|
|
 للرجال فقط !!!!
|
أولا وحشتوني ..
ثانيا وحشتو عيوني ..
ثالثابرضه.. وحشتوني ..
ورغم الشوق الكتير عايزة أدخل في الموضوع على طول لأنه موضوع كبير وما ساهل على الرغم من إننا اتكلمنا
فيه كثير جدا لكن كترة التكرار بتعلم الشطار أليس كذلك ؟
الموضوع يا إخوتي وأخواتي إنه في واحدة زميلة من دولة عربية ليست مجاورة وهي رغم صغر سنها لكن عقلها
بيوزن بلد, إنسانة واعية وتفتيحة ومع ذلك صاحبتني من دون خلق الله على الرغم من إني مسكينة والغنماية
تاكل عشاي لكن سبحان الله أول ما اتعينت في المجلة دخلت فيني شمال رغم فارق العمر وبقينا أصحاب شديد
وفي يوم من الأيام قلت ليها إنت ليه لغاية دلوقت ما مفكرة في الزواج ؟ قالت لي مفكرة جدا وما فيش
بنت ما بتفكرش في الزواج بعد الجامعة, ولكن أنا كنت ولا زلت مقررة ما أتزوج من شباب بلدي , قلت ليها
ليه كفى الله الشر ؟! قالت لي بالحرف الواحد لأنهم أجلاف وبيعاملو البنت زي ما بيعاملو الولد وغير كدة
ما عندهم أي نوع من الرومانسية أو المبادرة, فضلا عن ذلك فهم لا يستطيعون التعبير عن عواطفهم لذلك
من الأفضل أن أرتبط بشاب من أي بلد آخر بس بشرط من الشعوب العاطفية القادرة على إسعاد المرأة بأبسط
الوسائل .. طبعا معاها حق والله لأنه حكاية الجفاف والتصحر التي تعشعش في كثير من البيوت بتجيب
الجلطة وبتخلي الزوجة دائما في حالة مرض وتعب وإرهاق ليس له أي علاج ,,تمشي للدكتور يقول ليها
ما عندك حاجة ياحاجة.. تجي راجعة البيت وأمراض الدنيا كلها تتنطط فوق راسها .. طيب دحين يا رجال
العالم لازم تتحدوا وتمنعوا بتنا الحلوة دي من تنفيذ خطتها وذلك بقليل من المجاراة وكثير من
الحب فإذا اكتشف الداء عرف الدواء ولا شنو رايكم ؟ خصوصا وإنه الرمانسية ما عايزة فلوس حاجة
بلوشي كدة ولكن تفعل ما لا تفعله ملايين الدولارات ..
عموما بتشكركم من كل ألبي وبقول ليكم مشتاءة ....
خارج النص :
أشكر كل من اتصل بي ليطمئن على صحتي وأقول لأخي العزيز مصطفى من السعودية أشكرك على مقولتك في الليلة
الظلماء يفتقد البدر.. فأنت قمر يا مصطفى والآخرون كواكب .. شكرا مرة أخرى .. وفتكم بعافية ...
|
|
 
|
|
|
|
|
|
|
 Re: للرجال فقط !!!! (Re: المر)
|
سلام يا عواطف,
حمدا لله على السلامة وسلامة العودة,
يعني الزولة دي طارحة نفسها ونقوم نلحقها بوست صالح عبده (ابحث لها عن عريس) ؟
ياخي نحنا المواطنات ما لاقين ليهن نقعد نفتش للعرب ؟
الله يزيدك في عمل الخيرات
أحمد الشايقي
| |
|
|
|
|
|
|
|
|
|
Re: للرجال فقط !!!! (Re: عزام حسن فرح)
|
طوفيييييييييييييييييييييييييييييي جات
طوفيييييييييييييييييييييييييييييي جات
مليون مراحب اول حاجة وبعد قليل نرجع نقرا الموضوع ونشوف اكان عندنا حاجة نقولها
| |
|
|
|
|
|
|
|
|
 Re: للرجال فقط !!!! (Re: أحمد الشايقي)
|
حمودي ..
يسعد صباحك الجميل ..
الفكرة ليست البحث عن عريس ولكن في انعدام الرومانسية بين شعوب الأبيض المتوسط والدول المجاورة
أفهمونا بقى ياجماعة الخير ..
شكرا على المرور ..
| |
|
|
|
|
|
|
|
|
|
Re: للرجال فقط !!!! (Re: Abdlaziz Eisa)
|
عواطف و الله
انا حبيت اقول سلام..
بغض النظر..عن البوست..
الا لقيت صاحبي و صديقي..عزوز قدامي..داخل شمال..
و كمان لقيت..في عروس..
اها..كان العروس ما بقت من نصيب قريبك عزوز ده...
انا قـــــــــاعد و كمان انا صاحبه شديــــد.
اها و النحدثك...كمان اصغر منه....!!!
ههههههههههههههههههههه
شمـــــــــار تقيل..
سلام و بركة بالجية..
هواري
| |
|
|
|
|
|
|
|
|
 Re: للرجال فقط !!!! (Re: Hawari Nimir)
|
هواري ..
سلامات ..
شكرا جزيلا على طلتك الحلوة ...
