|
|
|
 Re: ودشيقوق وأم عبدالله ... ثنائية بقيمة الذهب وعطر الصندل ... وعينى باااااردة ... (Re: سمية الحسن طلحة)
|
سمية بت الحسن يازولة فيك الخير
Quote: وين القرعة ووين القربة والسعن والبمبر والراكوبة
وين مراح ألبل والضان والمعوز والبقر
أمانة عليك كبايتك دي فيها غباشة ولا طنج ( تانكي ) ؟
ياحليل البداوة
تاني ماتجي تهوسنا بيها . |
بداوة شنو ويطيخ شنو
دا كلام إنترنت سااى
شوفى بيت صاحبك
كنتى متوقعة راكوبة الصريف وبيت الشعر والسف معلق فى الديوان
بيت كلو ديجتال و المكيفات ماتديك الدرب ، فريون ، و
وبرضو عينى باردة
فى الصورة بجانب شخصى الضعيف ( جدا) يظهر المسنوح أبارو
وإنت لسة شفتى حاجة
| |
 
|
|
|
|
|
|
|
|
Re: ودشيقوق وأم عبدالله ... ثنائية بقيمة الذهب وعطر الصندل ... وعينى باااااردة ... (Re: rosemen osman)
|
روز كيفك يازولة وأخبارك
Quote:
أها غايتو أنا لما أجى السودان كاميرتك دى تسلمها فى الباب وبعد داك نتفاهم ..
من جنس شيل الحال دا , حالته الباشمهندس أبو بكر ما ظهر لسة
|
إنتى تعالى السودان وبس ... وخلى الباقى علينا ، طبعا مش ح يكون فوتوغراف وبس
أكيد بكرى وغيرو من الشباب ح يتفادو جية الخرطوم متزامنين مع جيتك خوفاعلى خطفك النجومية منهم
هسع ود شيقوق ده كان جاء السودان مع جيتك ، كان مافى زول واحد بهببو ليهو ، كان راح شمار فى مرقة
| |
|
|
|
|
|
|
|
|
|
Re: ودشيقوق وأم عبدالله ... ثنائية بقيمة الذهب وعطر الصندل ... وعينى باااااردة ... (Re: azhary awad elkareem)
|
الاخ عمر صديق
وحياتك ود جبريل ده كلكم ما بتلحقوهو خلطة من البندر والحضر وخلطة من الحنكشة والخربشة
| Quote: ومنتظرين اخبار توبو ولابتوبو |
يا زول اسكت ساى جدعت التوب بعيد واتلهمت المطار جنس تجنصصة البدل كيف والكرفتات كيف واللابتوب خاتي في اكتافي زى نانسي عجاج يا ريت اكان جدى شيقوق قام من قبرو شاف المحن البنسوى فيها.
ازهري الطريفي
Quote: لكن والله إستضفناهو فى مكتبنا المتواضع بالخرطوم
فى محاضرة عن الأوراق المالية..خليها ساى..
أمانة الراجل ما عالم بالحيل..
يمين فتحنا خشومنا من الدهشة ولى هسة ما قفلناهم..
وفوق لى دة كلو الراجل طبعاً شيخ عرب كبير..
سعدنا كثيراً بلقائه ومعرفته..
له تحياتنا وأمنياتنا الطيبة
ولى سيد البيت التحية
ومحبتنا له ولكل من مر/ت من هنا.. |
يا اخي احييك واحيي الاخ العالم الطيب حسب الرسول والاخت الرائعة انعام متعها الله بالصحة والعافية واحيي اخانا ابا سن وحتى ذلك العامل المهذب الذى لفتت نظرى طريقته الرائعة في تقديم الخدمة لضيوفكم .
شكرا مرة اخرى لاستضافتكم في مكتبكم الفخم الذى لن اتصور ان تكون مهنة المحاماة قد ارتقت لهذا المستوى فنيا واداريا.
| |
|
|
|
|
|
|
|
|
|
Re: ودشيقوق وأم عبدالله ... ثنائية بقيمة الذهب وعطر الصندل ... وعينى باااااردة ... (Re: Elmoiz Abunura)
|
ود جبريل
قالوا وضحو قريبتك وخبرها عندك صحي؟
اباروووو
انت صورت الارانب وياريت تمشى وراء البيت تجرب تصوير كلاب القنيص عشان ينط فيك يخلي ..... في السماء
ود المنسي
ما تسمع كلام ابارو ده اصلو بتاع شمارات معرووووف
دكتور المعز ابو نورا
الليلة بجلالة قدرك بجاى امانة ما دارنا عمرت
Quote: دحين جاب ليك ملاح قرع وكبدة أبل? انت من هنا الا تمشي دبي عشان تصلح علاقتك
مع حكيم النوبيين ابوبكر, واحسن ليك الحياد الايجابي |
حكيم النوبيين يا امير قام يتعزز عشان بالغنا في ريدو
| |
|
|
|
|
|
|
|
|
|
Re: ودشيقوق وأم عبدالله ... ثنائية بقيمة الذهب وعطر الصندل ... وعينى باااااردة ... (Re: إسماعيل حميم)
|
الاخ اسمايل حميم
تحياتي واشواقي الحارة لك ول>لك الثلاثي المرح
Quote: عندما تحادثنا عبر الأثير أول مرة حسست بـِ إلفة
أما عند اللقاء من أول فعلمت ما بك من حميمية
حفظها لك الله
وكان يوم جميل بصحبة العرسان لا زلوا الثلاثي (الغلباويين) يذكرونه
حيث كان أخر اليوم جلسة لطيفة
رغماً عن ذلك يبدو أننا حرمنا أنفسنا من قهوة الدار العامرة |
يا اخي بوركت وه>ه واحدة من نعم الله علينا بان هيأ لنا اسباب التعارف عبر ه>ه الناف>ة الاسفيريرة
فعلا كان يوم جميل بحق وحقيقة سعدنا فيه بلقائكم ولقاء الاخت اشراقة والعروسة والعريس معتصم والاخ الوديع السموأل
لكم منى عاطر الامنيات
| |
|
|
|
|
|
|
| |
محي الدين جبريل
ناهد بشير الطيب
عزام حسن فرح
عبدالعزيز الفاضلابى
محمَّد زين الشفيع أحمد
rosemen osman
محمد على طه الملك
طارق جبريل
الطيب شيقوق
سيف بخيت موسي
عمر صديق
أبوبكر أبوالقاسم
هاشم أحمد خلف الله
Ishraga Haimoura
فيصل محمد خليل
خالد علي محجوب المنسي
ممدوح أبارو
Elmoiz Abunura
إسماعيل حميم
عواطف ادريس اسماعيل
JAD
فيس بوك
تويتر
انستقرام
يوتيوب
بنتيريست