|
نعى اليم الزميل عبدالوهاب علي الحاج...المستنير وهبة فى رحمه الله
|
|
 Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: وليد التلب)
|
اساسا بعد تكتب ردك للزول بالبوست
البيخليك ترجع تاني وتشوفوا هو رد والا ما ردّ شنو ؟
والا عشان تأكل الناس في لحمها ..
غايتو انا بكتب وما برجع تاني طالما انه الموضوع فكرته الرئيسية وضحت وانا قريتها ..
اما مواضيع الحوار والشد والجذب فبالضرورة ترجع تاني وتشوف الزول قال ليك شنو ..
يمكن علّ الكورة حبتين فتساعده انه ينزلها واطة ..
غير كدة شكراً لمرورك بتكفي
وهسع شكرا للموضوع
| |
 
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: HAIDER ALZAIN)
|
Quote: اساسا بعد تكتب ردك للزول بالبوست
البيخليك ترجع تاني وتشوفوا هو رد والا ما ردّ شنو ؟
والا عشان تأكل الناس في لحمها ..
غايتو انا بكتب وما برجع تاني طالما انه الموضوع فكرته الرئيسية وضحت وانا قريتها ..
اما مواضيع الحوار والشد والجذب فبالضرورة ترجع تاني وتشوف الزول قال ليك شنو ..
يمكن علّ الكورة حبتين فتساعده انه ينزلها واطة ..
غير كدة شكراً لمرورك بتكفي
وهسع شكرا للموضوع |
عارف طريقك دي زي الجماعة الزمان ايام بيكتبوا في الحيطة بالليل يسقط السفاح وعاش نضال الشعب والكلام دا اكيد تاني ما بيجو يشوفوا كتابة بالليل دي اصبحت كيف عشان الشبهات وكدا , ياخي الزول البوزع الكتشينة بقعد لي نهاية العشرة يتجادع مع الجماعة ما سمعنا زول وزعها قبل كدا وكفا ورقه وشتت
كلامك دا بينفع في البوستات الاجتماعية وبس بتاعة البركة فيكم ومبروك المولود ومبروك التخرج وحمد لله علي السلامة لكن دي زاتها عندها ناسها البيقعدوا ليها
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: وليد التلب)
|
Quote: * ان يقوم صاحب البوست بالرد علي بعض المداخلات ويتجاهل مداخلتك , ( لاي سبب مثل النسيان او التجاهل او غيره )
* ان يقوم صاحب البوست بالرد علي المداخلات بالترتيب وعند ما تكون مداخلتك المقبلة (يطنش البوست ويفتح لي حنانو )
* ان يقوم صاحب البوست بالرد علي المداخلات حسب علاقاته الشخصية بالمشاركين فبعض المداخلات يوليها اهتماما رغم انها كلام ساكت ويرد علي مداخلتك ردا من غير اهتمام رغم انك تري ان مداخلتك متعوب عليها وافضل مما قام بالرد عليه اعلاه |
والله صراحتن كدي يا السماني يا حبيب انا عندي إضافة للتلاتة حالات الكاتبهم فوق ديل..بقت عندي طبيعة زي الزفت إتعلمتها لي شهور كدي..بفتح البوست...والناس بأمانة ما بيقصرو..في أمان الله بجي أرد على الناس بالترتيب و كل شي بيكون تمام..وبلاقي روحي إتشغلتا و للا بعمل في شي غبتا..ولمن أرجع ألاقيهو يا إتأرشف يا الأحداث حتمت فتح بوست جديد..لكن بالجد ناوية أنكت البوستات دي كلها و أرد على الناس..لأنو تعبو و داخلو..ودي فرصة أقول ليهم غلطانة و حقكم عليْ..
