|
|
|
 Re: مدرسة الحوش الثانوية / لها علينا يد سلفت و دين مستحق (Re: Imad Khalifa)
|
عماد خليفة
يا سلام عليك يا جميل
ود نعمان القرية الجميلة الحاضرة في وجداني برشيدها وشقيقة للاسف نسيت اسمه والاستاذ محمد الطيب وهولاء سلالة الشيخ ......... برضي نسيتو ذكرني الذى صلينا في مسجده .
كنت اذهب كل نهاية اسبوع لود نعمان مع الرشيد الرجل الطيب ومسكين وشقيقه ......... كان الاستاذ محمد الطيب الذى عمل معنا بقريتنا البردانة ثم مدينة الدندر هو السبب لتعلقي بقرية ود نعمان الجميلة المعطرة على الدوام بروحانيات اهلها ناس التقابة والقرآن .
| |
 
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
Quote: ود نعمان القرية الجميلة الحاضرة في وجداني برشيدها وشقيقة للاسف نسيت اسمه والاستاذ محمد الطيب وهولاء سلالة الشيخ ......... برضي نسيتو ذكرني الذى صلينا في مسجده .
|
شكرا ود شيقوق
تقصد الرشيد وشقيقه معتصم ابناء جدنا المرحوم الشيخ الاستاذ يوسف المجتبي
وهم من سلالة الشيخ الفضل عليه الرحمة مؤسس خلاوي قرية ودنعمان العريقة.
من الاساتذة العلماء الذين مروا على المدرسة أيضا:
استاذ النحو (الذي يعرب الهواء) كما كنا نقول استاذ عمر كنجول (قرية الروف)
استاذ الرياضيات السر طيفور (قرية أم مرحي) على ما اظن
استاذ الجغرافيا المرحوم اقبال عبدالله حران
استاذ اللغة الانجليزية خالد يوسف (خالد ربشة) قرية حاج النور
استاذ التاريخ العبقري ادريس حماد (الرجل الانيق)
هذه رشفه ذكريات سريعة
اكيد اقامتي معك ستطول في هذا البوست
تحياتي
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
احد رجالات التعليم العظماء في السودان. توفي إلى رحمة الله قبل شهرين رحمه الله وغفر له. التحية إلى أبنائه وأخص منهم صديقي الأخ عبد الله مامون تميم.
ود شيقوق.. كيفنك يا راجل، فاقدنك كتير بي هناك. بالمناسبة نشطنا ليك العضوية اليوم راجع ايميلك.
ياأخوي قلت الحلاوين. الظاهر عندنا "عقاب" في الحوش.. ورينا ياخي. بالرغم من علاقتي مع عدد من أبناء الحوش لكن لم يأتي ذكر هذا الموضوع.
تحياتي يا حبيب.
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: عبدالعزيز الفاضلابى)
|
الاخ ابراهيم النعمة
يا اخي مالك ملهب مشاعري بروينا
صحيح روينا الجميلة من القرى التي سقطت سهوا فلا انسي اخي وصديقي الدكتور مامون مساعد البيطيري فقد كنا معا طيلة الثلاث سنوات في داخلية الطاحونة
شكرا شكرا ود النعمة ورغم اني من الدندر لكن ثمة تشابه ما بين اهلنا هناك واهلنا في ريفي الحوش ريفي الزعيم عبد الله عبد الله
كن معي يا العزيز فلا فرق بيني المتخرج من الحوش في اواسط السبعينات وبينكم المتخرج في النصف الثاني من التسعينات
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
| Quote: طيلة الثلاث سنوات في داخلية الطاحونة |
يا ود شيقوق ياخي مبالغة انت الكنت ساكن لصق السفرة هاهاها...
سكنت بالطاحونة لسنتين ارتحلت بعدها لداخلية السوباط.
كما درست باولى طبري وثانية ابن سيناء وثالثة نيوتن
اها خلينا نختبر ذاكرتك؟؟؟
كان جاري في الصف في السنة الأولى والثانية الأخ حسن الطاهر حماد
من ابناء البردانة ان لم تخني الذاكرة.
اها قصرت معاك... يالله عقب.
تحياتي
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: Imad Khalifa)
|
ود الخليفة
Quote: من الاساتذة العلماء الذين مروا على المدرسة أيضا:
استاذ النحو (الذي يعرب الهواء) كما كنا نقول استاذ عمر كنجول (قرية الروف)
استاذ الرياضيات السر طيفور (قرية أم مرحي) على ما اظن
استاذ الجغرافيا المرحوم اقبال عبدالله حران
استاذ اللغة الانجليزية خالد يوسف (خالد ربشة) قرية حاج النور
استاذ التاريخ العبقري ادريس حماد (الرجل الانيق) |
اما نحن فقد تعلمنا من علماء اجلاء اذكر منهم :
الناظر على الخليفة من مدينة الكاملين - انسان عالم في اللغة العربية ولا انسي يا ود الخليفة ان الناظر على الخليفة سألنا مرة قائلا هل يمكن تصغير اسماء الاشارة ؟ الجماعة كلهم سكتوا متحيرين كيف يمكن تصغير (هذا وذاك وهولاء)
ولكن المرحوم الراحل على الخليفة انبرى قائلا:
يا ما أميلح غزلان شدنّ لنا من هويليائكن الضال والسلم
لاحظ هنا تصغير كلمة هولاء ام الضال والسلم فهي انواع من النباتات التي كانت تنمو على ارض الجزيرة العربية
ومن الاستاذة الاجلاء :
الاستاذ احمد مضوي من اب قمري
استاذ الرياضيات العالم محمد عثمان
المرحوم الاستاذ العالم الصاوي - من قرية فطيس
استاذ اللغة الفرنسية - الاستاذ الهادي من الروف ايضا
استاذ الفنون الهادي
واستاذ الجغرافيا عباس الذى كان يحفظ مسدار المطيرق من الالف للياء
استاذ التاريخ عبد الرحمن - كنا نسميه الحبوبة لانه كان يروي لنا احداث الحربين العالميتين الاولى والثانية باسلوب ممتع وحجائي
الاستاذ المرحوم مصطفى ابو نائب - تربيىة اسلامية
نواصل
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
ود النعمة
في انتظارك
ايمن ما تنوم
ود الخليفة
Quote: يا ود شيقوق ياخي مبالغة انت الكنت ساكن لصق السفرة هاهاها...
سكنت بالطاحونة لسنتين ارتحلت بعدها لداخلية السوباط.
كما درست باولى طبري وثانية ابن سيناء وثالثة نيوتن
اها خلينا نختبر ذاكرتك؟؟؟
كان جاري في الصف في السنة الأولى والثانية الأخ حسن الطاهر حماد
من ابناء البردانة ان لم تخني الذاكرة.
اها قصرت معاك... يالله عقب. |
انا يا ود الخليفة كنت الطالب الوحيد الذى كان يعرفه جميع الطلاب وكل الاستاذة لاني اتيتهم وانا متزوج من الثانوية العامة وكنت مشهور وسط الطلاب والاستاذة ب ( الطيب العريس) ومافي حد كان بقول لي الطيب بس .