طبعا بدون شك إنت أصغر من عزو ولكن .. الرومانسية كيف ؟ العمر ما مهم المهم الحب والذي منهولا شو رايك
يا بعد عمري ؟؟
| |
|
|
|
|
|
|
|
|
|
Re: للرجال فقط !!!! (Re: عواطف ادريس اسماعيل)
|
العزيزة / عواطف إدريس
السلام عليكم ورحمة الله
أولاً : حمد لله على السلامة وعوداً حميداً
ومن هنا تحياتنا لهذه الشابة وربنا يسعد أيامها
ولكن ما ذكرته هذه الشابة وما تطلبه
موجود في أوساط السودانيين جميعاً
ولا القليل منهم .
في اعتقادي الرومانسية موجودة في كل بلد
وهناك أشخاص يسيئون التعامل مع النساء في كل بلد
تخريمة :
واحد جالس جنبي قال ليك صاحبتك دي بتعرف تسوي العصيدة ههههههههه
| |
|
|
|
|
|
|
|
|
 Re: للرجال فقط !!!! (Re: حسن مضوي)
|
حسون ..
سلام ..
والله بالفعل لكل قاعدة شواذ بس إحنا عايزين القاعدة تكون كلها رومانسية وليس العكس ..
عموما بخصوص العصيدة قول ليه هل إنت رومانسي أولا وبعدين العصيدة هينة ..
شكرا على العبور ..
| |
|
|
|
|
|
|
|
|
|
Re: للرجال فقط !!!! (Re: محمد فرح)
|
Quote: عواطف و الله
انا حبيت اقول سلام..
بغض النظر..عن البوست..
الا لقيت صاحبي و صديقي..عزوز قدامي..داخل شمال..
و كمان لقيت..في عروس..
اها..كان العروس ما بقت من نصيب قريبك عزوز ده...
انا قـــــــــاعد و كمان انا صاحبه شديــــد.
اها و النحدثك...كمان اصغر منه....!!!
ههههههههههههههههههههه
شمـــــــــار تقيل..
سلام و بركة بالجية..
هواري |
أستاذة عواطف
استئذنك بالرد على عمو هواري قبلك..
انت فاكرني انا ما بجي راجع للبوست سريع!!
اها , وقبل قريبتي ما ترد..
اها..
لو تفك تسجيلاتك في جنوب شرق آسيا بنعطيك الفرصة هنا..
زمان الناس بتقول الكعكول في الشدر الكبار..
واليومين دول.. راجل المرة.. ولو كان مطلق حلاتو زايدة حلا..
يا مساهر الليل,
يلا على سريرك
تحياتي
| |
|
|
|
|
|
|
|
|
|
Re: للرجال فقط !!!! (Re: الطيب شيقوق)
|
ألف حمدا لله على سلامة العودة ، وجيدن جيتي،،
,
ياشباب (وشياب كمان) ، البنية الكانت بتتكلم مع عواطف دي
موضوع عرضي للشرح والتوضيح ,, الموضوع الأساسي هو
الرومانسية ،، دلعوا الحريم ،، أغدقوا عليهم بفيض من مشاعر،،
عبروا لهن عن إحاسيس جميلة تكبتوه بالغتاتة مرة وبالتعالي مرات
أفو يا أحمد الشايقي؟؟؟ أفو!!!
لا حول ولاقوة إلا بالله ،،،
عواطف قنبي طولا المرة دي ، وبالمرة قولي لي : هي لسة على موقفها من بني بلدها؟؟
سلام!!
| |
|
|
|
|
|
|
|
|
|
Re: للرجال فقط !!!! (Re: Abdlaziz Eisa)
|
Quote: طبعا بدون شك إنت أصغر من عزو ولكن .. الرومانسية كيف ؟ العمر ما مهم المهم الحب والذي منهولا شو رايك
يا بعد عمري ؟؟ |
سلام..
انت عارفة..ما في شي مصبرنا علي عدم العرس..و تاخيره,,
الا القشرانية و القشار..
الرومانسية و الحب..
ما ممكن تبقي علينا..غربة..وكمان زواج..من غير حب و رومانسية..دي معناها
ساحات الفداء..عديل كده..
احترامي..
عن اذنك ارد علي صاحبي...عزو..
| |
|
|
|
|
|
|
|
|
|
Re: للرجال فقط !!!! (Re: Abdlaziz Eisa)
|
الاستاذة عواطف
اصالة عن نفسي ونيابة عن المنبر اقول ليك ليكي وحشة وافتقدنا كثيرا وجودك .. وعسى المانع خير
من اول سطرين وقبل ما اقرا باقي الموضوع عندي تعليق بسيط
Quote: , إنسانة واعية وتفتيحة ومع ذلك صاحبتني من دون خلق الله على الرغم من إني مسكينة والغنماية
تاكل عشا |
من الطبيعي ان يتجاذب القطبان المتنافران وصداقتك مع الزولة دي ظاهرة صحية ..
وبعدين اكيد صاحبتك دي شافت فيك الشفناهو منك وعن قرب كمان عشان كدة عملت معاك قصر الصداقة ومدت جسور المودة
المهم في موضوع البوست انو فعلا الرومانسية مفقودة في العلاقات الزوجية .. ولكن المشكلة انها متوفرة بكثرة قبل الزواج .. حتى نحن بنقول الناس دي ما عندها شغلة غير الحب .. وكل الحكاية انو بعد الزواج بتحصل تغييرات كثيرة في العلاقة لكن دة برضو ما بيمنع من ممارستها حتى في اكثر الاوقات عصبية
دي حاجة سريعة لحدي ما اجيك راجع بي مهلة
والف حمدا لله على سلامة العودة .. وقبل البوست بتاعك دة كان في جفاف في المواضيع الحيوية الحياتية .. لدرجة انو الواحد بقى يتكلم في السياسة
| |
|
|
|
|
|
|
|
|
|
Re: للرجال فقط !!!! (Re: elfadl abdellatif)
|
الفضل !!!
