|
|
|
 Re: إيمان لندن تبشتن أغنية بلة يا بلة بشتنة.. (Re: احمد معتصم الطيب)
|
تخيل انا ذاتي زعلتا..
الغنية دي فعلا عايزة امكانيات مبالغة في الرزم والهارموني وزمن الكوبليهات..
من الاغنيات التي لها مستقبل في تاريخ الاغنية الانسانية واغاني الاعلام والاسماء ..
زيها زي الجنزير التقيل.. وود الشيخ مصطفى..
من الاغنيات التي كان يجب ان يغنيها رعيل المغنين الكبار امثال كابلي ووردي ..
تخيل من شدة ماالغنية اتبشتنت..انا كنتا قايل البت دي من البشتون..
| |
 
|
|
|
|
|
|
|
|
Re: إيمان لندن تبشتن أغنية بلة يا بلة بشتنة.. (Re: Salah Abdulla)
|
طبعا امس انقسمت الدوحة الى اثنين
جزء كان مع رابطة المراه فى طبق الخير لدعم دارفور فى اللاند مارك (وانا كنت معاهم)
و(رجال) الدوحة كانو فى اصدقاء البيئة ............................................
فبما اننى لم اكن متواجدا هنالك ممكن تنزلو لينا عشان نسمع ونشوف كان شتت الاغنية
ولا الاغنية شتتها ..........سنة يا ............................................
اعتقد انو نجيب الموصلى ولجنة نجوم الغد وهمزة سليمان ونجب معاهم كم كم متخصص كدة
وكم شاعر لتحليل كلمات الاغنية وتفكيكها الى احرف جر جر دى يا ناس ما نهرة لى كلب
................................................................................
اها نجى للتوزيع لموسيقى بنحتاج لى وليد اوب القاسم وكم موزع عشان نشوف كمان التوزيع كان كيف
غايتو كدى نزلو الاغنية (ويعتمد نقدها لو بصورة ولا سمع بس )
بما انو النقاش صوت لازم الصورة عشان نشوف حبال الصوت (ليست ليحيى فضل اللة ) بل عروق الجوف
مشموطة ولا فى انسيابية والعروق عادية .........................
يعنى الصورة مهمة جدا لتبريد النقد (جدلية المظهر والجوهر ) انجلز/ماركس...................
نحنا منتظرين بلة سورى الاغنية ما غنت (حسن..........).
| |
|
|
|
|
|
|
|
|
|
Re: إيمان لندن تبشتن أغنية بلة يا بلة بشتنة.. (Re: عمر سعد)
|
عمر سعد
المشوا مع رابطة المراه ديل ريحو اضنينون من الكوراك
وفى نفس الوقت فوتو عليهم فرصة ليمتعوا العيون بالجمال,..
والحكاية وأضحة مامحتاجة للجنة من الحكام الجمهور هو البحكم,...
وأنا بقترح عليكم أو على رابطة المراه فى طبق الخير لدعم دارفور
أن يبيعو التوب الرهيييييييب بتاع إيمان لندن دا لدعم
مشروع طبق الخير لدعم دارفور والتوب الرهييييب بيعمل
قدح يكفي دارفور ويدفق....
| |
|
|
|
|
|
|
|
|
|
Re: إيمان لندن تبشتن أغنية بلة يا بلة بشتنة.. (Re: Salah Abdulla)
|
Quote: البشتون يا أحمد ، أظنها (والله أعلم) من فصيلة الرمدون (الرماد) والسجمون (السجم) طبعاً مش (سيجمون فرويد)..
الناس ديل القعد يقول ليهم انتو بتعرفوا تغنوا منو ؟؟؟؟
والله لو عرفتو امشي اشتكيه...
بشتنة السجم والرماد .. |
أنا ماجيت الحفلة
لكنني ارى أن الكلام اعلاه يندرج تحت باب
االحقد والحسد ولا شئ غيره
حيث لا يجوز لواحد عامل فيها فنان أن ينتقد فنانة بقامة ايمان لندن
انظر (لندن) مش الديم 
نحنا عشنا في الوسط دا وعارفين الحقد الفيهو
صلاح عبد الله أنت متهم بالحقد
كامل التضامن مع ايمان لندن 
وكمال سالم 
كيتا على (شبكة) و (أميرة الشيخ) 
وبسطونة في ضهر صاحب البوست
لأنه ما بعرف يسمع مع انه بشوف كويس 
| |
|
|
|
|
|
|
|
|
|
Re: إيمان لندن تبشتن أغنية بلة يا بلة بشتنة.. (Re: SHIBKA)
|
عُمر سعد ...
