كتب الكاتب الفاتح جبرا المتوفرة بمعرض الدوحة
|
|
 من يتدخل معي بين المبدع (طارق الأمين) والفنان (صالحين ) ؟؟؟!!!
|
عفواً صديقيّ فإن نشعل شمعة بينكما خير من أن نلعن ظلام خصامكما ...
...
...
...
(طارق الامين) مبدع لا خلاف حوله ... أحسبه لا ينام حيث تؤرقه الأفكار الجميلة ... ويشتعل نشاطاً بكل الإتجاهات
...
...
...
بلاشك أن الجميع تابع الحملة المنظمة على ( طارق الامين) لغرض تصفيته فنياً حيث صب بعضهم جام ضغينتهم عليه , و إزداد (طارق الامين)أبداعاً بتعامله معهاحيث أشعت حكمته في إبتعاده عن الردود والمهاترات وتسامي على صغائر الأفعال ... ليثبت لنفسه قبل الآخرين أن شُعلة الإبداع عنده أكبر مما ظن الآخرون
...
...
...
وبقصد أو دونه وجد (محمد صالحين) نفسه بنصف دائرة الحملة ... حيث أفرغ غضبه على شقيقه بالإبداع (طارق الامين) ... و(طارق) هو الاخ الاكبر بحق وحقيقة لـ (صالحين) ... وهو ما أقرّ به الاخير بريبورتاج بصحيفة (آخر لحظة) بتاريخ اليوم 3/6/2009م حيث صرح بأن (طارق الأمين هو اخي الاكبر) وهو الامر الذي لمسناه بشكل العلاقة بينهما بالسابق ... وإن انسى لا أنسى إنزعاج (طارق الامين) حين دهست عربة (صالحين) أحدهم وهو ــ أي طارق الأمين ــ المحامي المعروف كان الاكثر إنزعاجاً فالقضية كانت حينهالم تكن قضية عادية ولكنها كانت قضية (صنوه) !!!... وبات (طارق الامين) حينها بقرب (صالحين) ريثما يتم إحضار أوراق العربة خاصته ... بات وهو يحتضنه ويبثه تطمينات كان (صالحين) بأشد الحوجة لها حينها ...
...
...
...
بتكرار الهجوم تعاظمت حكمة (طارق الامين) وإستخدم البعض (صالحين) عصاة ليضرب بها (طارق الامين) في أكثر المواضع إيلاماً ... مواضع (الخُوة) التي بينهما... وتحمل (طارق الامين) قدر طاقته , و حتى حين بلغ به الضيق من مضاضة ظلم ذوي القُربى لجأ بوعي يُشكر عليه إلى القضاء لينصفه ... توجه تلقاء أبواب العدالة بعد أن إفتقدها بين إخوته ... وهو أكثر حُزناً أن لا سبيل إلا إياها !!!
...
...
...
وسأعود بتفصيل شبه ممل للتلك العلاقة الجبل الذي يؤول الآن للإنهيار ... سأعود وأنا أنتظر إخوتي البورداب لنقود معاً حملتنا الأساس (حملة رأب الصدع) لعلاقة كنا ومازلنا وسنظل نعوّل عليها كثيراً ...
|
|
 
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: Ahmed musa)
|
الاخ احمد موسى
تحية طيبة ،
اشكر سعيك لاصلاح ذات البين ، و لكن يا عزيزى لسنا فى حاجة لمعرفة ادق التفاصيل عن سبب الخلاف
فهذا لا يفيد فى شئ ، و معا من اجل اصلاح ذات البين ، طبعا و بما انى زول يوتيوبى ، فممكن اقول ليك
انو كليب (كل زول بزوجة بتاعو) وجد نجاح منقطع النظير فى وجدان المشاهد العربى ، فمزيدا من هذا الابداع
و يا سلام على (كديس لندن) و حنكشتو
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: محمد الامين احمد)
|
Quote: و لكن يا عزيزى لسنا فى حاجة لمعرفة ادق التفاصيل عن سبب الخلاف
فهذا لا يفيد فى شئ |
اخي محمد الامين أحمد ... أنا أعتذر فأنا لم أقصد الإسترسال في التفاصيل إلا لتوضيح لما حدث
وذلك حتى تتكاتف جهودنا لتجسير هوة الخلاف بينهما خاصة بعد إنتبه الصديق (صالحين) لحجم الخطأ الذي إرتكبه بحق صديقه ... وهذا ليس رأيي ولكنه ما صرح به (صالحين) ...وهو أمر يُحمد له ويؤكد طيب نفسه ... وفعلاً فقد إنتجت هذه العلاقة كثير من الأعمال الراسخة بذهن المشاهد السوداني ونتمنى تحرك الجميع بإتجاه تحسين شكل العلاقة ... لنذهب حينها إلى منازلنا ونفتح التلفاز وننعم بما يقدمانه ...
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: Ahmed musa)
|
ما ألزمني بإفترا هذا البوست ... ريبورتاج كما أسلفت بصحيفة (آخر لحظة) عدد اليوم 3/6/2009م وفيه تحدث (محمد صالحين) عن (طارق الامين) وصرح بأن العلاقة بينهما((عسل)) ... وفيه وجه (صالحين) إعتذاراً مباشراً لـ (طارق) عما بدر منه وأرجعه للطبيعة البشرية
...
...
...
لفرط السعادة هاتفت (صالحين) مهنئاً بعودة المياه لمجاريها ... ولكني للأسف علمت منه أن الامر مازال بينهما كماهو ... حيث تدخل كثير من الإخوة بينهمالغرض إصلاح ذات بينهما ... وأن (صالحين) قد إعتذر صراحة عن كل ما بدر منه بحق (طارق الامين) ... ولجأ للصحافة لتأكيد ذلك الإعتذار وأنه يتمنى عودة المياه الإنسانية والفنية بينه و(طارق) برغم أن القضاء مازال ينظر في الخلاف بينهما !!!
