|
يا اخونااااا قديتونا قد (يا بكري افتح ليهم بوست واحد وريحنا ياخ )
|
انا عندي 122 طالب من قبيلتي نجحوا في امتحانات الشهادة السودانيه هذا العام ،،،، دا غير الاصدقاء والجيران وناس حلة فوق وغير اقرباء صاحبي فلان الفللتكاني وغير اولاد حبيبتي الاولي وحبيبتي الرابعه عشر اللائي تزوجن من اخرين احبوهم اكثر مني ربما لاشياء ( كـــــــــــــــــدا ) علما بانه كان ممكن يكون هؤلا خاصتي لو نجحت تلك المؤامات الاولى في الزواج منهن وكان حظيت الان بتهنئة ولدي من حبيتي الاولي او الرابعه عشر هنا اسفيريا وانتظرت الهدايا التي تاتيني هنا عبارة (فاضة ورد اسفيرية مغلفة بشكل غير وتحمل اللون البمبي علما مقدمة لولدي ،، او علبة شولاته معتته ومنتهيه صلاحيتها كان مخزنه في واحد من مخازن الحلويات الاسفريه ايضا) اضافة الي انني كان ساتقبل تهنئة باهتة كانت من صديق كان يربطني به ود متين ويؤثر سلبا على ما بيننا .
رايكم شنو اجي افتح ليهم بوستات واقعد احرسهم يشهد الله لمدة 17 يوما متتاليه ما تتواجد مساحة لحاجة غيرهم في الصفحة الاولى
الفرح بالنجاح احساس جميل يا أخوانا لكـــــــــن كمان ما لدرجة انه نتصدر به الصفحات الاوائل في معظم ما هو متاح من اسافير (لا تعترض مع فكرته )
بكري الله يهداك اقبل اقتراحنا وافتح لينا بوست واحد يسمح لاي عضو وغير عضو بتهنئه الناحج (له) أو جيب لينا نتيجة امتحان الشهادة السودانيه واختار لينا من الناجحين اقرباء البورداب والاشارة الي ان هذا قريب فلان الفلاني العضو رقم كدا المسجل بتاريخ والكاتب عدد واي شي تاني ريحونا من التشابة في الطرح كتبت لكم الاطروحات النيرة
|
|
|
|
|
|
|
|
Re: يا اخونااااا قديتونا قد (يا بكري افتح ليهم بوست واحد وريحنا ياخ ) (Re: Siddig A. Omer)
|
يا صديق ازيك ياخ المسألة بقت صعبة جدا تلقى الصفحة الاولى والتانيه والعشرميه كلها عليكم /ن النبي باركوا لي هناي ود هنايا نجح وجاب 13% ياخ ما عندنا مانع ولا امختلفين معاك ومن حقك أن تفرح بس كمان ما تفرض علينا مسالة فرحك الخاص دي وخاصة نحنا كمان حق التمباكما عندنا ودايرين نعرف نفتش لينا خبر يلمنا باخر اسعار في السوق العالمي للتمباك والحاجات التانيه المدرة للكيف والذي منه
عموما وفي رايئ المقتبس منك دا
Quote: غنمايتى..."طهروها"........يعنى بالعربى كدأ...."خفوضوها لدرجة "تيس""..... |
جدير بالنقاش ويفترض يكون في الصفحة الاولى لكن قولي بس وين تلقى طريقة في بلد الممتحنين منها للشهادة السودانيه يفوق المئة الف وكلها مرتبطون بعلاقة ما بسودانيزاونلاين (الملح دا) ولازم كل واحد منهم تنزل ليهو تهنئة الخاصة ويوزعوا ليهو البلح هنا وكاسات البتاع كمان بس يلا قول مسالة تخفيض الغنمايه الايتيست نعرفها كيف وح تلقى ليها وين عشان تتطرحها للنقاش وشي المسالة عندها بمؤسسات العمل (الغنمي )ولا لا ؟؟ لاني شايف المسألة فيها خفاض وكدا ولا خفاض الغنم ما فرعوني ؟؟ عشان المؤسسه شايفها ساكته ساكت غنم ضايعة ساكت وحقوقها مهدرة ومؤسساتها تاكل في قروش دعهما وتقصي خصومها ولا احتمال مؤسستها ناويه تعمل ليها منبر خاص بيها.
