|
|
 مالِ دلائي فارغة تأتى من قاع البئر !؟
|
مالِ دلائي فارغة تأتى من قاع البئر !؟
أيجف الماء من عيني وأنا كلي نبض وحياة
أيجوب السيل بطون ويجفى بطاح
هل نضب الخمر ولم نسكبه بعد في الأقداح
أم ضن الكرم بالأعناب
وكذا النخل بالأبلاح
هل سرب البدر مع السمار ونسي الشمس
أم ظن الليل أن لن يأتي صباح
مالِ رمال الصحراء لاترسو على حالٍ
تعبر أميالاً هائمة غبراء تحملها رياح
تتخلى عنها الريح وتذهب
تموت الفورة فيها وتعود تزحف بين الأقدام
أرى الطفل البائس يبتسم إن أمسك قرناً من الموز
فكأنما ملك الدنيا بين يديه المتيبستين
والشاب الغض مكتئباً كعصفور بغير حناح
هل دب اليأس وأطفأ نبراس الأحلام
هل هب الظلم منتشياً والناس نيام
بل القول الحق .. دول بين الناس .. تلك هي الأيام
لوعلم الناس حقوقهم .. لماماتوا في الطرقات
بلا دية تدفع .. كأكباش فداء
هل هو قدر محتوم نافذ ناجز في الألواح
أم تسليم بقضاء ، أم إستسلام برضى
أم هو خوف.. بل إني أعلم من الله ملاتعلمون ..
ولا أخشى الأشباح
فياأنتم .. لاتفرحوا ( أن الله لايحب الفرحين..)
وأنتم.. لاتهنوا ولاتحزنوا .. فبعد الموت قيام .
سمية الحسن طلحة
|
|
 
|
|
|
|
|
|
|
 Re: مالِ دلائي فارغة تأتى من قاع البئر !؟ (Re: سمية الحسن طلحة)
|
الغاليه ابدا سميه تشكرى على الكلمات الجميله
القلم صديقك الذى يبقى معك.... مادمت تهتم به ... وهو اداتك التى تعكس شخصك على مرأة الورق.....انه هبة الله لبعض من الناس يحملوه سلاحا ومنارا يترجم بؤس قلوبهم وجراحاتهم الى قناديل تضئ دروب السعاده للاخرين....
أرجو منك مراجعة الماسنجر
لك خالص التحايا
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: Abdelmuhsin Said)
|
Quote: أيجف الماء من عيني وأنا كلي نبض وحياة
|
Quote: هل سرب البدر مع السمار ونسي الشمس
|
Quote: هل هو قدر محتوم نافذ ناجز في الألواح
|
وهل وهل؟؟
تساؤلات تجعلنا حيارى أو سكارى نهيم لا نعرف اجابة لها أحياناً..ولكن يكفي اننا سألناها فقد نجد في رحلة البحث بصيص أمل وراحة لهذا العناء.
شكراً سمية
مودتي وتقديري
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: salma subhi)
|
سمية تحياتي
| Quote: لوعلم الناس حقوقهم .. لماماتوا في الطرقات |
أصبح الذي يعلم حقوقه يقتل في الطرقات
و الذي يسرق حقوق الآخرين يتبختر في الطرقات
ولكن سيظل الأمل و لن تضيع الحقوق| Quote: وأنتم.. لاتهنوا ولاتحزنوا .. فبعد الموت قيام |
الحاج حمد
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: hajhamad)
|
Quote: أصبح الذي يعلم حقوقه يقتل في الطرقات
و الذي يسرق حقوق الآخرين يتبختر في الطرقات
|
حقائق قائمة رغم إعوجاجها
فوالله لأعجب كيف يستقيم الأمر !؟
ولكن يظل الأمل ..( ماأضيق العيش لولا فسحة الأمل )
الحاج حمد
لك جزيل الشكر
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: ود محجوب)
|
Quote: هل يروى الماء
هل الكرم هو الكرم والأبلاح هى الأبلاح |
الأخ الكريم د.عمر
قطعا لا ... يامن أنتم أدرى بهذه الشعاب
أجبتنى على السؤال بسؤال آخر...
أيرضيك أن أكون كالمستجير من الرمضاء بالنار ؟
لكم وعليكم السلام ورحمة الله .
