|
|
 القرعة تخدم الهلال وتضاعف حظوظه في التأهل لنصف النهائي ..
|
قياسا على واقع المريخ الذي يؤكد إستقراره فنيا وتفوقه من جميع النواحي على بقية
فرق مجموعته فانه ومالم تحدث معجزات يصبح تأهل الفريق إلى نصف نهائي المسابقة بطلا على
المجموعة مسألة وقت ليس إلا .
وعليه فإن تواجد الهلال في ذات مجموعة المريخ يتيح الفرصة للأخير لتقديم الخدمات المأمولة
لاخيه الصغير وذلك بالعمل على إلحاق الخسارة ذهابا وإيابا بالفريقين المنافسين بالمجموعة
شريطة ان لا يتعثر الهلال بملعبه وهو ما سيعزز حظوظه ولا شك في إحتلال المركز الثاني وتاليا
إنتزاع ورقة الترقي الثانية ومرافقة المريخ لنصف النهائي .
يتبع .....
|
|
 
|
|
|
|
|
|
|
|
Re: القرعة تخدم الهلال وتضاعف حظوظه في التأهل لنصف النهائي .. (Re: Mohamed Foto7li)
|
العزيز طلحة ، وينك ياخ في معمة الكورة الجد جد تاعب روحك مع
الحمام الميت دا ، هلال على مريخ؟؟ عليك الله شفت الناس ديل بيجرو
كيف لآخر ثانية كأنها المباراة بدأت للتو،،
غايتو شغلنا هنا دا تعصب ساي إلا كورة ماكو،،
| Quote: يلا امشوا اكلوا و نوموا ... خلاص شلتوا الكاس .... مبروك |
طارق الكوتش،،
قسمت بالله ، الجماعة ديل كان شالوا الكاس دا إلا نشوف لينا بلد،،
يازول انت بصحك؟ ناس دبي لغاية الآن ماعارفين كاس (دبي) المحمول جوا
دا ناس المريخ دا شالو متين ، وكمان كاس الشارقة،،
استغفر يازول، دي ماحاجات بهظرو فيها،،
بس قول إن شاء الله ، مثلا مثلا يعني، إذا شالو مايكون محمول لا جوا ولا بحرا،، في الدايمة دي،،
| |
|
|
|
|
|
|
|
|
|
Re: القرعة تخدم الهلال وتضاعف حظوظه في التأهل لنصف النهائي .. (Re: حسين محي الدين)
|
Quote: طلحة
لابد من التنسيق للوسول للنهائي
لابد من التنسيق
شوف الكابتن ده شايل شنو في يدو
لهذا لابد من التنسيق..
|
السني ، هذا الكلام غير منطقي بالمرة ، ودعوة للمارسة
فاسدة ، هي رياضة علي الهلال يلعب مع المريخ كأنه الاهلي القاهري
والعكس صحيح ، ان نشجع المريخ عندما يقابل فريق خارجي هذا منطقي
وان يعطينا استاده فهذا ايضا منطقي ، ولكن لا للتعاون داخل الميدان فهذا تعامل غير
اخلاقي ولا رياضي
طلحة ، فعلا صحفي رياضي
| |
|
|
|
|
|
|
|
|
|
|
Re: القرعة تخدم الهلال وتضاعف حظوظه في التأهل لنصف النهائي .. (Re: طلحة عبدالله)
|
بعد الوصول لهذه المرحلة واضح جدا أن المريخ يحتاج لبعض المعالجات من الجهاز الفني لموضوع ضياع الفرص السهلة من مهاجميه و يحتاج لتدريب مكثف لحافظ ليرتقي بمستواه أكثر...المريخ يمكنه أن يصل للمباراة النهائية و ينافس بقوة...
