|
|
|
 Re: أبو بكر سيد احمد / عادل سمير/ واحمد حماد إدريس / ما هي العوامل المشتركة؟ (Re: abubakr)
|
| Quote: الاول والثالث درسا على حساب الشعب السوداني من قولة تييييييييييييت لحدي الخليج |
| Quote: وانت ايه رايك في حكاية الدراسة علي حسابك ؟ |
الأول و التاني و التالث درسوا على حساب الشعب السوداني من قولة تييييييييييييت لحدي الخليج :
الخرطوم شرق الاولية..
الخرطوم الأميرية الوسطى..
الخرطوم الثانوية القديمة..
كلية القانون جامعة الخرطوم..
| Quote: هو كان عندك حساب ؟؟؟ |
لأ..
| Quote: وبعدين انت كنت مع الاول في ياتو بندر ؟ |
؟؟؟؟؟؟!!!!!!
| |
 
|
|
|
|
|
|
|
 Re: أبو بكر سيد احمد / عادل سمير/ واحمد حماد إدريس / ما هي العوامل المشتركة؟ (Re: Adel Sameer Tawfiq)
|
Quote:
الأول و التاني و التالث درسوا على حساب الشعب السوداني من قولة تييييييييييييت لحدي الخليج :
الخرطوم شرق الاولية..
الخرطوم الأميرية الوسطى..
الخرطوم الثانوية القديمة..
كلية القانون جامعة الخرطوم..
Quote: هو كان عندك حساب ؟؟؟
لأ.. |
أبابكر وعادل وودحماد
آخر أخبار ود شيقوق جاءتني من مصدر موثوق من الصعيد
إنه ذات (ليلة مقمرة) خلال زبارته الأخيرة للسودان
أصر أن يجامل أحد أصدقائه في حلة قريبة من قريتهم
بمناسبة فرح طهور أولاده فركب جملا .. لكنه (دقس) في
الطريق وأخذته غفوة .. (فتطوطح) وجفل الجمل فأطاح به
أرضا .... ومن يومها صار يكتب بوستات غريبة عجيبة ...
مثل هذا البوست ....
وعليه نرجوكم كما نرجو من كل الأصدقاء أن يعذروه !!!!!!!!
فالزول راميه (جمل) عدييييييييييييييييييييل كده !!!!!!!!!
ونيابة عنه باعتباره أخي وصديقي أعتذر لكم جميعا ولكم العتبى
حتى ترضوا !!!!!!!!!!
| |
|
|
|
|
|
|
|
|
|
Re: أبو بكر سيد احمد / عادل سمير/ واحمد حماد إدريس / ما هي العوامل المشتركة؟ (Re: abubakr)
|
اخى الحبيب ود شيقوق - ليك منا السلام والحب والوئام
جمعنى بابى بكر واخونا عادل سمير تفتحت عينانا فى فورة الاستقلال فى مختير سياسى لا مثيل له فى تجارب الحكم - اول دولة فى التاريخ ترسل الدبابات الى الثكنات -جمعنا بلد غلو التيارات وحدة الحروب وشدة الانفصال وضرورة الوحدة وكثرة ما بين بين - جمعنا بلد صنع مهديه الذى من لحم ودم ورفث ماشيا بين الناس فى الاسواق بايعه وحارب خلفه ولم يدع رجلا على رجل فى انتظار مهديا منتظرا من وراء البحار او الانهار او من خلف الحدود ليملا الارض عدلا ونورا بعد ان ملات ظلام وجورا كما يفعل الملالى فى ايران -
ما جمع بيننا ابوبكر -عادل -احمد-طبعا الترتيب حسب السن - جمع بيننا عندما يستوقفنا البعض ليسالنا وكاننا العارفين ان كنا متفائلين بشىء ما اى شىء ما ونقول للمستوقفين والملهوفين وبفم واحد لقد تفاءلنا 40 عاما لالالا بل 50 عاما والان نترك لكم هذا الشعور بالسعادة - ام نحن الثلاثة فقد تعبنا لقد تفاءلنا عن انفسنا وعن جيلنا وعن اولادنا والان رجاءا نحن مسامحون اعذرونا جنابكم -لقد قطعنا دروبا كثيرة ونحن نهتف فى دواخلنا وتارقنا سنوات كثيرة ونحن غير قادرين على تمييز الحلم من الكابوس وتاملنا كثيرا وطويلا من على التلال والمنحدرات وانتظرنا طويلا عند مفارق المصير ومنعطفات المستقبل وها نحن حيث نحن والارض السودانية حيث هى ثابتة لا تدور كوكب جامد السنين فيه مثل الايام والايام مثل العقود ووحده المستقبل لايشبه الماضى -
ما يجعنا -- ان البشير رئيسنا - الصادق المهدى امامنا -محمد عثمان الميرغنى راعينا -وحسن الترابى شيخنا -
| |
|
|
|
|
|
|
|
|
|
Re: أبو بكر سيد احمد / عادل سمير/ واحمد حماد إدريس / ما هي العوامل المشتركة؟ (Re: الطيب شيقوق)
|
| Quote: جاييكم بس الجاى من الاجازة جديد بيكون زى النفساء جديد ولا شنو يا الفاروق؟ ؟؟ |
وانت لاقي ؟؟
اها جيت اقول ليك الجمعنا شنو :
لا شوفة و لالمسة لا صوت لا ريحة لا دم لا رحم ودييل "كيمياء" المعرفة ولا خط يد ؟؟ حتي البنكتبو هو ضرب عي مفاتيح تتحول الي موجات من جهاز الي ملايين الاجهزة لحد ما تصل الطرف التاني .. يعني ما في مادة جمعتنا ولا خلتنا "ننداح" عاطفة وشوقا ولهفة وكاننا اولاد حوش واحد .. الجمعنا جاء عدييل من خالقنا البيجمع ارواح ..ارواحنا جمعتنا كلنا ياودشيقوق الما شفتك وما عارفتك الا وانا في خمسينات عمري....... الارواح هي اللي حددت والارواح ما عوامل هي سر الخالق ....
| |
|
|
|
|
|
|
|
|
|
Re: أبو بكر سيد احمد / عادل سمير/ واحمد حماد إدريس / ما هي العوامل المشتركة؟ (Re: الطيب شيقوق)
|
| Quote: لا شوفة و لالمسة لا صوت لا ريحة لا دم لا رحم ودييل "كيمياء" المعرفة ولا خط يد ؟؟ حتي البنكتبو هو ضرب عي مفاتيح تتحول الي موجات من جهاز الي ملايين الاجهزة لحد ما تصل الطرف التاني .. يعني ما في مادة جمعتنا ولا خلتنا "ننداح" عاطفة وشوقا ولهفة وكاننا اولاد حوش واحد .. الجمعنا جاء عدييل من خالقنا البيجمع ارواح ..ارواحنا جمعتنا كلنا ياودشيقوق الما شفتك وما عارفتك الا وانا في خمسينات عمري....... الارواح هي اللي حددت والارواح ما عوامل هي سر الخالق .... |
ايوا تقصد وبالكيبورد نعشق قبل العين احيانا؟
| |
|
|
|
|
|
|
| |
الطيب شيقوق
abubakr
Adel Sameer Tawfiq
فاروق حامد محمد
خالد المحرب
فيس بوك
تويتر
انستقرام
يوتيوب
بنتيريست