|
ماهو اثر مغتربى السعودية على النسيج الاجتماعى السودانى؟
|
تقريبا بدا الاغتراب زمان بالسعودية باعتبارها اقدم دولة خليجية
وكان زمان كلمة مغترب تعتبر مرادف لكلمة قاعد فى السعودية ......
ودخلت مصطلحات سيارة وبيجر وجوال وعوجة اللسان............
ودخلت العباية ... ...............................
وبعدها النقاب ...................................
وزيادة انصار السنة..............................
ومصطلح صلح وضعك تصلح نسلك......................
و وو وو وو وو وو وو وو وو وو وو وو وو وو وو وو وو
حتى مغتربى السعودية بتفرزهم براحة فى جهاز المغتربين من باقى دول العالم....
وو وو وو وو وو وو وو وو وو وو وو وو وو وو وو وو وو وو وو وو وو
مخارجة:-
يا ناس السعودية واللة ما عندى قصد مع واحد منكم ولا ساكى لى زول منكم شخصيا.
|
|
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: عمر سعد)
|
Quote: تحياتي اخي عمر
الاغتراب بالسعودية يعلم الصدق في التعامل والامانة ..يكفي فقط الصلوات الخمس (ناس السودان لسع بشوتهوها ضفاري )
كمان الشعور القوي بالمسئولية ويرسخ فيك قيم كثيرة اضحت غائبة في السودان برغم ممارستنا لهذه القيم فطريا .
يظل مغترب الخليج عموما مستودع اسرار لقيم اندثرت في السودان وحية داخل كل مغترب وعند عودته يستغربها الجيل الحالي ويستهجنها
مغتربي السعودية من السودانيين القدامي صندوق ممتليء بالقيم السودانية الاصيلة لانهم خرجوا حين لم تتلوث الاشياء والايدي والقلوب .
الاغتراب بالسعودية والخليج يجعلك اكثر غيرة علي بلدك واسرتك لان سمعة السودانيين لازالت هنا بخير وان شابتها شائبة فهي حالات نادرة كل ذلك ينعكس علي النسيج الاجتماعي سوي في الاجازات او العودة الطوعية
ساهم مغترب السعودية ايضا في سد الحاجة الاقتصادية الملحة(والاقتصاد مؤثر اول علي المجتمع) وكان سند لغالبية البيوت السودانية واحيانا سند للحكومة نفسها بدفع ضرائبه هنا ودفع اشتراكاته بالجمعية والمساهمة في مشاريع من صميم مهام الدولة العاجزة خصوصا في الوسط والشمال
مغترب السعودية مثال حي وعميق للتضحية ونكران الذات لم يضر المجتمع السوداني ابدا وانما ظل النفع متواتر ومستمر |
سلام وشكرا على المرور والبوست لا يحمل راى ضد او مع انما نتابع الاثر
واعتقد انو السودانيين فى موضوع الصلاة دة من زمان ما مقصرين فيهو يعنى لم ترتبط الصلاة باغتلااب السودانيين فى السعودية ....... بعدين دة اثر ذاتى ينفع الشخص مع ربة ..... اما بقية الاشياء ساعود لها ..... وشكرا تانى على المرور واثراء النقاش
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: عمر سعد)
|
الاخ عمـــر تحياتي حقـــو السؤال يكون عكسي ما هو أثر النسيج الاجتماعي للسودانيين بالسعوديــة علي المجتمع السوداني بالداخل ؟ حيث ينضــوي معظم السودانيين بالمملكة في منظمات مجتمع مدني وجميعات خيرية وجهويــة تكافليــــة تمارس نوعا مــن التواصل والترابط وتتعاطي كل ضروب الانشطة الاجتماعية والثقافية والرياضيـــة 0بشكل قــد لايتوفــر بالداخــل بحكم سهولة الحركـــة 0 كمــا أن وسائط التواصــل الحديثـــة والتقنيــة الفضائيات -- الانترنت - الجوال--الخ شكلت في مجملها أدوات تواصل وقربت الزمان والمكان 0
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: mahmed alhassan)
|
Quote: ما هو أثر النسيج الاجتماعي للسودانيين بالسعوديــة علي المجتمع السوداني بالداخل ؟ |
كانت اكثر الهجرات للسعودية من حيث الحجم تلك التى جدثت منتصف السبعينات و ما بعدها و كان قوامهاالكوادر المتوسطة من انصاف المتعلمين صغار السن الذين سرعان ما انبهروا بقيم الحياة الخليجية حيث انتقلت الى مجتمعنا ممارسات مثل الحجاب و النقاب و الفصل بين الجنسين و الفصل المبالغ فيه حتى ضمن العائلة الواحدة (ابناء و بنات الخال والعم على سبيل المثال) و فقدان الثقة بين الاخوان و الاخوات حتى فى مسائل الشرف و التعاملات المالية. باختصار تم تخريب النسيج الاجتماعى لحد كبير.
