|
Re: شكرا جمال الوالي .. شكرا شمس المعارف (Re: مهدى الصادق السيد)
|
Quote: استاد المريخ امس كان يغلي وكل من بالاستاد يطالب بالثأر الفوري ..... |
أبو الصادق يا عمكـ ياخ إنتو ماخدين الأمور دي بحساسية أكتر من اللازم الواحد تقول خشا ليهو حرب .. ما استاد!
عشان كــدا قلنا شكرا للوالي .. حتى لو عندو أي كلام أو ملاحظة وصلا للناس بكل لباقة!
| |
|
|
|
|
|
|
Re: شكرا جمال الوالي .. شكرا شمس المعارف (Re: motaz)
|
شمس المعارف قال انو ضربة الجزاءخضعت لراى الحكم الخاص و لم يدلي برأيه الشخصي. اعادة الضربة للمرة الأولى صحيحة و نتفق كلنا في ذلك و لكن لم يوضح لنا رأي القانون اذا تدخل لاعب من الفريق المنفذ وتم احراز هدف هل يحسب ام تعاد . الواضح ان هناك لاعب هلالي تدخل بوضوح عند التنفيذ الثاني. ضربة الجزاء الثانية واضح ان الحكم قد صرفها و قد يكون السبب هم عقدة الذنب للضربة الأولى مع تحياتي للجميع و للفريقين بالتطور في المنافسة ود الشيخ
| |
|
|
|
|
|
|
Re: شكرا جمال الوالي .. شكرا شمس المعارف (Re: MOHAMMED ELSHEIKH)
|
Quote: شمس المعارف قال انو ضربة الجزاءخضعت لراى الحكم الخاص و لم يدلي برأيه الشخصي. |
ود الشيخ يا عمكـ
في النقطة دي بالذات اتكلم رجع ليها أكتر من مرة وقال ليكـ في احتكاكـ بين المدافع والمهاجم لكن الحكم هو من يحدد إذا كان الاحتكاكـ مقصود أم بدافع البحث عن الكرة!
Quote: و لكن لم يوضح لنا رأي القانون اذا تدخل لاعب من الفريق المنفذ وتم احراز هدف هل يحسب ام تعاد . |
برضو قال إنو الحكم في تنفيذ الضربة كان مواجه للاعب المنفذ للضربة ولا يمكن في نفس الوقت أن ينظر لمن خلفه! وفي إعادة الشريط بأبطأ من البطيئ الكلام دا كلو ظهر واضح بدون أي شكوكـ!
Quote: ضربة الجزاء الثانية واضح ان الحكم قد صرفها و قد يكون السبب هم عقدة الذنب للضربة الأولى |
المهم إنو ضربة جزاء صحيحة لم تحتسب للهلال!
تشكرات يا عمكـ
| |
|
|
|
|
|
|
Re: شكرا جمال الوالي .. شكرا شمس المعارف (Re: MOHAMMED ELSHEIKH)
|
Quote: و لكن لم يوضح لنا رأي القانون اذا تدخل لاعب من الفريق المنفذ وتم احراز هدف هل يحسب ام تعاد . الواضح ان هناك لاعب هلالي تدخل بوضوح عند التنفيذ الثاني. |
محمد الشيخ، إذا كانت الكورة جات قون الحكم ما بيعيد الكورة اذا تدخل لاعب الخصم او لاعب الفريق المنفذ لكن بيعيدا متين؟ اذاالكورة ما جات قون وكان لاعب الخصم داخل خط التمنطاشر ، او خروج الحارس من مرماهو قبل ضربة الكورة
| |
|
|
|
|
|
|
Re: شكرا جمال الوالي .. شكرا شمس المعارف (Re: هيثم درار)
|
Quote: محمد الشيخ، إذا كانت الكورة جات قون الحكم ما بيعيد الكورة اذا تدخل لاعب الخصم او لاعب الفريق المنفذ لكن بيعيدا متين؟ اذاالكورة ما جات قون وكان لاعب الخصم داخل خط التمنطاشر ، او خروج الحارس من مرماهو قبل ضربة الكورة |
هيثم درار تسلم يا حبيب!
لكن..
البقنع الجماعة ديل منو؟
| |
|
|
|
|
|
|
Re: شكرا جمال الوالي .. شكرا شمس المعارف (Re: motaz)
|
اكد الحكم المتقاعد شمس المعارف بان ضربة الجزاء مشكوك فى امرها ودبلومسيا قال ترجع لتقدير الحكم....