ياااااااااااه ,,
بلى أنا مشتاقة وعندي لوعة ولكن مثلي لا يذاع له سر ..
طبعا بعد كلامك دة ما حأقول حاجة لا يفتى ومالك في المدينة ..
شكرك على مرورك الزاهي ..
أنت تزين البوستات بمدخلاتك الثرة وكفى ..
| |
|
|
|
|
|
|
|
|
|
Re: للرجال فقط !!!! (Re: Abdlaziz Eisa)
|
أستاذة عواطف الله يخليك
ويشيل من عمري أنا ويديك
أنا جاهز
عندي أوضتين مزبَّلات ومحوشات في البلد
والوالد الله يرحمه خلا لي حماره وتسعه غنمايات
حامد شاكر جاهز
ماتنسي التلج الفوق داك.
| |
|
|
|
|
|
|
|
|
|
Re: للرجال فقط !!!! (Re: عواطف ادريس اسماعيل)
|
Quote: زمان الناس بتقول الكعكول في الشدر الكبار..
واليومين دول.. راجل المرة.. ولو كان مطلق حلاتو زايدة حلا.. |
الحق يا شيقوق..
الزول ده, هسي ما قال ليــــك
الشجر الكبار فيه..الجحور..والكلام داك..
اها..راجل المرا عرفناه..الا مطلق دي,بتخصم من الكرديت..
شيلها برها من..السي في..
هههههههههههههههاي
وهاك الشجر الكبار ده..
| |
|
|
|
|
|
|
|
|
|
Re: للرجال فقط !!!! (Re: Hawari Nimir)
|
Quote: أنا جاهز
عندي أوضتين مزبَّلات ومحوشات في البلد
والوالد الله يرحمه خلا لي حماره وتسعه غنمايات
حامد شاكر جاهز
ماتنسي التلج الفوق داك.
|
دة كلو ما مهم .... الوالد الله يرحمو ان شاء الله يكون خلى ليك رومانسية فوق التركة .. اذا كان قصدك التلج حيدوب في ليلة الدخلة وحتشربوا بعد داك ساخن
| |
|
|
|
|
|
|
|
|
|
Re: للرجال فقط !!!! (Re: عواطف ادريس اسماعيل)
|
عواطف اليومين ديل في مسلسل تركي في قناة الرأي
الجماعه ديل بالغو عديل معانا ... رومانسه لمن بي هناك
واحده متابعا معاي المسلسل قالت لي
خساره الما طلعنا اتراك 
ياستي صحبتك دي قولي ليها .. احضري المسلسل وانسي القصه
| |
|
|
|
|
|
|
|
|
 Re: للرجال فقط !!!! (Re: Dalal Ezzaldin)
|
ست الحسن ..
والله الأتراك ديل قلبوا لينا الموازين وخلونا ما نعرف راسنا من قعرنا .. غايتو السنة دي شايفة
إجازة الصيف كلها تجاه اسطنبول نسوان ساكت قالن ماشات يعرفن التركيات ديل قدرن على الرجال
ديل كيف ؟ قلت ليهن لمن تعرفن السر سون لينا مسج بنجي نلحقكن ..
يا قلبي ما تحزن !!!
| |
|
|
|
|
|
|
|
|
|
Re: للرجال فقط !!!! (Re: عواطف ادريس اسماعيل)
|
الاخت دلال
تحياتي
Quote: عواطف اليومين ديل في مسلسل تركي في قناة الرأي
الجماعه ديل بالغو عديل معانا ... رومانسه لمن بي هناك
واحده متابعا معاي المسلسل قالت لي
خساره الما طلعنا اتراك
|
اها المسلسلات التركية دي المبوظة الحكاية ... يعني مهما (ترومسنا) ما حنلحق كلام المسلسلات دة ... بعدين رومانسية الاتراك دي مكلفة خلونا في رومانسية الترمس وبالكتير الايسكريم .. ما قلتو رومانسية .. يعني المسائل المادية دي خلوها بعيد
| |
|
|
|
|
|
|
|
|
|
Re: للرجال فقط !!!! (Re: مدثر محمد ادم)
|
الرائعة..عواطف..السلام عليكم..\
والف حمدآ لله على سلامتك..وليك وحشة..
ما عندنا وسيلة للتواصل معك غير عبر هذا المكان ..وكان ما قصرنا بألأتصال بك فى فترة غيابك..وعزيناها للعمل..لك التحية وللأسرة الجميلة..
Quote: فإذا اكتشف الداء عرف الدواء ولا شنو رايكم ؟ خصوصا وإنه الرمانسية ما عايزة فلوس حاجة
بلوشي كدة ولكن تفعل ما لا تفعله ملايين الدولارات |
الرومانسية ماعايزة فلوس فعلآ لكن عايزة شى اهم..وهى لوما تربينا عليها لا يمكن نعطيها.((الرومانسية))..
وما اعتقد تكتسب ..ولو أكتسبت تكون باهتة..يجب علينا ان نربى أولادنا على التعامل الراقى الجميل لحياة جميلة وأفضل..