عالم تتيس الغنيم وتريس ...........
الله غالب ومن ثم وينك انت ؟؟ سؤال بري جدا لايستوجب الرد
| |
|
|
|
|
|
|
Re: يا اخونااااا قديتونا قد (يا بكري افتح ليهم بوست واحد وريحنا ياخ ) (Re: فيصل عباس)
|
ـــــ فيصل عباس ,,, سلام ومودة
أولاً مبروك ليك وإلي كل أقرباك وإلي 122 والناجحين بـ حي مايو وبـ حي 114 ولي قبيلتك وبنات حبيتك ومبروك لي ناجحين الحي التحتاني والفوقاني ومبروك لي ناجحين الحتانة والسجانة ومبروك لي ناجحين الحلة الجديدة وأم شديدة , ومبروك لي وزقلونا وجبرونا ومبروك لكل ناجحين ناس الفرقان وناس ود الضهبان, ومبروك لي ناجحين الاحياء القديمة وعريقة ومبروك لي ناحجين العمارات والمنشية وناحجين الناس الفي المعدي والشرفية , ومبروك لي ناس حلة مناقزة وحلة عباس ومبروك لي ناس حي القبة وكدباس , ومبروك لي ناس مليط وناس خامس مشيط , ومبروك لي ناس فداسي , ومبروك لي للناس الفي بنغازي ومبروك لي ناس الطائف والرياض ومبروك لي ناس أم شطر وأم طبقاً عراض .
ذكرتني يوم وكنا برالمة 1996م وفي دار الإتحاد جامعة الخرطوم , والحلفة كانت بـ أبوعركي البخيت , طبعاً حركات البرالمة فاضحة السجايرالماخمج والجكس حياته أبهج , والمواضيع تطاقش , وفجاءة كدا ينط واحد بسؤال لي هناية ما قريتي ديوان نزار قباني أنا رجل واحد وأنت قبيلة من النساء وتشعطبت فلانة وإن شاء الله نشعبط في رضاء الرحمن , مش عندو أغنية بغنيها راغب علامة , وهي قاصدة كاظم الساهر بس الوجاه غلبت والله غالب وكل واحد واحده عاوز يقول رايو في وقت واحد , بيت ست المريسة ما زيوووو والقعدة قروبات قروبات , و القزاز الللللليل البارد شيتناً أستيم وميرندا وببسي وفراولة , ناقس قزازة المابجيبو أسمووو وقشر الموز ما يديك الدرب , ملجة بس , ورق الحلاوة دا إلا كان يوم العيد حتي نشوف حايم , والبشرية كلها في الدار نضاااااف ومستحمين والعجب البنوت زينة الدنيا رتينة وكهارب , وأخر ضحك وقرقرابة وتكشششم أم فريحانه معانا طب ونسيانين ( أغنية أضحكي والكهارب ) والساون لمممممن يبجربو فيه التقول رعداً , وتقول حسعّ دي بتمطر فاقدة برق القلبي , والعجب من يقول ليك Say Say Say Say tasttasttasttast ون ون ون ون الو الو الو الو, القلب يسوي معاه شح شح شح , Suddenly وفجاة كدا يطلع علينا واحد ويقول الاستاذ أبوعركي في الطريق تم إعتقاله , وتسمع الصفافييييير تصصصصن الأضان , والجكس زاااتووو بالبهجة والفرحة دي بصفر وخطيييييرة جد صفارتوووو , والفرحة زاتها يا دااااابها ما حلت وزادت تلات أمتار ونحن هوينا لي فووووق , وما حنمشي واللللليد بنكسرو إلا يأذن الأذان ونصلي وقت الخلاص حاضر .