اذكر في عام 1976 شهدت مدارس الجزيرة الثانوية مظاهرات ضخمة ضد حكم نميري وكان الطلاب يتوقعون ان ترد اشارة من الوزارة بقفل جميع المدارس . وفي اثناء حصة الجغرافيا دخل احد الفراشين لاستاذ الجغرافيا وسلمة برقية . قرأ الاستاذ البرقية والتفت للطلاب متسائلا ، من فيكم يعرف فحوى هذه البرقية ؟ الجميع ردوا بالقول قفل المدارس بسبب المظاهرات . رد الاستاذ قائلا كذبا كاذب .
انقروا البرقية فيها شنو يا اخوانا ؟
نواصل
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
Quote: عملتُ بها مدرساً للأنجليزية 1972- 1973
أين هم طلابي الان ؟
الوحيد الدي لي به اتصال هو د. الباقر العفيف. |
تعرف يا ود شيقوق كنت ناوي اوجه نداء لاستاذنا مسعود
الذي عرفت منه انه عمل مدرسا بهذه المدرسة العريقة
لزيارة هذا البوست.
يا ريت يا استاذ مسعود تلقى شوية زمن وتكتب بعض الذكريات.. الطرائف..الخ
عن تلك الفترة.
هناك ايضا الأخ الطيب الشيخ عبدالرحمن (قرية ودالماحي) عضو البورد وصاحب كتابات عميقة
وساخرة، عاصرناه بمدرسة الحوش. أتمني ان نراه في هذه المساحة فللحوش الثانوية
كما قال ودشيقوق يد سلفت ودين مستحق.
لكما التحايا والود
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
سعدت جدا هذا المساء وانا اتلقى مكالمة من الولايات المتحدة الامريكية من اخي عمر محمود محمد الذى درس جميع مراحله الدراسية بريفي الحوش وكان طالبا بهذه المدرسة في بدايات ثمانينيات القرن الماضي .
الاخ عمر محمود من قرية شبونة ريفي الحوش فهو مثلي من الذين تشبعوا من الفول الذي كان يزرع على الحواشات المجاورة لمدرسة الحوش الثانوية
الاخ عمر اصيب بالانكراشة عندما راي هذا البوست ولم يستطع الدخول لانه غير عضو معنا في سودانيز وقد حاول الاتصال عدة مرات بالاخ بكري للحصول على عضوية ليتسنى له المشاركة في هذا البوست التوثيقي لهذه المؤسسة التي انجبت الكثيرين الذين اسهموا بفكرهم المستنير في اسعاد الانسانية على المستويين الاقليمي والعالمي .
اناشد الاخ بكري ابو بكر بمنح العضوية للاخ عمر محمود محمد لنسمع منه حكاوي ناس الضهاري عن اولاد البندر .
اطيب الاماني
الطيب العريس
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: فيصل محمد خليل)
|
يا شيقا انتو سايبين الفصول فاضية
وتقروا في الحوش ?
هاااااااااااا المسنوح عشان اهلك قروك في كمبوني يعني ؟
لكن والله يا فيسل المدرسة دي كان جنبها حلاوة فول احلى من فول مزارع كلفورنيا ذاتو
تشيل كتابك وتملأ عبك فول من الحواشات وكبريتك في جيبك - تشوف ضل الكترة السمح وتلقط ليك قشات تخت عليهن الفول وتش تولع الكبريته تخليهو يقلى كويييييييييس وتروح تقرمش وتقرأ وقت تجيك فكرة تلقاك هرست الكتاب كلو
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: خالد المحرب)
|
Quote: سعدت جدا هذا المساء وانا اتلقى مكالمة من الولايات المتحدة الامريكية من اخي عمر محمود محمد الذى درس جميع مراحله الدراسية بريفي الحوش وكان طالبا بهذه المدرسة في بدايات ثمانينيات القرن الماضي .
الاخ عمر محمود من قرية شبونة ريفي الحوش فهو مثلي من الذين تشبعوا من الفول الذي كان يزرع على الحواشات المجاورة لمدرسة الحوش الثانوية
|
يا سلام يا ود شيقوق على عمر محمود وعلى ناس شبونة (د. حسين جربة) وناس الشامي عبدالفضيل واخوه خليفة
وكمان ناس فحل جالس وفحل شايقية وناس الشريف مختار (منير الزبير) وناس الدوحة (د. حمزة بابكر)، يا اخي ديل ناسا ما بتنسوا.
عبرك نحيي الأخ عمر محمود ونطالب معك السيد المهندس بكري بمنحه العضوية.
ويا عمر اكتب ايميل لبكري أطلب العضوية علشان تواصل معانا في هذه الحكاوي.
لكما تحياتي
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: Imad Khalifa)
|
ا سلام يا ود شيقوق على عمر محمود وعلى ناس شبونة (د. حسين جربة) وناس الشامي عبدالفضيل واخوه خليفة
وكمان ناس فحل جالس وفحل شايقية وناس الشريف مختار (منير الزبير) وناس الدوحة (د. حمزة بابكر)، يا اخي ديل ناسا ما بتنسوا.
عبرك نحيي الأخ عمر محمود ونطالب معك السيد المهندس بكري بمنحه العضوية.
ويا عمر اكتب ايميل لبكري أطلب العضوية علشان تواصل معانا في هذه الحكاوي.
يا ود الخليفة عمر متابع البوست دا من قولة تيت ووالله يتوحوح للمشاركة بس ما قادر - بالمناسبة عمر ود شبونة اتصل بي مرة تانية وبسال عنك كتير وقال مشتاق ليك وما لامي فيك عليك الله نزل رقمك هنا خليهو يكلمك
معا لدعوة الاخ بكري ابو بكر لرفع البوست ومنح الاخ عمر العضوية في هذا المنتدى الرائع الذي جمعنا ونحن مشتتون في ارض الله الواسعة
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
Quote: يا ود الخليفة عمر متابع البوست دا من قولة تيت ووالله يتوحوح للمشاركة بس ما قادر - بالمناسبة عمر ود شبونة اتصل بي مرة تانية وبسال عنك كتير وقال مشتاق ليك وما لامي فيك عليك الله نزل رقمك هنا خليهو يكلمك
|
سلام ودشيقوق وعمر محمود
يا عمر ليك كميات كبيرة من الاشتياقات
حاليا انا ببيركلي كاليفورنيا، تلفوني
هو ذاتووو لم يتغير من زمن نيويورك
9172020362
نسمع منك
تحياتي
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: Imad Khalifa)
|
سلام اهل البوست
طبعا مستغربين المدخلني هنا شنو؟ اولاد عمي و اولاد اهلي كلهم درسوا في الحوش لانه اهل ابوي من ابقمري و العقيده.
الطيب الشيخ متزوج بنت عمي و هو عضو معانا هنا.
عمر شبونه الزول المهذب ما اظن بيتذكرني لانه اخر مره شافني كنت طفله في نيويورك.
بجيكم تاني. ما تتعشموا تسالوني من زول لاني ما بعرف ناس كتار هناك لكن متابعه البوست مع بابا و هو اكيد حيعرف الناس.
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: Dania Elmaki)
|
ود شيقوق كبير المسانيح
عيني وقعت على هذا الخيط من كم يوم ونويت أدخله
ليس لأني درست في الحوش ولكن لأني تعرفت على أصدقاء أعزاء
درسوا في الحوش ومن الحوش أيام الجامعة
فقد كان صديقي عمر نور القيوم تميم وزرت الحوش في أول إجازة
لنا في الجامعة وألتقيت الأستاذ نور القيوم تميم رحمه الله تعالى
وعرفت منه معدن وأصالة أهل الحوش ...
