|
|
 حـنايا الـريـد ،،،
|
حدثني بطريقته التي أحببت
عن حكاياتِ زمن مضى
وذاك الكان ..
في طي الذكرى ..
***
ناجاني بشجن ..
ودف حروف ..
منسوجة بالعبره ..
***
حنانه فاض ..
دفق مشاعر ..
أللوانه مختلفه ..
فيها الود ..
فيها الشوق ..
فيها اللهفه ..
***
قال :
همس حسك ..
جوه في وجداني ..
وكياني ما صدفه ..
***
أصلي بريدك من زمان ..
من قبل تحصل بينا من عرفه ..
من زمن ..
في خاطر وطن تايه معالمه..
بشتاقه بي لهفه ..
***
هزيتي وجداني ..
بمعاني ساميه ..
بجماله معترفه ..
***
بريدك بي أحساس ..
جوه في حنايا الريد ..
وقلبي خافق دوم ولي هسه ..
|
|
 
|
|
|
|
|
|
|
 Re: حـنايا الـريـد ،،، (Re: waleed500)
|
Quote: ]بريدك بي أحساس ..
جوه في حنايا الريد ..
وقلبي خافق دوم ولي هسه |
خالده ربنا يخليه ليك ويسعدك بيه
ويحفظ ليك الاموره الحلوه
الادت اغنيه ياوطني في ليله التسامح
عفاف ابوحريره
| |
|
|
|
|
|
|
|
|
 Re: حـنايا الـريـد ،،، (Re: عفاف أبو حريرة)
|
الاخت الفاضلة خالدة البدوي
تحية عطرة ممزوجة بريحان الشوق والمودة ، ،،،،
منو القال ليك براك يا قيس بنيت الريده من ساسا
ده حال الدنيا كل ما زول يريد ليهو زول ترن القسوة أجراسا
تقودنا خطانا نمشي بعيد نقول يا دنيا نتناسا
ونرجع تاني من اول قولبنا يسوقنا أحساسا
التحية لك وله وربنا يديم المودة بينكم ، مع خالص حبي لحبيبتي :
| Quote: الادت اغنيه ياوطني في ليله التسامح |
( جودي ) ...
| |
|
|
|
|
|
|
|
|
|
Re: حـنايا الـريـد ،،، (Re: عماد محمود علي)
|
Quote: منو القال ليك براك يا قيس بنيت الريده من ساسا
ده حال الدنيا كل ما زول يريد ليهو زول ترن القسوة أجراسا
تقودنا خطانا نمشي بعيد نقول يا دنيا نتناسا
ونرجع تاني من اول قولبنا يسوقنا أحساسا |
ايه دهـ كله يا عماد
كلماتك الرقيقة لها بهاء خاص
Quote: التحية لك وله وربنا يديم المودة بينكم ، مع خالص حبي لحبيبتي :
Quote: الادت اغنيه ياوطني في ليله التسامح
( جودي ) ... |
وهي كمان بتسلم عليك ،،
| |
|
|
|
|
|
|
|
|
|
Re: حـنايا الـريـد ،،، (Re: عفاف أبو حريرة)
|
شكراً العزيزة عفاف
مرورك الجميل له رونق
ووقع راع على حناي القلب
الابنة وجد هي اصغر ما عندي
وحبيبه للقلب وهي وطنية وتحب
الوطن الجميل ،،،
ده بس من زوقك وربنا يحفظ لك عيالك الجميليين
ما استمتعنا بهم لظروف البرنامج ولكن ان شالله
نلتقي بيهم في فرصة اخرى ،،،
تحياتي للاستاذ خالد المحرب ،،
ودي بلا حدود ،،،
| |
|
|
|
|
|
|
|
|
|
Re: حـنايا الـريـد ،،، (Re: خالدة البدوي)
|
خالدة
سلام كبير
Quote: أصلي بريدك من زمان ..
من قبل تحصل بينا من عرفه ..
