|
Re: بالله زي دا اعمل فيهو شنو؟؟ (Re: طيفور)
|
اول امس كان مفروض استلم طلبية للشركة من المطار.. قلت يا ولد مادام اصلا الطلبية حتتحمل في عربية الشركة انا تاعب نفسي بالزحمة وقرف الاشارات ليه؟؟ شلت جرايدي معاي ونطيت مع السواق في الدينا.. اتحركنا وكانت الساعة حوالي 10:47 صباحاعز الزحام في طريق المدينة .. بديت اتصفح في الجرايد والقط بعيوني العناوين العريضة بسرعة وحرفنة .. حسيت انو الزحمة تقيلة وكنا واقفين في اشارة طويلة وسغيلة رخيت الجريدة وعاينت للشارع المليان .. كانو يوم الحشر وقلت للسواق: ياعم محمد.. اتلفت علي وهو بظبط في سفتو... ..... .. واصلت الكلام: ياخي انت عارف طريق المدينة في الوكت دا بيكون زحمة موت .. فاحسن حاجة اطلع علي الدائري دوغري وخلينانلحق قبل الظهر يأذن.. ..... ... .. مرت حوالي دقيقتين او تلاتة من الصمت ... ..
عدت لتتبع العناوين بالجريدة ... .. فجأة التفت علي عم محمد وقال: عارف يا باشمهندز... نظرت لة باهتمام فواصل في الحديث بجدية طريق المدينة في الوكت دا بيكون زحمة موت .. احنا احسن حاجة ناخد الدائري اشان نلحق قبل الصلاة... ....... .... ..
خلاني عملت كدا
| |
|
|
|
|