|
للأسف ... تسببت(نورة) في فسخ خطوبة أحدهم !!!
|
عندي صديق لي من ضمن الناس القدروا يتحصلوا علي رقم هاتفي من البورد وهو علي فكرة من خارج المضارب يعني بتاوق من برة برة لكن بعرف الكتير من البورداب وعندوا رأي في الكثير من الكتابات بتحفني بيها في الأيميل كل ما سنحت ظروفوا أول مرة أتصل علي قال لي أنت يا حبيب نورة أسمك الحقيقي منو؟ قلت ليه ليه ؟ قال لي غير أني بحبك عايز أسيف الرقم في الموبايل بي أسمك الحقيقي قمت وريتوا الأسم لكن قلت ليه ما تسجلوا بيه قال لي خلاص مافي مشكلة قلت ليه واللا أقول ليك سيفوا بي نورة وصادف أنو الصديق دة كان خاطب بنوتة غيورة للغاية علي طول المشاكل بيناتهم تتلخص في دي منو ودي سلمت عليها لي شنو؟ ودي منو الرسلت ليك الرسالة دي وصعبت معاه المسائل شوية المهم يوم كدة قاعدة بتفتش في الموبايل لقت ليك أسم نورة والجن ركب في رأسها قامت علي طول أتصلت انا كنت طالع أقدم شباب كدة كانوا في زيارتي وسمعت الجرس لكن طلبت من أخت كدة أنها ترد وتقول الزول دة طلع صاحبتنا لمن سمعت الصوت النسائي هاجت وماجت وعملت مشكلة لي رب السما مع صديقي المسكين دة المهم القصة وصلت لي طريق مسدود وفي لحظة غضب رمي ليها دبلة الخطوبة وقطع العلاقة ورسل لي أيميل يخبرني فيه بالحصل !!!!!
|
|
|
|
|
|
|
|
Re: للأسف ... تسببت(نورة) في فسخ خطوبة أحدهم !!! (Re: حبيب نورة)
|
عارف ياحبيب دي واحدى من بركاتك النورانيه ممكن صاحبك يمشى عليه كلام رب ضارة نافعه لانه لازم يقيف شويه مع نفسه ويراجع حسابته قدر مايكون الحب عظيم وكبير السلوكيات الزي دي بتهدمه وبعدين ح يكون دخل في شبك اكبر ممكن دي تكون كويسه ليه وهي لو جد بتحبه صدقني بتراجع موقفه منه وترجع ليه
| |
|
|
|
|
|
|
Re: للأسف ... تسببت(نورة) في فسخ خطوبة أحدهم !!! (Re: عفاف أبو حريرة)
|
ام أحمد
تسلمي والله
Quote: عارف ياحبيب دي واحدى من بركاتك النورانيه ممكن صاحبك يمشى عليه كلام رب ضارة نافعه |
والله زي ما قلت فعلاً المساعي جارية لرأب الصدع وفي الحقيقة زي ما قلتي الكلام الحصل دة قد يكون تصحيحي أكثر من كونوا بأثر علي مسار العلاقة ذات التأثير السالب
Quote: وهي لو جد بتحبه صدقني بتراجع موقفه منه وترجع ليه |
| |
|
|
|
|
|
|
Re: للأسف ... تسببت(نورة) في فسخ خطوبة أحدهم !!! (Re: عفاف أبو حريرة)
|
ما مشكلة ..انا وفي مغامرة من مغامراتي البائسة سابقا وفي مشهد غرامي (حلوه مشهد دي) البت لي 5 شهور بعرفها وعلاقتنا عسل على شاي ساده ( ما بحب اللبن) لكن الليلة ديك بالذات شيكتني كفاية يا انور نمشي يا انور خلاص يا انور ___ تصدق لهسع ما سالتها انور دا منو الى ان فرج الله كربتها وكربتي وافترقنا .. يعني فرقت على نوره ..
...... من لم يكن نوره او انور فاليرمها بالطلاق البائن
| |
|
|
|
|
|
|
Re: للأسف ... تسببت(نورة) في فسخ خطوبة أحدهم !!! (Re: عبد المنعم سليمان)
|
منعم
لوووول زكرتني نكتة حمادة دي تحكيها لي بنت سكنت داخلية حاول تستعين بتقنية المسينجر وخلي زول يحكيها ليك السترة والفضيحة متباريات يا عمك
Quote: تصدق لهسع ما سالتها انور دا منو الى ان فرج الله كربتها وكربتي وافترقنا .. يعني فرقت على نوره ..
...... من لم يكن نوره او انور فاليرمها بالطلاق البائن |
لكن يا عمك طلعت خراب عامرة
ياخي ما تقول حاجة تصلح الحال !
| |
|
|
|
|
|
|
Re: للأسف ... تسببت(نورة) في فسخ خطوبة أحدهم !!! (Re: حبيب نورة)
|
الفضيحة والسترة كنورة و انور او العكس .. فلا تجعلكم (فسخة) البنت لخطوبتها بسبب نورة الا تعدلوا فاعدلوا ..
