي نفسك في نمرة 2 وجنبك جهنمية والدنيا شتاء..
عبد الرحمن حيدر مابعرف زول في الناس الفوق ديل ولا الناس الفوق بعرفو عبدالرحمن
بس عبد الرحمن ده ممكن تمرق من الكلاكلة القبة عشان تصل بيتم في الحلفايا وتقعد تتونس معاهو مسافة خمسة دقايق..
زول قاطع مفازة الحياة دي براهو..
لاشبيه له..
البتسميهم شلة ديل عبارة عن شلل
تشيل من ده حبة ومن دي حبة تمرق بي دنيا جميلة خلاص..
وذكرى لاتنسى وليل اسى وجميل ذكريات
تصوم وتفطر على خير يا بوقتة
مع مرتك
بختك فرزتا عيشتك السنة دي الواحد ماعارف ذاتو يدعو يقول ليك شنو؟؟
بيت مال وعيال
| |
|
|
|
|
|
|
|
|
|
Re: اصدقاء الشـــــتاء (Re: mohamed elshiekh)
|
الكاردينال محمد الشيخ..
Quote: يادكنه.....
كل سنه وانت طيب
وتصوم وتفطر على خير
لكن يا دكين مانحن برضو لينا حق
خصوصا المساحه مساحتنا ... ولا شنو ؟ |
[/B
ياجو محبتكم واصلة ومودتنا ليكم الله عالم بها..
بس انا لوعايز اجيك باخد لي لموزين بي خمسة ريال وبجي بحضر معاك فلم الساعة 11 mbc2
منالصعب انك تسقط اوشاقك على خمسة ريال يا جو..
العالمين الفوق ديل اقرب واحد فيهم على مرمي تاشيرة خروج وعودة وتذكرة ومشوار وطيارة وبحر ..
وفيهم من لا اعلم لهم مكان..
وفيهم من غارت بهم الاسفار والازواج والتدافع في الدينا..
ومن المؤكد انو الغالبية ما متذكراني حتى..
بيد اني بهم سعيد..
وبكم اعالج غربتي ..
تصوم وتفطر على خير يا ود الشيخ واسعد الله مساءك وادم فرحك اينما حللت ..
| |
|
|
|
|
|
|
|
|
|
Re: اصدقاء الشـــــتاء (Re: Dina Faisal)
|
Quote: دكـين المـكين .. وكـأنك تنفض عـن الزاكـرة غـبارهـا
بخـيطـك هـذا والذي ايغـظ في النفس اشـجان واشـجان |
الخير
عزائي انني التقيتهم يوما واننا تقاسمنا الافراح والنيل الازرق والجامعة والشتاء..
دون شك فان اجمل الايام مضت مع من مضوا في اتجاهات الدنيا ..
لا اراك الله شجنا في عزيز لديك..
دمت يا حبيب وتصوم وتفطر على خير..
| |
|
|
|
|
|
|
|
|
|
Re: اصدقاء الشـــــتاء (Re: Dina Faisal)
|
Dina Faisal
عاصم شرزم
الله يطراهو بالخير كان وحدة يشكل اغلبية..
هسي في الاجازات اعتمدنا محمد زين بديلا له في غيابه..
الطعم الحقيقي لي الجامعة كان في الاشعار الفالتة التي يسوقها هؤلاء الاحباب..
دينا فيصل
كان ما اخاف الله انا اكاد اعرفك..
على ذكر شرزم اضم لقائمة الشتاء
العزيز المعز ادم النور
والعزيز عادل بلوتاريا
ورانيا الماحي
وشوقي ابكشوة
| |
|
|
|
|
|
|
|
|
|
Re: اصدقاء الشـــــتاء (Re: حمد فتح الرحمن)
|
حمد امبس
الدهنون ده يصنف ضمن الظاوهر الطبيعية..
دهنون وقدورة وعيد الطويل وتوفيق وجيمي ديل كانو اخر اثر جميل للايام الزاهرة لي جامعة الخرطوم ..
دهنون
عاش فقيرا وظل فقيرا واحسبه لايزال فقيرا جميلا وساخرا من هذه الدنيا..
