|
|
 شرح نموذج الحالات
|
اول يوم اعرف انو في مكان اسمو الخور ...
اجمل مافيهو انو الخارجين منا لايرونا ..
امتياز فقط للاعضاء ..
اول امتياز ممنوح للاعضاء دون السادة النظارة خارجنا..
يعني صورتي ما حتتشوه لنظار جدد..فقط الذين عرفت من اوغاد..
لذا قررت انزل بوست هنا ..فقط من باب الرغبة في الاضلاع على عورات الاماكن كلها والمشاركة الوجدانية للاخوة هنا ..
وبصراحة وجود بوست لي حمزاوي وبوست لي بت الاحفاد مسالة تخليني انا برضي اشارك ..
بت الاحفاد في الخور ؟؟؟
أي جنةٍٍ سقط منها هذا الخور ؟؟
اجمل مافي هذا الخور اصرار اخونا عثمان على انزال احد البوستات..
نزلو مرة ودوهو الخور ..نزلو تاني ودوهو الخور ..نزلو تالت مرة وكتب عليهو لاست فيرجن..برضو ودوهو الخور ..اصرار مستميت يعرف اين مكانه..
ضحكتا لامن البت الشغالة معاي نزلت خلفة كراعها ..
تعتبر تراجي سبب نزول اغلب البوستات الى هذا الدرك من العورات فالتحية لسيدة نساء الخور (تراجي)..
المتربع على عرش الخور هذه الأيام هو سيد الخيران عمر الفاروق ..
(انتهى)
طبعا وانا في منبر الخور نونت هذا البوست على امل انزاله هناك كسابقة ..وعملتا كلك في ايقونة موضوع جديد في ذلك المنبر الامتياز عشان انزل الموضوع ادناه للاسف جاتني الرسالة التالية:
Permission Denied
Sorry, you have no permisson to access this page or function
Please go back and try again or contact the webmaster if you believe this is a server error
يابكري طيب شيل ايقونة موضوع جديد من هناك ..ما تضللنا..انا والله اتصدمتا لامن البوست ده ابى ينزل هناك...
وبي كده عشان الحق البوست ده الخور مع انو ما شبهو حاضطر افسق فيه لي قدام يا خوانا ..من اراد ان يلتحق بشرف الخور على مركب دكين فليكن بالجوار ..
البوست:
يوم الجمعة 5 ذو الحجة 1426 وبينما انا انظرُ من خلالِ شباكٍ الى هنديٍ بجوار اعمدة كهرباءٍ مدت في خلاءٍ متواصل وبينما الغالية تزور خالتها في شمبات وبينما بت الاحفاد ووجن يجاهدان بالاستظلال بظل من لا ظل إلا ظله..
اذ نظرت الى نفسي فوجدتني مرنا واتوقع كل شي ومع ما اتوقع استقيم..
في الشى ادير جميع الاحتمالات ماكان ممكنا ومالم يكن ..ماهو متوقع وماهو غير متوقع ماعُـرف عنه ومالم يعرف..
خيالي بجذر من مجلات ميكي وتان تان ..
لذا يستنفذ الشي عندي خيارات استخدامه ولوبعد حين... وفي الحين ماساتي وبالزمان الذي يطول قصة ..
يعني بالعربي كده ملول ..
والملل عندي منتوج العلاقات طويلة الاجل.. ولطول الاجل اعزو جميع فشل علاقاتي العاطفية ..
في اليوم الاول يظهر اعجابي بها وبنهاية الاسبوع اكون قد اجلستها في الميدان الشرقي جلسة من تعرف لماذا جلست ...
في بداية الاسبوع الاول وهي لسع بتقشر لي بي فساتينها الماشفتهم تكون هي قد تحولت عندي الى شي يُـدار في جميع الاحتمالات ..ماكان ممكناً ومالم يكن .. ماهو متوقع وماهو غير متوقع ما عرفت ومالم تعرف ..
ومن ثم يدهشها حديثي لانه اجتاز بها المعقول مما قد اعتادت وعبر خيالٍ مستمدٍ من خيالات عديدة اُ وغل لها في افاق اشواق الريدة حين تستبد ...
في نهاية نفس الجلسة وبينما اكون وصلتا الكلام جدو و تاكل كوعي في مدرجات الميدان الشرقي وبفكر ياربي القدامي دي مطهرة ُسنة ولا فرعوني ..
تكون هي بتتكلم لي عن الزول الكان قاعد جنبها في حافلة الشعبية وتاكل كوعو في خصرها وبهوزز ..
ولامن اجي في نهاية الشهر اقول ليها : انتي ما تعالي نبقى اصحاب ساي..
تقول لي : عزيز خلاص ياخ انا ذاتي ما مطهرة.
(انتهى شرح نموذج الحالات)
خلال سنين الجامعة تكرر المشهد المذكور بسناريوهات عدة تختلف فقط في ان مسالة الطهور تكررت مرتين ..
مليتهم جت عن بكره ابيهم ..
بداية يتثاقلن ومن ثم يثرن فيك لواعج اشجان من آفاقِ الفجرِ وموج النيل .. وبما يثرن انت تسير هونا من الزمان غير قليل.. ُتدبج خيوط نسيج النفس الآملة والعشق القاصد..
اها وبعد ده تبدا تجوضك جوط .. وتحشر في تِربتك اجازتك تسريحاتها ووساع خطو قدميها وبصمة شفاهها على قزايز كافتريا( الصافي ) ومواعيد دورتها الشهرية والافراح القادمات ..
ومع دوران شهرها ودوران ايامك تدور عليها الدوائر وتتساقط المكتسبات ومن ثم تملها وتبحث المخارج..