___ تصدق قبل فترة حصلت لي نفس المشكلة عاوز (اتظارف) واقول لواحده اسمها سعاد.. بانت سعاد قلت ليها بالت سعاد ..
__ احكي ليك بالماسنجر قصة المراه النسايه ول ما في داعي يا حبيب ههه
| |
|
|
|
|
|
|
Re: للأسف ... تسببت(نورة) في فسخ خطوبة أحدهم !!! (Re: حامد محمد حامد)
|
أوّلاً بالتبادي .. وقبل كل حاجة ... عايزين نثبّت إنو البجي من (نورة) كلو بنقبل بيهو.
لكن هنا يا عمّك ....
Quote: وسمعت الجرس لكن طلبت من أخت كدة أنها ترد وتقول الزول دة طلع |
لقيتك بتاع مشاكل .. وقصدّت تحبك الحكاية ..
غايتو الله يجيب العواقب سليمة .. بس أوع تقول لي نورة تتوسط في الموضوع .. بتجوبكو ليكم.
_______ صحي .. إنت إسمك الحقيقي منو؟ (لزوم الإحتياط)
| |
|
|
|
|
|
|
Re: للأسف ... تسببت(نورة) في فسخ خطوبة أحدهم !!! (Re: Muna Khugali)
|
أستاذة مني
Quote: ده كلام صح ميه في الميه.. والحاجه دي اصلها ما مشيه لقدام..
بركه الخليت أختك ترد علي التلفون..
|
ودة ما بنفي أن شعرت بالحرج الشديد لكن برضو الموضوع بحتاج لي أكتر من رأي يعني انا متحفظ كتير في مداخلاتي خوفاً علي مستقبل العلاقة ويهمني انو المياه ترجع لمجاريها
ولو مؤقتاً!!!!
وبعد داك يحلها الشربكا
| |
|
|
|
|
|
|
Re: للأسف ... تسببت(نورة) في فسخ خطوبة أحدهم !!! (Re: محمد أبوالعزائم أبوالريش)
|
أبو الريش ياخي انا لحدي هسة مخلوع وأكتر حاجة عزبتني رنة الحزن الكانت باينة في صوت .... حسيت أني زي الأرتكبت لي جريمة في حق علاقة مع أنو انا و كتيرين شايفين أنها محطة مهمة علي الأقل يقدروا مع بعض يصححوا الأوضاع دي دة في حالة رجعوا لي بعض و أتمني ذلك
Quote: صحي .. إنت إسمك الحقيقي منو؟ (لزوم الإحتياط |
أكت نورة الماسورة!!
| |
|
|
|
|
|
|
Re: للأسف ... تسببت(نورة) في فسخ خطوبة أحدهم !!! (Re: حبيب نورة)
|
حبيب نورة
والله انا ما عندي حيل و عمر اتحمل بيهو اي فركشة جديدة ... بالعربي كدا انا بلعب في الزمن بدل الضايع و برضوا الشابة اللطيفة دي بتلعب في بدل الضايع لكن احسن منها خطيبة صحبتك دي .... يا خي انا اتصل علي امي ما تتخيل الصرصرة و الحال ... بعد انتهي طوالي تضرب الرقم تلقاهو امي و هاك يا رشاقة خالتو انشاء الله كويسة؟ والله واحشني؟ خفة شديدة.... يعني لو لقيت اي اسم اخرو تاء مربوطة انا اتربطت .... رجاء يا ابو نورا لو داير معاي علاقة خاصة ما تكون فيها نورا دي
| |
|
|
|
|
|
|
Re: للأسف ... تسببت(نورة) في فسخ خطوبة أحدهم !!! (Re: حافظ حسن ابراهيم)
|
حافظ يا جميل علي اليمين كلامك دة في ناس بزوغوا منو عديل كدة
Quote: والله انا ما عندي حيل و عمر اتحمل بيهو اي فركشة جديدة ... بالعربي كدا انا بلعب في الزمن بدل الضايع و برضوا الشابة اللطيفة دي بتلعب في بدل الضايع لكن احسن منها خطيبة صحبتك دي .... يا خي انا اتصل علي امي ما تتخيل الصرصرة و الحال ... بعد انتهي طوالي تضرب الرقم تلقاهو امي و هاك يا رشاقة خالتو انشاء الله كويسة؟ والله واحشني؟ |
انت يعني قاعد تعاني من الجهاز الأستخباري والسي آي أيه بتاعك مهنيتوا عاليه جداً لكن أخير ليك تمش جمب الحيط علي الأقل تضمن أنك تبقي علي قيد الحلم!