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: سمية الحسن طلحة)
|
Quote: أيجف الماء من عيني وأنا كلي نبض وحياة
أيجوب السيل بطون ويجفى بطاح
هل نضب الخمر ولم نسكبه بعد في الأقداح
أم ضن الكرم بالأعناب
وكذا النخل بالأبلاح |
أخُتي الشقيقة سمية تساؤلك في مكانه وقد جاء في قالب جميل وممتع ولكن نقول
إن الفرج قريب إنشاء الله , أعجبني بلاغة هذا السؤال Quote: أيجف الماء من عيني وأنا
كلي نبض وحياة |
ولن يجف الماء من عينيك طالما فيك حياة
ولن تخور قواك طالما هناك فرصة للبقاء
أنتِ الحياة أنت ِالصفاء أنت النقاء
ودونك يا أم لا يكون هناك حب أو رجاء
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: هاشم أحمد خلف الله)
|
: أيجف الماء من عيني وأنا
كلي نبض وحياة
الأخ هاشم كل يوم أحس أخوتك تتعمق والآن أحسك ترى ردة فعلى على تعليقك هذا
والله ياهاشم هذا السؤال هو الوحيد الذى تحدثت عنه لمن حولي...
أى عين !؟ تحتمل أن تكون عين جارية ، عين مبصرة ، أوعين الفعل ووسطه ..
شكرا لأبيات الشعر الجميل المفعم بالأمل
وكعادتك أيها الكريم تعصر مشاعرك دنا تسقيه لندمائك فى حينه
لك معزتى وودادى .
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: سمية الحسن طلحة)
|
ولي فتره ابحث في بئري "المليء" عما املأ به دلوي دون جـدوي..
انزله فيه فيأتي فارغا وأصاب انا بالأعياء من تكرار الفشل!
مرت بي ام الحسن بت محمد احمد.. رأتني علي ذلك الحال المتمدد في اليأس فنصحتني..
لا تزعلي شي..بيرك ملان ومدفق..
بس اصبري!
شكرتها رغم ثقتي المزعزعه فيما قالت..
نسيت ان اسألها كيف اصبر?
علي اي طريقه يكون الصبر?
هل اواصل في انزال دلوي في البئر?
أم ابعد وارجع لأحاول?
ولأني لم افهم قصدها فإني تركت نفسي لوحي اللحظه..
أجرب مره ..ثم انظر دون فعل مرة أخري للبئر في عدم مبالاه..
ولكن اشعر بأن حتي تلك التجربه ..تضيع الرغبه فيها كل يوم!
ازيك سمسم..
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: Muna Khugali)
|
| Quote: لا تزعلي شي..بيرك ملان ومدفق.. |
Quote: هل اواصل في انزال دلوي في البئر?
|
Quote: أجرب مره ..ثم انظر دون فعل مرة أخري للبئر في عدم مبالاه..
|
Quote: ولكن اشعر بأن حتي تلك التجربه ..تضيع الرغبه فيها كل يوم!
|
منى أشتقت ليك يارفيقتى..
كأنما ترافقنا فى هذه الرحلة للبئر
نفس السؤال ونفس الشعور
ربما توأمة أرواح ,
لك عذب الأماني .
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: الطيب شيقوق)
|
| Quote: مالِ دلائي فارغة تأتى من قاع البئر !؟ |
أدليت دلوك يا ريحانة الحسن طلحة فجاء فارغ قلتي
فما بالنا نحن قطع شك يجينا بي رمل أو مشعبط فوقو جان
لك التحية دوماً يأتي دلوك بالجميل المثير المدهش
غردي ريحانة الحسن وكلنا آذنين نسمك ونطرب لقولك
خالد
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: سمية الحسن طلحة)
|
وعـد
عينان .......
في العينين مأواهم
في يـوم أحدٍ
وُعـدتُ برؤياهم
كرامٌ عظامٌ ما أعزّاهُم
الجود والفضلُ
من بعض ِ سجاياهم
الود والأخلاص
شـيـمـتـُهـم وسيماهم
مابالُ وصلي قد أضرّاهم ؟
خلفوا الوعود ...
وما جال بذكراهم
إن الحياة َ تطيبُ حين نلقاهم
ليت الذي يغشانا يغشاهم
ويعلمهم لطالما أنتظرناهم
وليت النسيمَ يبثُ
مابين الضلوع .... إلى حناياهم
من وجدِ قلبٍ بات رغم البين يرعاهم
أو يمرَّ تارات بمغناهُم
يحمل منهم طيوباً
بها يُحيي لقـتلاهم
لوأنهم أرسلوا من على البُعد تحاياهم
لكـُنـّا قد تأسّينا
وكنـّا قد عذرناهم ...
