|
|
 خالد المحرب و عفاف ابو حريرة جد و حبوبة الان (توجد زلابية و شاي)
|
الف مبروك يا جدو خالد و مليون يا حبوبة عفاف و ملايين التبريكات للتي ترقت الي مصاف القديسات فاتن.
والله انا اليومين دي في البلد و أول ما حكيت لامي قررت تعمل ليكم زلابية و شاي يا خالد و عفاف و دا اقصي درجات الكرم عندنا ..... لكن بجيكم بتفاصيل الزلابية و الشاي قريب .... و ربنا يجعلها من المستورات دي دعوة تافه من أمي لكن حاولوا تبلعوها علي مضض
|
|
 
|
|
|
|
|
|
|
|
Re: خالد المحرب و عفاف ابو حريرة جد و حبوبة الان (توجد زلابية و شاي) (Re: الطيب شيقوق)
|
الصايم سلامات انا وكيل بت فاتن لمن جدها و حبوبتها يجو من السماية .... وكيلها دي يعني بقبل التهاني بالانابة
شفت الصلبطة؟
ودالبردانة يا حوا مشا ما جانا يا حوا
الطيب يا شقي كيفك
| Quote: يا حافظ بطل اللخبطة هو ابوها قال ما انحلت لسع |
يا الطيب كيف لخبطة والله جدها الراجل الكبير دا بعضمة لسانو قال بتي انحلت .... ولو طلع الموضوع لخبطه امي والله تجيب خبري هسي بتعمل في الزلابية و البواكير الاولي طلعت
| |
|
|
|
|
|
|
|
|
|
Re: خالد المحرب و عفاف ابو حريرة جد و حبوبة الان (توجد زلابية و شاي) (Re: حافظ حسن ابراهيم)
|
| Quote: والله انا اليومين دي في البلد و أول ما حكيت لامي قررت تعمل ليكم زلابية و شاي يا خالد و عفاف و دا اقصي درجات الكرم عندنا ..... لكن بجيكم بتفاصيل الزلابية و الشاي قريب |
حافظ
سلام وتبريكات
قول للوالد الشاي ما تقليهو
بعدين شيقوق قال فاتن ما ولدت
هو انا أتكلمت مع البت الجديدة تعاين
لي ساااكت لكين ما ردت علي
عليك الله يا حافظ الزلابية ما تخليها تبرد
جيبا طوالي
| |
|
|
|
|
|
|
|
|
|
Re: خالد المحرب و عفاف ابو حريرة جد و حبوبة الان (توجد زلابية و شاي) (Re: عزاز شامي)
|
سلامات احبتي اللام دا كلو بشيلو صرة في خيط و بديهو لعفاف و خالد
شاي و زلابية يا عفاف
خالد و عفاف .... مبرووووووك بقيتو جد و حبوبة يا عجايز
انا اليومين دي في البلد والله هربت من موت صحبي عماد الامين لانو القصص دي كترت علي شوية … فتحت الانترنت و لقيتكم يا خالد و عفاف بقيتو جد و حبوبة respectively ... جيت لامي قلت ليها الليله عندي صاحبي بتو ولدت.... معليش يا عفاف ما ممكن اقول عندي صحبتي نظراً لذكورية المجتمع و خاصة في حضرة أبي لانو الضايق عض الدبيب بخاف من جر الحبل.... في اجازة التسعة شهور بتاعة ردع الخونة اللئام ... الكلام دا كان سنة 97 و انا كنت في الجامعة شفتو انا ود صغير كيف يا عجايز.....المهم في اجازة التسعة شهور دي جاني صحبي في الحلة ... اتغدينا وكان ابوي قاعد بحضر في ونسة ناس الجامعات ديل .... الصاحب الفقر دا قال لي:
يا حافظ صحي طيب الاسماء اتوفي؟.... طيب الاسماء دا واحد من اصحابي في الجامعة.
انا: لا يا خي ما في كلام زي دا انا جيت من الخرطوم قبل 3 يوم و الزول دا حي.....
