|
|
|
 Re: صقريتي مع فخامة المشير البشير تعادل عشرين رحلة سياحية بين جبال الالب السويسرية ...... (Re: حيدر حسن ميرغني)
|
Quote: منزل فخامة المشير عمر حسن احمد البشير بدعوة كريمة من فخامته
لتناول طعام العشاء |
عمر إزيك
برضو جمبري؟؟
غايتو انا لما خليت السودان لو وديت لي الناس جمبري بيفتكروه جراد.
في عشاكم ونطيطكم ده إن شاء الله انت وعمر - القدامك داك - اتذكرتوا الاطفال النايمين بي جوعهم في معسكرات النازحين في دارفور؟
بعدين على الجنبة كدة - طالما انت مشيت مؤتمر الإعلاميين - كدة النسأل في كم صحفي صحفي حضروا المؤتمر..وفي كم (ما) صحفي و(لا ليهو) علاقة بالصحافة..حتى إن شاء الله زلط..حضر المؤتمر؟
| |
 
|
|
|
|
|
|
|
|
Re: صقريتي مع فخامة المشير البشير تعادل عشرين رحلة سياحية بين جبال الالب السويسرية ...... (Re: ahmed haneen)
|
يا أحمد، البتعمل فيهو دا ما صاح
ياخي، للموت حرمة، و ينبغي أن تراعي مشاعر القراء و الزملاء المتسالمين ذوي القلب الرحيم، من أمثالي.
في بلاد العالم المتحضر حينما يريدون عرض صور أو مشاهد دموية، مثلما يفعلون هنا في نشرات الأخبار المنشورة عبر التلفزيونات الأمرييكية، ينبهون المتلقي مسبقا، فيقوم، مثلا، بإطفاء التلفزيون. طبعا طبيعة منابر النقاش تختلف، فالمساهمات الرئيسة و مداخلات الأعضاء الآخرين فيها لا تمر عبر مقص الرقيب ليبت فيها قبل إجازتها و من ثم نشرها. المؤلفون، " authors " في منتديات النقاش يتمتعون برقابة ذاتية، منحها أياهم صاحب منتدي النقاش الذي ينشرون به أفكارهم. و جل منتدياتت النقاش لديها لوائح
و قوانين مقيدة لحرية النشر بها. فليس ثمة شيئ إسمه حرية مطلقة حتي في أكثبر المجتمعات الإنسانية تحررا. للاسف الشديد، منتدي سودانيزاونلاين لا تحتوي لائحة نشره علي مادة تحرم الشي الذي فعلته ههنا.
أرجو أن تقوم فورا بحذف مداخلتك أعلاه، و بالعدم فأنني ألتمس للأخ بكري أن يقوم بحذفها و أن يضيف مادة ضمن قوانين المنبر المدرجة في كل ترويسة بصفحات المنبر العام تحطر صراحة نشر صور أو فيديوهات بها مواد دموية أو مخلة بالآداب المرعية.
طارق الفزاري
ود زينب
| |
|
|
|
|
|
|
|
|
|
Re: صقريتي مع فخامة المشير البشير تعادل عشرين رحلة سياحية بين جبال الالب السويسرية ...... (Re: Mohamed Suleiman)
|
الشايقي ..
شايفك متضايق ولكن اخونا محمد سليمان اكثر ضيقا منك ..
تعال يا محمد سليمان المزعلك لي الدرجة دي شنو ..
يا اخي البشير دا رئيسي وابن بلدي ومعجب بيهو ..ومن حقي اصقر معاه حتى مطلع الفجر.
هس انت لو شفناك بترقص في الروك اند اروك وحاضن بربارة كلنتون او سيدك بوش . والله
ما بنزعل مسالة عادية وان شاء الله ربنا يرزقكم ..
بعدين ماذا قدمت انت للمواطن الدارفوري غير انك تسلقت وطيا على جماجمه واشلائه
لتنال لجوءا لا يسمن ولا يغني من جوع .
بعدين اقعد في واطاة الله دي وخت الرحمن في قلبك ..
نسيت اقول ليك في دورة مستعجلة لتعليم فنون ( الصقرية ) لا تفوت فرصة التقديم لها ..