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: Dania Elmaki)
|
Quote: صلايين و لازم الواحد يقول للناس القاعد عنهم ضيف او هم ضيوف في بيته (الصلاه يا جماعه ) يمكن سيد البيت ما بيصلى و لا في زول عنده عذر شرعي :))
يعني ما بيصلوا براهم لازم يعزموك للصلاه |
دى على وزن نجيب ليك موية ولا نفتح ليك المكيف
تضاف اليها ولا نجيب ليك مصلاية
تعرفى اخت دانيا المجتمع السودانى كان ينعم بفطرة سليمة بدوية ولم يكن هاجس ان فلانا بيسكر او فلان
ما بيصلى بل كانت القيمة العليا هى فلان دة مواصل الناس ولا فلان دة بيساعد وشيال تقيلة
لكن الان نحن فى عهد شئنا ام ابينا انة عهدهم الان عهد الهوس الدينى ..واستبدال القيم
والتزلف يمكن ان تصلى ةتسرق لا يهم لكن ان تكون امين وتسكر فانت فى زمرة الكافرين واللة اعلم
قومى لصلاتك يحمك اللة ...........
شكرا على مداخلتك وبرضو وجهة نظر
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: عوض محمد احمد)
|
Quote: ما هو أثر النسيج الاجتماعي للسودانيين بالسعوديــة علي المجتمع السوداني بالداخل ؟
Quote: كانت اكثر الهجرات للسعودية من حيث الحجم تلك التى جدثت منتصف السبعينات و ما بعدها و كان قوامهاالكوادر المتوسطة من انصاف المتعلمين صغار السن الذين سرعان ما انبهروا بقيم الحياة الخليجية حيث انتقلت الى مجتمعنا ممارسات مثل الحجاب و النقاب و الفصل بين الجنسين و الفصل المبالغ فيه حتى ضمن العائلة الواحدة (ابناء و بنات الخال والعم على سبيل المثال) و فقدان الثقة بين الاخوان و الاخوات حتى فى مسائل الشرف و التعاملات المالية. باختصار تم تخريب النسيج الاجتماعى لحد كبير |
الاخ عوض شكرا على المرور سؤالى
اذا تم نقل هذةالاشياء انبهارا بقيم الخليج لماذا لم ياتونا بسنة عدم ختان الاناث كما هو فى السعودية ؟
ودى وجهة نظر سالبة حسب رايك قد يكون هنالك من عندة دفوعات لذلك ورد لكلامك ....
تسلم على المرور
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: mahmed alhassan)
|
Quote: الاخ عمـــر تحياتي حقـــو السؤال يكون عكسي ما هو أثر النسيج الاجتماعي للسودانيين بالسعوديــة علي المجتمع السوداني بالداخل ؟ حيث ينضــوي معظم السودانيين بالمملكة في منظمات مجتمع مدني وجميعات خيرية وجهويــة تكافليــــة تمارس نوعا مــن التواصل والترابط وتتعاطي كل ضروب الانشطة الاجتماعية والثقافية والرياضيـــة 0بشكل قــد لايتوفــر بالداخــل بحكم سهولة الحركـــة 0 كمــا أن وسائط التواصــل الحديثـــة والتقنيــة الفضائيات -- الانترنت - الجوال--الخ شكلت في مجملها أدوات تواصل وقربت الزمان والمكان 0 |
السؤال واحد
لكن ما يميز مغتربى السعودية انهم ضعف ما موجود بكل دول الخليج والهجرة ان جازت او الاغتراب
للسعودية منذ زمن بعيد وما يسمى بى عمرة وزوغة وحجة وزوغة جعلت دخول السعودية سهلا
ومنهم من يشتغل سنة بدون اقامة الا ان يقبض علية او يسافر لوحدة بعد ان يكون جمع قرشين
هل منظمات المجتمع المدنى داخل السعودية ام فى السودان قصدك ؟
نحن شعب لا اثر لنا على الاخرين خاصة دول الخليج فسمعتنا كانت حلوة
ونحن شعب غير منفتح على الشعوب الاخرى تجدنا ارتال ارتال وراء بعض لا نتداخل مع الاخرين بسهولة ويسر
ولا نحقق من مواقعنا الكثير الذى يضمن اثراء تجربة الافراد فى الخارج وعكسها للسودان
وتجدنا كمن كان منوما مغنطيسيا اول ما ترجع السودان تنسى داك كلو وتعود مرة اخرى سودانى لا مبالى
هل الاثر لللمغتربن الذين عادو نهائيا او فى الاجازات سلبى ام ايجابى مع التوضيح
وشكرا على المرور
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: بابكر عثمان مكي)
|
A very interesting subject. I totally agree. There were some studies done on the subject in Egypt on the different ethics people bring with them from the Gulf area and the negative social impact it has on a society. The same is to be said about other migrant communities living abroad. Will come back with more thorough details. stay well.
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: Mariam Osman)
|
Quote: A very interesting subject. I totally agree. There were some studies done on the subject in Egypt on the different ethics people bring with them from the Gulf area and the negative social impact it has on a society. The same is to be said about other migrant communities living abroad. Will come back with more thorough details. stay well. |
dear mariam thax alot for u first becz u trdjay the post to the main issue .we are very poor in researches and studies , neither in sience nor in social but i will be very glad if u bring the study that u mentioned it here .of course there will be positive and negative impact for jah imgrants . we are one that have an very old civilization i n this world . but scoical movment due to war or lake of ؟resources lead to minor or major changes but what is negative or positive things that u see
شكرا الاخت مريم شكرا على المداخلة التى ارجعت البوست الى ما اقصد .واتمنى ان تنشرى تلك الدراسة هنا لو امكنك
وعموما نحن نفتقر للدراسات العلمية والاجتماعية كثيرا ونحن كاصحاب حضارة قديمة نتاثر بالتداخلات
نتيجة الحروبات والغزو او قلة مصادر فى الدول الافقر الى الدول الاغنى ....
