|
|
|
 Re: نانسي عجاج تحطم آمال المرشح الرئاسي د. عثمان !! (Re: عصام دهب)
|
و أرى أن هذا ( الشاكوش الحار ) لن يكون له تأثيره على المرشح د. عثمان الذي سيخرج لاحقاً ليؤكد أن هناك من قام بدفع الفنانة / نانسي عجاج و إرغامها على إنكار دعمها له و إن ذلك الأمر القصد منه هو التأثير سلباًعلى شعبيته الطاغية و على قاعدته القالت الروووووب ..
| |
 
|
|
|
|
|
|
|
|
Re: نانسي عجاج تحطم آمال المرشح الرئاسي د. عثمان !! (Re: عصام دهب)
|
على صعيد مواز و في رد فعل متوقع أعلنت مطربة الحيرة / ستنا مس كوول عن دعمها اللامحدود للمرشح الرئاسي المشوكش و قالت أنها و جميع زميلاتها المتضهبات سوف يقفن بقوة إلى جانب المرشح الفاكيها في روحه و مصدقها ، كما أعلنت مس كول أنها بصدد تقديم عمل غنائي هابط جداً لدعم الحملة الإنتخابية لمرشحها غير المفضل ..
| |
|
|
|
|
|
|
|
|
|
Re: نانسي عجاج تحطم آمال المرشح الرئاسي د. عثمان !! (Re: نيازي عبدالله مرحوم احمد)
|
و من جانبه ندد مطرب الكشة / عباس عذابات بتصريحات مطربة الحيرة / ستنا مس كول المؤيدة للمرشح الرئاسي مستنكراٌ في الوقت نفسه محاولات إقحام فن الغناء الهابط في مثل هذه المعارك الخسرانة على حد قوله ..
و قال عذابات في تصريحات خص بها قاعدته المكشوشة أن ( مستوى الغناء الهابط سيهبط لي الطيش إن تم إستخدامه في دعم المرشح المشوكش ) محذراً في الوقت نفسه من سعي المرشح للإستعانة بالمداحين و المداحات بعد شاكوشه المعتبر وقال في تصريح مقتضب ( الله يكضب المشوكش ) ..
| |
|
|
|
|
|
|
|
|
|
Re: نانسي عجاج تحطم آمال المرشح الرئاسي د. عثمان !! (Re: عصام دهب)
|
بعد قليل سيقدم لكم مراسلونا إستطلاعاً وسط ( القاعدة ) الموهومة للمرشح الرئاسي بشأن تداعيات الموقف الذي أعلنته الفنانة / نانسي عجاج على سير الحملة الإنتخابية للمرشح الرئاسي ، و هناك محاولات حثيثة تبذل للحصول على إفادة من المستشارية الفنية للمرشح الرئاسي الذي لا زال القائمين عليها يتعللون بأنهم لن يقوموا بالرد على خبر لم يتم تأكيده رسمياً و أنهم لن يلتفتون للشمارات الضارة على حد قول / آدم جلكسات الناطق بإسم المستشارية ..
| |
|
|
|
|
|
|
|
|
|
Re: نانسي عجاج تحطم آمال المرشح الرئاسي د. عثمان !! (Re: عصام دهب)
|
إستطلاعات :
و الله في الحقيقة الواحد زي ما عارف الحاصل شنو و لا عارف المترشح ذاتو منو و لا جاي من وين و لا مويتو شنو ، لكن دي فرصة طيبة عشان الواحد يحيي الفنانة / نانسي عجارم و يطلب أغنية ( ما منك ) و يهدي اللحن للزول المشرشح دة و لكل الأهل بأم كدايس و جقلبت الحلة و سير سير يا البشير ..
| |
|
|
|
|
|
|
|
|
|
Re: نانسي عجاج تحطم آمال المرشح الرئاسي د. عثمان !! (Re: محمد البشرى الخضر)
|
لا عليك يا دكتور، هذا هو الشعب السوداني " ما يجيش" الا بالضرب. نانسي تطير الشينة المخولقنة . ديل يا د. ما ينفع معاهم الا القهر و العسكر.