أليس الله ُ الذي براني وبراهم
بوفاء ِ العهدِ والميثاق ِ أوصاهم ؟
سمية الحسن محمد طلحة
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: نهال الطيب)
|
الملكة سمية
سلام
Quote: هل دب اليأس وأطفأ نبراس الأحلام
هل هب الظلم منتشياً والناس نيام
بل القول الحق .. دول بين الناس .. تلك هي الأيام
لوعلم الناس حقوقهم .. لماماتوا في الطرقات |
حتماً ستمتليء الآبار .. و سندلو بدلائنا و ستأتي متخمة .. إنبلاج الفجر قريب
دمت
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: سمية الحسن طلحة)
|
| Quote: ولكن مابالك بمن يخلف وعد الإياب !؟ |
ياملكة ..الدروب صارت اوعر رغم المعينات الكثيرة والتكنلوجيا...حتي اهنا بيومي احاول جاهدا ان اجد اعذارا لمن خلف وعدا ونسي شوقا وبطن غير ما اظهر ..يذهب العمر سريعا ويبقي اقل من الذي ذهب فاحاول الا اجعل الباقي وجعا بسبب من اشقاني او نساني وخلف وعدا .. دنيا لو كانت غير ذلك لكانت عليا
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: abubakr)
|
بكوري
| Quote: ياملكة ..الدروب صارت اوعر رغم المعينات الكثيرة والتكنلوجيا...حتي اهنا بيومي احاول جاهدا ان اجد اعذارا لمن خلف وعدا ونسي شوقا وبطن غير ما اظهر ..يذهب العمر سريعا ويبقي اقل من الذي ذهب فاحاول الا اجعل الباقي وجعا بسبب من اشقاني او نساني وخلف وعدا .. دنيا لو كانت غير ذلك لكانت عليا |
لم تعد في العمر بقية لبدايات جديدة
اطيب المنى
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: الطيب شيقوق)
|
| Quote: الدروب صارت اوعر رغم المعينات الكثيرة والتكنلوجيا...حتي اهنا بيومي احاول جاهدا ان اجد اعذارا لمن خلف وعدا ونسي شوقا وبطن غير ما اظهر ..يذهب العمر سريعا ويبقي اقل من الذي ذهب فاحاول الا اجعل الباقي وجعا بسبب من اشقاني او نساني وخلف وعدا .. دنيا لو كانت غير ذلك لكانت عليا |
أبوبكر
هذه اللوحة أضعها أمامى لأستخلص منها الحكمة
Quote: لم تعد في العمر بقية لبدايات جديدة
|
شيقوق ! ماقالوا علبك متفائل ...
مالك رجعت لعبارة صلاح أحمد أبراهيم ( لم يعد فى العمر مايكفى لبدايات جديدة )
التى قالها حينما سئل عن الزواج ...
دا كلام فلاسفة لأنهم بقصدوا حاجات ماعاوزين يقولوها.
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: سمية الحسن طلحة)
|
أشــواق
أصـلو أشــواقي
لابتكل ولابتمل
دايماً راجـية
صباحاتكم عليّ تطل
ليه مامـرّ
بمساري قطار الخل !؟
وليه أفراحي
فـد يـوم ماتكاها الظل !؟
بقيت لاعايشــة في الإحـرام
ولا في الحِـل ...
كلما أجمع الأفـراح
من إ يـديا تجـري تـفـل
وكلما أنســـج الآمال
سيوف أحزاني فـوقي تـصل
تهزمني ..... وتكبلني
بى هـمـوماً حمولها تعل
أشـــيـل الليـل .....
واكوس لي مرفأ فيه أحل
والسـايـر علي الدرب ...
لابــدّ فــي يـــوم واصل
لـوصادي وشـرابه الغـل
ولوســاغـِب وزاده كِمِل
مهما تصعــب الطرقات
أوع تـتـوه وأوع تضل
ومهما تـظلــم الأيــــام
حاول ديمـا ليها أشــعـل
لو ما الليـل .......
ماكان الشمس تشرق
ولا كـان البـدور بـتهـل
سمية الحسن محمد طلحة
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: abubakr)
|
د. محمد حسن
كلماتك يشرف بها عنقى
ويتطاول
سلمك الله من كل سوء
.....
أ[وبكر
كلامك شفاء للصدور ياأخي
وأمل لايتلاشى
لك الود
.....
إلى غائب
شوفتك شفاء
ماك عارفا!؟
لو عنِّي شخصك إختفى
يشيل رويحتي يشحتفا
يسهِّر عيوني ويلهفا
لاتخليني واقف على شفا
وتبهدل الحال تكشفا
عليَّ أحكامك خففا
أطرى الوفاء
الوعود لا تخلفا
لو بى خيالك شرِّفا
أرسم حدودك وزالفا
أنقض عهودك وحرِّفا
أنا عهدى مابعرف جفا
أرجع تعال ما خلاص كفا
أمسح دموعى وكفكفا...