الهلال يحتاج لعمل كثير في خط الدفاع خاصة الجانب الأيسر..وسط الهلال سيعاني كثيرا اذا ظل علاء الدين يوسف في تدهور مستواه و التركيز على الضرب و النرفزة..عمر بخيت بدأ يستعيد مستواه و قد ظهر ذلك في المباراة الآخيرة..هيثم مصطفى يحتاج لرفع لياقته لأنه الى الآن ينتظر الكرة في مكانه..هجوم الهلال بدأ يلعب بمستوى جدي..أتمنى أن تكون المباراة النهائية بين الفريقين رغم صعوبة ذلك...لاعبي الفريقين كما ذكر تنقصهم ثقافة المباريات النهائية التي تحتاج لتعامل خاص و خبرة..
| |
|
|
|
|
|
|
|
|
|
Re: القرعة تخدم الهلال وتضاعف حظوظه في التأهل لنصف النهائي .. (Re: طلحة عبدالله)
|
الاخ / طلحة
سلمات
يبدو ان احداث مباراة الهلال قد طغت على احداث مباراة المريخ ...
فايضا المريخ لم يظهر بالروح القتالية وكان اداءه باهتا جدا وهو يلعب
في ارضه وبين جماهيره ...
نعم لكل مباراة ظروفها ولكن اذا لعب المريخ بذلك الاداء يقيني انه لن يتاهل
الهلال وجد التجانس بين لاعبيه بعد الشطب الكبير في صفوفه واذا لم يحدث
تنسيق كما قال البعض والذي لن يستبعد فكفة الهلال هي الراجحة ..........
| |
|
|
|
|
|
|
|
|
|
Re: القرعة تخدم الهلال وتضاعف حظوظه في التأهل لنصف النهائي .. (Re: طلحة عبدالله)
|
الزول السمح عبداللطيف بكري
أصلا المريخاب لا يبطرهم النصر ولا يفاخرون إلا بما ملكت أيديهم بيد أنهم في الحقيقة يردون بضاعة الهلالاب لأهلها
وإذا كان جماعة أبو الهل أصحاب السجل الأبيض من أي القاب أو إنجازات خارجية يتطاولون
علي الزعماء حاصدي الذهب وملوك الإعجازات ولا يملون من محاولاتهم المستمرة لتغبيش وعي جماهير
الكرة السودانية خاصة الأجيال الجديدة وذلك بإطلاق النعوت والأوصاف الفاخرة علي فريقهم
مقرونة بإستحقار وإستهوان بالزعيم المريخي فما الذي يحول بين أحباب الأخير الذين هم
غالبية سكان المليون ميل من إزهاق مثل هذه الأباطيل بإجلاء الحقائق كما ولدها رحم التاريخ ..؟
وهل ما يقوله المريخاب إلا حقائق ناصعة ساطعة كعين الشمس منتصف النهار ..؟
| |
|
|
|
|
|
|
|
|
|
Re: القرعة تخدم الهلال وتضاعف حظوظه في التأهل لنصف النهائي .. (Re: ممدوح عثمان)
|
طارق شاطر
واقع الحال يؤكد ان المريخ سيسطر سيطرة مطلقة علي مجموعته في مرحلة المجموعات
كما سيطر على كل منافسيه في المباريات السابقة بالبطولة لوم يخسر أية مباراة
سافتح بوست عندما يفوز المارد المريخي باللقب الكبير وساطالبك بتقديم التبريكات
والتهاني يومها .
بالنسبة لهلالكم فبصراحة كدا امرو هين شديد السنة دي وما أظنو ح يستمر اكتر من كدا.
| |
|
|
|
|
|
|
|
|
|
Re: القرعة تخدم الهلال وتضاعف حظوظه في التأهل لنصف النهائي .. (Re: عمران حسن صالح)
|
والله ياعمران
النقطة الاولى دى مهمة لانها خارج ارضنا
زمان كنا سنلعب للفوز او التعادل
لكن بعودة قلب الاسد وقودوين
سنلعب للفوز فقط
لا تختفى ياطلحة,,,,شابككنا اول مجموعة وثانى مجموعة
كلا هروبا من النجم الساحلى,,,اها جاكم البعبع البعرف ليكم
لا حكم بنفكم ولا جمهور بشفع ليكم
رايكم شنو تعلبوها فى استاد الخرطوم
لان الكراس بتتكسر
قال كراسى قال,,,,
| |
|
|
|
|
|
|
|
|
|
Re: القرعة تخدم الهلال وتضاعف حظوظه في التأهل لنصف النهائي .. (Re: عمران حسن صالح)
|
طلحه والمريخاب ..