لانو عندي احساس بانو الرئيس اوبامبا سيختمها ( بصقرية ) عطفا على العروض السياسية
التي يبشر بهاويقدمها الان للعالم العربي والدول المستضعفة ..
| |
|
|
|
|
|
|
|
|
|
Re: صقريتي مع فخامة المشير البشير تعادل عشرين رحلة سياحية بين جبال الالب السويسرية ...... (Re: ود الباوقة)
|
Quote: انتا صحي ياود الباوقة زول كونتراكتر ورجل اعمال
الوداك مؤتمر إعلاميين شنو؟؟
|
صباحات الغناء المسالم على الجميع وللجميع
السؤال ده محتاج لاجابة يا ودالباوقة
فى بوست الرافضه والتعساء ما لقيت اجابة لكل الاسئلة الى طرحتها تحديدا
فارجو ان يجد اخونا دكين اجابة, فالاجابة له تكفى, ارجو ان تفعل.
{تمساح جزيرة اب كرد
دابى السار الرسى}هذه المخلوقات جميلة وتحافظ معنا على التوازن البيئى
ومن حقنا عليها ان نغنى لها سلاما وتسامحا
فياجماعة الخير اخونا ود الباوقة ماجاب الغنا من عندو
ولا اخونا السيدح جاب سوط العنج اب قطران من عندو
ثقافة العنف دى متأصلة فى ثقافاتنا
وفى غنانا
وفى اعلامنا وكل ده نتاج سياساتنا من الاستقلال لحدى الليلة
لكن الاعلامى دوره غربلة الثقافة دى اسوة مع المثقف العضوى
اها يا اخونا خلونا نستفيد ونرصد الغنا العنيف بتاعنا
ونفكر سوى كيف نقلب البنية الاقتصادية فى السودان
وعليه يمكن تتغير تراكيب حاجات كتيرة
اولها الغنا
محتاجين غنا سمح
غنا ضد العنف
ومع السلام
------
احمد حنين سلامات وكيفنك
الصورة صادمة ومؤذية, بتأذينا نحنا فى الاول
لانو لو المقصود الجانى فهو يعرف ومشاهدتها امر عادى لاى جانى
ما حا اقول ليك احذفها لكن حبيت اقول بس وجهة نظر
احترامى ومودتى لك
| |
|
|
|
|
|
|
|
|
|
Re: صقريتي مع فخامة المشير البشير تعادل عشرين رحلة سياحية بين جبال الالب السويسرية ...... (Re: هشام آدم)
|
الأديب هشام
كيفنك والكتابات المتأملة
| Quote: "إنتو بي صحّكم، دايرين تعرفوا الودّا ودّ الباوقة ده المؤتمر شنو؟" |
عنى لا يهمنى ودالباوقة فى شخصه
اريد فقط ان اثبت ان هذا الملتقى محشود {بعضوية المؤتمر الوطنى} وهذا ينفى ان الملتقى
خاص فعلا بناس المهنة.. وان غياب الرؤية المؤسسة من الضفة الاخرى لعب دورا كبيرا مش فى الملتقى ده وبس
فى اس ازمة السودان عموما..
وده بيتفق مع تحليل بعض مقريتو ليك فى واحد من البوستات الخاصة بالملتقى
| |
|
|
|
|
|
|
|
|
|
Re: صقريتي مع فخامة المشير البشير تعادل عشرين رحلة سياحية بين جبال الالب السويسرية ...... (Re: هشام آدم)
|
Quote: خصيمك النبي يا إشراقة .. كلامك السمح الفوق ده ما مُثبت حتى قبل قيام المؤتمر أصلاً؟ أو حتى بدون قيامه على الإطلاق؟
ياخي أمانة الوعي ده ما سيّد الأخلاق |
وبما انى لا اؤمن بالثوابت يا هشام واؤمن بالمتغير
بقول مثبت قبل قيام الملتقى حتى..
ولكن الثابت ممكن يتغير, {رغم ماقريتو ليك من رأى فى بوستات ذات صلة احبطنى, لانى حسيت كمتلقية لماكتبت
انو مافى فايدة}
رغم انو اغلب ماتكتب ياهشام وخاصة فى الفترة الاخيرة بعتبرو محرضا على التفكير
والتأمل وكونو كتابات زول واحد بتعمل كدى فطبيعى تكون الكتابات المماثلة بتؤدى الى ذات درب رومانا التى نحلم...
