|
|
 جورج -- دى كفك ولا غيمة
|
محاولة "شبه يائسة" للم شمل الأشجار
للملمة ما تناثر من مداد، ما انسكب هنا، ذات صفاء، من حبر بهى
لإسترجاع ثلة الأقمار تلك
لينشروا فوق يباب الغياب، أبسطة الضوء المعطر
الملون بإلفة ومحبة ليس كمثلها شئ
محاولة لاستكتابهم ولو بما يتيسر من فرح عصى
بما سكن من حزن عميم
|
|
 
|
|
|
|
|
|
|
|
Re: جورج -- دى كفك ولا غيمة (Re: أبوذر بابكر)
|
جورج بنيوتى، أو الزول البحر
دى كفك ولا غيمه
تلمس الطين ينتشى
يبقى الكلام
روح التراب
تبقى الحروف
معنى الوئام
الفرحة تسرج صهوتا
ونجيك على خيل السلام
وعليك محبة وليك سلام
دى كفك ولا غيمه
ريدتك تقوم
وسط الصحاب
نيمه وسبيل
فى إيدو مرتاح الحلم
فى عيونو قيّلت الجروف
ويضحك الطين ينتشى
عارف براك
ما بسوى شى
ريدتك تبتق
زى تراتيل النخيل
كفك تكب
طهر الغنا
وتصدح هديل
تفرهد الدعوات منى
وتزغرد اللحظة وتشيل
ونغنى بى حسك "نشيل"
معناك والود النبيل
ودى كفك ولا غيمه
تضحك الروح تنتشى
جنحات كلامك تبقى عِينه
ضى الحروف خد الرتينه
ورقصة الحب الرزينه
بى نشوة الريد تنتنى
ترقص حداك وليك تميل
وعطر الألق
كل القصائد والمواويل الحنينه
شبال على كتفك يسيل
وكفك تكب
طهر الغنا
وتصدح هديل
والفرحة زى ضحكة عطر
بسمة أريج
مضاريه فى توب النِسيمه
ودى كفك ولا غيمه
وبى الفينا
بى كل التواشيح القديمه
و كل ريده بتسقى
عطش الشوق حنينا
نهديك ورده ريد وسيمه
وساعة نجى
تحضن الخطوه المشى
نبقى معنى ونبقى قيمه
نرقص مع الطين ننتشى
ونهديك وردة ريد وسيمه
| |
|
|
|
|
|
|
|
|
|
Re: جورج -- دى كفك ولا غيمة (Re: اساسي)
|
اساسى
كيف الحال
يا ليتنا عدنا أو عادت الأيام
وكلا الحالتين بالطبع
أقرب، بل اشد التصاقا بتلك المصفوفة اللئيمة
التى تبدأ بغول وتنتهى بخل وفى، تتوسطهما عنقاء خجول
فلا نحن سنعود ولا تلكم الأيام
وبكل الطرق طرقنا طريقنا
ولوجا إلى عوالم جميلة اضحت الآن أشد بعدا من السماء التاسعة
أحييك يا صديقى
والسلام لصاحبنا دكين حيثما كان
| |
|
|
|
|
|
|
|
|
|
Re: جورج -- دى كفك ولا غيمة (Re: أبوذر بابكر)
|
صافية هي قطراتك وكف جورج غيمتها ...
ليست عودة .. ولكنها قفزة إلي الأمام لتجاوز الصحاري التي سرنا فيها طويلاً ... القحط والجدب ليس سوي كفة ميزان ترينا مقدار الكفة الأخري ... الغيم والمطر ...
