|
|
 اتحاد نساء المنبر ومناصريهم
|
كون اتحاد مؤخرا للدفاع عن النساء في المنبر يحق طبقا لهذا الاتحاد للنساء
ان يشتمن
يتريقن
يطاعن
يلاكزن
فان بادرهم احدهم بالرد او بالمثل
تنادى النساء وهاك يا فلان وعلان وما اليه
انادي بتحالف رجالي ( ظلامي ) ضد تسلط النساء في المنبر
والقصة دي معادة
رودا مردا اخدت جولتها وسكتوا ليها الناس الى حين
تراجي نفس الشي
واخريات
هسع الفرحانات بالتجمع النسوي ده
تاريخ المنبر بقول للاحتمال حد
وقانون الفيزياء ولا الكيمياء ما عارف بقول للمرونة حد
_______________
ملحوظة البنابذني بنابذه والبشتمني بشتمه والبطاعني بطاعنه والبسفهني بسفهه
ده رائي وقلته العاوز يرد عليه بزوق يرد الما عاوز يرد بزوق هو وما اختار
|
|
 
|
|
|
|
|
|
|
|
Re: اتحاد نساء المنبر ومناصريهم (Re: وليد محمد المبارك)
|
وليد،
سلامات ...
من غير المبرر ان تسئ امراة لرجل و تتخفى خلف ستار انها امراة،
لان بالطريقة دي هي بتسوّغ العنف المضاد من الرجل ضد المراة لمجرد النوع.
الاحترام مفروض على الاثنين و انت تفضلت في حوار آخر انو تعاملنا ما مفروض
يكون مبني على الجنس و النوع و ده باتفق معاك فيه و خاصة اننا في منبر
و مجتمع افتراضي و الكلام من وراء حجاب.
الاحترام محمدة و هدف للطرفين، للرجل و للمرأة، ولكن لو بدأ أي طرف منهما الاساءة،
فمن حق الطرف الثاني الرد بما يراه مناسبا، وفي حدود الخلاف الأصلي ... وما باتفق
مع اي دعوة لتشجيع الصورة الساللبة للمراة الي تهرب في أول مواجهة أو تُمنع من
أن تقيف و تقول كلمتها...
ولكن ... ودي تحتها مليون خط شرف و تقيمهم الإخلاقي للأثنين مفروض يكون بعيد عن الصراع ...
الفرق الوحيد يا وليد بين الاساءة لرجل و الاساءة لأمرأة انو الاساءة للمراة بتلاحقها
فترة طويلة و ما تنمحي مع نهاية ارشفة و بداية أخرى ... وبتتناولها الالسن خارج مدارات المنبر ...
هل تفتكر انو في شيء يستحق انو نكون سبب في وصم شخص و التشكيك في شرفه و أخلاقه لمجرد خلاف فكري أو سياسي؟
انا مركزة على الشرف تحديدا لأنو كثير من الايحات الغير كريمة بتكون من نصيب النساء في خلافهم مع الاعضاء الرجال،
ودي بتخلق جيوب أحن و احتقانات نحن في غنى عنها سواء في مجتمع افتراضي أو المجتمع الحقيقي اللي بنتعايش فيه
كتف لكتف و مفروض نهديه خالي من الهنات للأجيال الجاية...
حتقول لي النساء ما بيقصروا وممكن يدوي ايحائات، حأقول ليك دي حالات استثناء،
و الأغلب دي طريقة الرجل، و تحديدا الرجل الضعيف ...
وما كل الرجال كده ...لأنو بنظرة سريعة للداير في المنبر
حتلاقي انو الواقفين ألف أحمر للاساءات جلهم رجال، و البيعيبو الاساءات برضو رجال
و البيحاولو يخلقو وعي جديد للمرأة برضو رجال ... وفي المتبر ده مقابل كل رجل مسيء في 10 كرام ...
و بالتالي أعتقد انو الهدف واحد لأغلبنا،
وهو تشجيع لغة كريمة و شرف خصومة ...