الناس دي كلها ما شايفا اجتهاداتك، او نقول عاجزة عن النظر بعين البصير للبرنامج الترشيحي الذي وضع بواسطة متخصيين اكفاء وعالمون ببواطن الامور في مكتبك الموقر.
اكثر ما يعجبني فيك هو طرحك المرتب وأيمانك بمقولة " المابتلحقوووووووو جدعوووووووو" .
يبدو قد شعر جهاز آمن الكيزان بخطورة ما تقوم بطرحه، لذا قام بتجنيد المذيد كي تتوقف مسيرة د. عثمان وشملت هذه القائمة ايضاً نانسي.
ما داير اطول عليك يا د. ، ولكن سير سير ونحن خلفك.
.
.
.
.
.
.
.
.
.
.
.
.
.
دهب مالك بتحمر لي؟
.
.
.
نازر الخليفة اوعك ترفع البوست داا بمداخلة فاضية!!!
| |
|
|
|
|
|
|
|
|
|
Re: نانسي عجاج تحطم آمال المرشح الرئاسي د. عثمان !! (Re: rani)
|
راني ..
إزيك ياخي ..
ثالثاً :
| Quote: اكثر ما يعجبني فيك هو طرحك المرتب وأيمانك بمقولة " المابتلحقوووووووو جدعوووووووو" . |
آي أقعدوا إنتو سوو ليهو طرحك المرتب و مرتبتك المطروحة ، بعدين ما في زول فيكم يكورك و يقول الروووب !!
اولاً :
| Quote: دهب مالك بتحمر لي؟ |
الدنيا ذاتا ( ضلام ) شفتني كيف محمر عيوني ؟؟
ثانياً :
أنا آأي ( محمٍر ) لكن ما ليك و الله و لا لنانسي عجاج طبعاً ..
ـ
طبعاً ثالثاً دي مهمة عشان كدة ختيتها فوق لزوم الطرح المرتب قال .
| |
|
|
|
|
|
|
|
|
|
Re: نانسي عجاج تحطم آمال المرشح الرئاسي د. عثمان !! (Re: عصام دهب)
|
Quote:
آي أقعدوا إنتو سوو ليهو طرحك المرتب و مرتبتك المطروحة ، بعدين ما في زول فيكم يكورك و يقول الروووب !!
|
هههههههههههههههههههههههههههههههههههههههه
ههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
وليد قال الرووووووووووووووب من اسي، ما شفت بوستو؟
| |
|
|
|
|
|
|
|
|
|
Re: نانسي عجاج تحطم آمال المرشح الرئاسي د. عثمان !! (Re: rani)
|
| Quote: وليد قال الرووووووووووووووب من اسي، ما شفت بوستو؟ |
لا حولة و لا ( غولة ) ..
ما شفت يا راني ، الله لا وراني ..
( بوستو ) لي منو ؟؟
زول يشيل ( بوستو ) و مع ذلك يقول الرووووووووووووووب !!
ـ
معقووولة بس ؟؟ وليد دة زول كويس ياخي !! مالو الحصل ليهو شنو ؟؟
ـ
ياخي إنتخاباتكم دي فيها جنس عجايب !!
| |
|
|
|
|
|
|
|
|
|
Re: نانسي عجاج تحطم آمال المرشح الرئاسي د. عثمان !! (Re: عصام دهب)
|
سـلام يا عصـام،،
شاء حظ الدكتور والمحلل السياسي والمفكر الإستراتيجي إنو أختنا نانسي يكون عندها حساب في سودانيسأونلاين،، لكن أنا مجرد ما قريت (بوستو!) بتاع دعم الفنانين ليهو، لم أستغرب لورود إسم نانسي عجاج فقط، ومع أني ما من هواة الفيس لوك ولاّ إسمو أيه البتاع دا،، لكن براااي كدة قلت معقول زول في قامة وعلم وسن عمنا الأستاذ كابلي يكون أصلاً عندو حساب في فيسبوك وعندو كمان وكت للدخول ودعم مرشح الرئاسة؟.. كدة ياخوانا ناس الفيسبوك ورونا لو فيكم زول حصل شاف الأستاذ الكابلي هناك وعندو بروفايل وأصدقاء ومشاركات ومجموعات الخ...وشكرا..