كذلك كان من الزملاء الذين درسوا في الحوش
غاندي الأمين من الرميتاب والصحفي الكبير خالد فضل
ومن بعدهم الطيب عبد الكافي
فعبر هذا الخيط أبعث تحياتي لهؤلاء جميعا ولجميع أهل الحوش الطيبين
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: جعفر محي الدين)
|
دانيا بت المكي
اول حاجة هل ناس الضهاري ديل عندهم الاسم السمح دا لالالالالالالالالالالالالا وحاة الله دا اسم ناس الرياض والطائف ونمرة 2 اسم بندر عدييييييييييل والبوست يخاطب ناس الضهاري - عاد افهمك معنى ناس الضهاري دي كيف ؟ يا ستي وقعتي وقعة معاك
طبعا مستغربين المدخلني هنا شنو؟ اولاد عمي و اولاد اهلي كلهم درسوا في الحوش لانه اهل ابوي من ابقمري و العقيده.
الطيب الشيخ متزوج بنت عمي و هو عضو معانا هنا.
عمر شبونه الزول المهذب ما اظن بيتذكرني لانه اخر مره شافني كنت طفله في نيويورك.
بجيكم تاني. ما تتعشموا تسالوني من زول لاني ما بعرف ناس كتار هناك لكن متابعه البوست مع بابا و هو اكيد حيعرف الناس.
اوع بس يكون فيهم عباس الشيخ الوجيه الولد السمح في خلتقو والسمح في طبعو؟
طبعا لعباس بيكون اشتعل الراس شيبا واحفاد ربما
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: Dania Elmaki)
|
تقصد عباس عمر الشيخ عباس؟ ده ود عمتي
دانيا
يا سلالالالالالالالالالالالالام والله هو نفسه عباس عمر الشيخ الرجل المهذب الرجل الخلوق الرجل الذى لم اسمع طيلة الثلاث اعوام ربما حتى صوته الى ان تخرجنا
الاخ عباس كان ذا نبوق صامت صامت
وحياتك حييهو وقولي ليهو الطيب العريس مشتاق ليك وبسلم عليك كتييييييييييير - عباس كان ادبيا حتى النخاع وكنت انا هكذا
شكرا شكرا شكرا دانيا
تحياتي لجميع ناس اب قمري وخاصة استاذني احمد مضوي الاستاذ العالم وخيف الظل
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
طالما انت دفعت عباس يبقي انا حاناديك عمو الطيب :)
اها ناس الضهاري ديل عندهم اسم الحناكيش ده عشان امنا ما من هناك خخخخخخخخ دايما بيقولوا لينا كان امكم كانت من ابقمري هسه كان اسمك كتيره ولا بنت المنى. خخخخ
رغم اننا ما عشنا في السودان لكن في كل اجازه لازم نمشي ابقمري و انا لمن اتزوجت اصريت العقد يكون بيت جد في ابقمري وسط اعمامي و عماتي.
شكلي حاعسكر هنا اتمنى ما تتضايقوا مني
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: Dania Elmaki)
|
يا دانية
طالما انت دفعت عباس يبقي انا حاناديك عمو الطيب :)
طوالي انها تهمة لا انكرها وشرف لا ادعيه يا دانية بتي
اها ناس الضهاري ديل عندهم اسم الحناكيش ده عشان امنا ما من هناك خخخخخخخخ دايما بيقولوا لينا كان امكم كانت من ابقمري هسه كان اسمك كتيره ولا بنت المنى. خخخخ
ههههههههههههههها ما عندك مشكلة طالما انت لا لامة في ناس البندر ولا راضية بناس الضهاري تخليك مع طائفة البدون ساااااااى
رغم اننا ما عشنا في السودان لكن في كل اجازه لازم نمشي ابقمري و انا لمن اتزوجت اصريت العقد يكون بيت جد في ابقمري وسط اعمامي و عماتي.
يا اخي انت بندرية المظهر وضهارية الوجدان = وكدا ممكن تترشحي عديل كمان في دوائر ناس الضهاري
شكلي حاعسكر هنا اتمنى ما تتضايقوا مني
يا ريت عشان باسمك السمح دا بتبقى للبوست تلال هههههههههههههههههها
تعرفي التلال؟
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: Dania Elmaki)
|
مولانا الطيب
تحياتي
كان عمي يعمل بمشروع الجزيره
بالمراجعه الداخليه
ويسكن سابع دليب
وكنت في الاجازات أذهب اليه
وأجوب تلك المناطق الجميله معه
وكان له أصدقاء كثر بحوش ابكر
وكان يعمل بمكتب الحاج عبدالله
عمنا حمزه ( أعظم لاعب كرة قدم شاهدته)
في تلك الفتره رفض اللعب في مدني ناهيك عن الخرطوم
لكم ولجميع أهل المنطقه التحايا
وأيضا تحياتي للاخ علي عبدالرحمن من أم تيربات
ورحم الله الشريف حسين الهندي أبن المنطقه
وأبن عموم أهل السودان
ودمتم بالف خير وعافيه
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: عبدالرحيم أبراهيم العبيد)
|
دانية
لانه ابونا كان الولد الوحيد و الباقيين بنات.
هيييييييييييع حظكم يكون خمش ليكم الطين كلو تعصيبا
اتخيل لسع ما اتزوج؟
يا سلام والله بس هو صغير دفعتنا كلهم صغار لسع ما فات فيهم فوات ههههههههها
انا و اخوي البعدي طوالي ما احتجنا مترجمين, لكن اخواننا الصغار بيتعبوا تعب شديد لو مشوا من غيرنا
اوع تأكلوهم الويكة والفسيخ لانهم ديل بقولوا ليك how it comes the expiry period of this faseek is due المساكين ما عارفين الفسيخ بيحلى اكتر بعد تنتهي مدة صلاحيتو
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
كان عمي يعمل بمشروع الجزيره
بالمراجعه الداخليه
ويسكن سابع دليب
وكنت في الاجازات أذهب اليه
وأجوب تلك المناطق الجميله معه
وكان له أصدقاء كثر بحوش ابكر
وكان يعمل بمكتب الحاج عبدالله
عمنا حمزه ( أعظم لاعب كرة قدم شاهدته)
في تلك الفتره رفض اللعب في مدني ناهيك عن الخرطوم
يا سلام يا سابع دليب يا سلام يا الشريف الدسيس ويا سلام يا البرياب والشكابات والحاج عبد الله والحداد والبيلاوي وود المحاي
وأيضا تحياتي للاخ علي عبدالرحمن من أم تيربات
ورحم الله الشريف حسين الهندي أبن المنطقه
وأبن عموم أهل السودان
تسلم تسلم يا ود العبيد لك منى عميق امتناني
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
اخي العزيز جعفر محي الدين
ود شيقوق كبير المسانيح
عيني وقعت على هذا الخيط من كم يوم ونويت أدخله
ليس لأني درست في الحوش ولكن لأني تعرفت على أصدقاء أعزاء
درسوا في الحوش ومن الحوش أيام الجامعة
فقد كان صديقي عمر نور القيوم تميم وزرت الحوش في أول إجازة
لنا في الجامعة وألتقيت الأستاذ نور القيوم تميم رحمه الله تعالى
وعرفت منه معدن وأصالة أهل الحوش ...