وفقا لنظرية الحت وتشابه امزجة جيل الانقاذ ومكتب القبول وحركة نسوان الحلة المستمرة بين البيوت وحركة الطيران واتجاه الريح فان كل البنات في عموم بحري وودنوباوي وابروف والمنشية قباني والصحافات والجميعاب والسادسة والشهايد العربية من طينة واحدة وتركيبة بالغ ما بلغ بها الجمال وسعة الافق والحس الفكاهي ورقة الحاشيه فهي بعد شهرين بس ليسو اكثر جمالا من ركبتي دي (واشار الى ركبته)..
كل البنات عاوزين الاستقرار وزول جادي ولايعطونك بالمقابل سوى حديث ممجوج ومكرر و خجل غبي ...
ثديات مترهلة تتشابه في الفسوق وصعود الحافلة واللون البيج الفاتح حول الحلمات..
تخيلو وانا بتذكر التفاصيل الكتيرة غير المذكورة هنا وبينما الهندي بجوار اعمدة كهرباء ُمدت في خلاءٍ متواصل وبينما الغالية تزور خالتها في شمبات وبينما بت الاحفاد ووجن ُيجاهدان بالاستظلال بظل من لا ظل إلا ظله..
بينما كل ذلك عرفت انو المعرفة طويلة الاجل هي التي تنتهي بالملل وان طول اجل المعرفة هو مصيبة راس هذه السنة التي اطلت وراس السنة التي ادركها والسنين التي انقضت...
ورايت بعيدا عند راس الهندي طرف ذلك العمود مأساتي ..
ماساة المرونة والخيال الزايد والملل الذي يتواتر مع زمان طول المعرفة في حياتي..
الماساة التي مردها الى مجلات ميكي حلها اني اتزوج لي واحدة ما بعرفها نهائى..
مابعرفا الى حد اني اكون برقص معاها ليلة زفافنا واقوم اهمس لها جادي وهي في كامل زفافها: (الاخت من بنات وين ؟؟)
|
|
 
|
|
|
|
|
|
|
|
Re: شرح نموذج الحالات (Re: DKEEN)
|
دكين
يشهد الله داير ارد علي بوستك ده جاتني الرسالة نفسها
Permission Denied
Sorry, you have no permisson to access this page or function.
Please go back and try again or contact the webmaster if you believe this is a server error
اها خليتو الرد انداح و بجي الحقك الرد لي قدام في نص الطريق الي الخور و انت تسبق عمر الفاروق و ست الخور بجدارة خالتو تراجي 
| |
|
|
|
|
|
|
|
|
|
Re: شرح نموذج الحالات (Re: فيصل نوبي)
|
فيصل نوبي الهاش دوما ..
من غرائب هذا الخور ان تجد نجود وبت الاحفاد ...
وتراجي ...
بكري ما خاف الله في بت الاحفاد ونجود وكت ختاهم كلهم في فجة واحدة ؟؟
طيب ياخي يعملو درجات ..
خور درجة اولى
خور درجة تانية
وخور امتياز بتاع ناس تراجي والمحترفين
| |
|
|
|
|
|
|
|
|
|
Re: شرح نموذج الحالات (Re: DKEEN)
|
| Quote: وبي كده عشان الحق البوست ده الخور مع انو ما شبهو حاضطر افسق فيه لي قدام يا خوانا ..من اراد ان يلتحق بشرف الخور على مركب دكين فليكن بالجوار .. |
دكين
لحدي الان او بالاستاندر بتاعك يعتبر هذا البوست مهذب و راقي جدا ، من الصعب انو يمشي الخور بالشكل دا .
او بي شكل البوستات النازلة اليومين ديل يمكن لو جبتا قزازتك هنا عديل ، ما اظنو حيمشي بي هناك ، بالعكس ارجح احتمال انو يترفع فوق مع ناس ( خبر هام للسودانيين المقيمين في امريكا ) .
| Quote: يعني صورتي ما حتتشوه لنظار جدد..فقط الذين عرفت من اوغاد.. |
باقي لك لسع في ناس جدد شي ؟؟؟
كدي شوف ليك طريقة بُرمة تعال ركبا هنا ، عسي و لعل .
بساعدك في التصريف ، ففتي ففتي .
| |
|
|
|
|
|
|
|
|
|
Re: شرح نموذج الحالات (Re: Gafar Bashir)
|
ابو امنه العزيز
والله ليك وحشة يا حبيب وينك مدسي منننا ..
| Quote: يا حبيب انت اشتغلت دكتور من ورانا ولا شنو |
انتا قايل الدكاترة بس البرفعو ليهم كراع فوق كراع ؟
بدري الحبيب
ما تقعد تشبكنا مشتاقين وحركات ناس التقانة دي ..
انتا وكت الوهم وافي وكت العلم جافي ؟؟
لامن يكون في عرس محس وهجيج وحنان وجكس نوبي تقعد تتزاوغ وتجهل فينا العرفة ..ولامن تجي ترحل ويكون فيها ترحيل عفش وشيل كراسي وتلاجات تقول دكين حبيبنا مشتاقين ...
انتا ياخ محسي ولا يهودي ؟؟
| |
|
|
|
|
|
|
|
|
|
Re: شرح نموذج الحالات (Re: DKEEN)
|
| Quote: دكتور من ورانا ولا شنو |
يا أبو آمنة ياخي مشتاقين يا حبيب طبعاً دي بركات الشرقية لكن قدر ما حاولنا معاهو أصر أنه يكون دكتور نساء وتوليد.
يا دكين وين انتا ياخي؟؟؟ والله مشتاقين ليك اكتر من ما كنتا في الرياض وبعدين يادكين يااخوي تبرا انتا من الخور والأماكن الما ياها دي تصدق يا دكين أمبارح جيت بقلب في البورد دا كراعي ودتني مكان غريب المهم بعد التقصي عرفتا انه في حاجة اسمها خور لكن يا دكين عاد الخور دا والله اصلو ما شبهنا اياك والخيران يا دكين.
| |
|
|
|
|
|
|
|
|
 Re: شرح نموذج الحالات (Re: DKEEN)
|
Quote: بينما كل ذلك عرفت انو المعرفة طويلة الاجل هي التي تنتهي بالملل وان طول اجل المعرفة هو مصيبة راس هذه السنة التي اطلت وراس السنة التي ادركها والسنين التي انقضت...