الصاحب: والله انا طيب الاسماء ما بعرفوا شديد لكن منار صحبتي ... انتهي
لحد الليله ابوي ماسك ليك دي زلة علي .... و بمناسبة او غيرها يقول ليك ...صاحب حافظ بلا خجله يقول ليك فلانة صحبتي ....الله ينعل ابو دي قراية
شفتي يا عفاف ليه ما داير اقول بت صحبتي؟
نرجع لحكاية فاتن دي ....وقت قلت لامي انو صاحبي بتو ولدت
امي باندهاش سألت كيف؟
قلت ليها لا هو اصلاً دكتور درسنا في الجامعة و زول كبير جدا....(يا خي انا ما نقص يفتحوا لي موضوع عرس و كدا) لانو اي موضوع فيهو ولادة يفتح علي ابواب جهنم (عرس...... جيب ليك اولاد ينفعوك..... و الي نهاية الموال)
فاتن لم تزل تتألم من بقايا المخاض و كان الدعاء التافه من امي (الله يجعلها من المستورات) .... بعدها رسلت ود اختي يجيب دقيق فيني من الدكان و ظبطتك ليك زلابية يا خالد انسي بس....نحنا عندنا اسرة مجنونة بتختلق مناسبات من العدم عشان تفرح و تضحك او بتعبيراخر عشان تتحايل علي احزانها ....امي عملت ليك الزلابية و الشاي ... اظرف موقف جات واحدة من نسوان الجيران جات البيت لقت ليك الزلابية شغالة و الشاي و المسجل مدورين.... قامت سألت
الليله عندكم شنو يا حليمة حافظ عرس ولا شنو؟ شفت جنس الحصار دا...
حليمة: لا والله .... لكن انشاء الله يسمع منك رب العباد... لكن حافظ دا عندو صحبو جابوا ليهو بت.
بخراقتي المعهوده حاولت ان اصحح الخبر و لكن بنظرة من امي لذت بالصمت و تبادلنا ابتسامات نعرفها الاثنين... ما ممكن ولدها السا ما عرس دا يكون عندو صحبو جد كمان؟ و الكلام دا ما في صالحها هي بالذات....
غايتو امي مسكينة لو عرفت انا ما شفت الجد المزعوم دا في حياتي ما عارف احساسها حيكون كيف؟ و العجب لو عرفت انو صاحب اسفيري .... يعني اسفيري دي حتكلفني باقي عمري كلو عشان اشرحها ليها....
يا خالد اديني الامان انا والله عندي كلام كتير هايص لي و داير انزلوا هنا في سودانيز اون لاين .... كلام عنك و عن عفاف......مستني الرفض قبل الموافقة منكم الاتنين
| |
|
|
|
|
|
|
|
|
|
Re: خالد المحرب و عفاف ابو حريرة جد و حبوبة الان (توجد زلابية و شاي) (Re: ادريس خليفة علم الهدي)
|
Quote: خارج النص :
يا حافظ من متين المناسبة الزي دي بعملوا ليها زلابية ؟؟؟
وحات خوتك ايام الزمن الجميل برميل مريسة مايكفي
دحين ما عندك عبار لي أخوك |
ادريس سلامات لا يا مان دا ما خارج النص دا جوا النص تماماً.... والله عملنا الزلابية بدل المريسة لعدة اسباب
1. الزلابية بتتعمل سريع يعني ما محتاجة لزمن زي المريسة وكدا .....
2. البت دي بت عرب نعمل ليها مريسة نمشي وين نحنا تاني .... يعني نعمد بت الناس بعبار؟
3. امي خاشه ليها في موضوع توبة و احساس بالذنب و خاصة السنة دي قالت ماشه الحج
خارج النص .... بمناسبة ماشة الحج دي اخوي الصغير قال ليها اي امشي القطي لينا كحة و تعالي من الحج دا
لكن بتوبتها دي من ما جيت حنكتها (عليك الله يا امي انا داير لي عسلية,,, عليك الله) والله اتحنكت وهسي العسلية حتطلع بكره خصيصاً لحافظ و يا فردة لو في السودان رسل تلفونك و الله اجيب من الواق واق
و فتك بعافية و ربنا يجعل حفيدة خالد من المستورات هههههه
| |
|
|
|
|
|
|
|
|
|
Re: خالد المحرب و عفاف ابو حريرة جد و حبوبة الان (توجد زلابية و شاي) (Re: حافظ حسن ابراهيم)
|
الجميل حافظ حسن ابراهيم
نشكر لك احتفائك بي بنيتنا ودعوة والدتك دي نحن هنا بناكلها عادي حيث لا جندر ولا جندريات
لكن بيني وبينك الدعاء ده discriminatory وما مهضوم
زي الكأنو بلاء يكافوهو بالدعاء لتفاديه.