انت فى رأيك حسع نسكت ومانقول؟
وبالتالى توقف انت برضو بعض من هواء طرى من خلال ماتكتب؟
لانو ببساطة مافى فايدة؟!!
------
جملتك الاخيرة مافهمت داير تقول بيها شنو
الخاصة بالوعى وسيادتو على الاخلاق
| |
|
|
|
|
|
|
|
|
|
Re: صقريتي مع فخامة المشير البشير تعادل عشرين رحلة سياحية بين جبال الالب السويسرية ...... (Re: Ishraga Mustafa)
|
تمساح جزاير الكرد بي تقضي الغرض
مامتلك ولد
غني وشكريه يم وريداً حز
بحر الاتبراوي الساقي الرجال بالنز
العشاما بتجيك انت ليهن حد
غرضي اما انقضى اخلي دار جعل تنهز
غني وشكري يم ضميراً فوم
بحر الاتبراوي الشقق جبال الروم
من قومت الجهل ما قدل بي لوم
في بربر هناك ابو البشير مفهوم
غني وشكري ياشمعة القنديل
من قومت الجهل ماهو التليفه عوير
الاسد ان نتر طارد النمر والفيل
عرش يا اب كريق على دا البماثلو قليل
وبس
التعساء يمتنعون من التفاعل والهاشمية والرجولة السودانية .
الكلام للتعساء وليس للتعيسات ده حديث رجال
| |
|
|
|
|
|
|
|
|
|
Re: صقريتي مع فخامة المشير البشير تعادل عشرين رحلة سياحية بين جبال الالب السويسرية ...... (Re: ismeil abbas)
|
| Quote: {الحرية لنا ولسوانا} |
شكراً يا إشراقة أيتها المرأة الواعية ، من الملاحظة وبكثرة أن معظم دعاة الحرية والديمقراطية ووو الخ هم أول من ينكثون ، حلال عليهم وحرام على غيرهم .
فيا أخوان شئتم أم أبيتم سيحب ود الباوقة الريس ولا يحق له أن يعترضكم إن رقصتم الروك أند ورول أو إن شاء الله الـ SLOWLY حتى مع حامد كرازززززززززززززي زاتو .
بس حقيقة يا ود الباوقة من العنوان ما أستوعبت معنى الصقرية ( نحن ناس رطانة ساكت) ومن خلال الأسطر عرفت أنها رقصة .
| |
|
|
|
|
|
|
|
|
|
Re: صقريتي مع فخامة المشير البشير تعادل عشرين رحلة سياحية بين جبال الالب السويسرية ...... (Re: Tabaldina)
|
دكتورة: إشراقة مصطفى
ياخ تُشكري على رأيك في كتاباتي، وأكيد بعتز برأيك وأيّ نقد يجيني منك
بتتكلّمي عن الثابت الممكن يتغيّر، وأنا (باستخدام المنطق الدلالي) بقول: في حالتنا دي متغيّر الثابت ثابت أصلاً، لأنو أيّ عدد مهما كبر "متغيّر" لو انضرب في صفر "ثابت"، فأكيد بيدينا نتيجة واحدة "ثابتة" ياها زاتا الصفر، يبقى بعد داك، محاولاتنا لإثبات متغيّر هذا الثابت (لأنو طرف معادلتو متغيّر) هي محاولة عقيمة وغير ثورية. ومتغيّر الكيزان ده هو ثابت معكوس المعادل الإنساني والوطني، وهو ثابت الثوابت، لأنو أساس الثابت ده (في رأيي) هو ثابت زاتو؛ بنفس فهم (ليس بعد الكفر ذنب).