لنا
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: lana mahdi)
|
يا اساسي
انا غايتو ملاحظ انك داقي لي طناش شديد
زمنك العذابي كنت زول كويس
المال والبنون زينة الحياة الدنيا الاولاد عرفناهم المال شفنا صورتك مع عصام الخواض وسمعنا تحت تحت كده برادو جديدة
ياخي على اسوا الفروض اعتبرنا من ضمن الباقيات الصالحات .
يعني المواضيع البيناتنا خلصت بانتهاء مراسم زواج هناية وهناية يخس عليك
ح اكون احسن منك واقول ليك تحياتي
زاتووو الزعلان بس مش شديد لوووول
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: ALZOLZATOO)
|
اساسى
محاورك فى هذه المداخلة يعتبر نفسه من ملوك البوستات التى لا يتم الرد عليها
يعنى ببساطة أغلب البوستات التى اقوم بفتحها لا تجد ردود وممكن ترجع لإرشيفى القريب
المهم بالنسبة لسؤالك الأمر عادى بالنسبة لى
بالعكس بعد مرات بأرتاح جدا لمن ما القى زول يرد على ما اكتبه
ما أكون مرقت بعيد عن الموضوع - يعنى هسى لو ما رديت على فى الموضوع دا . عادى جدا لأنى اصلا بيكون الشى الداير اقولو قلتو ووصل
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: ود العجمى)
|
Quote: * ان يقوم صاحب البوست بالرد علي بعض المداخلات ويتجاهل مداخلتك , ( لاي سبب مثل النسيان او التجاهل او غيره )
* ان يقوم صاحب البوست بالرد علي المداخلات بالترتيب وعند ما تكون مداخلتك المقبلة (يطنش البوست ويفتح لي حنانو )
* ان يقوم صاحب البوست بالرد علي المداخلات حسب علاقاته الشخصية بالمشاركين فبعض المداخلات يوليها اهتماما رغم انها كلام ساكت ويرد علي مداخلتك ردا من غير اهتمام رغم انك تري ان مداخلتك متعوب عليها وافضل مما قام بالرد عليه اعلاه
الخ ...
ماهو رد فعلك في مثل الحالات اعلاه |
والله يا أساسي انت فتحت موضوع هام حقيقة في شكل العلاقات بين الناس
يحز في النفس حقيقة أن لا تجد الردود بالذات بعد الاجتهاد في الكتابة وخاصة إنه الكتابة ترفع البوست وتعيد له الحياة في كثير من الاحيان,
عندما اكتب في مكان اشعر بأنه اصدقائي ايضا يكتبون في نفس المكان وبعض خصومي ايضاً يكتب مداخلات باسمي بدلاً من اسم صاحب البوست وعلى صاحب البوست أن يقدر هذا ويمكن لأي شخص ان يتوقف عن فتح بوستات جديدة إذا لم يتوفر لديه الوقت الكافي للرد والتداخل,
بعض الكتاب في البورد ربما يفكر بان الرد على الناس يلزمه بعلاقة خاصة معهم وهذا غير صحيح في الغالب الأعم فإقامة علاقة أو صداقة هو أمر شخصي لا تقرره مجرد مداخلة أو رد سواء كان الرد لطيفاً أو كان عنيفاً,
هذا البورد وسيلته الوحيدة هي الكلمة المكتوبة ولا سبيل لنقل المشاعر الخاصة عبره إلا من خلال ما تستطيع الكلمات أن تعبر عنه وبالتالي فالكلمات محمولة على ما قد يتبادر منها للأذهان وبالتالي فمن الصعب ومن الخطأ الاتكال على الكلمات وحدها في فهم حقيقة ما يحمله الشخص الكاتب من قصد أو انطباع,
شكرا اساسي
أحمـد
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: ود العجمى)
|
Quote: محاورك فى هذه المداخلة يعتبر نفسه من ملوك البوستات التى لا يتم الرد عليها