عموما هنالك سلبيات وايجابيات لهذا التداخل نتيجة هذة الهجرات او الاغتراب نرجو ان نرى وجهة نظرك فى
فى هذة النتائج .......................................................................................
تسلمى على المداخلة الجيدة الثره
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: بابكر عثمان مكي)
|
شايفك رديت علي الحتة دي بس .. وجعتك ولا شنو .. ليه نحن بنرفض الحقيقة
Quote: واعتقد انو السودانيين فى موضوع الصلاة دة من زمان ما مقصرين فيهو يعنى لم ترتبط الصلاة باغتلااب السودانيين فى السعودية .......
بالعكس السودانيين معظمهم مقصرين جدا وبجمعو كتير من الاوقات مع بعضها لا احد يكترث للآذان كما ان هناك مناطق بالعاصمة لا يصلها صوت آذان حتي وصلاة الجمعة دي عادي الناس قاعدة تبيع وتشتري اثناء صلاتها .
Quote: Quote: بعدين دة اثر ذاتى ينفع الشخص مع ربة .....
ده ما أثر ذاتي ده من صميم النسيج الحي للمجتمع (الدين ) بغض النظر عن الدين ده شنو
هل تعلم ان المسيحين في السودان اكثر انتظاما في صلاتهم من المسلمين
المشكلة انو الدين الاسلامي في اذهان معظم السودانيين مربوط بالوضع السياسي ولذلك اضحي مرفوض داخلنا ..والناس لازم تفرق مابين المبدأ ومتخذيه . (عدل بواسطة بابكر عثمان مكي on 30-04-2009, 06:52 ص |
)
حلوة وجعتك دى ؟ وجوه ضاحكة كتيرة جدا
اول حاجة انا لو لاحظت انو قلت هذا البوست ليس موجة ضد شخص بل اريد ان اجمع داتا حول اثر المغتربين
على نسيج السودان بالداخل ..........................................................
قصدك انو السودانيين فى السعودية علمو السوداننيين الصلاة والصلوات الخمسة
انا شخصيا لا يهمنى بابكر عثمان مكى ان كان يصلى او لايصلى فالصلاة صلة بين العبد وربة فى اى دين
ولكن يهمنى سلوكة فى المجتمع وافرازاتة ان كانت بوازع دينى او وازع اخلاقى او وازع فطرى
Quote: المشكلة انو الدين الاسلامي في اذهان معظم السودانيين مربوط بالوضع السياسي ولذلك اضحي مرفوض داخلنا ..والناس لازم تفرق مابين المبدأ ومتخذيه . |
النقطة دى صعب على فهما اشرحة لى بالرغم من انو ما عندها علاقة بالبوست بتاعى او اهداف البوست
تشكر مرة اخرى على المرور
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: عمر سعد)
|
يبدوا ان هناك خطأ في فهمي للموضوع مناقض لما تريده انت !!
انت تريد تاثيرات اخري علي المجتمع السوداني بخلاف الدين
السعودية دولة تمتلك ثقافة عقائدية وثقافة اقتصادية (بحكم النفط )
مغتربي السعودية بالتحديد من السودانيين تعايشوا مع هذا الواقع تأثرو تأثير مباشر بالارضية الدينية
المكثفة التي عاشوا فيها فترة طويلة انعكست علي سلوكهم حتي بعد ان عادوا الي الوطن
وعلي حسب علمي ان الدين مركب ثقافي يؤثر تاثير مباشر في المجتمعات وليس علاقة مابين العبد وربه فقط .
آسف ان كنت شوهت لك البوست خلاف ماترغب
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: بابكر عثمان مكي)
|
لاالاخ بابكر
Quote: وعلي حسب علمي ان الدين مركب ثقافي يؤثر تاثير مباشر في المجتمعات وليس علاقة مابين العبد وربه فقط |
كويس مشينة خطوة قدام انو الدين مركب ثقافى ؟
انا ما اتكلمت ن الدين ابدا فقط انت تطرقت للصلاة وقلت لك ان الصلاة صلة بين العبد وربة
وقلت لك لايهمنى ان كنت تصلى او لا تصلى وفى السعودية فى مسيحيين برضو مش؟
قلت بيهمنى سلوكك وانا بعتبر انو القيم الدينية برضو بيتعرف من خلال السلوك دى الجزئية الى تكلمت عنها
ولم اتطرق لموضوع الدين انما تكلمت عن الاثر الاجتماعى ....
ارجو ان اكون قد اوضحت وجهة نظرى واقراء كلامى كامل لاتجتزئة فينقل مشوشا ولم ارد ان ادخل فى تفصيلة منو
البيصلو اكتر السودانيين ولا السودانيين ....ولك الشكر على مداخلاتك وارجو ان يستمر النقاش بما يفيد البوست ومنتظرين من مريم دراسة فى مصر باعتبار مصر قريبة للسودان وفى تشابه ....