كذلك كان من الزملاء الذين درسوا في الحوش
غاندي الأمين من الرميتاب والصحفي الكبير خالد فضل
ومن بعدهم الطيب عبد الكافي
فعبر هذا الخيط أبعث تحياتي لهؤلاء جميعا ولجميع أهل الحوش الطيبين
تسلم يا جعفر الله يخليك
والله يا مسنوح مداخلتك السمحة دى لم ارها الا في هذه اللحظة فلك العتبى لك العتبى
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
الاخ عماد ود الخليفة
يبدو انا البوست دا حرك احاسيس ومشاعر الكثيرين ممن درسوا في تلك المؤسسة العريقة - الكثيرون الذين لم تكن لهم عضوية في سودانيز اتصلوا هاتفيا من جميع انحاء العالم يطالبون بالاستمرار فيه وجعله دائما في المقدمة
قبل قليل اتصل بي صديقك رجل الاعمال خريج مدرسة الحوش ومن قرية ود نعمان الاخ الكريم عبد الرحيم عبد المنعم يغريك انت شخصيا مطامير من التحايا وبحور من الاشواق
ودي
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
ود شيقوق عماد خليفه ابراهيم النعمه ودانيا والاخوة المتداخلين الكرام.. سلام
والتحيه ليك يا ود شيقوق علي فتح تلك النافذه لحوش ابكر وحوش الشريف وود الحميد ..
انا من خريج تلك المدرسه ايام عمر عطيه وعمر كنجول والهادي علي بابكر واستاذ اقبال والهندي ابوزيد
وعثمان هاشم ومحمد الطيب البشير نحن جينا بعد ادارة الخليفه وسبقنا ايضا استاذ الرياضيات الشهير السر طيفور..
ولي عوده ..
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: اسامه خليفه)
|
اخي اسامة ود الخليفة
ود شيقوق عماد خليفه ابراهيم النعمه ودانيا والاخوة المتداخلين الكرام.. سلام
والتحيه ليك يا ود شيقوق علي فتح تلك النافذه لحوش ابكر وحوش الشريف وود الحميد ..
انا من خريج تلك المدرسه ايام عمر عطيه وعمر كنجول والهادي علي بابكر واستاذ اقبال والهندي ابوزيد
وعثمان هاشم ومحمد الطيب البشير نحن جينا بعد ادارة الخليفه وسبقنا ايضا استاذ الرياضيات الشهير السر طيفور..
يا سلام عليك وعلى تلك الكوكبة من الاساتذة الاجلاء الذي صنعوا رجال اسهموا في بناء مجد هذا الوطن الجريح
ارجو منك ومن جميع من يتداخل هنا كتابة تلفونه والبريد الالكتروني ليتسنى للزملاء وهم في الشتات التواصل معكم
كما ارجو ان يبين اى واحد منكم اين هو الان وفي اى مجال يعمل
ودي
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: Imad Khalifa)
|
يا عمدة
يا سلام يا ود شقوق فعلا البوست بحرك الذكريات وبهيج مشاعر الصداقات القديمة
تحدث معي اليوم عمر محمود حديثا طويلا استرجعنا خلاله الكتير من الزملاء والاصدقاء
التحايا عبرك للاخ عبد الرحيم عبد المنعم ولكل اصدقاء ذلك الزمن النضير
صحيح حرك الذكريات واهاج المشاعر
بالمناسبة عبد الرحيم عبد المنعم وعدنى بارسال صور لمدرسة الحوش ولقطات لصور جماعية في مدرسة الحوش وانا الان في انتظاره
يا عمدة ما تنزل لينا اغنية الذكريات لعثمان الشفيع خلي الجماعة يبكوا
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
استاذي مسعود
والله يشرفني ان تكون يا استاذي بيننا هنا عضوا في سودانيز - انتم يا استاذي هم صناع المجد لهذه المؤسسة فقد كانت على الدوام في قائمة الاوائل من مدارس السودان الثانوية
بالتاكيد عاصرت مولانا مامون تميم واحمد مضوي وعمر عطية وعلى الخليفة ومحمد عثمان والراحل المقيم الصاوي وعباس جغرافيا ومن الطلاب تركاوي ومجمد ابراهيم زروق وموسى العالم والطيب سنهوري اعتقادي انك لم تتذكرهم وهذه حال جميع المعلمين يعرفون ولا يعرفون .
اما مرابيح ود اللبيح فاذكر منها الزميل الرائع الجميل عبد الجبار فعبركم احييه يا استاذي
اطيب الاماني
يا شيخ العرب أنا عايز من مرابيع ود اللبيح
أجدادي أهل معزة بنت اللبيح اللحوية والدة كل من جدي المرضي ومالك والعجبة وأحمد شلبي
الطيب شيقوق
العريس -
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
عماد ود الخليفة
وصلتني الصورة الفي اللنك ادناه من الاخ اسامة الخليفة مشكورا
الصورة عن الشفخانة البيطرية بود نعمان
شاهدوا ما الت اليه تلك المؤسسة
https://mail.google.com/mail/?ui=2&ik=ac2b850840&view=att&th=12cf8bd9bd4a64e8&attid=0.1&disp=inline&zw
غلبني احمل الصورة يمكن لاي من الاعضاء التفتيحيين اجراء اللازم حيالها
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
عماد الخليفة
سلام
يا اخي انت ما شاء الله عندك ذاكرة نمسك الخشب بس
اتصل فيني قبل قليل الاخ نبيل الطيب عباس الذى فوجئت بانه يعمل معي في مسقط - سلطنة عمان
الاخ نبيل كان متابعا بوست الحوش ووجد مداخلتك التي اشرت فيها الى العم الطيب عباس والد نبيل وصاحب استديو الذكريات بمدينة الحوش
الاخ نبيل يرسل لك احر التحايا ولجميع الاخوة والاخوات المتداخلون /ات
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
العزيز ودشيقوق
الصورة التي ارسلتها لك ولم استطع تحميلها من جهازي للشفخانه البيطريه للحوش من الجهة الجنوبيه الغربيه لمدخل ابوقمري وودنعمان والحله الجديده ...
ايضا ارتبط حديثا اسم مدينة الحوش بلاعب الهلال الراحل والي الدين محمد عبدالله وشيد له استاد باسمه الان..
..............
الحوش حواشات كما يحلو ان ناديها سابقا كانت مدينة مميزه وهاديه قبل العهد الانقاذي ..
الحوش الثانويه واولاد شبونه الشطار والجادين دايما ناس الطيب ابوزيد وعمر عبدالفضيل
والدوحه ومعنا هنا في ماليزيا د. عادل الشيخ والان يعمل بدولة بورناي دار السلام ..
الشريف مختار والقصيراب وودالماحي اسماء كثيره ضايعه ولكن ساحاول استعادة جزء منها..
اولاد ابوقمري ما كانوا بسكنوا الداخليه لقرب المنطقه ..
نجم الدين عمر الشيخ , سيف اليزل عبدالله بانقا , هجو رجب , ياسر تاج الدين المرضي
....
شكرا ود شيقوق وسنحاول معك اجترار تلك الايام الجميله واستادة وزملاء ذاك الزمن الجميل ..