مابعرفا الى حد اني اكون برقص معاها ليلة زفافنا واقوم اهمس لها جادي وهي في كامل زفافها: (الاخت من بنات وين ؟؟) |
كلامك دا منطقي... و بشبه الزمن الحالي...
عليه...
يحليل الزمن الفات... لمن كانت علوية تنهض من قبر انتظاراتها علي شواهد اللهف... تمسح عناقر صبرها التي كما مروحة طربيزه اعياها التلفت عل القادم نجم بحجم التوقع...
الليله يا انا يا حسبو.. _قالتها في نفسها_ و هي ممسكه بأطراف شعرها التي ذادته اشعة الشمس احمرارا...
لشهور شتي خلت كانت تحرث ارضها ما غابت يوما او مرضت....
كان طينها قد عقد حلفا مع رئتيها وتعاقد معهما على مدد النفس
فكانت تشهق طينها وتزفر حنينا وكان هو ـ حسبو ـ ينسرب كما أغنيه فى سروحها
كان دوما فى كامل هيئته وهو يزامل نبضهت متجها الى أعشاش النبض...
و بعد....
لازالت علويه موهومه حتي الأبنص... و حسبو كتمثال بدفورد... كلما تقدمت نحوه بعد... ولا زالت ... حسب وهمتهاتؤمن انها ستلتقيه
يوما... (ش وق)
سلمتم...
أ.ع.ع
قومي تقوم قيامتك... النايمه ليها شنو
| |
|
|
|
|
|
|
|
|
|
Re: شرح نموذج الحالات (Re: ShiningStar)
|
شايننق ..
تصدقي وتامني بالله انو ليكي وحشة استثنائية..
بس المعايش الجبارة وكثرة مايطلبة الاخوان والاهل من مكان بعيد ..
عزيزتي
بطول مدة الاشياء واللقاء تتعذر الامنيات ..
ظني ان اقرب لقاء تاني إلا في الفيحاء .. تجي علوية بي جمس سوبربان تخبط باب الزنكي تسمع كوشك كوشك كوشك يجي حسبو شايل ليهو بنية منكوشة الشعر وخرطوش موية في شمالو والبنية مخاطتا معلقة العراقي..
لقيا واقع مرئي حقيقي كلو كتاحات وبيوت وبنايات (هنا و هناك)...حيث يعرف المرء ان الانسان لم قطع مرحلةالرعي بعد.. او ان يد الحضاره لم تمس هذه الارجاء... اطفال و عجائز مسنين يستحمون بأشعة الشمس و حركة الماضي... او كما قلتي يرحمك الله ..
ود اكترمن ودك ذاتو ..
ووردة جهنمية ..
وشوق كتير..
| |
|
|
|
|
|
|
|
|
|
Re: شرح نموذج الحالات (Re: DKEEN)
|
آبدول الكوشي ( واي زول يشكل زي ما هو عايز )
انتا من يوم ما قمتا حايم من الحزام لي كوشة الجبل . لما يرضي عليك ربنا و يقعدك في شاليه زي المُجدِع فيهو دا تقوم اول ما تكتشف ليك كوشة طوالي جاري عليها .
يبدو انو دا انقياد لا شعوري للاماكن الاثيرة للنفس ايام الطفولة .
| Quote: يا خوانا ..من اراد ان يلتحق بشرف الخور على مركب دكين فليكن بالجوار .. |
شايفك زي العايز تقول البباري الجداد بوديهو الكوشة .
يلا يا زول ودينا وراك الكُوشة يمكن نلاقي لينا واحدة فاهمة تودينا الكوشة ما دام الهِنا ما راضين بينا .
يا بدري
شنو يا حبيب شايفك عامل ليك مداخلة ما عادية في الخور ، او جاي هنا عامل فيها انك ما بتاع خيران و مجاري ، يا اخوي قالو الاتبلبل يعوم ، خليك زول عادي واقع المجاري دي و ما تقعد تعمل لي فيها الود بتاع التقانة و متربي في بلاد برة و بتاع .
| |
|
|
|
|
|
|
|
|
|
Re: شرح نموذج الحالات (Re: حمد فتح الرحمن)
|
دي نسبة الى مملكة كوش يا حمد موش كده ...
تعرف االاسنان بن بيئته وانا حرم الشاليه القاعد فيهو ده مع سعةسريرو برقد في الكنبة وبخلي السرير الدبل..
اصلا كيف ترقد في سرير دبل براك دون انيس؟؟
فال سي تخيل ترقد في سرير دبل بدون مرة...
يقال انو البعملا عمرو تاني ما حيرقعد مع مرتو في سرير دبل ..
ربما واضة ..وربما الكنبة ..وربما تلحقها الطرابيز ..
وربما زي ما قال حمزاوي في السلالم
حمد اخوي دمتا رايق ودام بهاك مشمول بي النظام ..