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: سمية الحسن طلحة)
|
معقول عينيك زعلانة !؟
كل الدنيا ....
ما تـساوي نظرة من أجفانا
لو وضعوا الكون في كـفـّة
عينيك يرجّح ميزانا
إنت عـينيك رسـالة
ما معروف عـنوانا
إنت عينيك قصيدة
بفتش لى ألحانا
إنت عـيـنـيــك غـيـوم
دنياي ليها عطشـانا
أسـقت كل ا لكون
وما مرّت بسـمانا
شافـت كل الناس
وعـملت ماشايفانا
وأنا الرّاجـيــها
تعـيش أفراح اللقيا معانا
أول مـرة أعرف ...
إ نك إنت بتبخل بى تحنانا
ويعثر حظي ويطول ليلي
الاســــود من إنسانا
ومشيت .. خليـّت أ فراحنا
تقالد في أحزانا
ودّعـتــك الله ...
وخليتك عـنـد الله أمـانة
أزعل وأنسى كل الناس
بـس .. ما تنسـانا
وماتتوصى علي قليبنا
ا لتبعك وخلانا
وكمان نــوم عـينـّا
الليــهـو زمن جـافانا
وعـشان عينيك بالعافية تـنـوم
... تفضِـل عينيي ســهرانه .... سمية الحسن محمد طلحة
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: سمية الحسن طلحة)
|
Quote: معقول عينيك زعلانة !؟
كل الدنيا ....
ما تـساوي نظرة من أجفانا
لو وضعوا الكون في كـفـّة
عينيك يرجّح ميزانا
إنت عـينيك رسـالة
ما معروف عـنوانا
إنت عينيك قصيدة
بفتش لى ألحانا
إنت عـيـنـيــك غـيـوم
دنياي ليها عطشـانا |
وعينيك أنتِ ضحاكة بتفرح كل غريب شافا
تنور في دجي الظلمات وتهدي الناس افراحا
سمية اخٌتي سلام إنشاء الله كل الأمور تمام بعد الفيضانات .
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: هاشم أحمد خلف الله)
|
Quote: وعينيك أنتِ ضحاكة بتفرح كل غريب شافا
تنور في دجي الظلمات وتهدي الناس افراحا
|
وعينيك أنت حانية عطوفة زى الغيمة للواحة
فيهاالروح بتلقى الراح وفيها مقيلا مرواحا
هاشم أخى نحن بخير الحمدلله وجانا الخير لما سمعنا صوتكم يطمئننا في وقت الشدة
تحياتى لأسرتك الكريمة وتقبلوا سلام الجميع هنا وشكرهم وتقديرهم.
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: سمية الحسن طلحة)
|
فياأنتم .. لاتفرحوا ( أن الله لايحب الفرحين..)
وأنتم.. لاتهنوا ولاتحزنوا .. فبعد الموت قيام .
سمية الحسن طلحة
والله العظيم
اسمك يشعرنى بالطمأنينة
اسم شيوخ اولياء عديييل كدة
اسم سودانى مية المية
والكلام السمح ده كان وين
ليك الحب بت الحسن
ام وضاح
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: essam&amal)
|
أختي العزيزة / سمية
طيب الله روحك وأيامك برضاه
أدلف بخطوٍ لا يسمع دبيبه لأن أدلف إلى حضرة الكريمة بنت الأكرمين وهي تغدق علينا من طيب حرفٍ وعنفوان الكلمة وجزالة المعنى فلا أتجرأ إلى بإستعمال نعمة الإنصات والتفكر والتعقل في معاني عميقة
وبيان يأسر الألباب.. كيف تكون دلائك فارغة وأنت تروين غلة كل صادي بقصيد منمق جزل يطرح الكثير من التساؤلات الملحة؟! قاع بئركم لا ينضب أبداً يا بنت سادتي.. فالى نبعكم نرد ومن مائه نرتوي .. أتابع بتوأدة وحرص الحوار الذي لا ينقطع عشمه في الإستزادة من ورثة شيخه. إحترامي وتقديري
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: ابوبكر يوسف إبراهيم)
|
Dear Sumaiya
Wondering around is not always a waste of time. Sometimes we keep looking for a goal and get too busy trying to find the destinations but not the steps we take.
I believe it is the journey that matters not the destination, simply because life will be mostly a journey not a destination. We have to learn how to enjoy the rid, not to miss the healthy growing of the mind and the soul or miss the interesting side roads that have never been noticed before being too busy focusing on future goals and recovering from the past harsh experience.
It’s never too late for any change or any recovery.
