|
|
 قال استقلال قال !!
|
قالها صديقي مستهجناً - قبل عشر أعوام - وكان القوم يلوكون ذكري الاستقلال وعلي عبداللطيف والمهدي والأزهري وغيرهم :-
ده شنو ده كمان؟؟ علي عبداللطيف شنو وأزهري شنو؟ ..
ديل شنو العورا ديل؟ ..في زول قال ليهم تعالوا أعملوا العملتوه ده؟ ..
ناس الانقليز بجلالة قدرهم قاعدين ليهم في الحر ده وشغالين ليهم تعمير واستعمار في بلدهم وعاملين ليهم برلمان كمان - يجو يقوموا يطردوهم؟؟.. ده شنو ده ؟؟..
لمن الانقليز زاتهم اتحيروا فيهم !!! .. ناس شغالين ليهم عمار واستعمار في أمان الله ، يقوموا يجوا العالم الوهم ديل يجوطوا فيهم ، يوم يجيهم واحد ناطي ليهم بحربة، واحد بكوكاب ، وواحدين جايين ببنادقهم عديل وكمان زعلانين دايرين يطرشقوا !!!! ..
في الآخر قالوا ديل ناس شنو المواهيم ديل؟؟ !!! .. وشالوا عدتهم وفرتقوا .. وخلوا الوهم ليوم الليلة ما عارفين راسهم من قعرهم !!! ..
|
|
 
|
|
|
|
Munir
jini
فيس بوك
تويتر
انستقرام
يوتيوب
بنتيريست