و الشينة منكورة كان لراجل كان لإمراة .. كان القالها راجل أو قالتها امراة
العيب واحد ماليهو جنس ولا نوع ...
| |
|
|
|
|
|
|
|
|
|
Re: اتحاد نساء المنبر ومناصريهم (Re: عزاز شامي)
|
سلامات عزاز
والله يا عزاز انا راسي اتلخبت وبقبت ما عارف اتعامل مع الانثي في المنبر كيف ؟
هل حسب الموروث الثقافي القديم
ولا حسب الموروث المنبري والسودان الجديد
لكل من الاثنين عاليه حسناته وعيوبه
الموروث الثقافي القديم بقول رفقا بالقوارير لكنه في نفس الوقت لايساوي بين النساء والرجال
اهل المنبر وانصار السودان يقولون بالتساوي
وعند اول اختلاف ودرش للمرأة
طوالي يا زول انت ما اتربيت في السودان يا ازول دي ما اخلاقنا
المهم
Quote: انا مركزة على الشرف تحديدا لأنو كثير من الايحات الغير كريمة بتكون من نصيب النساء في خلافهم مع الاعضاء الرجال،
ودي بتخلق جيوب أحن و احتقانات نحن في غنى عنها سواء في مجتمع افتراضي أو المجتمع الحقيقي اللي بنتعايش فيه
كتف لكتف و مفروض نهديه خالي من الهنات للأجيال الجاية... |
انا معاك في الحته دي يا عزاز
وطبعا بصورة تلقائية الحته دي بتضرس اي زول عنده نخوه
لكن كمان يا عزاز للرجال شرف ايضا وبما انه الجانب الجنسي في شرف الرجال قليل يبقى شرف الرجال اشياء اخرى
يعني منافق لي راجل توازي مفرده عاهرة لانثى
صحيح قد يهدد الرجال او يقتالون جنسيا لكن ليس كثيرا كما النساء والمجتمع لا يعول او يصدق الاشاعات الجنسية المطلقة في الرجال قياسا بتصديقه تلك التي تطلق في النساء
لكن كمان يصدق الافتراءات والاكاذيب الاخري التي هي المحدد لشرف الرجلفي مفهومنا ( الامانة ، والنخوه ، والصدق .. الخ)
عليه كل مفرده عكس ذلك هي اساءة شرف للرجل
منافق اساءة شرف
كضاب اساءة شرف
جبان اساءة شرف
Quote: حتقول لي النساء ما بيقصروا وممكن يدوي ايحائات، حأقول ليك دي حالات استثناء،
و الأغلب دي طريقة الرجل، و تحديدا الرجل الضعيف ... |
صحيح يا عزاز
لكن الاستثناء ده كتر الايام الاخيره دي
وتاريخ المنبر بقول انه حد مرونة الذكور تجاه تكالب الاناث قصير
وبعده طوفان يتعالج منه المنبر لمدى طويل
كدي وبصدق في الاسبوع الاخير ده مافي تكتل نسائي في المنبر
Quote: الشينة منكورة كان لراجل كان لإمراة .. كان القالها راجل أو قالتها امراة
العيب واحد ماليهو جنس ولا نوع ... |
ده الكلام
طيب انت ما زولة كويسة
شكلي كده حا اصاحبك في المنبر
ابسط يا خالد جاتك لحدي عندك
| |
|
|
|
|
|
|
|
|
|
Re: اتحاد نساء المنبر ومناصريهم (Re: وليد محمد المبارك)
|
Quote: ملحوظة البنابذني بنابذه والبشتمني بشتمه والبطاعني بطاعنه والبسفهني بسفهه
ده رائي وقلته العاوز يرد عليه بزوق يرد الما عاوز يرد بزوق هو وما اختار |
لا حولا
وليد في دور واحد فارش ليهو شكلة وراجي بعصايتو واحد يجي يشتري
(وجه مبتسم وبقول تلقاه عند الغافل)
هسع بعد الملحوظة دي يا وليد في زول يقدر يقول رأي في رأيك؟؟
انا دخلت عشان أنبذك او أشتمك
بس لامن ما عرفت الفرق بيناتهم
قلت اسلم عليك واخرج
| |
|
|
|
|
|
|
|
|
|
Re: اتحاد نساء المنبر ومناصريهم (Re: AnwarKing)
|
العزيز انور
كيف يا جيل
ختيت طوبتي بهناك
لكن يا صديقي | Quote: برايك ..ماهى اسباب تخلف السودان عن النهضة حتى الان |
ان كنتم تنشدون اراء حقيقية انظروا الى الكيزان على انهم ناتج وليسوا بداية
يعني ما تسيسوها بالدارج
كل الود يا صديقي
| |
|
|
|
|
|
|
|
|
|
Re: اتحاد نساء المنبر ومناصريهم (Re: AnwarKing)
|
يا شفت
الكتابة في المنابر من وراء حجاب..