...
...
...
لـ(طارق) آراء طيبة جداً عن (صالحين) ويحتفظ له بكثير من الأشياء الجميلة بينهما , ولكن ما تم كان اكبر ما يمكن تداركه بالبساطة التي نحلم بها ... فهواء (صالحين) الساخن لم يؤذي (طارق) وحده ... ولكن آذي قطاع إجتماعي وإنساني كبير يتمدد فيه (طارق) إنساناً ومبدعاً
...
...
...
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: Ahmed musa)
|
اذكر حين قدوم اول رمضان منذ الخلاف بينهما ظهرت اعمال الهيلا هوب خاليه من صالحين
استطيع وبكل جراءه ان اقول ان الاعمال تلك جاءت باهته وكان اختفاء صالحين له اثره الواضح
ليس هذا تقليلا من باقى اعضاء الفرقه او الوجوه الجديده لكن الهيلا هوب عباره عن بناء متكامل ودون شك طارق وصالحين جزء من اساس هذا البناء فتصور اختفاء احدى الاسس فجاءه ودون سابق انذار
اما صالحين ظهر تائه وهو يقدم اعمالا بعيده عن موهبته المعهوده .. اعمالا ظهر جليا فقدانها لمخرج ذكى يستفذ الموهبه فيتفجر البداع
الخلاف كما سمعته من صالحين ( تسجيل صوتى له فى حدى المواقع المهتمه جدا بالشمارات والفتن والمشاكل والفضائح ) خلاف مادى فقط
المشكله كلها حقى وحقك .. ونوع المشاكل من النوع ده بيتحل بسهوله لو تدخل الاجاويد فى الحال
ولكن يبدو ان هنالك من استطاب له الصيد فى المياه العكره فحال دون الاجاويد مما ادى لتفاقم الموضوع
والحمد لله بعد ان هداءت النفوس جاء اعتزار صالحين الواضح والصريح والعلنى عبر الصحف
فالنلتقط تلك البزره الحسنه فبل ما بكره صحيفه اخرى تلتقطتها وتزرعها فى ارض خراب من جديد ( وهم زو خبره فى ذلك)
ولا اخال طارق ممن يضربون بمثل تلك الاجاويد عرض الحائط .. ويقينى بانه سيسارع بالامساك بزمام الخط طالما ان هنالك اعتزار واضح
واقترح اعطاء عضويه للاخ صالحين هنا .. فانا اراه فى فى احدى المواقع تائه و غريب اليد واللون واللسان
فهل من مثنى
وفقكم الله
| |
|
|
|
|
|
|
|
|
 Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: ALazhary2)
|
الأخ المحترم أحمد
شكرآ جزيلآ لفتحك هذا البوست لأنه أمنية كثيرين
والخلافات الفنية شي عادي .. موجودة في كل مكان به فن (راقي) ..
وعالم الفن عادي به منافسة شريفة (وغير شريفة) وبه بعض حسد
ولكن هذا الثنائي المدهش لن يستطيع الإستغناء عن بعضهما البعض (وإن فعلو)
إذ يكمل كل منهما الآخر .. وهم يعلمون ذلك تمامآ
بس الواحد يقول الله ينعل الشيطان! وتوابعه من البشر  ..
و ..
سوف تصفو الليالي بعد كدرتها .. وكل دور اذا ماتم ينقلب
صالحين فنان موهوب ومتميز.
أثني وبشدة منحه جنسية سودانيز أونلاين دوت كم.
تحياتي وإحترامي لك ولهما
وربنا يجزيك خير
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: Hadeer Alzain)
|
سلام مولانا احمد موسي
رغم اهمية البوست في ترطيب الاجواء ,, الا ان هناك مداخلات متوقعه ستزيد الطين بله ,,,
ارجو الاسراع في التحرك علي الواقع ,, وما اقربها من مسافات ,, واعلم صدق استاذنا طارق وحبه لنا فلن يستعصي الامر علينا ,,,
نحن معك وننتظر رنه من جوالك ,,,
جاهزين يا عمك ,,,,
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: العوض المسلمي)
|
الاخ /احمد
سلامات
ويديك العافية
كتب الحبيب /العوض
| Quote: رغم اهمية البوست في ترطيب الاجواء ,, الا ان هناك مداخلات متوقعه ستزيد الطين بله ,,, |
وبكل اسف هذه واحدة.....
حيث اشتكي كل من الاعزاء محمد شيلا وحدباي
من معاملة طارق الامين لهم ولجميع من يعمل معه
مر الشكوي
واتهموه مباشرة بانه سبب هروب الجميع من الفرقة
وتشكيل عدة فرق خرجت من عباءة الهيلاهوب وذلك بسبب
سياسة الاستاذ طارق الديكتاتورية حسب قولهم
وهذا الكلام علي مسئوليتي الكاملة
فماهو رد الاخ طارق علي اتهامات اصدقاء الامس
مودتي
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: haroon diyab)
|
سلام يا احمد موسي..
بصراحة عندي شوية غباء صباحي ولعل جهلي بكثير مما يحدث في السودان هو سبب غبائي..
كما انني قد اصبحت في حالة غباء أكثر كلما قرأت السطور التي ترح أن طارق زعلان من صالحين وصالحين هو اخو طارق..
والسبب أن هناك أغنية راسيه في ذهني لاحد المنولوجات كانت تقول كلماتها..
عوضين ضرب حسب الله..
وحسب الله ضرب عوضين..