يعنى ببساطة أغلب البوستات التى اقوم بفتحها لا تجد ردود وممكن ترجع لإرشيفى القريب
المهم بالنسبة لسؤالك الأمر عادى بالنسبة لى
بالعكس بعد مرات بأرتاح جدا لمن ما القى زول يرد على ما اكتبه
ما أكون مرقت بعيد عن الموضوع - يعنى هسى لو ما رديت على فى الموضوع دا . عادى جدا لأنى اصلا بيكون الشى الداير اقولو قلتو ووصل |
اووووو اخونا ود العجمي الزمان
ياخي حرام عليك ما سمعت بالمثل الدارفوري (ام جركم ما بتاكل خريفين) ما اكلتوها زمان من سنة شختة لما تنزل بوست انحنا متاوقة ما نقدر نتاوق
بعدين ياخي امكن بقيت زي تجليها ثابتة . عارف يا ود العجمي الفكرة في المنبر دا من يومها التفاعل زي شغل البكيات حقت النسوان جيتنا في فراشنا بنشيل معاكم الفاتحة
ما جيتونا بنفتح ليكم , شفت الجندرة بتوصلنا لحدي وين ؟ فيا عمك انت بتجي في السنة تلاتة مرات تفك ليك بوست وترد مداخلتين وتاني بتجي السنة البعدها
بعدين امكن العلة في حنكك بقي ما سنين هههههههههههههه علي وزن ضحكات الزول زاتو
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: ALZOLZATOO)
|
الزول زاتو ابو البكور
ياخي الله ما ساترني معاك من زمن شميتني من سنة الفين وتلاتة وشخت لي اربعة سنين بعدها وانا معاك من حفرة لي حفرة ههههههههههههههه
دايما طالع مني زعلان . والله عمليتي دي ما يعملها ابراهيم نفخو قدس الله سره
ياخي والله ما مطنشك ولا حاجة بس اخوك بقي يجليها ثابتة , الواحد كان كويس قاعد براهو لا هم عصف لا ريحا كسح اتشالق علي روحه براهو
اسع بالله حدد موقفك الاخير والنهائي مني زعلان شوية ولا ما زعلان
بالمناسبة ما قاعدين تجو بيت الله ؟
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: Khalid Saeed)
|
ايواااا يا الارباب جيتني في جرح
دا الكلام الداير اسمعه من قبيل
تعرف مشكلة الطناش او الفتح او الشخيت دا انه المودة قد تتغير الي عداوة لكن احيانا الزول مفروض يلقي لي اخوه العذر قد يكون نسي او اتخيل انه رد عليك واتعامل مع الموضوع علي هذا الاساس او ما لقي كلام يقوله ليك لكن بيني وبينك انت زولك دا طنش عديل وما تخليهو فلو نسي شوفة صورتك واسمك دا مفروض يرجعنه انا مني ومنك افتح بوستك للزول دا عديل واختها ليهو اخلق لي اي سبب وجيه او غير وجيه بس ما امررها ليهو ويعرف انه مكجن اسع انت افتح البوست وليك عليك امدد ليك اقامتي فيهو للصباح ههههههههه
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: اساسي)
|
| Quote: * ان يقوم صاحب البوست بالرد علي المداخلات حسب علاقاته الشخصية بالمشاركين |
أساسي حمد الله على السلامة ..
تعرف في واحد محسوب من قبيلة المبدعين قام بالإنضمام للمنبر و فتح أول بوست و تقاطر الناس لتهنئته و كنت أنا من ضمنهم و جد كنت سعيد بإنضمامو للمنبر ..
أها زولك بعد قريب الكم و تسعين مداخلة جاء و عزل ليهو تلاتة أو أربعة أشخاص سلم عليهم و الباقين والله العظيم و لا حتى شكراً ما قالها ليهم ؟؟؟؟!! و كأنو الترحيب بيهو كان شي مفروض على الناس و أنو الناس ليها الشرف إنو هو بجلالة قدرو أنضم للمنبر مع إن المنبر مليان مبدعين في غاية التواضع ...
