كتب الكاتب الفاتح جبرا المتوفرة بمعرض الدوحة
|
|
 اللهم إنا نشكوهم إليك
|
الضوْ بكى .
بكى ما بكى ؛؛؛
بكاّهو حِسْ الطائراتْ
بكَّاهُو قُدْرَتُو تنتهي ؛؛؛
بكَّاهُو يرجى المعجزات !!؟
بكَّاهُو قُولةْ الموية أخفَّ .. وأقلَّ من كمْ وأربعين
بكَّاهُو كضَّبْ حاســـَتُو .. وصدَّقْ أمير المؤمنينْ
بكَّاهُو ما رَمَى للكُرِيق ، زاغْ في أوائلْ النازحـينْ
مع إنُّو أدْنَى الناس شِتُول ، وأخفَّ سُكْنَة ، وأقلَّ طينْ
وإنضرَّ أكترْ منَّهُمْ .. لكِنُو .. ما ندمان .. يَمِينْ
بِيتُـــو اليَرُوحْ ..
عَفَشُو اليَرُوحْ ..
غنَمُو التَرُوحْ ..
ما طالَ عايِشْ .. وفِيهُو رُوحْ .. وأمُّونَة نفَدتْ بالعَوِينْ .
في اللُجَّة يفْضَل كالسَفِينْ .. أكْرمْ لُو من جرحْ النزوحْ .
ولمَّـَّـس دِحِيشُو .. الضوْ بكَى
بكَى ما بكَى
بكَّاهُو يرْجعْ لِي ورا
بكَّاهُو رادِي الدنْدَهُوبْ الغادِي
وأم دُرمان تغنِّي .. حبيبتي آه .. وودادي وين .. وحَبيبي وُوبْ !
والباقي كلُّو مقابلاتْ ..
|
|
 
|
|
|
|
|
|
|
|
Re: اللهم إنا نشكوهم إليك (Re: Samer Osman)
|
بين العمل والبيت .... فصد جبينا عرق
أم اليتامى بكت لمن حسابا فرق
ماهية تمشي السوق مركب مصيرا غرق
حق اللبن والزيت ... الكسرة الكراس
هم في عيونا برق
الما بحس ما بهم ... والخان همومو سرق
هذا المرتب تب ما بسدها الفرقة
القعدة في المكتب والإمضا في الورقة
| |
|
|
|
|
|
|
|
|
|
Re: اللهم إنا نشكوهم إليك (Re: Samer Osman)
|
كانت السينما جميلة وصديقة ..
سايكو في سينما "برمل"
في كلوزيوم _في المناظر _
أعلنوا"صوت الموسيقى"
يجهر المذياع بالشدو الجميل ..
وردي غنى المستحيل
الدراما ..الكرامة..الصحافة..الحصافة..الثقافة..القيافة ..الظرافة..والأمان
من أعلن النعي على ذاك الزمـــان؟
من أصدر الذكرى على ذاك الزمــان؟!
كان طول العام مثل الألف في "الزمن المعاصر
" كان "كذب الناس" من جنس الكبائر..