لي عوده ولدي عدد مهول من الصور ولكن لم استطع تنزيلها ..
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: اسامه خليفه)
|
شكرا ود شيقوق وسنحاول معك اجترار تلك الايام الجميله واستادة وزملاء ذاك الزمن الجميل ..
لي عوده ولدي عدد مهول من الصور ولكن لم استطع تنزيلها ..
الف مرحب اخي اسامة الخليفة والف شكر لك مرة ثانية وانت تحضرني بعد من القرى التي سقطت سهوا وما زالت كثير من القرى غائبة عن الذاكرة ولكنها ستعود كما عادت الى الان ابو سقرة قرية صديقي آدم والدنيقيلة والمسلمية مناها وقرية اخي الشمباتي بانقا ما عارف كان بلبس نظارات فهل لسع ولا فقد النظر خالص ربنا يمد في ايامه
طبعا معنا هنا في عمان مجموعة محترمة من خريجي الحوش اذكر منهم :
دكتور فتح الرحمن اشهر طبيب اسنان في السلطنة
والاخ ابو نائب اشهر موظفي الطيران في الطيران السعودي بمطار مسقط
والاخ خالد الذى يعمل بالسفارة السودانية بمسقط
الاخ اسامة
حاولت احمل الشفخانة البيطرية لكنى لم استطع وانت عارف ناس الضهاري ما شداد على الحاجات دي
حاول لو امكن تحميلها هنا
ويا ريت تنزلوا لينا اغنية الذكريات
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
Quote:
اولاد ابوقمري ما كانوا بسكنوا الداخليه لقرب المنطقه ..
نجم الدين عمر الشيخ , سيف اليزل عبدالله بانقا , هجو رجب , ياسر تاج الدين المرضي
....
.. |
نجم الدين عمر الشيخ ولد عمتي هو الان بروفيسور لغه فرنسيه و شغال في جامعة الامارات في العين. سيف بانقا طبيب في الخرطوم اخر عهدي بيه قبل سنتين. ياسر تاج الدين ولد عمي و هو معانا في امريكا فرجينيا.
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: Dania Elmaki)
|
دانية
نجم الدين عمر الشيخ ولد عمتي هو الان بروفيسور لغه فرنسيه و شغال في جامعة الامارات في العين. سيف بانقا طبيب في الخرطوم اخر عهدي بيه قبل سنتين. ياسر تاج الدين ولد عمي و هو معانا في امريكا فرجينيا.
يطول عمرك على هذا الحضور الذى اضفى على البوست طعما متميزا
ناس اب قمري فوووووووق
ابقوا معنا فانا موعود بكثير من الصور التذكارية من الاخ العزيز عبد الرحيم عبد المنعم من السودان
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
يا ناس الضهاري المشيتو امريكا الحقوني سريع جاتني صور تذكارية من مدرسة الحوش وطلاب الحوش من الاخ العزيز الوفي عبد الرحيم عبد المنعم وغلبني احملها في البوست الحقوني تقنيا ما تبقوا ناس بيتزا وكنتاكي وكدا .
ارسلوا ايميلاتكم عشان اعمل ليكم فور ورد وتنزلوا الصور انا باقي زول ضهاري ساى وفي الضهاري زول كتر ولعوت ساكت
الصور تقول الاتي :-
صوره
تزكارية لجمعية الفنون
وقوف من اليمين
1-الطيب عوض اللة (قرية الرانجوك)
2-عثمان احمد عثمان (الحوش)
3- الرشيد النور (قرية ام حمراء)
4- عمر عبد الرحمن البرتو (ام دقرسى)
5-الطيب احمد حسن (الحوش)
جلوس من اليمين
1-شخصى الضعيف عبد الرحيم عبد المنعم (قرية ودنعمان)
2-شقيق الطيب احمد حسن
3-استاذ المحترم الهندى محمد ابوزيد (قرية روينا) واستاذ مادة الفنون
4-محمد الخاتم مامون تميم (الحوش)
5-محمد الفاضل النور (قرية ام حمراء)
6-رضوان محمد المدنى (قرية ام حمراء)
7- محى الدين مرغنى برير (الحوش)
الصورة بتاريخ 29\10\1979 باستديو الزكريات
عبد الرحيم عبد المنعم
شكرا يا عبدو يا عظيم
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
وردتني للتو الرسالة الاتية :-
الطيب شيقوق
تحيات طيبات
حقيقة احسست بسعادة بالغة انت توفى الحوش ومدرسة الحوش الثانوية حقها فى رد جميل لهذه المدرسة والمنطقة كلها
حقيقة انا لم ادرس بالحوش الثانوية وانما فقط من ريفى الحوش ويهمنى جدا ان اقراء عن المنطقة وعن رموز التعليم فيها وعن سيرتها الاولى
وانا اقراء لك وللرائع اسامة خليفة احسست بالعودة لجذورى هناك لكل القرى المحيطة بالحوش والضهارى .
وتذكرت انكم كنتم تمتطون تلك البكاسى من مدنى مثلا الى الحوش وتلكم المعاناة خصوصا فى فصل الخريف وهذه هى ذات المعاناة التى اعانى منها قبل عام تقريبا فى اى زيارة لى للمنطقة .
حاليا والحمد لله تم افتتاح شارع الزلط الذى يربط مدنى بالحوش وتحديدا من شارع سنار فى منطقة خور ودابو بالقرب من قرية ود النو الى الحوش مرورا من شارع زلط سنار الى ود النور والصواردة و77 وود المبارك ام تربيات وانت ماشى على الحوش
يعنى ازمة المواصلات فى الخريف انتهت والحمد لله والمفروض الشارع دا ينتهى من زمان من زمن الشريف حسين الهندى كان مرشح عن دائرة الحوش فى انتخابات 65
ونحمد الله على كل انتهاء العمل بشارع الزلط ونتمنى ان تهتم محلية الحوش بامر المدينة لانو بالجد حالا ما بيسر حاليا ولى زيارات لها خصوصا فى اسواق الاحد والاربعاء .
عندى زيارة فى اليومين دى للحلة ولو مشيت ح امشى ليك مخصوص للحوش والتقط ليك بعضا من الصور عسى ان تعود بكم الذاكرة قليلا الى الوراء .
بخصوص المذاكرة والتهام حبات الفول اقول يا حليل مشروع الجزيرة وحليل زراعة الفول السودانى وحسى زراعة العيش غلة المنطقة الرئيسيه بقت فى مشكلة .
وسوف اعود اليك .