وجدت هذه الأغنيه تقفز وتمارس قفزاتها بين كلمات المشكله الجاده..
علي كل حال اتفق معك ان الفنان لا يستطيع ان يبدع في جو مشحون بالغضب او عدم صفاء النفس..
ومن شكل العلاقه القويه بينهما في السابق كما قرأت هنا..
فاننا نأمل أن يتصافا ويصارحا بعضهما بما يضايقهما..
فالوضع قطعا لا يرضيهما ولا يرضي جماهيرهما..وهذا مهم جدا ويجب ان يكون له اعتبار..
فالفنان ايضا ملك للجمهور..
وقد لا اعرف صالحين..لكني أعرف طارق وأراه قادر علي ان يحل هذه المشكل بصورة طيبة..
كيف حالك يا أحمد..
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: haroon diyab)
|
اول حاجة عايز اتاكد منها هل الهيلاهوب في الاساس فكرة طارق الامين ؟؟
تاني شي ما عارف كيف يتدخل معاك ناس من هنا وصالحين ما عضو هنا ؟؟
تالت شي والحق يقال انو صالحين في بداياتو كان مبدع ومهضوووم لكن وبكل صراحة صالحين اليوم صالحين ممل للحد البعيد تمثيله وبكل اسف بقا فيهو شي من (العوارة) وما عاد ذلك الصالحين الممكن تضحك معاهو..
محاولاته في تقديم اسكتشات غنائية وان كان الناس يتحدثوا عن انها كانت ناجحة فانا بعتقد انها كانت هزيلة ولو حاول من خلالها تقديم كبسولات ارشادية لكنها فقدت حد الاضحاك فخرجت عن النص الكوميدي ..
صالحين يصر على الغناء بصوته غير الجميل في كل الاسكيتشات بثورة واحدة ومكررة ..
طارق الامين يبدو جليا انو زول ديكتاتور بيحب نفسه ومنفعته الشخصية قبل كل الشي لكن مع ذلك بيقدم قصادها اعمال مضحكة وافكار جميلة بتخليك تتقاضى عن باقي حاجاتو الشخصية دي..
طارق الامين يبدو انو بيحاول جاهدا اكتشاف المواهب لكن على الموهبة المكتشفة ان تطيع طارق الامين يمين شمال وتبقا المنفعة مشتركة انا اكتشفتك وقدمتك للاضواء وانت اسمع كلامي وخليني استفيد ..
الكلام ده انا لا جايبو من زول لا عندي ليهو براهين لكن والله مننن عيون اب صلعة ده قاادر اقراها .. واكدتها لي جلساته في هارموني وهو بيحكي كيف انو اسامة قروشي لمن جاهو اوول مرة وكمان بقراها في الزول السميين ابو كرشة البيجيبو معاها يرقص ويغني في اسكتشاتو بحس بيهو زول مسكييييييييييييين ولو ما طارق الامين ده ما اظن في زول كان اكتشفه:)
طالما انو الجماعة ديل قالوا علاقاتهم برة سمنة على العسل فعليييكم الله خلوهو وما تتشربكو فيهم لانو السودانيين ديل غير ما يحمشو النيران ويعوسو الابري بي الحلو مر ما بيسوو شي..
طارق الامين وصالحين مرحلة انتهت وكل زول شاف طريقو طارق الامين نجح وصالحين فشل ودي حقيييقة ..
بالمناسبة في زول تااااني مزهجججججججني شديييييد وبالجد فقد الالق والابداع بتاعو وبرضو تحس بيهو زول ماااادي بقا مع انه مستقبله الكوميدي كان حباااابو لكن ما عارفو مالو بقا دمه تقيل !!!! الزول ده عبد السلام جلود !!!! بقا جنننو خيم رمضانية ونضارات سوود ومن ما بقا سمين فقد لمسة من شخصيته الكوميدية ..
تخريمة :
حاجة برررة النص كده انا والله في الدنيا دي ما كان بيضحكني زول زي الزول الاسمه عماد براااااكة تقريبا الكان مع ناس مجازفات اضافة لي ربيع طه ..
براكة ده اسه وين ؟؟ شكلو في هولندا مع ناس خدر ضيعوهو ساااي يكونو عملوها ليهو كلها فان باستن وفان بروكلن وفان جوخ ويكون بقا دمو تقيل زييهم كده :)
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: Hussein Mallasi)
|
Quote: جلود من اتعامل مع المرحوم محمود سراج في ذلك اللقاء
التلفزيوني بطريقة غير لائقة بقيت أشوفو عشرة عشرة. |
فعلا جلود يتعامل بسخف احيانا
حاضر ليه موقف سخيف في الحفل المقام لصالح علاج ابن الصديق عوض شكسبير قديما
الشباب الكان موجود ومتابع ومنظم للحفل
جا سيدنا جلود واتعامل معاهم بصورة سمجة جدا وطردهم من المسرح بصورة بايخة
من اليوم داك عرفت انو شخصية التمبرلي الكان بجسدها ما تمثيل منو
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: عمر الفاروق)
|
لا أدري كيف يمكن الصلح بين اثنين في منبر به أكثر من خمسة ألف عضو، ولا تستطيع فيه أنت
السيطرة على المداخلات السالبة، ويملك فيه أحد المتخاصميْن العضوية بينما لا يملكها الثاني؟
إن كان الغرض هو الصلح وجبر الخواطر، فكان يمكنك أن توجه الدعوة للمتخاصميْن وكذلك لأقرب
الأصدقاء المشتركين بينهما ثم تعرض المشكلة وتمنح الفرصة لكل منهما أن يقول ما عنده ثم
تبدأ مرحلة تقريب وجهات النظر والأجاويد والاعتذار ثم التصافي وعودة المياه إلى مجاريها...
