|
|
|
 Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!! (Re: مزمل خيرى)
|
السيد
Quote: وامام ناس الشمارات القاعدين في المحكمه.
|
حكاية الناس القاعدين للشمارات دى ، ذكرتنى باتنين من اعمامنا من ارباب المعاشات ساكنين جنب القسم من الواطة تفلل يقوموا يمشوا المحكمة الملحقة بالقسم يقعدوا فى الكافتيرا يشربوا الشاى ويتصفحوا الجرائد لحدى ما الجلسات تبدأ وطبعا بيعرفوا كل عساكر المحاكم يشوفوا اسخن جلسة شغالة اليوم داك ويخشوا والقعدة الياها .. لحدى ما الجلسة تنتهى ، يخشوا القاعة التانية برضو ويصنقروا يقعدوا واخر اليوم اى واحد يمشى بيتو .
والظريفة البلاغات الكبيرة يتابعوها من القسم لحدى ما تتحول للمحكمة ، بالله الواحد زى المحامى يسجل ايام الجلسات فى ورقة عشان ما تفوتو جلسة .. يوم سألت عسكرى صاحبنا عن اعمامك ديل ، قال لى اعمامك ديل عايشين فراغ بعد نزلوا المعاش ماعندهم شغلة غير يجوا من صباح الرحمن يحضروا الجلسات ..
السيد ديل يقولوا عليهم شنو ..؟؟
مع كبر سنهم دى اعمامك بيركزوا على محاكم الأداب اكتر حاجة .. تصـدق .؟؟
| |
 
|
|
|
|
|
|
|
 Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!! (Re: مزمل خيرى)
|
سلام للحبيب أبوجوان
| Quote: والظريفة البلاغات الكبيرة يتابعوها من القسم لحدى ما تتحول للمحكمة ، بالله الواحد زى المحامى يسجل ايام الجلسات فى ورقة عشان ما تفوتو جلسة .. يوم سألت عسكرى صاحبنا عن اعمامك ديل ، قال لى اعمامك ديل عايشين فراغ بعد نزلوا المعاش ماعندهم شغلة غير يجوا من صباح الرحمن يحضروا الجلسات .. |
والله فعلاً حاجه غريبه جداً !!!!!
ليه بس كشف الحال دا ياناس ؟؟ غايتو انا يتخيل لي لو جابو واحد في التلفزيون يجلدوا فيه المشاهده ليه بتكون ماحلوه.
ناهيك من يكون لايف كمان ومشاهده حيه!!!
| Quote: مع كبر سنهم دى اعمامك بيركزوا على محاكم الأداب اكتر حاجة .. تصـدق .؟؟ |
حاجه تحير القاضي زاتو لوووووووول
| |
|
|
|
|
|
|
|
|
|
Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!! (Re: Deng)
|
Quote: هل الخبر معناه أن البت دي قفزت في الولد وفكت فيهوا قبلة ولا القبلة دي تمت بالتراضي؟
وهل الود مد قدومو ولا البت هي المدت قدوموا ؟ في حاجة ما مفهومة في القصة دي. |
القبله تمت بالتراضي وإلا كانت القضيه بتكون تحرش جنسي لووووووووول
لكن يادينق أخوي حكاية القداديم دي بترجع الي ايهما يحب الأخر أكثر ولا شنو ؟؟؟ ،،
ــــــــــــــــــــــــــــــــــــــ
نورت البوست ياحبيب،،،
| |
|
|
|
|
|
|
|
|
|
Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!! (Re: AnwarKing)
|
الأخ / المسلمي
تحياتي ،
هي ذاتا البت دي الشلاقة ليها شنو ؟
صبراً يبل الآبري مافي ؟
ما تنتظر لحدي ما يصلوا محل (طايرين)
وبعد داك ان شاء الله تفطسوا قبلات
وما بعدها من مصايب أخرى ؟!
يعني خلاص .. الحب حبك في الشارع العام ؟!
حكاية عدم الانتظار دي ذكرتني حادثة
قرأتها هنا في أحد البوستات حدثت في
احدى طائراتنا (الناقل الوطني) كما
ذكر الراوي ، وقال أن هناك مضيفة جديدة
والظاهر كانت حلوة شديد وتكسر فيها
الكابتن ، وبدأ يحدث زميله (مساعده)
في كابينة القيادة عن نواياه السيئة
تجاه هذا القادم الجديد في طائرتهم ،
وأنه سوف يفعل فيها كذا وكذا عندما
يصلون للفندق ..؟!! وبدأ يصفها له
دار كل ذلك الحديث بينماكان جهاز
المايك مفتوحاً والسماعات داخل
الطائرة شغالة تش ؟! وكل الركاب
سمعوا ما دار بين الكابتن ومساعده
(يعني على الهواء مباشرةً) ؟!!
و .. المضيفة المسكينة الضحية ،
أسرعت الخطى لتصل للكابينة وتنبه
الكابتن أن كل حديثهم قد سمعه الركاب
ويبدو أنها تعثرت وهي تهرول نحو الكابينة
ووقعت أمام واحدة كبيرة في السن والتي
بكل بساطة خاطبتها قائلةً :
يا بت أمي مستعجلة مالك ؟ ماقالوا
ليك لحدي ما تصلوا الفندق ، ما تصبري؟؟!!!
