|
|
|
 Re: الخِلَقْ العفْشَه وأسبابها!! (Re: Yassir Tayfour)
|
Quote: أها يا ود عمي طلعت يدينا طواليش وإضنينا صُحانة مايكرو-ويف..
___
لكن برضو كويِس، إضنين ضد القطيعة، وكف للكف |
ابن العم ود طيفور ..
Quote: أها يا ود عمي طلعت يدينا طواليش وإضنينا صُحانة مايكرو-ويف..
___
لكن برضو كويِس، إضنين ضد القطيعة، وكف للكف |
غايتو في صحانة المايكرويف دي عندنا منافسين وهم سكان نواحي تمبول وابو قوتة وحلفا,,
نواصل ,,
اعلم انك إذا قمت بتوطين زوجين سودانيين من أم شديدة أو كادوقلي أو كاجو كاجي في لبنان وتركتهما يتناسلان دونما اختلاط بأي من الأعراق الأخرى فالراجح انك بعد ألف عام ستحصل من سلالتهما على غواني في جمال البيروتيات ذلك ان الصلة بين البيئة وملامح وصفات سكانها لا تنفصم .
فإذا كنت تتمتع بأسنان طويلة متفرقة -كما هو الحال لدى معظم السودانيين والأفارقة- فيمكنك أن تستنج إن أسلافك لم يعرفوا استخدام النار إلا قبل قرون قريبة جدا, فاستعاضوا عنها بالأسنان الطويلة القوية وإنهم اعتمدوا في غذائهم على اللحوم التي كانوا يتناولونها غير مطهية,
أما إذا كانت تتمتع بقامة طويلة وسيقان عالية فاعلم إن أسلافك عاشوا في الغابات لقرون طويلة جدا ولم يخرجوا الى البرية الا قريبا,,
أما إذا كانت تتمتع بأيطلا ظبي وساقا نعامة أو بعبارة أخرى لديك المقدرة على العدو السريع -كما هو الحال عند الاحباش أبطال العالم في سباقات العدو- فاعلم إن سلاح أجدادك الوحيد كان أطلاق سيقانهم للريح.
نواصل ؟؟
| |
 
|
|
|
|
|
|
|
|
Re: الخِلَقْ العفْشَه وأسبابها!! (Re: معاذ حسن)
|
مداخلتى فى الموضوع ابداها كما بدات موضوعك امسك عندنا فى السودان انا اعرف انواع من الضان والبقر والابل كل منطقه
لها نوع شكل ونوع معين مما ذكرتجد فمثلا ضان الشرق تجد اللون اصفر نسميها الشقروطول الساق والصوف الناعم وغنم الصعيد0
نسميها القرج وفيها لونين يعنى برق وقصئرة الحجم وتلد تلاته فى الغالب وغنم الغرب الحمريات طوال القامه الديل الطويل
ويميل لونها البنى الاحمر وغالب الصادر منها لكبر حجمها اما ان مسكت الحمير فتجدهافى الشمال احسن نوع 000000000 وتميز
باللون الابيض وطول القامه وتسمى الميرفاوى عكي الكادير الذى لايصلح الا لنقل الماء والحمل عليه 0 وان جيت للبقر بقر الشرق
يتميز باللون الاصفر قليل البن 0 البقر الكنانى يميل لللون الاخضر فى لبن كتير 00 وبقر الغرب اكبر حجماام بقر الجنوب يتميز
القرون الطويله لاتجدها فى المناطق الاخرى00 باقى الابل وابوكراعين بعد غيلوله ودوام تانى سوف اعود شكرا
| |
|
|
|
|
|
|
|
|
|
Re: الخِلَقْ العفْشَه وأسبابها!! (Re: خالد المحرب)
|
الارباب المحرب
كفيت واوفيت
Quote: اما ان مسكت الحمير فتجدهافى الشمال احسن نوع 000000000 وتميز
باللون الابيض وطول القامه وتسمى الميرفاوى عكس الكادير الذى لايصلح الا لنقل الماء والحمل عليه |
بتاع الموية دا نحن بنسميهو الديراوي
طبعا الاختلافات دي كلهاناتجة عن اختلافات المناخات والبيئات
ما يقول ليك نسل وسلالة وبطيخ وذات الشيء ينطبق على ابو كراعين
اعجبتني المداخلة ادناه للباحث الاخ عيسى جديد من منتدى ماجاور
عن بعض ملامح التكوين الجسماني البقارة ودور البيئة في ذلك.