لكن دعوتك هذه أشتم منها رائحة أخرى غير الصلح (مع احترامي الشديد لها ولك وعلمي التام
بأن بعض الظن إثم).
ودعني أسألك متى كانت الجودية والصلح بين الناس تحتاج إلى نفير وإعلان في الصحف اليومية؟
هذه دعوة أريد بها شيء آخر...
معليش يا أستاذ أحمد على الصراحة الشديدة...
نسأل الله أن يصفي نفوس الجميع..
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: العوض المسلمي)
|
| Quote: تالت شي والحق يقال انو صالحين في بداياتو كان مبدع ومهضوووم لكن وبكل صراحة صالحين اليوم صالحين ممل للحد البعيد تمثيله وبكل اسف بقا فيهو شي من (العوارة) وما عاد ذلك الصالحين الممكن تضحك معاهو.. |
الله يريحكـ يا عمر الفاروق ياخ والله العظيم زول غيركـ قاعد يريحني في البورد ده مافي !!
عمري ما هضمت صالحين ده ولا في بدايتو و لا في نهايتو , ياخ الزول ده ضيع على سهرة جميلة في النيل الأزرق كان هو أحد الضيوف فيها و بحاول بخفف دمو و يقوم من الكنبة و يقعد في الأرض و غايتو سخافة و عوارة ما ليها حد .... طوالي غيرت المحطة
الصديق أحمد موسي
الناس ديل واحد غلط و أعتذر والتاني قبل العذر تاني في شنو ؟؟ هل تقصد بعودة المياه لمجاريها تعاون فني يعني؟ أنا شخصياً افضل الهيلاهوب بدون صالحين ( راي شخصي ) ولو كانت الديكتاتورية تولد كل هذا الإبداع فمرحباً بطارق الأمين الديكاتاتور المبدع
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: خالد عبد الله محمود)
|
في هذا البوست كتب الاخ المحترم هارون دياب بوست اعلاني لحفل تجاري في الدوحه
طرب شديد وهجيج 1000 ممنوع دخول ناس الزوق الرفيع وكدا
وقد كان عنوان البوست غير صحيح اظلاقا حيث العنوان كان (نجوم الهيلاهوب يزينون سماء الدوحه) ولم يكن وقتها هنالك احد من الهيلاهوب في
الدوحه قدرت ان ثمه خظا لكني حين قرات البوست عرفت ان المقصود استخدام اسم الهيلاهوب للدعايه لحفل الدوحه
تابعت البوست بدون تعليق لاني عرفت ان بعض ممن كان معنا يريد استخدام اسم الهيلاهوب المعروف شيئا ما وفعلت ذلك تعاطفا وهوتصرف غير
دقيق مني حيث اتصل بي بعض من الاصدقاء والاسر بالدوحه بستفسرون عن غيابي عن تلك الرحله والتي لم اكن انا علي علم مسبق بها
ولما قال احد الاخوه البورداب عباره الهيلاهوب سابقا تدخلت وكتبت رايي في اسلوب الدعايه وهذا هو البوست
خلاصه الامر ياسيدي هارون انك استمعت الي اخرين لم ينالو مني الا كلاما طيبا وخيرا تجاههم وكل ذلك موجود بالبوست
اتصلت قبل قليل بالاخ محمد شيلا وقرات له ماكتبته انت هنا فاستنكر ونفي ان يكون قد فوض من يكتب باسمه وهو الان معي
وقد طلب مني رقم هاتفك ولم يجده عندي
ياسيدي الفاضل انت استمعت الي ونسه ربماو في مكان خاص ربما وانت الان تنتقل بها الي هذا المنبر وسافترض حسن النوايا
لكن لو علمت انك وربما بلا قصد فعلت نفس ماتفعله صحف الاثاره ومواقعها الاسفيريه وهو ما كان سببا في المشكلات التي
يحاول البعض حلها اما بالبوستات المفتوحه هنا او بالاعتذارات المقبوله
لم ارصد لك سببا مقنعا لالقاء هذا الحديث هنا وكانه السيف في موضع الندي
لم اتعود الرد علي زملائي ومعارقي عبر الصحف ولا المنابر الاسفيريه
واظن انني ساواصل هذا النهج وحتي ماذكرته انت هنا من ديكتاتوريه ووو لن يستفز مشاعري للخشونه تجاههم او تجاهك
وانا ياسيدي الفاضل استفدت كثيرا من الحملات المضاده هنا والفضل برجع للصحف الصفراء المنتشره في البلاد
لكن التزام وتوخي الحكمه ما استطعت يبقي اكبر بواعث الوفاء ورد جميل العشره الطويله ثم اني اعرف ما اصاب الناس
وما الت اليه التحولات الاجتماعيه القسريه في بلادنا او في هذا الجزء من الارض كما يقولون
لذلك يبقي شعاري مع الاصدقاء لا لرد القبح نعم لرد الجميل
قال الشاعر
ابراهيم صاحبي المتمم كيفي
ستره حالي في مالي ونسايا وضيفي
علينا ان نقنع انفسنا بان مايجري في زماننا الان يجري في نفس المكان المسمي السودان
وان تبدل الناس ومواقفهم لم يعد كارثه كما كان
لذا يؤسفني ان لا ارد علي اصدقاءك واصدقائي بالوكاله خيرا كان او شرا
صاحب البوست قال ليك في زول اعتذر في الجريده وهو مبسوط
تقول ليهو لا في زول نبذ في الدوحه؟
الزول القال الكلام اعتذر عنو
تقول لا جوطوها؟
اعتذر ان كنت قد تسببت ربما في افساد الدعايه الخاطئه للحفل
او سببت لمنظمي الاحتفال خسائر ما بقولي للحقيقه
شكري الجزيل
وتقبل احترامي لك ولهم
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: طارق الأمين)
|
Quote: الكلام ده انا لا جايبو من زول لا عندي ليهو براهين لكن والله مننن عيون اب صلعة ده قاادر اقراها ..
