|
|
 عطورات وحلويات وكل ما تحتاجه السيدات الفضليات
|
كثيراً ما تساءلت عن الحكمة من مشروعية برامج الطبخ السودانية
وأنا طبعاً كثيراً ما انتقدت مثلي مثل غيري التلفزيون السوداني، وكثيراً ما سألوني (طيب بتشوفي ليه؟؟!!) والحقيقة أنا لا املك أي إجابة منطقية لهذا السؤال
واعترف انها أصبحت لدي عادة، ان أشاهد التلفلزيون السوداني ليس للاستمتاع والفائدة، بل بشعور وانتظار غريب لهفوات وغلطات التلفزيون
بالعربي كده، قاعدة ليهم يعني
كثيراً ما شاهدت برامج الطبخ السودانية، وتساءلت (ما كان ممكن يجيبوا واحد/ واحدة، أي شخص متخصص أكتر في الموضوع ده يعرض حاجة ذات قيمة)
في كل رمضان يعرضوا لنا (كيف نسوي العصيدة، كيف نسوي الملاحات، وكيف نعمل السمبوسة)
أكثر من ثلاثة أرباع قرن (ليست صيغة مبالغة)، والشعب السوداني لم يتعلم بعد كيف يعوس القراصة ويعصد عصيدة ويفتح سمبوسة
و مرة شاهدت واحد بيعمل في عصير ليمون، وكان أن اعجبتني فكرة التغيير، عصير الليمون فعلاً ليس أي أحد يعمله بسهولة لذلك أعجبتني الفكرة وتوقعت أنه سيعرض طريقة مختلفة لعمل عصير الليمون أو حل يعالج مرارة عصير الليمون أي تغيير يعني
فكان أن (جاب ليمون قشر الليمون قطع الليمون خت الليمون في الخلاط خلط الليمون صفا الليمون في الجك خت ليه شوية تلج)
نورت المحكمة
ومرة شيف فندق خمسة نجوم (أظن هيلتون)، عرض طريقة حشو فرخة برز، واقسم بالله أنه ضيع حوالي خمسة دقايق أو ازيد شوية وهو يحاول يخيط الفرخة وفي الآخر ما يستطع، والغريب أن المخرج لم يتفتك تفكيره عن فكرة قطع اللقطة ووضع إعلان ما ثم متابعة الموضوع بعد خياطة القيصرية التي كان يقوم بها الشيف
المهم
ذات ليلة تفتك تفكيري الخطير، أن اذهب لقناة من القنوات الخاصة (كنت افكر في هارموني الصراحة)، واعرض عليه فكرة برنامج نسائي، ليس ليعلمنا العصيدة (إن شاء الله عمرها ما بقت، يعني ما عارفة لو ما اكلنا عصيدة بيحصل لينا شنو؟) فكرت أن أعرض عليه فكرة برنامج كيفية عمل العطورات السودانية (خمرة ودلكة وبخور واللازي منو) وطبعاً ضاعت أحلام الشهرة تحت البطانية والنوم الكتير، بعدين أنا اساساً أساساً ما بعرف أسوي الحاجات دي.
المهم تاني
بناء على رغبة الجماهير، نفتح هذا البوست لتبادل الخبرات الطبخية
والنبي فوقكم ما يجي واحد يعلمنا العصيدة بتتعمل كيف أبداً ما ضروري صدقوني جد
وبسم الله مدوا ايدكم
|
|
 
|
|
|
|
|
|
|
|
Re: عطورات وحلويات وكل ما تحتاجه السيدات الفضليات (Re: بت قضيم)
|
انا غايتو حالف يا بت قضيم قدر ما اشوف ليك بوست اخت طوبتي في البداية .. وتاني اكسح ..
بس عشان نخفف عليك شعور الاضطهاد وكدة ( وش عبيط ) ..
ثم زي المواضيع النسائية ( الخاصة دي ) لازم الواحد يدخل فيها وكدة عشان الجندرة وخلافه ..
ويكون رافع شعار التضامن والمؤازرة للجنس المضطهد .. فما معروف يمكن قدام نترشح في انتخابات والا حاجة .. كحكحكح ..
بوست جميل غايتو انا منتظر لو في واحدة جات ورتنا طريقة عمل المكرونة الطويلة ( زي الشعيرية كدة بس علي اتخن ) ..
تحياتي
| |
|
|
|
|
|
|
|
|
|
Re: عطورات وحلويات وكل ما تحتاجه السيدات الفضليات (Re: بت قضيم)
|
يا جماعة بدون زعل
أكلنا مش سياحي
المفروك والمعووس (من عواسة) واللياقة المصرة، يعني لياقة بإصرار،
اللياقة التي لا تخلو منها صينية سودانية لا اعرف ما نهايتها
أسماء الأكل نفسها عندنا تقفل الشهية (أم تكشو أم رقيقة الشرموط ملاح نعيمية خدرة كمونية ملاح كول.. الخ)
ورغم أن بعض هذه الأكلات فعلا جميلة ومشهية ولذيذة، إلا أن اسماءها غير مشجعة ، وطريقة أكلها إرهابية
خلينا في الأسم
لو خيرت في قائمة طعام ما بين التالي
شوربة – استيك – بفتيك - سمك فيليه- فتشتشينو (دي مكرونة ما دوا) – بيتزا – هاييتي- فرنش فرايس – ريد لوبستر )
وبين قائمة طعام تحوي ( كسرة بويكة – قراصة بالدمعة – عصيدة وشرموط – كمونية – اب دمام )
وأنت لا فكرة لديك عن المحتوى بعد
بالله ماذا ستختار؟؟
بوقع الأسم فقط وليس المحتوى
بأمانة
سيبك أنت
لو على طريقة الأكل، هل ممكن تاكل (خدرة مفروكة) في الطيارة مثلاً؟؟!!