من زمن ..
في خاطر وطن تايه معالمه..
بشتاقه بي لهفه .. |
تعرفي يا خالدة ..
الجزئية المترعة بالجمال دي ..
وقعتْ لي فوق جرح ..
لأنني أؤمن تماماً .. بأن هناك نوع من التآلف يحدث بين إثنين قبل أن يلتقيا ..
يتناجيان
يتسامران
يدغدغ كل منهما خيال الآخر
يصوغ لها الكلام و تبادله الإحساس شعرا
حبل سري غامض يجمع بينهما
و ما أن يلتقيا
حتى يطلقا نفس التساؤل : أنا شفتك وين قبال كدة ؟
و سرعان ما تتلاشى كل الكلفة
و كأنهما بالفعل تجاورا جسدا و روحا
***
شايفة كلامك جاب شنو ؟
تسلمي
تحياتي للأسرة الكريمة
| |
|
|
|
|
|
|
|
|
|
Re: حـنايا الـريـد ،،، (Re: ابو جهينة)
|
Quote: ناجاني بشجن ..
ودف حروف ..
منسوجة بالعبره ..
***
حنانه فاض ..
دفق مشاعر ..
أللوانه مختلفه ..
فيها الود ..
فيها الشوق ..
فيها اللهفه ..
***
قال :
همس حسك ..
جوه في وجداني ..
وكياني ما صدفه ..
***
أصلي بريدك من زمان ..
من قبل تحصل بينا من عرفه ..
من زمن ..
في خاطر وطن تايه معالمه..
بشتاقه بي لهفه ..
***
هزيتي وجداني ..
بمعاني ساميه ..
بجماله معترفه ..
***
بريدك بي أحساس ..
جوه في حنايا الريد ..
وقلبي خافق دوم ولي هسه .. |
خالدة والله ما كنت عارفك شاعرة , كلام سمح شديد وعايزين من ده تاني وثالث
وبشتاق ليك شوق وطن غاباته ممتدة
وبفرح ديمة بشوفتك وأترجاها بلهفة
واصوغ الكلمة بنفسك وبيها أكمل البهجة
واسرح جوه في عينيك واقول يالله زيدة حلا
وشان ريدتنا مكتوبة وشان البينا يبقي قضا
بجر النم وأغنيليك غناوي المطرة والقمرا
وانا السافرت في دنياك بدور القاك بمهلة
واغالط نفسي بحسرة واقول يالله هون لي عشان اصلا
أها يا خالدة لقيتني كيف ؟؟؟؟؟
ممكن تكون محتاجة ليها تلقيح لاني إرتجلتها كالعادة وحبيت بس أشارك
| |
|
|
|
|
|
|
|
|
 Re: حـنايا الـريـد ،،، (Re: هاشم أحمد خلف الله)
|
: ناجاني بشجن ..
ودف حروف ..
منسوجة بالعبره ..
حنانه فاض ..
دفق مشاعر ..
أللوانه مختلفه ..
فيها الود ..
فيها الشوق ..
فيها اللهفه
..قال :
همس حسك ..
جوه في وجداني ..
وكياني ما صدفه ..
أصلي بريدك من زمان ..
من قبل تحصل بينا من عرفه ..
من زمن ..
في خاطر وطن تايه معالمه..
بشتاقه بي لهفه
..بريدك بي أحساس ..
جوه في حنايا الريد ..
وقلبي خافق دوم ولي هسه ..
كلام سمح وزين
وأصلي بريدك كده بالواضح
| |
|
|
|
|
|
|
|
|
|
Re: حـنايا الـريـد ،،، (Re: نهال الطيب)
|
نهال الحبيبة
أهم حاجة انها اعجبتك
وافعمت دواخلك بكل الريد ..