لووووووووووووووووووول ؟!!
مودتي ،
( ليمو )
| |
|
|
|
|
|
|
|
|
|
Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!! (Re: abdulhalim altilib)
|
الحبيب عبدالحليم
Quote: هي ذاتا البت دي الشلاقة ليها شنو ؟
صبراً يبل الآبري مافي ؟ |
يبدو أنها كانت سارحه في عوالم بعيده ونست هي وين ،،،
يعني خروج مؤقت عن الشبكه
Quote: حكاية عدم الانتظار دي ذكرتني حادثة
قرأتها هنا في أحد البوستات حدثت في
احدى طائراتنا (الناقل الوطني) كما
ذكر الراوي ، وقال أن هناك مضيفة جديدة
والظاهر كانت حلوة شديد وتكسر فيها
الكابتن ، وبدأ يحدث زميله (مساعده)
في كابينة القيادة عن نواياه السيئة
تجاه هذا القادم الجديد في طائرتهم ،
وأنه سوف يفعل فيها كذا وكذا عندما
يصلون للفندق ..؟!! وبدأ يصفها له
دار كل ذلك الحديث بينماكان جهاز
المايك مفتوحاً والسماعات داخل
الطائرة شغالة تش ؟! وكل الركاب
سمعوا ما دار بين الكابتن ومساعده
(يعني على الهواء مباشرةً) ؟!!
و .. المضيفة المسكينة الضحية ،
أسرعت الخطى لتصل للكابينة وتنبه
الكابتن أن كل حديثهم قد سمعه الركاب
ويبدو أنها تعثرت وهي تهرول نحو الكابينة
ووقعت أمام واحدة كبيرة في السن والتي
بكل بساطة خاطبتها قائلةً :
يا بت أمي مستعجلة مالك ؟ ماقالوا
ليك لحدي ما تصلوا الفندق ، ما تصبري؟؟!!! |
والله ياحبيب تاسفت جدا لحال هذه المضيفه لوووووووووووول،
| |
|
|
|
|
|
|
|
|
|
Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!! (Re: السيد المسلمي)
|
الحبيب السيد المسلمي...شرّف الله قدرك في كل مكان يا عزيزي...
لم يؤكد شخص وجود مادة في القانون البحريني تُجرّم القبلات في مكان عام حتى الآن...
!
| Quote: المشكله في القانون ولا في طريقة تطبيقه ؟؟؟ |
المشكلة في تطبيق القانون في كل العالم..وبالأخص عندنا في الدول النامية،
حيث حاميها حراميها وكدة...
يمكنك الرجوع مثلاً لإعترافات وزارة العدل السودانية بأنو في قوات نظامية سودانية
شاركت في الإغتصابات في دارفور!!!
وكلنا بالطبع سمعنا عن حكاوي أكشاك بسط الأمن الشامل المتكررة (بتعرف الزولة دي من وين؟)
وأنو في بعض الناس بيخلوا البنت ليستفرد بها بعض المرضى في هذه الأكشاك!
وأظنك تعرف أكثر مني عن هذه الحكاوي بحكم الشمارات البتجيكم لحدي عندكم هناك 
تحياتي وسلامي للجميع بطرفكم
أنور
| |
|
|
|
|
|
|
|
|
|
Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!! (Re: AnwarKing)
|
الحبيب أبوإقبال
| Quote: المشكلة في تطبيق القانون في كل العالم..وبالأخص عندنا في الدول النامية، |
وعشان كده ياأنور أخوي أي زول لابس كاكي من حقو يعمل فيك اي حاجه تخطر علي بالوا !!!!،،
لكن لو ركزت معاي المخالفات دي دائما بتجي من الناس المنوط بيهم تطبيق القانون !!!
قصدي ممكن عسكري صغير يطلع روحك من غير الضابط بتاعو مايعرف حاجه .... والكلام دا واقعي ومعاش .
Quote: وكلنا بالطبع سمعنا عن حكاوي أكشاك بسط الأمن الشامل المتكررة (بتعرف الزولة دي من وين؟)
وأنو في بعض الناس بيخلوا البنت ليستفرد بها بعض المرضى في هذه الأكشاك |
دا بعد مايكونوا أرهبوك وطقطقوك وبركتوك وبلغت روحك الحلقوم .....تقوم تضحي بي بت الناس،،،
____________________________________________
الطقطقه : كم كف كده علي بونيه طايره وما الي ذلك،،
البركته : هي ان تترك ما بجيبك من فلوس وموبايل وحتي باقي سجاير،،
| |
|
|
|
|
|
|
| |
Elawad Eltayeb
مزمل خيرى
فرح
Deng
أيمن الطيب
Hassan Makkawi
AnwarKing
محمد عبد الماجد الصايم
abdulhalim altilib
Hani Arabi Mohamed
فيس بوك
تويتر
انستقرام
يوتيوب
بنتيريست