أنا أكيد ما بروّج للتراخي النضالي أبداً؛ بل على العكس تماماً، أنا شايف إنو محاولات إثبات الثابت هي هدر للطاقات النضالية، وتقزيم لدورنا في "تغيير" الوضع عبر آليات أكثر جدية من مجرّد إثبات ما هو ثابت. ولأن الوضع: سواء على مستوى إعلامي/إنساني/اقتصادي/سياسي لن يتغيّر إلا بزوال المانع، فيجب إنو نتخيّر الأدوات المناسبة لهذا الصراع. ولا كيف؟
إثبات فساد الكيزان وتآمرهم ومحاولات كشف عوراتهم (المفضوحة أصلاً)، لن يُؤدي إلا إلى نتيجة واحدة وهي مجّرد فضح فساد الكيزان (وهي بالتأكيد النتيجة المتوافقة مع آلية الفضح). فهل إحنا –فعلاً- دايرين نفضحهم وخلاص؟ وهل الفضيحة دي وإثبات الثابت ده وسيلة ولا هدف؟ إذا كان هدفنا هو إزالة موانع الديمقراطية وموانع إحلال الوضع الإنساني: حريات/كرامات/حقوق/معيشة/مواطنة .... إلخ وهو إسقاط النظام، فيبقى لازم نستخدم الآلية المناسبة لهذا الهدف، وهو بالضرورة ليس مجرّد الفضح.
في حوار تاني مع أخوي حدير الزين قلتَ إنو التزامنا بهذه السياسة (سياسة الفضح والتعرية) بيخلينا دائماً نبقى في وضعية المُعارض، والمعارضة –في الحقيقة- هي وسيلة وليست غاية في حدّ ذاتا، في حين إنو الغاية هي انتزاع السُلطة، أو اقتساما.
أما عن جملتي الأخيرة (سيادة الوعي على الأخلاق) فأنا قاصد أقول إنو الشخص الواعي هو الذي يتعامل مع الأشياء (بناءً على هذا الوعي) بطريقة أخلاقية. لأني شايف إنو السُخرية والاستهزاء والتريقة من الآخر (حتى وإن اختلفنا معه) هو عمل غير أخلاقي.
_______
أتمنى أعرف ياتو كلام من كلامي أصابك بالإحباط
| |
|
|
|
|
|
|
|
|
|
Re: صقريتي مع فخامة المشير البشير تعادل عشرين رحلة سياحية بين جبال الالب السويسرية ...... (Re: هشام آدم)
|
Quote: أنا أكيد ما بروّج للتراخي النضالي أبداً؛ بل على العكس تماماً، أنا شايف إنو محاولات إثبات الثابت هي هدر للطاقات النضالية، وتقزيم لدورنا في "تغيير" الوضع عبر آليات أكثر جدية من مجرّد إثبات ما هو ثابت. ولأن الوضع: سواء على مستوى إعلامي/إنساني/اقتصادي/سياسي لن يتغيّر إلا بزوال المانع، فيجب إنو نتخيّر الأدوات المناسبة لهذا الصراع. ولا كيف؟
إثبات فساد الكيزان وتآمرهم ومحاولات كشف عوراتهم (المفضوحة أصلاً)، لن يُؤدي إلا إلى نتيجة واحدة وهي مجّرد فضح فساد الكيزان (وهي بالتأكيد النتيجة المتوافقة مع آلية الفضح). فهل إحنا –فعلاً- دايرين نفضحهم وخلاص؟ وهل الفضيحة دي وإثبات الثابت ده وسيلة ولا هدف؟ إذا كان هدفنا هو إزالة موانع الديمقراطية وموانع إحلال الوضع الإنساني: حريات/كرامات/حقوق/معيشة/مواطنة .... إلخ وهو إسقاط النظام، فيبقى لازم نستخدم الآلية المناسبة لهذا الهدف، وهو بالضرورة ليس مجرّد الفضح.
في حوار تاني مع أخوي حدير الزين قلتَ إنو التزامنا بهذه السياسة (سياسة الفضح والتعرية) بيخلينا دائماً نبقى في وضعية المُعارض، والمعارضة –في الحقيقة- هي وسيلة وليست غاية في حدّ ذاتا، في حين إنو الغاية هي انتزاع السُلطة، أو اقتساما.
