رجاء خاص يا ود الباوقة ( عمر محمد عبد القادر )

Quote: يا اخي العزيز الباوقة جنتنا التي تجمعنا جميعا بمختلف افكارنا و انتمائاتنا السياسية وبكل بيوتاتها واجب علينا احترام خيارات بعضنا فقط الا تتعدى هذه الخيارات على حقوق الاخرين ... انا شخصيا احترم خيارك بالانضمام الى المؤتمر الوطني كغيرك من اعضاء ما بعد الفتح .... كذلك اطالبك باحترام خياري بالانضمام الى حزب الامة انا كمعارض لنظام المؤتمر الوطني يسيئني جدا ان تتخذ من اسم منطقتي يوسرا تنشر به افكارك السياسية ومحاولاتك ايصال صوتك لرئاسة الجمهورية بان هنالك شخص يحب البشير او غيره هذا لا يهمني .. لكن يهمني جدا الا تعكس ذلك باسم المنطقة ... وانت تعلم انني وغيري من ابناء الباوقة نلنا عضوية هذا المنبر قبلك باعوام وكان بالامكان ان نكتب بهذا الاسم .. ولكن لان الباوقة لنا ولسوانا من ابنائها لم نفكر في هذا حتى لا نخدش حقوقهم ومشاعرهم اذا اختلفنا يوما ما ... ان تكتب باسم عمر عبد القادر افضل الف مرة من تكتب باسم ود الباوقة رجائي الخاص بان تغير اسمك من اسم ( منطقتنا ) الى اسمك الحقيقي فتراب الباوقة يجمعنا جميعا ولكن المؤتمر الوطني لا يجمعنا بل يغرق بلدنا ويشرد اهلها بعد ان عطش نخيلها وخضارها ... رجاء خاص جدا يا عمر اتمنى الاستجابة

Quote: سلاميا ود العمدة بالفهم دة يبقى الهيئة القومية للإتصالات عليها أن تقوم فوراً بحجب سودانيز أون لاين لأنها تحمل إسم كل السودانيين الأون لاين و ما كلهم هناو يجبروا بكري أبوبكر يسميهو أي حاجة تانية مثلاً (فِرد بكري أون لاين) أو ما شابه. و أي زول كاتب في إسمو كلمة سودان زي ود السودان أو نيو سودان أو بت السودان يجي يشيل إسم السودان من إسمو لأنو ما حقو براهو ، و أي واحد مسمي نفسو زول أو الزول أو يضعها في إسم مركب يفك لينا التركيبة دي لأنو زول دي حقتنا كلللللنا و بالنسبة لي أنا أي زول بيكتب باسم الشايقي يجي يشيل الصفة دي من إسمو و يكتب بإسمو الحقيقي لأنه لا يُمثِّل كل القبيلة ، و أي زول من عايلة العمدة لو جا و كتب هنا مفروض يجي و يمنعك من وضع اسم العائلة لأنك لا تُمثِّل إلا نفسك ، و كمان ممكن لو أخوك شقيقك جا كتب هنا يمنعك من كتابة إسمك الثاني لأنك لا تُمثِّل إلا إسمك الأول بحسب ذات المفهوم.

Quote: انا يتخيل لي في فرق بين الانتماء السياسي والانتماء للوطن يعني مثلا انا ممكن انتمي لحزب الامة لكن ما ممكن اقول حزب الامة دا حق كل السودانيين لا في ناس تانين انتمائهم السياسي لغير الحزب سودانيز اون لاين لو اعلن بكري ابو بكر انها تابعة او احد مؤسسات حزب سياسي معين لطالينا بحذف الاسم فورا لانه ليس كل السودانين ينتمون لحزب سياسي معين الفهم دا فقط عند عضوية المؤتمر الوطني بيفتكرو انو كل السودان مؤتمر وطني ودا ما صحيح ولا حقيقة ..

إنت بكلامك دة كأنما إختزلت سودانيز أون لاين في السياسة و بس
مش برضو عندها بعدها الإجتماعي و الوطني أي الإنتماء لوطن إسمه السودان دون مزايدات سياسية
طيب مش ود الباوقة بالإسم دة برضو مشارك إجتماعياً ووطنياً!!!؟
ليه إنت بتفتكر إنو من خلال إسمو دة ممكن يمرر فقط أجندة سياسية!!؟
هي حياتنا دي كلللللللللللللللها سياسةو بس !!!؟
يبدو إنك قد عركتك السياسة و أصبحت تتنفسها و تنظرها حية تتقمّص كل شيء و تتلبّسه و دة أنا ما معاك فيهو

مع التحايا و الإحترام