دهنون ده اول مرة لاقيتو سافي
واخر مرة شفتو سافي
يروح سافي ويغدو سافي ويبعث سافي..
طبعا ياحمد لايمكن نسيان استاذ عابدين في جوقةاقتصاد دي..
ادمي شفيف ولايحدثك إلا نثرا..
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
Quote: دكين الوفي ( وهذه تنسخ الوغد )
تقبل الله منا ومنكم الصيام والقيام وجعلنا جميعاً من عتقاءه
دمتم ودام الألق .
انت فنان |
يا مجاهد
سعدنا بمرروك في زحمة هذه الاشواق
دمتا رايق ودام بهاك
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
عبد الرحمن حيدر ,ود الحلفايا?
كبسور , محمد محمود ?
اشرف طرواة
محمدهاشم الكناني ,ود هندسه?
ابو الجوخ ,اللى كان بيلعب فى فريق هندسه?
عزة غندور
شفت يا دكين فى ناس كتاار نحن الاتنين بنعرفهم
ليه ما مصدقنى فى حكايه البرتش كاونسل ??
عبد الرحمن حيدر ده بتعرفوا من وين ??
| |
|
|
|
|
|
|
|
|
|
Re: اصدقاء الشـــــتاء (Re: smart_ana2001)
|
| Quote: والامنيات بغدٍ اكثر آمالا للذين لم يحالفهم حظ في دنيا الناس هذه |
فضاءت رأئعة يا دكين...... أن الشتاء يزكرني بجخنوني الحنون فى السودان وهى غرفة صغيرة فى منزلنا المتواضع من الطين الكاكي فى سوداننا الحبيب ..... كما يزكرني الشتاء ..... بمدن الصخب والضجيج والتى تنام على مخدات الطرب ... كما يقول حمد الريح .... بالطبع لك مودتى فى هذا الشهر العظيم.
سيف
| |
|
|
|
|
|
|
|
|
|
Re: اصدقاء الشـــــتاء (Re: smart_ana2001)
|
Quote: عبد الرحمن حيدر ,ود الحلفايا?
كبسور , محمد محمود ?
اشرف طرواة
محمدهاشم الكناني ,ود هندسه?
ابو الجوخ ,اللى كان بيلعب فى فريق هندسه? |
سجمي
سمارت
طرواة وكبسور والزعيم واللمين حمزة ومحمد فاضل وشلطم وبشمليط ..
ديل ممكن يجو في لستة واحدة ولا استغرب
فقد كانو مشاغبين وحبوبين..
بس عبدالرحمن حيدر ده جبتي من وين؟؟
بل ازيدك انتي البتعرفني من وين موش انا؟؟
بالنسبةلي البتين انا مابقدر اصدفك لاني نفسي لااعرف من هم الذين ابحث عنهم..
يعني لااملك إلا وصفا في ذاكرة تتأكل..
دي مداخلة خطيرة كادت ان توردني مورد هلاك..
يبدو اننا حننتقل الى تلفزة خارجية..
| |
|
|
|
|
|
|
|
|
|
Re: اصدقاء الشـــــتاء (Re: smart_ana2001)
|
محمد فاروق كنتا في حضرة زواجو الاجازة الفاتت..
شمياء دي ما اظن بعرفها..
صحبات محمد فاروق ما كانو بنطاقو..
امرقي رانية وسهير صديق ..والباقين كانوا جادين اكتر من ما تستحق الدنيا..
بعدين محمد فاروق ده كان مصاحب الدنيا كلها..
قدروة الانا قاصدو بتاع قانون
كان جميلا ولايقول إلا تحفا .. وكان اجمل مايكون في الغرفة اربيعن النيل الابيض
| Quote: بصراحه انا و عبد الرحمن حيدر ما كنا اصحاب جدا "ما كان بيطيقنى" |
لو قتي لي ماكنتي بتطيقي عبد الرحمن ما كنتا حاستغرب
بس كونوا هومايطيقك دي مستبعدة..
عبد الرحمن كان رحبا جميل الدواخل..
قلقاً كثير السرحان يحبُ الشعر والصراحة والرياضيات والاسئلة المباشرة التي لاإجابات لها ..
