|
|
 بورداب الرياض ديل بتاعين حركات بشكل !
|
ناس يحتفلوا بيهم وناس ينسوهم ..
شقيقي عضو البورد مصعب عوض الكريم منذ ثلاثة ايام في الرياض ..
هسى كان دي هناية ديكـ كان عملتو ليها جلسات .. وتوم .. وشمار !
|
|
 
|
|
|
|
|
|
|
 Re: بورداب الرياض ديل بتاعين حركات بشكل ! (Re: هويدا شرف الدين)
|
| Quote: شقيقي عضو البورد مصعب عوض الكريم منذ ثلاثة ايام في الرياض .. |
يا عمك زكرتني واحد قريب صاحبنا جا البلد دي جديد قعد سنتين من غير شغل آخر حاجة رجع الجماعة سالو رجعته مالك قاليهم البلد دي نشفت قالو ليهو كيف ؟؟
قاليهم لقيت خمسة ريال بس في الواطة
قس على ذلك
إنت يا عمك قايل الرياض دي نشفت واللا قايل بورداب الرياض ديل طلطاشر جنيه ؟؟
| |
|
|
|
|
|
|
|
|
|
Re: بورداب الرياض ديل بتاعين حركات بشكل ! (Re: كمبورة)
|
أخي / معاوية
تحياتي ،
اليوم الملتقى الثقافي عندو ندوة
رياضية ياريتك وأخوك تكونوا حضور
عشان نتعرف بيهو ويتعرف هو على من
يجدهم من بورداب الرياض في الندوة ،
ونبرمج للاحتفاء به أروع من احتفائنا
بأي (هنايه) من بلدي .
ويا بت بلدي يا (هناية) يا بت هندسة ..
الزعل مرفوض منك تب !؟
أخي ود الباوقة :
ده فيومي ده يا مرسي ؟؟!!!
مودتي ،
( ليمو )
| |
|
|
|
|
|
|
|
|
|
Re: بورداب الرياض ديل بتاعين حركات بشكل ! (Re: كمبورة)
|
يا سيد الحوش ناس الرياض ماليهم خاطر عندك
نرجو وبنكرر رجائنا باعادة تمبس للحوش والله رجل مو ساهل علينا
والعفو عند المقدرة يا باشمهندس بكرى
او تعال زورنا فى الرياض وبتعرف العالم دى من قريب زى العسل
لكم الشكر يا فتحى وكمبورة شويه مشغوليات وبنرجع ليكم قريبا ان شاء الله
بس لازم يكرم ضيف الرياض وعلى ايدى تمبس ومعتصم والشلة
تحياتى ومودتى لكم جميعا
| |
|
|
|
|
|
|
|
|
|
Re: بورداب الرياض ديل بتاعين حركات بشكل ! (Re: معاوية عوض الكريم)
|
حبيبنا معاوية ،،
اسع انا اخوك ده زاتووو ماسمعت بيهو في البورد
عشان شخص غير معروف يمكن مافي زول بيعرفوا
بعدين انا بلوم الشخص البيعرف اخوك من بورداب الرياض مفروض يكلم اصحابو ويتعرف عليهم
اما بخصوص الحفلات على ما اعتقد انوماممكن يعملو حفلة لي كل بوردابي ح يجي الرياض بعدين التفاعل زاتووو حسب معرفة الشخص
نادية زولة اعلامية ومعروفة في البورد والتلفزيون وليها معارف واحباب كتار ماتقارنها بي زاتووو مثلا لو مشى الرياض اكيد بوردابي نعم لكن مابالحجم بتاع زول اعلامي او زول معروف سلفا
ماتخليك زول حساس شديد انا هنا من 2002 بعرف معظم الناس الهناء مشيت كل الحتات الفيها بورداب بقابل شخصين او تلاته بالكتير من البورد ما حصل قلت ما احتلفتو بي لي شنو لوووول يكه
كلامي سخن لكن ممكن يكون قريب للواقع
حمدالله على سلامة اخوك وربنا يوفوقوا في غربته
زاتووووو
| |
|
|
|
|
|
|
|
|
|
Re: بورداب الرياض ديل بتاعين حركات بشكل ! (Re: عبد اللطيف بكري أحمد)
|
Quote: زي ماعملوا الواجب وماقصروا مع ( هناية) ديك !!!!!!
|
الرائعة نادية ..
هذه فرصة طيبة للتحدث معك من خلال هذا البوست ..
وبصراحة انا من المعجبين جدا بادائك واطلالتك من خلال الشاشة
ولم اقصد من بوستى هذا سوى الدعابة ولفت الانتباه ..
فلك العتبي .. ولبورداب الرياض زاتو ..
وانت ما الزول البزعلو ..
بعدين لو في زعل مفروض كل بورداب الرياض يزعلو من العنوان ..