أما عن جملتي الأخيرة (سيادة الوعي على الأخلاق) فأنا قاصد أقول إنو الشخص الواعي هو الذي يتعامل مع الأشياء (بناءً على هذا الوعي) بطريقة أخلاقية. لأني شايف إنو السُخرية والاستهزاء والتريقة من الآخر (حتى وإن اختلفنا معه) هو عمل غير أخلاقي |
سلامات ياهشام
اتفق مع مجمل ماكتبته هنا..
وبرجع ليهو بعد ما اخلص الكتابة اللى فى يدى من قترة عن {نحن والآخر} وبكرك على الاضافه اعلاه فى موضوع
شاغلنى على المستوى الفكرى والمنهجى
| Quote: أتمنى أعرف ياتو كلام من كلامي أصابك بالإحباط |
الكلام فى احدى مداخلاتك هنا, بجيبها ليك, بس محتاجة وقت خاة انو البوست ده بقى خمسة طوابق ومافيها
راكوابة واحدة نقعد فيها سوا على ضلها ونشرب قهوة وطن متسامح ومتصالح معانا كلنا بمختلف توجهاتنا وتنوعنا
الكلام كان معناهو ياهشام انو مافى فايدة او على الاقل ده اللى وصلنى كمتلقية.. انو الناس عارفاهم يبقى خلاص..
الناس تمشى {للفيل} ذاتو..
وواحدة من وسائل مواجهتة انو مانكتفى بطعن ضلو
المهم الاقتباس اعلاها وضح وجهة نظرك وازال بعض ما التبس علىّ
-------
مسكبن الفيل اللى نهتو امثالنا قبل ماتنهيهو البناية اللى قامت على انقاض بيتو
فى حديقة الحيوانات
| |
|
|
|
|
|
|
|
|
|
Re: صقريتي مع فخامة المشير البشير تعادل عشرين رحلة سياحية بين جبال الالب السويسرية ...... (Re: Tabaldina)
|
عزيزة يا بنت الرجال
وردت كلمة صقرية في مسرحية البامسيكة ( صقر الشكرية )
بعد ما غدر بيه ود نايل وأجتمعوا عليه وكتفوه وعذبوه بالنار
يقول ودنايل:
دحين جربت الكي
بفكك لو تقول أحي..
يقول البامسيكة:
لو سمعن بنات الحي
يقولن جرسو واحداً أضينة وني..
كتالكم غدر وكتال الرجال صقرية
أماتكم خدم من الجبال مشرية..
والصقرية هي مرحلة أخيرة من مرحلة المنازلة بالسيوف وذلك بعد أن يتسارع النزال بالسيف والدرقة ويلقي أحد الفرسان بالدرقة ويراود الآخر بالسيف ويستجيب الخصم كذلك برمي الدرقة ومجابهة السيف بالسيف ( أخوك يا ريا أخوك وقت الخيول يدبكن - أخوك يا ريا أخوك وقت السيوف يشبكن - أنا كم بكيت رجال وكم قشيت دموع الببكن ( من مسرحية طه وريا)
بعد مرحلة اشتباك السيف لا بد من سقوط طرف من الأطراف وشبهت بالصقرية لأنا اشتباك الصقور الجارحة عبارة عن مجابهة رأسية قوية لا بد أن يسقط فيها أحد الأطراف )..
ويمكنك تتخيلي صقرية العمرين
والقول مسنون على تمساح الجزائر ( النعمان ود قمر ) التي أغرقت جزائره بفعلهم
| |
|
|
|
|
|
|
|
|
|
Re: صقريتي مع فخامة المشير البشير تعادل عشرين رحلة سياحية بين جبال الالب السويسرية ...... (Re: المسافر)
|
Quote: يقول ودنايل:
دحين جربت الكي
بفكك لو تقول أحي..
يقول البامسيكة:
لو سمعن بنات الحي
يقولن جرسو واحداً أضينة وني..
كتالكم غدر وكتال الرجال صقرية
أماتكم خدم من الجبال مشرية..