Quote: جزء كان مع رابطة المراه فى طبق الخير لدعم دارفور فى اللاند
مارك (وانا كنت معاهم) و(رجال) الدوحة كانو فى اصدقاء البيئة |
عاد إتلَومت يا ود سعد دايِر رُجال الدَوحة يِبحلِقو فوق أب جقادو ودرماس
ليه يعني تبقى غُربة وقِله حيلة كمان ... أب جقادو ودرماس ملحوقين تراهُم
مُصنقِرين فوق الدَوحة ... ناس لندن وين تاني نلِم فوقُم ...
أريتني في لندن هِناك سُكوني ...
الما حِضِر بِقول تعال أبكوني ...
الحواجِب قوس رسم عرجوني ...
| |
|
|
|
|
|
|
|
|
|
Re: إيمان لندن تبشتن أغنية بلة يا بلة بشتنة.. (Re: ناجية مصطفى)
|
| Quote: الصور كان طلعت فى ناس بمشو الصالح العام |
و الليييييييييييييلة ..
نفسي اشوف هارون مكلوج و حاتيهو ياخ ..
و هناي داك كان كيف بالله ؟
كمال سالم !!!! أحيييييييييي منك ..
ود القريش بالكريشة المسعولة .. و النخرة العرقانة .
و ود الأمير بالبربطوظ و السيكار ..
الله مرق ابوساندرا غايتو .. قالوا من قولة تيت رقد رُز و شالوهو أربعة منو و البيت راس ..
مخير الله .
كيكي !!! كيكي ده بالذات صورو حتمية و ضرورة مرحلية ..
ضحية .. إنا لله , سويت شنو ؟
ناجية بالله النبي فوقك كان عارضتي تنزيل الصور ..
دايرين نتمحن باقي الليل ده .
| |
|
|
|
|
|
|
|
|
|
Re: إيمان لندن تبشتن أغنية بلة يا بلة بشتنة.. (Re: عبدالله الفرجوني)
|
| Quote: قايتو أنا ما حضرت لاكن سمع أضانى قالو الصور كان طلعت فى ناس بمشو الصالح العام |
ماكان في اي مصوراتية حايمين يا ناجية..الناس دي بترقص بس كانت..
جو اخوانا من شرق افريقيا
ورقصو رقيص من لايخشى على عضمه من الانكسار..
حتوهو حت لامن سقف القاعة اتمحرك..
ياام طارق
الحفلة بصراحة هي استنادر لي حفلة بتاعة بنات ..ممتاة ولا شي يعيبها..
الشي المابعجب هو انو الناس تجي حفلة زي دي وتقعد تصرصر وشوشا..
الواحد يجي بدل مايرقص او على الاقل يصفق في الكرسي تلقاهو صاري وشو ومركب وش حديد تقول في زول جابو بالقوة..
معقولة بس ..الواحد يجي بي كراعو ويدفع خمسين ريال عشان يصرصر وشو؟؟
يعني خلاص المنظر ماعاجبو ..
ياخي طيب ماتجي ..
كبر دماغك دي..
امشي محل الناس الانتا شايفم اكثر اتزانا..
الحضور لاثيوبي فاتنا كتير ..
لانو اكثر وعيا واقل عقدا واكثر ادراكا لمعنى ما اتو إليه..
لذلك اتو الى الحفل في سرور وخرجو وهم اكثر ابتهاجا..
ذلك شعب خلق للبهجة..
| |
|
|
|
|
|
|
|
|
|
Re: إيمان لندن تبشتن أغنية بلة يا بلة بشتنة.. (Re: DKEEN)
|
عماد عبد الله
سلام
Quote: و الليييييييييييييلة ..
نفسي اشوف هارون مكلوج و حاتيهو ياخ .. |
وحاتك بت خالتك من عصرية بدري جهزت برامجة
والحجل بي الرجل .....فلانة ديك ماعزيناها في ابوها
والله اتلومت مع علانة ماباركته ليها مروقه
وولد ناس هناي قالوا كاسر رجله ( التقول ميسي )
واياك اعني واسمعي ياجاره....!!!
غايتو خسارة صورتي النزلتها كسير تلج ديك....!!!
الله في
| |
|
|
|
|
|
|
|
|
|
Re: إيمان لندن تبشتن أغنية بلة يا بلة بشتنة.. (Re: ضحيه ابراهيم)
|
| Quote: ود القريش بالكريشة المسعولة .. و النخرة العرقانة . |
يا زول انت عارفني
قليبي رهيف وما بقدر على الهبباي في عز الصيف
والنصيحة البنية سمحة سماحة السنين
عشان كدا قلت يا ولد خليك تقيل وراسي
ومرة كدا خالف هوى نفسك
أها يشهد الله ويعلم الله
كراعي دي ما رفعتها قصاد أصدقاء البيئة
خالفت هوى نفسي ... وفي الحلق غصة
| |
|
|
|
|
|
|
|
|
|
Re: إيمان لندن تبشتن أغنية بلة يا بلة بشتنة.. (Re: ضحيه ابراهيم)
|
| Quote: كورة مديد ومشيت على العجوز ابواساندرا اواسيه |
بالله مديدة عديل كده ؟
لا لا .. كان كده حالتو متأخرة شديد .. ساعدوه يا اخواننا بالمعينات الزي دي ، اهو برضو فيها الأجر .