Pain shouldn’t always be deleterious, sometimes it helps us to develop, learn, and realize whom we want to be and how we want to do that....Easy to believe but hard to apply!
Regards
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: ابوبكر يوسف إبراهيم)
|
أخى أبوبكر
من نعم الله علي أن منحني إياك ، هذه المنحة التي لن تكدرها محنة بحول الله ، أخ كريم عزيز اوجده ربي فى درب شاء له أن ينار ، وفى يباب قلوب أراد لها أن تخضر وتزهر بعد أن كانت غفار ، وفى ذماء أرواح أراد لها أن تحيا بعد إندثار ، فإنى والله لكم وبكم يكون إيابى ، ويعمر يبابى ، ويصبح نميرا سرابى .
لك ودى وتقديرى وإحترامى
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: essam&amal)
|
الحبيبة أم وضاح
ربنا يطمئنك بوليداتك
والكلام السمح دا كان منتظر السمحيين زيكم..
لقد أعطيتيني أعظم مافي الكون .. ما أكرمك !!!
( ياأيها الذين آمنوا إن كنتم تحبون الله فاتبعونى يحببكم الله ) صدق الله العظيم
.. الحب ..
لك حبى وتقديرى .
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: علاء الدين حيموره)
|
Dear Altaiyeb
Wondering around is not a waste of time at all but it leads us to the recovery most of the times actually these words are much better then who say that there isn't enough time in life for new beginnings ,this view makes us look at the dark side not the bright side …we have to get rid of these thoughts so we can think straight and try to enjoy life no matter how difficult some times it gets
your talk Inspired me
Thanx alot
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: سمية الحسن طلحة)
|
من نعم الله علي أن منحني إياك ، هذه المنحة التي لن تكدرها محنة بحول الله ، أخ كريم عزيز اوجده ربي فى درب شاء له أن ينار ، وفى يباب قلوب أراد لها أن تخضر وتزهر بعد أن كانت غفار ، وفى ذماء أرواح أراد لها أن تحيا بعد إندثار ، فإنى والله لكم وبكم يكون إيابى ، ويعمر يبابى ، ويصبح نميرا سرابى .
لك ودى وتقديرى وإحترامى
بت الحسن
ليك الحب تانى وتالت ورابع
والقومة ليك يا عظيمة
ام وضاح
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: essam&amal)
|
النبع يستحى من هكذا قوم كرام واردين فلا يجف حتى لاتغيب عنه الدلاء ...
نور الهادى أسعدنى مرورك .
أختى امال أم وضاح
لك السلام ماحن مفارق الأوطان
ياأعظم أم وفخر لنا بنات السودان
كيف وضاح بعد غمرة النجاح ؟
تحياتى لهم جميع وجعل الله أيامهم كلها أفراح .
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: سمية الحسن طلحة)
|
Quote: get rid of these thoughts so we can think straight and try to enjoy life no matter how difficult some times it gets
your talk Inspired me |
هيييييييييييع بت الصالحين يطول عمرك لاماها دنيا وآخرة
مرة دوبيت
ومرة مديح
والمرة دى جيتي متقلعة بالرطانة سااااااااى انا حرم بقيت اخاف منك انت ما براك محمد معانا المعاك ما يغشانا .
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: سمية الحسن طلحة)
|
أيتها المبدعة التي لا تغيب شمسها
حاشى لدلائك أنت تأتي فارغة من قاع البئر
فدلاؤك حبلى وملأى بالماء الذي هو مصدر الحياة
"وجعلنا من الماء كل شيء حي"
إلا أنه ظلم الإنسان لأخيه الإنسان يا أختاه الذي هو سبب جميع هذه الحروب والكوارث والمصائب والأزمات، فلو ملئت الأرض عدلاً وإنصافاً، لما وجد على ظهر البسيطة جائع ولا محروم ولا مظلوم ولا بائس
وظلم ذوي القربى أشد وطئاً على النفس من وقع الحسام المهند، أو هكذا قال شاعر المفدى
لا جف يراع قلمك الذي يسيل دررا.
