|
أستقيل يا ثقيل (غازي سليمان مثالا)
|
لقد طال أمد تسأؤلنا عن لماذا تحتفظ الكتلة البرلمانية للحركة الشعبية بهذا المحامي الذي يسمى غازي سليمان في قائمتها في المجلس الوطني ، وبالأمس علمت من بعض الرفاق أن القائد ياسر عرمان وجه رسالة لرئيس المجلس موقعة من الفريق سلفا كير رئيس الحركة الشعبية بالأستغناء عن هذا المحامي ،، فأذا برئيس المجلس يرفض الأستجابة والمحامي يرفض الأنصياع للأمر قائلا بأن قرار تعينه أتى من الرئيس "عمر البشير" !!!!!!
عجبي لهذا المحامي !!! وعجبي لهذا الأحمد أبراهيم الطاهر !!! يستحضرني هنا منظر هذا المحامي وهو يجلس في فندق الهيلتون 2005 وحينئذ كانت هناك لجنة أختيار نواب الحركة الشعبية تجتمع وهو ينتظر نتيجة ألأختيار كالطالب في بهو الفندق ،، وأستحضر مثلا سودانيا عن المجنون قلته للمجتمعين -ولكن لا مجال لذكره هنا- فقال أحد القيادين "أليس هناك مثلا أحسن من كده" الشاهد أستعجب لهذا المحامي الذي لم يأتي للمجلس الوطني منتخبا ولا بمشاركة ميدانية ولا بتاريخ نضالي في الحركة بل معينا وبواسطات تقيلة أن لا يستجيب لقرار رئيس الحركة !!!!
يا أخي قال ليك مادايرينك في الحركة برضو تقول ما بمرق منها !!!
بالله عليكم دي مش ثقالة عديل كده؟؟؟؟؟؟
|
|
|
|
|
|
|
|
Re: أستقيل يا ثقيل (غازي سليمان مثالا) (Re: الكيك)
|
ياخى ده زول غريب
تعرف الليلة مصرح فى الجرائد قال هو اقدم من ياسر عرمان فى الحركه
شوف ليك جنس محن الزول ده مانصيح........ بعدين الانقاذ ادته دور المعارض المهرج فى التسعينات ولعبه كويس- افضل من ناس كيجاب المرشح الرئاسى عشان يقنعوا الناس فى المعارضه.
| |
|
|
|
|
|
|
Re: أستقيل يا ثقيل (غازي سليمان مثالا) (Re: NEWSUDANI)
|
الي الان لا اعرف له وجهة سياسية واضحة الانقاذ استخدمته فيما يفيدها مع انه لايفيد الا لعب دور المهرج علي الحركة الشعبية ان تقصيه الان لانه يلعب دور خطير في تأجيج الصراعات داخل الحركة منتظرين قرار سياسي من الحركة لابعاد هذا الاراجوز
| |
|
|
|
|
|
|
Re: أستقيل يا ثقيل (غازي سليمان مثالا) (Re: دوت مجاك)
|
Quote: علي الحركة الشعبية ان تقصيه الان لانه يلعب دور خطير في تأجيج الصراعات داخل الحركة منتظرين قرار سياسي من الحركة لابعاد هذا الاراجوز |
ياأخي ده رئيس الحركة كتب الى رئيس المجلس الوطني ورئيس قطاع الشمال أعلن في مؤتمر صحفي "أن لا علاقة للحركة الشعبية بالأستاذ /غازي سليمان "
ده يقولوا ليه شنو ؟؟
تذكرت نكتة الراجل زهج من مرته قام قال ليه أنتي طالق المرة طوالي خنقتو قائلة "علي اليمين عقد عقدوا أبوي ما بتفكوا أنت يا الهوين"
حسه غازي ده يطلقوا ولا كيف؟؟
| |
|
|
|
|
|
|
Re: أستقيل يا ثقيل (غازي سليمان مثالا) (Re: NEWSUDANI)
|
Quote: ياأخي ده رئيس الحركة كتب الى رئيس المجلس الوطني ورئيس قطاع الشمال أعلن في مؤتمر صحفي "أن لا علاقة للحركة الشعبية بالأستاذ /غازي سليمان "
ده يقولوا ليه شنو ؟؟ |
ده بعني ضعف الحركة في تنفيذ قراراتها مابعني انو لايوق Out means out
| |
|
|
|
|
|
|
