|
|
 حالة حنين !!
|
شعاع عينيك ..
مراسيل ريد ..
تعابير شوق ..
بتجّسّد فى دميعاتك ..
لمّن تخون الشعور تعابيرك ..
وتشتت كليماتك ..
وتعجزى إنت من القول ..
وتعبّر لىّ نظراتك ..
.............
غرقانة من كبت الأنين ..
شرقانة من كُتر الحنين ..
وتفلت دمعة من العين ..
وتشرد همسه من شفتين ..
إتْ يا زول مشيت لى وين ؟؟
.............
بخلت علىّ دون أحبابى ..
رجيت ردك على كتابى ..
أبيت تطرق على بابى ..
وكتَّرت لى فى الريد ..
زدت على جراحاتى ..
وكتّرت لى فى الشوق ..
زدتّ علىّ شُمّاتى ..
وإتجاهلت ..
عبراتى ..
وكتاباتى ..
وآلامى..
ومُناداتى ..
وكل حاجاتى ..
وسافرت متعمّد ..
بعد صديت مُلاقاتى ..
|
|
 
|
|
|
|
|
|
|
 Re: حالة حنين !! (Re: صلاح أبودية)
|
Quote: شعاع عينيك ..
مراسيل ريد ..
تعابير شوق ..
بتجّسّد فى دميعاتك ..
لمّن تخون الشعور تعابيرك ..
وتشتت كليماتك ..
وتعجزى إنت من القول ..
وتعبّر لىّ نظراتك .. |
يا ابو صلاح..
نيابة عن ناس الليل و كدا
ياخى كلااامك سمح تب و حنينك فى السلك..
| |
|
|
|
|
|
|
|
|
|
Re: حالة حنين !! (Re: عزام حسن فرح)
|
عزام!Quote: الدايِر يِغسِل روحو بِأُجاج عينيهو ... أوصيهو يِشغِل أُغنِية < نورة > ويِقرا
أب دَية ... |
أفحمتنى يا دفعة !
تحياتى لبت أبراهيم!
| |
|
|
|
|
|
|
|
|
|
Re: حالة حنين !! (Re: شمس الدين ساتى)
|
الأخ شمس الدين !
لك التحية والود
Quote: هل من مزيد.. زي ماقال عزام
لحقت صاحبنا منير في البكا والحنية |
منير ده خلى فارش عديل كده !
إنت داير مزيد من شنو؟؟
بكى ولّ حنّية ؟
شكرا على المرور !
| |
|
|
|
|
|
|
| |
صلاح أبودية
طارق جبريل
عزام حسن فرح
شمس الدين ساتى
فيس بوك
تويتر
انستقرام
يوتيوب
بنتيريست