مودتى..........إسماعيل محمد احمد عباس...
| |
|
|
|
|
|
|
|
|
|
Re: للرجال فقط !!!! (Re: ismeil abbas)
|
ود عباس ...
سيد الناس ..
الفي القهوة ما جلاس ..
رغم احترامي الشديد لشخصك ورأيك لكن دعني أختلف معك قليلا ..
إذا قعدنا نقول فاقد الشيء لا يعطيه ما حنغير في الحاصل حاجة لا بد أن نبدأ بأنفسنا حتى يقتنع أولادنا
بالفكرة .. عموما أنا بتشكرك على المكالمةالجميلة التي تدل على كرم أخلاقك ..وأتمنى أن تمارس الرومانسية
مع المدام قولا وفعلا وصدقني حتكون أسعد إنسان في الدنيا .. مودتي ..
| |
|
|
|
|
|
|
|
|
|
Re: للرجال فقط !!!! (Re: عواطف ادريس اسماعيل)
|
يا عواطف ,
الف حمدلله على السلامة شوقنا ماسورة ومكسوره
تانى جبتى سيرة البحر الرومانسية ... دا شعرا ماعندنا ليهو رقبه..قولى لى صاحبتك دا المتوفر حاليا وبعدين الرومانسية درجات اولا تلقى الراجل وبعد داك ترمسينيو على مزاجا
بمناسبة المسلسلات التركية ,زمان ونحن صغار كان الواحد بتكيف من الافلام المصرية وبعد الفلم إفتح خيال فى مصر و الحب و السعادة و الرومانسية العايشنها المصريين اها لمن الواحد كبر وسوا ليهو جواز سفر اول فيزا دقاها لمصر عشان نشوف أخوانا المصريين بقول شنو وبحبو كيف ...... من المطار بتشوف ضابط الجوازات حسين فهمى وسواق التكسى نجاح الموجى والبفتح ليك باب التكسى محمود المليجى والبت الجرسونه صابرين ....عليك أمانة الله يومين بس كافيه انها تبدد أحلام طفولتك فى القاهرة..
أنا خايف صاحباتكن القافلات على اسطنبول إحصل ليهن الحصل لى مع المصريين ,لانو ليس كل ما يلمع ذهبا نصيحتى للنسوان المغرمات بالرومانسية التركية على وزن الدراما التركية إستمتعن بجمال البلد و الطقس المعتدل و المأكولات و ا لتاريخ وإركزن على مهند المعاهن لانو مهند الهناك مافى فى الواقع
(نصيحة من مهند عايش معاهم)
| |
|
|
|
|
|
|
|
|
 Re: للرجال فقط !!!! (Re: حسن الجيلى سعيد)
|
الجيلي سعيد ...
سعيدة بحضورك ربنا يسعدك ..
ياخي شنو الإحباطات دي ؟ برضها ماسورة ومكسورة ولا شنو ؟
عموما مشتاقين كتير ..
بس كمان ما يصح تحرموا الستات حتى من مجرد الحلم بالرومانسية خلوهن ينتعشن شوية ..
الشعار المرفوع الأيام دي أطلبوا الرومانسية ولو في أستنبول ..(هاهاها) وخلو البنية تفتش على
الحب براحتها ..
| |
|
|
|
|
|
|
|
|
 Re: للرجال فقط !!!! (Re: اميمة مصطفى سند)
|
الحبيبة الغالية أميمة
بالجد مشتاقة ..
صاحبتي دي رومانسية جدا وقررت أن لا تعيد النظر بعد عدة تجارب فاشلة وقالت عايز توب رقعته من برة..
شكرا على العبور الحلو ..
| |
|
|
|
|
|
|
|
|
 Re: للرجال فقط !!!! (Re: عواطف ادريس اسماعيل)
|
عطوفة ازيك
والله ليكي وحشة ومشتاقين كتير ياخ
مالك حاربتينا وبقيتي جافية كده
ياخ انا زعلان شديد منك
لا سؤال لا كلام لا سلام
رغم انو فتحت ليكي بوست بسال عن اخبارك
انشاء الله المانع خير
وتكوني مبسوطة شديد
عاش من شافك ياخ
عمك اشرف
| |
|
|
|
|
|
|
|
|
|
Re: للرجال فقط !!!! (Re: ASHRAF MUSTAFA)
|
شروفي ..
كيفك يابن الأخت الغالي ..
والله أنا برضه مشتاقة ولكن يطرشني ويعمي جيراني ما شفت البوست بتاعك معقولة بس يا أشرف ..
عموما لك كل الود والتحايا والأشواق وسلام خاص من أهلك في أبوظبي ..
وبرضه مشتاقين ..
| |
|
|
|
|
|
|
|
|
|
Re: للرجال فقط !!!! (Re: عواطف ادريس اسماعيل)
|
حمدلة على السلامة يا عطوفة...
نوٌرتي بيتك و مطرحك.
...........
صاحبتك دي انصحيها تنٌزل سقف طموحاتا...و تنزل ارض الواقع...
كنتَ عاوزة أنصحها تشوف ليها أسباني حُرٌ و لا إيطالي أمو بت عم أبوهو...
لكن حتى ديل قالوا عندهم مرات جفاف و تصحر .
عليها فقط بالروايات الخيالية و قصص الخيال العلمي...