فيأخي حسعّ انت عاوز ناما نفرح مالك علينا؟! هههه يا خي عاوز نفرح ونغني , ما عاوزين نقلب الحكومة هههههه علي العموم شكراً ليك أصلي أنا زهجان وقلت نكمل الناقصة معاك تسلم كثير
لزوم السؤال للتعديل شنو ؟! ياخي ما نفرح ههه
(عدل بواسطة emad altaib on 06-16-2009, 09:33 PM) (عدل بواسطة emad altaib on 06-16-2009, 09:45 PM) (عدل بواسطة emad altaib on 06-16-2009, 09:58 PM) (عدل بواسطة emad altaib on 06-16-2009, 10:00 PM)
| |
|
|
|
|
|
|
Re: يا اخونااااا قديتونا قد (يا بكري افتح ليهم بوست واحد وريحنا ياخ ) (Re: فيصل عباس)
|
ما أعظم مشاركة الأهل في الفرحة وناس سودانيز أون لاين عايلة واحدة والله ليس تنظيرا ولكن على الأقل ده احساسي الشخصي أحسن انهم بنتمو لي وزي أهلي واحد كلهم بدون فرز المشكلجي والمؤترجي والاتحادي وكسار التلج وحامل المسك ونافخ الكير
كلهم والله بحبهم عشان كده بفرح لي فرحم وأحزن ان مسهم الضر وفي ناس كتاااار زي كده وانتا قايل البورد ده بكمل خليهم يفرحو ويفرحونا بي فرحم في زمن عزت(وشدد لي الزين)فيه الأفراح وانتا زاتك والله حبيتك بي كجارك ده
ونجاحنايطول دايما على طول
دايما دايما دايما
| |
|
|
|
|
|
|
Re: يا اخونااااا قديتونا قد (يا بكري افتح ليهم بوست واحد وريحنا ياخ ) (Re: فيصل عباس)
|
يا خضر.....
نص من زمن.....
هدية......منى ليك ...و هذأ "المعتوه"...
.............................................
ما كنتُ أحْسَبُ بعدَ موتَك يا أبي
ما كنتُ أحْسَبُ بعدَ موتَك يا أبي ومشاعري عمياء بأحزانِ أني سأظمأُ للحياة ِ، وأحتسي مِنْ نهْرها المتوهِّجِ النّشوانِ
وأعودُ للدُّنيا بقلبٍ خَافقٍ للحبِّ، والأفراحِ، والألحانِ
ولكلِّ ما في الكونِ من صُوَرِ المنى وغرائبِ الأهُواء والأشجانِ
حتى تحرّكتِ السّنون، وأقبلتْ فتنُ الحياة ِ بسِحرِها الفنَّانِ
فإذا أنا ما زلتُ طفِْلاً، مُولَعاً بتعقُّبِ الأضواءِ والألوانِ
إذا التشأوُمُ بالحياة ِ ورفضُها ضرْبٌ من الُبهتانِ والهذيانِ
إنَّ ابنَ آدمَ في قرارة ِ نفسِهِ عبدُ الحياة ِ الصَّادقُ الإيمانَ
| |
|
|
|
|
|
|
Re: يا اخونااااا قديتونا قد (يا بكري افتح ليهم بوست واحد وريحنا ياخ ) (Re: Siddig A. Omer)
|
سلامات يا استاذ فيصل والذين معه
ومبروووك لكل الناجحين وحاجة جميلة انو الزول يكون عندو زول ناجح ويهنيه وجميلة القصص الاجتماعية لكن بشكها في الصفحة الاولي بالطريقة دي بيقلل من فاعلية المنبر لذا بقترح انو تتعمل بوستات نماذج للقصص الثابتة دي وتكون بالعناوين والمضامين ادناه علي سبيل المثال :-
1\ بوست بعنوان (الخرطوم تزدان بقدوم..) ويترك حتة الاسم فاضي وحتة بلد المنشـأ فاضية برضو . 2\ بوست بعنوان (رحلة بورداب الخرطوم ) وحتة مكان الرحلة نخت خيارين (قندهار - جبل اولياء) وبتعمل علامة صح قدام الاجابة الصحيحة ، اما حتة الزمان تتكتب الجمعة ويترك حتة تاريخ الجمعة والسنة فاضية . 3\ بوست بعنوان (مبرووك النجاح) وتترك حتة النسبة وحتة الاسم فااضيين ويتم مليهم . 4\ بوست بعنوان (... واقف علي باب المنبر ادوهو عضوية ) وتترك حتة الاسم والسيرة الذاتية فاضية .