والصقرية هي مرحلة أخيرة من مرحلة المنازلة بالسيوف وذلك بعد أن يتسارع النزال بالسيف والدرقة ويلقي أحد الفرسان بالدرقة ويراود الآخر بالسيف ويستجيب الخصم كذلك برمي الدرقة ومجابهة السيف بالسيف ( أخوك يا ريا أخوك وقت الخيول يدبكن - أخوك يا ريا أخوك وقت السيوف يشبكن - أنا كم بكيت رجال وكم قشيت دموع الببكن ( من مسرحية طه وريا)
بعد مرحلة اشتباك السيف لا بد من سقوط طرف من الأطراف وشبهت بالصقرية لأنا اشتباك الصقور الجارحة عبارة عن مجابهة رأسية قوية لا بد أن يسقط فيها أحد الأطراف )..
|
شكرا يالمسافر لانى فعلا مغروضة فى الكلام اللى كتبتو هنا
اها ده واحد من ارثنا
حرب ساااااى
| |
|
|
|
|
|
|
|
|
|
ود الباوقة (Re: ismeil abbas)
|
| Quote: أوجه الشبه بين صقرية ودالباوقة مع الرئيس وبين جبال ألألب السويسرية....كلهم بطيروا ليهم...... |
ود الباوقة حمد لله على السلامة ..
بعيدا عن الصقرية .. انت راجل شهم والله ..
| |
|
|
|
|
|
|
|
|
|
Re: ود الباوقة (Re: Deng)
|
عمر الفاروق....
| Quote: والله عارفو يوم اسود اللي خلّى عمران يعزمنا في يوم واحد بس استحمل ياخ الى عودة المفقودات.. |
أسود على...يا عمر....كرهتنى الصحبة..ومعنى الصداقة...خليتنى أحس بغتامة الكلمات الجميلة دى...ياعمران عليك الله اعزمنى تانى ومعاى الشلة..معتصم..وتمبس..وعبدالله داش..وصلاح شتات..
وجيب معاك مفقودات عمر...وضابط بوليس..ونحرر محضر يفك الشبكة دى...كرهتنا البلى..والدافورى فى الخور...
والله ياعمر إنت زول لذيذ..لكن بعض مرات كده....خليها لما تجينى...........
يا عمران قبل يوم عزومتك كنت سعيد....الله يجازيك....
خالص تقديرى وأحترامى.................إسماعيل محمد احمد عباس...
| |
|
|
|
|
|
|
|
|
 Re: ود الباوقة (Re: ismeil abbas)
|
| Quote: ياعمران عليك الله اعزمنى تانى ومعاى الشلة..معتصم..وتمبس..وعبدالله داش..وصلاح شتات.. |
باللاي شوفو الخيانات دي
وأنا وحميدة مافي لينا طريقة؟
| |
|
|
|
|
|
|
|
|
|
Re: ود الباوقة (Re: انعام حيمورة)
|
المهم ..
تواصلت الصقرية والمسافة التي تفصل بيني وبين القائد الرمز ( مقابلة ) يمكن حسابها بالسنتمترات او اقل قليلا ..
الصقرية اذهبت عني (رهبة ) لقاء مواطن عادي برئيس استثنائي . وساعتها مر من امامي شريط به كل دول العالم وامام كل دولة رئبسها او اي من مسؤوليها حتى ولو كان ( فنطوطا )
قلت في نفسي ايتجرأ اي مواطن من تلك الدول التي مرت امامي الاقتراب من رئيسه او نائبه مسافة 100 متر
هذه خاصية سودانية ( بشيرية ) ماركة مسجلة شعارها ( التواضع ) والزهد فيه وحب الناس . ومن هنا كانت
محبة الله لقائدنا عمر البشير.
اذا اردت معرفة محبة الله لك فانظر كيف يحبك الاخرين . فكــل ما زادت محبتهم لك ازدادت محبتك عند الله سبحانه تعالى ورفعك بها درجات عنده ..
