|
يا جماعة ... وين السوداني والنوبي الاصيل ابوبكر سيد احمد
|
انا وكثيرون من الذين يتابعون بتقدير واهتمام كل ما يكتبه المهندس ابوبكر سيد احمد وهو من الاقلام والشخصيات المحترمة الى جانب خفة الروح وصاحب قفشات بحكم نوبيته وايضاً من القلة الذين لا يدخلون في معارك انصرافية ، كذلك انه ذي معرفة واسعة واطلاع دون تكلف او استعلاء ، والاهم من ذلك مواقفه الصلدة والمبدئية تجاه قضايا الوطن والديموقراطية والكرامة للانسان ... انني ومعي الكثيرين نفتقد الى الاستاذ ابوبكر سيد احمد خاصة ان هناك الكثير من الاحداث والقضايا التي تحتاج الى تشريح وتحليل بفكره وقلمه ، لعله بخير هو واسرته ، وتحياتي له وندعوه الى العودة هنا ... لاننا نحتاج الى اراءه لنستفيد والاخرين منها ...
|
|
|
|
|
|
|
|
Re: يا جماعة ... وين السوداني والنوبي الاصيل ابوبكر سيد احمد (Re: مصطفي سري)
|
والذين يعرفون ابوبكر سيد احمد هنا في منبر سودانيز اون لاين - اولهم الزميل الطيب شيقوق - انه يبعد نفسه عن المهاترات والتهتر ، لكنه يحب المشاغبات خاصة مع الاخ شيقوق واخرين ، مع احتفاظه بتلك الصرامة والحسم والمبدئية في القضايا التي تستحق ، ولعل الاخ شيقوق والذين على صلة حميمة ان يطوئننا على الاخ ابوبكر ، وهذه اول مرة افتح فيها بوست عن شخص في المنبر لانني حقيقة افتقدته ، رغماً عن اننا لم نلتقي وجهاً لوجه من قبل ، غير انني اعرف اشقائه وشقيقاته ولدى علاقات مميزة وصداقة معهم لكنني لم اتشرف بلقائه سوى ها هنا واستفدت منه كثيراً ... لعله بخير ...
| |
|
|
|
|
|
|
Re: يا جماعة ... وين السوداني والنوبي الاصيل ابوبكر سيد احمد (Re: فيصل محمد خليل)
|
Quote: والذين يعرفون ابوبكر سيد احمد هنا في منبر سودانيز اون لاين - اولهم الزميل الطيب شيقوق - انه يبعد نفسه عن المهاترات والتهتر ، لكنه يحب المشاغبات خاصة مع الاخ شيقوق واخرين ، مع احتفاظه بتلك الصرامة والحسم والمبدئية في القضايا التي تستحق ، ولعل الاخ شيقوق والذين على صلة حميمة ان يطوئننا على الاخ ابوبكر ، وهذه اول مرة افتح فيها بوست عن شخص في المنبر لانني حقيقة افتقدته ، رغماً عن اننا لم نلتقي وجهاً لوجه من قبل ، غير انني اعرف اشقائه وشقيقاته ولدى علاقات مميزة وصداقة معهم لكنني لم اتشرف بلقائه سوى ها هنا واستفدت منه كثيراً ... لعله بخير ... |
لله درك اخي مصطفى والله اما انك رجل اصيل ربنا يخليك
الاخ الباشمهندس والمفكر السياسي القدير وصاحب الروح المرحة والنفس الطويل قد افتقدناه صديقا وكاتبا ومبدعا في كل شيئ
لك خالص الود اخي مصطفى يسري
| |
|
|
|
|
|
|
Re: يا جماعة ... وين السوداني والنوبي الاصيل ابوبكر سيد احمد (Re: Hawari Nimir)
|
يامصطفى ياسرى تعرف صحبى الجميل او ابويكر سيد احمد اجمل زول عرفته فى حياتى ما لاقيتو طبعا لكن اتلاقينا عبر الروح يامصطفى عارف لمن يكون زول بحفظ مقالاتك مرة رسل لى مقال كاتباهو فى جريدة الاتحادى سنه 1998 اتفاجات لمن لقيت المقال فى بريدى وبكيت لانه فى زول بعرفنى وبحتفظ لى بمقالاتى وكمان حاجة برضو عمل لى المدونة بتاعتى وما لاقيتو فى حياتى وبيناتنا اتصال حميم لمن امرض بكلمنى عشان يطمئن على ولمن اطول منه برسل لى ولمن يزهج برضو ياخ دا اجمل زول فى الدنيا ربنا يخليهو لينا هذا الصديق الجميل ويا صحبى الجميل عليك الاخاء والمحبة البيناتنا تجى
| |
|
|
|
|
|
|
Re: يا جماعة ... وين السوداني والنوبي الاصيل ابوبكر سيد احمد (Re: مصطفي سري)
|
الأخ مصطفى
سلام
الأخ الصديق / أبوبكر سيدأحمد شعلة النشاط والديناميكية التي لا تعرف الراحة.. زمانه قصير ولا يكفي مهامه الجسام من أول الفجر حتى الليل.. لا يستمتع حتي بأنس قصير مع أسرته.. من قبل كتبت هنا أن شكل التهريج الحاصل في المنبر سوف يجعل الكثيرين أن يفضلوا الإبتعاد.. لكن لأن يكون أبوبكر أحدهم فهذه خسارة كبيرة جدا.. أتمنى أن يعود أبوبكر ويثري المنبر بكتاباته المميزة..