كما اكد بان زمن المباراة لم يكن صحيحا.......
بجانب انه اجمالا الحكم ليس فى حجم (الظرف )اسف المباراة
| |
|
|
|
|
|
|
Re: شكرا جمال الوالي .. شكرا شمس المعارف (Re: محمد عبد الماجد الصايم)
|
Quote: اعادة الضربة للمرة الأولى صحيحة و نتفق كلنا في ذلك و لكن لم يوضح لنا رأي القانون اذا تدخل لاعب من الفريق المنفذ وتم احراز هدف هل يحسب ام تعاد . الواضح ان هناك لاعب هلالي تدخل بوضوح عند التنفيذ الثاني. ضربة الجزاء الثانية واضح ان الحكم قد صرفها و قد يكون السبب هم عقدة الذنب للضربة الأولى مع تحياتي للجميع و للفريقين بالتطور في المنافسة |
يا هندسة ،،
| |
|
|
|
|
|
|
Re: شكرا جمال الوالي .. شكرا شمس المعارف (Re: ابراهيم محمد الحسن)
|
يظل الهلال كبير رغم أخطأ التحكيم ... والكبير كبير ياعمك ... ومبروك للسودان تأهل قطبي الكره ونأمل ونتمنى بأن توحد الصفوف من أجل أن يظفرأحد الفريقين بالكأس لانه شرف لنا كسودانيين ... وما النصر إلا من عند الله ......
شكراً جمال الوالي الذي جعل في السودان ملعب نفتخر به أمام أخواننا الافارقة والعرب ...
| |
|
|
|
|
|
|
Re: شكرا جمال الوالي .. شكرا شمس المعارف (Re: عماد محمود علي)
|
Quote: يظل الهلال كبير رغم أخطأ التحكيم ... والكبير كبير ياعمك ... ومبروك للسودان تأهل قطبي الكره ونأمل ونتمنى بأن توحد الصفوف من أجل أن يظفرأحد الفريقين بالكأس لانه شرف لنا كسودانيين ... وما النصر إلا من عند الله ......
شكراً جمال الوالي الذي جعل في السودان ملعب نفتخر به أمام أخواننا الافارقة والعرب ... |
شكرا يا عمدة جمال الوالي صراحة رئيس
| |
|
|
|
|
|
|
Re: شكرا جمال الوالي .. شكرا شمس المعارف (Re: ابراهيم محمد الحسن)
|
Quote: اكد الحكم المتقاعد شمس المعارف بان ضربة الجزاء مشكوك فى امرها ودبلومسيا قال ترجع لتقدير الحكم....
كما اكد بان زمن المباراة لم يكن صحيحا.......
بجانب انه اجمالا الحكم ليس فى حجم (الظرف )اسف المباراة |
يا حيدر انت متاكد انك كنت بتسمع في تحليل شمس المعارف؟ يعني ما حكوه ليك الصباح؟
ياحي الراجل ده قيم مستوى التحكيم بجيد جدااو ممتاز..
غير انه تحدث عن ضربة جزاء اخرى غير محتسبه للهلال (ودي شايفكم عملتو فيها رايحين) وزمن المباراة ده ما من شغل حكم الوسط .. يعني الحكم الرابع هو من عليه حساب الزمن الضائع(يكونو برضو دفعو ليه وانا ماعارف؟)
| |
|
|
|
|
|
|
Re: شكرا جمال الوالي .. شكرا شمس المعارف (Re: محمد فرح)
|
ود الصايم يا عمك
جمال الوالي عارف انو جماهير الهلال اسياد البلد ما بتعمل كده
وثانيا ما هي قروشهم من الحكومه يحرقوها زاتو هيهيهيهيهيهيهيهيهي
وضربت الجزاء ما تتناقش مع ناس ما يتقتنع انو الحكام بجاملو فرقهم اكتر من سيد البلد
| |
|
|
|
|
|
|
Re: شكرا جمال الوالي .. شكرا شمس المعارف (Re: محمد فرح)
|
Quote: إنت ماتورينا بالأول جمال الوالي قال شنو البوستات الهزيله دي ياأخوانا أرحمونا منها |
كاااااااااااااكـ ياخ! والله يا عمكـ ضحكت حتى اهتزت كرشتي!
ياخ أحضر التلفزيون دا شوية .. ما ياها الكهربا متوفرة عندكم 26 ساعة في اليوم!