| |
|
|
|
|
|
|
|
|
|
Re: نانسي عجاج تحطم آمال المرشح الرئاسي د. عثمان !! (Re: Isa)
|
إستطلاعات :
أهي هي هي ، طيب ، اهلان و سهلان ، أنا شذى عثمان القداد طالبة بكلية ( سان روس ) التقنية بالمنشية ، و في الحقيقة برنامجكم جد قظيييع ، و ( يلا ) أنا و كل الشلة في ( الكوليدج ) قاعدين نتابع الموضوع دة و حتى أحنا ذاتنا قاعدين نعمل ( تراشيح ) و حاجات و رحلات ظريفة كدة ، و ( يلا ) بالنسبة لموضوع ( الهناي ) دة ، أنا حأقوم بالمناسبة دي أهدي سلامي لماما و بابا و حمودي وبقول ( مرسييي ) كتير ليكم عشان الحاجات ( اللذيذة ) دي ، و ( يلا ) عندي زميلتي ممكن تشترك في الموسابقا ؟؟
| |
|
|
|
|
|
|
|
|
|
Re: نانسي عجاج تحطم آمال المرشح الرئاسي د. عثمان !! (Re: rani)
|
فخامة ( الشخيص رأسياً) أقصد فخامة الرئيس شخصياً في بوستنا ..
ياخي بالغت ..
لكن برضو كويس ..
عاد هو ما ريس ..
_
يا راني خلي اللوم الكتير دة ياخي ..
نحنا ما صدقنا إنو نحنا ناس مهمين قدر دة لامن فخامتو بجلالة قدرو يجينا ..
غايتو يوم الليلة دة حيكون يوم العيد الوطني للبوست ..
أمشي شوف لينا يافطات ترحيب جيبها بي سرعة ..
وهمان .. وهمان .. يا علان
ـ
و يا ريت تجيب معاك فرقة بتاعت مديح
ساكن المنبرات ( جمع منبر من عندنا ) في كل بوست سوالو مداخلات ..
واحدين شمات ، واحدين فردات ، واحدين طايرين كاسحين كبوا الشتات ..
القالو الروب و القالو واي .
لي متين يا مولاي ..
| |
|
|
|
|
|
|
|
|
|
Re: نانسي عجاج تحطم آمال المرشح الرئاسي د. عثمان !! (Re: عصام دهب)
|
| Quote: و أرى أن هذا ( الشاكوش الحار ) لن يكون له تأثيره على المرشح د. عثمان الذي سيخرج لاحقاً ليؤكد أن هناك من قام بدفع الفنانة / نانسي عجاج و إرغامها على إنكار دعمها له و إن ذلك الأمر القصد منه هو التأثير سلباًعلى شعبيته الطاغية و على قاعدته القالت الروووووب |
..
ههههههههههههه , والله يا عصام دهب بالغت , ما كنت عايزة اخش البوست ده
لأني عارفة نفسي ما حقدر ما اضحك لمن بطني توجعني
على العموم خيرا فعلت نانسي
| |
|
|
|
|
|
|
|
|
|
Re: نانسي عجاج تحطم آمال المرشح الرئاسي د. عثمان !! (Re: سناء عبد السيد)
|
إزيك يا سناء ..
| Quote: ما كنت عايزة اخش البوست ده ، لأني عارفة نفسي ما حقدر ما اضحك لمن بطني توجعني |
عليك الله يا سناء هسع ( قراية ) عناوين ( البوستات ) بتاعة المرشح دة مش في حد ذاتا بتجيب ( الغيرقان ) و بتهرد ( الفشفاش ) و ما بعيد تعمل لي الواحد ( نفسيات ) .
| Quote: على العموم خيرا فعلت نانسي |
نانسي تفتيحة و لو ما فعلت ( كدة ) ، غايتو تاني إلا حمار الوادي ( يكورك ) حتان تقدر ( تتفك ) من ( شبكة ) المرشح دة .