وليد فتح الرحمن
قرية الصواردة
شكرا اخي فتح الرحمن على هذه الرسالة المعبرة
اتمنى ان تذهب الى هناك وتوافينا بالصور عن الحوش تلك المدينة التي يسكننا عشقها يا فتحي
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
كتب الاخ العزيز عبد الرحيم عبد المنعم مشكورا ما يلي :-
الاخوان الاعزاء
الطيب
وعماد واسامة خليفة
تحياتى واشواقى لكم احبائى هى ذكريات جميلة ارجو المساعدة فى رفع الصور وبنعود للنقاش والزكريات
عماد واسامة رجائى راسلونى على الايميل
صوره تزكارية من عنبر الرهد الشرقى (استديو الزكريات بتاريخ 9\2\1980
جلوس على الارض
عبد العزيز اسماعيل(البسابير)
على ميرغنى (الدليبة)
جلوس من اليمين
عليش احمد عثمان(ودالماحى)
الشامى يوسف (ودنعمان )
شرف الدين سعيد (الرميتاب)
احمد عثمان البدوى (الخروع الجديدة)
كمال عمر حسين (حلفا الجديدة)
القاسم ابراهيم (بيضاء)
جلوس ايضا
ديفيد بولن (بور)
يوسف عمر يوسف (عسير)
احمد صديق القريش (الطليح)
جاه الرسول ادريس (الرميتاب)
عمران عمر احمد(ودمقبول)
عبد الرحيم البشير (فحل)
زكى محمد الحاج (ودمقبول ) لة الرحمة
وقوف
بابكر حسب النبى (ودمقبول)
سلستينو وانى (جوبا)
عامر مصطفى (الخرطوم امتداد الدرجة الثالثة)
عبود احمد بابكر (ودالنور)
ملوال جوكاك (بور)
جلال الدين الطيب (عمارة البنا)
على ادريس (الدوحة)
حسن على محمد (النوراب)
ياودشيقوق الصورة دى بدقلب المواجع وانا مخصوص كتبت الاسم والقرية
ياخى خلينى استلف عضويتك واسكن معاك فى البوست دة وماتنسو ا قولو لبكرى ابوبكر يازول الحقنا
للتواصل ارجو انزال الايميل باليوست
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: انعام عبد الحفيظ)
|
الغالي ودشيقوق
شكرا للأخ نبيل الطيب عباس ، له وللاسرة الكريمة عاطر التحايا والتحايا موصولة لعموم الأهل بقرية السوريبة.
وحقيقة استوديو العم المرحوم الطيب عباس كان يشكل أحد معالم المدينة الوديعة في ذلك الزمن، كان رجلا انيقا وفنانا
ومتواضعا وخلوقا دائم الابتسام، فالعمل في مجال التصوير اضافة الى انه مصدر دخل يوضح ان من يقوم به يمتلك ملكات فنيه
كبيرة وذلك ما كان يتمتع به العم المرحوم الطيب عباس، استعدال الجلسات وزوايا التصوير والتناسق كان يجيدها اجادة تامة، اضافة
لعلاقاته الاجتماعية المتميزة مع ناس المنطقة جعلت هذا الاستديو من المعالم التى لا يمكن اغفالها.
شكرا لك يا نبيل ولك تحياتي مجددا
اتمني ان تقوم بانزال صور اخونا عبدالرحيم فهي ستكون خير دليل على ما قلته.
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: Imad Khalifa)
|
سلامات يا انعام ومرحب بيك في رحاب ذكريات الحوش
يعني لو ما خالك ما كان حتشرفي هذا البوست، ولا اكون جابوك الاتحاديين وسيرة الشريف هاهاهاها
تحياتي لعبد الرحيم والاسرة
طبعا يا ودشيقوق ارتبط المرحوم الشريف حسين الهندي بمنطقة الحوش رباطا وثيقا كما تعلم، فهو ابن الدائرة الذي لا يتجرأ اي كان ان يفكر حتى في النزول منافسا له في الانتخابات فكان فوزه بالتزكيه، وايضا ناس المنطقة احبوه بشدة فهم الذين حموه بعد انقلاب مايو المشئوم وهم الذين هربوه الى اثيوبيا. وكانت تسجيلاته الصوتية ابان فترته في المعارضة توزع من الحوش، فالحوش معقل مهم من معاقل الحركة الاتحادية في الجزيرة.
ايضا درس معنا في الحوش المناضل الرفيق ياسر عرمان نائب الامين العام للحركة الشعبية لتحرير السودان.
وكمان الاستاذ الموسيقار شمت محمد نور شمت من ابناء الحوش ودرس بهذه المدرسة العريقة له التحايا ولاسرة الفن والفنون اسرة العم محمد نور شمت.
وبعدين يا ودشيقوق شايفك داير تمرق لينا ناس ابقمري ناس ضهاري، يا اخي ديل ناس حضارة ووجاهة قديمة قدم المنطقة.
تحايا للاخت دانيا ولوالدها ولاعمامها عصام عمر الشيخ ولوئ محمد خير وقصئ وما ننسى استاذنا عثمان هاشم، وتحايا لكل
ناس اوقمري (الفقمة، الشليخة وابوقمري الكبيرة) ديل يا دانيا لو ما عرفتيهم اسألي ابوك أو ياسر ابن العم تاج الدين المرضي.
لكم التحايا والود
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: Imad Khalifa)
|
اتصل الأخ عبد الباقي بابكر من قرية الزناندة مقيم بمدينة دينفر ولاية كلورادوا يبعث بتحاياه الشديدة وشكره للاستاذ الطيب شيقوق
على هذا البوست وهذا الاحتفاء بالحوش وبمدرسة الحوش، وعبدالباقي درس بمدرسة الحوش وعمل بها وكيلا لطلمبة شل بالحوش
وتربطه كبقية اهل المنطقة علاقات حميمة مع كل ناس الحوش والقري المجاورة، وهو عمدة منطقة الحوش بأمريكا، ما ان يسمع بأن
هناك احد ابناء المنطقة قد وصل بلاد العم سام الا وبادر بالسؤال عن تلفونه وقام بواجب الاتصال.
التحية للاخ عبد الباقي ولناس الزناندات (جبارة وفضل السيد)
ورحم الله استاذنا ابن الزناندة والذي درّس بمدرسة الحوش لفترة طويلة الاستاذ عبدالقادر هجو النذير
تحايا خاصة من عبد الباقي للاخوة اسامة وودالنعمة .... أين انت يا ابن النعمة تعال واصل الحكي.
تلفون عبد الباقي
17206280922
تحياتي
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: Imad Khalifa)
|
انعام عبد الحفيظ
اللييييييييييييييييلة الجابك كمان الحوش شنو ؟
هي يااااااااااا الطيب شيقوق كمان بقيت تراسل خالي؟؟؟ ههههههههه
عبد الرحيم عبد المنعم احمد ركاب دا خالي اخو امي شقيقها
لنا ذكريات جميلة بـ ود نعمان والحوش والروف
بس ما قرينا في الحوش الثانوية دي
تحياتي وسلامي لـ عماد واسامة خليفة
والله يا انعام عندك خال حقو تصوريهو تختي صورتو في جدران بيتكم - دا انسان ما عادي - بعد عملت البوست دا اسمع ليك رنة تلفون من السودان رقم غريب علي - قلت هلو معاى منو ؟ قال لي ما بتعرفني لكن جمعني معك حبك للحوش ومدرسة الحوش وناس الحوش وانا الذي يسكننى عشق الحوش ومدرسة الحوش . اتحدث معاى قرابة الساعة الله يخليهو وعرفت كل تفاصيل حياتو يعمل رجل اعمال رايق وكدا تاني اكان فلسنا بس عبد الرحيم ود عبد المنعم .
