|
|
 ماتِــع اللحظات ...
|
تعال نتسامي فوق الفات
نرجع ماتِع اللحظات
وزي ما عدّت الأحزان
أكيد طاعم السنين جايات
*** *** ***
وحاتك ديدن الأيام
دوام متقِّلب الحالات
بين الفرحه والآلام
بين الدمعه والبسمات
*** *** ***
ليه بنقضي ساعاتنا
في أيام وجع وآقفات؟
وأيه بتساوي دمعاتنا
لمن تكبر الغايات ؟
*** *** ***
مصير الريده تتعالي
علي التقصير علي الهنات
عبير أفراحه يتوالي
يندِّي جروحنا والأنات
*** *** ***
أخيرلك تغفر وتسامح
أخير نتسامي فوق الفات
عشانك غافر ومسامح
وما موقفني حزناً مات.
|
|
 
|
|
|
|
|
|
|
|
Re: ماتِــع اللحظات ... (Re: عبدالله داش)
|
Quote: يا ماتع ...
يا فاروق ازيك ياااخ
اتيت لأسمعك التحايا
وأمتع ناظري بالنشيد
كن بخير |
يا داش يا فارع..
الشوق أكيد نيلين وقاش..
سرقتنا الأيام..
وبعض ما يجري هنا..
ربك يهون..
ونتشاوف.
مودتي..
وأشياء أخري.
| |
|
|
|
|
|
|
|
|
|
Re: ماتِــع اللحظات ... (Re: khatab)
|
Quote: واصل قولك يا متعافي..
خلي اللحظة الكانت مافي..
تفتح باب الشوق الخافي..
آه من قولك..
طاعم وضافي..
رغم الحر..
الشمسو
منافي.
شكرا صديقى فاروق ابوحوه
|
خطاب أيها الصديق:
أشتاقك ياخ
وأفتشلك
في الغنا البكر المندِّي
وفي التحدي.
في المسافه الراقده تضحك من بعيد
وفي عيون الشُفّع المليانه عيد
وفي مراكب نوح تلك المحمله بالنشيد
في القصيد..
وفي الشوق البيفعل فينا ما يريد
في صوت طفله وسط اللمه منسيه
وفي غابات فوق أحزانه متكّيه
عزيزي أنت في البال ولكن..
مشوار الحياه اليوماتي
مابين الجبل والسهل
مابين الصعب والسهل
هو ما يمنع الشوفه
إذا مازاد الرويح خوفه
وما أكتر مسافات الخيال والظن
بنتشاوف..
ولانا علي بعض نمتن
سلام للعالم البي هناك
متابعك بي هناك..
ولكن أعرف أن الكتابة إليك تحتاج لحرف متعافي
والذي عندي الآن..
يخرج لتوه من ( فترة نقاهه)
وشوية أحزان (لديحه) تحتاج ( للفرتقه)..
___________________________
قلت لي كيف؟ الشوق (مضقِّل) بيك؟
الله يجازي حرفك يا خطاب.
| |
|
|
|
|
|
|
| |
فاروق أبوحوه
khatab
فيس بوك
تويتر
انستقرام
يوتيوب
بنتيريست