|
Re: مـــعنى الصـــدى ........ (Re: عبدالله داش)
|
الرائع داش سلامات
Quote: من لحظة التكوين كُن عطشي مناجاة الغمام شجني مجافاة السكون كلمتْ بيك قلب الرماد غشّاني ورثني التعب وكان النصيب فرحان ومتروس باليقين راجيك يا أجمل سطوع زي حنة في أيدي اليمين
|
نص في قمة الدهشة والحنين
وتسلم حروفك يارائع
| |
|
|
|
|
|
|
Re: مـــعنى الصـــدى ........ (Re: مدثر محمد ادم)
|
سيكتبني نشيدك بين أروقة الدهاليز التي ورثت دماثتها من الأقمار أسرع قبلما يصحو الصباح على فجيعتنا لتبعثنا القيامة للقيام ما كنت أحسبها لأني غافل عن سر موعدها فيدركني سبات الليل بين مدارج الافلاك مذعوراً أصيّحُ للنهار تعال هيأني كأحسن من يكون من الخلائق ثم قدمني كما بدر التمام
| |
|
|
|
|
|
|
Re: مـــعنى الصـــدى ........ (Re: Alsa7afa_30)
|
تعرف يا حسام
أديتني إحساس اني كنت مسافر عديل أو زي الزول اجاااي من الحج يكتبو لهو في باب الشارع
حجا مبرورا وسعيا مشكوراً وعودا حميدا
مشتاقييين يا رجل بالمناسبه ( طلب صغيروني كدا ) غنّيوه لأحمد ربشه يكون مافي زول سمع بيها كلو كلو ...
ررررب تزلها لينا زي مائدة الحوارييون
| |
|
|
|
|
|
|
Re: مـــعنى الصـــدى ........ (Re: عبدالله داش)
|
Quote: خليني من وجعي المعاك في السَهَله خوفني الوعيد وكان العسل ... طابع من النحل الملوُكَِي العنيد لما النسايم وشوّشت صدق الرزاز وابل من الفرح العذيب |
أنا والشمس قاعدين نعاين فى بهاك
وأنا والقمر جايين نبشر فى غناك
داش يا دعاش
| |
|
|
|
|
|
|
Re: مـــعنى الصـــدى ........ (Re: أبوذر بابكر)
|
Quote: اللون يا سر التلاشي سارقاً عمق التفاصيل كضّبتْ عيني المرايا وشابه الضل السديم المويه ما سواها زول غرقانه ترقص في الضحى يا للأسف .. فَترتْ خلاص أنفاسي والحلم انتهي يا منتهي الإشراق ومحصلة الشجن درفونه ما بتعرف تهاب الليل وضو الدريسه من أين تلحق ركبهم أو سرهم .. خطفاً بريقاً حين يعصرهم حراك الشوق يغمرهم تساب ريح الأعاصير شكًلت صوت الهويد كل العباد فرحيين ولا هم يحزنون الكون لا يدري مدارات المحن من لحظة التكوين كُن عطشي مناجاة الغمام شجني مجافاة السكون كلمتْ بيك قلب الرماد غشّاني ورثني التعب وكان النصيب فرحان ومتروس باليقين راجيك يا أجمل سطوع زي حنة في أيدي اليمين راجيِكِ تهطلي في الربوع رغم الفصول الفارقه والحال الجوى .. لو يلقي دلتاكِ المصب كان إلتماس الورده أكتر من وسيم فاح الشذي وعطّر سماي بالدهشه رطبني النسيم وكانت سنين الانتظار أجمل هوي حاريهو جواي للعجاف الجايه والتيه والمحَل ... |
يا يايها الولد الذى يمزج فى الكاس الواحد لغات عديدة من السلاف مزجت بين الفصحى والعامية حتى لاتكاد تبين ايهما ؟ ايهما الفصحى وايهما العامية ؟ سلام عليك وعلى مقاطع الشعر الذى تلوح بين ثناياه محبوبة لا تشابه كل عاشقات الدنيا تشابه الا نفسها
| |
|
|
|
|
|
|
Re: مـــعنى الصـــدى ........ (Re: سلمى الشيخ سلامة)
|
قادر يا لطيف ...
قشّــت عينا من النوم وقالت( قبضناك يا حبيب ) تشرح حال الشوق العاصف .. تبدأ يومها بالصلاة , بقداسة تتعدى الحد المقول وأنا فى الإنتظار اتلهف لسماع أحاجي النهار
سلمي يا أعز الأصدقاء لك من الموده ما يزيد على أرقام العد لك كل الورد حقلاً يعطر آفاق النظر الممتد بعيدا بحجم سنين الضوء
يا سلاااااام يااااخ
| |
|
|
|
|
|
|
Re: مـــعنى الصـــدى ........ (Re: أبوذر بابكر)
|
يا مطر
تعرف ...
مرات مرات الواحد بكون برااا الزمن وأنا هسااا سابقنيي المدي بكذا ألف عام هايم مع الريح البتعمي الشوف .. وما عارف مداها لوين ومتمحّن شديد بس الله ستر ...