عبد الرحمن كان يقطع مفازة الحياة وحده..
وفي استهتار كامل لايزال يقطعها وحده..
عبد الرحمن ذلك الانسان
الله يطراهو بالخير ما هب نسيم واشرق صباح..
سمارت
زول عبد الرحمن مالاقاني ..
انتي اكيد الاخت : نوت اكسزست
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
انت اصلو اصحابك ديل لا فيهم زول اسمو خليفة ولا بت اسمها اخلاص , شنو كلهم سامر وثابت وعابد وشيماء .
انت اظنك بس جيت من البلد ووقعت في رابطة ابناء الصافية .
غايتو انا عرفت لي فيهم اخو كم زول كدا .
| |
|
|
|
|
|
|
|
|
|
Re: اصدقاء الشـــــتاء (Re: Marouf Sanad)
|
معروف
انا حاولت قدر الامكان اشوف الشي الانا مالاقيهو في دنيتي..
اصدقاء نضاف..
كنتا خلاص وصلت الحد من لحافات الداخلية وهجير الارض..واقتسام البرنجي مع الفقراء..وبيع البسكيت والبارد في نادي الغولف وتوزيع فواتير هيئة مياه المدن في اصقاع الخرطوم..
تصدق من شدة شغفي بالبيوت المبلطة والفيها حدايق منجلة ايامئذ قتا ليهم ادوني فواتير المنشية 25 اوزعها ليكم..
قتاالبيوت دي كان نحنا ما خشيناها نهظر فيها مع اولادهم النخشها نشوف مويتم كيف..وفعلا وزعتا فواتير المنشية 25 بيت بيت..
حسيت اني ممكن انشف ريق الناس دي كلها ايامئذ..
وكان حسسا غاية في الخطا
فادناهم كان يملك ان يوقف رزق ابي ..خليك من يقطعو عيشي في تزيع الفواتير..
معروف اخوي..
الاسماء الفوق دي اؤكد لك ان اسمين او تلاتة بالكتير اربعة كانوا مرتاحين والبقية كانوا تحت سقف الفقر الائتماني..كانو يقتسمون معي الطماطمة نص نهار رمضان
قدرنا كده..
شن نسوي؟؟
وناس الصافية ياحبيب ماكان عندهم رابطة..
ديل ما كانو فاضين لي رابطة وجميعات واتحاد وخرابيط من هذا النوع..
انما الروابط للفقراء والمساكين وبن السبيل وسكان الضواحي والصبربنتيف وقرى النيل الازرق..
..
شكلك عرفتا عبادي
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
Quote: وناس الصافية ياحبيب ماكان عندهم رابطة..
ديل ما كانو فاضين لي رابطة وجميعات واتحاد وخرابيط من هذا النوع.. |
كيف الكلام ده??
عندهم رابطه كبييره
و كانت رئيسه الرابطه من زراعه و اسمها شوشو الطيب!!!!!!!!!!
| |
|
|
|
|
|
|
|
|
|
Re: اصدقاء الشـــــتاء (Re: smart_ana2001)
|
سمارت
يخربني ..والله اول مرة اسمع بيها..
شوشو الطيب اسم جميل ..
اها دي من قبيل الاسماء المعجب بيها معروف سند..
يسعدني غايتو بعد هذا العمر الذي مضي والسنين التي خلت اعرف لي زولة من اهل الصافية..
حتى ولو عِـرفة افتراضية ساي..
مشكورة يا سمارت على هذا الوجود اللطيف..
| |
|
|
|
|
|
|
|
|
 Re: اصدقاء الشـــــتاء (Re: DKEEN)
|
عزو
كل سنة وانت طيب
تصوم وتفطر على خير
ورمضان الجاي يلقاك في بيتك أخوي
هالة ومي وريم بسلموا عليك
بت هلول عسل والله
ما عاوزة أقول ليك انتظرة أبورك على البورة العليك
تصدق هي الخلتني أغير الرأي الكنت خاتاهو في الشوايقة
حأأرسل ليك عيد ميلاده التاني في الإيميل
رقم التلفون وصلك
| |
|
|
|
|
|
|
|
|
|
Re: اصدقاء الشـــــتاء (Re: وجن)
|
الحبيب دكين،،،
مع إنو إسمي مانزل مع لوحة الشرف لكن برضوا بقول ليك رمضان كريم وكل سنة وانت طيب وتصوم وتفطر على خير انشاء الله .... مع انو انت عارف انو أنا اهم واحد لازم تذكر إسمي وتحييني كمان ... (وانت عارف السبب).. لكن مامشكلة ياحبيب ونكسب الحسنة نحن.