مسافر بتين لي الامتحان يا مان ؟؟..عندي امانة
| |
|
|
|
|
|
|
|
|
|
Re: شرح نموذج الحالات (Re: DKEEN)
|
ود عمي دكين الفقري
مسكاقمي
| Quote: ضحكتا لامن البت الشغالة معاي نزلت خلفة كراعها .. |
سجمي يا دكين
الرجال بيلاوزوا منك
معقول تشتغل معاك بت
انت تبفتكر اي فلبيني شعرو طويل بت ولا شنو
وكمان تخلف كراعه قدامك
لا حول ولا قوة الا بالله
صدقني انا ما اضمن حبوبتي القاطعة موية واخليها تجلس معاك في مكتب
| Quote: مطهرة سنة ولا فرعوني |
أن شاء الله يطهروك بساطور (ترهاقا)
بسيطة يا اخوي وبما انك خبرة
طوالي اقعد تحت فتحت السلم وعاين
بس المصيبة تطلع لابسه بنطلون
وتجيك واحدة تسف صعوط ويفكها في فتحت السلم
يا اخوي يا دكين
حالتك تحنن مسكين مصقرط
يا ناس الشرقية سفروا الدنقلاوي دا
البحرين ولا بانكوك
| |
|
|
|
|
|
|
|
|
|
Re: شرح نموذج الحالات (Re: حمزاوي)
|
حمزاوي قريبي العزيز ..
| Quote: طوالي اقعد تحت فتحت السلم وعاين |
تاري دقنك دي ما قامت بالهين ..
بشتنة ورقاد سلالم ..
ضحكتني ياقريبي حتى بانت نواجذي وتاني البت رفعت كراعا..
وليك لي زمنك المعفن ده .. عندها كرعين زي عمود المعابد..
وطبعا ما مطهرة البتة ..
والادانا بالمعابد يديك بالمعالق..
يا صعلوك..
| |
|
|
|
|
|
|
|
|
|
Re: شرح نموذج الحالات (Re: DKEEN)
|
كل ما قرأت لك يا دكين تذكرت لماذا افتقدك يوما نادر في البورد و أفرد (بوستاً) لعودتك
آبدول دي كنت قايلا ماركة مسجلة باسمي | Quote: مابعرفا الى حد اني اكون برقص معاها ليلة زفافنا واقوم اهمس لها جادي وهي في كامل زفافها: (الاخت من بنات وين ؟؟) |
كتّاباً
ودي
| |
|
|
|
|
|
|
|
|
|
Re: شرح نموذج الحالات (Re: Mohammed Elhaj)
|
ود الحاج
سلمتا للمرور الجميل والكلام الطيب
بلاي انتا برضو abadool
في جمعيتنا فقط تلاتة آبدول.. نحنا المسميات النوبية عندنا لاتزال تضج بالحنين..
نادر عباس والله افتقدناهو ..
كان رجلا يرى الاشياء اما بيضاء او سوداء..
بين بين ما كان عندو ..
والمنبر ده حق البين بين والدهاقنة وشذاذ الافاق ..
لذلك مضى ..
يقيني انو لو كان جا كان تاني حيمرق ..لايزال الجبُ متسخا يا ود الحاج..
وسلامات كتيرة ليك وليهو
| |
|
|
|
|
|
|
|
|
|
Re: شرح نموذج الحالات (Re: DKEEN)
|
حمد الضهب
ياحمد انتا نسيت انو انا كلاكلاوي المنشأ وجنب بيتنا كان في خور وقبل كدا لفيت مع المغضوب عليه من كل الحكام مولانا محمد بدري كل مناطق الشدة ياخي انا مفروض آخد وسام الانجاز والاعجاز في السكن جوار الخيران عارف يا حمد اشهر خور سكنتا جنبو دا كان خور بيفصل بين دولتين عليك الله نلت شرف خوري ذي دا في حياتك تجي تقول لي تقانة يا حمد؟؟؟ بكري لو مفتح يعيني مشرف على خور البورد.
وبعدين تاني ما تتضهب مع ابوي في الحفلات.
دكين بتاع التركين
الحجة عازماك تركين انتا وبني دنقل المعاك بس المرة دي في الشقة الجديدة.
الحفلة يا دكين كانت اسرية خالص يعني غير مسموح صحبة الأغراب بس عمنا حمد عامل فيها مصاحب الحاج وجا داخل معاهو والله قربتا أحرجهم الاتنين وبالمناسبة انا قطعتو مع الحاج قلت ليهو بلاهي تاني كل زول يركز على أصحابه ما ممكن انا اي زول أصاحبه تاني يوم يشبكني أبوك كيف وأنا زاتي قررتا ما أصاحب عزابة كرهتونا وبمناسبة كرهتونا نحنا راحلين بداية الاسبوع الجايي افتح جوالك
والله عزو دي لو لما فيها طارق أبو عبيدة يعمل منها أغنية يحسم بيها الخلاف بتاع عادي وما عادي دا والله أيامك يا عزو والبركة في بورد بكري العمل منك عزو والله صحي بلداً ما فيها تمساح يقلب فيها الورل.
وجن كيف؟
بدري صاحب عزو الصغير
| |
|
|
|
|
|
|
|
|
|
Re: شرح نموذج الحالات (Re: Badri)
|
بدري
اسرية علينا نحنا ياخ؟؟
بعدين يا بائس يا بتاع التقانة
وجن دي انا بعرف اهلها من قبل ما بكري يبلغ اشدة ويفكر يمشي اريزونا..
وجن دي يا بيضتي زينت بوجودها وجودنا بجامعة الخرطوم وكلية الاداب سنين طويلات ..
دي لامن كانت تجي داخلة الجامعة كنا بنقيف نقول السلام الجمهوري ونحي الوطن وادارة الجوازات والهجرة ةالجنسية لانو ادتنا نفس الجنسية سوا مع ناس زي وجن وسوزان صديق وميسون نجومي وولاء كردفاني ...
نحنا عشنا في الجامعة دي شي اسمو قولدن برليم ..
بتعرف البرليم يا برلوم..
بعدين ياخوي شايفك عايز تاخد راحتك مع وجن دي وتقعد تعمل لينا مسابقات وحركات رحلات ..