أي كيبور يتحمل نتيجة ما يكتبه، ذكراً كان أو أنثى..
لكل لغة لغة تشبهها. نفطة وسطر جيد في نفس السطر..
كتبت كلام أعوّج، أرجى الشين..
كتبت كلام سمح، أرجى السمح..
تعامل بالمثل ولا غير..
| |
|
|
|
|
|
|
|
|
|
Re: اتحاد نساء المنبر ومناصريهم (Re: lana mahdi)
|
لنا مهدي اختي
اخوك مسجل خطر في المنبر
ومحسوب مجنون عديل كده
مافي زول بهابشني
الا مجنون متلي
عارفة يا عزيزة في المنبر ده في رايات مرفوعة في اركانه تحدد له حدوده وشكله
انت احداهن
لكن ولانو النصيحة شغل اخوان وواجب كمان
نفسك حار الايام دي يا لنا
نعم ما خرجتي عن الخطوط والزوق وحاشاك وما بتعمليها
لكن النفس ما نفس لنا مهدي
ده كلام اخوان من جوه
اكيد حا تحسيه جوه
| |
|
|
|
|
|
|
|
|
|
Re: اتحاد نساء المنبر ومناصريهم (Re: وليد محمد المبارك)
|
يا ولي..
متفق معاك مليون في الميَّة
لكن الجزء ده
Quote: ومن ترفع زوقا وادبا منه فهو الافضل
لكن لا خوفا ولا تعاليا |
وبحكم التجربة في الأسافير، تترفع من الرد عشان تُكتب عند البورداب مهذباً، حتبقى حيطة قصيرة، وأي زول بجي متلب بيك..
___
إيه رأيك نكوِن رابطة :)، نسميها رابطة رد الحقوق للمهذبين والمهذبات؛ لأنو في نوعيَّة حقارة، لو رجعت ليهو كلام طيِّب بفتكرك هرشت..
| |
|
|
|
|
|
|
|
|
|
Re: اتحاد نساء المنبر ومناصريهم (Re: Yassir Tayfour)
|
| Quote: إيه رأيك نكوِن رابطة :)، نسميها رابطة رد الحقوق للمهذبين والمهذبات؛ لأنو في نوعيَّة حقارة، لو رجعت ليهو كلام طيِّب بفتكرك هرشت.. |
يا زول معاك للدين
وانا الرابطة دي عاملها مع روحي من زمان
قاعد اتشعبط في رقاب الحقار ساكت وبدون مبررات ف المنبر ده
بس عشان يضوقوا الحقارة
ويعرفوا شعور الحاقرنهم شنو
معاك يا زول
| |
|
|
|
|
|
|
|
|
|
Re: اتحاد نساء المنبر ومناصريهم (Re: وليد محمد المبارك)
|
Quote: الكتابة في المنابر من وراء حجاب..
أي كيبور يتحمل نتيجة ما يكتبه، ذكراً كان أو أنثى..
لكل لغة لغة تشبهها. نفطة وسطر جيد في نفس السطر..