| |
|
|
|
|
|
|
|
|
|
Re: اللهم إنا نشكوهم إليك (Re: Samer Osman)
|
بشوفك جرايد شواكر حوامد ولا هامى فيها
عليها المصائب تمام التمام
مغائص بتفرم حشاها .. وقبائن بتنفخ بطون البسفوا التراب
وحايح لهيب البتلفح تلهلب و تشوى الجلود
أتف القصائد إذا ما القصائد بتنزل مريده وتسبح بحمد الذى
أيتلاك وهدانى الودار
بشوفك جرايد شواكر حوامد
طريتك و أنا الكنت قايل خيالك معشعش جواى سكنتك وما لاقى فجة
أخيرلك أقول البحرق حشايه
أخيرلك أفضفض جراب الخبايه
أقول الكلام البفكفك سوارك . ويوقف جدارك ويرفع عضاية
تضيع الرموز التغطى الكلام
أقول السكاكر أبتن ورمتنى .. وكفانا
أقول العساكر تبارى الكبارى وتفتش قلوب الجهال الشلوخهم هوية
| |
|
|
|
|
|
|
|
|
|
Re: اللهم إنا نشكوهم إليك (Re: Samer Osman)
|
هكذا بكى حميد ومحجوب شريف وهاشم صديق والقدال
هكذا يبكي الشرفاء
ما أحوجني اليوم للبكاء .. ما أحوجنا للبكاء وأحوجني للصراخ
قال الراحل الطيب صالح ذات صراخ معتدل:
"من أين أتى هؤلاء؟"
| |
|
|
|
|
|
|
|
|
|
Re: اللهم إنا نشكوهم إليك (Re: Amna Mohamed Arh)
|
| Quote: سلامات يا صديق.... |
"يحكون في بلادنا
يحكون في شجن
عن صاحبي الذي مضى
و عاد في كفن "
محمود درويش
إلى الخرطوم ... هأنذا آتيك في كفن
حزين حزن هذه المساءات ذات الطعم الكالح
..
زرت يوما جبيت ... وبكيت
لتلكم الوجوه الكالحة كجبال تحيطها فتلونها بذات الحزن
إلى عيني .. سئمت تجفيف دمعي .. فضلا توقفي فالقلب أكثر خفقاناً ووجدا
آمنة ... وجعي على محطات النزوح
عذرا لهذه اللقيا البكائية
| |
|
|
|
|
|
|
|
|
|
Re: اللهم إنا نشكوهم إليك (Re: Samer Osman)
|
سايكو في سينما "برمل"
في كلوزيوم _في المناظر _
أعلنوا"صوت الموسيقى"
يجهر المذياع بالشدو الجميل ..
وردي غنى المستحيل
الدراما ..الكرامة..الصحافة..الحصافة..الثقافة..القيافة ..الظرافة..والأمان
من أعلن النعي على ذاك الزمـــان؟
من أصدر الذكرى على ذاك الزمــان؟!
كان طول العام مثل الألف في "الزمن المعاصر
" كان "كذب الناس" من جنس الكبائر..
حقيقي سامر: فلنبكي دائما علي الزمن الجميل
لكن عند اجترارذكرانا تلك تحاصرنا الحسره علي ما كان وما هو كائن الان
اين نحن من ازمنة سينمت كلوزبوم والخرطوم غرب والنيل الازرق .... مجلة ألثقافه السودانيه... الملاحق الثقافيه بالجرائد اليوميه المنتديات الثقافيه ومعارض الكتاب واغنيات وردى وعركي وود الامين وحتي البلابل
ورياضتنا ذاتها كانت نضيفه.
| |
|
|
|
|
|
|
|
|
|
Re: اللهم إنا نشكوهم إليك (Re: Mahassin Ibrahim)
|
Quote: حقيقي سامر: فلنبكي دائما علي الزمن الجميل
لكن عند اجترارذكرانا تلك تحاصرنا الحسره علي ما كان وما هو كائن الان
اين نحن من ازمنة سينمت كلوزبوم والخرطوم غرب والنيل الازرق .... مجلة ألثقافه السودانيه... الملاحق الثقافيه بالجرائد اليوميه المنتديات الثقافيه ومعارض الكتاب واغنيات وردى وعركي وود الامين وحتي البلابل
ورياضتنا ذاتها كانت نضيفه. |
صحي والله
يا سامر مالك عاوز تقلب علينا المواجع؟؟ خلينا في حرنا القديم دا ياخي
| |
|
|
|
|
|
|
|
|
|
Re: اللهم إنا نشكوهم إليك (Re: ناصر احمد الامين)
|
Quote: مالك عاوز تقلب علينا المواجع؟؟
|
"لا يحيق المكر السيء إلا ....