لك الشكر
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: عبد الناصر الخطيب)
|
Quote: العزيز / عمر سعد تحية وتقدير ,,, ----------------------------------------------------------
الاغتراب عموما حالة ( إضطرارية ) ... ولا تكن إختيارية إلا في حال تساوي فرص الاوضاع في البلد ( الاصل ) والبلد ( المغترب )
فتصبح حالة اختيارية لتعميق التجارب في الحياة او اكتساب الخبرات والمزيد من المعارف أتصور إننا جميعا كسودانيين مصنفين ضمن الحالة الاولي ولا اتصور ان من يغترب يغترب كحل أول وبالتالى لا بد ان تكون له سابق تجربة في بلده ولا اتصور ان من يغترب يذهب لاكتساب عادات جديدة لا شي مطلقا يلزمه ان يغير من عاداته فهو بالمقام الاول ذاهب لاداء عمل وطلب رزق ... وليس ملزم أن يفقد سلوكياته الشخصية او يقم بتعديلها وفق للمكان المتواجد فيه .
غير خطورة إعطاء الانطباع بإن الانسان جاء هنا وهو لم يزل في طور تعلم وتاثر في العمل على الاقل فيجب ان يكون الانسان قادر على إعطاء الانطباع الإيجابي بتأثيره وقدراته وإضافاته وأي أستراتيجية تبني على غير هذا الاساس تفقد من حظوظ صاحبها في الإستمرار بعمل مميز ذو عائد مرضي
مختلف معك في عدم تأثرنا وتاثيرنا على الاخرين فلسنا مجتمعات مغلقة في مغترباتنا فالدواعي العمل والحياة اليومية تقابل جنسيات كثيرة من الناس وتتعامل معها لكن بطبيعة الحال يظل في محيطنا الإجتماعي كثير من السودانيين ومنهم من تكون علاقتك به قبل الاغتراب وهذا شي طبيعي وليس نتيجة إنغلاق او عدم أنفتاح على الاخر * كل الجنسيات الاخر تفعل نفس الشي والنادر جدا ان لا يكون الامر كذلك على أى حال قلة من الجنسيات التي يبدوا أفرادها متنافرين وبلا علاقات قويه بينهم في الغربة.
حديث الاخ المكرم عن الاشياء التي يضيفها الاغتراب لشخصية المغترب غير دقيق الغربة لاتضف للشخصية لكن ما تكسبه غالبه في الناحية العملية وتطوير المعرفة والأداء بخصوص السمات الشخصية اتصورها إن لم تتوافر في الانسان بغض النظر عن إغترابه من عدمه يصعب أكتسابها في الغربة لان الطبع لامحال غالب التطبع موضوع الصلاة ماظن في سوداني جاء ونطق الشهادتين وأسلم في المطار وهو داخل البلد دي نحن مسلمون قبل إغترابنا والى أن يقضي الله امرا كان مفعولا
تأثيرهم او تأثرهم في النسيج الإجتماعي بالوطن يظل محدود فالغياب حالة لا تعطي القدرة على تواصل إيجابي يمكن ان يكون ذو اثر ... طبعا لا أتحدث عن الامور المادية أو السلوكيات المظهرية لبعض المغتربون هنا فهولا وإن تاثر البعض بسلوكياتهم تظل سلوكيات سلبية عليهم قبل ان تكون على غيرهم غير تغير الظروف بالمملكة وتاثيرها على كثير من الجاليات ومنها السودانيين وإنتشار الوعي بضروره تكريس الجهد للحصول على أكبر فائدة من فترة الاغتراب وبالتالى إنحسرت تلك الظواهر كثيرا عما بدت عليه في تلك السنوات البعيدة
*تجربة الاغتراب مهما بدت إيجابياتها كثيرة تظل السلبيات فيها أكثر وتلك هي الحقيقة التي يجب ان لا يخفيها احد على نفسه والغياب مّر
* أستدراك برضو مختلف معاك في مدخل بوستك في كلامك عن المصتلحات وعوجة اللسان لانو دي حاجات صعّب تعميمة وصّعب تكون سمات معرفه للكل لانها من أفعال جزء وجزء قليل كمان عندو شوية إفراط في تأثروا بحاجات غيروا وبالتالى صعب تقيس عليهوا لانو الغالبية هنا بتظل صميمة في سودانيته وبالتالى بتظل بلسان سوداني صميم ممكن في بعض الاخوان براهم بتعبوا نفسهم ويدخلوا في حته ضيقة لانهم بحاولوا يكلموا السعودي سعودي والمصري مصري والشامي شامي والهندي هندي مع انو ببساطة لو عودته ديل كلهم بفهموك ويتفاهموا معاك بلسانك المتعود عليهوا المسألة حتكون أسهل بكتير
Quote: تأثيرهم او تأثرهم في النسيج الإجتماعي بالوطن يظل محدود فالغياب حالة لا تعطي القدرة على تواصل إيجابي يمكن ان يكون ذو اثر ... طبعا لا أتحدث عن الامور المادية أو السلوكيات المظهرية لبعض |
الاخ عبد الناصر الخطيب
اعتقد ان التاثير كبير وليس قليل كما ذكرت فموجات الاغتراب بدات منذ السبعينات بصورة مكثفة
وكان جل المغتربين فى ذلك الوقت من خريجى الثانوى .....