ــ
| |
|
|
|
|
|
|
|
|
|
Re: نانسي عجاج تحطم آمال المرشح الرئاسي د. عثمان !! (Re: Isa)
|
سلامات كتيرات يا Isa
| Quote: لكن براااي كدة قلت معقول زول في قامة وعلم وسن عمنا الأستاذ كابلي يكون أصلاً عندو حساب في فيسبوك وعندو كمان وكت للدخول ودعم مرشح الرئاسة؟.. كدة ياخوانا ناس الفيسبوك ورونا لو فيكم زول حصل شاف الأستاذ الكابلي هناك وعندو بروفايل وأصدقاء ومشاركات ومجموعات الخ...وشكرا.. |
أيووة معقول و نص و خمسة و خميسة في عين البيدي صوتو لدكتور عثمان !!
بعدين أزيدك من الطين بلة الدق الرقم جلا ....
سمعنا تحت تحت كدة إنو الأستاذ الكبير ليهو كم شهر ساكي المرشح ده عشان يقابله و ما لاقي ليهو كجة ..
و تحت تحتين كدة قالوا ستنا مس كوول شغالة ليهو واسطات تقيلة عشان يحظى بمقابلة السيد المرشح الما فاضي لاي زول دة ..
شفت كيف يا مان ؟؟
ـ
عشان ( عمك ) ذاتو يآمن ..
| |
|
|
|
|
|
|
|
|
|
Re: نانسي عجاج تحطم آمال المرشح الرئاسي د. عثمان !! (Re: saif addawla)
|
سيف الدولة .. إزيك ..
| Quote: انا ما عارف ليه كلما اشوف صورة الدكتور المرشح الرئاسي بتذكر حكاية ( حذاء الطمبوري ) |
و أنا ذاتي ما عارف ليه كلما اشوف صورة الدكتور المرشح الرئاسي و هو ( مشرفنا ) هنا بي مداخلة أو بي ( بوست ) بحس أسناني ( بترفني ) و بكون ( زي ) عايز أعبر عن شعوري و تنتابني رغبة صادقة في أني ( اعضي ) لي زول .
| |
|
|
|
|
|
|
|
|
|
Re: نانسي عجاج تحطم آمال المرشح الرئاسي د. عثمان !! (Re: saif addawla)
|
إستطلاعات ..
بسم الله و الحمد لله والصلاة و السلام على رسول الله و على الله و صحبه و من والاه من يهد الله فلا مضل له و من يضلل فلا هادي له ، أشكر لكم أخوتي هذه السانحة الطيبة في هذا اليوم الطيب ( يوم سبت و إجازة كمان ) و أحسب أن هذا العمل المبارك بإذن الله ممثلاً في ترشيح أخينا المجاهد د. عثمان ما كان ليتحقق لولا مجاهدات الشهداء و السابقين ، و لعل في ترشيحه ما يؤكد على أن الإنقاذ جاءت لتعيد الحقوق إلى أهلها و تقيم الدين كله لله تعالى ، و أحسب أن الأخ الرئيس المجاهد المشير عمر البشير الذي جعل من منصب الرئيس عبادة يتقرب بها لله سبحانه و تعالى هو خيار من خيار لأهل السودان المجاهدين و الذين لن يرضون عنه بديلا .. و أحسب أن الأخ المرشح المجاهد سيكون جندياً مجاهداً مخلصاً في خدمة دينه و وطنه و رمز عزته و كرامته الأخ الرئيس / عمر البشير ، و أقول لأوكامبو و من شايعه من المستكبرين أن شعب السودان المسلم الصابر ( عليكم ) المجاهد .....
ــ
..... = المذيع زهج .
| |
|
|
|
|
|
|
| |
عصام دهب
طلحة عبدالله
نيازي عبدالله مرحوم احمد
محمد البشرى الخضر
rani
osman elrayah
سناء عبد السيد
saif addawla
فيس بوك
تويتر
انستقرام
يوتيوب
بنتيريست