اركم طالعين السما بهذا المريخ .. عجبي وستين عجب كمان
عن اي فريق بتتكلمو ؟؟؟؟ فريق الشوق اظنيتووو
اولا : للمريخ دفاعات خفيفه وشوارع ..بله جابر - موسي الوزمه طراف يا حليل الاطراف !!
الباشا ودامر عجبييييييي .. ربنا يصلح الحال !!
ثانيا : وسط جوووطه وخرمجه سااااااااكت --- قلق - الشغيل -( لاشأن ا) له باكوره
مجاهد واحاتك يا طلحه شكلك كدا انت احسن منو!! عاضي عبدالعاطي (( صدقني ده عاضي جدجد ))
والعجب حدث ولا حراج .. وبصراحه ذمان انا قلت ((الذين)) احسن منو بي مليون مره وهو الظهر العجبط
في سنترليق .
بس نقول شنو الله غالب ...وارغو حا تنتهو منو .. لو صبر شويه بجري براحه في الريال والا الارسنال
دق نعشه في هذا المريخ الطالعين بيهو السما طلحه وحمزاوي ومزمل ابوالقاسم وبيقة الوصيفاب..
طيب ..
نشوف الهجوم :طمبل - ايداخور - كلتشي .. ده مش هجومكم واللا في حاجه تاني غير السعودي ؟؟؟
وااا اسفاي .. علي الدحيش حقكم وسانتو وعيسي صباح الخير - والمعلم سكسك والرهيب دحدوح
رابعا حراس المرمي : حافظ (( ابو بيضه ))- اكرم الهادي (( من السبعه تاني ما شوفناهو ))
ده فريقك يا طلحه !!!!!!!!؟؟؟
بالله عليك .. ديل تقارنهم بي نجوم الهلال .. وتقول حتساعدو الهلال عشان يصل المرحله المقبله
عجبي عجبي عجبي عجبي ..
لو الجنايز ديل حا ساعدو الهلال للوصل للمرحله القادمه .. ده طرفنا منها ..
صدقوني يا مريخاب الحظ لعب معاكم انكم وقعتو في مجموعة الهلال العظيم .. وحاتلقو الحا يجركم
للمرحله الجايه .. وشهر 6 قريب ...
مريخ شنو البتتكم عنو يا خي ..
يتبع ...
| |
|
|
|
|
|
|
|
|
 Re: القرعة تخدم الهلال وتضاعف حظوظه في التأهل لنصف النهائي .. (Re: عبدالله كع)
|
يا اخوانا دا مش المريخ البلعب معانا في الدوري واستادو في شارع العرضة؟
انا اتخيلت انو ليفربول جا البطولة الافريقية!
طلحة كل عناوين بوستاتك لازم يكون فيها الكلمة دي؟ "الهلال"..
طيب ياخي نستفيد منك كدا يا حبيب واحكي لينا تاريخ الاندية السودانية بالبطولة الافريقية اللاعبين فيهاالمريخ "قصدي ليفربول" السنة دي..
يعني النهائي سنة 92 مثلاً والوداد البيضاوي والحاجات دي.
| |
|
|
|
|
|
|
|
|
|
Re: القرعة تخدم الهلال وتضاعف حظوظه في التأهل لنصف النهائي .. (Re: عمران حسن صالح)
|
علا الدين حيمورة
البخلي المريخ قريب من نصف النهائي ومنصة التتويج هو إستقراره الفني
يا حبيب .
المريخ يملك صفين من اللاعبين بإمكان أي صف أن يدافع عن ألوان الفريق
على أفضل نسق وهو امر أقوي من أي ظروف إصابات او غيابات يمكن ان تحدث
خلال الفترة المقبلة .
كما أن مباريات المريخ بالمرحلة الفائتة من البطولة أكدت على جدارته و
توجته الأفضل على الإطلاق إذ لم يخسر أية مباراة خارج او داخل أرضه علاوة
على تسجيله نسبة جيدة من الأهداف في مواجهة أفضل الفرق كالإتحاد الليبي (مثالا).