يقول:
Quote: التكوين الجسمانى متوسط وليس بالطويل او القصير لان الجدود يعشون فى منطقة السافنا الفقيرة والغنية حيث تكثر الحشائس المتوسطة الطويلة والاشجار المتفرقة لذلك تكوينهم على هذا المستوى وهنا نى خاصية التكيف مع البيئة وامكانية التخفى والتحرك بامان ...طولة البال والصبر اكتسبوها من رعىالابقار والاغنام فهى صفة ملازمة للرعاة
كذلك قوة التحمل لانهم يمشون مسافات طويلة ..وايضا حاسة الشم لديهم قوية لعيشهم فى البرية طويلا ..وهم يعرفون الشىء من رائحته ..طريقة رقصهم وهى المعروفة برقصة النقارة شبيه بثورة الابقار حين تفزع او حين تمرح فهى تثير الارض وتركل باقدامها ..كذلك الرقصة اثارة وضرب للارض على ايقاع النقارة مع اهتزازات واشارات لباقي الجسد |
| |
|
|
|
|
|
|
|
|
|
Re: الخِلَقْ العفْشَه وأسبابها!! (Re: معاذ حسن)
|
الأخ معاذ :
ياخ احبطتني لأني كنت معتبرك
الن ديلون ( من صورة البروفايل بتاعت المتوسطة الخاتهادي)
ياخ كنت قايلك زول وجيه وكدا
تطلع بتاع طواليش وسقالات؟
حقيقي البوست نقلة من نوعية نصلح السراير وهلمجراّّّ!!!!!
بهاء/طوكيو
| |
|
|
|
|
|
|
|
|
|
Re: الخِلَقْ العفْشَه وأسبابها!! (Re: Baha Elhadi)
|
بهاء الهادي
سلامات
يا زول وين اراضيك؟
Quote: ياخ كنت قايلك زول وجيه وكدا
تطلع بتاع طواليش وسقالات؟ |
معليش يا بهاء
وجاهة وين لشمسنا التي تصر العين وتشوى الجلود
يا زول امسك لي في طوكيو دي قوي
لانو ثبت علميا:
العلاقة الطردية بين الاجواء الجميلة والوجاهة
وبين الاجواء الوخيمة وعفاشة الخلقة
تحياتي ,,
وبجيك صاد
| |
|
|
|
|
|
|
|
|
|
Re: الخِلَقْ العفْشَه وأسبابها!! (Re: معاذ حسن)
|
Quote: لانو ثبت علميا:
العلاقة الطردية بين الاجواء الجميلة والوجاهة
وبين الاجواء الوخيمة وعفاشة الخلقة |
معاذ كيفنك وعساك رايق؟
مادام الموضوع كدا أوعى ألقاك متحاوم ليك جنب طاحونة ولا
مكان تاني في البلد
ألبد محلك والزارعها الله بتقوم
مش بقولو :
السمح سمح كانو زرعوه عيش ببقى قمح
والسمح سمح كان قام من النوم؟
أها أبقى عشرة
بهاء /طوكيو
| |
|
|
|
|
|
|
|
|
|
Re: الخِلَقْ العفْشَه وأسبابها!! (Re: Baha Elhadi)
|
Quote: مادام الموضوع كدا أوعى ألقاك متحاوم ليك جنب طاحونة ولا
مكان تاني في البلد
|
سلامات بهاء
ما تتفائل شديد
النتائج في هذه النظرية لا تؤتي اكلها الا بعد الاستقرار
في البيئة الجديدة لقرون طويلة اي بعد الجيل العاشر من نسلكم العامر انشاء الله.
| |
|
|
|
|
|
|
|
|
|
Re: الخِلَقْ العفْشَه وأسبابها!! (Re: معاذ حسن)
|
السلام عليكم
.....
| Quote: أما إذا كانت تتمتع بأيطلا ظبي وساقا نعامة أو بعبارة أخرى لديك المقدرة على العدو السريع -كما هو الحال عند الاحباش أبطال العالم في سباقات العدو- فاعلم إن سلاح أجدادك الوحيد كان أطلاق سيقانهم للريح. |
.....