Quote: يعني لو لقيت اي اسم اخرو تاء مربوطة انا اتربطت .... رجاء يا ابو نورا لو داير معاي علاقة خاصة ما تكون فيها نورا دي
|
خلاس ثمح سجلني بي نور الدين!!
| |
|
|
|
|
|
|
Re: للأسف ... تسببت(نورة) في فسخ خطوبة أحدهم !!! (Re: حبيب نورة)
|
Quote: لكن الليلة ديك بالذات شبكتني كفاية يا انور نمشي يا انور خلاص يا انور ___ تصدق لهسع ما سالتها انور دا منو الى ان فرج الله كربتها وكربتي وافترقنا .. يعني فرقت على نوره .. |
التحية ليك يا منعم و انت شمعة تحترق من أجل ان يعم النور
حبيب نورا و انور - هي اقصد منعم . . . يديكم الف عافية و ينورا عليكم دنيا و آخرة
| |
|
|
|
|
|
|
Re: للأسف ... تسببت(نورة) في فسخ خطوبة أحدهم !!! (Re: حبيب نورة)
|
حبيبو يا اسما يفركش الخطوبات
رغما عن ذلك والله مشتاقون ولى وحشة لبعض من التلوث ( البيئى)من تلك المدينة الخانقة وهى القاهرة
كما وانى فى شوق الى صديقى الذى غاب عنى كثيرا صابر بياع الفل سابقا والمهندس حاليا( ترى انت عامل ايه يا صابر)
ياخى ابحث عنه خلال الاسابيع القادمة بيكون اجز من الجامعة واكيد حيرجع لمهنته القديمة ولو فى الصيف فقط
ابحث عنه فوق كويرى الجيزة وذلك عند المساء اما بالنهار فاكيد حتلقاه على الكورنيش امام التلفزيون
مرة صابر قال لى ( الصعيدى وقع فى المية وطفح ليه؟)
ليه ..دة انا ؟
قال عشان لوح
طبعا ضحكت ..واستدركت قائلا ياخى طيب انا ما صعيدى فرد صابر على الفور دول اجدع ناس
حبيب نورة صابر دة نموذج لازم تقابله واشتر لى منه كل الفل اللى بيبيعه اصلوا وحش اوى
ياخى كلامى دة كله ما ليه علاقة بالبوست ...بس معليش واسف للازعاج
| |
|
|
|
|
|
|
Re: للأسف ... تسببت(نورة) في فسخ خطوبة أحدهم !!! (Re: حامد محمد حامد)
|
حامد أزيك والله انا برضو مشتاق ليك سألت منك بهاء كتير وما قدرت أتصل عليك (العتب علي الفلس) لكن صاحبك ذاتو جاتوا أعراض عصامية محتاج ليك لي شهر عشان تشوفوا ــ المهم الخبر أنا صابر دة بقي صاحبي صابر بن أم صابر أيناك!؟ حبيبتي بتسأل السؤال دة كل خمسة صفحات
ــ كن بخير وشكرن كتيرن!
| |
|
|
|
|
|
|
Re: للأسف ... تسببت(نورة) في فسخ خطوبة أحدهم !!! (Re: حبيب نورة)
|
نورا التي شغفت بها حبا تكون اليوم هي معول الحب.. شفيق يا راجل:) تعرف يا حبيب نورة.. امر فسخ الخطوبة يبدو انه كان واقع واقع وان لم يكن اليوم فسيكون غدا وان لم تكن انت السبب فسيكون غيرك امنياتي بان يتحسن الوضع ويقل عنك الحرج على الأقل حتى تعود نورة.. حبيبة الكل
سلامات يا حبيب نورة
| |
|
|
|
|
|
|
Re: للأسف ... تسببت(نورة) في فسخ خطوبة أحدهم !!! (Re: حبيب نورة)
|
Quote: بحمد الله المشكلة أتحلت جاتني رسالة قبل كم ساعة كدة تؤكد نجاح المفاوضات
الحمد لله |
الحمد لله انه عادت المياه الي مجاريها ونرجو ان تكون درسا استفاد منه الطرفان وكل من تشابه معهم في الحاله الغيره شي غير الشك الغيره المعتدله دليل علي الحب الشديد اما الغيره العمياء فهي شك وظنون فقط
| |
|
|
|
|
|
|
Re: للأسف ... تسببت(نورة) في فسخ خطوبة أحدهم !!! (Re: حبيب نورة)
|
Quote: القيقرة علي اليمين الزول دة بتونس ساهي جانا عجبتوا الونسة قال يدينا خشم خشمين
وما شفنا منو التكتح |
يا حبيبو بيجو دا سيبك منو ياخ الزول دا طلع بتاع حركات خلي باب مسنجرك متاكأ
هناية الغناية قالت شنو ؟ جاياك يا اب شرا جاية افتو معاك يا اب شرا
وظلت ترددها حتى الصباح ، فكفت عن الكلام المباح
اما انت فخليك متوهط كدا كما انت ما تقطع رحم الفال . . . خليه مشرع ظن
لكن كيفتني الشراكة الذكية بتاعتنا دي ياخ اها الخاين الله يخونو . . .
شريك و حلوقك عديل هنا يا جماعة تعالوا نتبرع لي حبيب نورة ..!!
فيفتي فيفتي يا عمك . . . سمح ؟
| |
|
|
|
|
|
|
|