هووووووي يا بدري وجن دي عضو نفيس وحافظة تلاتة ارباع القران يعني لو قات ليك السلام عليكم ساي بتحرقك ..
| Quote: بدري صاحب عزو الصغير |
غيرتا ليك حفاضات انا قبل كده يا ولد ولا شنو؟؟
| |
|
|
|
|
|
|
|
|
|
Re: شرح نموذج الحالات (Re: DKEEN)
|
Quote: المتواجدون الان بالمنبر العام 335 شخص » (25 )عضو و (310) زائرا
»Abu Gaafar
»Adrob wad Elkhatib
»almulaomar
»Amira Obeid
»Dr Abdelazim Abdelrahman
»Elkhawad
»Elmoiz Abunura
»Elmosley
»Hussein Mallasi
»MASSOUB
»mo
»mustafa mudathir
»saadeldin abdelrahman
»shazaly gafar
»waleed500
»ابراهيم محمود الحاج احمد
»ابنوس
»احمد معتصم الطيب
»الطيب بشير
»امبدويات
»حنين للبلد
»صلاح شعيب
»نادية عثمان
»هشام هباني
»وجن
هذه الصفحة يعاد تحديثها كل 120 ثانية. |
شوف بلاهي شلاقة السيرفر دا أسي عليك الله في حاجة في الدنيا بتجمع بين وجن وهشام هباني غير الصفحة دي. وجن دي زولة رقيقة وبتقول يا عزو وهشام هباني ذي سواق عربية العفونة ساكي هرار اليونانيين من بوست لبوست ومع ذلك 100 ريال لأحسن تعليق أو كراكاتير ...
لجنة التحكيم لاختيار أحسن تعليق مكونة من وجن ( رئيس اللجنة ) بدري ( نائب الرئيس بالانابة) آخر موعد لاستلام التعليقات يحدد من قبل رئيس اللجنة لاحقاً يمنع التدخل في مفاوضات أعضاء اللجنة يمنع من الاشتراك في المسابقة كل من دكين وحمد وأي زول في الشرقية.
| |
|
|
|
|
|
|
|
|
 Re: شرح نموذج الحالات (Re: Badri)
|
بدرى إزيك
عامل شنو
عزو داصديق العائله ولا دخل للرقه بدلع ذلك الدنقلاوى المتحنكش
أسالك سؤال
ليه الدناقله جنهم حنكشه
بعدين أنا بديك أجمل تعليق
بس على شرط ترفع السعر شويه
بدورى
ما قلت لى إنت صاحب عزو منوأنا أعرف كل لمائم هذا الوغد
| |
|
|
|
|
|
|
|
|
|
Re: شرح نموذج الحالات (Re: وجن)
|
| Quote: ضحكتا لامن البت الشغالة معاي نزلت خلفة كراعها |
انت عندكـ شغالة يامولانا !!
ولسه مُصر انها !!
وجن .. براحة ياخ
حمزاوي
لوووووووووووووول
حاشية
قررت تمديد اقامتي في هذا الخور
| |
|
|
|
|
|
|
|
|
|
Re: شرح نموذج الحالات (Re: وجن)
|
وجن
| Quote: الدناقلة جنهم حنكشة |
ياخ رانية هارون دي لاEيقاس عليها يا وجن ..دي حالة استثنائية ..دي دُرتنا ودولارنا ..
| Quote: ما قلت لى إنت صاحب عزو منو ؟ أنا أعرف كل لمائم هذا الوغد |
ديل ياوجن يختي لمائم سقط متاع غربتي .. ُصحبة الغربة المهببة ..
ديل فقهياً ُيسمون (ُصحبة المضطر)
يعني لولاء العَـوَز وبعض المصالح الذاتية والتركين السمح البتسويهو والدتو بدري ده ما كان هببتو ذاتو..
وهسع ماتغرك ونستو معاي دي ..الزول ده معرفتي بيهو زي معرفتي بي معادلات الكيمياء بتاعة هالة..
| |
|
|
|
|
|
|
|
|
 Re: شرح نموذج الحالات (Re: Ahmed Abdallah)
|
دكين
Quote: خور درجة اولى
خور درجة تانية
وخور امتياز بتاع ناس تراجي والمحترفين |
ياخي الخور ده اغرب مكان
الواحد في لحظات بيفقد المنطق يكون جاي من الخور يلقا نفس البوست لكن المتداخلين غير
تعرف تسمية الخور دي الاهم ..
انا شخصيا بجي مارق من هناك من الضحك زي السكران ما بكون عارف الحاصل شنو ..
بتاخد جرعة عالية جدا ..
الالذ من كده انو اول ايام الناس لما البوست يمشي الخور خلاص بتنساو ..
هسي شايف في ناس بتمشي يكملوا الدواس هناك
| |
|
|
|
|
|
|
|
|
|
Re: شرح نموذج الحالات (Re: فيصل نوبي)
|
فيصل نوبي
لانك زول لذيذ بتشوف البضحكك ..
دمتا رايق يا حبيب ..
وما تقول البني ادم ده ناسي موضوع التلفون ..والله ياحبيب انا مفلس وجوالي رسلتوالسودان ..
ومديون كعامة الخلايق
| |
|
|
|
|
|
|
|
|
|
Re: شرح نموذج الحالات (Re: mohammed elsaim)
|
| Quote: ليه الدناقله جنهم حنكشه |
حتى انتى ياوجن ؟!!
عارفة؟
مع اننا يوم مااتونسنا فى المنبر ده لكن اسمك عاجبنى شدييييييييييييد .. وبما انى دنقلاوية عايزة اتعرف عليك اكتر
دكين
ممكن اشارك معاكم فى المسابقة ؟!!
| |
|
|
|
|
|
|
|
|
|
Re: شرح نموذج الحالات (Re: نادية عثمان)
|
نادية
إزيك
إتفضلى الاسم وصاحبة الاسم
أنازاتى عاجبنى إسمى دا بالحيل لدرجة إنى
حااسمى بناتى كلهم وجن1وجن2وجن3.................