مودتي ..
| |
|
|
|
|
|
|
|
|
|
Re: بورداب الرياض ديل بتاعين حركات بشكل ! (Re: معاوية عوض الكريم)
|
اخوتى الاعزاء بورداب الرياض ..
لكم منى ملايين التحايا ..
اردت من خلال هذا البوست ان ألفت انتباهكم الي ان شقيقي عضو البورد مصعب عوض الكريم بينكم ..
ولم اقصد شئ سوى ذلكـ ..
وفي الحقيقة لا احد منكم يعلم بوصول مصعب الي الرياض .. وهذا شئ مؤكد ..
عشان كده ماتاخدوا الموضوع بحساسية ..
وانا على يقين بانكم اهل كرم وضيافة ..
تصوّر كيف يكون الحال لو ما كنت سوداني واهل الحارة ما اهلى ..
لكم مودتي
| |
|
|
|
|
|
|
|
|
|
Re: بورداب الرياض ديل بتاعين حركات بشكل ! (Re: معاوية عوض الكريم)
|
الأخ معاوية
سلام ماكن
أقرأ هذا البوست يوميا لسبب واحد
هو أن أتمكن من معرفة تلفون أو عنوان أخوك معتصم بالرياض أو في بوستك هذا.
و لكن لم نجد لهما أي أثر
أكون صريح معاك .... كلامك عن إنو لو هناية ديك كنتو عملتو حركات و شمارت .. دي بالجد زعلتني ..
لأنو لو أصلا عندنا خبر و قمنا طنشنا .. حينها كان حيكون معاك الحق و إعتذارنا كان حيكون على العين و الراس.
و لكن لفت نظرنا بالطريقة دي شوية كان فيها نوع من وصفنا بالتحيز ، رغم أنه كما قال الإخوة أعلاه بأن أي بوردابي جديد بالرياض له عدة طرق للتواصل :
إما بمهاتفة أي واحد من هواتف البروفايل أو بالسؤال
إما بإنزال بوست تعريفي بشخصه و إنزال هاتفه
إما بحضور مناسبة و تعريف نفسه
و بما إنو الزميل معتصم لم يقم بذلك ( فاللوم خاتينا تب )
في كل الأحوال نحن نرحب به ترحيبا حارا و حبابو ألف و مستعدين لأي خدمة ( من الإقامة لغاية الشغل و السكن )
قصرنا معاك يا أستاذ معاوية؟
كن بألف خير
| |
|
|
|
|
|
|
|
|
|
Re: بورداب الرياض ديل بتاعين حركات بشكل ! (Re: ابو جهينة)
|
Quote: أكون صريح معاك .... كلامك عن إنو لو هناية ديك كنتو عملتو حركات و شمارت .. دي بالجد زعلتني ..
|
على الطلاق زي ما قلت يا ابو جهينة : اللوم خاتيكم تب
وانا كعادتي اميل الي تسخين اللعب ومن ثم تهدئته ..
وزعلكم والله ما بنقبلوا تب ..
ومن خلال كتابتي يتضح بان الامر مجرد دعابة ..
ولم اقصد باي شكل من الاشكال بانكم اصحاب خيار وفقوس ..
حاشاكم والله ..
مودتي
| |
|
|
|
|
|
|
|
|
|
Re: بورداب الرياض ديل بتاعين حركات بشكل ! (Re: ابو جهينة)
|
Quote: على الطلاق زي ما قلت يا ابو جهينة : اللوم خاتيكم تب
وانا كعادتي اميل الي تسخين اللعب ومن ثم تهدئته .. |
وعلي بالطررراق أنا كمان .. لو كان في تمبس وحميدة لو بقيت فريق
برشلونة زاتو ما كنت بتقدر تهدئ اللعب ...
بس من حظك ..
أها النجيك في الجد أخوي معاوية .. والله بورداب الرياض ديل أخوان
حارة وفزعة وأنا برغم ابتعادي في السنة الماضية لكن والله لم تنقطع اتصالات
العديدين منهم بالسؤال والأستفسار
وأضيف لهم بورداب الخرطوم ممن التقيتهم خلال إجازتي الماضية واحتفائهم الودود ..
والكثير من الأخوان والأخوات لم التقيهم مباشرة ولكن والله لم ينقطع تواصلهم معي عبر
الهاتف .. وأنا مدين بالكثير لهؤلاء واتمنى من الله عز وجل أن أرد شئ من جميلهم
وتحياتي لك ولأخيك مصعب وأتمنى لقائه بالرياض
عادل جبارة ...
| |
|
|
|
|
|
|
|
|
|
Re: بورداب الرياض ديل بتاعين حركات بشكل ! (Re: عادل جبارة)
|
أولآ يا معاوية بوستك ده مبارك خلاص...
