نعى اليم الزميل عبدالوهاب علي الحاج...المستنير وهبة فى رحمه الله
|
|
 باركوا لي نجاح إبن عمتي أول الشهادة السودانية ..
|
ياخ ناس بيتنا ديل بتاعين وهمات مباااالغة ..
بتكلم مع صلاح اخوي امبارح في التلفون وكيف اخباركم واموركم ناس البيت احوالهم الوالد الوالدة الاخوان والاخوات وكللل الناس حلوين حلوين ؟
قال لي والله تمااام التمام ماف اي عوجة وتوووشك كده حشر لي جملة مبااالغة ..
قال لي نحن كويسين بس بكرة احتمال نمشي نبارك لي ود عمتك ده نتيجتو ؟
قلت ليهو ود عمتي؟؟؟ ود عمتي منو ؟؟
قال لي اول الشهادة السودانية ده ود عمتك يعني ما عارف؟؟؟
قلت ليهو باللفظ الواحد :
بري ..يطرشني ويعمي جيراني..
قال ليهو والله ود عمتك ..
الوهمة الاكبر لمن قال لي ونحن والله وصلنا منهم صوت لووم وقالوا كلللللللل الناس دي جات الا اولاد شيخ الدين ديل ما جونا!!!
هوووووووووووووووووووي يا صلاح سيب الختا واللخبتة ..
وما ان قال لي إنو ياخ اول الشهادة ده يا عمر ود عمة امجد الهادي امام حتى توووشك قدرت اربط العلاقة ..
فابن عمي (برررضو نحن متسلبطين فيهم عشان ساكنين المهندسين) امجد الهادي امام صديقي ومتصاحبين قبل ما نعرف انو نحن بنبقالي بعض من خلال مدرسة المؤتمر..
غايتو المهم اول الشهادة طلع ود عمتي ..
والنصييحة كده انا لحدددي اسة اسمو ما بعرفو لكن يا جماعة يادووووب عرفت عبقرية محمد ولدي دي جاية من وين !!!
غايتو يا عمتي مبروووك لي ولدك اللي هو ود عمتي وانا برضي مقصر والله وما واصلتكم مهنئا بالتلفون فكان ابسط شي اهنيكم بي جاي ومنها اقشر شوية وامسح الصورة السيئة المأخودة عني بي اني زول بليد ساي..
وبالمناسبة يا ريت امجد الهادي اما يكون بيقراني اسة عشان اقول ليهو مضييع كللل تلفوناتك بعد ما كسرت تلفوني يوم كورة الهلال وفريق الاول من اغسطس بعد فكيتو بي الحيطة فعليه ارجو الاتصال سريييع عشان عندي معاك شمارات كتييرة ..
الف مبروك للاهل بي مناقزة(نطط كما يحلو لي مناداتها) فهي منجم للنوابغ والمتفوقين ..
تخريمة :
سبحان الله انا من زماان حاسي بي شطارة كده ماسكاني واكرر شطااارة وليست شتاارة
|
|
 
|
|
|
|
|
|
|
|
Re: باركوا لي نجاح إبن عمتي أول الشهادة السودانية .. (Re: Anwar Ahmed)
|
انور احمد :
يباركو ليك جديدك وقديمك قول امين :)
صديق الموج :
| Quote: كيف ياعمر ما بتعرفوا ده ماود عمتنا د.عواطف |
يعني اسة انت عايز تقنعني انك ود عمتي .. يا صديق ياخ قول ود حفيدتنا عواطف بت اخوي عواطف لكن عمتك ؟؟
عمى كباسا قول امين :)
بعدين واحد زي زلوكم ده برضو بيقابض شغال مع اهل العريس قايلون من اهل العروس واهل العروس قايلنو من اهل العريس نهاية الحفلة سألوهو يا زول انت تبع منو؟
قال ليهم :
الترزي الخييط البدلة حقت العريس ابوهو ود جيران ناس عمتي..