نحن على العموم قبلنا اختطافك المناسبة والايلام باسمها وقبلنا دعاء الوالدة
بشرط يصلنا حقنا في الزلابية وما لمح به ادريس ولم يطق صبرا فصرح..
ياخ باختصار كده عسلية البنية الجديدة دي وينها؟
| |
|
|
|
|
|
|
|
|
|
Re: خالد المحرب و عفاف ابو حريرة جد و حبوبة الان (توجد زلابية و شاي) (Re: الصادق خليفة)
|
Quote: يا خالد اديني الامان انا والله عندي كلام كتير هايص لي و داير انزلوا هنا في سودانيز اون لاين .... كلام عنك و عن عفاف......مستني الرفض قبل الموافقة منكم الاتنين
|
الاخوة جميعا شكرا على التهانى وانشاء الله دايما فرح
اما انت ياحافظ دا شيك مفتوح اكتب الانت عايزو ...
وسلم لى على ماما (حلوه ماما دى )كان عرفت امك دا صاحبك
البتو ولدت بقول ماما بتمرقك من البلد .. شكرا ياجميل
| |
|
|
|
|
|
|
|
|
|
Re: خالد المحرب و عفاف ابو حريرة جد و حبوبة الان (توجد زلابية و شاي) (Re: الصادق خليفة)
|
احمد ابو حريرة .... سلامات و الف مبروك البنية والله يا ابوحميد انا لو بضمن اجيب لي 3 بنات بعرس هسي يا خي دا جنه ملح و سعادة في الدنيا يا مان والله ديل حنينات حنية .... انا عندي بنات اخواني يا سلاااااااااااااام مبالغة والله يشهوك ولادة البنات ....| Quote: ياخ باختصار كده عسلية البنية الجديدة دي وينها؟ |
ابوحميد العسلية دي طلب خاص جداً و بعدين انا اجتهدت شديد مع الحاجة عشان توافق علي المعصية دي و بطل شرفنه فارغة البت مبروكة و وسوينا ليها زلابية و شاي لكن عسلية لااااااااااااااااا ما في يا ابوحميد .... لكن ما عندك مشكلة انا ممكن اشوف ليك الحاجة و تعمل ليك حاجة بسيطة كدا و نشوفك ساكن وين و نعمل dilivery
الصادق الخليفة الله يبارك فيك و وقت جدها و حبوبتها يجو بعد السماية و الله بكلمهم و قدمك لابو فاطنة
| |
|
|
|
|
|
|
|
|
|
Re: خالد المحرب و عفاف ابو حريرة جد و حبوبة الان (توجد زلابية و شاي) (Re: حواء سليمان ابراهيم)
|
جدو خالد سلامات ... واها و انشاء البنية الزادت القبيله كويسة و كيفن امها و حبوبتها بت ابو حريرة .... عليك الله سلم عليهم كتير و قل لبت ابوحريرة جوكي ناس كتار هنا يباركوا ليك
Quote: وسلم لى على ماما (حلوه ماما دى )كان عرفت امك دا صاحبك
|
والله يا خالد وقت قريت كلمة ماما ضحكت ليك ضحك بالرغم من انها كلمة لا بضحك و لا يحزنون .... يلا نحكي ليك قصة الضحك
كنا شفع صغار و بالتصنيف بتاع الامم المتحدة يعني بنصنف بتشريد جزئي و ممكن قصة التشرد الجزئ دي تسأل منها محمد عبدالجليل
المهم قاعدين في الشارع كالعادة و كلنا عارفين انو بت الفاضل متزوجة في الخرطوم ...اثناء قاعدين في الشارع بت الفاضل دي جات من الخرطوم هي و اولادها اتنين .... يعني بتبه نسوان المدينة .... اول حاجة مره سمينة و بعدين لابس دهب كتير و راسما ليك صفق شجر في كرعينا ....قاعدين في الشارع كدا جوا مارين بينا عادي و ما في سلام ...فجأة كدا واحد من اطفالها قال ليها ( يا ماما)
نحنا كأطفال اشقياء قمنا ضحكنا في الكلمة عشان نغيظهم لكن برضو ما اشتغلو بينا.... بس دي حرقتنا ليك و بدينا نغير في صوتنا و ننادي