اها ...( كما تقول ) مفتاح السر للمرحله الجايه
| |
|
|
|
|
|
|
Re: مـــعنى الصـــدى ........ (Re: عبدالله داش)
|
Quote: فاح الشذي وعطّر سماي بالدهشه رطبني النسيم وكانت سنين الانتظار أجمل هوي حاريهو جواي للعجاف الجايه والتيه والمحَل ...
|
شكرا ان تحدثت بلسان حالنا في وصفنا لحالك أيا نبع الجمال .. فيض وكن نهرا لا يتوفق
| |
|
|
|
|
|
|
Re: مـــعنى الصـــدى ........ (Re: عبدالله داش)
|
يتفقَدِك طــاريكِ في السِـرْ بالخشوع وَلهـِى ألاعيب المطارح والهوى شِيتاً ينوِّر نقطة العين والجِفن مشغول بسرسفة الدموع لو مــا الحنين ..! شِــنْ فـايدة الصوت والتنادي عليك ما معنى الصدى .؟ لو صدَّ من تالا الجبل بالغفله غير توب غناهو على دراديب النقاقير البتمرق من حبال صوتك ندى واللحظه تشرق من عيونك رقرقه شوفي الهبايب والطراقيع في الشجر لسه الخطر فاتق خيال كل السراريق من حدود الهمبته يا بت موشحه بالجمال راجيكَ في الليل البراي لو طوّعت حُججي المحال اتفرّعت سبل الوصول طشيت جواي معقوووول ...! وما معقول أكيد أغوتْ عيوني الدهدهه لما البراريق والمطر أداكِ شبالو الهتين عِترتْ خطاوي السهسهه خليني من وجعي المعاك في السَهَله خوفني الوعيد وكان العسل ... طابع من النحل الملوُكَِي العنيد لما النسايم وشوّشت صدق الرزاز وابل من الفرح العذيب هزينا فيك جذع النخل هاكِ المُيسّر من لحون رطباً جنياً في يديك الآن أسمعها توسوس زي هزيم كأنما الدنيا تغيّر لحنها لتقول : يا ( ميما ) أحبك كي أكون اللون يا سر التلاشي سارقاً عمق التفاصيل كضّبتْ عيني المرايا وشابه الضل السديم
الأستاذ داش تحياتى
شيتاً ينور نقطة العين والجفن مشغول بسرسفة الدموع
وقفت عند هذا المقطع الذى ((قطع منى النفس)) كم هو بليغ... البركه فى حنينك الأدانا هذا الصوت المسكون يالزخم.. والشكر ليها تلك التى إنتزعت منك الدهشه جد الدفق فى هذا الزمن الرمادى
كل الود إقبال
| |
|
|
|
|
|
|
Re: مـــعنى الصـــدى ........ (Re: عبدالله داش)
|
العزيز داش
صوت الريح والكون ساكن الا من صوت الوحيح إنداح من الصبيه الخايفه من الخطر تتشابى لى نجمه شرقانه بالضو النتر تنادى فى السر والخفوت والشوق المعصلج.. إتعقد دمدم...دفر هتك المحاذير ...وإندشر شرع خطوُ فى الدرب الكسيح فرهد الدرب خضر وكمان شال الثمر ولوحت ليك والكون غمام بى حته من غير الكلام مشيت قدامك وراك فى درب بتعرفو وبعرفك وبعرف كل فارساً أغر بردد غناك للشمس الطالعه ولى الليل والقمر
كل الود إقبال
| |
|
|
|
|
|
|
Re: مـــعنى الصـــدى ........ (Re: Egbal Elmardi)
|
آجنا يا وليد داش إتْ ماك نصيح ؟؟؟؟
Quote: ما معنى الصدى .؟ لو صدَّ من تالا الجبل بالغفله غير توب غناهو على دراديب النقاقير البتمرق من حبال صوتك ندى واللحظه تشرق من عيونك رقرقه |
دراديب النقاقير دي من فجاج اللغة الشاقَّة جوف البلاغة
| |
|
|
|
|
|
|
Re: مـــعنى الصـــدى ........ (Re: Egbal Elmardi)
|
أشتاقها عمداً ومزهواً بها زعمي بأن فضائها سحراً وشمساً لا تغيب العيب إن صبأت مشارق دنيتي غلواً لترهب حاسة الأرواح تمنعني المساس هي كلما أمعنت فيها غادرتني للشواطئ كالخيال فتمردت قسراً تساندها القبائل واشرأبت للمعارك في سبيل الثأر غانمةً طوال الليل حارسةً عيون الضفة الأخرى معبأةً رصاص يا أيها السري جائتني جيوشك من بلادٍ لستُ أعرفها عميقاً كلما شبهتها غارت ملامح قاطنيها في الغرابة عنوة لتضلّني أكثر .. تغادرني الإشارات التي ورثت تفاسر الغواية كي تفوز على فراستنا تلاشت في حواري الصمت معلنةً تخاذلها انحيازاً للغريب يا حسرتي من أين أبدأ جولة الأشواق وهل من طامة كبرى بعد ... وإلي متى تمطر حجاراً من سجيل وإلى متي طير السماوات العليّه لا يشقشق بالعبادة فى الصباح ان الرهان على فرارا القوم أقرب من مسافة ابتعاد الخيط من فلق التي بالكاد تشرق بانشراح
أقبال ...
تاني شكراً لانفعالك
| |
|
|
|
|
|
|
Re: مـــعنى الصـــدى ........ (Re: أبوذر بابكر)
|
ابو ذر بابكر
مازلت امني نفسي بسماع صوتك القادم مع زخات المطر ، فأنا مازلت اتوجع من الم الفراق ياابا امنة
كتبت واستنجد بكل ما اقدر عليه لاسمع صوتك ولكن أتت الرياح بما لا تشتهي السفن .
اخوك ود الزين
0506499468
| |
|
|
|
|
|
|
|