| |
|
|
|
|
|
|
|
|
|
Re: جورج -- دى كفك ولا غيمة (Re: Gafar Bashir)
|
كيف الحال يا جعفر
وعساك طيب وشديد
نحاول والله يا صاحبى، وباستماتة كمان، نشمم المحل شوية كلونيا من ريق الأحبة السمحين
يمكن يفيق وروحه ترد تانى ويرجع حى وجميل زى ما كان
ونحن برضه نحيا كمان ويعاود حبر المودة جريانه فى عروقنا اليبست
القحط والجدب زاد وعم الفجة، الدنيا بقت يباب وقفار موحشة بغيبة الغالين
ف
حى على الحياة
حى على الجمال
وإيدك معانا يا جعفر
| |
|
|
|
|
|
|
|
|
 Re: جورج -- دى كفك ولا غيمة (Re: أبوذر بابكر)
|
اخي الفاضل أبو ذر"المطر سابقا"
| Quote: لإسترجاع ثلة الأقمار تلك |
ياه و الله لو رجعتو تاني زي زمان؟
زي ما قال الاخ أساسي فوق
كان يا ما كان
المطر و جورج و سمريه وزياده عليكم شتات
أتابع بوستاتك بإستمرار من أيام المطر
تحيه ليكم كلكم
خالص مودتي
مها بشير
| |
|
|
|
|
|
|
|
|
|
Re: جورج -- دى كفك ولا غيمة (Re: Rawia)
|
سلام ...
لمن لايعرف الأخ أبوذر بابكر - THE RAIN
من أوائل رواد هذا العالم السايبيري ..خلوق ..شاعر متفرد ومن الطراز الحديث
لم يؤذي أحد ولو بكلمة ...مترجم متمرس ...من أوائل الشهادة الثانوية .....
حفظه الله ورعاه ...
التحية عبركم للاخوة المتداخلين وللذين هجروا هذا العالم السايبيري .
وتحية خاصة للأخ جورج بنيوتي ..
أتمن أن يعود ذلك الزمن الجميل
وعودة الذين هجروا المنابر ...
خالص تحياتي
| |
|
|
|
|
|
|
|
|
|
Re: جورج -- دى كفك ولا غيمة (Re: Ridhaa)
|
رضا
الزول الحبيب
إنت ذاتك وين ياخى ؟
ووين ايامك وأمنا الندية معاك
تعرف هسه الناس يسمعوك تقول الزول ده من الأوائل
يقولو القبة تحتها حاجات كويسة
أنا زول الله ساى ياخ، أمشى فى الأسواق وأعاقر المنابر واقعد فى سوق الناقة فى البنابر
شكرا ليك بدون حد يا رضا على حسن ظنك ومحبتك لينا
وليك زيها أضعاف اضعاف
والشكر آلاف زى ما بقول ود بادى
وبى لمتكم بتهب رياح المحبة ويعود للزمن طعمه وريحته الحلوة
وقول معاى
يا جووووووووووووووووووووورج
| |
|
|
|
|
|
|
|
|
|
Re: جورج -- دى كفك ولا غيمة (Re: فادية اليمني)
|
إزيك يا فادية
كيف الحال والأهل أجمعين
مشتاق أجى البلد والله وألاقيكم كلكم
عرفت من إجلال إنكم فى الخرطوم
عشان كده ما بشوفكم لما أجى
المنبر هنا يا فادية مرت عليه ايام مآخدة كتير جدا من جنان رضوان
حتى الشكل والكوراك كان عنده مذاق تانى
يمكن عشان الناس كانو شوية حبتين
لكين نحن ناس وِلف عاد نسوى شنو
والناس الآنسونا وولفنا عليهم كلهم فاتو خلونا يا حليلن
وإنتو برضه ناس معزتنا
وسلامى للناس كلهم
| |
|
|
|
|
|
|
|
|
|
Re: جورج -- دى كفك ولا غيمة (Re: Maha Bashir)
|
آلاف المراحب ليك وبيك يا مها
كيف الحال
بوجودكم وحضوركم المبهج
تحلو الأيام إن شاء الخالق
ويا حليل شتات السمح
كان بعدل مزاج الفصول
ويكب الروح فى شرايين الحقول
وسعيد أنا والله يا مها بمتابعتك
وليك تقدير وفير وإمتنان غزير
| |
|
|
|
|
|
|
|
|
|
Re: جورج -- دى كفك ولا غيمة (Re: أبوذر بابكر)
|
تعرف ياأبوذر صديقك ( م ) لمن قلت ليه أنا بعرف أبوذر
قال لي الزول دا ماهين ومعاها آهة عميقة لمن شهق ...