Quote: كلام سمح وزين
وأصلي بريدك كده بالواضح |
وأنا بريييييييييدك كمان
عبق ودي لك،،،
| |
|
|
|
|
|
|
|
|
|
Re: حـنايا الـريـد ،،، (Re: هاشم أحمد خلف الله)
|
Quote: خالدة والله ما كنت عارفك شاعرة , كلام سمح شديد وعايزين من ده تاني وثالث
وبشتاق ليك شوق وطن غاباته ممتدة
وبفرح ديمة بشوفتك وأترجاها بلهفة
واصوغ الكلمة بنفسك وبيها أكمل البهجة
واسرح جوه في عينيك واقول يالله زيدة حلا
وشان ريدتنا مكتوبة وشان البينا يبقي قضا
بجر النم وأغنيليك غناوي المطرة والقمرا
وانا السافرت في دنياك بدور القاك بمهلة
واغالط نفسي بحسرة واقول يالله هون لي عشان اصلا
أها يا خالدة لقيتني كيف ؟؟؟؟؟
ممكن تكون محتاجة ليها تلقيح لاني إرتجلتها كالعادة وحبيت بس أشارك |
هاشم يا خوي لكن ما ضربت قصيدتي عديل كده
ابياتك المرتجلة رائعة وشكراً على شهاتك الجميلة ..
مودتي ،،،
| |
|
|
|
|
|
|
|
|
|
Re: حـنايا الـريـد ،،، (Re: ابو جهينة)
|
وينك يا ريس
يا سلام عليك صحيح قد يحدث أن
يتحاور اثنان ويتناجيايا وهم لا يعرفون
بعض .. بس لانه روحهم واحدة وحاجاتهم واحدة ..
ده قمة الاحساس و الفريدمن نوعه ..
بصفاء الدواخل تحدث مثل هذه الاشياء ..
عبق مودتي لك وللمدام والجميلات ...
| |
|
|
|
|
|
|
|
|
|
Re: حـنايا الـريـد ،،، (Re: Sami Talab)
|
Quote: وعندي ملاحظة صغيرة وهي البيت الاول من القصيدة
لا يرتبط مع غنائيتها وتركيبتها |
سامي طلب لك كل التحايا والجمال
حدثني بطريقته التي أحببت
عن حكاياتِ زمن مضى
وذاك الكان ..
في طي الذكرى ..
***
ناجاني بشجن ..
ودف حروف ..
منسوجة بالعبره ..
***
حنانه فاض ..
دفق مشاعر ..
أللوانه مختلفه ..
فيها الود ..
فيها الشوق ..
فيها اللهفه ..
***
قال :
همس حسك ..
جوه في وجداني ..
وكياني ما صدفه ..
***
أصلي بريدك من زمان ..
من قبل تحصل بينا من عرفه ..
من زمن ..
في خاطر وطن تايه معالمه..
بشتاقه بي لهفه ..
***
هزيتي وجداني ..
بمعاني ساميه ..
بجماله معترفه ..
***
بريدك بي أحساس ..
جوه في حنايا الريد ..
وقلبي خافق دوم ولي هسه ..
استبدله بما شئت بما أنه من عندك
أكيد حا يظبط ،،،
خليك قريب ،،
تقديري ومودتي ،،،
| |
|
|
|
|
|
|
|
|
|
Re: حـنايا الـريـد ،،، (Re: صالح عبده)
|
الاستاذ صالح عبده وين انت يازول
ألف سلامه وطمنه على كل شيء ،،
Quote: اين وجه الشبه
بريدك ياصباح عمرى بريدك قبل ما اعرفك |
مافي خيارات ؟؟؟
دمت ،،،
| |
|
|
|
|
|
|
|
|
|
Re: حـنايا الـريـد ،،، (Re: خالدة البدوي)
|
الرائعة خالدة
كلام رقيق جميل ومعبر
وزى ما قالوا كلام جاب كلام
بكلامك الجميل دا جبتى لينا برضو كلام جميل
من ابوجهينة و نهال وهاشم وبقية الجميلين
نشكرك واسعد الله ايامك
أحمد العمار
| |
|
|
|
|
|
|
|
|
 Re: حـنايا الـريـد ،،، (Re: خالدة البدوي)
|
ساحرة الكلمة والتعبير خلود
صباحك حلو حلاوة جودي .... ( ما شاء الله ) .
