|
Re: شداد يفتح النار علي الهلال في موضوع خطير (Re: haroon diyab)
|
رغم ادانتى التامه لعملية 12 - 2 الا انو شداد اخر من يتحدث عنها لانو حينما حدثت هذه الواقعه كان سيادته رئيسا للاتحاد العام وقتها وحتى حينما اشتكى الاسماعيلى للاتحاد الافريقى واستفسر الاتحاد الافريقى اتحادنا العام زاغ البروف شداد ورد للاتحاد الافريقى بأن ارجعوا لتقريرى حكم المباراه والمراقب .. يعنى سكت عن قول الحقيقه وضلل الاتحاد الافريقى والدليل على ذلك فى نفس تسجيل الندوه قال انو تحدث فى جمع من اهل الهلال ونصح بعدم اشراك الثعلب ولكن الهلالاب رفضوا وقال له البتغلبو العبو وقال انو الهلال ما شال الكاس وبقييت الفضيحه تلازمه
شفتوا البروف الذى اراد ان يدين الهلال بعد كل هذه السنين ادان نفسه وبلسانه واثبت للجميع انه اول المتورطين فى هذه الفضيحه وانه سكت عن قول الحق لحظة الفصل وابتلع لسانه بينما كان هو يعلم تفاصيل التزوير وبل نصح بعدم اشراك اللاعب
والهلالاب انفسهم معترفين ان ماتم كان خطأ وزعيم امة الهلال الطيب عبد الله اعترف بهذا الخطأ واعتبره نقطه سوداء فى تاريخ الهلال والمريخاب ناكفوا الهلالاب فى هذا الامر الى ان اصبح مملا ونسيا منسيا الجديد فقط هو تسليط الضوء على مشاركة شداد فى هذه العمليه واعترافه بعضمة لسانه بأنه كان يعلم التفاصيل ومارس دور الشيطان الاخرس .. وهاهو اليوم يتمشدق بالامانه والنزاهه ويحاول ادانة الهلال بينما هو اول المدانين
وليعلم شداد ومن لف لفه ان المريخ والهلال كيانان باقيان وان الافراد زائلون
| |
|
|
|
|
|
|
Re: شداد يفتح النار علي الهلال في موضوع خطير (Re: haroon diyab)
|
<font color=red size=+2> كويس
وعندنا تجربة للتاريخ
عندنا حكاية 2 12
سية حتى الان في تاريخ الكرة السودان
كويس
لما قلنا الغاية عاوزين احنا نفوز بالكاس
لذلك ما عندنا مانع ان نحرص علي تغيير بتاع لاعب من 2 الي 12
وبررناهو بالغاية حقتنا وما حققنا غايتنا
لكن الان في الريكورد في التاريخ هنالك سبة في تاريخنا الرياضي
كويس
احنا ما من انصار هذا
لكن قطعا في مؤسسة في الجمعية العمومية صاحبة قرار
هي تملك ان تستثني هي ممكن ان تعمل ما تعمل
كويس
احنا يجب يجب ان نحترم القيم والاخلاق الرياضية
في المكان الاولاني
كويس
ولن نخطو خطوة في الآخر تسئ لتاريخ الحركة الرياضية
كويس
واقول ليكم( في انقطاع احتمال وجود دبلجة)
2 12 انا جيت في تجمع بتاع الهلال
وانا قلت الهلال ما يلعب اللاعب ده وقامت الدنيا وقعدت
(كلام ما واضح) ما صاح ما صاح خلي ( تشويش)
لكن الناس ارتضو ان يقولو ليك احنا عاوزين نصل نعمل اي حاجة
ما الناس التانين بيعملو
نقول انو حتي الان احنا لا نعرف هلال مريخ داير شنو
ما عندنا طلب من هلال مريخ
كويس
ولو في شئ (كلام ما واضح) جمعية عمومية بمشي لي جمعية عمومية
انتهي كلام دكتور شداد
ما بين الاقواس خارخ كلالم شداد
| |
|
|
|
|
|
|
Re: شداد يفتح النار علي الهلال في موضوع خطير (Re: أبوالزفت)
|
الحبيب علي محمد علي بشير تحية ود وتقدير ومحبة صافية شداد افشل اداري يمر علي تاريخ الكرة السودانية وهو سبب رئيسي في تاخرها ويتمشدق دائما بالعفة والامانة ولكن ما خفي كان اعظم وهذه واحدة من سقطات كثيرة في تاريخ شداد الاخلاقي ... اما جماعتنا اياهم ... فحدث ولا حرج في التزوير والفساد ورشوة الحكام وغيرها من كثير يندي لها الجبين ...... اشكرك علي اثراء البوست ومرورك اسعدني حقا ووضح كثير من الحقائق المدهونة بزبدة صدق شداد والتي سرعان ما اتي عليها نهار الحقيقة الذي كشفها للعيان دون لبس شكرا مرة اخري
| |
|
|
|
|
|
|
Re: شداد يفتح النار علي الهلال في موضوع خطير (Re: مهدى الصادق السيد)
|
مهدى
سلام
Quote: اما جماعتنا اياهم ... فحدث ولا حرج في التزوير والفساد ورشوة الحكام وغيرها من كثير يندي لها الجبين ...... |
اذا كانت بيتك من زجاج فلا ترمى الناس بالحجارة
حكاية الثعلب رغم اداتنا الكاملة لأى حادث يتعلق بالاخلاق الرياضية السوية لم تكن سوى استغلال لخطأ وقع فيه الحكم و لو كنت محل مجلس ادارة الهلال لما قمت باشراك الثعلب قط وهو القرار الاخلاقى الصحيح.
الثابت هنا أن مجلس ادارة الهلال لم يقم بالتزوير وانما استغل عن قصد خطا الحكم وهذا شئ بالتأكيد يحسب ضده
لكن قل لى يا مهدى
ما رايك فى الادارى الذى يقوم باصطحاب شخص لينتحل شخصية لاعب و يقوم بالتوقيع باسمه على عقد مبدئى و ببطاقة مزورة؟
هذه قضية جنائية ثابتة اكتفى شداد فيها بتمويت القضية حتى يستر عورة رئيس لجنة محاربة الممارسات الخاطئة والبقية وقام شداد بعدها بتسجيل اللاعب للهلال.
من هو المزور اذن يا مهدى؟
| |
|
|
|
|
|
|
|