وتحياتي لكل باقي شباب الرياض الحلوين ....
ودمتو،،،
| |
|
|
|
|
|
|
|
|
|
Re: اصدقاء الشـــــتاء (Re: Nadir Dirar)
|
نادر
رمضان كريم وتصوم وتفطر على خير يا حبة
بس حرم انا عمري ما كان عندي صاحب اسمو نادر إلا هنا في الشرقية ..
اخونا نادر عباس ..
ومع ذلك يبدو انك فعلا اهم واحد فيهم..
وسلامي لكل الحلوين بي طرفك
الحلوين فقط..
قتا لي نادر ؟؟
يخربني
| |
|
|
|
|
|
|
|
|
|
Re: اصدقاء الشـــــتاء (Re: وجن)
|
وجن العزيزة
تضومي وتفطري على خير
وعساكي انتي وناس بُـري كلكم في نعمة ..
مي وريم بلاهي امانة بلغيهم بالغ السلام والمعزات..
وقولي ليهم البت بتاعة الدبلوم المعاكم الكنتا منمر عليها اتخطبت وانتو قاعدين تتفرجو..
اهو ده عماركم وخوتكم لي؟؟
مي دي انا لو ابروف اتنازل لي عنها بجيها عريس شهر 12 الجاي ده..
اصلو كايس لي واحدة لئيمة لهذا الزمن اللئيم..
بت هلول دي انا شوقي ليها فايت الحد ونفسي اشوفها..
قولي لي هلوش رمضان كريم
وبتك دي الدولار بتاعكم ابقي عليها عشرة..
ده من ناحية من ناحية تانية
افتحي جوالك المهبب ده..
في جوال بفقلوهو اسبوع؟؟
مديرة مكتب اسامة داوود انتي؟؟
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
| Quote: فضاءت رأئعة يا دكين...... أن الشتاء يزكرني بجخنوني الحنون فى السودان وهى غرفة صغيرة فى منزلنا المتواضع من الطين الكاكي فى سوداننا الحبيب ..... كما يزكرني الشتاء ..... بمدن الصخب والضجيج والتى تنام على مخدات الطرب ... كما يقول حمد الريح .... بالطبع لك مودتى فى هذا الشهر العظيم. |
سيف جبريل الممتع..
طبعا في زحمة الجكس انا ممكن انسى حنانك ذاتو..
غرفة جالوص في شتاء وكباية ساي بي لبن ولا دهب المعز..
وتصوم وتفطر على خير
ورمضانك مناسب
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
اصدقاء الشتاء اجمل ما فيهم تقسيمك لهم على حسب الحالة ..
هناك صديق شتاء يستحمل ان يخرج معك في برد لافح لتصلوا نادي الضباط حيث زواج زميلتكم لتعودوا بعدها ادراجكم على بكس كاشف وتلعنون اليوم الذي تابعتم فيه الاناقة وتجاهلتم الشال لأنه يخرمج اللبسة ..
وهناك صديق شتاء يخرج معك بعد صلاة العشاء لي دكان العربي من اجل البوش والشلاليف محاطة بزيت السمسم وجفاف على الجضوم ..
وهناك صديقة شتاء تبعث فيك الدفء وانت تجلس معهم في بيتهم العامر وهي تجلس قبالتك في عنقريب وانت تجلس في العنقريب الاخر وتضع كباية الشاي في الواطـــة وانت تسترق النظر اليها وتحكي لها هموم دنياك معللاً وجودك بالقاء التحية على حاجة الرضية ..
صديق شتاء تشاركه اكل القصب والعنكوليب في اخر محطة في انتظار بنات الثانوي خصوصاً تلك التي ترتدي اللون الأزرق الداكن متميزة عن زميلاتها ..