و الله كريم عليها.
| |
|
|
|
|
|
|
|
|
|
Re: للرجال فقط !!!! (Re: mamkouna)
|
شوفي يا عواطف,
الدلع دا مش شارع اتجاه واحـد
الدلع اتجاهين يعني المرا تدلع الراجل والراجل يدلعها,
أها سؤالنا,
صاحبتك دي بتعرف تدلـع ؟
أحمد الشايقي
| |
|
|
|
|
|
|
|
|
|
Re: للرجال فقط !!!! (Re: abas)
|
الرائعة .. مهندس الحروف بمقهي سودانيس اونلاين..
رسام القلوب على حوائط الداخليات .. وقطاع النجيلة في كل حديقة ..
يا اخ انتي.. بس خليها ساكت .. لو اندلقت (زى ما بيقول سيجمان) .. بتحتارى في امرى..
انا بي طبعي بكاي في الكلام الحلو.. وخاصة لما يكون مصدرو .. جكس .. واخاف اكون كمان قال ( انت كالتيس في قراع الخطوب .. )
لذلك ليس بيدي غير .. ان اقول ..
برافو عطوفة .. موسيقار النغم الشجي..ومطرز اللحن الندي..
والى الامام .. وفي انتظار .. المزيد..
بكل الود...
الفاتح
| |
|
|
|
|
|
|
|
|
|
Re: للرجال فقط !!!! (Re: ELFATIH ABDELLA)
|
فوفو ...
سلامات وتشكرات على هذا الكلام الحلو ما تخليني أبكي ساكت أنا كمان ..
غايتو كان إنت بكاي صاحبتي دي بتنفع معاك خالص خالص بس ما تبكي بي وشك كمان ..
شكرا يا بعد عمري كلك ذوق ..
| |
|
|
|
|
|
|
|
|
|
Re: للرجال فقط !!!! (Re: ALZOLZATOO)
|
العزيزة عواطف
سلام
في ليبيا المرأة مهانة جدا.. عندما كنت اعمل مدرسا هناك وفي حلقة نقاش مع زميلات وطالبات ليبيات,
أثنوا كثير جدا على الرجل السوداني.. وانه يحترم المرأة ويقدرها.. وقالن لي بالحرف الواحد: لو يتركونا
على حرياتنا كلناسوف نتزوج من السودانيين..
Quote: اها..راجل المرا عرفناه..الا مطلق دي,بتخصم من الكرديت..
|
عزيزي هواري..
الخبرة والتجربة مطلوبة في الحاجات دي..
| |
|
|
|
|
|
|
|
|
|
Re: للرجال فقط !!!! (Re: ALZOLZATOO)
|
ززززززززززززاتو !!!
يا مرحبا .. يا مرحبا ..
نور بيتنا ..
شو الضمان إنه الرومانسية بتجي بعد العرس ؟؟
هو لو أساسا في فكرة زي دي كان صاحبتي تنكرت لبني جلدتها؟؟
يا قلبي ما تحزن ..
عليكم الله سيبونا لأحزانا وجفافنا وتصحرنا..
زاتو !!!
سلام ..
| |
|
|
|
|
|
|
|
|
|
Re: للرجال فقط !!!! (Re: سيف بخيت موسي)
|
أبو السيوف ...
عشنا وشفنا وسمعنا إنه الزواج قسمة ونصيب ..
لكن الرومانسية دي زي ما قال نزار قباني حتى لو ماكانت موجودة لازم نخترعها عشان نعيش ولا مو هيك ..
عموما بتشكرك على الطلة الحلوة ..
| |
|
|
|
|
|
|
|
|
 Re: للرجال فقط !!!! (Re: mamkouna)
|
ممممممممممممكونة !!!
الحنووووووووووووووونة !!!
محبتي وأشواقي الزائدة ...
يعني خلاص نقطع العشم ولا شنو ؟ إنت كنت آخر أمل ومنتظراك لامن قطعتي لي العشم ..
عموما روايات الخيال العلمي هي الملاذ الأخير ..
محبتي ...
| |
|
|
|
|
|
|
|
|
|
Re: للرجال فقط !!!! (Re: عواطف ادريس اسماعيل)
|
أستاذه/عواطف
well come back
وسلامات أما موضوعك فى إعتقادى أن مسألة
المواصفات فى الزواج هو تنظير نادراَ ما
يطبق يعنى حكاية يكون رومانسى دى ما موجوده
لأنو مرات الحاجه دى بتم بدون تخطيط أوترتيب
وفى السودان بيقولو الزواج زى الموت يعنى عامل
زمن عموماَ نتمنى لصديقتك التوفيق فيما تريد......!!!ّ
كل الود
محمد كابيلا
| |
|
|
|
|
|
|
|
|
|
Re: للرجال فقط !!!! (Re: محمد كابيلا)
|
تحياتي عواطف
أعتقد أن معظم السودانيين ذكورا ونساء تربوا على عدم التعبير عن عواطفهم(ماعدا في حالات الحزن عند الموت حيث نتفوق فيها على جميع الأمم)، ,ولو قارنا أنفسنا في ذلك بجيراننا في شمال الوادي مثلا حيث يخاطب الزوجان بعضهما بعبارات "يا حبيبي أو حبيبتي ياروحي وغيرها بصورة روتينية لا نجد لذلك مثيلا في ثقافتنا وحتى لغتنا الدارجية غير مصممة للتعبير عن عن المشاعر، ولا يزال السودانيين الذين تربوا في بيوت مقسومة لجزئين أحدهما للرجال والآخر للنساء والذين تربوا على أن إظهار العواطف ضعف لا يليق بالرجل على قيد الحياة. حكى لي صديق أن جده يؤكد أن سبب فساد البلاد هو أن السودانيين تبنوا عاد غرفة النوم الزوجية حيث ينام الزوجان معا طيلة الوقت في سرير الدبل وهو شئ لم يكن موجودا في أيامهم وبحسب رأيه أدى لضياع هيبة الرجال، لذلك حتى إذا كان الرجل السوداني رومانسي بطبعه فهو عاجز عن التعبير عن ذلك وتأكيده لشريكته ما لم تكن سودانيه هي الأخرى وتفهم هذه الناحية من ثقافتنا أما التي تنتمي لشعب آخر فستظن أنها تزوجت متوحشا قادما من الغابة!