ماتزعلى منى أنابمزح مجرد دعابه بعدين أنا الدناقلةديل مابرضى فيهم
أقول ليك حاجة عاوزاك تعلمينى الرطانة لو بتعرفى ماتكون زالت مع الحنكشه وسكنه القاهرة
وبماإن مخى تقيل كل يوم أدينى جملة
عايزه أغيظ لى ناس كده
شاركى يانادية شاركى طوالى
ماسمعتى بدرى أخوى عملنى شنو
أتارى الكراسى دى حلوة شديدلو أدوك معاها للاندكروزرتبقى حاجه ماحصلت
شكرا بدرى حسستنى بالعظمة عظمة السلطة
جبت لى جنون العظمة
| |
|
|
|
|
|
|
|
|
|
Re: شرح نموذج الحالات (Re: وجن)
|
وجن الغالية
كمبو شديد .. ان هال مندى هى برو سكر كرى ؟!!
Quote: وبماإن مخى تقيل كل يوم أدينى جملة
عايزه أغيظ لى ناس كده
شاركى يانادية شاركى طوالى |
ماعندك اى مشكلة ياوجن زى العسل
اها الفوق ده تمرين لزوم التسخين
معناها :
كيف حالك ان شاء الله تكونى الصحة عال العال ..وايه اخبارك كده بالله ..يابت زى السكر ..
اها قولى لى دايرة تغيظى منو وانا بوريك تقولى ليهو شنو ..سمح ؟!!
| |
|
|
|
|
|
|
|
|
 Re: شرح نموذج الحالات (Re: نادية عثمان)
|
أهلا ناديه
تسمحى لى أقول ليك نادية حاف
حلا الله أيامك وجعلها عامره بالمسرات
عايز أغيظ لى دنقلاوى مامتحنكش بس بل هوصاحب ومخترع وأب وأم الحنكشه
| |
|
|
|
|
|
|
|
|
|
Re: شرح نموذج الحالات (Re: Munir)
|
منير ..ومحمد مروركم دوما يسرني ..
يامنير
تعرف انا جادي جدا في الطرح الاخير القتو ده ..
خيار مافي يامان ..
امسك لي اقطع ليكي ..المعرفة زي الحب بتجي بعد الزواج..
ده الحنك الجديد..
| |
|
|
|
|
|
|
|
|
|
Re: شرح نموذج الحالات (Re: DKEEN)
|
Quote: امسك لي اقطع ليكي ..المعرفة زي الحب بتجي بعد الزواج..
ده الحنك الجديد.. |
.. وأقول ليك يا دكين أوافقك وأقول دا ياهو الحنك الصاح .. طبعآ هناك مقولة "الجديد شديد" .. وعليه فإن من تصادقها (هوي صداقة بريئة) سواءآ كانت زميلة دراسة أو عمل فستكون قد استهلكت نصف عناصر "الجدة" من اعجاب و دهشة منها قبل الزواج !! .. ويبقي نصف بعد الزواج تحصيل حاصل ! .. وبما أن غالب طبع النفس البشرية هو الملل فإن المدة المتوقعة للوصول لمرحلة هذا الملل تساوي الضعف في حالة هذا الحنك الجديد .. لأن العد التنازلي بيبدأ بعد الوقعة .. شفت كيف ..
| |
|
|
|
|
|
|
|
|
|
Re: شرح نموذج الحالات (Re: DKEEN)
|
| Quote: مع اننا يوم مااتونسنا فى المنبر ده لكن اسمك عاجبنى شدييييييييييييد |
وأنا من زمان أقول الماتشنق البيني وبين نادية دا في شنو يا ربي طلعنا الأتنين مكسرين في اسم وجن.
| |
|
|
|
|
|
|
|
|
|
Re: شرح نموذج الحالات (Re: mohammed elsaim)
|
وجن دي ياخوي ..وحيدة ومشيحيدة..
تشوفها تغطي وشكبي كفةيدك..
وتقول بتاع البي ام ده مالو جري نور طويل؟
وجن دي يا منقة بت واقعة من خمايل الياسمين..
بركة الجات راجعة تاني وزينت البورد..
| |
|
|
|
|
|
|
|
|
|
Re: شرح نموذج الحالات (Re: DKEEN)
|
| Quote: العَـوَز وبعض المصالح الذاتية |
دكين ايها الامير الكوشي النبيل بكرة الاحد موش ؟؟؟
| Quote: أن شاء الله يطهروك بساطور (ترهاقا) |
و الطهار يكون ضارب جردلين دكاي عشان يتمها
| Quote: مسافر بتين لي الامتحان يا مان ؟؟..عندي امانة |
يا حبيب دي بتعتمد علي من ستحمَل له الامانة يعني ممكن نقدم ليهو الامتحان او ناخرو ، حسب
| Quote: وبعدين تاني ما تتضهب مع ابوي في الحفلات. |
بدري موش حفلتكم الفيها 3 جكسويات و 33 ضكر ديك ، ياخي احمد ربك اني كنت منور حفلتكم ، و الله جكسوياتكم القاعدات جنب العروس لو ما شافوها شينة كان قلعو العريس و جابوني مكانو .
لولا دواعي الغرور ممكن كان اقول اني كنت نجم الحفل بدون منازع لكن آاااااااااااخ
حليل زمان و ايام زمان .
| |
|
|
|
|
|
|
|
|
|
Re: شرح نموذج الحالات (Re: حمد فتح الرحمن)
|
دكين..
حبابك.. حباب عشرة.. قدر السواقي العلى ضفاف النيل منتشرة..
دكين يطالع النماذج الخور...
وديك العدة..
تعرف يا مولانا..
وكمان معاها..
(لو).. البتفتح عمل إبليس والشيطان دي..
أوفي بالنذر..
قايلنا ما بنلاقيك في الخور..
ها يحلك الحلال.....
شوفت جنس المحن دي..
ما داير معاك أي حجج..
بس.. خلي في بالك..
صورتك العاجباك..