الخ..
وبي كده نكون سهلنا البحث يعني العاوز يعرف اين يقضي الجمعة وين حيلقي والعاوز ياكل شية برضو بيلقي والعاوز يبارك نجاح بيلقي ودواليك ... .
| |
|
|
|
|
|
|
Re: يا اخونااااا قديتونا قد (يا بكري افتح ليهم بوست واحد وريحنا ياخ ) (Re: سيف النصر محي الدين محمد أحمد)
|
سلامات أخي فيصل... هي مناسبة موسمية يفرح بها المعنيين ويشاركهم الجميع... وبوست يفوت ولا حد يموت، ما في داعي ننقص عليهم الفرصة...
النظام التعليمي في السوداني يجعل هذا الإمتحان هو الأصعب على الإطلاق والذي يهابه الجميع، لذلك فالمرور منه والنجاح والتفوق يستحق النجاح، وإن كنت أرى أنو نحن لا نعرف كيف نحتفل بالنجاح، أو نعبّر عن دواخلنا...كلها أفكار متكررة بصورة سمجة...وفي النهاية الإحتفال برضو بيتحول لفرحة للكبار فقط.
يعني يا فيصل يا حبيب، أسع لو جبتا ليك أي مناسبة إجتماعية وفتحتا باب النقد، ممكن نلقى مأخذ عليك، هوّن عليك يا زميل وأرجو أن نفرح بكل ما أستطعنا في ظل هذه الأحزان المقيمة!
تحياتي أنور
| |
|
|
|
|
|
|
Re: يا اخونااااا قديتونا قد (يا بكري افتح ليهم بوست واحد وريحنا ياخ ) (Re: سيف النصر محي الدين محمد أحمد)
|
يا سيف قول لي بيتكم بوين يا عيني عشان نبارك ليها وناكل تمركم (لو في طبعا - ولو كمان نشوف باقي البليلة)
Quote: خالص التهاني لابنة اختي هيفاء علي الحبوب بنجاحها و احرازاها نسبة 7305 و اتمنى لها حياة عملية سعيدة و عقبال الدكتوراة و الماجستير و بيت مال و عيال.و انا لله و انا اليه راجعون. |
حقيقة انا لله وانا اليه راجعون وذلك بعد ان راجعنا النسبة المميزة خالص
عالم تحير تجنن ياخ (الاعلان في الجريدة اليوميه لايتجاوز ال 500 جنيه من القديم ) هالكين باندوس بكري مالكم ولا جلدا ما جلدك تبول علية وانصرف .