| |
|
|
|
|
|
|
|
|
|
Re: للرجال فقط !!!! (Re: محمد عثمان الحاج)
|
عافية منك يا حمادة لأنك ختيت النقط في الحروف ولكن التغيير واجب وطني يعني نحنا لو قعدنا نقول جدي
وحبوبتي حنكون لغاية هسة راكبين الهنتر والهلمان والذي منو ..
لابد من التغيير الجذري .. الرومانسية ببلاش يا ناس .. انطلقوا .. تحرروا من القيود التي تكبل مشاعركم
تجاه نصفكم الآخر ..
شكرا يا محمد
لك مني كل الود ..
| |
|
|
|
|
|
|
|
|
 Re: للرجال فقط !!!! (Re: محمد كابيلا)
|
كابيلا ...
ووووب علي.. وووب علي ..الزواج بقى زي الموت امانة ما خوفتني يعني نفس المصير ولا شنو ؟؟
عموما صديقتي يا كابي مصرة تقعد حتى آخر العمر بدون لو ما لقت العريس الرومانسي وحنشوف الرومانسية
دي آخرتها أيه معاكم ..
محبتي !!
| |
|
|
|
|
|
|
|
|
 Re: للرجال فقط !!!! (Re: عواطف ادريس اسماعيل)
|
أبو مهيار ...
سلام ..
والله لو كسير التلج بجيب همو كسروا على مدار الأربعة وعشرين ساعة .. يعني خسرانين شنو غايتوحكايتكم عايزة
صبر .. بعدين صحبتي دي ما مصرية ولا جات جنب المصريين يا والله المصريين بيعرفوا يكسروا التلج كويس
ما زيكم ..
| |
|
|
|
|
|
|
|
|
|
Re: للرجال فقط !!!! (Re: ابوحراز)
|
Quote:
لسنا جميعاً بخير
لكننا نحمل آلاف المشاعر
وآلاف الشحنات الرومانسية
وربما ظروف حياتنا ومعاناتنا الطويلة
وجرينا المتواصل وراء اللقمة والمنزل والدواء والضرائب ورسوم المرور
هي اشياء قد قللت من ثرمومتر المشاعر
لاتذهبي بعيداً يا آنستي
احتضني دفء الوطن
سيحبونك جميعاً
ويقاتلون من أجلك
|
شكرا يا أبو حـراز
نحن فعلاً كذلك,
أحمـد
| |
|
|
|
|
|
|
|
|
|
Re: للرجال فقط !!!! (Re: ابوحراز)
|
الفاضل ازيك ..
| Quote: اها المسلسلات التركية دي المبوظة الحكاية ... يعني مهما (ترومسنا) ما حنلحق كلام المسلسلات دة ... بعدين رومانسية الاتراك دي مكلفة خلونا في رومانسية الترمس وبالكتير الايسكريم .. ما قلتو رومانسية .. يعني المسائل المادية دي خلوها بعيد |
ياخي الموضوع ابسط من اي تكلفه .. كلام حنين وشوية قشره
وورده مقطوعه من اي شارع .. ماشاء الله الحكومه ملت الشوارع نجايل وورود
وبرضو الاسكريم ما بناباهو .. عشان خاطر الحر والسموم 
| |
|
|
|
|
|
|
|
|
|
Re: للرجال فقط !!!! (Re: ابوحراز)
|
الاستاذة عواطف
عودة سريعة برضو وبدون اقتباسات
اول حاجة انتو الرومانسية التركية دي جبتوها من وين? .. انا ما بتابع المسلسلات لكن كل ما امر بي مسلسل تركي بلقاهو عصابات ومؤامرات ومافيا وغسيل اموال .. لكن الظاهر الموضوع محتاج لي متابعة لصيقة عشان الواحد يظفر بمشاهد رومانسية
اها صاحبتك دي حسب الوصف الاخير دة فـ(لو مسها حجر مسته سراء) .. وما دامت تفيض رومانسية فهي اكيد ستعدي من ترتبط به .. لكن الكلام في ناس حب ايه الانت جاي تقول عليه .. اين الزيت ? اين البصل ? اين الفحم ? (من قصة في كتاب المطالعة زمان) .. والظروف الاقتصادية الراهنة (لم تترك للحب الى القلب سبيلا) .. لكن رغم ذلك فان القليل منها يشفي الغليل ويهدئ النفوس .. ويمسح كل نكد اليوم ..