واصدقاء شتاء تدك من اجلهم المحاضرة لتجلسوا في فناء الجامعة وشمسها الدافئة تقطعون النجيلة ..
واصدقاء شتاء ترسم لهم في مخيلتك مسوح بزيت السمسم والكركار والارجل غبشاء كما الدحوش والشقّيق يدخل ضب كما نقول ...
الشتاء موسم القلق الجميل ..فيه مغرب مخيف وليل طويل تستلذ فيه النوم ونهار يجبرك ان تجر السرير في ضل الحيطة لتنام غرير العين هانيها ..
دوماً ما كنت اتوقع في الشتاء ان يطرق الباب في منتصف الليل ليخبرنااحدهم بي خبراً شين بوفاة احد الاقارب او سماع صراخ لأحد الجيران ..
| |
|
|
|
|
|
|
|
|
|
Re: اصدقاء الشـــــتاء (Re: عمر الفاروق)
|
| Quote: وهناك صديقة شتاء تبعث فيك الدفء وانت تجلس معهم في بيتهم العامر وهي تجلس قبالتك في عنقريب وانت تجلس في العنقريب الاخر وتضع كباية الشاي في الواطـــة وانت تسترق النظر اليها وتحكي لها هموم دنياك معللاً وجودك بالقاء التحية على حاجة الرضية .. |
قربتا ياعمر
اجمل شي فيك انك زول فقران ومقطع ..
وآمالنا تشابهت في ذلك الزمان الى حدٍ كبير
اما وقد رايت اصدقاء الشتاء ياعمر فان للشتاء منازل..
افلا احدثك عن منازل الشتاء:
قول يالطيف:
منزل بالعرضة شمال بيت العزيز مروان العبادي..
إن شئت الدقة فقل بيت ناس مصطفى بلال..
بيت من بيوت امدرمان القديمة ..
بباب ذي الواح ودُسر ..
حوش وجهنمية قليلة الاوراق تُـزهر في كل الفصول.. الغرف تفتح الى الحيشان والحيشان تؤدي الى نفاجات والنفاجات تؤدي الى حنين..
كنا ندخر الديوان للشتاء وندخر الشتاء للبرنجي ..وندخن خلسة على عتبة دكان الماحي ..
مابقى شي من المنزل الان
وكان كل شي بسفرنا قد ذهب..
المنزل الثاني
منزل العزيزة رشا الصلحي
وللحنين فيه جهات اربعة.. وللشتاء فيه مقيل..
المنزل على خور ابعنجة ..
تقف لالوبة على باب الدار يلوح للناظر اليها انها شهدت اجيالُ ُ واجيال ..
بالصالون لوحات للتشكيلي ابراهيم الصلحي من ازمنة مختلفة..
يستقبلك عم حسن وكأنك بينك وبينه ودُ ُ قديم ..
يحدثك حديث العارف عن تاريخ العوائل في العباسية وتاريخ عموم ام درمان وبينما تتخذ مجلسا طرف نبات متسلق دقيق الاراق كثيفها يكون الحديث قد عرج حتى عتبات الدار ..
في ذلك الشتاء كان يشير الى (مرق) عريض في سقف الديوان قائلا بينما الشاي حاضر :
دي ياولدي جابها الصلحي من السرايا بتاعة غردون يوم داهم انصار المهدي الخرطوم ..
كل شي يومها غنمه الانصار ارسلوه الى بيت مال الامة جوار ابروف..
وكان للمجاهدين نصيبُ ُ بما امر الله واؤلي الامر..
نقلوها بالمراكب لحدي الموردة ومن ثم الى هذا المكان
وزي ما شايف
لسع متينة وشديدة تشهد على عملٍ جيد متقنٍ حريف..
فيما بعد تحدثك سعديةالصلحي عن كل شي غاب عنك..
وعن معارض الزهور وتواريخ الازياء في مروي القديمة..
ويطول الحديث والشاي والشتاء والمودة والطيبات حضور..
ومع صلاة العشاء يبلغ الجمال والمودة في ذلك الدار غايته حتى تحس بالندى تحت قدميك ..