و كابي لينا بهناك نفيخ نفيخ .. و أنا الشافو خلو و أنا الككو الفجخ الطين ..
رياح ( الخماسين ) الهوج
بالله بعد الحُمى أم برد دي و النوبة الدقاها لينا .. طلع تُسسسس ؟ مديدة ؟ .
هارون .. إنت راجل ود شيوخ ، فياخي شوف للكبير ده حاجة من بتاعات عمك شريف فضل ديك ..
إن شا الله قراصة تمر و أعزموا ليهو فيها ..
و عمنا كمال سالم يتقل ليهو بالله شوربة قضيم بالسنمكّة ..
إنت يا ضحية جيب كبدة الإبل الماعندك غيرها ديك .. و تقل ليهو العتّي ، العتي كويس في حالة الفضايح دي .
....
أدونا الصور بالله ..
نشوف دكين المبرراتي ده ح يودي وشو وين ؟
| |
|
|
|
|
|
|
|
|
 Re: إيمان لندن تبشتن أغنية بلة يا بلة بشتنة.. (Re: معتز القريش)
|
مخير الله يا دكين.. يا حليل السعودية يا يمه... قال حفلة بي إيمان لندن وبرقصوا فيها الحبش قال!
تلحقنا وتنجدنا من التجنيد الإلزامي الإحنا فيه ده
on another note
ايمان لندن دي لا سمحه ولا شتين.. ولا بتعرف تلبس.. وفاره شعرها كده زي التقول ما مصدقة انه عندها شعر، ما عامله فيه أي style... ومبتسمه 24 ساعة، تقلة مافي....وطبعا متفقين في مسألة الإمكانات الصوتية...
| |
|
|
|
|
|
|
|
|
|
Re: إيمان لندن تبشتن أغنية بلة يا بلة بشتنة.. (Re: DKEEN)
|
طبعا قلت انا رجال الدوحة كلهم كانو مكسرين فى اصدقاء البيئة من شمس بدرى
وتاكيد لما كتبت ذكر احدهم هنا دون ذكر اسمة(دكين)
| Quote: هي استنادر لي حفلة بتاعة بنات ..ممتاة ولا شي يعيبها |
تقول لى واحد حول لى عشرة ريال يقول ليك كان ليك هاهاهاهاهاهاهاهاهاها
يا عماد عبد اللة رجال الدوحة ( خم وصر) بقو سجال
يا حليل رجال الدوحة ما بقو رجال لندن الزمن دة هاهاهاهاهاهاهاهاهاهاه
انا كنت منتظر ينزلو اغنية (حسن .....) ما اتغنت يا جماعة الخير ...
عشان نشوف اتغنت تمام ولا اتبشتنت زى ما اتبشتن سيده
| |
|
|
|
|
|
|
|
|
|
Re: إيمان لندن تبشتن أغنية بلة يا بلة بشتنة.. (Re: ASHRAF TAHA)
|
ابو الشوش ياأخى
والله يا أشرف متمني ازور قطر دى عشان الناس الحلوين
الفيها صلاح عبدالله
ابو ساندرا .كيكى .ود القريش. هارون .ضحية. الصحافة 30
وعندى زووول عندى ليهو معزة خاصة هو ود رملية
ياررررتني فى قطر.. ازووور أهله وأشوف بحره ..
ايشي يا مان....
| |
|
|
|
|
|
|
|
|
|
Re: إيمان لندن تبشتن أغنية بلة يا بلة بشتنة.. (Re: معتز القريش)
|
يا ود القريش ، والله أنا لاني حاسد ولاني حاقد
وما بنكر وصلت أصدقاء البيئة بصحبة بنياتي وأمهن
لكن من الحوش قربّت أقوم جاري ، سالت واحد (أخونا) فنصحني بالشتّيت السريع
وإيمان لندن دي بي عيني دي ما شفتها..
ولا أنكر أنو ده نوع الشغل البينفع معاي
بشرط عدم إصطحاب (الوفد المرافق)
وزي ما قال كمال سالم ، ده ما شغل بتاع سمع ، تعال ( إتلولح ) وأنفض الكلوش ، وشتت..
بالله أنا عامل فيها فنان ؟؟ طيب يا معتز الفيك إنعرفت
أنا كان ما مليت ليكم الدوحة دي بالديامة ما ح تقتنعوا إنو الديامي
ممكن يطلّلع ليك العود أو الجيتار من ( جيبو ) ققاااااااااي ..