وما دام في طلب وعرض فانا اتقدم بطلبي ضمن الجماعة .. لكن لا املك من عرض الدنيا غير الرومانسية .. وما داير منها غيرها .. يعني رومانسية غديني جبنة وزيتون (لاحظي انو الجبنة والزيتون ذاتا بقت بالشئ الفلاني)
| |
|
|
|
|
|
|
|
|
|
Re: للرجال فقط !!!! (Re: elfadl abdellatif)
|
ود عبداللطيف ..
مليون تحية ..
شكلك كدة ما متابع الأفلام التركية عارف دي عملت ثورة في عالم النساء كل واحدة بقت تشوف زوجها وكأنه
وحش كاسر من شدة ما اتأثرت برقة الزوج التركي في المسلسلات ,, في نسوان كتار غيرن وجهة الإجازة
الصيفية ومشن تركيا لمعرفة السر عموما شوف ليك مسلسل مسلسلين تركي وبعدين تعال خلينا نشوف التغيير
البيحصل .. وأنسى حكاية أين الغداء يا نفيسة دي لأنها هي اللي ودتنا في ستين داهية ..
ودي ..
| |
|
|
|
|
|
|
|
|
|
Re: للرجال فقط !!!! (Re: عواطف ادريس اسماعيل)
|
الاستاذة عواطف 000
حمدأً لله على سلامة العودة00
افتقدنا قلمك كثيراً ، وبوستاتك الشيقة 00
Quote:
شكلك كدة ما متابع الأفلام التركية عارف دي عملت ثورة في عالم النساء كل واحدة بقت تشوف زوجها وكأنه
وحش كاسر من شدة ما اتأثرت برقة الزوج التركي في المسلسلات ,, في نسوان كتار غيرن وجهة الإجازة
الصيفية ومشن تركيا لمعرفة السر عموما شوف ليك مسلسل مسلسلين تركي وبعدين تعال خلينا نشوف التغيير
البيحصل .. وأنسى حكاية أين الغداء يا نفيسة دي لأنها هي اللي ودتنا في ستين داهية ..
|
| |
|
|
|
|
|
|
|
|
|
Re: للرجال فقط !!!! (Re: ابوحراز)
|
أبو حراز ...
مليون سلام ..
أعجبتني مداخلتك النارية جدا ولكن ..
أرجو أن لا تشغلنا فواتير الموية والكهربة عن أساسيات الحياة الزوجية السعيدة يعني لم تدفع لي الكهربة
والموية وتجيب لي أنبوبة الغاز ما أسمع منك كلمة حلوة الفائدة شنو؟ تعال فاضي إيد ورا وإيد قدام
وقول كلمة حلوة وشوف الفرق يا جماعة أفهموووووووووووووووونا .. يا ناس ,, ياهو !!
عموما شكرا مداخلتك برضها مليانة بالمواقف البطولية ..
| |
|
|
|
|
|
|
|
|
|
Re: للرجال فقط !!!! (Re: عواطف ادريس اسماعيل)
|
Quote: عزو ..
سلامات ..
ياخي مالك خوفتنا من ناس معمر القذافي يعني بناتناعايشات في نعيم بالمقارنة ..
فعلا التجربة والخبرة ليهم دور كبير ..
شكرا |
عواطف
لو نظرنا للمرأة الليبية.. فالسودانية في نعيم والله..
ليبيا كانت رابع محطة أجنبية أزورها.. وللأسف حتى ألان وبعد المرور بأكثر من عشرين دولة
ما زالت هي الأسوأ من ناحية وضع المرأة..
تحياتي
| |
|
|
|
|
|
|
|
|
|
Re: للرجال فقط !!!! (Re: حواء سليمان ابراهيم)
|
سلامات عواطف
مدخلك جميل وموفق لمناقشة مسألة الجفاف العاطفي وانتهاء الرومانسه بأنتهاء الخطوبه وبداية الزواج
رغم ان لكل شخص طؤيقته في التعبير بالقول او الفعل .. الا ان اكثر الناس يعبرون ويترجمون عن حبهم
ورمانسيتهم بالمواقف الغير مباشره التي تبين للزوجه مدي حب زوجها لها.. بعيدا عن التصريح بالكلمات والعبارات
اعتقد ان الخوف من المجتمع ونظرته للمتغزل في زوجته احد الاسباب .. كذلك الزوجه نفسها
هل توافقيني في السبب الاخير ؟
| |
|
|
|
|
|
|
|
|
|
Re: للرجال فقط !!!! (Re: نوفل عبد الرحيم حسن)
|
تحياتى ،،
احى اخونا ابو حراز على كلماته المعبرة جدا ،،،
وانا عندي رائ حاد شوية ،،
خليها تمشى وتجرب ،، وبعدين نشوف بحصل شنو ،،
كل الاشياء البتشوفها فى بقية البشر المفتكرة انهم رومانسيييين ،، كل الرومانسية دي
عبارة عن تمثيل فى تمثيل ليس اكثر اما ابن بلدي فانه كئيب ،، غير رومانسى ،،ناشف ،،ومسيخ،
الرومانسية موجودة عندنا لكن بى حاجاتنا نحن بى طبيعتنا الاتخلقنا بيها ،، اما الشايفنو
كله وهم ،، والعايزنه يكون ليهم ،،،
فانا بقول ليها طوالى تمشى وتختاري شريك حياتك بالطريقة العايزاها انتى وان شالله تتهنى ،،
وفى سؤال تانى ،،
الرجال السودانييين ،، كل يوم شايفين ليهم واحده ممشوقة القوام جميلة بتلبس لبس جميل
اخر حلاوة ،، ولكن فى النهاية ومهما تكون برجع لى بت بلده لانه الجنس للجنس رحمة كما يقولون ،،
تحياتى مرة اخري ،،
| |
|
|
|
|
|
|
|
|
|
Re: للرجال فقط !!!! (Re: ودالعباسية)
|
توفففففففففففيييي
ياخي جنس واحد شوق هو!