والمهن الهامشية كالرعاه والسواقين .........بكثرة شديدة
بعد عودة هولاء الىا السودان مرات اخرى من خلال الاجازات ووضضعهم الذى تغير من ان جاز من طبقة الى اخرى
اصبحت هذة الشريحة مسيطرة على عدة مستويات الاسرة الصغيرة ثم الاسرة الكبيرة ثم عم التاثير
على المدن والقرى ...
استصحب بظاهرة اخرى اجتماعية منها زواج الفيديو كاسيت
ومصطلحات حسن وضعك تحسن نسلك ....................
وكانت الازمة الخانقة تعصف بالسودان فى منتصف السبعينات وبداية الثمانينيات
ازمة اقتصادية ازمة سياسية ازمة اجتماعية انعكاسا للازمات السابقة
مما هيا لزيادة فى الهجرات .....واعتقد ان السودانيين لا يغتربون بل يهاجرون
لان المصرييين سابقا كان يقول لك عربية نص نقل وشقة ويرجع على طول لان وظيفتة مضمونة يدفع بدل لها كل عام
وهى محفوظة ولكن الان انقلب الحال ايضا للمصريين وصارو يهاجرون
السودانيين لا يوجد لهم سقف زمنى او طموح محدد بل هى غربة تنهيها حاجتين (الموت) (التفنيش) ايهم
اولا ياتى ........كنت احب ان اجد احصائية من ناس السعودية عن عدد السودانيين فى السعودية منذ
بداية الاغتراب ...
شكرا على المرور وارجو ان اكون فتحت نوافذ للنقاش
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: عمر سعد)
|
طوالي اتخيلتني زول شايل سوطو والله انت خيالك واسع خلاس
كمان اقوليك
الدقن مقشاشة والجلابية قصيرة
وبقول (فلوس) وبقول (خبز) وبقول (سكر الباب) وبقول (حرمة)
واذا فتحت البروفايل حاتلقاني من اهالي القصيم
(خليك فاهم كدا ...)
.......
كلمة (مكوة) عند السعوديين كلمة شبه محرمة اجتماعيا مرة دخلت مكان اجهزة كهربائية جل زبائنه من النساء السعوديات وتحدثت مع البائع من بعيد (كان البائع سوداني )
المكوة بي كم ياخينا (شوف الكلام ده كلو سوداني بحت )
(النسوان) الفي المحل كلهم اتخارجن جاريات بره
السوداني قال لي
والله لو ماشتريتها ما اخليك تطلع من هنا
طفشت ليناالزبائن ياخ
حقيقة مؤلمة
السعودية بلد تغلقك من الداخل وتفتحك علي قلق بلا مخارج لن تجد فيها تاثير مباشر لان شرط الاكتساب الاول هو العفوية في الاحتكاك . نحن موجودين بين دوامين وريموت كونترول مساءا لا اكتساب سوي النقصان بسبب تسرب الايام .
بابكر زيكو
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: بابكر عثمان مكي)
|
اعتقد أن لمغتربي السعودية فضلا كفضل الوالدين لا يمكن تجاوزه أو مكافأته أبدا... معظم الأضرار التي أصابت النسيج الاجتماعي السوداني تولدت في الداخل... والسعودية كغيرها من بلدان المهجر، شكلت الملاذ شبه الآمن لجينات القيم السودانية التي ترسم الصورة الذهنية للشخصية السودانية عالميا... دعونا نعون لسنوات الجفاف الاقتصادي في السودان وننظر لجرعات الريالات السعودية التي حقن بها مغتروب السعودية الدولة السودانية وذويهم ومعارفهم، ونتأمل كيف كان سيبدو الحال لو لم تكن السعودية حاضنة لـ(المهاجرين) السودانيين؟ يقال إن القنصلية السودانية بجدة كانت - وربما لا تزال - تعول بعثاتنا الدبلماسية في شتى بقاع العالم، والفضل يعود لمغتربي السعودية...
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: MAHJOOP ALI)
|
وإن كانت الغربة مفتاحا لتحقيق بعض الأحلام والآمال، إلا أنها مقبرة لوأد كثير من التطلعات والطموحات، والإنسان في غربته خاسر وإن جنى الذهب.
تجبرنا الظروف لمغادرة الأهل ، ونترك أباءنا وأمهاتنا وهم في أشد الحاجة إلى وجودنا بالقرب منهم للقيام برعايتهم والإهتمام بهم حال مرضهم والبر والإحسان إليهم وقد تقدم بهم العمر. السعيد من ينال شرف خدمة والديه ساعة الحاجة، وسماع كلمتي "عافي / عافية / وراضي وراضية / عنك يا ولدي".
من الآثار السالبة للإغتراب عدم إهتمام بعض المغتربين بآبائهم وأمهاتهم وعدم البر بهم والإحسان إليهم وقد أنهكت أجسادهم الأمراض وهدت حيلهم الأسقام، وتكون غاية أمانيهم والحال كذلك، أن يروا أبناءهم جنبهم في مثل هذه الظروف التي تحتاج وجود الولد، والتي لمثلها يتمنى إنجاب الأولاد.
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: إسحاق بله الأمين)
|
Quote: وإن كانت الغربة مفتاحا لتحقيق بعض الأحلام والآمال، إلا أنها مقبرة لوأد كثير من التطلعات والطموحات، والإنسان في غربته خاسر وإن جنى الذهب.