يا عمكـ جمال الوالي قال: إنو خسائر ستاد المريخ شيء متوقع في ظل الزحف الجماهيري الكبير، إنو الخسائر دي مش بالطريقة المهولة القاعدة تتكلم عنها الناس ولا يمكن أن توثر على العلاقة الحميمة القوية بين الناديين والإدارتين!
وبي المناسبة دي أهديكـ جـماعة خـشم الحـكم لـقـو الـبـقــرة!
| |
|
|
|
|
|
|
Re: شكرا جمال الوالي .. شكرا شمس المعارف (Re: waleed dawash)
|
Quote: وزمن المباراة ده ما من شغل حكم الوسط .. يعني الحكم الرابع هو من عليه حساب الزمن الضائع(يكونو برضو دفعو ليه وانا ماعارف؟) |
أمانة في ذمتك دي ... شفت ليك حكم رابع بحسب الزمن الضائع ؟.... ياخي الحكم الرابع برفع اللوحة بس بالزمن الضائع لما حكم الساحة يأشر ليه بالزمن المتبقي ... ياخي أنت بتتفرج في ياتو كورة ؟ أوع تكون كرة القدم الأمريكية لانني بصراحة كده مابعرف الزمن عندهم بحسبوه كيف ؟!!! غايتو يارشاشات لقيتكم بيض ..
| |
|
|
|
|
|
|
Re: شكرا جمال الوالي .. شكرا شمس المعارف (Re: عماد محمود علي)
|
يتعماد محمود اول حاجه ماتحلفني
Quote: شفت ليك حكم رابع بحسب الزمن الضائع ؟.... ياخي الحكم الرابع برفع اللوحة بس بالزمن الضائع لما حكم الساحة يأشر ليه بالزمن المتبقي |
والله ماعارف البحسب منو لكن شايف الزول برفع اللوحة قلت يمكن ياهو البحسب النصيييييحه..
Quote: يارشاشات لقيتكم بيض |
ما ابيض منكم ههههههههههه
| |
|
|
|
|
|
|
Re: شكرا جمال الوالي .. شكرا شمس المعارف (Re: Abu Eltayeb)
|
Quote: و الله شمس المعارف طق طق المسائل جنس طق و الشريط و اضح وضوح الشمس في في دوحة النهار طبعا شمس الدوحة حارقة |
لطفي يا أبو الطيب مرحبتين حبابكـ ياخ!
هارون دياب دا خليهو بنقدر نجضموا ليكـ تمام لكن الباقين الماخدين ليكـ الأمور بكل جدية وهاكـ يا (ظرف) الحكم .. ووواكـ ووييكـ! معقولة بس!
تمام يا عمكـ! مع تحياتي لشمس الدوحة!
| |
|
|
|
|
|
|
Re: شكرا جمال الوالي .. شكرا شمس المعارف (Re: محمد نجيب عبدا لرحيم)
|
آي كده ياخ اديني بوست مجيه ومشبع ألقى فيو المعلومه كامله حتى ولو كنت مامتابع وللا الكهرباء قاطعه عندي قبل فتره في عضوه هنا (المذيعه البكسروا ليها تلج ديك) قالت أي بوست بتخشّوا بتطلع مافاهمه اي حاجه منو . فبتكون لايص وبتحس بي روحك طيره لكن لمن يبقى البوست سمين وتوريني الوالي قال شنو وشمس المعارف قال شنو كده بكون مرتاح جداً .
بعدين أنا بتعامل مع الاعضاء بي صورهم بالمناسبه ماعرفتك والله إلا لمن دخلت المره التانيه .
كان عارفنك المرشح الجديد ماكنا بنشوت ضفاري عسى ولعل نبقى من أصحاب الكروش يوماً ما مافي حاجه بعيده على ربنا .
مؤونة عشرة أعوام من الود
| |
|
|
|
|
|
|
Re: شكرا جمال الوالي .. شكرا شمس المعارف (Re: محمد عبد الماجد الصايم)
|
Quote: يظل الهلال كبير رغم أخطأ التحكيم ... والكبير كبير ياعمك ... ومبروك للسودان تأهل قطبي الكره ونأمل ونتمنى بأن توحد الصفوف من أجل أن يظفرأحد الفريقين بالكأس لانه شرف لنا كسودانيين ... وما النصر إلا من عند الله ......
شكراً جمال الوالي الذي جعل في السودان ملعب نفتخر به أمام أخواننا الافارقة والعرب |
ياعمك كلام عماد السمح دا كلو تر د عليه بي إشاره!!!!
