هذا لايحدث إلا في السودان ... خلوة جرجس لتحفيظ القرآن الكريم

Quote: فرانس القبطى كان ومازال صديقا لى رغم افتراقنا لامد طويل لكننا على وصل جميل الا انه يحفظ القران باكثر منى كان مساء يوم فى اجتماع حزبى فى بيت احد اصدقائه وكان ان حلت صلاة المغرب حضر والد الزميل واوما لفرانس ان يقيم الصلاة بل ويؤمهم وقد كان كان وسيما ويلبس فى تلك الامسية جلبابا وملفحة وله لحية وجيهة المهم انه صلى بهم نزولا على رغبة والد صديقهم وخرج قبل ان يكتمل الاجتماع سالوه يافرانس يا زميل الاجتماع لسه ؟ فاجاب ـ هسى ابوك دا يكتشف انى قبطى اقبل وين؟ تحياتى لفرانس الذى اسلم الان وتزوج صديقة حبيبة لى ويعيش فى هولندا ولك ولكل اصدقائى الاقباط وما اكثرهم وما اجملهم تحياتى لك واحترامى ...

Quote: عندي قصة في بالي عن واحد من اخونا الاقباط شاب كان في الجيش السوداني خدم لفترة في الجنوب ايام الحرب الله لا أعادها ، اها كان معاهو مجموعة في السرية بتاعتو ولا اسمها شنو ما عارفة المهم الشباب أتوفوا الي رحمة الله و رغم ذلك استمرت مواهيهم تصل حسب الكشف و كان الشاب القبطي يستلمها و بعد داك عمل بيها مسجد صدقة علي روحهم .

Quote: ده كلام صحيح مائة فى الميه هى خلوة بولس فى بيت المال امدرمان وازيدك من الشعر بيت ،انت عارف عندما قرر اهل امدرمان بناء المسجد الكبير فى السوق، اول المتبرعين كان عمك نعيم قصار ودفع 100 جنيه وهو مسيحى وكان اكبر تبرع. كان هذا عندما كان السودان المتسامح وكان مسيحى امدرمان يزورو مسلميها ليشيلوا الفاتحه فى المآتم ويبادلهم المسلمون نفس الاحساس كانت مآذن مساجدها تسترق السمع لاجراس كنائسها فى ود واحترام شديدين تلك ايام اتمنى ان لانتباكى عيها وان تعود،،،

(عدل بواسطة خلف الله عبود on 05-16-2009, 09:52 PM)

Quote: سلمي وصلتني القصة كما يلي أنهم كانوا على سفر وكان ملتحيا ويلبس جلباب وعمامة ويتونس مع زملاء السفر فلما وصلوا استراحة وحان وقت صلاة طلبوا منه أن يؤمهم فأعتذر ولم يذكر لهم السبب وهو كونه مسيحيا

(عدل بواسطة خلف الله عبود on 05-18-2009, 10:26 PM)

(عدل بواسطة خلف الله عبود on 05-18-2009, 10:29 PM)
(عدل بواسطة خلف الله عبود on 05-19-2009, 06:14 PM)

(عدل بواسطة عمار زكي on 05-19-2009, 09:06 AM)