جبت لينا زول سمح بالحيل..ألا وهو عادل جبارة..لكن والله يا معاوية جبارتك قوية خلاص زى ما قال عادل..لو فى حمد والديبة كان تكون حاجة عجيبة..الله ما مرققك..لقيتنا انا وودالصايم ...
عمومآ إعتذارك مقبول بأذن الله ولكن مثل هذه ألأمور الهزار فيها شوية حساس..
Quote: وعلي بالطررراق أنا كمان .. لو كان في تمبس وحميدة لو بقيت فريق
برشلونة زاتو ما كنت بتقدر تهدئ اللعب ...
بس من حظك ..
|
غايتو حليفة الشرقرق دى ما عارفنها كيف ياعادل.....وألف حمدا لله على السلامة..والحمدالله على إنك كنت غايب فترة كده ماكنت عايزك تكون موجود لحاجة فى نفس يعقوب...
تحياتى وإحترامى للجميع.....................................إسماعيل محمد احمد عباس..
| |
|
|
|
|
|
|
|
|
|
Re: بورداب الرياض ديل بتاعين حركات بشكل ! (Re: ismeil abbas)
|
Quote:
مافى مهاجمة والراجل إعتذر وما كان عن قصد..يكفينا إننا كسبنا
زول جديدوجميل زيك...يالله أبقى اظهر بعد الدهشة...مودتى..
|
معاوية ومصعب أخوان
سلامات
الحمد لله لقيناها إتجلت وإتصفت
حبابك وأخواك ألف
الرياض دي فيها رئيسنا أيوجهينة ، والزعيم / سماعين عباس والله ديل براهم
مجتمع بحاله ، وزيد عليهم باقي بورداب الرياض وجميعهم فيهم الخير والبركة
نحن تحت الخدمة
وسلام للجميع
------------
يا معاوية خلينا نشيل قدم حبيبنا / عادل جبارة
| |
|
|
|
|
|
|
|
|
|
Re: بورداب الرياض ديل بتاعين حركات بشكل ! (Re: سيف بخيت موسي)
|
Quote:
الرائعة نادية ..
هذه فرصة طيبة للتحدث معك من خلال هذا البوست ..
وبصراحة انا من المعجبين جدا بادائك واطلالتك من خلال الشاشة ] |
زميلنا معاويه...
ذكرتنى بكلامك ده الزول المشي جنينة الحيوانات لقي ليهو بت سمحه وداير يفتح معاها موضوع
قام وقف جنبها قدام قفص جداد الوادي....وقال يا سلاااام تمساح جميل
نطت هنايه السمحه قالت ليهو...لأ يا أخينا...ده جداد الوادي....
عمك طوالى انتهز الفرصه..وقال ليها ياخى بالله؟؟....يا ولد نزل اتنين بارد قوام!!!!
....والله مدخلك كان ممتاز لكن....فيهو ابداع برضو يا جماعه!!
...وعموما...يا أخ معاويه رغم انو انا القدامك دى جيت البورد بعدك لكن ما شفتك رحبت بي...
الا انو تماشيا مع روح البورداب الرائعين هنا وريسهم الكريم...بنقول...هلا ومرحبا باخيك...
واي خدمه طبيه...تلقانا حاضرين!!!!
وبمناسبة جداد الوادى يا ريس...محتاجين لينا لمة بورداب عشان الجدد الزينا ديل يتعرفوا على الكل...
...وكده!!!!...........(اعتبرت نفسي منكم ..غلطانه؟؟!!)
.........مع كامل احترامى للجميع
| |
|
|
|
|
|
|
|
|
|
Re: بورداب الرياض ديل بتاعين حركات بشكل ! (Re: معاوية عوض الكريم)
|
معاويه عوض الكريم المحامي....
ازيك يا دفعه ....
زمن طويـــــــــــــل ما شفتك اكتر من اطناشر سنة...
.....................
طبعا يا سادة يا كرام معاوية دا من اولاد حجر العسل وهو واخوهو مصعب كانوا دفتي في الثانوي وواضح انو
الاخ مصعب موجود حاليا في حي الرياض بالخرطوم وليس في مدينة الرياض في السعودية وهذا تقديري للشي الحاصل
وانا كأحد بورداب (حي الرياض) ارحب بالاخ مصعب ترحيبا حاااارا.
..
| |
|
|
|
|
|
|
| |
معاوية عوض الكريم
محمد عبد الماجد الصايم
ismeil abbas
هويدا شرف الدين
Yousif A Abusinina
فتحي الصديق
كمبورة
abdulhalim altilib
عمر صديق
ALZOLZATOO
ابو جهينة
عمر عبد الله فضل المولى
سيف بخيت موسي
Shiraz Abdelhai
حذيفه ابراهيم الكباشي
فيس بوك
تويتر
انستقرام
يوتيوب
بنتيريست