|
صاحبنا عمر الفابروك
شايفك بقيت فكي عديل كده
الذ حاجه نكون ماقابلت زول لكن تعمل عارفو زي جوع بطنك
عموما الشخصيه الانت مفصلا لي دي بدون نتلاقي حتي
لو عاجباك وراكبه في راسك اخير نخليها ليك كده عشان مانخرب عليك الرصه
لكن صدق انت الطلعت مسكين ومغشوش في صلعه وعيون في القرن الواحد وعشرين
اصحابي هنا كلهم ضحكو علي الشخصيه حقو بالجد تشتغل سينارست
لكن مع الدكتاتوريه دي لو عملت لي شعار زي داون طارق بيه تكون ماقصرت معاي
واهو تطور من مطرطش لي دكتاتوري
ودكتاتوري وين كمان في الفنون الله الله
انت يازول قايل الفنون دي فيهاامبراطوريات هوليوديه هنا
عموما مابخرب عليك مزاجك وقصتك
هيع
انا انضميت لقوافل الدكتاتوريين اذن
زميلنا في الدكتاتوريه هتلر وموسليني وعيدي امين
وعندك زميلنا صدام حسين الله يرحمو
اي خدمه عندك عند اي واحد منهم ماتتردد اتصل علي طوالي
عمر فاروق يافقري
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: طارق الأمين)
|
كما ارجو ايضا في هذا المكان ان اشكر للاخ محمد صالحين شجاعته واعبر له عن احترامي لهذه الشجاعه الصحفيه
واحترامي له ولموهبته ومساهماته الكبيره في رحله مجموعتنا الهيلاهوب الفنيه
هذا حديث واجب ختي نكون مجردين من اي اهواء
لكن في ظني وبكل صدق ان علي الاخ صالحين المواصله في درب الشجاعه والصدق هذا بابراء ذمتي الماليه من هضم حقوق ماليه تخصه
وابراء ذمتي الفنيه ايضا فيما قال انه استخدام لالحان او اعمال الغير
بهذا تكتمل عندي صوره صديقي واخي الاصغر واتاكد انه قد فلت تماما من سطوه الافاكين الذين تربصو بنا معا
واشكر لكل المتداخلين نواياهم الطيبه
وليس من المنطق ان تكون بين الناس خصومات دائمه خاصه في سكه الفنون
وخلافي لم ولن يكون شخصيا مع صالحين
بل اني مازلت معجبا به ومحبا له
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: طارق الأمين)
|
الحبيب الفنان الاستاذ/ طارق الامين
اجمل التحايا
واولا : كلي اسف لتأخير الرد المهم جدا
وذلك بسبب مشكلة في الكيبورد فلك العتبي حتي ترضي
ثانيا :
| Quote: ياسيدي الفاضل انت استمعت الي ونسه ربماو في مكان خاص ربما وانت الان تنتقل بها الي هذا المنبر وسافترض حسن النوايا |
والشهادة لله لقد وجدتك في هذا المكان من احسن الناس
خلقا واخلاقا في ردودك واجابتك وايضا مداخلاتك واعتقد
تداخلنا كثيرا مع بعضنا واذكر انني فتحت بوست باسمك.
المهم.....
تداخلي هنا كان كما اوردت سابقا بسبب مر الشكوي التي
استمعت اليها اكثر من مرة من الاخوة شيلا وحدباي ابان
زيارتهم الاخيرة للدوحة وقد ساءني ان تصل العلاقة بين
هذه المجموعة الرائعة الي طريق مسدود.....
لااريد ان ازيد ولكن وبما ان هذاالبوست كان بخصوص اصلاح ذات
البين بينك وصالحين فقد اعتبرتها فرصة لاصلاحها معهم ايضا.
عموما وللا همية الاخ شيلا صديق طفولة وابن حي وبمثابة الاخ
وتلفوني لاي استفسار 009745510689 مع امنياتي بعد سماع كلام
شيلا لك ان تكون الامور قد عادت الي وضعها الطبيعي وهذا هو
المهم بالنسبة لي .اذا حسن النوايا ليس موجود فقط ،لكنه
الهدف الاساسي والوحيد من المداخلة .
مرة اخري اخي الحبيب لك العتبي حتي ترضي .
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: مرتضى الكجم)
|
Quote: سلام أخي أحمد موسى .. تابعت ولا زلت أتابع الموضوع أعلاه في سودانيز أون لاين .. ارجو أن يوفقك الله في الصلح بين المبدعين طارق ، وصالحين .. يا أخي أنا سوداني مقيم في أمريكا ، ولي علاقة بالدراما بحكم دراستي هنا التي شارفت على الإنتهاء .. أبحث عن البريد الإلكتروني للأخ طارق الأمين .. أرجو أن تستأذن الأخ طارق في إعطائي البريد الإلكتروني الخاص به .. أو تبعث له بنسخة من هذه الرسالة .. معليش أنحنا السودانيين الواحد يكون ما بعرفك ، ويدخل فيك شمال طوالي .. لك العتبى .
محمد
|
رسالة جائتني عبر الإيميل ... وسلام خاص لمحمد هارون وخش يا حبيب بدون إستئذان إيميلاتنا وقلوبنا مفتوحة ليك وتوقع على الإيميل عنوان الأخ طارق الذي يسعد دوماً بزيادة الأصدقاء
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: haroon diyab)
|
Quote: وبكل اسف هذه واحدة.....
