|
بكري أبوبكر : يا حبيب اذا سمحت ظروفكم تاني (1024X768)
|
سلامات يا حبيب يا حبيب عرض الشاشة ده حقيقي عامل لينا عدم إرتكاز و تركيز يا حبيب هكذا شاكلة من المواضيع الزول زي السكران يمشي شمال لي اخر الصفحة و يرجع تاني يمين يا حبيب الزول بقي زي مكنة السنجر ؟ يا حبيب نضمنا في الموضوع ده كتير لكن كده القراية زاتها بقت مجهجهة يا حبيب الماوس زاااااتو فّتر يمين شمال يمين شمال (حزية) إنصراف يا حبيب القصة دي دايره ليها (ميزان رودات) يا حبيب الصفحة بقت مفتولة طبيعي يا حبيب الزول يقراء ليو موضوع يطلع دايخ و نسي الموضوع كان شنو يا حبيب القصة دي حقيقي متعبة و رجاء إعادة النظر فيها يا حبيب علي حسب ما أري و أتمني أن لا أكون مخطيء الرابط الموجود في كل مداخلة هو السبب الأساسي في زيادة عرض الشاشة يا حبيب اذا ممكن تنقص حجم الخط (إحتمال) الشاشة ترجع لجمها الطبيعي
_ مع كامل تقديرنا لكل مجهوداتكم يا حبيب رجاء ثم رجاء 1024X768 بالعدم قلل العرض شوية أو حجم الخط في الرابط الموجود علي كل مداخلة ده
|
|
|
|
|
|
|
|
Re: بكري أبوبكر : يا حبيب اذا سمحت ظروفكم تاني (1024X768) (Re: Badreldin Ahmed Musa)
|
يسمع منك يا نوبى,,Quote: مع كامل تقديرنا لكل مجهوداتكم يا حبيب رجاء ثم رجاء 1024X768 بالعدم قلل العرض شوية أو حجم الخط في الرابط الموجود علي كل مداخلة ده |
بشوية مجهود ممكن أشياء كتيرة غلط هنا تتغير وينصلح الحال وشكل الموقع وناس الموقع وألوان الموقع وإمكانيات الموقع,,,
مع كامل التقدير لمجهودات الأخ بكرى ومحاولاته المستمرة للتطوير بس اليد الواحدة ما بتصفق,,
تحياتى
| |
|
|
|
|
|
|
Re: بكري أبوبكر : يا حبيب اذا سمحت ظروفكم تاني (1024X768) (Re: محمد عبد الماجد الصايم)
|
ود الصايم جاي متأخر مالكـ إتوقعتكـ أول واحد يجي ناطي هنا .. ياخ قلنا نغير الاسلوب شوية (إحتمال) يعبرنا و يسمع مننا أو يكون في (ملكـ) أو (شيطان) حايم يقول (آمين) و بقدر قادر الشاشة تتحول 1024X768 ما شايف كمية التحانيس و دق الجرس و الثكلي الفوق دي ما فضل الا الواحد يشيل ليو كوم تراب و يكتح ..
_ غايتو كان فهمت شيء من رسالة أمس بالليل دي !! شكلها كده جاتني بالغلط
| |
|
|
|
|
|
|
Re: بكري أبوبكر : يا حبيب اذا سمحت ظروفكم تاني (1024X768) (Re: فيصل نوبي)
|
السلام عليكم حبيبنا فيصل
المشكلة:
وجود إسكرول بار عرضي:-
هذه المشكلة ما في العرض المثالي التصميم بقدر ما هي في التصميم نفسه
يعني تصميم بكري لو كان 800X600 أو 1024X768 أو حتى 1280X800 كما في حالتي يوجد خطأ في التصميم ويضطر القارئ أن يجر الإسكرول بار العرضي شمالاً ويميناً عند كل مداخلة
الحل:
تنسيق جدول الإعلانات:-
جدول الإعلانات تحت عناوين المقالات المثبّت مختل النسق وبمعالجة بسيطة يمكن إعادة النسق بصورة "معقولة" وذلك بجعل "الكلومس" في الجدول خالية من القياس العرضي الثابت أو النسبي.