تجبرنا الظروف لمغادرة الأهل ، ونترك أباءنا وأمهاتنا وهم في أشد الحاجة إلى وجودنا بالقرب منهم للقيام برعايتهم والإهتمام بهم حال مرضهم والبر والإحسان إليهم وقد تقدم بهم العمر. السعيد من ينال شرف خدمة والديه ساعة الحاجة، وسماع كلمتي "عافي / عافية / وراضي وراضية / عنك يا ولدي".
من الآثار السالبة للإغتراب عدم إهتمام بعض المغتربين بآبائهم وأمهاتهم وعدم البر بهم والإحسان إليهم وقد أنهكت أجسادهم الأمراض وهدت حيلهم الأسقام، وتكون غاية أمانيهم والحال كذلك، أن يروا أبناءهم جنبهم في مثل هذه الظروف التي تحتاج وجود الولد، والتي لمثلها يتمنى إنجاب الأولاد |
. الاخ اسحق بلة الامين
هذة جزء من مساوى الغربة لكن مفابلها توفير عائد مادى جيد للاسر ة وللوالدة والوالد حتى يتعالجو بشكل جيد ويتغذو بشكل جيد ويكونو مرتاحين الى حد ما وبعد داك لو عملت دى بتسمع عافية منك وراضية عنك كل ما التلفون ضرب ...
لدى قصة حقيقة عندى صديق هاجر لبؤيطانيا وبعد خمس سنوات قال لى امو انا داير ارجع زهجتة
وكان قد بنى لها بيتا محترما وعمل السايفون والذى منو
فما كان من امة الا ان قالت لة (ما عافية منك لو رجعتة ..انا يا ولدى عمرى كلو ما قايلة انو
فى حاجة احسن من الدولار وعرفت الان اللاسترلينى بيجيب كم دولار النبى ما ترجع )
وفعلا قعد هناك وما رجع تانى .......)
...........
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: عمر سعد)
|
Quote: مبيوع ليك وحشة
كدى نزل لينا حاجة تمشى مع الموضوع دة
معاذ دة القاهو وين فى الدوحة ؟
بان عليك الامان
doing the right thing right the first time |
بالاكتر ياعمر انزل ليك شنو هسه كان مدحت يقول فيك كلام عجيب وكان غنيت دى الطامه الكبرى وكان مت يختو فوق ليك حجر ويقولو للناس البكاء ممنوع
معاذ دا قاعد جوه الجك هسه بجيك مقلع
Remember, the healthcare system is dynamic and complex
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: محمد الأمين موسى)
|
Quote: اعتقد أن لمغتربي السعودية فضلا كفضل الوالدين لا يمكن تجاوزه أو مكافأته أبدا... معظم الأضرار التي أصابت النسيج الاجتماعي السوداني تولدت في الداخل... والسعودية كغيرها من بلدان المهجر، شكلت الملاذ شبه الآمن لجينات القيم السودانية التي ترسم الصورة الذهنية للشخصية السودانية عالميا... دعونا نعون لسنوات الجفاف الاقتصادي في السودان وننظر لجرعات الريالات السعودية التي حقن بها مغتروب السعودية الدولة السودانية وذويهم ومعارفهم، ونتأمل كيف كان سيبدو الحال لو لم تكن السعودية حاضنة لـ(المهاجرين) السودانيين؟ يقال إن القنصلية السودانية بجدة كانت - وربما لا تزال - تعول بعثاتنا الدبلماسية في شتى بقاع العالم، والفضل يعود لمغتربي |
ايوة ساهم المغتربين عامة ومغتربى السعودية من خلال التحويلات على دعم الاقتصاد السودانى
وعلى دعم الاسر كان زمان بيقولو ليك لازم يكون فى مغترب فى العائلة يشيل العائلة
وكانت حقيقة .
لكن ان تقول لى ان الاضرار الاجتماعية كلها سودانية المولد والنشاه فذلك مغالطة
لان للمغتربين وايضا كما كان لمغتربى السعودية القدح المعلى فى التحويلات المادية
كان لهم ايضا القدح المعلى فى التغييرات الاجتماعية نتيجة هذا الثراء ونتيجة افراز
الراسمال .....ودخول افراد من طبقات الى طبقات اخرى دون المرور او التطور الطبيعى
للحاق بتلك المرحلة ..........
لكل شئ يجابياتة ولكل شئ سلبياتة
شرا على مرورك الشيق اخ محمد الامين موسى
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: بابكر عثمان مكي)
|
الاخبابكر تعليقى لو لا حظت لم يكن موجة لك الا هزارا
لكن اشكرك على مداخلاتك الجيدة
تقريبا يا زيكو ما بتعتقد ان المغتربين عموما اجرو بعد التغيييرات على المجتمع السودانى
سلبيا كان او ايجابيا ...لان ثقافة سياسة الاستهلاك الراسمالى انعكست على
المغتربين وبداو يمارسو هذا النشاط داخل السودان مما حفز الشباب للتطلع الى هذا النمط من الحياه
حتى يستطيعو ان يسايرو هذا النمط من فقر اقتصادى الى بزار .....