بدون شك للبيئة تأثيرها المباشر على هيئة الإنسان والحيوان
وإضافة بسيطة لموضوع أخوانا الأحباش ديل
علو الأراضي الحبشية وبالتالي قلة نسبة الأكسجين فيها يجعل سكانها أوسع صدراً ( مش حليمين )
ويزيد في كفاءة الرئتين ولذلك يفوزون غالباً في عدو المسافات الطويلة
وبذلك يمكن أن تزيد في استنتاجاتك لتضيف إن سلاح هؤلاء هو إطلاق الساق للريح
وأن أعداء أجدادهم أو من كانوا يعتبرون أجدادهم وليمة فاخرة هم أيضا لهم نفس الصفات
وهكذا يمكن ان تتبحر في علم الأنثروبولوجي ما شاء لك التبحر بس بالله ما تصل بينا لعمك داروين.
....
وانت ماشي بعيد ليه؟
عندكم في الخليج الأمور واضحة جداً
فالكدايس ( السعودية ) تتمميز بالضخامة والكسل الشديد وهذا قطعاً مرده لسهولة توفر الطعام
كما أن الضبان "الأماراتي" والباعوض "القطري" خاملة وليس لديها سرعة حركة ورشاقة الضبان السوداني وقد قبضت بيدي هاتين " غير ذات الطالوش" عدداً مقدراً من الباعوض الأماراتي على سبيل المثال ، الشيء الذي لا احلم به مع الباعوض السوداني الفائق السرعة والرشاقة والخبث وقدرة المناورة العسكرية والدقة في اصابة الهدف.
..
| |
|
|
|
|
|
|
|
|
|
Re: الخِلَقْ العفْشَه وأسبابها!! (Re: الزوول)
|
الزوول.. سلامات
Quote: علو الأراضي الحبشية وبالتالي قلة نسبة الأكسجين فيها يجعل سكانها أوسع صدراً ( مش حليمين )
ويزيد في كفاءة الرئتين ولذلك يفوزون غالباً في عدو المسافات الطويلة
|
نظرية مقنعة جدا
برضو في السودان تجد انسان منطقة جبال النوبة متفوق دائما في الرياضة الشعبية الاولى في السودان كرةالقدم وانظر الى تشكيلتي المريخ والهلال ستجد ان اميز اللاعبين اتون من هذه المنطقة.
.
واضف لملاحظاتك عن الكدايس ملاحظة عن الدباس السعودي فاذا قارنته مع الدباس السوداني تجد الاخير حذرا متوجسا على الدوام يرفع راسه كل ثانية مراقبا ما حوله وذلك لكثرة المفترسين من قطط وكلاب غير الطامعين في صيده من اطفال ابو كراعين.
بينما تجد الدباس السعودي امنا مطمئنا فلا كلاب تجوب الشوارع ولا القطط فاضية لمطاردته فسمكة او دجاجة في مكب القمامة خير من دباسة قد لا يلحق بها, لذا تجد هذا الدباس يتمتع بثقالة غير عادية وقد اوشكت اكتر من مرة ان اصدم بسيارتي اسراب الدباس الغير عابئة بالمارة والسيارات.
الشيء الاخير الذي وددت ان اشير اليه هو الشبه الشديد جدا بين مكبات القمامة في السعودية وبين مذبلة التاريخ.
ولك شكري يا زول,
هل من عودة؟
| |
|
|
|
|
|
|
| |
معاذ حسن
Yassir Tayfour
خالد المحرب
Baha Elhadi
الزوول
فيس بوك
تويتر
انستقرام
يوتيوب
بنتيريست