|
نعى اليم الزميل عبدالوهاب علي الحاج...المستنير وهبة فى رحمه الله
|
|
 Re: صورتي بتاعة 2009 طلعت شينة بتصور وبنزلها !!! (Re: HAIDER ALZAIN)
|
محنك محن يا زاتو
بعد عشرة سنين خدمة عايز تضرب تأمينك مالك
مالك ومال الصور وصلاح غريبة
لو مصر ارجو اتباع الخطوات التالية
صورة بالجنبة
اتنين تمشي لحريف فتوشوب...ما ينضفها لكن يحسن الكرضمات...يعني خليه يشتغل في البنية التحتيه ما البياض الخارجي.لانو مسألة البياض الخارجي مكشوفة خاصة نحن لينا السودانيين
زمااااان كدة كان في برنامج اسمه MIRC اول برنامج بتاع شات في النت...
خشت لي وحده اسمها مي قالت من مدني وخاتة ليها صورة شديدة لمن غلط...والدنيا رمضان بنوم في السعودية بنين الساعة 4 صباحا رزعوني ليك بفاتورة 800 ريال وبعد مشوار ونسة طويلة اختنا قالت لي دي ما صورتي طبعا وعشان اكون صريحة معاك حرسل ليك صورتي...وحاة الله اتصدمت في الشات وصور الفوتوشوب وثورة الاتصالات..
ياخي انا لله ياخ.
اعترض انك تخت صورتك هنا...عشان ما نلقي شتارة بين كلامك وصورتك وتفقد مصداقية الجماهير واتباطهم بابداعك
| |
 
|
|
|
|
|
|
|
|
Re: صورتي بتاعة 2009 طلعت شينة بتصور وبنزلها !!! (Re: GamarBoBa)
|
حبيبنا قمر
والله نصايحك مهمة
بعدين يامعلم انا ما اجتهدت عشان يفهم الحاصل شنو بعدين لو عملنا شغل الفوتوشوب ده تفتكر المدام ح تفوتها
لينا كده ساكت من غير سين وجيم ، لكن يامعلم كدي نفكر يمكن ننزل صورة الولد ونلعب بالاشبال نخرت ليك الجماعة ديل كلهم حريمهم على جالهم لووووووول يكه .
اها يامعلم انشاء الله بس بعد شفته صورتها ماتكون عملت ليها بلوك في الماسنجر لوووووووووووول انتو غايتو يابتاعين الشات الواحده لو غلطت ورسلت ليكم صورتها طيارتها دخنت .
وصيتك على العين والراس خلاص موضوع الصورة ده شلتو من راسي
تحياتي
زاتوووو
| |
|
|
|
|
|
|
|
|
|
Re: صورتي بتاعة 2009 طلعت شينة بتصور وبنزلها !!! (Re: محمد عبد الماجد الصايم)
|
Quote: أها
وما أداكـ أي خيارات؟ |
ياود الصائم
خيارات شنو ياخي يعني ح يقول ليك احلق حواجبينك ولا ح يقول ليك نعمل ليك بودره عشان تكون ابيض
بيني وبينك كده انا البياض ده في السمك ما باكلو لوووووووول
الزول صدمني ياخي قالوا الجمل مابشوف عوجة رقبتو وفعلا بعد الصورة دي حاجات كتيرة اتغيرت اولها الواحد بقى
يشك في زوق المدام زاتووو لوووووووول
تحياتي
زاتوووو
| |
|
|
|
|
|
|
|
|
|
Re: صورتي بتاعة 2009 طلعت شينة بتصور وبنزلها !!! (Re: HAIDER ALZAIN)
|
حبيبنا حيدر
ماياهو ده زاتو الشتلو فيهو العنب
انا ماوريتو الصورة عايز بيها شنو لانو الهدف الاساسي من الصورة كان لي اجراءات وبيدوك صورة بوستال هدية
وبتاع الاستديو كان ماليو يدو لانو الولد خرت ا بوهو وصورتو طلعت 100%
قلنا بعد ده احسن الواحد يحسن اخلاقو لووووووول يكه
عقبال مانشوف فيك يوم ياحيدر
زاتوووو
| |
|
|
|
|
|
|
|
|
|
Re: صورتي بتاعة 2009 طلعت شينة بتصور وبنزلها !!! (Re: اساسي)
|
| Quote: يا حريف زي ما قلت الواحد بقي يدخل البورد نص وقته يتفرج في الصور , بس خليك حريف وتعال بي صور العيال انت صورتك قبل سبعة سنين كانت الجلحات لاحقة الركبة صورة شنو الداير تجيبها اسع , ركز علي الشفع هداك الله , , |
حبيبنا اساسي ،
والله ماعاجبني فيك الا كل حاجة فيك زي ماقال سيد خليفة الله يرحمه احلى مافيها كل شئ فيها ، بس عيبك الوحيد ساكن الخرطوم الموضوع ده ح نناقشك فيهو ونقنعك تجينا في امدرمان .
