[IMG] اولاً : ما في اي زولة اسمها همس فتح الرحمن على حسب علمي ثانياً: لو وجدت ما اظنها تكون ممتحنة ثالثاً: لو ممتحنة ما اظنها تكون ممتحنة اساس رابعاً: لو امتحنت اسا ما اظنها تكون ناجحة لدرجة يفتحوا ليها بوست خامساً و اخيراً : لو صادف انو في زولة اسمها همس فتح الرحمن و ممتحنة الاساس و نجحت بتفوق يستحق فتح بوست ما اظن انا المفروض افتحوا لاني ببساطة ما بعرفا و لا بعرف اهلها
لكن و الله بالجد تعبت من المباركات يا شباب و الله سعيد بنجاحات الزهرات و الفتيان ديل و الف مبروك ليكم كلكم و ربنا يحضركم زمنهم و تفرحوا بجديدهم و جديد وليداتهم و برضو هاردلك للما اتوفقوا و الجايت اكتر من الرايحات . . . شدو حيلكم . . . و هم برضوا يا اخوانا بستحقو تشجيع
المهم يا قيا البت الجديدة لنج سميتها شنو؟؟ لأنو العصفورة قالت لينا سميتوها همس ودخلت المدرسة عشان تخلص من وعد وغيرتها ونجحت عشان تدخل العالي وتخلص من خرفك وقررت تخلص الثلاثة سنين بتاعة العالي عشان تهرب من قبضة سرور والمسكينة قررت تهرب عندي ماعارفة قبضتي حيدية مع البنات
شفت بوستيك طلع فشنك كيف
عاد يا ود أمي جاي تنكر البت الجديدة والله أنا وسارة إلا نقاضيك
05-01-2009, 09:55 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
يا خوي كان على مباركة البنية باركت وحمدت السلامة وكان على السماية قلت ليك حدد لي متين بتكون في البيت عشان أبارك لي ست الجلد والراس الأتوجعت وتعبت ما ناس البوبار في البوستات
سرور يا حبيبة القسى وجن مباركة إن شاء الله تسند كبرك وتجدد بسمتك
كية كدة يافتحي طلعناك ما تعبت ولا حاجة مجرد مساهم في الشركة
و الله شوق شديد معبيهو ليك في اسكراتش و بعد ما صرفنا بكرة القريبة دي بنفك الشفرة بتاعتو عليك الله التكنلوجيا دي ما محنة ساي اسي الشوق زمن جدودنا ببلوه بالدرب اتطور مع بخت الرضا بقا ورقة و قلم و جار افندي شوية شوية الافندي ذاتو بقى ما بلزمهم خاصة انو كان نص الشوق بضيع في الترجمة اها جاتكم ثورة الاتصالات ببطاقة سغيرة ملونة و زاهية بتشيل الشوق كله
لي بكرة سلام يا صحبي و البت سميناها " وجن "
05-01-2009, 10:15 PM
ابو جهينة ابو جهينة
تاريخ التسجيل: 05-20-2003
مجموع المشاركات: 22492
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
قيقراوي
ابو جهينة
معاذ حسن
فيس بوك
تويتر
انستقرام
يوتيوب
بنتيريست