ومعاك الطقم..!!
| |
|
|
|
|
|
|
|
|
|
Re: شرح نموذج الحالات (Re: A.Razek Althalib)
|
ود الطالب
ناس السواقي شايفم زي الباعو ساقيتم الفي سودانيزاون لاين ..
صحبك اظنو بشتري في ساقية في امريكا ويجي بعد عشرة سنة يغالط الهنود الحمر في ملكية البلاد..
ويقول لهم حرم انا اباتشي..
والله يارازق الطقم جاهز وفي بالي كل يوم جمعة بس اخوك سفراتو كترت وكراع في الرياض والتانية في الُخبر..
امس وليد99 قال لي عبد الرزاق ضابح وعازمنا عشا ..
بتضبح من ورانا يا مان؟؟
| |
|
|
|
|
|
|
|
|
|
Re: شرح نموذج الحالات (Re: DKEEN)
|
اها يا دكين
ابشرك اسمك ورد الخور ، اسع انا جاي من هناك
و الله صدق المثل القال ( البباري السوسيو ، بوديهو الخور عدل ) .
و برواية اخري
أدم دومرن تودكي نباقر نقل ، تكي موستراهر بوجير
و الله بالله
بتاني اندو او ابدول ولا دومرن زادكي دوري داقمنو ، لكن ار مناورو دنياد تنن تن هال تنن او امبس .
انكرن جس اسلقر ولا نلكمونو ولا بنلل منو .
سافر الله توبي يا مولي .
| |
|
|
|
|
|
|
|
|
|
Re: شرح نموذج الحالات (Re: DKEEN)
|
بدري يا حبيب
كيفك
ومشتاقين خالص ... لكن بيني وبينك ماااااا اظنها الشرقية براها .... ولدنا زاتو ما هين ...
انت خضر ده مش كان في الشرقية ....
| |
|
|
|
|
|
|
|
|
|
Re: شرح نموذج الحالات (Re: Gafar Bashir)
|
Quote: احبتي
جميع البنات المملات الذين عبرو في حياتي واحدة فيهم بتسوق بنطون مافي؟؟ |
دكين اريتك تبقى طيب .. ومن جاور السعيد يسعد .. سلم علي بدري وحمد وتنقو والبقية ... جاي الرياض متين عشان نجهز ليك التركين ..
ود الباوقة
| |
|
|
|
|
|
|
|
|
|
Re: شرح نموذج الحالات (Re: ود الباوقة)
|
الريس ود الباوقة ..
تسلم يا حبيب ..والشباب والله يقرؤنك كثير السلام وطيبو..
الشباب بنجيبم قريب الرياض بس انتا ابقىقدر كلامك..
شنو ياخ ما تدبر ليناقعدة خفيفة بي مرزوق ..
ليت كل الموتمر الوطني زيك وكل العواليق زي احمد حنين ..
الزول ده شن خبرو والله بفتقدو ومعاو ود الطالب ..
| |
|
|
|
|
|
|
|
|
|
Re: شرح نموذج الحالات (Re: DKEEN)
|
دكين الذى خِلته قد ذهب عنا @@@
ما عارف يا حبيب ليه فى البوست ده انا متخيلكم إنتا وحمد وبدرى خاتين 3 كمبيوترات وقاعدين مع بعض وكل واحد بقول للتانى (خلاص إنتهيت ؟ أرد؟) !!!!
طبعاً خورك شديد ...
بمناسبة الخور سمعت ان الخور بتاعنا فى البلد بقى دايم بعد ما كان موسمى
متخيل معاى؟
أرقد عافية فى سريرك داك
أخوك (المرّة دى ساى)
| |
|
|
|
|
|
|
|
|
|
Re: شرح نموذج الحالات (Re: walid taha)
|
دكين..
صباحات السواقي المدورة..
لحن قيثارة نهديها ألحان شجن وأصيل أمسيات شفقاً على الموج ..
| Quote: ناس السواقي شايفم زي الباعو ساقيتم الفي سودانيزاون لاين .. |
يقطع ضارعو من الوجل..
Quote: صحبك اظنو بشتري في ساقية في امريكا ويجي بعد عشرة سنة يغالط الهنود الحمر في ملكية البلاد..
ويقول لهم حرم انا اباتشي.. |
كلام زي الورد..
وبعدين.. من خلال هذه المعاني..
ما بين تحريف الكلم عن موضعه.. وقتل الأنبياء..
ما شوفت ديوم التعايشة.. البقت ديوم بلاشفة..
في حاجات غريبة كده أحياناً بتحصل..
| Quote: والله يارازق الطقم جاهز وفي بالي كل يوم جمعة |
ما تجيبو ياخي...
وبعدين يا أخوي دكين..
إشمعني يعني إلا يوم الجمعة..
يا أخوي البيت بيتك.. بدون مقيلة..
وتعال في أي وقت.. ولو ما شالتك عيونا..
موية بنرويكم.. وكلام زين بنباشر.. بدون ضبيحة مكاشر..
| Quote: بس اخوك سفراتو كترت وكراع في الرياض والتانية في الُخبر.. |
بخت الربع الخالي..
وناس بدري وعمك تنقو..
| Quote: امس وليد99 قال لي عبد الرزاق ضابح وعازمنا عشا .. |
ضابح فول وطعمية..
بس الحمد لله الجاتك من وليـ399ـد..
تعرف يا مان ده لو كان أحمد حنين..
كان قال ليك الخروف دنماركي أحمر فاتح بانق....
مصلب أبيض..
زي حكاية جبنة عشاء اللقاء..
| Quote: بتضبح من ورانا يا مان؟؟ |
أنحن يا أخوي دكين ضبحنا من قدامنا يا مان..
وحلال كمان..
بحسب مواصفات ومقايسس ما نصت عليه أصول الشريعة الإسلامية..
بس تعالنا..
ومن قلبي عقبالك يا راسي يا زين..
وإنت قالب الهوبه دي..