نواصل ...
| |
|
|
|
|
|
|
|
|
|
Re: ود الباوقة (Re: ود الباوقة)
|
Quote: قلت في نفسي ايتجرأ اي مواطن من تلك الدول التي مرت امامي الاقتراب من رئيسه او نائبه مسافة 100 متر
هذه خاصية سودانية ( بشيرية ) ماركة مسجلة شعارها ( التواضع ) والزهد فيه وحب الناس |
مئة متر شنو يا ودالباوقة
فى بلاد جبال الالب ممكن تقعد معاهم عديييييييييييييييل فى محاضرة
وتنتقدهم وتقول رأيك ويسمعوك ويقولوا رأيهم
ممكن يفتحوا ليك برلمانهم وتقول نقدك ويسمعوك بعقل مفتوح
ويستفيدوا من ملاحظاتك ورؤيتك
ممكن تلقاهم فى مظاهرة سلمية وواقفين جنبك الكتف بالكتف
ناس عاديين زى وزيك
لافى صوت عنج بقطرانو
لا فى صقرية
ولا بتاع امن يغطس حجرك قبال ما تمّ كلامك
| |
|
|
|
|
|
|
|
|
|
Re: صقريتي مع فخامة المشير البشير تعادل عشرين رحلة سياحية بين جبال الالب السويسرية ...... (Re: عزاز شامي)
|
Quote: حسي فاضل لي امشي جبال الألب .. دي ما توصفوها لي
النبي ..!! دي إلا اشوفها شوف عين ...
|
ياعزاز ياختى
برلمانا ده ماعاجبك؟؟؟؟؟!!!!
برلمان موهط فى قلب جبال الالب وقديم قدم السنين والدنين
كدى عليك النبى شوفى اللوحات الى بتمجد لدور ناسهم الاوائل كيف
رجال ونساء, مافى وزير ثقافة زى {وزيرنا} القام زمان كسر {الاصنام} فى متحفنا {القومى..}
ثروة قومية تنتهى تحت مياه السد او يقوم وزير للثقافة والاعلام بتكسيرها..
برلمان تدخلو الصحافة عديل
وتمارس دورها
والوزير يتنازل عن وزراته تحت ضغوطها وانحيازا للمصلحة العامة
جبال الالب فى الانتظار
| |
|
|
|
|
|
|
|
|
|
Re: صقريتي مع فخامة المشير البشير تعادل عشرين رحلة سياحية بين جبال الالب السويسرية ...... (Re: Ishraga Mustafa)
|
Quote: عزاز قصري لسانك شوية, ما نكشف الورق
عندما ذهبت لإلقاء المحاضرة التاريخية في سويسرا عن المرأة النوبية
دفعت حق التذكرة من كيسك؟؟؟
تاني اصلوا ما بنخليكم تبرطعوا علي كيفكم في المنبر ده
كفاية مجاملات. |
دا شنو دا
يقصر لسانو كيف يعني
نعتبرها رجالة منك ولا شنو
لا ما حتقصر
قلت شنو ما بتخليها تبرطع
انتو بتجيوا الالفاظ من فين
يا السيدح
ما هكذا تورد الابل
الاخت عزاز عضوة بالمنبر وتتمتع بكامل الحقوق
وبلاش من
أيادي الهوس الديني والإرهاب ومحاولات إقصاء الآخر
أختي عزاز يا عزيزتي يا كنداكة يا نوبية خدي راحتك واتبرطعي ذي ما انت عايزه
ومحل الرهيفة التنقد
| |
|
|
|
|
|
|
|
|
|
Re: صقريتي مع فخامة المشير البشير تعادل عشرين رحلة سياحية بين جبال الالب السويسرية ...... (Re: ود الباوقة)
|
عزاز قصري لسانك شوية, ما نكشف الورق
عندما ذهبت لإلقاء المحاضرة التاريخية في سويسرا عن المرأة النوبية
دفعت حق التذكرة من كيسك؟؟؟
تاني اصلوا ما بنخليكم تبرطعوا علي كيفكم في المنبر ده
كفاية مجاملات.
عمو السيدح ... ما تشتت الكورة .. مالك سبت القون حقك داك و جيت هنا؟
في التلفوانت تتباكى للناس تقول ليهم وقفوها مني و هنا واقف للبطان ؟؟
يا راجل؟ ما عيب كده يا حفيد العباس؟
مشاركتي في مؤتمر فينا للتشبيك كان تمثيل لجمعية الصحفيين يا اللخو، و مذكور في كل وثائق الجمعية
و كشوفات المالية و الانجازات، تذكرتي كانت مدفوعة من الجمعية و الإقامة مدة المؤتمر كانت على حساب
الجمعية المنظمة و التي ترأسها الدكتور اشراقة عضو المنبر و الي صححت ليك المعلومة ،
مصاريف السفر و المشيت بيها هولندا كمان (ما شاء الله عين الحسود فيها عود)
كانت من حر مالي و من شقاي و عرق جبيني و كدحي .. دي كلمات طبعا بعيدة عليك و صعب تفهمها يا السيدح ...