وإذا كان الفريق لم يظهر بالمستوي المطلوب في لقاء الأياب أمام كمبالا سيتي
فهي لا تعدو مباراة واحدة من ست مباريات خاضها الفريق وحقق فيها نسبة نجاح
كامل أداء ونتيجة .
عكس الهلال الذي خدمته ظروف وعوامل خارجية أخري في الإستمرار بالبطولة
حتى الآن .
| |
|
|
|
|
|
|
|
|
|
Re: القرعة تخدم الهلال وتضاعف حظوظه في التأهل لنصف النهائي .. (Re: طلحة عبدالله)
|
عبدالله يا كع
نتكلم عن المريخ الموسوم أسمه فخرا وعزا ومجدا وعراقة ..
تاريخيا فالمريخ حقق المعجزات على الصعيدين الداخلي والخارجي
فهو الفريق الوحيد الذي حقق بطولة الدوري من دون هزيمة او تعادل
مرة ، وبتعادل واحد مرة اخري .
وهو الفريق الوحيد الذي جلب الكوؤس الخارجية ليسعد بها الشعب السوداني
أياما وليالي وذكريات .
وحاليا فهو الزعيم على عرشه أستوي وتحكر مرصعا بالنياشين والاوسمة يضحك
ملء الأشداق خاطفا للأبصار والاحداق .
نتكلم عن المريخ الذي خاض في النسخة الحالية من بطولة الأبطال ست مباريات
محققا اعلي نسبة نجاح إذ لم يخسر أية مباراة داخل وخارج أرضه .
نتكلم عن رئيس إحدي مجموعتي مرحلة المجموعات والمرشح الأبرز لإعتلاء منصة التتويج
وإستعادة امجاده وأيامه الخوال .
نتكلم عن المريخ مفخرة البنيان والمعمار السامي الراسخ كالطود..
هذا على سبيل المثال .
فعم يتكلم الهلالاب ...؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: القرعة تخدم الهلال وتضاعف حظوظه في التأهل لنصف النهائي .. (Re: طلحة عبدالله)
|
طلحة ياخوى
لو بتكتب جادى راجع ليك اقرب زول عندو احساس عشان يصحيك
ولو بتكتب للتسلية فكلنا فى الهوى سوا
فريق انهزم بفضيحة فى كاس العرب
من فريق نازحين,,يعنى نشيد علم ما عندهم
تجى تتكلم عن بطولات كننا لم نكن سودانيون
ياخى احترم عقول المارة
مزمل عندو صحيفة عاوز يسوقها انت عندك شنو
ياصديقى تمهلا قليلا,,واكتب ما يخدم الكورة حتى يكون عندك نهج
نقد يستفاد منه.,,ولكن ان تشكر الرواكيب فى الخريف..هذا ما يترك
القارىء البسيط يروق مخو..
تسلمو جميعا
| |
|
|
|
|
|
|
|
|
|
Re: القرعة تخدم الهلال وتضاعف حظوظه في التأهل لنصف النهائي .. (Re: abuguta)
|
يا أبوقوته
خليك من السفن أب
بالله في فريق في نهائي كأس
يأخذ اربعة وكمان على أرضو ......
يا طلحة..
انتو ما عندكم غير إنجاز واحد بس
وفي البطولة الثانية للإتحاد الأفريقي ( كأس مانديلا )
ووصول الهلال لنهائي بطولة الأندية الأفريقية( مرتين )
يساوي ( عشرة ) من كأسك الجبتو دا ...
بالله قوم لف كده ...
| |
|
|
|
|
|
|
|
| |
طلحة عبدالله
نصر الدين عثمان
اسامه خليفه
عمران حسن صالح
خالد عبد الله محمود
محمد مصطفى
Mohamed Foto7li
محمد سنى دفع الله
محمد عبد الماجد الصايم
waleed dawash
حسين محي الدين
رقم صفر
abdalla osman
الحاج حمد الحاج
7abib_alkul
علاء الدين حيموره
طارق شاطر
ممدوح عثمان
abuguta
عبدالله كع
محمد يوسف الزين
فيس بوك
تويتر
انستقرام
يوتيوب
بنتيريست