حيث اشتكي كل من الاعزاء محمد شيلا وحدباي
من معاملة طارق الامين لهم ولجميع من يعمل معه
مر الشكوي
واتهموه مباشرة بانه سبب هروب الجميع من الفرقة
وتشكيل عدة فرق خرجت من عباءة الهيلاهوب وذلك بسبب
سياسة الاستاذ طارق الديكتاتورية حسب قولهم
|
عليك الله يا هارون دياب كلامك ده هســـع يلايقوا كيف ؟؟؟!!!
وإنت دافع كم عشان البوست ده ماشة محطة تاني غير محطتك ...
ياخ الموضوع ببساطة أنا حسيت بمبادئ صلح ... ودايرة حبة دفرة ...
وبإتصال هاتفي مع أخوي صالحين ــ حتى لا أتشالق ــ فهمت منه إنوا إعتذر لطارق
وطارق زي لسة شايل في خاتروا (ده كلامي ما كلام صالحين) لأنو إعتذار صالحين جاء بعموميات وتجاوز إتفاق بينهما حول مكان وشكل الإعتذار ... وصالحين لم يرفض ... ولكنه إعتذر بما رآه مناسباً أو وقفت أسباب بينه وبين محاولة مسح ما قام به من خطأ ...
أها بإختسااااااااااااااار دايرين الناس البحبوا طارق وبحبهم يقولوا ليه
ٍياطارق إنت كبير فينا أقبل الإعتذار عمومي كان ولا خسوسي ... صالحين اخوكِ
والضفر ما بطلع من اللحم ...
أها تجينا إنت تجيب لينا كلام من زمن حفروا بحر الفن وتقول حدباي ...
حدباي منو ؟؟!!! ... وشيلا ... ويجي شيلا يقول ما قال ليك ومافوضك تتكلم بإسموا وتزج بيه في مسائل هو في غنى عنها ... ويمشي لطارق لتأكيد عدم صحة ماذكرت ...
هارون ...قل خيراً أو فأصمت ... فأنت مشهود لك بكثير من المسائل الطيبة ...
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: Ahmed musa)
|
الاستاذ/ احمد موسي
سلامات يازول يارائع
| Quote: هارون ...قل خيراً أو فأصمت ... فأنت مشهود لك بكثير من المسائل الطيبة ... |
وشكرا علي الشعور الطيب الذي ينم عن نبل الاصل.
لااريد ان اكرر ماقلته للاخ طارق فقط اود ان اشكر
لك اهتمامك لاعادة الود بين الاخوان طارق وصالحين
واعتقدت بانها فرصة لازالة ماترسب بين طارق والاخوين
شيلا وحدباي ......ايضا اتمني مرورك علي ردي لطارق
ربما يوضح لك الصورة اكثر.....
ومعك يدا ...بيد لعمل كل مايجمل هذا المكان.
مودتي واحترامي وتقديري
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: haroon diyab)
|
Quote: لكل من مر من هنا ومن سيمر
لكم الاحترام والتقدير
واتمني صادقا ان تعود المياه
الي مجاريها بين الاخ طارق الامين
والاخوة صالحين وشيلا وحدباي.
ومع الاخ الاستاذ احمد موسي لراب الصدع |
هوذا هارون دياب الذي ألفناه ...
ولسودانيزاونلاين سبق بمعالجات كثير من القضايا الحياتية
وللبورداب دور مؤثر في تشكيل الحياة العامة
لذا نامل أن تكتمل ملامح الصلح الكامل هنا
في هذا الموقع ... لنحتفل بقدرتنا على خلق واقع حياتي امثل
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: العوض المسلمي)
|
Quote:
ارجو الاسراع في التحرك علي الواقع ,, وما اقربها من مسافات ,, واعلم صدق استاذنا طارق وحبه لنا فلن يستعصي الامر علينا ,,,
نحن معك وننتظر رنه من جوالك ,,,
جاهزين يا عمك ,,,, |
والله يا العوض قلبي راني ليك قبل الجوال
وما خذلتني إتوقعتك إنت وإنعام حيمورة قبل الآخرين
يلا همتك معانا دايرة حبة دفرة وحصن حصين للبوست من ناس ديك واأسفاي ...
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: يوسف الولى)
|
Quote: ولكن يبدو ان هنالك من استطاب له الصيد فى المياه العكره فحال دون الاجاويد مما ادى لتفاقم الموضوع
والحمد لله بعد ان هداءت النفوس جاء اعتزار صالحين الواضح والصريح والعلنى عبر الصحف
فالنلتقط تلك البزره الحسنه فبل ما بكره صحيفه اخرى تلتقطتها وتزرعها فى ارض خراب من جديد ( وهم زو خبره فى ذلك)
ولا اخال طارق ممن يضربون بمثل تلك الاجاويد عرض الحائط .. ويقينى بانه سيسارع بالامساك بزمام الخط طالما ان هنالك اعتزار واضح |
تسلم يايوسف ... تلخيصك للمسألة ... وفعلاً طارق يمتلك روح عالية لتقدير رغائب الأصدقاء
نامل من الصديق طارق قبول ما تم والصفح وتناسي الماضي بكل مراراته
فما لم يقتلك ياطارق يقويك ...
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: Ahmed musa)
|
| Quote: من يتدخل معي بين المبدع (طارق الأمين) والفنان (صالحين ) ؟؟؟!!! |
السلام عليكم في جميع اصقاع الارض.
العنوا الشيطان يا جماعة طارق ومحمد صالحين.
الشيطان دخل بيناتكم ولازم تطردوه.
فتخد الاجاويد هنا ما بينفع يا أحمد موسي
اذا كان هذا حال اظرف الناس في بلادي هكذا
نحنا يقولوا علينا شنوا؟!