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: إسحاق بله الأمين)
|
حالفني الحظيظ ولا أقول الحظ لأني في المولد عضاني كلب من دون الناس ... أدليت دلوي ونتقتّو تلات نتقات متتالية وقُت بسم الله وجريت وتسبقني العوينات التي إنهرت وعمشت من جليد البليدات دي .. وقُت في سري الحمد آلاف والشكر آلاف جاب لو شي المبروك ورفعته ... لقيت البويتات ديل يا ريحانة الحسن ودطلحة وهي تعجني شديد لاني من مواليد تلك المدينة الرائعة الجمال حيمنا تلثُم السحائب الدُكن قمم مُكران وتوتيل كأنهما حبيبين طال الفراق بينهما .. حبها يجري مني مجرى الدم أسيرة القاشي كسلا
نضّر الله وجه ذَاكَ الساقِ
إنهُ بالرحيقِ حلَّ وثاقي
فترائ الجمال مذدوج الإشراقِ
يسبي معدد الأفاقِ
وأبنة القاشي ان سرى الطيف وهنّاً
وأعتلى هائماً فكيف لحاقي
والمنى بين خِصرها ويديها
والسناء من إبتسامها البراقِ
كسلا أشرقت بها شمس وجدي
فهيا في الحقِ جنُة الأشراقِ
كان صُبحاً طَلقْ المُحيا نديا
إذ حللنا حديقة العُشاقِ
نغم السَاقيات حرك وجداني
وهاج الهوى آنين السواقي
بين حبٍ في حِبه متلاشي
وحبيبٍ مستغرق في عناقِ
ظلت الغيد والقوارير صرعى
والأباريق بتنا في إطراقِ
أتيني بالصبوح يابهجت الروح يرحني
إن كان في الكأسِ باقي
ولك التحية والاحترام سمية
خالد
| |
|
|
|
|
|
|
|
|
 Re: مالِ دلائي فارغة تأتى من قاع البئر !؟ (Re: خالد علي محجوب المنسي)
|
لما أناخُوا قبيل الصبحِ عيسهمُ
وحملوها وسارت بالدُمى الإبلُ
وقلبت بخلال السجف ناظِرها
ترنو إلي ودمعُ العين يُنهملُ
وودعت ببنانٍ خلته عنماٍ
فقلتُ: لا حملت رِجلاك ياجملُ
ياحادي العيس عرج كي أُودعهم
ياحادي العيس في ترحالك الأجلُ
ويلي من البين ماذا حل بي وبها
من نازح الوجد حل البين فارتحلوا
إني على العهدِ لم أنقض مودتهــم
ياليت شِعري بطُول البُعد مافعلوا
لما علمت بأن القوم قد رحلوا
وراهب الدير بالناقوس مشتغلُ
شبكت عشري على رأسي وقلت له
ياراهب الدير هل مرت بك الإبِلُ
فحن لي وبكى بل رق لي ورثى
وقال لي يافتى ضاقت بك الحيلُ
أن الخيام التي جئت تطلبُها
بالأمس كانوا هنا واليوم قد رحلوا
1
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: ود محجوب)
|
Quote: لما أناخُوا قبيل الصبحِ عيسهمُ
وحملوها وسارت بالدُمى الإبلُ
|
قبال شقة البياح فريقهم هدم
الزين درج الفوق الجدين حدم
Quote: ياحادي العيس عرج كي أُودعهم
ياحادي العيس في ترحالك الأجلُ
|
أل لي دورو جابولوا البيكفا شديدو
فراقو هلاكى لكن .. العمر عند سيدو
Quote: ويلي من البين ماذا حل بي وبها
من نازح الوجد حل البين فارتحلوا
|
أكان الحي مختر والظروف بتساعد
ماكان قلبي رادن والسكن متباعد
Quote: إني على العهدِ لم أنقض مودتهــم
ياليت شِعري بطُول البُعد مافعلوا
|
طريفية القنوب الأدرتت بى محيرة
رحلوباال ترك قلبى الشبابات غيرا
Quote: أن الخيام التي جئت تطلبُها
بالأمس كانوا هنا واليوم قد رحلوا
|
رحلوا وقالوا ياالجيلانى من العاقة
قطعوا أب سعنة بي جيهة المخادة شفاقة
...
ناس نايلة رحلوا ياودمحجوب وقالوا ياجدكم الشريف الخاتم من العاقة
مابطيق مجلسنا إلا ذو أسهار
إن أردت ترانا أكثر الأذكار
فى السحر تنظرنا داخل الأستار
فى سمانا تشوف نجم كل كبار
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: خالد علي محجوب المنسي)
|
فى حضرة من أهوى عصفت بى الأشواق
فحدقت بلا وجه ورقصت بلا ساق
كصوفى زحم بطبوله ورايته الآفاق
Quote: لاني من مواليد تلك المدينة الرائعة الجمال حيمنا تلثُم السحائب الدُكن قمم مُكران وتوتيل كأنهما حبيبين طال الفراق بينهما .. حبها يجري مني مجرى الدم أسيرة القاشي كسلا
|
Quote: كسلا أشرقت بها شمس وجدي
فهيا في الحقِ جنُة الأشراقِ
كان صُبحاً طَلقْ المُحيا نديا
إذ حللنا حديقة العُشاقِ
|
خالد حب الوطن هو المقياس الحقيقى لكرامة وشرف الإنسان
لكم الخلود رفاق الفيتورى أيها العشاق المنفييون فى الأرض
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: الطيب شيقوق)
|
اول حاجة يا أستاذ شيقوق تقول الاستاذة سمية .. انت فاكر نفسك قاعد في قطية وبتشرب في فهوة ..