بالعربي:
بدلاً من <td width=36%> التي تكررت أربع مرات في حين 100% على أربعة يساوي 25% وليس 36% كان مفروض تكون <td width=36%> ولكني أفضل أن تكون غير نسبية بمعني أن تكون فقط <td> وبهذه الطريقة سيكون الجدول بعرض محتواه لا يزيد ولا ينقص.
انتهى.
كتبه كمال فرانكلي بتاريخ اليوم 27 ابريل 2009
| |
|
|
|
|
|
|
Re: بكري أبوبكر : يا حبيب اذا سمحت ظروفكم تاني (1024X768) (Re: Frankly)
|
سلامات يا كمال و تحيات و أشواق .. كلام سليم 100% بعد معالجة الرابط الموجود في أسفل كل مداخلة ده المشكلة إنه بكري بيكون ما عندو وقت بيعمل كوبي للاعلان القبليو و يلصق نفس الفورميولا تاني بس بيغير رابط الصورة و أحياناً رابط التوجيه .. أتمني إنه ينتبه للحتة دي لأنه حقيقي القصة دي مملة جداً ياخ تشرب شاي و لا تقابض الماوس يمين شمال ؟
_ كمال ما تعمل لي بكري ده تصميم الاعلانات دي و تريحو و تريحنا ياخ
| |
|
|
|
|
|
|
Re: بكري أبوبكر : يا حبيب اذا سمحت ظروفكم تاني (1024X768) (Re: فيصل نوبي)
|
Quote: بدلاً من <td width=36%> التي تكررت أربع مرات في حين 100% على أربعة يساوي 25% وليس 36% كان مفروض تكون <td width=36%> ولكني أفضل أن تكون غير نسبية بمعني أن تكون فقط <td> وبهذه الطريقة سيكون الجدول بعرض محتواه لا يزيد ولا ينقص. |
مرحب فرانكلي المشكلة في استخدام % نفسها في التصميم الاحترافي لا تيتخدم الـ % كثيرا يتم استخدام البكسل بصوة مباشرة يعني عرض الجدول الرئيسي بكون ما بين 795 و 799 بكس بالتحديد وحتى لاعلانات مفروض المساحة المخصصة لاعلان الواحد تكون محدةة بالبكسل ما بالنسبة وده مفروض يتربط مع مقاس الاعلان لو كان JPG اوSWF او GIF زي اغلب الاعلانات المستخدمها بكري
لكن بكري فاكي الاعلانات ساكت
مثلا ده مقاسه 300×250
وده مقاسه 250×250
وده مقاسه 300× 239
وبتاع الفلاش الاخير مقاصه في العرض اصغر
استخدام النسبة في التصميم شي غير محبب الافضل استخدام البكسل توشك
| |
|
|
|
|
|
|
Re: بكري أبوبكر : يا حبيب اذا سمحت ظروفكم تاني (1024X768) (Re: وليد محمد المبارك)
|
دا بالضبط البقصدو يا وليد
لو حسبت عرض الإعلانات تجد مجموعها 985 بيكسيل (300+300+250+135) عشان كدا حتى شاشة بعرض 800X600 بتلقى إنّك محتاج لجر الإسكرول بار شمالاً ويميناً
هناك معضلة أخرى وهي صور البروفايل.
بعض الأعضاء يستخدم صورة كبيرة جداً وبما أنّ تصميم بكري قائم على النسبية المئوية فتجد البوست اتفتل.
الصور (الكوستاوية) الكبيرة المنزلة في المداخلات أيضاً معضلة أخرى لفتل البوست.
وبكدا نمشي ونرجع لأهمية ضبط التصميم بالبيكسيل عوضاً عن النسبية المئوية
وزي ما عارف التصميم عبارة عن حساب جمع بسيط لوضع عرض مثالي للموقع يجب جمع عرض الكلومس في الجدول بحيث يكون عرض الجدول الكلي يساوي أو يقل عن العرض المثالي للتصميم.
انتهى.