بركة التميتي الأربعين
بالله الاخبار شنو والأهرام كذلك
أما بخصوص الجمهورية
أسكتي ساهي
خليها مستورة
علي اليمين برجع ليك تاني
لكن والله نعست شديد
ثمح!!!
| |
|
|
|
|
|
|
|
|
|
Re: للرجال فقط !!!! (Re: حبيب نورة)
|
حبيب نورة ...
ياااااااااااه ..
اشتئتلك ..
قول بسم الله يا راجل أربعين شنو؟ يا دوبك 19 سنة.. عمر الزهور والغرام والمنى ..
الأخبار زي الإمارات اليوم خلي الطبق مستور ..
في انتظارك ما تنأخر ...
| |
|
|
|
|
|
|
|
|
 Re: للرجال فقط !!!! (Re: ودالعباسية)
|
ود العباسية ..
مشتاقين ..
لكن كلامك مالو قطع عالناشف كدة يا خي هونها وتهون .. بعدين صاحبتي دي ما براها بتشكي من الجفاف
والتصحر أمسك ليك أي واحدة من الشارع وناقشها في الموضوع دة كان ما تلقى دميعاتها ترب ..ترب
الله يلعني .. يا جماعة إفهمونا مرة ..الدنيا تبقى حلوة ما فيها مرة .. والكون يلالي يلاي بهجة ومسرة..
ودي ..
| |
|
|
|
|
|
|
|
|
|
Re: للرجال فقط !!!! (Re: نوفل عبد الرحيم حسن)
|
نوفل ...
ودي ..
أوافقك ونص وخمسة ولكن في بعض الأحيان التعبير الشفهي ضروري ومهم وما دايما الزوج والزوجة بيكونوا
معاهم ناس ياخي مرة كدة لما تكونوا لوحدكم قول ليها فستانك حلو .. حنتك رهيبة .. إنت أحلى زوجة
في الدنيا وتعال قابلني !!!!
تحياتي للأمور اللفي البروفايل
| |
|
|
|
|
|
|
|
|
 Re: للرجال فقط !!!! (Re: عواطف ادريس اسماعيل)
|
عطوووووفة .. حمد لله على السلامة .. مشتاقين وكده ...
ياستي نحنا كلنا كده رومانسية لامن غلط زااااتو ، كلمي لي صاحبتك دي نحنا جاهزييييين ، أملاها ليك رومانسية لامن تقول الزول ده تركي  ، ياخي الجماعة بي هناااك باعونا بيع الضأن .. أهنا قلنا نسجل هنا يمكن صاحبتك دي برومانسيتها دي تنسينا الجماعة رغم أن ذلك هو المستحيل بعينه .... 
| |
|
|
|
|
|
|
|
|
|
Re: للرجال فقط !!!! (Re: عماد محمود علي)
|
عموووووووووووودي !!!
كيفك يا مان ؟؟
مشتاءة ..
بس خلاص ما عندك أي مشكلة جهز نفسك للسفر في أقرب طيارة ..
قلت لي الجماعة باعوك بيعة الملح ؟ معليش ما تستاهل ..
شكرا يا عمدة على الطلة الحلوة ..
| |
|
|
|
|
|
|
|
|
|
Re: للرجال فقط !!!! (Re: عواطف ادريس اسماعيل)
|
يا عواطف أختي ..
بحكم تجربتي ، البنية دي حالة ميؤوس منها
طالما وصلت نفسها لقناعات بأنه الواد السوداني
الحليوه ما يقدر يحرك رواكده على الطريقة
اللبنانية وبالتالي تصبح رواكدها هي في خبر
كان قالت تأخذها من قصيرها وتشوف ليها واحد
رواكده دايره الهبشه !! ..
دخيلك يا عواطف وتأبريني ده ما قرار جائر منها
ليش بتسوي هيك ؟؟
والله يديها ..
وسلامتك يا عواطف وناس الدوحة كلهم كرامتك ..
باقي أنا يا دوبي جايي دافر باب سودانيز..
| |
|
|
|
|
|
|
| |
عواطف ادريس اسماعيل
أحمد الشايقي
عزام حسن فرح
الطيب شيقوق
محمد عبد الماجد الصايم
Abdlaziz Eisa
الفاتح ميرغني
Hawari Nimir
Dalal Ezzaldin
Nader Abu Kadouk
Nazar Faisal
محمد فرح
elfadl abdellatif
محمد فضل الله المكى
ismeil abbas
حسن الجيلى سعيد
ASHRAF MUSTAFA
mamkouna
abas
سيف بخيت موسي
ALZOLZATOO
محمد كابيلا
أسامة عبد الجليل
ابوحراز
ابوعبيدة حسن محمد
حواء سليمان ابراهيم
نوفل عبد الرحيم حسن
ودالعباسية
حبيب نورة
معتصم مكاوي
فيس بوك
تويتر
انستقرام
يوتيوب
بنتيريست