والله الزول ده كرهتو و بقيت لو جابو في التلفزيون أغير المحطة ..بلاء يخمو زاتو ..
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: اساسي)
|
حلو انت يا اساسي وموضوع شيق جدا بس اوع تهمل مداخلتي دى
في راي انت كصاحب بوست زى سيد البيت والضيف الجاييك اكان جاك كزائر لتسجيل حضور ومتابعة فقط فمن واجبك ان تطيب خاطره بكلمة كلمتين . وفي تقديري تفاعل صاحب البوست مع المتداخلين بيكشف ليك دواخله الحقيقية اكان كريم حقيقة او بخيل .
اضف الى ذلك الضيوف خشم بيوت منهم من ياتيك لينفق مافي وسعه وحسب مقدراته وهنا تتبين لباقة سيد البيت من حيث تقديره لعطاء المتداخل فان كان المتداخل يملك ان يقدم اكثر مما قدم فهنا يمكن التعامل معه بالمثل وان كان ما قدمه في حدود ثقفه الفكري فمن واجب سيد البيت المتمكن ان يرد اليه اناءه باطيب مما جاد به عليه .
وهنالك سيد بيت بحر وفيضه داشر بره . ده ما بميز مطمورتو فاتحة ليتكيل منها البستحق وما بستحق .
جاييك ما تفطني
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: الطيب شيقوق)
|
تسلم يا بشير وان شاء الله مردودة في اول غياباتك في الربع الجاي هههههه
الطيب شيقوق
والله كلام بتاع شيخ عرب يعني لو ما السايبر دا كان جريت لزوار البوست بتاعك بكري من اضانه وتكيته وكبرت هلا هلا
يا الطيب لكن احيانا الكلام بيكون تحصيل حاصل واحيانا مجاملات متكررة واحيانا مافي كلام يتقال زاتو ومرات كتيرة بتبقي مشغوليات ولما ترجع تلقي الاحداث اتغيرت وطفا في السطح الجديد فلو قمت راجع تاني لي ناس ود البشري وود الصايم العاصرين الفراش بتكون بتسقي في حواشة مهجورة
لكن النصيحة لله لو زول فتح ليك بتاكل معاك
اسع بعد قريت كلامك ولقيت نفسي ما عندي الامكانية ارد عليك باحسن مما قلت فكرت انزل ليك صورة واهدي ليك اغنية ولا ان شاء الله اطالب بكري يعمل ليك مكتبة تانية لو عندك مكتبة
افوو انا اخوك يالطيب
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: اساسي)
|
اساسي الاساسي في ثياب الباحث الاجتماعي
ما عرفتك؟
ازيك؟
كتبت ليك كلامات كتارات و انا في المكتب، و كنت خاتة القلم فوق اضاني عملات النجارين
و جركانة القهوة الما خمج تبعث بأبخرتها في المكتب ...
قوم يا النت اقطع قومي يا انا احردي البورد و امرقي البيت
و لكن أبت نفسي الامارة بالتحشر إلا أن أعود و أدلي بدلوي في الحوار ...
مدخل اساسي ..
انا شخصيا ما بزعل لو ما عبروني خاصة لو كلامي امتداد لفكرة صاحب البوست و ما بحب حكاية
ردي لي و أرد ليك لانو اعتقد انو الفكرة الاساسية هي انك تعبر عن بعابيرك ،
بعابيرك دي ممكن تمدد كرعينها من خلال مداخلات الآخرين و هكذا دواليك دواليك دواليك ...
الشاهد، و ما متأكدة لو الكلمة دي لافقة هنا بس ده ما موضوعنا، انا شخصيا كتابتي كسولة
كان في الفكرة الأصيلة المارقة من نافخوي كان في التفاعل، يعني لو جيت لقيت بوست مكتوب
وفي نفس الفكرة بتاعتي، اكتفي بعذب القراءة و ادعو للكاتب بحسن المآل و امشي انوم نومي
وفي حالة الفكرة الأصيلة، و المقصود انها من بنات افكاري المسرحات شعرهن و عاملات ضفاير
بخجل و بخش في ضفوري لما ما أرد على الناس، بس من محبتي للناس ما دايرة اجاملهم و ارمي
ليهم زلابية عجينها بايت وكلام مكرر، بس مرات بأعملها على مضض علشان بس خاطر عيون الغالين ...