فوالله ما ذكرت بعدهم امدرمان قط حتى خطروا في خاطري وعمني فرح الشتاء الجميل..
آلا متعهم الله بوافر الصحة والعافية بقدر انسهم والمودة التي لازمت مُـحياهم..
منزل الشتاء الثالث :
بيت ناس عبدالرحمن حيدر في حلفايةالملوك..
ودي منزلة من منازل الشتاء لاتفريط فيها..
ومامستعد افرط فيها بالبوح ..
ومامن رجل اشتاق الى شتاء فباح به إلا غاب البوح بالشائق والـمُـشتاق..
ومامن رجل حن الى إمراة فاكثر منها بالحديث إليها إلا ذهبت كثرة الحديث بحنينه إليها هباءا منثورا ..
فالتسمع مني وتعذرني كوني لم اُلاِقها هذا المساء..
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
نجود حسن عبرحمن
رمضان كريم وكل سنة وانتي طيبة..
بلاي تاني مرة مداخلتك ختيها اخر شي ..موش تنغرزي وسط الخلق..
صدفة وانا بتفرج في صور عبد الرازق الكتيرة دي لقيت اسمك..
ووحاتك ما كنتا شايفك..
ووجودك بين اصحاب الشتاء يفرح ويسعد
وحمدلالك على السلامة وبركةالشفناكي تاني..
وسلمتي يامنقة وتصومي وتفطري على وقبل العيد امنياتك محققة ..
بالكتير تالت يوم رابع يوم لو خلااااص تاخرت الامنيات..
وفي امان الله
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
دكـين المكين
يا أخ الشـتاء
انما كان قصـدي بـ ( واذداد جمالا )
بأن دهـنوننـا قد ذادتـه الفـاقة جـمالا
وانت ادري مني بمـخارج الدهـنون الجمالية حينما يبلغ
منه العـوز مـبلغـا
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
| Quote: فدهـنون يساكنني ذات المدينة بالولايات المتحـدة الامريكية ، مدينة مانشـسـتر بولاية نية هامشـير |
| Quote: حينما يبلغ منه العـوز مـبلغـا |
الخير اخوي
كتر خيرك لكن و الله انا كتا متاكد انو مدينة مانشـسـتر بولاية نية هامشـير دي ما شبه الدهنون ،
الدهنون اخرو كان البيت المؤجرو في مايو ،
بعدين شنو حكاية انزل الموبايل بعد اذن الدهنون ، نزل نزل ما عليك من زعلو ، دهنون دا ما زعل في حياتو الّا مرة واحدة يوم جايين راجعين من بحري هو و محمد يوسف .
و الله قال ازداد جمالا قال
عليك الله قول ليه لسه بتحب مي و لّا خليتا
قال يجوز التقديم قال
مي يا ظالم
مي تكسر رقبتك
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
| Quote: وانت ادري مني بمـخارج الدهـنون الجمالية حينما يبلغ منه العـوز مـبلغـا |
انت يا الخير عايز تجمّل الدهنون دا ساكت
الدهنون اسال منو كيمو بتاع كشك اقتصاد و راشد بتاع السوق الشعبي لما يبلغ منه العوز مبلغا ، و لّا اقول ليك اسأل منو حسن بتاع وزارة التربية .
دكين عليك الله بعد تنتهي من البوست دا ما ترميهو
داير اخصص الجزء الاخير دا منو لي دهنون
| |
|
|
|
|
|
|
|
|
|
Re: اصدقاء الشـــــتاء (Re: حمد فتح الرحمن)
|
Quote: انت يا الخير عايز تجمّل الدهنون دا ساكت
الدهنون اسال منو كيمو بتاع كشك اقتصاد و راشد بتاع السوق الشعبي لما يبلغ منه العوز مبلغا ، و لّا اقول ليك اسأل منو حسن بتاع وزارة التربية . |
يا حمـد ياخ دهنونا دا انصلح حاله وتبدل واصبح يقرض الشـعر واحبته حـسناوات المدينة البيض
يا حـمد انطلق لسـان دهنونا بلغة اهـله الفرنجة ففتن نسـاء المدينة باكـسـند يليق بجمالهن
يا قـوم ان دهنونا يفكـر بالرحيل الي صـدر هـوليود فـهـو يؤمن ان لا مقام لمثـله الا بهـا
يا قـوم اشـك كثيرا في ان دهنوننا يذكـر اسـاميكـم.
