|
|
 نصائح أم سودانية لإبنتها ......لفائدة الجميع....
|
جاءتني هذه النصائح من أحد الأصدقاء الأعزاء عبر الإيميل
وأنا هنا بصدد نشرها لفائدة الجميع من الجنسين...
يا بت هوي فتحي عينك و ابقي نجيضة وفالحة..... قدر ما اجي
داخله عليكم القاكي .... هي هي هي .... و قر قر قر ..... تضحكي
مع عاطف دا.... الراجل ما تضحكيلو كتير..... يسعالني الله، يحقر
بك....الراجل اديهو العين الحمرا. وان قدرك الله ايدك تلحقيها
ليهو لحقيها...ابقي نجيضة.....آآية..... زي امك.....الله بسعلني
وقت ابوكي يقول حاجة تضحك.... امشي اتحشر في الاوضة
واضحك زيييين واجي مارقة صارة وشي....
وبعدين اوعك واوعك وبعدين تااااني اوعك... تقوليلو الجلابية
دي سمحة والله العمه اللابسها دي سمحة... نفسو تقوم تعجبو
يعرس فوقك.... وبعدين تشربي ما تروي....
|
|
 
|
|
|
|
|
|
|
 Re: نصائح أم سودانية لإبنتها ......لفائدة الجميع.... (Re: ناصر النعمان البدوي)
|
وبعدين ما يجى داخل يلقاكى تغنى.. حتى ان بقيتي دايرة تغني
اوعك من الغنا الخايس ناس حبيبي حبيبي.... امسكي في الغنا
الحار زي البيجري نسيبتو و مرتو طلقانة ولا اندب حظي ولا
دفاعنا الشعبي ياهو ديل ولا النار ولعت بقلبي
بطفيها.....اااااااااااي.... عشان تربيلو الزلعة .....والخلعة....بس
اوعك تغني ليه الليلة يوم الرجال.... بيقوم يصدق و يتحنفش
فوقك ساكت........واوعك تشكريلو حاجة جابها.... ان جاب لك
لحم ختي ايدك فوق راسك وقولي ليه ووب علي ووب علي
ووووب علي غشوك وادوك الجلافيط.....وان جاب لك فتيل ريحة
اول ما تفتحيهو وتشميهو طوالي صرى وشك وقبلي غادي
ابزقي وقوليلو دا شنو يا عااااااااطف؟......الريحة المتل ريحة
الفسيخ دي جايبها من وين؟ غايتو انت مغستك تقد.......
| |
|
|
|
|
|
|
|
|
 Re: نصائح أم سودانية لإبنتها ......لفائدة الجميع.... (Re: ناصر النعمان البدوي)
|
وان جنك نسوان ولا بنات....ما تخليهو يقعد
وسطن....ويتونس.... طيريهو من البيت....وان ابى يمرق...
قدرمايقول ليو نكته ولا يخفف دمو قدامن صري ليهو وشيك....
وقوليلو انت يا عاطف ما عندك غير النكتة دي؟ يا خي عملت لنا
بها وجع وش......أصلهم الرجال عارفاهم... الواحد فيهم من
يشوفلو لمت بنات يقعد يخفف في دمو ويعمل فيها
ودنفاش.....وتلقيهو يضحك بلا سبب... حتى ان واحدة قحت
ساكت ... يقعد يضحك ويصفق اديه و....واوعك تخليهو معاهن
وتدخلي المطبخ تسوي لك شربات .....وحات الله بنات الزمن دا
ان غفلت من راجلك دقيقة بس تلقيها عرستو... ااااااى...
اسمعى كلام امك يا بت حشاى .. امك دايرة مصلحتك ..
ااااى !!
| |
|
|
|
|
|
|
| |
فيس بوك
تويتر
انستقرام
يوتيوب
بنتيريست