ما صح انوا المسأئل دي تتنقل علي العامة
في الاسفير وكل من هب ودب يألف من الموضوع
المنشور هنا قصة علي مذاجة وتسوء سمعت
الهيلاهوب.
ويا أخي طارق الامين لن انسي لكم تلك القعدة
الجميلة التي احييتموها لنا في مناسبة خطوبة
اختي الكبير في حدائق ابريل سابقا علي ضفاف
النيل وكيف انتم كنتم تبعثون الفرحة في نفس
والدتي الله يرحمها ويغفر لها وكانت تدعوا لكم
بدوام الصحة والعافية وهي في طريق العودة
من الحدائق الي الكلاكلة الوحدة, وكنت اسمع
دعواتها وهي تسرد لجاراتنا في الحي وانا متشعلق
في الدفار من ناحية الخلف في السلالم بأصبع
واحد و كل ذلك التعب من اجل ان نبتهج بما نسمعه
من طيب الحديث منكم يا طارق.
فأدعوكم وان كان الاخ صالحين يتابع معنا ان
تلعنوا الشيطان وتعودا للعمل تحت مظلت الهيلاهوب
كما عهدناكم.
وفقكم الله لما فيه الخير.
*****
وجوه حزينه كثيره.
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: Ahmed musa)
|
طارق الامين اروع من يكتب المونولوج في السودان وصاحب مدرسة وفلسفة خاصة في معالجة قضايا
مجتمعنا الشائكة والتي حار فيها الساسة
له محبة خاصة في قلوبنا
واعجابنابه وبأعماله يزداد يوما بعد يوم
هذه الاعمال المستقاة من ضحكات ودموع أهلنا الغبش
إنها توثيق لمجتمعنا السوداني
أنا متأكد من طارق الأنسان والذي لم أره قط في حياتي
هو أنسان هادئ ومستحيل أن يغلط علي زول
مثلما أنا متأكد أيضا من أن طارق جادي جدا في شغله وعمله
وأنا واثق جدا من أن طارق الأمين زول وطني جدا جدا
فإذا كانت الوطنية هي مجموع ما يقدمه الإنسان لوطنه
فطارق قدم وما زال يقدم في كل يوم,وهذا ما عجز عنه الكثيرون
طارق وفرقته التي تهدينا الابتسام من وسط الدموع
أكيد أن طارق معرض للحسد والحساد وقول الوشاة
فالنجاح محسود مثل الجمال
أنا متأكد من أن طارق أكبر من الذي يحدث من حوله
وهو يعلم تمام العلم أن معجبيه موزعين علي امتداد كوكبنا
من المناطق القطبية وحتي السافنا الفقيرة وادغال أفريقيا
وأنا متأكد من أمثال طارق في العبقرية والكتابة ندر أن يجود الزمان بمثلهم
طارق كوميديان ومونولجست وشاعر غنائي لا يشق له غبار
وأبداع طارق كملته موهبة صالحين والذي ان غرد وحيدا صار مثل طائر مكسور جناح
أتمني أن يستمر طارق بنفس النسق والبذل
وفي كل نهاية إسبوع عندما نلجأ نحن في المهاجر الي واحة اليوتيوب
نتمني ان نجد عملا جديدا يؤكد ما نلمسه من هذا الانسان ذو النفس المترعة بالفن والجمال
سيف اليزل برعي البدوي-بوسطون
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: زهير حيدر صديق)
|
مواصلة ...
كنت حزين لتكالب الكثيرون على الصديق طارق الامين ... حيث اشهر بعضهم الحرب عليه وإختبا بعضهم خلف آخرون
وليس المعني هنا صالحين تحديداً ولكن هو تذكير فقط بالحرب على الصديق طارق ... وتقبله للضربات بروح مثابرة
وإستوقفتني مسالتان ... أولاهما هو الإعتذار الصريح اللاحق من السيدة كميليا عجاج شقيقة الراحل بدرالدين عجاج بأحد المواقع والرد الحاسم للفنانة نانسي عجاج وإنصافها لطارق الامين بصحيفة السوداني إن لم تخني الذاكرة حيث حاولها قبلها أحدالصحفيين الهمز بوجود مشاكل بينها وبين طارق فردت بصحيفة السوداني أن علاقتها بطارق جيدة وأنصفته بذكر وقفته الفنية معها ... ولحق بهم إعتذار الصديق صالحين للتاكيد على أن صبر طارق على مكاره البعض افرخت حقاً له وقدم نموذجاً جديداً بأن التسامح بداخل الفنان هو قمة وعيه ....
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: Ahmed musa)
|
السيدة كاميليا عجاج إتذرت لطارق الامين ونانسي بموقع سودانيزاونلاين دوت اورغ
Quote: السيدة كاميليا عجاج تبريء ساحة طارق الأمين ونانسي عجاج
بواسطة سارة منصور » السبت مارس 28, 2009 1:50 am
في إتصال هاتفي مع السيدة / كاميليا عجاج شقيقة الموسيقار المغدور والراحل المقيم بدر الدين عجاج وبعد صدور الحكم بإعدام قاتل شقيقها قالت بأنها تشك في أن هذا الشاب قتل شقيقها !!! وإنه وبعد النطق بالحكم كان ثابت ومتماسك جدا ومبتسم مما زاد شكوكها
برأت ساحة نانسي إبنة شقيقها وطارق الأمين مما نسبته الأسرة في السابق لهما وقالت إن الصدمة والفاجعة كانت مضاعفة ولم تستطيع وقتها أن تميز الحقيقة إذ أنها لم تستطع أن تتحمل فكرة أن يموت شقيقها الذي كانت تعتبره والدها في المقام الأول بتلك الطريقة البشعة فبدأت تهاجم كل الأطراف وتلقي الإتهامات هنا وهناك .