في الخور.. القلته سيدات نسائه تراجي..
وبعدين..
الرندوك الفوق شنو..!!
| |
|
|
|
|
|
|
|
|
|
Re: شرح نموذج الحالات (Re: mohammed elsaim)
|
Quote: المسابقة دي عند بدري لكن التقديم عندي .. عايزين صورتين اهم شي..
حضورك ياطيبة اسعدنا..
واسعد عشرة زينا |
يادكين
تسلم ابا دول من كل شر
بمناسبة الصور اقول ليك شئ ؟!!
فى ناس هنا بتكره جضوم وشى ولو لقوا يقطعوا الصورة بقطعوها !!
| |
|
|
|
|
|
|
|
|
|
Re: شرح نموذج الحالات (Re: DKEEN)
|
محمد عبدالرحمن ..اسفي الشديد للتاخير
البوست جملوهو الناس الجميلين الزيك يا حبيب..
والسمحين الزي نادية..
mohammed elsaim
وجن دي عندها قريبتها جميلة وظريفة كانو بقولو ليها: هاله قال الله تعالى..
نادية عثمان العسل
| Quote: فى ناس هنا بتكره جضوم وشى ولو لقوا يقطعوا الصورة بقطعوها !! |
كلنا لو لقينا بنقطع..
الكلام اللقيا يانادية ..
قرجة
المزلقان بجيبة ليكي كوستاوي قريب
ما تشيل وش القباحة ساي ياخوي..
اصبر وارتقب
كتّو تيق الهي إكي نل..
فيصل نوبي
خليك قريب..
| |
|
|
|
|
|
|
|
|
|
Re: شرح نموذج الحالات (Re: DKEEN)
|
Quote: وجن دي عندها قريبتها جميلة وظريفة كانو بقولو ليها: هاله قال الله تعالى..
دكين |
دكين ياخوي
كلام الله مابناباه... الا الفيك xxxxxx
| |
|
|
|
|
|
|
|
|
|
Re: شرح نموذج الحالات (Re: نادية عثمان)
|
آآآآآآآآآمين يا نادية ياعسل..
طيفور ومحمد الصايم
طبعا ما عندكم اي مانع اني ارد على نادية دي قبليكم ..
بل ولا اظن انو عندكم اي مانع ارد عليها واشخت لي حنانكم ذاتو...
البيني وبينكم عامرة يا حبان
بس البيني وبين الرصاص الزي نادية ده مامالوف..
يامحمد وجن لوقريبة تكون هسع على بعد 200متر من النيل الازرق ..سافرت ياخوي..
شد حليك لو بي هناك انتا..
طيفور سلامات ..
تخيل القصة ما مرقة بس اخوك جعبة يعتد بها ذاتو ماعندو ..يادوب البتقعدنا في الكرسي دون ان تصطك عضامنا ..
لذلك البسالني ده ياماشافني يا سايكوبات..
وتاني مرة ما تحلف طلاق في البورد ده ..حرم تورط معاي تقنب تكوس النفقة ..
ابقى بخير
| |
|
|
|
|
|
|
|
|
|
Re: شرح نموذج الحالات (Re: DKEEN)
|
Quote: طيفور ومحمد الصايم
طبعا ما عندكم اي مانع اني ارد على نادية دي قبليكم ..
بل ولا اظن انو عندكم اي مانع ارد عليها واشخت لي حنانكم ذاتو... |
للاستاذة نادية وقع خاص فى نفسى، لذلك وجدت لك عزرا غير قابل للاخذ و الرد. عارفك ممكن تشخت لينا، عشان كدة انا زاتى جايى هنا عشان ندوية(وش خجلان شديد يا استاذة).
Quote: طيفور سلامات ..
تخيل القصة ما مرقة بس اخوك جعبة يعتد بها ذاتو ماعندو ..يادوب البتقعدنا في الكرسي دون ان تصطك عضامنا ..
لذلك البسالني ده ياماشافني يا سايكوبات..
وتاني مرة ما تحلف طلاق في البورد ده ..حرم تورط معاي تقنب تكوس النفقة ..
ابقى بخير |
انا عوير ليك، عشان احلف ليك بى الطلاق!!! انا قلت ليك "عليك" بى الطلاق ما على انا ، وبينى وبينك خفتا على الاخت من لسانك المر ده و الدنيا احتفالات، يوم المراة وكده...
وبى مناسبة القعادات، الايام دى بقن مهمات شديد لزوم الشكة وكدة، والزول الما عندو قعادات، نفسو قصير... عشان كدة بنصحك بى اكل العجوة و الرقاد على البطن.
اها
فتك بى عافية يا حبيب
| |
|
|
|
|
|
|
|
|
|
Re: شرح نموذج الحالات (Re: Yassir Tayfour)
|
Quote: لوقريبة تكون هسع على بعد 200متر من النيل الازرق ..سافرت ياخوي..
شد حليك لو بي هناك انتا..
دكين |
أين من لجة النيل بلد تموت من البرد حيتانها..
هل سمعت بمدينة الرياح؟ the windy city
لكن هي قربت ونحنا قربنا..
بس ما قلت لي، نعلها ماشة تنتحر ونعلك زعلتها؟
أما عن التشخيت.. ذكرتني ماقالت به العرب: شخب في الأرض وشخب في الإناء... وهذا ابن عم خبط العشواء والتي هي ابنة خالة لزم للمحتطب في الليلاء..
نهاراتك عوافي
| |
|
|
|
|
|
|
| |
فيصل نوبي
حمد فتح الرحمن
Badri
وجن
ناذر محمد الخليفة
Mohammed Elhaj
خدر
Ahmed Abdallah
Munir
القلب النابض
A.Razek Althalib
walid taha
محمد عبدالرحمن
Kostawi
garjah
Yassir Tayfour
فيس بوك
تويتر
انستقرام
يوتيوب
بنتيريست