|
|
 بـ مناسبة موسم الاجازت .. نتحدث عن السخف فى المطارات
|
تحية طيبة للجميع
طبعا يا جماعة موسم الاجازات اقترب ، و زادت معه هموم الاسرة السودانية المغتربة خصوصا مع ظلال الازمة العالمية !!
المغترب زمان كان بيجى السودان و هو شايل و محمل ، لانو الوضع كان غير ، و السودان ما كان فيهو الحاجات البره ، و المغترب
عموما كان وضعو احسن ممن هم فى الداخل، لكن مغترب اليوم ظروف غير ، فهو يادوب قادر يسد حاجتو ، لكن مازال ناس
فى السودان ينظرون اليه و كانه البقرة الحلوب، و كانما المال يجرى فى ايديه انهارا ، فيطلبون و يطلبون و الحاجات البيطلوبها دى
كلها متوفرة فى السودان !!!! على العموم ده موضوع آخر ،،،، موضعى الحارقنى الليلة هو مجموعة من السودانين السخفا جدا
و المتسلبطين ، تلاقيهم عند دخولك المطار واقفين مستنين ، بجهاز موبايل او رسيفر او لابتوب ... الخ الخ الخ و يدور الاسطوانة
المعهودة ، عليك الله ما تشيل لينا ده معاك  عندى اخوى هناك فى مطار الخرطوم ح يستلمو منك ، و طبعا هم تجار ايوه تجار
و دى حركة يومية عندهم ، والله يا جماعة بيكونو شباب و بنات ، و يجوك بكافة الحجج ؟!!!
حركة تفلق
|
|
 
|
|
|
|
|
|
|
|
Re: بـ مناسبة موسم الاجازت .. نتحدث عن السخف فى المطارات (Re: محمد الامين احمد)
|
اخي محمد الأمين
علي النعمةكلامك صاح 100%
وأنا شخصياً بعرف لي واحد
ما بالاسم لكني حفظت شكله
لأنه شاءت الظروف أنك أذهب
ثلاث مرات للمطار لتسفير أحد
الزائرين وكان السفرية تتأجل
في كل مرة (حال سودانير) وفي
كل مرة كنت اجد هذا (الواحد)
حامل شنطة ويتصيد في الزباين
آٍسف في المسافرين ، وكل مرة حجة
جديدة ، وصادف أن سافرت أنا ذاتي
بعدها بيومين فإذا بنفس الشخص
وحامل معه الشنطة وهو يتجة نحوي
عديل لسوء حظه ويدير نفس الأسطوانة
طبعاً اعتزرت ليهو ولدهشتي انصرف
ولم يلح ، ولأنه لو كان ألح كان
واجهته بالأمر.
عموماالناس تبطل المجاملة (الزايدة عن الحد)
لأن هناك انتهازيين مثل هؤلاء كل همهم تمشية
أمورهم وقضاء حوائجهم والتجارة عبر الغير (ملح)
وبعدين الواحد ما عارف الشنطة دي جواها في شنو
مظبوط؟؟؟
تحياتي
تشكراتي
| |
|
|
|
|
|
|
|
|
|
Re: بـ مناسبة موسم الاجازت .. نتحدث عن السخف فى المطارات (Re: خالد حامد الجزولي)
|
| Quote: المغترب زمان كان بيجى السودان و هو شايل و محمل ، لانو الوضع كان غير ، و السودان ما كان فيهو الحاجات البره ، و المغترب عموما كان وضعو احسن ممن هم فى الداخل، لكن مغترب اليوم ظروف غير ، فهو يادوب قادر يسد حاجتو |
أخوي ود الأمين
كلامك في محلو ، وليك وصية لو في السعودية شيل ليك كم صندوق طماطم وغلفهم كويس ، حيكون أفضل هدية للأهل والجيران .
أهو خفيف على الجيب وعلى الميزان لو ما عند عفش زايد .
وله يا ربي ننشف لينا كم صندوق !!!!!
.
| |
|
|
|
|
|
|
|
|
|
Re: بـ مناسبة موسم الاجازت .. نتحدث عن السخف فى المطارات (Re: ولياب)
|
العزيز ولياب ،
صاحب الاسم الجميل ،
بمناسبة العفش الزائد دى كمان ، فى نوع آخر من المتطفلين ، ديل بقى بيكونو معاك فى الطيارة
يعنى ما زى الهمباته البره ديل، ديل يا عزيزى لو كان وزنهم 40 كيلو بيكونو شايلين 90 كيلو
و اول ما يشوفك جاى توزن ، جرى عليك و يشبكوك ، عليك الله يا حاج/ ـه اشحنى لينا الشنطة دى معاك
و طبعا الشنطة دى اساسا ما معروف جواها فى شنو ؟؟ و بما انها باسمك اى مصيبة فيها انت مسؤول
منها ، فنصيحتى لكل الاخوان و الاخوات ، ما تشيلك الشهامة و تشيل حاجة معاك حتى لو عندك وزن
زيادة ، لازم نتعلم نحترم القانون شويه و نبطل شغل الجربنديه ، اللهم الا دواء و ده برضو قبل ما تشيل
لازم تخلى سلطات المطار تشهد عليهو حتى لا تدخل فى حيص بيص
| |
|
|
|
|
|
|
|
|
|
Re: بـ مناسبة موسم الاجازت .. نتحدث عن السخف فى المطارات (Re: خالد حامد الجزولي)
|
العزيز خالد حامد الجزولي
مثل هولاء لا ينفع معهم الاعتذار ، ديل تديهم على راسهم طوالى
عالم زى البكتريا ، يا اخى هو او هى ما يجو عديل و يقولو عايزين يسفرو
الحاجات دى معاك ، و بعدين انت و زوقك، مش يجوك و يدهلسو كل مره بحجه
اشكالهم معروفه فى كل المطارات ، عينوهم تراقبك مراقبة الصياد للفريسة
صراحة عادة سيئة جدا ، خصوصا ان كل الاشياء دى متوفرة فى السودان اذا
الزول فعلا محتاج ليها
| |
|
|
|
|
|
|
| |
محمد الامين احمد
خالد حامد الجزولي
ولياب
فيس بوك
تويتر
انستقرام
يوتيوب
بنتيريست