معتز ،، السماحة دي يوم بتوديك بي هناك ...
| |
|
|
|
|
|
|
|
|
 Re: إيمان لندن تبشتن أغنية بلة يا بلة بشتنة.. (Re: حنين للبلد)
|
حنين لو سمعتي أرجوك أرجوك يازول
صراحة أنا لما سمعت الاغنية شعرت جلدي كلبت وخجلت وحسيت زي الزول القلعوا ليهو هدومو قدام حشد من الناس .. يازولة الزولة دي بتتدلع وتتغنج وتقول ليك ارجوك ارجوك يازول بطريقة ....
المهم من اليوم داك أنا قلت دي إمرأة شجاعة وممكن تعمل حاجات ناس تانيين وبما فيهم أنا مابنقدر عليها عشان كدا تستحق التقدير والحب
عرفتي بحبها ليه؟
أما مسألة ود البشرى ..... القال ليك أنا مابريدو منو؟
| |
|
|
|
|
|
|
|
|
|
Re: إيمان لندن تبشتن أغنية بلة يا بلة بشتنة.. (Re: Rawia)
|
تحبي ليها شنو يا راوية ؟؟ الما بتعرف تغني بلة يا بلة دي ما تستحق لقب فنانة
بعدين على قول بت الحسين الحجة دي ما شايفين ليها اي سماحة الحاجات الفيها دي كلهاfake
لكن صحي اظنو الغنى الهابط بكتل القلب و بطول العمر عشان كده الكبر ما باين فيها شديد
قال ايمان لندن قال
| |
|
|
|
|
|
|
|
|
|
Re: إيمان لندن تبشتن أغنية بلة يا بلة بشتنة.. (Re: Rawia)
|
Quote:
يا سنا وراويَّة وغيرهما من ما لا يُطِقن إيمان، بغير إيمان :D
___
إيمان لندن سمحة وchـبchـابة، وهذا ما يهم لمن يُوقِر الحت ويقدِس الـchـبchـبـة.. |
أها شفتي ياسنا
جنس دا الانا بتكلم عنه
______________
وchـبchـابة، وهذا ما يهم لمن يُوقِر الحت ويقدِس الـchـبchـبـة..
اها إنت قرط على كدا
واكل دمعة كل يومين
| |
|
|
|
|
|
|
|
|
|
Re: إيمان لندن تبشتن أغنية بلة يا بلة بشتنة.. (Re: الصادق ضرار)
|
(وحاتك بت خالتك من عصرية بدري جهزت برامجة
والحجل بي الرجل .....فلانة ديك ماعزيناها في ابوها
والله اتلومت مع علانة ماباركته ليها مروقه
وولد ناس هناي قالوا كاسر رجله ( التقول ميسي )
واياك اعني واسمعي ياجاره....!!!
غايتو خسارة صورتي النزلتها كسير تلج ديك....!!!
الله في)
She is very smart
I'm proud of her
| |
|
|
|
|
|
|
|
|
|
Re: إيمان لندن تبشتن أغنية بلة يا بلة بشتنة.. (Re: عبدالمجيد الكونت)
|
والله كان قلتو لي ندى القلعة، اقول ليك سمحه.. وروحي رياضية خااالص في الحاجه دي.. خاصة انه نادر لو جات اي واحده من ديل، بقلع منّي الريموت ويغير القناة... على الاقل قدامي :D...
النقطة التانية.. يا اخوانا انا براي ملاحظة موضوع الشعر ده؟ ما حلو والله ما حلو.. يعني في حفلة كده كانت معاها هيمانوت.. رافعه شعرها ومنزله ليه خصل كده.. طالعه احلى بكتير من ايمان.. هو شعرها نوعيته سمحه.. لكن بجيني شك انه جديد عليها.. لانه العندها شعر زي ده من زمان ما بتبهدله كده... غايته يا السودانيات، كان عندكم مبشتننه، وكان ما عندكم ساكينه...!
راوية عليك الله ما تخليني ازعل منّك في موضوع ايمان ده ياخ...
| |
|
|
|
|
|
|
| |
احمد معتصم الطيب
عمر سعد
ALGARADABI
عبدالله شمس الدين مصطفى
الرشيد ابراهيم احمد
معتز القريش
haroon diyab
SHIBKA
عزام حسن فرح
ودالعباسية
Alsa7afa_30
Emad Abdulla
عبدالله الفرجوني
ضحيه ابراهيم
مريم بنت الحسين
محمد حيدر المشرف
ASHRAF TAHA
سارة علي
ناذر محمد الخليفة
Rawia
Yassir Tayfour
سناء عبد السيد
محمد البشرى الخضر
الصادق ضرار
khaleel
فيس بوك
تويتر
انستقرام
يوتيوب
بنتيريست