0 يا ماما ..... يا ماما ....يا ماما)
ووقت ما اشتغلوا بينا في دي عملنا ليك مظاهرة بنفلع فيهم و نهتف بصوت غنج ( يا ماما يا ماما).... لمين شوفنا عمك من الحلة كبير و جرينا.....شفت انا ليها ضحكتا في كلمة ماما دي يا جدو
| |
|
|
|
|
|
|
|
|
|
Re: خالد المحرب و عفاف ابو حريرة جد و حبوبة الان (توجد زلابية و شاي) (Re: حواء سليمان ابراهيم)
|
Quote: بس
يوم طلعة العسلية
الخير يا عشاي
اقلب النت دا طبلية
وما تكتب
بسألوك منها؟؟؟ |
نذار ازيك والله خالد دا كان هسي هنا و طلع لمين يجي بقولوا ليهم نذار حسين جا هنا و انشاء دايما نجيكم في الافراح
لكن نذار اخوي عليك الله قارن كلامك دا بلام حواء .... شوف رقة و جمال الانثي في كلمات حواء لكن يا حبيبنا ما في مشكلة ما نحنا ربونا كدا للولد حصان و عروسة للبنت ... اقعدي عافية يا حواء الجميلة ووقت خالد و عفاف يجوا راجعين بكلمهم والله
| |
|
|
|
|
|
|
|
|
|
Re: خالد المحرب و عفاف ابو حريرة جد و حبوبة الان (توجد زلابية و شاي) (Re: ادريس خليفة علم الهدي)
|
| Quote: يا خالد اديني الامان انا والله عندي كلام كتير هايص لي و داير انزلوا هنا في سودانيز اون لاين .... كلام عنك و عن عفاف......مستني الرفض قبل الموافقة منكم الاتنين |
انت قول وأحكي وأنا بقرا وأضحك..
وبعدين الطين الجايبو ادريس علم الهدي ده شنو؟؟
المهم بالنسبة لي المرة الجايه لما تعملوا زلابيه اعملوا لي معاها جبنو وبخور تيمان..
مبروك تاني عفة وخالد مولودة فاتن..ومن فضلكم ردوا علي التلفون..
اما مشغول واما جرس من غير رد..
| |
|
|
|
|
|
|
|
|
|
Re: خالد المحرب و عفاف ابو حريرة جد و حبوبة الان (توجد زلابية و شاي) (Re: Muna Khugali)
|
مني خوجلي يا جميلة الجميلات ازيك و انشاء الله انتي و العقاب كويسين ...يا بت خوجلي ...خالد دا نايم يا حبيبتي لانو امس شايل الليله قصبة مساهر مع فاتن لكن اول ما يصحي بكلمهم بقول ليهو مني جات هنا و اتصلت عليكم كم تلفون ما بتردوا او التلفون مشغول و قدمك لابو فاطنة يا حنينة و انشاء الله ما يزوروكي في شينة
Quote: [وبعدين الطين الجايبو ادريس علم الهدي ده شنو؟؟
|
لكن تعالي لي يا اختي كيف يعني تقولي لادريس الطين الجايبو دا شنو؟ و بعدين يا حبيبة الطين دا انتي جربتيه و لا تشنفي ساي ... والله انا كجنتي في الدنيا زول ما جرب الحاجة و يشنفها .... لكن يا منوية الله اداكي بس جيتينا في فرح .... جيتينا في فاتن بت خالد و عفاف عشان كدا .... لكن والله كان وريناكي عروض لكن اقول ليك كراع البقر جيابة و الفولة تملا و البقارة بجو .... رأيك شنو في الردحي دا يا عسل انتي؟....
ادريس ازيك يا اخوي يا خي انت دايماً فاضحنا مع الاغراب ..... ما تخلي الكلام دا بعد ما كرعين الناس تخف مننا و بعدين انا رسلت ليك رسالة خاصة وفيها تلفوني و اميلي ما تضرب اوترسل اميل عشان نرتب الموضوع .... جايني بعبارك قدام الضيوف ... يعني جنس شتارة ... لكن اقول ليك مني ما ضيفه و هي ست البيت بس شوية انستر يا ود اخوي....