نوووووووووووووو وااااااي
أنسى
المهم
طريقة عمل حلا ما عارفة اسمه، قطعتوا من راسي براي ، وطلع ذي العسل، هو غايتو من قبيلة البسبوسة
- واحد كاسة سميد ناعم (وناعم لأن الخشن يفرق يا شباب)
- واحد كاسة سكر ناعم مطحون
- ثلاثة أرباع كاسة زيت
- ملعقة طعام باكنج باودر
- أربعة أو خمسة ملاعق جوز هند
- علبة قشطة (أو زبادي لو ما في قشطة)
- 2 بيضة + شوية فانيليا طبعاً
سوط عزيزي المشاهد، كلو مع بعض، دخل الفرن، تصفر شوية اسقها بشيرة
عارفين الشيرة واللا لأ؟؟!!
سهلة خالص ولذييييييييييذة، سرها بقى في طريقة وضعها في الصينية، يعني لازم لما توضع في الصينية تكون مالية نص الصينية لا تقل لا تزيد،(سمكها يعني)، لأنها حتتنفخ بالباكنج باودر
كلها ثلث ساعة بالكتير وتكون جاهزة للأكل
أيوه، ولازم علشان تتأكد أنها استوت من كل النواحي، غرس شوكة في الوسط والأجناب لو طلعت الشوكة نظيفة معناها أنها استوت
وبث
قال اسامة السيد قال
| |
|
|
|
|
|
|
|
|
|
Re: عطورات وحلويات وكل ما تحتاجه السيدات الفضليات (Re: بت قضيم)
|
ورداً على كلامك يا حيدر...
دائماً ما ارتبط موضوع المطبخ ب (عزيزتي السيدة)
وأنا بصراحة اتعب جداً من كون فكرة أن المطبخ فقط تخصص السيدات، مع أن واقع الحال يقول، أن الطباخين من الرجال أنجح بمراحل من الطباخات السيدات.
المعروف مثلاً في السودان، أن طباخي المناسبات هم رجال، وإذا حصلت عملية تفاضل بين طباخ رجل وطباخة سيدة، مباشرة أهل المناسبة سيختارون الرجل، لأسباب أهمها سرعته ونظافته و(عدم خمجيه)
ما تزعلوا يا حبيبات
إذ أن السيدة الطباخة مكتسبة سمعة أنها (خمجانة) وتكلف أصحاب المناسبة فوق طاقتها
المشكلة الكبيرة أن سمعة الطباخين من الرجال، معروف أن الطباخ السوداني (مكسور) إلا من رحم ربي، ويمكن لهذا السبب يرفض الرجل السوداني الاعتراف انه بحب المطبخ والطبخ
والمفروض يا حيدر الموضوع هنا ما يكون جندري
واعتذر عن العنوان
العنوان تسويقي ليس إلا
(زول شرير بضحك)
ونجاملكم في بوستيتاكم إن شاء الله
وعلى فكرة أنا عندي شغل مطنشاه من صباح الرحمن
استغفر الله انقوم نخت يدنا نجاملهم شوية
لووول
| |
|
|
|
|
|
|
|
|
 Re: عطورات وحلويات وكل ما تحتاجه السيدات الفضليات (Re: بت قضيم)
|
..
.
| Quote: وعلى فكرة أنا عندي شغل مطنشاه من صباح الرحمن |
بعد الرصه دى كلها
تعجبنى المرا البتوفق بين المطبخ واهتماتها الشخصية
وعملها ..
وعلى ما يبدو اجازتكم دى طويلة ..
انا والله بصراحة بحب الطبيخ بس اهم شئ المطبخ يكون متطور
ووكل شئ فى متناول اليد والشفاط شغال والماسورة ما قاطعة موية
والله اعمل سبانخ بشنو كدا .. تاكلى صباعك وراها 
_________
اعمل ليك عصيدة بالزبادى
| |
|
|
|
|
|
|
|
|
|
Re: عطورات وحلويات وكل ما تحتاجه السيدات الفضليات (Re: بت قضيم)
|
في كلامك الكتير الفوق دا يبت قضيم اصلي ما بختلف معاك
ولا بديك فرصة عشان تتماسخي فيني لا حاجة ..
كلامك سمح تب وطالما ما معترفة انه النسوان خمجانات وكسلانات
تاني الخلاف على شنو ..ههههه
Quote: وعلى فكرة أنا عندي شغل مطنشاه من صباح الرحمن
استغفر الله انقوم نخت يدنا نجاملهم شوية
|
هسع بعد النضمي دا كلو وضيعتي زمن شغلك ما وريتيني الهناية بيعلوها كيف ؟
| |
|
|
|
|
|
|
| |
بت قضيم
HAIDER ALZAIN
فيس بوك
تويتر
انستقرام
يوتيوب
بنتيريست