بالله التلوداب جوا لحدى الحوش؟ عشان كدا اتحادية موووووووووووووووت
التحية عبرك مرة اخرى لخالك الوجيه وجميع اهلنا في مدينة الحوش وضواحيها
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
الاخوة والاخوات الكرماء /ات
وردتني للتو المشاركة الاتية من الاخ الزميل بابكر الحسن يقول فيها الاتي :-
Quote: يا سلام على الحوش وايام مدرسة الحوش الثانويه ياسلام على الاساتذه الاجلاء
استاذنا عمر عطيه
الهادى بابكر
المربى الجليل على الخليفه رحمة الله عليه
المهم حا نكون متابعين معاك على الاميل لاننى فقدت الباص ويرد منذ زمن بعيد لم يرجعها لى الاخ بكرى بالرغم من الناشدات الكثيره ...اناشده الان لارجاعها لى
لكن سوف اتابع البوست واتداخل عن طريق بريدك
اتمنى من الاخ الطيب الشيخ الدخول وارسال تلفون الاخ عثمان حامد و عرفت انه موجود هنا فى كندا
كنت اتمنى مشاهدة الصوره لان الاخ ديفيد بولن معى هنا فى نفس المدينه
الكلام كتير و حا اوصل
بابكر موسى ابراهيم الحسن
قرية ودمقبول
الان كندا البرتا مدينة ادمنتون |
الف مرحب بيك اخي بابكر الحسن وسعدنا جدا وانت تعطر هذا البوست بتلك المداخلة الجميلة .
يا ريت يا اخونا فيما لو بين لنا كل متداخل الاعوام التي قضاها في مدرسة الحوش وهل هو ادبي ولا علمي
يا حليل العقاد وابن سينا والطبري ونيوتن
ذكرونا يا اخوانا اسماء الفصول كبرنا وبقينا نسايين بالحيل .
نناشد الاخ المهندس بكري على اعادة ادوات الدخول للاخ بابكر موسى ابراهيم الحسن
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
Quote: وبعدين يا ودشيقوق شايفك داير تمرق لينا ناس ابقمري ناس ضهاري، يا اخي ديل ناس حضارة ووجاهة قديمة قدم المنطقة.
تحايا للاخت دانيا ولوالدها ولاعمامها عصام عمر الشيخ ولوئ محمد خير وقصئ وما ننسى استاذنا عثمان هاشم، وتحايا لكل
ناس اوقمري (الفقمة، الشليخة وابوقمري الكبيرة) ديل يا دانيا لو ما عرفتيهم اسألي ابوك أو ياسر ابن العم تاج الدين المرضي.
لكم التحايا والود |
عمادازيك
قصي و لؤي ديل اولاد خالتي, امس كنت بتكلم مع لؤي الفنان المرهف و لفت نظره للبوست ده, اصحابي شديد, عصام ولد عمتي. اصلا ابقمري كلها اهل عشان كده كلنا بنتعارف
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
عزيزنا المستشار المسينيح/ الطيب الطيبوب
ولا هي الشيقوق!!
خلاص سلام وشوق المشتهي....
بوستك بدا حلو شديد زي وش الملاح والتشبيه ده واقعي لاني في المطبخ هسي
لقيتك مالي دنيا بي سيرة كاربة.. ات يا اللخو الشي الجايينا قريب استفتا ما هو
انتخابات وده للجنوبيين بس..
لقيت كمين up up فقلت دي برضو تمرين في الخج.. لكن ياخوي كان بقت صحي
انتخابات غير صوتي وصوت فيسل ما تحصل شي...
الحوش
ونعم الحوش بعد الرمية الفوق دي.... وقيل اعلاه
الحوش دي كلما اسمع حروفها دي اسرح مع الجزيرة (ما لات قطر) واتذكر
الدورة المدرسية بمسرح الجزيرة بمدني.. الباقي بين السطور.. يالها من ايام روايع!!
روعة اهل الحوش والجزيرة.. روعة حوش منه الهندي.. وين للحوش الجاب لاهاي..
في مداخلة فوق نادوك بي شيخ العرب.. ودي ما بنعترف ليك بيها الا لو جات من
الشيخ المحرب.
تحياتي سعادتك..
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: Abdlaziz Eisa)
|
الاخ العزيز عبد العزيز الود اللذيذ
| Quote: بوستك بدا حلو شديد زي وش الملاح |
يا سلام عليك ذكرتني امي يطول عمرها كنت كلو مرة بخليها تغفل واخمش ليك وش الملاح . زمان ما كنا بنعرف ولا سمعنا بكلوسترولاتكم دي بنتغم ساى .
Quote: لقيت كمين up up فقلت دي برضو تمرين في الخج.. لكن ياخوي كان بقت صحي
انتخابات غير صوتي وصوت فيسل ما تحصل شي... |
اوعاك تسيس البوست يا مسنوح جنك سياسة
| Quote: الباقي بين السطور.. يالها من ايام روايع!! |
وصلت طب وفيها عنكوليب طاعم كمان صاح؟
| Quote: روعة اهل الحوش والجزيرة.. روعة حوش منه الهندي.. وين للحوش الجاب لاهاي.. |
بالله انت من الزمن داك؟
Quote: في مداخلة فوق نادوك بي شيخ العرب.. ودي ما بنعترف ليك بيها الا لو جات من
الشيخ المحرب. |
شيخ المحرب مطلوب من قبل الجنائية الدولية باقي لي وسط عولو زى موسى هلال.
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
مرّقوك من الضهاري
يا حلالي ويا نهاري
الآدفوكيت قدر دا أدّوه ناري
يا ما جاري فيك اللي جاري
يا مداري
حباب الطيّب الطيّب
افرد لي جناحك حبّب
هبّب لينا جواً طيب
في جو بورد بقى مغيّب
كلام ما تسمعه الطيّب
غير قولاً ديمة يخيّب
سلام يا
لهذه المدارس في مخيلتي وذاكرتي
ذكريات جميلة
وزاخرة بكل ما هو جميل وأصيل
-
إنها مجتمعات الزمن الجميل
بداخلياتها البرحة
وألعابها الفرحة
وطرائفها المرحة
-
لم لا تعرج قليلاً إلى الأنشطة
الجميلة سواء كانت الرياضية
أو الأدبية
زنقات التمام
وعودة الجمعة الحزينة
وفرحة الخميس
عند الانطلاق
-
جلسات المذاكرة
ورحلاتها التي لا تنسى
مكتباتها
ودروسها
أقول ليك
بوست جميل
بس داير دفرة
استثمر الإيميل مع الزملاء
في استكتابهم عن ذكرياتهم
ويمكن أن ينتج عملاً عظيماً
حسب تجربتي في بوست سابق
عن المدارس الوسطى
إنت مسنوح لكن نغششك نعمل شنوبنحبّك
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: فيصل محمد خليل)
|
شوف يا ود شيقوق عشان ما تقول لى كل مره الاسم ده ما حق الجعليين ، اهه ابوى عليه رحمة الله كان عندو تجارة فى الغبشان و مع شريك اسمه السفاح ، اهه الوالده رحمة الله عليها كان كل اطفالها بموتوا بعد الولاده ، اها قوم جيت انا ، وجيه ووسيم حاجة كده ، يالله فتيات الحوش ديل كلهن اخر جهجة ، بس واحد كده مطموسة قالت ليهن هوى ما تتكسرن ساكت اسع الوليد بموت .
اهه اخوك عاش لى يوم السماية ، تقوم جارتنا إمراة عمنا السفاح تقول شوفى يا بخيته بت الحسن ، الوليد السميح ده سميهو هجو على ابواتى اليعقوباب شوفى اكان يموت .