كتبه كمال فرانكلي بتاريخ اليوم 27 ابريل 2009
| |
|
|
|
|
|
|
Re: بكري أبوبكر : يا حبيب اذا سمحت ظروفكم تاني (1024X768) (Re: Frankly)
|
Quote: يعني تصميم بكري لو كان 800X600 أو 1024X768 أو حتى 1280X800 كما في حالتي يوجد خطأ في التصميم ويضطر القارئ أن يجر الإسكرول بار العرضي شمالاً ويميناً عند كل مداخلة |
ما عندنا horizontal إسكرول و لا كلام فارغ زي البتقولوا عليه دا ...أي حاجة تمام التمام ما قادرين على ال screens العريضة أمشوا شوفو ليكم إسكرينات بلا جبر معاكم
حا أجيكم بأمثلة
| |
|
|
|
|
|
|
Re: بكري أبوبكر : يا حبيب اذا سمحت ظروفكم تاني (1024X768) (Re: Kostawi)
|
Quote: ما عندنا horizontal إسكرول و لا كلام فارغ زي البتقولوا عليه دا ...أي حاجة تمام التمام ما قادرين على ال screens العريضة أمشوا شوفو ليكم إسكرينات بلا جبر معاكم |
لانك يا كوستاوي اما شغال على شاشة اكبر من 17 بوصة او شغال على مستعرض خلاف الاكسبلورر
وفي الحالتين انت استثنى
في غلط اساسي في استخدام اساسيات التصميم بطل مكابرة
| |
|
|
|
|
|
|
Re: بكري أبوبكر : يا حبيب اذا سمحت ظروفكم تاني (1024X768) (Re: وليد محمد المبارك)
|
ياو ليد كوستاوي العتيق دا بكون موصّل الكمبيوتر بشاشة تلفزيون 107 سنتمتر وخاتي الشاشة على بعد متر ولابس نضارة قراية قعر فنجان عشان يشوف كويس
اسكرول بار شنو البشوفو ليك بشاشة زي دي؟
كمال
تصحيح:
Quote: بدلاً من <td width=36%> التي تكررت أربع مرات في حين 100% على أربعة يساوي 25% وليس 36% كان مفروض تكون <td width=36%> ولكني أفضل أن تكون غير نسبية بمعني أن تكون فقط <td> وبهذه الطريقة سيكون الجدول بعرض محتواه لا يزيد ولا ينقص. |
بدلاً من <td width=36%> التي تكررت أربع مرات في حين 100% على أربعة يساوي 25% وليس 36% كان مفروض تكون <td width=25%> ولكني أفضل أن تكون غير نسبية بمعني أن تكون فقط <td> وبهذه الطريقة سيكون الجدول بعرض محتواه لا يزيد ولا ينقص.
| |
|
|
|
|
|
|
Re: بكري أبوبكر : يا حبيب اذا سمحت ظروفكم تاني (1024X768) (Re: فيصل نوبي)
|
يعني يا كوستاوي جيت تنفي كلامنا اكدته
عارف صورتك الرابعها دي مقاسها كم لا لامي في الارض ولا في السماء
617 × 1500
والمهم هنا عرض الشاشة
1500 بكسل دي شاشة شنو دي ؟
هسع بعد صورتك دي انفتل البورد فتلة العدو
مفروض كانت تكون في المقاس ده لو تصميمكم ظابط
هسع شيل صورتك بتكون جننت الجمهور جن
| |
|
|
|
|
|
|
Re: بكري أبوبكر : يا حبيب اذا سمحت ظروفكم تاني (1024X768) (Re: Kostawi)
|
Quote: دايرين شغل إحترافي يعني 1024X768 ده بقي الاستاندارد بتاع الناس الاحترافيين
ديل الإحترافين بتوع الكبسة و المشكل???