المشكلة ياحبيبنا مش قصة صور بس يعني في واحدين صورهم في البروفايل تحترمها عديل كده وتصوير في مناسبات برضو مقبولة لكن الصور المشاتره دي المشكلة شنو يعني واحدة مشت ليها كوفير ولا مشغل وقعدت كل اليوم عشان تطلع وتتصور وتعلق صورتها لي ناس سودانيز اون لاين ياخي تتذكر زمان مافي زول كان معلق صورتو وعلى ما اعتقد
انو ميزة تنزيل صور ذاته ماكانت موجوده .
بعدين الواحد بيفتح البوستات من العنوان وبعض مرات لو العنوان ماعجبنا بنشوف الكاتب منو يعني الصورة دي
الا بعد الواحد يخش جوه الدار ويقعد يتفرج ويخلي الموضوع ويقعد يعاين في الصورة يقول ياربي الزولة نصيحة.
بعدين ياحبيبنا صورتي الرسلوها ليك الجماعة دي انا عملتها كمين لانو فلانة كانت مكرهاني ليك العيشة ذاتها
اها قلت احسن طريقة الواحد يتخارج منها يرسل ليها صورة منفرة وكده ده كل الموضوع هههه لكن يامعلم ما انت شايفني من زمن كنت السينير بتاعك وبعدين في زيارتي ليك في جدة مش قلت لي بقيت وجيه يازاتو انا عارفك مابتعرف تجامل واخدت كلامك مقياس لوووووووووووول يكه
بالمناسبة في واحد من الميم عين رسل لي واحد في ا لمكتب طلع مروج لي زراعة شعر وكده قلت ليهو الشغلانة دي بتزبط وراني صور قبل وبعد قبل زي ود الامين وبعد زي ريكارد قلت ليهو يازول انا الناس عرفوني كده بعدين انا النفاق مابعرفو عرس وعرسنا تاني الشعر نعمل بيهو شنو .
من ناحية الشفع وكده بالنسبة للولد ماشاء الله طالع للجماعة لكن البنت ربنا يرزقها بي ود الحلال ههههههههه يكه
تحياتي
زاتوووو
| |
|
|
|
|
|
|
|
|
|
Re: صورتي بتاعة 2009 طلعت شينة بتصور وبنزلها !!! (Re: BitAlhana)
|
Quote: صورتك الخايف عليها .... نحنا ما خايف علينا
رسلها لي بي تحت تحت كدي و انا بديك رأئي
يا ضيعتك يا ضيعتك
يا جاتنا زي فاتورة قمر بوبا
بس |
ستنا بت الهناء
لا قربك مفرحني ولا بعدك مريحني وفي الحالتين انا ضائع
ويارائع جفيتني وانا ضائع تعال لي
لا اكيد حا تجامليني وتقول لي ملامحك حلوة باين عليك زمان كنت وسيم
ياحليلك يا النعام آدم لمن قلت الزول الوسيم في طبعو دئما هادي
بعدين اهلنا قالوا الشناة شناة طبع وانا زول مشبع بالرطوبة ومطبع بي طوابع البريد
قمر بوبا براهو تصدقي الساعة كانت بي 10 ريال الكلام ده سنة 98 و 99 لحدي الفين وواحد على ما اعتقد
بعدين تحت تحت علينا نحن مابتمشي طبعا انا زمان قربت اعرس من الانترنت بس الزولة رسلت ليها الصورة وطلعت من الماسنجر ودخلت بي اسم تاني سلمت عليها قلت ليها وين الناس قالت انت الوين اها سالتها من اصحابنا قالت لي زاتووو اسع كان معاي ورسل لي صورتو لووووووول يكه لا يلدغ مؤمن من تحت مرتين
تحياتي الاكيدة
زاتوووو
| |
|
|
|
|
|
|
|
|
|
Re: صورتي بتاعة 2009 طلعت شينة بتصور وبنزلها !!! (Re: Dalal Ezzaldin)
|
Quote: الزول ازيك ...
لو داير تتصور صوره وتعجبك انصحك تنزل السودان
امشي نمره (2) في الخرطوم بتلقى استديو رهيييب اسمو ماجستك
بصوروا فيهو العروسات ( الشينات والسمحات منهن )
وامة محمد كلها هنا بقت بتتصور فيهو
تاكد انك ح تكتشف نفسك من جديد |
العزيزة دلال
اول حاجة شكرا على مداخلتك
لكن دي ماجكة طويلة بالمناسبة انا شريط العرس بتاعي صوروهو ناس استديو في نمرة اتنين بس ما اظن اسمو ماجيستك ، غايتو اول اجازة عشانك بس ح امشي اتصور هناك اتصور فيهو والعهدة على دلال مع انو انا عندي اصحابي كلهم بتاعين استديوهات في امدرمان وبحري .
لكن لو ما كشفوني من جديد ح تتعبي معاي 
تحياتي
زاتوووو
| |
|
|
|
|
|
|
| |
ALZOLZATOO
HAIDER ALZAIN
GamarBoBa
محمد عبد الماجد الصايم
Yassir Tayfour
عزام حسن فرح
Dalal Ezzaldin
فيس بوك
تويتر
انستقرام
يوتيوب
بنتيريست