ولكن قال لي الكمال لله ....قال مهما تحدث لن يوفيك حقك ...
حفظكم الله من كل شر ....
ومعاك نقول ياجورج ...........
خالص تحياتي
| |
|
|
|
|
|
|
|
|
|
Re: جورج -- دى كفك ولا غيمة (Re: Ridhaa)
|
Quote: لها:-
" يا الطالع الشجره "
" جيب لي معاك بقره "
تحلب وتسقي الناس
من روعة الإحساس.
ثانيها:-
نزل لون الشمس في نيل
نزل لون القمر في وِشْ
وشوش شدر ليمونك العنبه
قعد ضلك على الكنبه
سحابك رشرش الحيشان
الجوك ملوك..
وانا من بعيد
في جاه ملوكك، جيت ألوكْ .
أما بعد:-
ناديها..
مرَّتْ من هنا..
رمَّتْ السلام..
ردالا ضلِكْ في القلب
حزمة مشاعرك
ملفوفة في خاطر " المطر "
صالح " صلاح "
متخومه ريد في سرتك
وحبلك السري الممدد
من عيونك لى عيونم..
فرحتك متغطغطه
دفيانة بى رقة فصولك.
+++
سين...و...استجبنا
الحَارَّه حارَتْ فينا
باعَتْ ، واشترينا
أصيل أصولِكْ
لوني الفرح الجديد
راقصي عمرك في صدورنا
وختي صدرك فوق عيونا
... أقعدي عافية، ح تستريحي.
+++
ناديها...
مرَّتْ من هناك
قالت: بجي..
مختومه في هذا الصباح بالأوسمه
+++
تاوَّقتِ؟
دُخلي ..
الحب دا ليكي
أدُخلي فينا: ح تستريحي.
وأما بعد:-
... يامن زرعتم/ن نبتكم هناوفرشتم/ن الأرض
زهرا ...
أحبكم..
وآتيكم |
ولا نزال في الانتظار
| |
|
|
|
|
|
|
|
|
|
Re: جورج -- دى كفك ولا غيمة (Re: محمد حسن العمدة)
|
الجميل أبا ذر
هكذا انت كغيمة فى عز الحر تتطل على هذا البورد وتنقلنا الى جو الود والعطر وسمح الكلام
بعد ان ملء البورد ركاكة وغث حديث وزبد طاف لا يكاد يذهب الا انه جفاء وخواء...
ننادى معك على جورج الغائب الحاضر فهو فى دواخلنا يوشوش لحنا دافئا ويحلق بنا فى سماوات النقاء
لنا عودة ان هو جاء او لا..
" فأت او لا تأت أو فافعل بقلبى ما تشاء " رحم الله العملاق الهادى ادم
| |
|
|
|
|
|
|
|
|
|
Re: جورج -- دى كفك ولا غيمة (Re: محمد حسن العمدة)
|
الجميل أبا ذر
هكذا انت كغيمة فى عز الحر تتطل على هذا البورد وتنقلنا الى جو الود والعطر وسمح الكلام
بعد ان ملء البورد ركاكة وغث حديث وزبد طاف لا يكاد يذهب الا انه جفاء وخواء...
ننادى معك على جورج الغائب الحاضر فهو فى دواخلنا يوشوش لحنا دافئا ويحلق بنا فى سماوات النقاء
لنا عودة ان هو جاء او لا..