يا ادريس والله العسلية طلعت ظابطة زبطة مبالغة و اول عبار كان في صحة حفيدة خالد و عفاف و العبار التاني للناس الجونا باركوا و التالت لكل ناس سودانيزاون لاين , الرابع لشعبي الجميل , و الخامس لكل اخوان الانسانية في العالم ... بس لو واصلت اكتر من كدا موضوعي بكون بايظ لانو الليله عندنا بوش .... و بوش دا ما الرئيس الامريكي القبال اوباما لكن اسال منه ود عبدالجليل
فتكم بعافية يا اخواتي و اخواني و نتلاقي في الزمن الطيب و يا عفاف ابقي عشرة علي البنية دي اصلو الوالد بلدي مرتين
| |
|
|
|
|
|
|
|
|
|
Re: خالد المحرب و عفاف ابو حريرة جد و حبوبة الان (توجد زلابية و شاي) (Re: مهدى الصادق السيد)
|
محمد عبد الماجد ياعمك نشوفك يوم السمايه وكان ماجيت بنزعل
شيقوق منو القاليك ات اظنك نايم
ناديه عثمان تحيه كبيره من كل الاسره
الشاب محمد عبد الجليل ربنا يوردك الموارد قريب
عزاز شامى مطلوب حضورك يوم الخميس القادم لى السمايه
حافظ حقك فى السايه بجيك بى dhl
الاخ اساعيل مطلوب حضورك مع الاسره يوم الخميس
ممدوح ابارو الساميه فيها كبد حاشى بدون شك ب انت وين
ادريس انت منظم فى داك اليوم ابقى جاهز
الصادق خليفه اتمنى ان تكون معانا يوم الخميس
نزار حسين البحرين قريبه تعال احضر معانا ونشرف والله
حواء بتنا شكرا ليك ياملكة
منى خوجلى الانسانه انت تشكى من عدم الرد ت البيت 0096612135723 متحرك 00966542431919
الفاتح ميرغنى الاصلى وانت فى بلد الاصلى قبل العولمه
ناذر خليفة ياخى عيب عليك دى كانت دايره اغنيه شجن لسه فى وقت عشان نرضى
نوفل اسم يدل على العطا ابقى معانا نحن محاجين تواصلكم
كمال عباس الكمال لله فانت جزء منه
مهدى الصادق بطحانى مريخابى زينا
| |
|
|
|
|
|
|
|
|
|
Re: خالد المحرب و عفاف ابو حريرة جد و حبوبة الان (توجد زلابية و شاي) (Re: خالد المحرب)
|
ود المحرب
عفاف ام احمد
فاتن
الف حمد الله على السلامة وان شاء الله تربى في عزكم
محمد عبد الجليل
Quote: بعدين شيقوق قال فاتن ما ولدت
هو انا أتكلمت مع البت الجديدة تعاين
لي ساااكت لكين ما ردت علي
عليك الله يا حافظ الزلابية ما تخليها تبرد |
الغريبة خالد كان عامل بوست بهناك بطلب الدعاء ربنا يحل فاتن والوليد المبيريك حافظ ده عامل بوست بكون فاتن انحلت وراسنا دائش
بس الحمد لله ربنا حلاها .
| |
|
|
|
|
|
|
|
|
|
Re: خالد المحرب و عفاف ابو حريرة جد و حبوبة الان (توجد زلابية و شاي) (Re: Al-Mansour Jaafar)
|
الغاليين خالد وعفاف....
يا سلاااام.....فرحه منقطعة النظير واحساس بامتداد الحياه وغد جميل....
روح الطفل فى البيت بتدى فرح وابتسامات بسبب وبدون سبب
ونقاء عجيب واحساس بالإكتفاء.....
انا ما كنت عارفه عندى أحاسيس أمومه ولا قابليه لحدى ما شرف معتز الى الحياه....
مبروك مبروك...وانشالله تكون من بنات السودان البنفخر بيهم وتتعلى ما تتدلى قادر يا كريم...
....تحياتى لفاتن...والله يقومها بالسلامه.....
....يا حافظ....عسليتك ريحتها طاقه فى السايبرسبيس يا اخوي....
بعدين الزلابيه دى أضعف الإيمان يا حافظ...اب قرينات وعوينات ما شفنا!!
| |
|
|
|
|
|
|
| |
حافظ حسن ابراهيم
محمد عبد الماجد الصايم
الطيب شيقوق
Mohamed Abdelgaleel
ismeil abbas
ممدوح أبارو
ادريس خليفة علم الهدي
Ahmed Yousif Abu Harira
الصادق خليفة
خالد المحرب
حواء سليمان ابراهيم
Muna Khugali
الفاتح ميرغني
ناذر محمد الخليفة
نوفل عبد الرحيم حسن
كمال عباس
حيدر حسن ميرغني
يحي ابن عوف
عبد المنعم سليمان
mohamed elshiekh
صديق الموج
Shiraz Abdelhai
فاروق حامد محمد
علاء الدين حيموره
فيس بوك
تويتر
انستقرام
يوتيوب
بنتيريست