هسع أنت يا المحترف مقاس الشاشة بتاعتك كم? |
غير صحيح
مقاس الشاشة الاستاندر 14 بوصة
والمصمص المحترف براعي في تصميمة اقل امكانيات وهي 14 بوصة وبصمم على اساسها والـ 14 بوصة بتعني 600× 800
عندما تصمم ما بتصمم لي نفسك بتصمم للاخرين وبتستصحب معاك اقل زول ممكن يدخل الموقع
ده الاحتراف البنعرفوا
| |
|
|
|
|
|
|
Re: بكري أبوبكر : يا حبيب اذا سمحت ظروفكم تاني (1024X768) (Re: وليد محمد المبارك)
|
Quote: يا وليد معليش الشاشات الـ 14 بوصة و الـ 15 بوصة بقت Out of Market يا عمكـ الكلام ده ليهو أكتر من سنتين و اذا مشيت اي مكان في العالم ما بتلاقي اي منهم الا في السودان و بعض من دول العالم الثالث التي تتاجر بمخلفات باقي العالم بالتالي يا حبيب نرجع و نقول 1024X768. |
يا نوبي اون اوف ماركت ما معناتا اوت اوف يوس
الشاشات 14 بوصة مرقت من المبيعات لكن ما ذالت تستخدم وتستعمل حتى الان خاصة في دول العالم الثالث والمنبر ده تحديدا موجه لدولة عالم عاشر
مفروض تراعوها
الخلاصة عند تصميم على مقاس 600×800 لن تحدث مشكلة مع الشاشات المقاس اكبر
لكن عند التصميم بالمقاس الاعلى تحدث مشكلة مع الشاشات المقاس الاصغر
يعني لو صمم في مقاس 600× 800 بكون غطى الجميع
| |
|
|
|
|
|
|
Re: بكري أبوبكر : يا حبيب اذا سمحت ظروفكم تاني (1024X768) (Re: Kostawi)
|
Quote: يا وليد معليش الشاشات الـ 14 بوصة و الـ 15 بوصة بقت Out of Market يا عمكـ الكلام ده ليهو أكتر من سنتين و اذا مشيت اي مكان في العالم ما بتلاقي اي منهم الا في السودان و بعض من دول العالم الثالث التي تتاجر بمخلفات باقي العالم بالتالي يا حبيب نرجع و نقول 1024X768. |
أديلو في جضومو يا نوبي دا زول لسع عايش في القرن الحجري 14 بوصة و الله طفل ما يرضى بيها
| |
|
|
|
|
|
|
Re: بكري أبوبكر : يا حبيب اذا سمحت ظروفكم تاني (1024X768) (Re: Kostawi)
|
Quote: أديلو في جضومو يا نوبي دا زول لسع عايش في القرن الحجري 14 بوصة و الله طفل ما يرضى بيها |
ياكوستاوي
انت قاعد في امريكا
وصاحبنا نوبي قاعد في الامارات
انت تقنياتك عالية صممت على اساسها
نوبي اتجرس لانو امكانياته اقل منك وعاوز تظبط التصميم على مقاسه وباقي الناس تحرق
زي ساستنا كل زول شغال بمقاسه
اها نحن ناس قريعتي راحت ناس السودان ( ناس المعسكرات ) مافي زول شغال بينا
الله لينا نحن المهمشين البورد باسمنا ويتجدعوا فيه المغتربين
| |
|
|
|
|
|
|
Re: بكري أبوبكر : يا حبيب اذا سمحت ظروفكم تاني (1024X768) (Re: محمد عبد الماجد الصايم)
|
Quote: كدي بالأول إتفقوا يا المحترفين
1024X768 or 800x600
إنتوا ضاربين عكو الليلة? |
طبعا للمتابعين ما يهمنا هنا عرض الشاشات والبمثلها
1024 و 800 ومقاس كوشتاوي القاطعة من راسة 1500
الطول غير مهم بتاتا لانه الاصل ان يكون في شريط طولي لتصفح الموقع تفاديا لموضع اذهب الى الصفحة التالية
المهم البكسل هو بالتقريب كده النقطة وهو البحدد درجة الكثافة والاشباع اللوني يعني كل ما كتير كل ما الصورة كانت ذات تفاصيل اكتر وكل ما قل العكس
| |
|
|
|
|
|
|
Re: بكري أبوبكر : يا حبيب اذا سمحت ظروفكم تاني (1024X768) (Re: Kostawi)
|
Quote: يا حبيب الزول بقي زي مكنة السنجر ؟
|
والله اتاريها مكنة السنجر دي تعبانه خلاص
بعدين بعد يعالج لينا حجم الصفحه يشوف لينا طريقه للاعلانات التحت برضو الوجوه المتحركه الجاتنا بعد مااختفت صور البنات العجيبه ديك ..
بالجد كده مزعجه شديد ومره دخلتني في حرج عجيب قاعد بتصفح في امانة الله .. جات بت نجاااضه ماشه قدام مكتبي فجأه كده يطلع صوت من المنبر ويعمل واااااااو .. اوه ماي قود ... اتلفتت بت الناس علي .. قلت ليها سوري والله ما قاصد دا منبر بكري دا براااهو
اها نقعد في جنس دا ؟
| |
|
|
|
|
|
|
|