Quote: بريدك بي أحساس ..
جوه في حنايا الريد ..
وقلبي خافق دوم ولي هسه .. |
دائماً قلبك الأبيض عامر بالمحبة والتسامح ، وعقلك الكبير صافي للاحترام والتقدير .
و ..... ( الريدة بين الناس صله وريدتنا ألحق حصله ) ..
مودتي ومعزتي .....
إشتياقي جودي ...
| |
|
|
|
|
|
|
|
|
|
Re: حـنايا الـريـد ،،، (Re: عماد محمود علي)
|
اودي العزيز
مكانتك بين الحنايا قابعة
يحفها الود ..
مرورك اودي له ألق خاص يزهو
المكان ..
الجمال أنت ..
جاياك يوم الخميس بس
وصي تمبس لتصطادها والكاميرا انت عارفه
| |
|
|
|
|
|
|
|
|
|
Re: حـنايا الـريـد ،،، (Re: خالدة البدوي)
|
عزيزتي خلـود
إشتياقي ومودتي مقرونة بإحترامي ، ، ، ،
| Quote: مكانتك بين الحنايا قابعة |
ولك في القلب مكانة خاصة وفي الوجدان مساحة شاسعة .
| Quote: مرورك اودي له ألق خاص يزهو المكان |
وتسطيرك الشيق وتعبيرك السلسل كالوردة تجذبنا بجمالها وشذاها فنقف مبهورين عندها .
لا يوجد من بعدكم جمال ....
يا يوم بكرة ما تسرع تخفف لي نار وجدي ..
| Quote: بس وصي تمبس لتصطادها والكاميرا انت عارفه |
الوصية فاتت أضانه ولو ما قام بالواجب ذي المرة الفاتت بجيب لي كاميرا براي وبخلص تصوير فيها براها .
مــودتــــي ومحبــتي لك ولها . ونلـتقي .....
| |
|
|
|
|
|
|
|
|
|
Re: حـنايا الـريـد ،،، (Re: عماد محمود علي)
|
يا سلام عليك يا اودي العزيز
دائماً حاسي بي وعارف بوستاتي
ديل لهن الله وعشت السوق بسبب عدم
الوقت ..
ما نعدمك لكن ..
تمبس داك خليه بعرف احرش عليه منو
| Quote: في إنتظارك جودي ........ |
من اسه بتسال منك
| |
|
|
|
|
|
|
|
|
|
Re: حـنايا الـريـد ،،، (Re: خالدة البدوي)
|
الرائعة خلودة
سلام ويغطيك صحة وعافية
تنداح الكلمات درر ويطاوعك الأحساس الصادق في نسجها
لك مني كل التحايا
غردي يا غالية ودوماً في رعاية الله وحفظه
لك الاحترام والمودة
خالد محجوب
| |
|
|
|
|
|
|
|
|
|
Re: حـنايا الـريـد ،،، (Re: خالدة البدوي)
|
الأخت الدكتوره خالده
كلمات رائعه فى حق الوطن واحساس جميل نفتقده كثيرا هذه الأيام
فقد كست القلوب سحابه سوداء قاتمه جعلت مابداخله يغلى ويثور
فى محاولة جاهده لأخراج مكامن تلك الأحاسيس ولكن تعود مكبوتةمرة اخرى
عند اصطدامهابالواقع الخارجى ولكن تظل تلك الأحاسيس المكبوته هى مخزون
ومؤونة للشتاء القارس ولمن احرقتهم شمس الهجير ويظل الوطن هو الوطن البنحلم بيه
يوماتى لك المعزة والتقدير
ابو ختم
| |
|
|
|
|
|
|
|
|
|
Re: حـنايا الـريـد ،،، (Re: عماد محمود علي)
|
Quote: أشيل مع الحنية هم
أخاف من الأيام تدور
أخاف يغيرني الزمن
وأعبر بدون عينيك بحور |
اودي العزيز
ريدك وطن بين الحنايا
لا يتبدل الا ما كان يفتقد الاصاله
وليس له وطن يحمل ريده بين الحنايا ..