كتبت كلام أعوّج، أرجى الشين..
كتبت كلام سمح، أرجى السمح..
تعامل بالمثل ولا غير |
كلام ياسر ده انا ابصم عليهو بالعشرة...
والمنبر ده الشعار الرسمي بتاعي فيهو غايتو
(كتابة عدس ---ردود عدس)...
زول يحترم روحو ويتعامل من الناس بتقدير مرحب والف مرحب..
زول عامل فيها مجنون وككو قهاوي وعاوز يمارس استهبال اسفيري ويمشي حاجاتو علي حساب حقوق الاخريين
ويمارس حقارات ياخد كاش ويقلل معاه النقاش...(وخلي الكيبورد صاحي) ..
وشوفو لينا خانة في الرابطة دي يا وليد..
| |
|
|
|
|
|
|
|
|
|
Re: اتحاد نساء المنبر ومناصريهم (Re: اساسي)
|
مرحب اساسي
| Quote: وليد !! دا شنو دا البتسوي فيهو دا |
معترض على تكتل النساء في المنبر ومناصريهم
واعطاء الفسحة للمرأة في المنبر ان تشتم او تهامز او تطاعن من تشاء
وان شتموها او هامزوها او طاعنوها القيامة تقوم
مكيال المنبر يفترض ان يكون واحد
اي اعتراض !
| |
|
|
|
|
|
|
|
|
|
Re: اتحاد نساء المنبر ومناصريهم (Re: عبدالكريم الامين احمد)
|
وليد سلامات
والله يا وليد ..لو داير الجد مرات المواضيع بتأخد أكتر من حجمها وانا شخصيا "بتخلع" جدا جدا ..وده
مرات كتيرة بحصل من جانب الطرفين ..، ومرات في ناس بحلو ليها فكرة تأجيج الصراع وبختو الطرف
المعني في حتة ما يعلم بيها إلا الله ..غايتو انا من أنصار انو الشخص يدافع عن نفسو (رجل ، إمرأة ) ،
ويعالج الموضوع وفق رؤيته وشخصيته ..، ولو الزول ما معني شخصيا بالموضوع او بطريقة ما ،الأفضل ـ من
وجهة نظري ـ يكون متفرج ،يعني الفكرة ما انا عايز أقول كلام والسلام ..لانو انا شخصية وعندي كلام ..،
المهم لم تقول حاجة يكون عندها معنى تخدم بيها فكرة ، او تعزز بيها قناعة ، ولو ما مقتنع تبعد ،أو
ما قادر تفتي أحسن تسكت ، التطرف ما حبابو ، والصراع على أساس "الجندر" طول الخط ما بيخدم قضايا
المراة ..، لكن مرات في حاجات مهم تثبت .
.............................
وخلينا نحلم بمكان يحتملك أنت والآخر
| |
|
|
|
|
|
|
|
|
|
Re: اتحاد نساء المنبر ومناصريهم (Re: داليا حافظ)
|
مرحب داليا
| Quote: لكن مرات في حاجات مهم تثبت . |
الابتعاد عن الخصوصيات والنقاس حول العموميات
بطباعنا السودانية الشكل لابد منه
لو خليناه شكل في العموميات بكون احسن
لحدي ما نعرف نتناقش بدون شكل
| |
|
|
|
|
|
|
|
|
|
Re: اتحاد نساء المنبر ومناصريهم (Re: شول اشوانق دينق)
|
سلام يا شفت
انتا كان سمك فاير مع بعض "النسوان" حقو تحددن و تشوف موضوعك معاهن شنو بدل التعميمات دى.
Quote: كون اتحاد مؤخرا للدفاع عن النساء في المنبر يحق طبقا لهذا الاتحاد للنساء
ان يشتمن
يتريقن
يطاعن
يلاكزن |
من هن اللى شتمن و اتريقن و طاعنن و لاكزن ? و متى و أين .