تاني الاستاذة سمية بتجيب الكلام السمح ده من وين ؟؟؟
والله نحن سعيدين جدا بيها ..
اول مرة تعمل حاجة فيها فايدة يا استاذ شيقوق ..
مودتي
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: علاء الدين حيموره)
|
Quote: أرى الطفل البائس يبتسم إن أمسك قرناً من الموز
فكأنما ملك الدنيا بين يديه المتيبستين
والشاب الغض مكتئباً كعصفور بغير حناح
هل دب اليأس وأطفأ نبراس الأحلام
هل هب الظلم منتشياً والناس نيام
بل القول الحق .. دول بين الناس .. تلك هي الأيام
لوعلم الناس حقوقهم .. لماماتوا في الطرقات |
الأخت العزيزة سمية - تحياتي،
من يفكر بمثل ما تفكرين لن يجف
معين دلائه ..
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: سمية الحسن طلحة)
|
علوية ود حيمورة
| Quote: اول مرة تعمل حاجة فيها فايدة يا استاذ شيقوق .. |
يا زول اتلومت كيف اول مرة بس قولى دى افضل ما تبرنا به - هسع علوية اخوى ات هسع ناقش كلام العروب ده ولا ساااااااااى ريدة فينا ؟
سمية ما تخافي الله دحين ده همبريب ده ايمين بشيل المرحاكة من خيمه لخيمة حرم يفلقنا يعدمنا النفر.
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: الطيب شيقوق)
|
والله يا حبيب ناقشو نقشة .. ده حالتو الدلو بجي فارغ لو جاء مليان كان قالت لينا شنو ؟؟؟
البت رافضة العمل على المحراكة وقالت ما بتقدر ولما عرسوها جات امها ولقتا شغالة تطحن في العيش .. قالت ليها امها يا بتي زمان ما قلتي ما بقدر .. قالت ليها يا امي عيش الراجل هش ....
تسلمو يا راقيان ..
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: علاء الدين حيموره)
|
Quote: .. قالت ليها يا امي عيش الراجل هش ....
|
البت جو يخطبوها... أمها أبت قالت بتى صغيرة ...قامت البت شالت ليها شرارة وقعدت تنفخ عشان تولع النار
أمها قالت ليها يابت
النار دى كدى مابتولع ، البت قالت ياأمى النار مافيها من شريرة وبنات النساء مافيهن من صغيرة
دار الزمان والبت رجعت بيت أهلا زعلانة من الراجل ، بعد مدة جاء الراجل يصالحا ، هى رضيانة لكن أمها أبت
البت مشت الزريبة وطلقت العجول للبقرات , أمها كوركت : يابت أقرعى العجول مايرضعن ، قالت ليها ياأمى
البقرة لى عجلا والمرة لى راجلا .
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: الطيب شيقوق)
|
| Quote: سمية ما تخافي الله دحين ده همبريب ده ايمين بشيل المرحاكة من خيمه لخيمة حرم يفلقنا يعدمنا النفر. |
ودشيقوق سعيلك الله إت ضق كسرة طحين الإيد ؟
( لقمة حارة بملاح لوبا فوقا زيت سمسم وبصلة مشققة وشطة حمراْ مفقشة دراشة عيون عيون )
ويكون يوم مطرة والطريق مكطوعية العربيات مامشن جابن الملاح ( اللحم والخدار )
دحين مابنسيك جونو وعواقبو واليوم الجابو من عقابو ؟
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: Rabab Elkarib)
|
أختى العزيزة جدا / رباب الكارب
ماأعز هذه الإطلالة على نفسى !
فأنت كعهدى بك دوما سباقة للمكارم
فيا أخت صلحة سليلة العواتك ،
لاأظنك تجهلين أن حبكم ..
وقر فى الصدر وسكن القلب وأستعصم
فكيف تصفه كلمات من أيقن أن :
كلماتنا فى الحب تقتل حبنا
إن الحروف تموت حين تقال .