إعتذرت السيدة كاميليا عجاج لإبنة شقيقها ولطارق الأمين وكان من الواجب الأدبي علينا في إدارة الموقع أن ننشر هذا الإعتذار بشكل واضح وصريح ومعلن يضمن للطرف الآخر رد الإعتبار .
هاجمت السيدة كاميليا عجاج صحيفتي الدار وحكايات أو على وجه الدقة رئيسا تحريرهما بالتقصير في نشر ماجاء من قبل علي لسان أسرة المرحوم كرد علي صلاح إدريس .
يبدو أن أصابع الاتهام توجهت إلى جهات عديدة إن كان بإتهامات مباشرة أو غير مباشرة وهذه المرة تشير السيدة كاميليا عجاج بأصابع الإتهام إلي ( ....... ........ ) .
سيتم نشر التسجيل الصوتي ( الجديد ) للسيدة كاميليا عجاج بعد لحظات والتي طلبت من إدارة موقع سودانيز أونلاين دوت أورغ إنصافها بنشر هذا التسجيل فهي لن تنشر أي حديث في أي صحيفة بعد اليوم . |
http://sudaneseonline.com/forum/viewtopic.php?f=20&t=14783
ومن الممكن ان نفهم تعجل السيدة كاميليا للهجوم على الآخرين بسبب الفجيعة ... ولكن المفهوم هو تبني آخرون لذلك الهجوم والنية من وراءه ... للحق صحافتنا تحتاج لكثير من المراجعات ...
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: Ahmed musa)
|
* 
سارة منصور ... نشرت هجوم صالحين على طارق (بالصوت*) ... ونشرت إعتذار كاميليا ووعدت بإنزال (التسجيل الصوتي) للإعتذار ولا أدري إن كانت قد نشرت هجوم كاميليا على طارق ولكن من سياق إعتذار كاميليا يبدوا ذلك ... والسؤال لماذا لم تنشر إعتذار صالحين لطارق ... وزمان سمعت ليها تسجيل صوتي لتراجي مصطفىولا حاجة زي كدا
ـــــ
الصورة لسارة منصور بكل الإتجاهات
إنتو سارة منصور دي علاقتها شنو بالتسجيلات الصوتية ؟؟؟
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: Ahmed musa)
|
والله ياأحمد موسى أخوي
أنا مااااااا بتدخل معاك
عارف كيف؟؟
طارق وصالحين لو قالوا لي هسي وصلوا مرحلة الاشتباك بالأيدي
حا أصدق طوالي..
ولو كمان قالوا لي الاشتباك بالأيدي انقلب مقالدة ومعانقة وجعير
برضو حا أصدق طوالي...
طارق وصالحين عاملين زي الفول والعيش...
تقريباً هسي هم في مرحلة الفتة وكدا...
ربك يهدي سرهم... وليس ذلك على الله ببعيد
قصرت معاك؟؟؟
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: Mahmoud Mustafa Mahmoud)
|
Quote: طارق وصالحين لو قالوا لي هسي وصلوا مرحلة الاشتباك بالأيدي
حا أصدق طوالي..
ولو كمان قالوا لي الاشتباك بالأيدي انقلب مقالدة ومعانقة وجعير
برضو حا أصدق طوالي...
|
أها يا محمود أنا مرحلة الجعير دي الدايرها وشايفها فيهم الإتنين
بس يمكن جرح طارق في صالحين كان غائر شوية
عشان كدا دايرة حبة دفرة ويكون لينا شرف إيصال فنانين مرحلة الجعير
ونفتح بوست بعنوان (جعير طارق الامين وصالحين بسبب سودانيزاونلاين)
رايك شنو ؟؟؟
قصرت معاك ؟؟؟
| |
|
|
|
|
|
|
|
|
|
Re: من يتدخل معي بين المبدع (طارق الأمين) والفنان (صالحين ) ؟؟؟!!! (Re: سيف اليزل برعي البدوي)
|
الاخ احمد موسى تحياتى ولك كل الشكر
طارق دا زول حبوب ياخى والله العظيم تجوها فى رقبه يعفها ليكم وبدون ماتترجوه
انا مبعرفو شخصيا لكن زى ما قال طه البطحانى
الزول من خصالوببيننلك طبعو واناالخلا البعرف اسودو وضبعو
وطارق اسد من كل متابعتى للحاجات الاتعرض ليها فى الصحف فدايما تلقاهو حصيف ويترك مدخلا للرجوع ولا يهاتر عشان كده معجبنو دايما فى ازدياد ربنايزيدو لانو زى ماقلت لك زول حبوب
عمر الفاروق اتفق معاك فى ابداع طارق لكن الدكتاتوريه دى لازم تفتينافيها
اكتر لانو نحنانناس ليبرال وممكن تاثرعلى اعجابنا بالراجل
| |
|
|
|
|
|
|
| |
Ahmed musa
محمد الامين احمد
يوسف الولى
ALazhary2
Hadeer Alzain
فيصل محمد خليل
العوض المسلمي
haroon diyab
محمد سنى دفع الله
Muna Khugali
عمر الفاروق
Hussein Mallasi
نيازي عبدالله مرحوم احمد
وليد محمد المبارك
Nasruddin Al Basheer
مرتضى الكجم
خالد عبد الله محمود
ناذر محمد الخليفة
احمد محمد بشير
سيف اليزل برعي البدوي
saif addawla
Mahmoud Mustafa Mahmoud
WAD ELGAALI#4
فيس بوك
تويتر
انستقرام
يوتيوب
بنتيريست