اعتقد ان ادخال العباية ايضا جا من المغتربين السعودييين .....وما تبعها من خمار
وكان هذا فى الاول علامة على ان الفتاة مغتربة او من السعودية ثم انتشرت تيجة غلاء الثياب
ورخص العبايات ............
شكرا على المرور ولا ابنى اراء مسبقة للمتداخلين
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: عمر سعد)
|
تحياتي أخ عمر سعد
قلت : تقريبا يا زيكو ما بتعتقد ان المغتربين عموما اجرو بعد التغيييرات على المجتمع السودانى سلبيا كان او ايجابيا ...لان ثقافة سياسة الاستهلاك الراسمالى انعكست على المغتربين وبداو يمارسو هذا النشاط داخل السودان مما حفز الشباب للتطلع الى هذا النمط من الحياه حتى يستطيعو ان يسايرو هذا النمط من فقر اقتصادى الى بزار .....
من المعلوم أن النمط الإستهلاكي للفرد عموماً يتأثر بدخله إرتفاعاً أو انحفاضاً وهذه المسألة لا ترتبط بالمغترب أو غير المغترب ، لو قلت أن المعتربين تعودوا على حياة سهلة من تلك التي كانوا يعيشونها في السودان لكان الأمر مقبولاً فمن الصعب علي أو عليك أن نتعود على أنماط حياة معينة ردحاً من الزمن وفجأة نكون مضطرين لتغيير هذه الأنماط فتكون المسألة شائكة على الغالبية العظمى مما يفسر عدم مقدرة العديد من أسر المغتربين على الإستقرار بالسودان لما سبق من أسباب .. سياسة الاستهلاك الرأسمالي التي تحدثت عنها نجد أنها ممارسة ممن يعيشون داخل السودان فقد ولى عهد المغترب الذي يمتلك عمارة أو فيلا أو نحو ذلك ، كما تعلم أخ عمر نجد أن مغترب اليوم مثقل بإلتزامات لا حصر لها ولا عد من نفقات داخل بلد الاغتراب - تعليم أبناء بالسودان أو الخارج - المشاركة في مناسبات الاسرة الممتدة ..... إلخ فكثير من المغتربين عندما يرجعون من قضاء إجازاتهم تبدو الدهشة بادية عليهم عما شاهدوه داخل السودان من عمران وشركات واستثمارات وسيارات فارهة قلما تتحقق لمغترب ..
بكري اسماعيل مغترب ممكون
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: بكري اسماعيل)
|
الاغتراب عموما يكون له تأثير عظيم على الأوطان الأصلية للمغتربين سواء من ناحية اقتصادية (وهنا لبنان يشكل مثالا حيا وقويا) أو من ناحية اجتماعية فالأثر الاقتصادي من البديهي أن ينتج عنه آثار اجتماعية ... ويتباين التأثر في الناحية الاجتماعية سلبا وإيجابا ... اعتمادا على جهة الاغتراب وبما أننا نتكلم عن السعودية فسوف يحتل الدين مكانا مرموقا في خارطة المؤثرات فقد تعلمت الأسر السودانية التي قطنت السعودية لوقت طويل عادات وتقاليد السعودية في السكن والتنقل والتسوق وغيره ومن أبرز تلك العادات والتقاليد بلا شك الفصل بين الرجال والنساء، ومن ثم تجد مغتربي السعودية عند عودتهم لأهلهم لا يعجبهم التداخل المفرط بين الذكور والإناث. وكذلك بعض العادات في الأفراح والأتراح. أما من الناحية العملية ففي السعودية أنظمة عمل متطورة نسبيا من حيث بيئة العمل والالتزام في ساعات العمل اليومية والتدقيق في العمليات المحاسبية ... الخ كما نلحظ أن السودانيين العائدين للسودان بنية استثمار حصاد غربتهم يقومون بدراسة مشاريعهم الاقتصادية دراسة علمية أكثر ... ولا يرضحون في تعيين موظفيهم على صلة القربى وإنما على الكفاءة ..
_______________________ الأخ محجوب علي بخصوص الصورة أظن أنها لأعياد الاستقلال وتظهر فيها حواء الطقطاقة وهي تتوشح العلم القديم الذي ما زال حزب الاتحادي الديمقراطي يعتمده لألوان علمه ...
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: بكري اسماعيل)
|
Quote: تحياتي أخ عمر سعد
قلت : تقريبا يا زيكو ما بتعتقد ان المغتربين عموما اجرو بعد التغيييرات على المجتمع السودانى سلبيا كان او ايجابيا ...لان ثقافة سياسة الاستهلاك الراسمالى انعكست على المغتربين وبداو يمارسو هذا النشاط داخل السودان مما حفز الشباب للتطلع الى هذا النمط من الحياه حتى يستطيعو ان يسايرو هذا النمط من فقر اقتصادى الى بزار .....