مودتي يا غالي ،،،
| |
|
|
|
|
|
|
|
|
|
Re: حـنايا الـريـد ،،، (Re: عماد شمت)
|
الانيق عماد شمت
مرورك كان وطن جميل ..
يقالبني الشوق فأتوسد حروف ريد
تنبض من بين الحنايا ..
ممزوجة بألم دفين ..
مرورك كان رزاز مطر خريف بلدي ..
دمت ،،،
| |
|
|
|
|
|
|
|
|
|
Re: حـنايا الـريـد ،،، (Re: الحارث سرالختم عبد الله)
|
Quote: فقد كست القلوب سحابه سوداء قاتمه جعلت مابداخله يغلى ويثور
فى محاولة جاهده لأخراج مكامن تلك الأحاسيس ولكن تعود مكبوتةمرة اخرى
عند اصطدامهابالواقع الخارجى |
ابو الختم الرجل الجميل المريح
دواخلك وطن بكامله ..
لا تتبدل حنايانا مهما جار علينا الوطن والزمان
نطوي بدواخلها كل الريد والهفة والشوق ..
دمت ابوالختم ،،،
| |
|
|
|
|
|
|
|
|
|
Re: حـنايا الـريـد ،،، (Re: خالدة البدوي)
|
حاولت كتابة قصيدة لزمن عينيها
لأدخل لجنة نصوص الخالدة
تساقطت حروفها
أرتعبها رهق السنين
وتداعت عندمطبات كلماتك الجزالة
وصارت نشاذ
شكرا لهذا الظل الشاطئ
نورالهادي
| |
|
|
|
|
|
|
|
|
|
Re: حـنايا الـريـد ،،، (Re: nourelhadi awad)
|
Quote: حاولت كتابة قصيدة لزمن عينيها
لأدخل لجنة نصوص الخالدة
تساقطت حروفها
أرتعبها رهق السنين
وتداعت عندمطبات كلماتك الجزالة
وصارت نشاذ |
نور ما سطرته قصيده تفوق حجم
الاحساس وكانت نشاذ في جمالها ..
مودتي وذدنا من روائعك ...
| |
|
|
|
|
|
|
|
|
|
Re: حـنايا الـريـد ،،، (Re: خالدة البدوي)
|
Quote: قال :
همس حسك ..
جوه في وجداني ..
وكياني ما صدفه ..
***
أصلي بريدك من زمان ..
من قبل تحصل بينا من عرفه ..
من زمن ..
في خاطر وطن تايه معالمه..
بشتاقه بي لهفه .. |
الدكتورة خالدة البدوي
عندما تتوهج المشاعر .. ينسكب المداد رونقاً وسحرا ،،، وهكذا حروفك انسابت لغة رقيقة تخاطب الوجدان دونما وسيط .. شكراً إن أتحتِ لنا أن نلمس الندى ونتنسم عبير الزهر في زمن ضاعت خلاله معاني الحب والألفة ..
| |
|
|
|
|
|
|
| |
خالدة البدوي
waleed500
عواطف ادريس اسماعيل
عفاف أبو حريرة
ابو جهينة
هاشم أحمد خلف الله
نهال الطيب
صالح عبده
Sahar Abdelrahman
salma subhi
Muna Khugali
خالد علي محجوب المنسي
الحارث سرالختم عبد الله
عماد شمت
فيس بوك
تويتر
انستقرام
يوتيوب
بنتيريست