يا زول الوالده عليها رحمة الله و الوالد ختمية على السكين ، المهم نسوان الحلة و المكسرات من البنات اصروا على التسميه ، قام ابوى عليه رحمة الله وافق سمانى هجو عشان الجماعة يرضوا و استخرج لى شهادة ميلاد باسم ميرغنى ، قال هجو ده اسم عرب ساكت .
المهم اسم هجو ظهر ، ومافى زول عارف اسم ميرغنى حتى ابوى نسى موضوع الشهاده ، قوم يا زول جيت فى اول يوم للمدرسة بعد عودة من نهر النيل المره دى كانت فى شرفت الجاموسى ، المهم طبعا كنا مستنيرين جدا و مدير المدرسة صاحبنا ، عليه رحمة الله اسمه احمد صالح حلفاوى كان يعرفنى بهجو ، المهم مشيت مع جارنا العم عثمان على احد التجار للمدرسة ، شوف غرائب الصدف فارقت هذا الرجل عام 68 و قابلته العام الماضى فى الدوحة عندما زار ابنته هنا ، شفت الفليم ده كيف .
المهم المدير لما شاف الشهاده استغرب و كان شديد الهظار معى لما كان ياتى للبيت ، قال لى انت اكيد احضرت شهادت واحد من اخوانك المتوفين ، المهم انا كنت صغير اخدت لى بكيه كده ، و الجماعة سكتونى و الرجل قام سجلنى بهجو باعتبار ان هنالك خطا .
المهم كان مدير المدرسة وبقية الموظفين ياتون ليلا فى البيت ، قام قال للجماعة عاوزين الشهاده الاصلى ، فى تلك الفترة كانت الوالده متوفيه عليها رحمة الله شوف الهملة دى تركتنى و عمرى عامين و كنت مع شقيقتى الكبرى فى عودة للمرة الثانية للجزيرة المهم تم افهام المدير ان هذا الغلام اسمه هجو ولكن فى الشهاده اسمو ميرغنى ، يازول الحلفاوى قال انا بعرف هجو ، قوم تانى رجعت البلد فى نهر النيل حيث لاشهاده و لايحزنون ، لما جئت فى سادسة امتحنت بميرغنى اعمل شنو ، اها لما جيت امتحن الثانوى غيرت الاسم الى هجو باستخراج شهادة ميلاد جديده باعتبارى ما عندى شهاده اها ومن ديك و عيك. شوف انا كتب بدون مراجعة لو فى خطا صحح ، مش بكرى اعطاك الماستر كى
| |
|
|
|
|
|
|
|
|
|
Re: مدرسة الحوش الثانوية / لها علينا يد سلفت و دين مستحق (Re: الطيب شيقوق)
|
شوف يا ود شيقوق عشان ما تقول لى كل مره الاسم ده ما حق الجعليين ، اهه ابوى عليه رحمة الله كان عندو تجارة فى الغبشان و مع شريك اسمه السفاح ، اهه الوالده رحمة الله عليها كان كل اطفالها بموتوا بعد الولاده ، اها قوم جيت انا ، وجيه ووسيم حاجة كده ، يالله فتيات الحوش ديل كلهن اخر جهجة ، بس واحد كده مطموسة قالت ليهن هوى ما تتكسرن ساكت اسع الوليد بموت .
اهه اخوك عاش لى يوم السماية ، تقوم جارتنا إمراة عمنا السفاح تقول شوفى يا بخيته بت الحسن ، الوليد السميح ده سميهو هجو على ابواتى اليعقوباب شوفى اكان يموت .
يا زول الوالده عليها رحمة الله و الوالد ختمية على السكين ، المهم نسوان الحلة و المكسرات من البنات اصروا على التسميه ، قام ابوى عليه رحمة الله وافق سمانى هجو عشان الجماعة يرضوا و استخرج لى شهادة ميلاد باسم ميرغنى ، قال هجو ده اسم عرب ساكت .
المهم اسم هجو ظهر ، ومافى زول عارف اسم ميرغنى حتى ابوى نسى موضوع الشهاده ، قوم يا زول جيت فى اول يوم للمدرسة بعد عودة من نهر النيل المره دى كانت فى شرفت الجاموسى ، المهم طبعا كنا مستنيرين جدا و مدير المدرسة صاحبنا ، عليه رحمة الله اسمه احمد صالح حلفاوى كان يعرفنى بهجو ، المهم مشيت مع جارنا العم عثمان على احد التجار للمدرسة ، شوف غرائب الصدف فارقت هذا الرجل عام 68 و قابلته العام الماضى فى الدوحة عندما زار ابنته هنا ، شفت الفليم ده كيف .
المهم المدير لما شاف الشهاده استغرب و كان شديد الهظار معى لما كان ياتى للبيت ، قال لى انت اكيد احضرت شهادت واحد من اخوانك المتوفين ، المهم انا كنت صغير اخدت لى بكيه كده ، و الجماعة سكتونى و الرجل قام سجلنى بهجو باعتبار ان هنالك خطا . الكلام ده كان فى قرية شرفت ريفى المناقل حاجة كده و ستين .
المهم كان مدير المدرسة وبقية الموظفين ياتون ليلا فى البيت ، قام قال للجماعة عاوزين الشهاده الاصلى ، فى تلك الفترة كانت الوالده متوفيه عليها رحمة الله شوف الهملة دى تركتنى و عمرى عامين و كنت مع شقيقتى الكبرى فى عودة للمرة الثانية للجزيرة المهم تم افهام المدير ان هذا الغلام اسمه هجو ولكن فى الشهاده اسمو ميرغنى ، يازول الحلفاوى قال انا بعرف هجو ، قوم تانى رجعت البلد فى نهر النيل حيث لاشهاده و لايحزنون ، لما جئت فى سادسة امتحنت بميرغنى اعمل شنو ، اها لما جيت امتحن الثانوى غيرت الاسم الى هجو باستخراج شهادة ميلاد جديده باعتبارى ما عندى شهاده اهه ومن ديك و عيك. شوف انا اكتب بدون مراجعة لو فى خطا صحح ، مش بكرى اعطاك الماستر كى
بس واحد كده مطموسة قالت ليهن هوى ما تتكسرن ساكت اسع الوليد بموت .
بس واحد كده مطموسة قالت ليهن هوى ما تتكسرن ساكت اسع الوليد بموت .
بس واحد كده مطموسة قالت ليهن هوى ما تتكسرن ساكت اسع الوليد بموت .
بس واحد كده مطموسة قالت ليهن هوى ما تتكسرن ساكت اسع الوليد بموت .
مباااالغة يا استاذ ميرغني هههههههههههها يطول عمرك هههههها والله موضوع حياتك كلو سوالف
| |
|
|
|
|
|
|
| |
الطيب شيقوق
Imad Khalifa
عبدالعزيز الفاضلابى
هجو الأقرع
ibrahim alnimma
أيمن مبارك أبو الحسن
Dania Elmaki
فيصل محمد خليل
خالد المحرب
جعفر محي الدين
عبدالرحيم أبراهيم العبيد
اسامه خليفه
عثمان الحسن أبوروف
انعام عبد الحفيظ
Abdlaziz Eisa
عبدالفتاح أبوشيمة
فيس بوك
تويتر
انستقرام
يوتيوب
بنتيريست