من المعلوم أن النمط الإستهلاكي للفرد عموماً يتأثر بدخله إرتفاعاً أو انحفاضاً وهذه المسألة لا ترتبط بالمغترب أو غير المغترب ، لو قلت أن المعتربين تعودوا على حياة سهلة من تلك التي كانوا يعيشونها في السودان لكان الأمر مقبولاً فمن الصعب علي أو عليك أن نتعود على أنماط حياة معينة ردحاً من الزمن وفجأة نكون مضطرين لتغيير هذه الأنماط فتكون المسألة شائكة على الغالبية العظمى مما يفسر عدم مقدرة العديد من أسر المغتربين على الإستقرار بالسودان لما سبق من أسباب .. سياسة الاستهلاك الرأسمالي التي تحدثت عنها نجد أنها ممارسة ممن يعيشون داخل السودان فقد ولى عهد المغترب الذي يمتلك عمارة أو فيلا أو نحو ذلك ، كما تعلم أخ عمر نجد أن مغترب اليوم مثقل بإلتزامات لا حصر لها ولا عد من نفقات داخل بلد الاغتراب - تعليم أبناء بالسودان أو الخارج - المشاركة في مناسبات الاسرة الممتدة ..... إلخ فكثير من المغتربين عندما يرجعون من قضاء إجازاتهم تبدو الدهشة بادية عليهم عما شاهدوه داخل السودان من عمران وشركات واستثمارات وسيارات فارهة قلما تتحقق لمغترب ..
بكري اسماعيل مغترب ممكون |
الممكون 1 لان المكونين كتار ممكن اكون رقم صفر قبلك يعنى
لكن نعود للموضوع فقد قلت ان النمط الاستهلاكىى يرتبط بازدياد الدخل هبوطا وارتفاعا بل هو ارتفاعا فقط فلا يمكن للاستهلاك فى ظل انخفاض الدخل
والمغتربين من اكثر الناس استهلاكا لان دول الخليج اصلا نمط الحياه فيها نمط استهلاكى بحت .
فحين يعودون فى الاجازات بياخد سلفية محترمة او ينزل ليهو بدل اجازة كويس او بيكون محوش للاجازة
وديل ما عارفهم بيحوشو كيف المهم بينزلو و السودان وبيمارسو الاستهلاك بابشع انواعة
فياتيك انطباع بان هذة هى حياة المغترب وهذة هى امكانياتة فيتطلع الية للهجرة معة .
وهنالك الراسمالية الطفيلية فى السودان وهى تمارس ابشع من ذلك بما لا قبل لك او لى او لكل المغتربين مجتمعين من نمط استهلاكى فاحش .... والسودان من الدول التى يتم فيها غسيل اموال
بشكل رهيب جدا ومصنف من اول خمس دول لغسيل الاموال ................
ومئات المليونيراتالذين ظهرو فجاة من اين لهم هذا وما علينا منهم الان فى هذا الموضوع
قد تكون تتحدث عن الاعوام التى مضت ففعلا ان هنالك شركات ضخمة قامت وشركات البترول
التى تعطى مواهى عالية جدا بحيث تفوق دخل المغترب ولكن تظل النظرة للمغترب هى هى فى انة
يجب اان يصرف وان ياتى بالمستحيل لانة مغترب اتدين استلف غرضمن بنك استلف من الاصدقاء حل المشكلة م يهم المهم النمط السائد والبرج العاجى لابد ان يظل عاجيا ويجب ان لا يهتز ....
نعم نمط الاستهلاكك اتى بة المغتربين فى الاول وتبعهم من ب الداخل ...............
يوم كنت فى اجازة وكنت منتظر شباب لاخذى لمناسبة وانا قاشر اخر قشرة فلمن جو عاينو لى كدة قالو لى لا حولة لحد الان ما لبستة فرجعت قلت ليهم دقيقة واحدة البس واجى هاهاهاهاهاهاهاه
شكرا على المرورالجميل
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: عمر سعد)
|
عزيزي عمر ود سعد
عشت في السعودية سنين عددا
ولدت فيها اولادي وبناتي
تعلموا في مدارسها
عملت في شركاتها اكتسبت منها خبراتها
عاملني السعوديون بكل طيبة وعاملتهم باحسن منها
عشت فيها ايام لا تنسي
السعودية رغم كبرها الا ان العلاقات الاجتماعية بين السودانيين فيها اقوي من اي دولة اخري
السعودية منحتني ومنحتها
في النهاية ارجو ان اقدم لبلادي بعض مما اكتسبته من السعودية سابقا .... ومن قطر حاليا.
للكل كل الود،،،
| |
|
|
|
|
|
|
Re: ماهو اثر مغتربى السعودية على النسيج الاجتماعى السودانى؟ (Re: حسن طه محمد)
|
الاخ حسن طة
الا تعتقد ان هنالك تغييرات طرات عليك فى الفترة ما بين وجودك فى السعودية
وفترة البريك ان وجدت حتى قدومك قطر الم يقولو لك لقد تغيرت
الم تشعر بتغيير ايجابى ام سلبى
وهل هذا التغيير الايجابى ستعمل بة فى السودان
هل الاشياء السلبية ستجنبها ابنائك
هل يعتقد ابنائك حال ذهابهم الى السودان انهم اغراب وان عادات السودان لا تلائم
ام يعتقدون ان عادات السعودية لا تلائم ..
ما هى التغيرات على صعيدك الشخصى علما بان جل المغتربين ياتون الى دول الاغتراب وهم ناضجون
ويظل حجم التاثير قليل نوعا ما ........................................................
وهل حين تعود فى الاجازات بتقول دجاج لا بيض لا محمد الامين لا؟
| |
|
|
|
|
|
|
| |