عشان ما يبقي الكلام مطلوق ساكت و يشمل كل من تدافع عن كرامتها و حقها المساوى للرجال في الحياة و الاحترام.
| Quote: انادي بتحالف رجالي ( ظلامي ) ضد تسلط النساء في المنبر |
ياخى بالغت , التحالف ده موجود و قائم و شغال في المنبر ده ليهو سنوات , و بره المنبر عنده دول و احزاب و منظمات و مليارات و يمتد من اقصي اليمين الاسلامى مرورآ بعدة انواع من الوسط و يصل حتى اقصي اليمين المسيحي و اليهودى واليمين الساكت كده و بعض اليسار باسماءه و اطيافه المتعددة
حتيتة البراح البلقنو قلة من النساء في الانترنت و حتات تانية مستكترنها عليهن
و يا شفت ما تتحمس ساكت .... الكلام ده ما بشبهك ... اقراهو تانى بي رواقة
| |
|
|
|
|
|
|
|
|
|
Re: اتحاد نساء المنبر ومناصريهم (Re: esam gabralla)
|
مرحب عصام
اخبارك والعيال
| Quote: انتا كان سمك فاير مع بعض "النسوان" حقو تحددن و تشوف موضوعك معاهن شنو بدل التعميمات دى. |
ما عندي نسوان محددات سمي فاير عليهن يا عصام
ووكت يكون عندي بالتاكيد بباشرن بذلك وبكون عندي اسبابي
| Quote: حتيتة البراح البلقنو قلة من النساء في الانترنت و حتات تانية مستكترنها عليهن |
يا عصام البراح اللاقنو النسوان في الانترنت بعضهن يستخدمنه بصورة غلط
يا عصام النفس واحده راجل كانت ام مره
النفس تتضايق وتزعل وتحزن ويحيق فيها النبذ والاساءات
| Quote: و يا شفت ما تتحمس ساكت .... الكلام ده ما بشبهك ... اقراهو تانى بي رواقة |
والله ما متحسس يا عصام
Quote: من هن اللى شتمن و اتريقن و طاعنن و لاكزن ? و متى و أين .
عشان ما يبقي الكلام مطلوق ساكت و يشمل كل من تدافع عن كرامتها و حقها المساوى للرجال في الحياة و الاحترام. |
تيسير في بوست ود الباوقة
سكت النا وهلل لاساءتها اليه
وهاج البورد وماج عندما اسيئ اليها
ده خيار وفقوس يا عصام
يا اما معاملة حسن ونقاش موضوعي من الجميع
او يتحمل الجميع خلاف ذلك
ود الباوقة عندما تعدي على عزاز قلناها ليه صريحة
تيسير تعدت على ود الباوقة الناس صفقت ليها
نتاج التعدي ده كانت - حسب اعتقادي - ردت فعل مضادة
الناس هاجت
!!!!!!!!!!!!!!!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
العاوزين بورد معافي ما فيه نبذ
ما ينابذوا الناس
هذا مع احترامي التام لتيسير وود الباوقة
واختلافي معاهم الاتنين
| |
|
|
|
|
|
|
|
|
 Re: اتحاد نساء المنبر ومناصريهم (Re: خالد عبد الله محمود)
|
Quote: يا شول
والله الشوق بالكراتين |
كراتين منقة ولّ اناناس عشان ما يتلخبت الكيزان اووووبس قصدى الكيمان
هاهاها
| Quote: بدنيك الثقافية يا حبه |
ده الفالحين فيهو من زمان يا حبه يعنى بقت على رابطتكم الوليدة؟ قرقرقرقر (اضربو فى مية)
Quote: لكن ماليه مافي ليك لمن نعرف قروش بترولكم في الاول وديتوها وين
هاهاهاهاهاهاهاهاهاهاهاهاهاهاها |
يا زول ما تجيب لينا الهوا ساى ... شن عرفنى بقروش البترول ياخ؟ إلا يا مرسى القروش كلتها بتتحسب إزااااااااااى؟