Re: أستقيل يا ثقيل (غازي سليمان مثالا) (Re: musadim)
|
نيو سوداني سلامات
طبعا هذا الغازي يعتقد ان تعيينه في برلمان الحركة الشعبية( التي يتزعمها سيلفا كير ميارديت ) جاء بقرار رئيس المؤتمر الوطني عمر حسن احمد البشير ، دي مشكلة كبيرة ، لانو الراجل اصلاً مؤتمر وطني ركب مكنة حركة شعبية ودور في الشغل ولمن فككوا المكنة بتاعتو - الشاسيه معروف نمرتو بتاعت المؤتمر الوطني - بدأ الخرخرة ويقول البشير هو الذي عيننني مصدقين انو البشير عين الغازي في المؤتمر الوطني ولا احد يمكن ان يغالطه ، لكن البشير عينه في الحركة الشعبية لا يمكن طبعا بلعها ، وكدة بدخل البشير نفسو في حرج ، ودي عيب (المكنات ) اللي بتشتغل بالملفلة ، يعني فرامل ما فيها تصطدم اللي قدامها .. والغازي يفترض انو سيلفا كير لا يمكن ان يفصله ، طيب شنو للراجل المعتوه دة انو اليو اجانق اللي معروف انو صديق شخصي لي سيلفا تم فصله بقرار من سيلفا ، واليو نفسو ما قال انا مناضل في الحركة قبل ياسر عرمان او فرتكان ، مع انو جسد اليو فيه من الرصاص قدر شيبات الغازي ، احترم قرار الحركة واستأنف القرار ، يبقى ابو مكنة (ملفلة) دة يغالط في شنو ، وزي ما قال صديقنا (مصادم ) الحركة تستاهل تعين زول معتوه لا يعرف من هو رئيسو ..
| |
|
|
|
|
|
|
Re: أستقيل يا ثقيل (غازي سليمان مثالا) (Re: مصطفي سري)
|
العزيز سري تحياتي،،
المحير أن هذا الغازي ليست عضو في المؤتمر الثاني للحركة وليست عضو مجلس تحرير الحركة بكافة
المستويات الولائية أوالمجلس العام وبالطبع ليست عضو مكتب سياسي في الحركة ،،،، يا ربي الزول
يكون في حركة المرور ولا شنو!!!!!
أستحضرتني هنا أول جلسة للجنة القومية لمراجعة الدستور ،قام الغازي معرفا نفسه بغازي سليمان "الحركة الشعبية" وكان جالسا بالقرب منا محمد الحسن الأمين(ياللأسماء) تسآل مستعجبا قائلا "حركة شعبية عديل كده يا غازي" فضحك الحضور ....
ولم يكونوا يدرون أن الأدوار مرسومة
Quote: وزي ما قال صديقنا (مصادم ) الحركة تستاهل تعين زول معتوه لا يعرف من هو رئيسو .. |
يازول صديقناده بجيك خاشي تووووووش أسه
| |
|
|
|
|
|
|
Re: أستقيل يا ثقيل (غازي سليمان مثالا) (Re: NEWSUDANI)
|
هو غازي براهو تعرف يا سوداني يا نيو بلدنا دي مفرملة ليه؟ ما عشان عينة الثقلاء ديل أبداها من السيد ثقيل الجمهورية مرورا بالنائب الاول لثقيل الجمهورية والنائب الثاني ثم ثقيل الدفاع الذي لم يترك وزارة الا تثاقل فيها ثم السيد عبد الباسط ثبقلات ثقيل العدل وعيييك,,
| |
|
|
|
|
|
|
Re: أستقيل يا ثقيل (غازي سليمان مثالا) (Re: Nazar Yousif)
|
رفاقي الاعزاء
مش هو براهو كتار لاوم يستغيلوا...
خاصة الانتهاوين من موديل 2000.. مكنات مؤتمر لا وطنيييييي
واحد سألة علي باب مكتب الحركة يارفيق علمل كيف قال لي انه مبسوط عشان هو شغال في الحركة الشعبية و القروش تمام تمام
يازول .. شغال و لا منتمي للسودان الجديد ...
المهم الجماعة مع البلع ما بيستغيلوا ...ز جاصة لو عندم مصدر دخل و طني اخر
المهم الطريق طويل ...و ربة ضارة نافعة
شحتو
| |
|
|
|
|
|
|
|