الزمان العفو عنهم فات .. ولّى
والزمان الثأر ..رد الصاع .. حلّ
فالذي لم يعرف الإنسان .. لن يعرف الله
أيها المبعوث فينا .. بالتجلة
سلم الدرب عليك .. الشعب صلى
خُذهُمُ بين يديك .. يا إلهي ما أُحيلى
شهداء الوطن الآتين .. يللا
يللا غنو ... ولا تضنوا ..
غنو للباسق كأنو .. شيل تميراتاً تكنو
رغم إنو .. المطور ما ترّو عنو
والرياح ما ريحنو"
ناصر سلام
أشتاق لعلي ود فضل الذي لم ألتقيه إلا صورا على المطبقات أو لوحات في حفلات التأبين
| |
|
|
|
|
|
|
|
|
|
Re: اللهم إنا نشكوهم إليك (Re: Mahassin Ibrahim)
|
| Quote: فلنبكي دائما علي الزمن الجميل. |
"مجنون الحزن المسجون
بارود الحزن المسحون
جواي انا شافع محزون
عن امو بفتش فتيش
فتش فتيش هبش هبيش
دقش دقيش
يصرخ ياناس
مريم محمود راحت شقيش
يصرخ ياناس
مريم محمود راحت شقيش
في زنك اللحمة وفي الزحمة
مريم محمود راحت شقيش
في منحنيات الاسواق
مريم محمود راحت شقيش
ولا آه يا مريم محمود
آآه يامريم محمود
آآآآآه يامريم محمود
ياذات الضل الممدود
ياذات القلب الساساق
حتلت جواي الاشواك
حتلت جواك الاشواك
وأنا كنت الولد المحبوب
لا هجراً ليك ولا عاق
حبيتك ذي ما حبيت
الوطن
الوالد
والبيت
مني خطفوك تماسيح
كم مرة وخلوا تباريح"
ما أعمق الحزن في أشعار مبدعينا .. ما أصدق كتاباتهم/ن
| |
|
|
|
|
|
|
|
|
|
Re: اللهم إنا نشكوهم إليك (Re: Samer Osman)
|
تعال قرحنا بدهشة غناك الحى
وحى من جرحك الدامى وفتر حيلك
وحى من ضلك الرامى وحمل شيلك
تموت متل الشجر واقف...تموت واقف على حيلك
فيحليلك... يا حليلك
بستناك على صهوة جياد الريح
وبستناك فى الزمن اللديح القيح
على باب الحلم فى غناك....بستناك
زهري محمد علي
| |
|
|
|
|
|
|
|
|
|
Re: اللهم إنا نشكوهم إليك (Re: Samer Osman)
|
من اجمل سنينا عشناها في هذا السودان الجميل تلك الفتره التي سعدنا فيها بزخم وابداع فني في كل المجالات
لم يتم فيها تغييب لسابق زمان كانت الاحتفالات بذكريات ايام مجيده مرت علي السودان : ثورة أكتوبر التي هي فخر لكمل منا انجبته هذه الارض كان يتم علي اعلي مستويات وفي كل دور العلم من صغراها (شفع الابتدائي) حتي أعلاها بالجامعات المختلفه
نحن شعب يحق لنا ان نفخر بتاريخنا لان ان نطمسه ونحاول تغييب ذاكرة اجيالنا الحاليه والتي هي اساسنا لمستقبلنا الواعد انشاء اللهز
سامر : استمحيك ان نبتدر (بوست أخر) وان ننتادى لمناقشة الخراب الثقافي والاهمال المتعمد لهذا التاريخ العظيم ونوسس لدعوه لتمجيد رجالا ونساء رحلو منا ومهروا بدمهم فداْ لتراب هذا الوطن ولقيم أمنو بها ودافعو عنها حتي الممات.
ايه رايك في هذا الطرح ؟
| |
|
|
|
|
|
|
| |
Samer Osman
Amna Mohamed Arh
ناصر احمد الامين
فيس بوك
تويتر
انستقرام
يوتيوب
بنتيريست