| |
|
|
|
|
|
|
Re: يا اخونااااا قديتونا قد (يا بكري افتح ليهم بوست واحد وريحنا ياخ ) (Re: ريهان الريح الشاذلي)
|
يا ريهان ازيك بالله انتي اتاريك برضك ممغوصة وقاعدة (طيب مالك مشيلاني وش القباحة -انا قدرهاياخ ) كنتي راجية ليك زولا تتضاري فيهو الظاهر عالم جبانات جنس جبنه
Quote: بوست بعنوان (الخرطوم تزدان بقدوم..) ويترك حتة الاسم فاضي وحتة بلد المنشـأ فاضية برضو . |
كلامك دا بالصورة دي بينقص الحشد الجماهير المفترض يكون في المطار اضافة لعدم اهتمام بت حيمورة بالامر ومع كل ذلك حتمنعي الصور والكميرات الديجتال التي تشرف المطار في لحظة القدوم لاول مرة شرف المتابعة للقادم وذلك من خلال تتابع خيط الوصول من صالة المغادرة البلد المسافر منه المحتفى (به في وطنه الاول )ابتداء من ختم الخروج مرورا بصالة الانتظار والدخول لسلم الطائرة والابتسامة الانيقة الطالعة من المضيفة التي تطلقها بتحفظ تام وهي الي جوار رجال الامن خوفا (من الفهم الغلط ) وتجنبا لعدم تكرار ما حدث في الاثيوبيه ووجبات الطائرة وتناول الحاجات النظيفة نهاية بالهبوط بمطار الخرطوم وحضور عربة المطافي الخاصة بالطيران المدني ورجال الامن المنتشرين الي جوار سلم الطائرة كانهم ينتظرون من هو مطلوب للقبض بواسطة الانتربول دخولا الي صالة الوصول ومتابعه الحركة التي تتم بداخلها من تاخير محمد احمد وتقديم فلان قريب (القائد العام للجن الفلكي ) في صف تاشيرة الدخول مرورا برجال الجمارك الذين يتفرسون وجه القادم بنظرة عاملة عمايل ما عارف اوصفها كيف ويوووووووووووووووووووووووووووووووك الي ان يخرج ويشهد استقبال الحاضرين لاستقبالة في كركون شرفي فارهه وبعدها يعطي كاتب البوست ملاحظاته بل ويشارك في اختيار الصور التي تعرض له لحظة دخولة . ريهان بشكلك دا بتكوني ضيعت افكار كتيرة مرتبه للعودة في الاجازة للسودان ، وعليه ان فعل بكري ذلك وتناقص عدد القادمين الي السودان (خاصة من البورداب واقربائهم ) تاكدي لجكومة السودان الحق في مقاضاتك خاصة وانك حرمتيها من كذا الف دولار وريالات عربيه ودراهم كان بامكانها ان تعدل من نمو ةاقتصادها او جيب احدهم..
Quote: \ بوست بعنوان (رحلة بورداب الخرطوم ) وحتة مكان الرحلة نخت خيارين (قندهار - جبل اولياء) وبتعمل علامة صح قدام الاجابة الصحيحة ، اما حتة الزمان تتكتب |
وهنا كيف لاصحاب قندهار ان يعلموا بقدوم السادة البورداب للاحتفاء بالشواء النهاري معهم وكيف لهم بتلميع الحلل بالجلاي الما خمج واشهار الصاج الواسع النظرات ريهااااااا قدر دا صعب شويه
Quote: \ بوست بعنوان (مبرووك النجاح) وتترك حتة النسبة وحتة الاسم فااضيين ويتم مليهم . 4\ بوست بعنوان (... واقف علي باب المنبر ادوهو عضوية ) وتترك حتة الاسم والسيرة الذاتية فاضية . |
النقطة التالته حا امتنع عن التعليق عليها الرابعة هي اعلان مبكر للقادم متبوع بترجي وانكسار واضح من كاتب البوست الذي اعلن وتمشدق بعلاقته الشخصيه والمميزة جدا بصاحب البيت بكري الذي من حقة ان يختار من يثق بهم وذلك من خلال تذكية المتقدم بعدد وافر من الاصوات توهلة للعراك القادم ،، ومن ناحية اخرى تجعل بعيدا عن فكرة التهكم التي بامكانها ان تطلق من القادم الجديد في حالة ان مست مسنجراته الداخلية بسؤ واضح ....
تحت تحت يا ريهان نقاطك سمينه وتشجع على فكرة منبر مفيد لكل الخلق والخلايق لكن البيقنع الديك منو؟؟ شكرا تاني
| |
|
|
|
|
|
|
|