غايتو جنس غايتو،
| |
|
|
|
|
|
|
Re: شكرا جمال الوالي .. شكرا شمس المعارف (Re: khaleel)
|
الخبير شمس المعارف يؤكد صحة ضربة الجزاء وإعادتها الخرطوم ـ الصحافة:
أكد خبير التحكيم الدولي شمس المعارف صحة ضربة جزاء الهلال التي نتج منها هدف الهلال الاول، امام اول اغسطس الانجولي. وعن اعادة الركلة قال ان قرار الحكم صحيح، لان هناك ثلاثة لاعبين من الخصم تواجدوا داخل الصندوق مشيرا بان القانون يعطي الحق في اعادة الركلة. واكد صحة ضربة الجزاء الثانية التي لم يحتسبها الحكم.. وقال انها واضحة اكثر. وانتقد الحكم في عدم احتساب الزمن المضاف. وقال ان الثلاث دقائق أقل ، حيث تبدد الزمن في علاج الدعيع، وتبديله. جاء ذلك من خلال حديثه مساء امس في التلفزيون وعرض اللقطات التي شكك فيها البعض عدة مرات، تأكيدا لحديثه. http://www.alsahafa.sd/News_view.aspx?id=68195
| |
|
|
|
|
|
|
Re: شكرا جمال الوالي .. شكرا شمس المعارف (Re: Abu Eltayeb)
|
Quote: صورة اللباني اطهر و اعف من الصوره اعلاه لصاحب البزه العسكريه و العصا الفنجريه بعرق جبينو
لطفي |
يازول إنت درويش وللا شنو ديل شنو الوهم ديل ياخ حسّي في زول أساء للباني الفي الصوره ده انا ذكرت إني بحفظ الاعضاء بي صورهم وعادةً مابقرا اسم الكاتب لكن بعرفو من خلال صورتو في اغلب الاحيان ودالصايم إتعودنا عليو بي صورتو القاعد ممخمخ فيها ديك صاحب البزّه العسكريه ده اريتك تبقى زيو انت
| |
|
|
|
|
|
|
Re: شكرا جمال الوالي .. شكرا شمس المعارف (Re: فتحي الصديق)
|
تاني ياود الصايم بنبارك ليكم و برضو منتظرين اصواتكم ?Kano Pillars (28% 8103 votes)
Al Merriekh (72% 21008 votes)
Zesco United (0% 144 votes) آخر نتيجة للأستفتاء يلا يا ود المسلمي خشو كدى و ادونا أصواتكم
شكرا باشمهندس ابراهيم م. الحسن ودي للجميع ود الشيخ مريخابي متعصب
| |
|
|
|
|
|
|
Re: شكرا جمال الوالي .. شكرا شمس المعارف (Re: محمد عبد الماجد الصايم)
|
يا ود الصايم
بالنسبه لضربة الجزاء الكلام حولها تحصيل حاصل والتحكيم الافريقى نفسه الكلام عنه تحصيل حاصل ونتمنى انو ينستر مع الفرق السودانيه فى مقبل الاستحقاقات
بالنسبه للسيد الرئيس جمال الوالى فهذا ديدنه اما بالنسبه للاستاد فانا عندى قناعه انو لو الهلالاب ارادوا ان يكسروا استاد المريخ لكان الان خرابه او اثرا بعد عين .. اما شوية الخراب الذى حصل ممكن يكون من فئه منفلته او من ضغط الحضور الجماهيرى الكثيف او من جراء الاحتفال بتأهل الهلال
ومرحبا بالهلال وجماهيره فى قلعة الابطال متى ما ارادوا وان ماشالهم الاستاد نشيلهم فى عيوننا من جوه .. فالهلال والمريخ هم حسن وحسين الكره السودانيه .. قاموا معا وشبوا معا وتنافسوا ما يزيد على 80 سنه وطلعوا اصلا من رحم فريق واحد
| |
|
|
|
|
|
|
Re: شكرا جمال الوالي .. شكرا شمس المعارف (Re: على محمد على بشير)
|
Quote: يازول إنت درويش وللا شنو ديل شنو الوهم ديل ياخ |
لا ما درويش و لا وهم بس كهربتي زايده شويه
Quote: صاحب البزّه العسكريه ده اريتك تبقى زيو انت |
ابقي زيو؟؟ يا راجل نحن اهل الصفاء لا نقبل الكدرا اقبل علينا صفيا تسمع الخبرا
اين مئونة اعوام الود
لطفي
| |
|
|
|
|
|
|
|