شكرا لك والتحية على هذه الخطوة الجميلة أخي سري..
تحياتي عبدالعزيز..
| |
|
|
|
|
|
|
Re: يا جماعة ... وين السوداني والنوبي الاصيل ابوبكر سيد احمد (Re: الطاهر ساتي)
|
العزيز ، عبدالعزيز شكرا ( من قبل كتبت هنا أن شكل التهريج الحاصل في المنبر سوف يجعل الكثيرين أن يفضلوا الإبتعاد.. لكن لأن يكون أبوبكر أحدهم فهذه خسارة كبيرة جدا.. أتمنى أن يعود أبوبكر ويثري المنبر بكتاباته المميزة..) طلعا امثال المهندس ابابكر لا يمكن ان يتهاترون ويخرجون الى تلك اللغة التي نراها من حين لاخر والتي هي ايضاً تعبر عن ازمتنا السياسية ، لكننا ومع ذلك نحتاج لقلمه ليضع الميزان لك الود ..
| |
|
|
|
|
|
|
Re: يا جماعة ... وين السوداني والنوبي الاصيل ابوبكر سيد احمد (Re: الطيب شيقوق)
|
قال الحلمنتيشى دات يوم:
فى زحمة الطريق شافه الكدنبس مجهبز نظارة وساعة وراكن فى جيبه ولاعة تعوم وسط الكاش يا جماعة
يبدو ان صديقنا والدى رشحناه رئيسا لوزراء السودان فى الديمقراطية القادمة من خلال منبر سودان ليست قبل حوالى عشر سنوات - يبدو انه- تعب من المشوار وجلس يلملم أطرافو... ونحن بنفكر نعتزل (مش الكورة يا شيقوق) لكن مهنة الكتابة فقد هلكتنا واسألوا الأديب والمستشار محمد المرتضى حامد وقد صام عن الإبداع دهرا حتى فقدنا الأمل... فيا ابابكر ... طلة واحدة تكفينا... وشكرا لمصطفى سرى الدى شعلل النيران... بالمناسبة الكمبيوتر بتاعى ما فيهو حرف الدال (بنقطة فوق) تقول كمبيوتر حلفاوى... ينعل ......!!!!
نورالدين منان
| |
|
|
|
|
|
|
Re: يا جماعة ... وين السوداني والنوبي الاصيل ابوبكر سيد احمد (Re: Mannan)
|
Quote: يبدو ان صديقنا والدى رشحناه رئيسا لوزراء السودان فى الديمقراطية القادمة من خلال منبر سودان ليست قبل حوالى عشر سنوات - يبدو انه- تعب من المشوار وجلس يلملم أطرافو |
سعادة السفير منان
سلام أذكر جيدا تلك الأيام الحية في Sudan-list لقد طال بنا الزمان ننتظر ذلك العهد..
لكن يبدو أن الحالة التي أوصل فيها هؤلاء الشياطين حالة السودان اليوم.. محبطة ولا تشجع في المغامرة..
نتمنى عودة المهندس للبورد..
تحياتي عبدالعزيز
| |
|
|
|
|
|
|
Re: يا جماعة ... وين السوداني والنوبي الاصيل ابوبكر سيد احمد (Re: Abdlaziz Eisa)
|
عزيز عيسى اين انت ايها الإنسان الجميل؟
Quote: أذكر جيدا تلك الأيام الحية في Sudan-list لقد طال بنا الزمان ننتظر ذلك العهد..
لكن يبدو أن الحالة التي أوصل فيها هؤلاء الشياطين حالة السودان اليوم.. محبطة ولا تشجع في المغامرة..
نتمنى عودة المهندس للبورد..
تحياتي عبدالعزيز |
كان ابوبكر فاكهة منتدى سودان ليست وكنت انت أحد نجوم منتدانا... ارجو ان نكون على اتصال..
منان
| |
|
|
|
|
|
|
Re: يا جماعة ... وين السوداني والنوبي الاصيل ابوبكر سيد احمد (Re: abubakr)
|
الباشمهندس ابوبكر
الف حمد لله بالسلامة ، والبكرة الجيت
لكن كنا دايرين الشهرة ،انا والعريبي شيقوق وممكن قريبي فيصل هليل ، يعني كان بعد يومين تظهر كدة !!!