الم اقل لكم انه اذداذ بهـاءا.
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
عبد الرحمن حيدر..
ومن ظل لشمسٍ غاربة على اخر بيت في الحلفايا..
ومن شتاءٍ ياتي الناس في المغارب..
ومن شجيرات المسكيت على مداخل المغارب..
ومن ماغرب عني وعنك في الجامعة والزمان مغارب..
ومن اشياء تطل وتغيب في تمهل المغارب..
انا قد ارهقني الشوق اليك..
و الى المغارب..
ياعبد الرحمن
إن الذين تحبهم سرقوا اباريق المياه من الخيام المتعبة..
لكنهم لم يسرقوا منك الحجر...
ولا المغارب..
كم احبك بلا شروط..
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
يا عبد الرحمن
ذو النون في النون خبا وذاب ..
وانكر البحر ماجنى وانكر العباب..
(محمد المهدي المجذوب)
البحرُ لم ينكر العُـباب
وانما العُـباب نكر مانكره البحر سلفا..
إذ كيف ُيُنكر البحرُ شيئاً هو بائُُنُ ُ فيه لايخفى على المُـطلع...
على اي حال.. لاُيجدي الاجتهاد في شرحِ ماخفي من هذا النص كثيرا ..
فان من تركته خلفك في الدناقلة شمال قد غاب بكل شي..
ياعبد الرحمن
ان مدَّ الله لنا في الآجال
في مغارب هذا الشتاء سنكمل كل ما قد سقط منا في سنين الشمس والمغارب..
| |
|
|
|
|
|
|
|
|
|
Re: اصدقاء الشـــــتاء (Re: المسافر)
|
يامسافر
انا عايز اعرس ياخي..
خلاص والله اخوك ضاقت بيهو..
النسوان يتدخنن والبنات يشدن في صـدُرِن ويمرُقن في سيقانِن وانا اقعد اتفرج؟؟
| |
|
|
|
|
|
|
|
|
|
Re: اصدقاء الشـــــتاء (Re: DKEEN)
|
| Quote: سلام يصلك حيثما كنت يا وريف.. |
أتمنى أن يصل قبل أن تقابله مفخخة أو قنبلة أو صاروخ أو أصحاب الأحزمة الناسفة .. فالطريق إلينا فى بغداد لا كالطريق الى سمرقند
هذا ألأيام متواجد بصورة دائمة فى المنبر لأنى عرفت أن هناك عملية جرد سنوى و أخاف أن يسجلنى بكرى غياب فلا نجد مكانا نتواغد فيه
جـهّـز نوار السنة القادمة و نحن جـاهــزون
| |
|
|
|
|
|
|
|
|
|
Re: اصدقاء الشـــــتاء (Re: Ali Alhalawi)
|
| Quote: أتمنى أن يصل قبل أن تقابله مفخخة أو قنبلة أو صاروخ أو أصحاب الأحزمة الناسفة |
ياخي انتا تلم فيها لي بتين ياعلي
..
اسمك ده لو ماودرك ..تاني مافي شي بوردك..
| Quote: جـهّـز نوار السنة القادمة و نحن جـاهــزون |
كان انا قعدتا لي السنة الجاية بدون برتكان حلالي شنبي ده يقوم في اماني..
| |
|
|
|
|
|
|
| |
Mustafa Mahmoud
تولوس
عمران حسن صالح
bayan
Tragie Mustafa
طارق جبريل
الخير محمد عوض
مجاهد عبد الرحمن
mohamed elshiekh
abuguta
حبيب نورة
حمد فتح الرحمن
smart_ana2001
Saifeldin Gibreel
Marouf Sanad
وجن
Nadir Dirar
عمر الفاروق
Kostawi
المسافر
فيس بوك
تويتر
انستقرام
يوتيوب
بنتيريست