" فأت او لا تأت أو فافعل بقلبى ما تشاء " رحم الله العملاق الهادى ادم
| |
|
|
|
|
|
|
|
|
|
Re: جورج -- دى كفك ولا غيمة (Re: Yahia Abd El Kareem)
|
Quote: وكفك تكب
طهر الغنا
وتصدح هديل
والفرحة زى ضحكة عطر
بسمة أريج
مضاريه فى توب النِسيمه |
يا الله اجمل ما قرأت
والله تعبت عيني من بهتان الحروف واضاني من صوت الصفادع
الدنيا كلها بقت نقا وشكل غير مؤسس ولا ليهو موضوع
وسط كل هذا الضجيج ده نقرأ ده كفك ولا غيمة ....شكرا يا ابا ذر
جورج ده الخلاني اجي المنبر ده قبل عضويتي فيهو وكنت بجد لما اقرى ليهو بتملى سماحة
سلام عليهو اين ما حل ......
يا ريت تعود لو طيف جميل
| |
|
|
|
|
|
|
|
|
|
Re: جورج -- دى كفك ولا غيمة (Re: منى على الحسن)
|
الكتابة بقت جميلة يا منى
بعد ما إنتى جيتى
وزادت جمال ونضار وطيب
كيف حالك
جورج سيد السماحة والسمحين
وأكيد حيجى ونعبى منه قرب موية الجمال
يروينا ويسعدنا بى كفه الغيمة
شكرا ليك يا منى
وليك كل التود والتقدير
| |
|
|
|
|
|
|
|
|
|
Re: جورج -- دى كفك ولا غيمة (Re: أبوذر بابكر)
|
Quote: فيا محمد الشيخ
لتدخل الآن الى حيث ينصب الإحتفاء، وتخير مقعدك، الذى سوف يعتمر الفرح وكامل النشوة، حين تأتيه، ولكن لا لتتفرج على عرس "جورج" وزفته الى مراتع السمو، ولكن
|
اباذر...
يا ايها المطر السعيد..
ها انا ذا مرة اخرى ادخل واحجز لنفسى مقعدا..
فى انتظار زخات هذه الغيمه الطيبه..
شتات..
شتاات...
شتاااات
شتااااااااااااااااااااااااااااااااااااااااااااااااااات...؟؟
لو تسمعنى ...
اجب.
| |
|
|
|
|
|
|
|
|
|
Re: جورج -- دى كفك ولا غيمة (Re: mohamed elshiekh)
|
أهلا بمحمد الشيخ
حللت سهلا ونهرا وترحابا
مقعدك ما يزال ينضح بأريج الإلفة
ويطفر منه رحيق حضورك الذى لا ينضب
وجميعنا فى انتظار تفتح الموسم الجورجى الخصيب
ليته يعود
أما عن ذلك الشتات الرحيب
فهو دونكم، فلتراودوه عن حبره المكين
"أنا روحى دى اتسلت معاهو والله يا محمد"
عله يعود أخضرا من جديد
لتسكن الخضرة فى مسامات الوقت هنا
| |
|
|
|
|
|
|
|
|
|
Re: جورج -- دى كفك ولا غيمة (Re: أبوذر بابكر)
|
Quote: شبال على كتفك يسيل
وكفك تكب
طهر الغنا
وتصدح هديل |
لمن فاتته القراءة نهدي هذا النص ، كله.
يا أباذر ، ما زلت عند رأيي إنو كلامك بيصحِّينا
من الخَدَر ويخدِّرنا تاني ويصحِينا.
قلت ليك بتعجبني العبارات غير المتوقعة
ترياق ضد العادية والمألوف
المألوف السمج
يسلم دم القلم وحبر الشرايين ذاتو
أكتب..
| |
|
|
|
|
|
|
| |
أبوذر بابكر
abuguta
اساسي
فادية اليمني
Rawia
Ridhaa
mohamed elshiekh
محمد المرتضى حامد
فيس بوك
تويتر
انستقرام
يوتيوب
بنتيريست