كل الود
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: سمية الحسن طلحة)
|
سمسة الحبيبة
تحياتى لكى حبيبه ومشتاقين
فقدتك امس ماموجودة
عندما اخرجت دلائها من قاع البئر
راتها مليئة بالفرشات صاحو قائلين لهاانظرى حولك واسمعى
عندها رات احد لاملامح له كان بغترش الارض قريبا منهااخرج مزماره بدا
يعزف به لحن كون به صورة لااربع فصول من الحياة بدا من الميلاد
فرايت وياعجبى ممارايت رايت نفسى طفله تلهو فرحاوحولى تتراقص عدد كبير من الفرشات
واقفز فرحا وانا احمل فى يدى عدد من البلونات وكل ماكنت حينها اتمناه هو ان اطير مثل الفرشات
وانا فى فرحتى غير مجهول الملامح عزفه واصبحت تخرج الحان غيرماتعدت ان اسمع من الحان ومعها احسست انى لم اعد
انا وانى لست تلك التى كانت الان.
حبيبه هو فصل واحد فقط من فصول الحياة الاربعة
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: ماجدة عوض خوجلى)
|
Quote: ودشيقوق سعيلك الله إت ضق كسرة طحين الإيد ؟
( لقمة حارة بملاح لوبا فوقا زيت سمسم وبصلة مشققة وشطة حمراْ مفقشة دراشة عيون عيون )
ويكون يوم مطرة والطريق مكطوعية العربيات مامشن جابن الملاح ( اللحم والخدار )
دحين مابنسيك جونو وعواقبو واليوم الجابو من عقابو ؟ |
والله يا سمية الطواحين دى مما جات تاني ما ضقنا للاكل طعم
الاكلة دى انت فصلتي ليها ظروف والله حتى سيمسيم(same same )المتخصص في جلاليب الرجال في روي ما يفصلها زى ده .
وكمان خليني ازيدك يا سمية الاكلة دى تكون احلى شديييييد اكان الواحد كبر وعرس ليهو مرة جاهلة وجاب منها وليد كبر ومشى وبقى يتبع ابوه وشوية شوية بقوا يمتحنوهو في مقضاة الغرض واول يكون ادوهو قروش وادوهو كباية وقالوا ليهو امشى عصارة فلان فيها زيت الولد - والوليد يفرح وياخد ليهو نقزة فرحان بالمرسال ويلا يا ستي الوليد قدل ومشى عدل على حاج دريس سيد العصارة وحاج دريس انبسط من فلاحة الوليد وقام بايعو وطلع ليهو مزة من العصارة وبقن على الوليد ماعونين يقوم حاج دريس ينادى بتو يقول ليها شيلي الزيت ده وديهو مع الوليد ده عشان ما يندفق - اها الوليد يقوم يزعل ويتفق الزيت والمزة ويدردق في ذبالة الجمل والناس هناك العصيدة قربت تبرد .
نواصل لبعدين
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: عفاف أبو حريرة)
|
ريحانة الحسن ودطلحة
سلام..... كلامك يفعل بنا افعاله يحرك كل وترة من أحساس صابها الخمول
تراني لا أملك غير أن أقول لك ما قال الأصمعي ذلك الشاعر المرهف المتمكن
صَوت صفير البلبلِ
هيّج قلبي الثملِ
الماء والزهر معاً
مع زهر لَحظِ المقُل
ولك التحية سمية ريحانة الحسن ودطلحة
خالد
| |
|
|
|
|
|
|
|
|
|
Re: مالِ دلائي فارغة تأتى من قاع البئر !؟ (Re: ماجدة عوض خوجلى)
|
Quote: احسست انى لم اعد
انا وانى لست تلك التى كانت الان.
|
الحبيبة الماجدة / ماجدة
لم أعتد أن تأتى الدلاء بغير الماء
مجيئك إلينا يأخذنا لزمن المعجزات ..
هات بقية فصولك أيتها السابحة فى كل التفاصيل
إنا هاهنا قاعدون ...
يقتلنا الظمأ وتحيينا رشفة من دلوك الملىء من نهر شربه مباح
لك كل الحب .
| |
|
|
|
|
|
|
| |
abubakr
نصار
خالد المحرب
ماجدة عوض خوجلى
الطيب شيقوق
Abdelmuhsin Said
salma subhi
hajhamad
ود محجوب
munswor almophtah
الطيب الشيخ
هاشم أحمد خلف الله
Muna Khugali
خالد علي محجوب المنسي
نهال الطيب
ابو جهينة
د.محمد حسن
علاء الدين حيموره
essam&amal
إسحاق بله الأمين
Mohamed Abdelgaleel
Rabab Elkarib
عفاف أبو حريرة
فيس بوك
تويتر
انستقرام
يوتيوب
بنتيريست