شوق كميات يا الشفت
| |
|
|
|
|
|
|
|
|
|
Re: اتحاد نساء المنبر ومناصريهم (Re: شول اشوانق دينق)
|
| Quote: كراتين منقة ولّ اناناس عشان ما يتلخبت الكيزان اووووبس قصدى الكيمان |
ايوااااااااااا
كويس بلم فيك
| Quote: يا زول ما تجيب لينا الهوا ساى ... شن عرفنى بقروش البترول ياخ؟ إلا يا مرسى القروش كلتها بتتحسب إزااااااااااى؟ |
حنكني يا معلم .. حنكني
__________________________________
اخبارك ان شاء الله 100%
| |
|
|
|
|
|
|
|
|
|
Re: اتحاد نساء المنبر ومناصريهم (Re: شول اشوانق دينق)
|
يا ولد يا شفت ,,, والله خفت منك
لكن برضو بطالعك قابلني في صينية
ود ارو بجيب معاي فلانة وفلانة
وفلانة والله يوروك المكشم بلا بصل
والله يا وليد كنت قايل زعلك في
الكورة بس , اتاريك خرخار في
كل حاجة ,, يا اخي النسوان ديل
ما من ضلوعنا ما تزعلوهم,,,,
محبتي
| |
|
|
|
|
|
|
|
|
|
Re: اتحاد نساء المنبر ومناصريهم (Re: سيف الدولة كامل)
|
ياوليد
مافي اتحاد ولا حاجة كل الشغلانة حددو العشرة مقاعد الامامية للنسوان وفي بعض الرجال بيتنازلو لي كراسيهم للنساء يعني من الكرسي الحداشر وانت راجع حسب القانون عندهم عشرة مقاعد لكن العادات والعرف والاحترام مابيخلو واحدة تكون واقفة في نفس الوقت في واحدين بيركبوا بالباب القدام لمارب اخرى من شاكلة ابيوز ومن .
بعدين في واحد بالغلط ركب بالباب القدام مع انو زول محترم اها الحروم قاموا ليك فيهو مع انو هن قاعدين في مقاعد رجال وماراضين زول يركب بالباب بتاعهم غايتو باص الثورة بالنص ده ربنو يوصلوا بالسلامة
تحياتي
زاتووووو
| |
|
|
|
|
|
|
|
|
|
Re: اتحاد نساء المنبر ومناصريهم (Re: ALZOLZATOO)
|
يا زاتو
| Quote: بعدين في واحد بالغلط ركب بالباب القدام مع انو زول محترم اها الحروم قاموا ليك فيهو مع انو هن قاعدين في مقاعد رجال وماراضين زول يركب بالباب بتاعهم غايتو باص الثورة بالنص ده ربنو يوصلوا بالسلامة |
هاهاهاهاهاهاهاهاهاها
هاهاهاهاهاهاها
بصل يا معلم .. بصل
لكن لحدي ما يصل بغشى قسم البوليس كم مرة
| |
|
|
|
|
|
|
|
|
|
Re: اتحاد نساء المنبر ومناصريهم (Re: فدوى الشريف)
|
نتعامل مع الكاتب كإسم يكتب
كشح خير نكشِّحو بالخيرات
كب قرف يدنقِر و يلحس قرفو و يتخارج
يقول لي لالالالا الجندرة
حقوق المرأة
المساواة
لمن يجي شغل المساواة الفيهو درِش
المخالب تبقى أظافر مطلية منكير
دة كلللللللللللللللو كوم و الطبّالين كوم تاني
ناس شوفونية الواو الضكر أمام نون النسوة
| |
|
|
|
|
|
|
| |
وليد محمد المبارك
Shams eldin Alsanosi
دينا خالد
AnwarKing
Yassir Tayfour
lana mahdi
عبدالكريم الامين احمد
اساسي
داليا حافظ
SHIBKA
شول اشوانق دينق
خالد عبد الله محمود
سيف الدولة كامل
ALZOLZATOO
فدوى الشريف
عماد الشبلي
فيس بوك
تويتر
انستقرام
يوتيوب
بنتيريست