الكتابة دي زي الابتسامة عندي، ليها مواقيت و بواعث خاصة قاطعاها من راسها، لا بقدر اجبرها
لا بأقدر الوي ليها يدها ... و كذلك كتابة الآخرين، هم مخيرين وعافية ليهم لـ الله و الرسول
كان ما ردو علي وإن تعمدو ذلك، في النهاية مخيرين يا اخوي ... نقبقب الناس إلا يردو علينا؟
مدخل شرس ...
لو الموضوع شكلة رابة و الكلام فيهو مسدسات،
باعتبر الرد يا علم ابيض للسلام يا كشحة بنزين للنار
وفي الحالتين باستغفر الله و اتوب إليه،
و امشي اتم نومي تاني لانو الاسفير يضل اسفير فلم نشق عليه بكثر العشم؟
يا اخوي الفكرة موش تبادل أفكار ولا رد دين و طوق ورد لافف في اعناق بنات هاواي؟
اعتقد، وقد يكون اعتقادا مطرطشا كأغلب حالي، انو الحرية دي سمحة خلاس
الزول مفروض يحس انو مخير لمن يتحير ..
وبالذات في هذه الفُسحة الجميلة الوارفة (ده كسير تلج لبابا بكري)
ومن منبري هذا انا عافية لأي نفر و نفرة ما ردو علي
و النبي اعفو لي لو تقاعست يوما عن الرد،
وحاة الله من غلاوتكم علي لأنو السلام يرد بأحسن منه
والكلام لو جا مارق من قلوبكم حقو الرد زاتو يكون على ذات القدر مارق من الفشفاش
بالمناسبة،
ما طالباك رد نوهائي (الوش داك الضاحك بس الاخدر الزرعي ما عندي الكود في البيت)
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: الطيب شيقوق)
|
العميل اساسى
(صاحب برادو مستقبلا)
هسع دى فى واحد اسمه عمر الفاروق مجلينى وفاطينى لايف (كلمة واحد ابتسرت لتعميق الازمة)
يااخى الزول دة انا كتبت ليه مداخلة متعوب عليها سبقها اجراء بحث فى النت وتفتيش عن صورة
علبة حليب الاطفال المناسبة واجراء اتصال مع ام العيال عشان مقارنة السعر مع حجم العلبة
وفى الاتصال زاته اتجليت المرة الاولى والمرة الثانية بعد تم تاكيد المعلومة حصل استجواب
الكلام دة عايز بيه شنو وبتسال ليه لذلك نجرت لى كذبة تبعد عنى الشبهات وكدة دخلنا فى الذنوب
اها شفت مداخلتى دى مكلفة كيف ؟ بعد دة كله اجيك الفاروق فاطينى زى الماحاصل حاجة
عليه تانى لو شفت ليه اى كتابات من نوع عاااااااااااد هى ماصلصة وسوووووحى وكلامات
زى دى مابمشيها ليه ساااااى كدة عشان تانى لو شافنى مايفطنى حقارة كدة
لكن تعرف ياحبيب احيانا فى البعض بيكون فاتح بوست شرك للعصافير
يقوموا يجوا الصقور لافين يضيعوا عليه الزمن من غير فائدة والزيكم كدة متردد اسافير
ومنابر عليا مفروض بيشم بوستات الشرك من خلف البروكسيات
| |
|
|
|
|
|
|
|
|
 Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: احمد التجانى احمد)
|
يا أساسى عاااااااااادى اجلوكـ زى الماف شئ
المهم انكـ قلتا الكلام العايز تقولو
ردا ماردا دى شئ بخصو ...