والله نورت سودانيز اون لاين ، ومؤكد جاينا تقيل لتخرجنا من ظلمات البعض التي اصبح حديثهم يصيبنا بالغيبوبة
واكيد هناك ما يفتح الشهية .. اشكرك على الحضور البهي ، وعلى الطلة المضئية ... وباقي الكلام اخليهو لاستاذنا منان
وعزيز عيسى ، وكل الاعزاء الذين شاركونا في هذا البوست ....
| |
|
|
|
|
|
|
Re: يا جماعة ... وين السوداني والنوبي الاصيل ابوبكر سيد احمد (Re: الطاهر ساتي)
|
ودالشيخ شيخ اهل السودان في اليابان الاستاذ جعفر سماعين قريبي عاطف عبدون الصديق هواري الانسان فيصل الهنغاري فيسل عرريب من غير بورتفوليو ودشيقوف بتاع الاسهم الضاربة ودالمرتضي وبس الصبية انعام صحبي الجميل شيخ كل مسارح الفنانيين السني نسيبنا ابوالريش عزيز دنيانا التاهر اووني سنوية وبس خدرهسين الانيق عاطف امونة وبس بتاع المظاهرات!!! رفيق زمن طويل وعمل بن عمي منان ومستفي سري اووني
والله فرحان بيكم شديد وربنا يقوييكم ويبقيكم لتغزلون ما فتق من نسيج اجتماعي طيب
| |
|
|
|
|
|
|
Re: يا جماعة ... وين السوداني والنوبي الاصيل ابوبكر سيد احمد (Re: abubakr)
|
أبوبكر: صورة لا علم له بها.. أغسطس 2008م
Quote: كان ابوبكر فاكهة منتدى سودان ليست وكنت انت أحد نجوم منتدانا... ارجو ان نكون على اتصال..
منان |
الأخ العزيز سعادة السفير/منان
سلام سودانليست كانت بداية كتاباتي الأسفيرية.. مدرسة تعلمت منها الكثير المثير.. وعرفتني بأناس سوامق وبقمم اعتز بها ما حييت.. بروف/ عبدالمنعم صاحب المنتدى.. رئيس الوزراء المنتخب من المنتدى وعريس هذا البوست/ أبوبكر.. السفير منان.. معاذ عطا السيد.. د. عصام.. محمد القاضي.. وعدد لا حصر له من أفذاذ السياسة والأدب السوداني.. لا زلت مدان لكم جميعا في سودان-ليست حيث تعلمت منكم الكثير منذ بداية 1998م وحتى 2001 تقريبا.. فلك كل الود أخي منان..
ألأخ العزيز/ مصطفى سري لقد قمت بعمل جبار فاصدت لنا صيدا ثمينا وفرحا كبيرا.. والحمدلله على عودة أستاذنا أبوبكر..
تحياتي عبدالعزيز
| |
|
|
|
|
|
|
Re: يا جماعة ... وين السوداني والنوبي الاصيل ابوبكر سيد احمد (Re: الطيب شيقوق)
|
قائد صحافة السودان الجديد حبيبنا مصطفى سرى ... افتقدنا تحليلاتك وسردك الجميل ومتابعتك للعلاقات السودانية التشادية والأوضاع فى دارفور... أرجو ان تسحب الباشمهندس للحوار فهو رجل عميق التفكير وسبق ان قام بحملة رائعة (دولار من أجل دارفور) وسبق الكثيرين فى طرح الفكرة وكان بالإمكان ان تتطور الفكرة لمنظمة عالمية تساهم فى حل مشكلة دارفور... ابوبكر مستودع افكار ورجل عبقرى ومؤكد انه يرقد الآن على أهرام من الخبرات التى ستفيد السودان بعد خروجه من النفق "الدولى" يا صديقى ود شيقوق... اما انت يا عزيز فلك فى القلب مكان وقد سعدت بصحبتك وانت تصول وتجول مدافعا عن سودان جديد نتساوى فيه جميعا غض النظر عن الأعراق والمعتقدات والثقافات وكنت اشعر بالإطمئنان ان السودان "لسه بخير"
فيا مصطفى لا تترك الباشمهندس وانقل مقتطفات من مواقعه الإسفيرية لمنتدى سودانيز اونلاين عشان ناس الطيب شيقوق وسعادة المستشار محمد المرتضى يعرفوا انو اصولهم نوبية ويبطلوا الرطانة العربية... ويتعلمو اللغة النوبية ويعدلو الهرم المقلوب من تاريخ دخول العرب فى السودان وحتى اليوم...
نورالدين منان
| |
|
|
|
|
|
|
|