تخريمة :
إيه رايك نكلم تجمع البشمرقة ونعمل احتفال بمناسبة احراز ود عمتنا انا وانت المرتبة الاولى ؟
| |
|
|
|
|
|
|
|
|
|
Re: باركوا لي نجاح إبن عمتي أول الشهادة السودانية .. (Re: عمر الفاروق)
|
| Quote: والنصييحة كده انا لحدددي اسة اسمو ما بعرفو لكن يا جماعة يادووووب عرفت عبقرية محمد ولدي دي جاية من وين !!! |
كيف ياعمر ما بتعرفوا ده ماود عمتنا د.عواطف وابوه عمنا د.الفاتح بشير ..
بالغت ياخى انا افتكرتك عملت الخروج والعوده هسه
وحجزت الرياض مناقزة الرياض مع كونيكشن فى انجضوا او كتفيه.
غايتو قداد قد...
زكرتنى اخوى الصغير جيرانا عندهم عرس وهم امهم مصريه واظن ابوهم كان مختلف مع اخوانه
من بدرى لزواجه من مصريه واخوال ما عندهم ،قول الجماعه ابوهم مات بقوا مقطوعين من
شجرة والبنات سمحات يوم عرس واحده فيهن فى واحد مشنط ياعمر واى شى هو سينير فيه الماشه
الكوفير البت دى مشت مع منو الحفله هو لازم يرص الكراسى والبنات يقعدن بى جاى العشاء
ليه الصحن ده مافيه طعميه،البتمرق تشوف زول هو عايزات شنو يا بنات كره اولاد الحله
ولمعرفتى بان الناس ديل ماعندهم اهل سالت عمار اخوى يازول انت الزول البتلصق
ده ببقى للجماعة ديل شنو؟؟
قال لى ده ولد خالة ابوالجاب ام ابوالجاب ابوعم ودخالة العريس..
هسه انت مبروك نجاح ود عمة ام ابو الجاب ابوخالة جد حبوبة ام خالة عمك ياخى..
قداد...قال ليه قداد عمر كروم،،،،
| |
|
|
|
|
|
|
|
|
|
Re: باركوا لي نجاح إبن عمتي أول الشهادة السودانية .. (Re: Sayed Bekab)
|
ود الفاروق
سـلامات
مبروك لأول الشهادة السودانية
ومبروك لأسرته
ومبروك ليك إنت برضو معاهم ساكت
Quote: الف مبروك للاهل بي مناقزة(نطط كما يحلو لي مناداتها)
فهي منجم للنوابغ والمتفوقين .. |
إت آآآ زول البدر ببقالك شنو ؟
والله أنا ناس نطط ديل أصحابي لامن اهلي
ببقو لي زي أول الشهادة دا ليك
مرفق:
مودتي
إسماعيل حميم
.
| |
|
|
|
|
|
|
|
|
|
Re: باركوا لي نجاح إبن عمتي أول الشهادة السودانية .. (Re: إسماعيل حميم)
|
أخوي / عمر
تحياتي ،
ألف مبروك نجاح قريبك
البعيد وبعيد داك ،
وعقبال لمن نفرح بنجاح أولادك
و .. شكراً أختنا Smart :
جبتيها ليهو من الآخر :
Quote: سلامات يا عمر....
لكن نبارك ليك انت ليه؟؟؟
قريت معاه ايام القرايه و لا هسى ح تخش معاه الجامعة؟؟؟؟
ممكن بس نبارك ليك انو بعد كده فى احتمال بعيد جدا (ذى صله قرابتك المزعزمة) بانك تكون شاطر
ابسط يا عم ...اها باركنا
الف الف مبروك |
قطعتي مصاريني بالضحك ؟!!
مودتي ،
( ليمو )
| |
|
|
|
|
|
|
| |
عمر الفاروق
صديق الموج
الرفاعي عبدالعاطي حجر
نوسة
وليد محمد المبارك
Sayed Bekab
smart_ana2001
إسماعيل حميم
abdulhalim altilib
فيس بوك
تويتر
انستقرام
يوتيوب
بنتيريست