بعدين عادى زى حالاتى دى تفتح بوست بقصيده تلقى بوستك ادردق
للصفحه التانيه فى اقل من ساعه تقول فى شقلبان ولا ممسح بزيت 
بعدين الشئ الطلعتا بيو من البورد ده انكـ لو ماعندكـ شرذمه وشله
وكتبتا حاجه اقنع منها وخليها للطير ...
عادى بتلقى بوستات ... غير موفق ... انصرافى ... متزمزغ ... وهلم جرا
وردود راقده رز بس من عصبة الكاتب
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: أبو ساندرا)
|
أساسى الأساسى،
والله زى ما قلت و قالو الجماعة،
تتعدد الأسباب، و المحصلة واحدة،،،
التجاهل
التجاهل
التجاهل،،،*
تصدق،
أنا الطبيعى،
ولا يهمنى،،،،
إذا ثبت أن القصد (النية الأكيدة) غير متوفر،،
بالك لأنو زى ما قال الطيب ود شيقوق،
بالخبرة،
(طبعا خبرتنا ما بتحصل قدر دة، لكن....)
بتعرف إذا الزول دة جلاك عن قصد،
ولا الموضوع طرطشة ساكت، أو عدم إهتمام،،
و فى كل الأحوال،
موقفى ما بعرفو إلا فى وقته،،،،
فهمت حاجة؟؟؟؟
_____________________________
* تحياتنا للدكتور،،،،،
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: هويدا شرف الدين)
|
اساسينا الجميل جدا
دا ما إطراء بأي حال من الاحوال
القضية عندي لها وجهان وجه معرفة اسباب التجاهل كما عند البعض هنا تجاهل المشاركات
والوجه الاخر هو الموضوع أحيانا الموضوع يشدك ولو كتبه من لا تتفق معه فتكتب مشاركتك وتمضي
في سبيل حالك لكن في اوقات اخرى بكون في تواصل مطلوب في بعض الموضوعات فلا سبيل غير العودة
وانتظار الرد لكن اذا هرب صاحب البوست ورفض الرد بكتب واستمر في التوضيح حتى اوصل فكرتي
مودتي لك .
............................................................................حجر.
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: الرفاعي عبدالعاطي حجر)
|
Quote: اها يا ابو الدقيق منو البخت كلامو ويمشي ؟؟
انت بتقعد في البوست اكتر من سيدو
يا عمك انت بتجي البوست بي (حلتك) وبتختمها بـ (الشيشة)
قول كلام غير دا يا لذيذ |
والله ياعبد العزيز دكين
عجبنى ردك ل ود الصائم دا,,,قلت لى مقيل فى البوستات
لكن والله هو زول ضكران خلاص ..مو قاعد يقصر مع الجكس
انا اسى قايل نفسى براى البقيل فى البوستات
لكن ما دخلت على بوست الا لقيتو قدامى
والله الزول دا وصال ارحام
ودائما بكون قدام
ياسلام
يا ضائم ياتمام
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: هويدا شرف الدين)
|
Quote: والله يا الشايقي
ما عندي كلمة اضيفها ليك انت كتبت عن اوجاع حقيقية وامكن عن شريحة كبيرة انا شخصيا عندي راي في المداخلات احينان اجدها مهلكة جدا لكن في نفس الوقت لما زول يجليني بتاكل معاي فما عارف زاتو الحل شنو ؟ |
شكرا يا أخ أساسي على الرد,
طبعا شكرا على الرد دي نفسها عبارة من واقع البوست وبدلا من أن تتلقى الشكر على المشاركة وتكبد عناء ضرب كبـد الكي بورد واستنزال الأفكار وتخصيص الوقت الثمين من بين ملفات العمل واجتماعاته واخفاء التعابير على الوجه والتي يكتشفها الزوار والزملاء وغير ذلك من الحالات التي (تتلبـس) الكاتب في سودانيز أون لاين, تجد التجاهل المصطفى محمودي سمة العديد من أصحاب البوستات