و كشف الورق ده الحايم بيهو انت و صاحبك إلا ابلعكم ليهو بحبرو ما نشف،
وانا ما بتهدد يا اللخو لاني ما بانهب ولا بسرق ولا باكل مال حرام ...
لا باقبل عطايا لا باقبل هدايا وجيت الدنيا من اسرة مستورة حال
حبيت في برش و ما بخاف اقعد عليهو و يشيلو للدفن عليهو ما دام حق البرش حلال ...
تعال تاني قول لي كشف ورق،
و الله العظيم و رحمة أبوي تمرق من السعودية بالهدوم العليك، ولو مشيت السودان بتلاقي القدرك و اكبر منك
ووقت ما مشيت تفتش تشوف مشاركتي في مؤتمر فينا امشي فتش و اعرف انا منو و ممكن اعمل ليك شنو ...
وكلو متوثق وما كلام اسافير ساي ...
أقرى الكلام ده كويس و افهمو كويس علشان تاني ما بعيدو ليك و بتشوفو بيان بالعمل
و الفورة مليون هنا و هناك و محل ما الاقيك انت و حبالك،
و بلفها ليك في رقبتك و ادليك في السوق فرجة للبيسوى وما بيسوى
| |
|
|
|
|
|
|
|
|
|
Re: صقريتي مع فخامة المشير البشير تعادل عشرين رحلة سياحية بين جبال الالب السويسرية ...... (Re: Abd Alla Elhabib)
|
Quote: عزاز قصري لسانك شوية, ما نكشف الورق
عندما ذهبت لإلقاء المحاضرة التاريخية في سويسرا عن المرأة النوبية
دفعت حق التذكرة من كيسك؟؟؟
تاني اصلوا ما بنخليكم تبرطعوا علي كيفكم في المنبر ده
كفاية مجاملات. |
أخي السيدح
أرجو أن لا يكون الغضب قد أخذ منك بعضاً من صفاتك الجميلة التى تمشي بها حولنا .. فما عرفتك الا ذو خصال وأخلاق عالية رغم ما نختلف فيه من مواقف ،
وقد تفاجأت بما طفح به مدادك عن الأخت عزاز التى نربأ بها أن تكون شبهة لما ذكرت ،
ولهذا أطلب منك سحب هذا القول الذى لا يشبهكما.. فهو لا يسئ لكما بل يسئ لنا جميعاً.. فلنترفع عن الصغائر ولنعمل فكرنا فيما يفيد ..
وبخصوص ندوة فينا فكل ما ذكرته عزاز حولها سليماً ، اذ دفعت لها الجمعية ( حين كنت أميناً عاماً لها في تلك الفترة ) قيمة التذاكر وتكفلت هي بمصاريفها ونثرياتها.. وتم اجازة ذلك في خطاب ميزانية الدورة السابقة.
ولك مودتي
| |
|
|
|
|
|
|
| |
Al-Shaygi
Abd Alla Elhabib
فدوى الشريف
نزار باشري ابراهيم
Mohamad Shamseldin
Mohamed Suleiman
حيدر حسن ميرغني
ahmed haneen
المسافر
عبد المنعم سليمان
وليد الطيب قسم السيد
أحمد عبدالوهاب الأحمدى
wedzayneb
ريهان الريح الشاذلي
ismeil abbas
مزمل خيرى
عبد اللطيف السيدح
Ishraga Mustafa
هشام آدم
محمد على حسن
حذيفه ابراهيم الكباشي
عمر الفاروق
ولياب
انعام حيمورة
Deng
محمد عبد الماجد الصايم
محمد الشيخ أرباب
Rawia
عبدالكريم الامين احمد
خالد عبد الله محمود
نزار الحميدي
فيس بوك
تويتر
انستقرام
يوتيوب
بنتيريست