حالتين تفقعان المرارة والأنسجة المجاورة أولها هي حالة الكاتب/ـة الذي يعتقد أنه من الشعبية بمكان بحيث انه لا يحتاج لرد أو مداخلة من هذا الذي (لا يحبه/ لا يستظرفه/ لا يحب أفكاره/ ............) , بالتالي فسيبك من الرد عليه, ولو استدعى الأمر أية تكتيكات مثل تكتيكات الاخ بشاشا (حان أوان كسحـة بشاشـا.... ) أو غيرها من الذرائع .. لان (خير الله كثير.. )
والحالة الثانية هي حالة صاحب/ـة البوست الذي يرد على كل خلق الله ويمتنع عن الرد عليك فيجعلك تتحسس ياقة أفكارك وتراجع حروفك في المرآة وتقول يا رب العباد ماذا أذنبت في حق هذا/ـه ؟؟؟
المهم يا أساسي الردود قسمة الله والأغنية القديمة تقول : (ما بنمشي لي ناس ما بيجونا في القلعة قعدوا يعذبونا .... )
أحمد الشايقي
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: adil amin)
|
Quote: ان يقوم صاحب البوست بالرد علي المداخلات بالترتيب وعند ما تكون مداخلتك المقبلة (يطنش البوست ويفتح لي حنانو )
|
أساسي
أزيك ووينك ؟
والله الحتة دي هبشتني ..بالجد ..في شخصية كدة محيراني كل ما أدخل على بوستاتا اول ما تصل الرد عندي تقبل
مني وشها ، وتنسى ليك موضوع البوست نهااااائي ..وهي ليست مرة واحدة ولا إثنتان بل ثلاث مرات قاتلة...
معقول صدفة ؟ إمكن !
................................
تحسسي الأكتر من أكون خربتا مزاجا ...وبوستاتا بتكون ماشة زي الورد ..الغريبة لا في بينا عرفة لا عداوة...
المهم يا انت أعفي لي على التطفل وتاني تووووووووبة .
| |
|
|
|
|
|
|
|
|
|
Re: عندما لا يتم الرد علي مداخلتك في احد البوستات بتزعل وتدق راسك في البورد؟ (Re: د.محمد حسن)
|
أساسي ازيك ....
عايز الصراحة والا نكضب عليك؟
بايخة .. ولا تقل عن إنو واحد يوجّه ليك كلام .. تعاين ليهو وما ترد.
لكن المسألة درجات .. يعني في مداخلات بيكون الرد عليها مجرد مجاملة، بمعنى إنها لا تحمل إضافة. لكن كمان في مداخلات تحتاج بالضرورة رد وتبادل رأي .. دي لو طنشتها بتكون يا زول بايخ يا متعالي.
كمان في طناش بيحرق الواحد لما يكون كلامك موجه لي زول بتحترم رأيه، أو بتشوف إنو زول كلامه مفيد .. يقوم يديك الطرشا دي بس تاكلا في حنانك.
هسه حترد .. والا نختّك Black List؟
| |
|
|
|
|
|
|
| |
اساسي
محمد عبد الماجد الصايم
عزام حسن فرح
وليد التلب
HAIDER ALZAIN
lana mahdi
ALZOLZATOO
ود العجمى
أحمد الشايقي
قلقو
EMU إيمو
بشير حسـن بشـير
Khalid Saeed
خالد عبد الله محمود
الطيب شيقوق
عادل عبدالعزيز عبد الرحيم
Abdelmuhsin Said
احمد التجانى احمد
محمد الجيلى
أبو ساندرا
هويدا شرف الدين
الرفاعي عبدالعاطي حجر
abuguta
الفاتح شلبي
adil amin
داليا حافظ
د.محمد حسن
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست