|
|
|
 Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: خالد العبيد)
|
كنت حينها طالبا (السنة الاعدادية )كلية الزراعة .جامعة وادى النيل (عطبرة)
كانت حملة اعتقالات شاملة بدأت بالطلاب ثم تلتها باقى القطاعات.
كانت هنالك مجموعة اسباب دعت جهاز الامن للقيام بها:
1- انتعاش النشاط السياسي للطلاب بالجامعة .
2- اول يوم بدأت فىه الحملة كان صبيحة الحادى والعشرين من اكتوبر
..حيث كان مقررا الاحتفال بهذه الذكرى ..وضمن الاحتفال الاعلان عن تكوين التجمع الوطنى الديمقراطى بالجامعة.
3- اول نوفمبر اول زيارة لى عمر البشير لعطبرة منذ قيام الانقلاب.
| |
 
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: خالد العبيد)
|
كنت ومجموعة من الطلاب الوطنيين من مختلف التنظيمات السياسية ..نقيم بمنزل فى حى (الامتداد الشرقى)
حوالى الساعة الواحدة من صبيحة يوم 21 اكتوبر 1994 ..اقتحمت مجموعة مسلحة عرفت نفسها بجهاز الامن العام المنزل
وبدأت فى ايقاظ النائمين بالميز ..وكانوا يحملون لستة باسماء مطلوبين للاعتقال( لم اكن ضمنهم)
وكان من ضمنهم الزميل (شبشة) الكادر الخطابى للجبهة الديمقراطية
(وهنالك البقية لا اود ان اذكر اسماؤهم دون الرجوع اليهم اولا) وذكرت شبشة بحكم علاقتى الوطيدة به..
(والذى كان حينها مريضا بالتهاب رئوى حاد..اذكر انهم عادوا الى الميز بعد ساعات لاخذ دواءه ..)
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: خالد العبيد)
|
وجدت شابا فى العشرينات من عمره..
عرفنى بنفسه :على انه طالب بكلية الهندسة ..
وقد اتى ومعه مجموعة من الطلاب للقيام بواجب العزاء..
فطلبت منه الدخول ودعوة الاخرين ..ورافقته لاحضار البقية ..
بعد ان ابتعدنا لخطوات من المنزل ..اخرج هذا الغريب مسدسا وضعه على ظهرى ..
مخبرا اياي بانه من الامن العام ..ومطلوب حضورى الى مكتب الامن ببربر..
طلبت منه ان يعود معى للمنزل لاخطار الاسرة ..قال لى (ده ما شغلك نحن بنكلمهم)..
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: خالد العبيد)
|
وصلنا عطبرة حوالى الساعة الواحدة صباحا ..
وجدت فى انتظارى ..مجموعة من اعضاء الجهاز ..
قابلونى اولا بتقديم العزاء ..بعدها قاموا بتعريفي باحد المعتقلين ..
على انى عاصم كتة الحقيقى(كتة لقبى وليس اسما حركيا )..
ومنه عرفت بانه اعتقل باعتباره (انا)..وقاموا بتعذيبه لمدة ثلاثة ايام ..
(هى مدة اعتقاله)..الغريب فى الامر انه لم يكن طالبا فى الجامعة
..بل كان عاملا فى المنطقة الصناعية ..
بعد ذلك بدقائق ..طلب منى احد زبانية الامن ان استدير ناحية الحائط
وان ارفع يداي الى اعلى وعلى ان احافظ عليهما مرتفعتين..ففعلت..
وبعد فترة بدأ الاجهاد يصيبنى فلم اتمكن من رفعهما ..
فطلب منى ان اقوم بخلع قميصى ..(وكان الطقس بارد جدا )ففعلت ..
وما كان منه ..كلما ارتخت يداى ..بضربى بواسطة خرطوش فى ظهرى ..
واستمرت هذه العملية ..منذ الواحدة والنصف صباحا حتى السابعة صبيحة اليوم التالى ..
لفت انتباهى خلالها صوت بكاء طفل حديث الولادة..
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: خالد العبيد)
|
على الرغم من انها 12 عاما خلت ..الا انها لم تفارقنى لحظة ..
تلك الوحشية والبربرية..واللااخلاقية فى التعامل مع الخصوم ..
لا تراعى صغيرا ولا كبيرا ولا مريضا ولا اما ترضع طفلها ..
نعود الى تفاصيلنا:
صبيحة الجمعة (حوالى السابعة صباحا)..وانا فى تلك الصالة ..
اتى الى شخص يرتدى (جلابية وطاقية) شاب فى الثلاثينات من عمره ..
لم يعرفنى باسمه..
عرفت من خلال تعامل افراد الامن الذين قضيت ليلتى معهم بانه (اعلى منهم رتبة)..
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: خالد العبيد)
|
سألنى : جيعان؟
اجبته : ايوة
(أمر احد الافراد باحضار اكل...عاد الفرد ومعه ساندوتش عدس..)
اكلت الساندوتش ...وطلبت منه بعض الماء ..
سألنى :داير موية باردة ولا حارة ؟
ج : متوسطة
س: ما عندنا حاجة فى النص :يا باردة يا حارة؟)
(كما اسلفت فقد كان شتاء الشمال القاسي عصى على الابدان ..فأخترت الماء الساخن)
اتى احد الجنود وهو يحمل (كفتيرة) بها ماء يغلى..
قلت على الفور :لا ..لا ..مادير اي موية.
قال لى : تجرب الباردة؟
قلت :ايوة
(امر الجندى بأحضار ماء بارد)..(اتى وهو يحمل (جك ) مليان تلج ..
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: خالد العبيد)
|
قال لى : اشرب ..
قلت له :لا ..شكرا ..ما عايز
انتفض غضبا ..(انت قايل على كيفك؟ الليلة حتشرب الجك ده كله ..)
*********************************************************
وبالفعل ..ارغمنى على شرب الجك ..كلما يسيح التلج شوية ..يقول لى اشرب ..ما قلت عطشان؟
**************************************************************
المهم ..بعد حادثة شراب الموية..
اخرج من (جيب الجلابية) مسدسا ..وضعه على فخذه ..وكان يتلاعب به اثناء التحقيق..
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: خالد العبيد)
|
بعدها :
قال: انتو جبناء ..كل الشيوعيين جبناء ..
الواحد فيكم يخجل انه يعترف بي شيوعيته..
قال لى : انا اسمى تبيدى ..اتخرجت من جامعة (...)
(لا اذكر اسم الجامعة بالتحديد)
(لكنها على اية حال جامعة مصرية)..وانا كنت عضو فى الاتجاه الاسلامى ..
وانتو عارفين انو الاسلاميين ديل ما بخافو على روحهم ..حتى لو كانت النتيجة الموت ...
(ضرب مثال بالشيخ حسن البنا)..(مقارنة بالمحاكمات التى اعقبت يوليو )....
وواصل : اسه انت خايف ولا خجلان تقول انك شيوعى؟
استفزتنى كلماته:
قلت ليه : اسه انت لو ما قاعد فى الكرسي ده ..
وخاتى مسدسك فى يدك ..تفتكر انو ردودى عليك حتكون كده..؟
اها ..انا شيوعى ..وانت لو راجل قدر ده وعندك نخوة ..
زح مسدسك ده غادى ..وامرق معاى من هنا ..بعداك بنشوف الجبان منو)
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: rani)
|
وكان اعترافى : من الاخطاء التى تمت محاسبتى عليها تنظيميا ..)
وظن تبيدي بانه ادى مهمته بنجاح (اظن ذلك ..لاننى استجبت لاستفزازه )
ولكنى على كل حال لست نادما ..
بعد ان بصقت كلماتى فى وجهه .. لم يتمالك نفسه ..
فقام بخلع رجل (كرسي الخيزران الملخلخه ) وضربنى بها فى صدري ..
مما تسبب فى كسر احدى اضلع الجانب الشمال من القفص الصدرى ..
وتسبب فى تمزق تحتى لعضلات القفص الصدري ..
(اعانى من الامها حتى الان كلما زاد معدل الرطوبة فى الغلاف الجوى .)
بعدها ذهب بعيدا عنى ..واتى الى ضابط اخر (اسمه الحركى قرشى
(بعد ان جمعنا عنه بعض المعلومات حصيلتها :
انه من ابناء مدنى خريج احدى الجامعات الهندية..
كان لينا فى تعامله مع المعتقلين ..لا يقسو عليهم جسديا ..
ولكنه يقذف بالتهديد هنا وهناك..) ..
(حتى واننى شبهته : بمعلم الابتدائى فى اول ايامه مع الوزارة)..
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: rani)
|
قال لى : عاصم ما فى داعى للتهور..واحد من ناسك سجل (اعتراف قضائى)؟
قاطعته : اعترف بي شنو انا نكرته؟
قال لى : بالتخطيط للتفجيرات.
قلت ليه : تفجيرات شنو؟
قال لى : نحن عارفين اي حاجة وما تستعبط علينا.
قلت ليه: الزول ده كضب عليكم .
قال لى : انا مستعد اواجهك بيه .
قلت ليه : كويس ..واجهنى بيه
(بالفعل احضر احد المعتقلين من الطلاب
(وكان زميلى فى الجبهة الديمقراطية)..
وسأله ان يتلو صحيفته..)..فتلاها ولم يغمض له جفن..
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: خالد العبيد)
|
كانت صدمة بالنسبة الى؟؟
سالته : يا زول انت نصيح ..؟
قال لى : ايوه
سالنى الضابط قرشى) اها ..رايك شنو فى كلام الزول ده؟
قلت ليه : كضاب
قال لى بديكم دقيقة واحدة عشان تتفقوا.....وخرج من المكتب..
طوالى سألت الزميل : يا زول مالك ؟ جنيت ولا شنو؟
قال لى: عاصم انت ما داير تطلع من هنا ولا شنو؟..
الزوول ده وعدنى بى انو يطلعنا من هنا باكر ..من غير ما زول يعرف اى حاجة..
قلت ليه : وانت بتصدق ليك امنجى؟
وبعدين تعال ..هو الزول ده لو ما داير يضرنا ..
هو اعتقلنا من اساسه لى شنو؟؟؟....يازول ما تجنن..
قال لى : انا غايتو ده خيارى ..انت مخير ..
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: خالد العبيد)
|
الدقيقة انتهت) ..قرشى قال.
ويبدو انه كان واثق من زوله ..
(اها الزول ده ما اقنعك ؟)
قلت ليه : بى شنو ؟
: بى انك تمرق بره؟
: والتمن شنو؟
قال لى : انت مالك مصعبهاى كده ؟..
نحن ما فى ملجة عشان تقول لى تمن وما تمن؟اعتبره اتفاق.
قلت ليه والمطلوب شنو منى ؟
قال لى : اعتراف قضائى (بس قدام كاميرا الفيديو)
ونحن بنطلعك زى الشعرة من العجين؟
قلت ليه : اعترف بى شنو ؟
قال لى :بي قصة التفجيرات دى.
قلت ليه : لا ..اخير لى اقعد هنا مليون سنة ..
ولا اعترف بي حاجة انا ما عملتها.
قال لى : خلاص ..نحن حنستخدم اعترافات زميلك ضدك ..
قلت ليه : ولا بيهمنى
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: خالد العبيد)
|
احى صمود المعتقلين ..وعلى رأسهم (شبشة) ..
(التقيته داخل المعتقل ..وكان وجهه مغطى بالدم اليابس..
عذبوه امامى ..كى اعترف..مكثت قليلا ..
ولكنهم ابقوا عليه حتى خافوا ان يفقد حياته جراء التعذيب ..
(وبالفعل ..فقد عذبوه حتى حد الاغماء ..وتم نقله الى المستشفى اكثر من مرة)
احى ..صديقنا ..المرحوم (نجيب السر) ..
الذى اعتصم عن الطعام (بمفرده ) حتى يتم اطلاق سراحنا...وظل على حاله اياما..
و بعدها ..اتى الى مكاتب الامن بمفرده .(نص الليل) ..
وصاح باعلى صوته (مطالبا باطلاق سراح المعتقلين ..او اعتقاله ليبقى بجانبهم داخل المعتقل)
(ولكم فى القصاص حياة يا اؤلى الالباب)
صدق الله العظيم
نواصل
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: خالد العبيد)
|
اعلاه خطته يد زميلتنا النابهة هاجر سيد احمد
التي قالت في ختام شهادة زوجها عاصم :
دى تصبيره ..الى ان يتمكن شبشه ..من الدخول واكمال بقيه السرد..
ولكل المتداخلين ..القصه ..مع اختلاف الاسماء..
فليس الهدف الا فضح الجبناء ..وتعريتهم..
وليس تبيدى الا رقم من الارقام..الإنسان رخيصه ..
(تتعدد الاسماء والخلق واحد..والطبع واحد..كانهم نبت شيطان ..لا ينتمى لنا..)..
ولكن سنفضحهم جميعا..نعريهم....لهم الخزى..والعار..
ولكل المناضلين التحيه.. والتحيه مجددا لكل من تعرضو للتعذيب
على ايادى الجبناء امثال تبيدى..التحيه للزملاء.. عاصم..شبشه..
ومن سقط اسمه ..من الاحرار ..رغم الزنازين .................
والخزى والعار لكل من عميت بيصيرتهم عن رؤية ..هؤلاء المشوهين..
ومحاولات التغطيه..لن تتم ونحن احياء..
وليواصل عاصم وشبشه ..فى الفضح ..
( متهم بإنتهاك كرامة البشر.. وتدعون بكري ضمه للمنبر!؟)
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: خالد العبيد)
|
وهذه شهادة الزميل شبشة حول تعذيبه
من قبل كادر الامن محمدحامد تبيدي
مستشار سفارتنا !!
Quote: 1/ تعرضت للتعذيب لوحدى ومع مجموعة من الزملاء على يد ضابط الامن محمد حامد تبيدى
النقيب حينها وقد مارس التعذيب بنفسه واشرف على ممارسة اخرين له ..
2/ ليس تبيدى وحده وانما مجموعة من زملائه فعلوا الشىء نفسه ..
3/قمت وتبعا لتقاليد راسخة فى الجبهة الديمقراطية بتوثيق التجربة كاملة
كتابة حتى لا تنمحى التفاصيل من الذاكرة بفعل الزمن
كما وثقتها ايضا لدى المجموع السودانية لضحايا التعذيب ولدى قناة cbc الكندية ..
4/ انا اتفهم تخوف البعض من اطلاق الاتهامات دون سند ودون تدقيق
ولكننى اتحدى محمد حامد تبيدى ان يتقدم بدعوى قضائية ضدى
مع ما لدى من تحفظات على الانظمة العدلية القائمة
وتأكدى من عدم حيدتها ولكنى اتحداه ..
5/ اعتراضى على طريقة المعالجة ذات الصبغة الاثارية
ساوضحها اكثر وساشرح مقترحاتى لطريقة المعالجة التى اراها سليمة ومناسبة فى بوست منفصل ..
اشكر الاخ عبد المنعم على همته واتمنى ان يتفهم ما اوردته ..
خالص الود للجميع..
شبشة |
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: خالد العبيد)
|
ما الذي يمكن فعله لضمان العدالة للناجين من التعذيب في السودان؟
• مقاومة الحصانة في السودان
تعبر الحصانة عن فشل الدولة في تلبية التزاماتها الدولية في محاسبة مرتكبي الانتهاكات الجسيمة لحقوق الإنسان بالتحقيق في الاتهامات والتقديم للمحاكمة في حالة توفر أدلة كافية ومعاقبة المتهمين الذين تثبت إدانتهم. وهي أيضاً إنكار لحق الضحية في أن يعرف حقوقه، وفي الوصول إلى العدالة، وفي علاج فعال وتعويض. إن هناك إدراك واسع بأن الحصانة هي واحدة من العوامل الرئيسية المساهمة في ارتكاب التعذيب. وكما لاحظ المقرر الخاص حول التعذيب "فإن الحصانة تظل العامل الأساسي المسبب لارتكاب وتشجيع انتهاكات حقوق الإنسان والتعذيب بشكل خاص" لقد سلطت عدة دراسات، قام بها المقررين الخاصين حول التعذيب والخبراء الدوليين لدى الأمم المتحدة، الضوء على الدائرة المغلقة للحصانة والارتكاب المجدد لانتهاكات حقوق الإنسان.
• تعزيز سيادة حكم القانون
إن العدالة وإصلاح الضرر لا يوجدان في فراغ. وكما توضح التجارب المقارنة فإن الضحايا سوف يكون بإمكانهم المطالبة بحقوقهم بشكل في فعال فقط في نظام قائم على سيادة حكم القانون. وبينما يقر الدستور السوداني بجوانب معينة من جوانب سيادة حكم القانون، فإن العلاجات المتاحة محدودة جداً إن وُجدت، كما أن هناك مآخذ عديدة على استقلال القضاء، والفشل في تأسيس مفوضية حقوق الإنسان المقترحة في قانون صدر في عام 2004.
ولذا فإن تعزيز حكم القانون في السودان هو حاسم من أجل تغييرات أوسع يمكن أن تؤدي إلى حماية أفضل، في المدى البعيد، لحقوق الأفراد. ويلعب الحقوقيون ومنظمات المجتمع المدني دوراً هاماً في هذا المسعى. وبينما من الممكن أن تعتمد الإصلاحات الهيكلية الأوسع على الإرادة السياسية فإن وضع الحقوقيين يؤهلهم للمناداة بإصلاحات قانونية ومؤسسية، مثل تأسيس مفوضية حقوق إنسان مستقلة وفعالة، والطعن في القوانين التي لا تتفق مع سيادة حكم القانون أمام المحاكم المحلية وخاصة المحكمة الدستورية.
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: wadalzain)
|
• ضمان وفاء السودان بالتزاماته الدولية
صادق السودان على معاهدات حقوق الإنسان التالية:
• الاتفاقية المتعلقة بوضع اللاجئين (22 فبراير 1974)
• العهد الدولي للحقوق المدنية والسياسية (18 مارس 1976)
• العهد الدولي للحقوق الثقافية والاقتصادية والاجتماعية (18 مارس 1976)
• العهد الدولي لإزالة كافة أشكال التفرقة العنصرية (21 مارس 1977)
• الميثاق الأفريقي لحقوق الإنسان والشعوب (18 مارس 1986)
• العهد الدولي حول حقوق الطفل (3 أبريل 1990)
وقد صادق السودان أيضاً على معاهدات جنيف الأربع لعام 1949 في (23 سبتمبر 1957)
لقد سجل السودان بمصادقته على تلك المعاهدات موافقته على اتباع الالتزامات المضمنة فيها بما في ذلك تطبيقها في القوانين المحلية. ولكن لا يوفر الدستور ولا التشريع العادي أي مرشد حول تضمين المعاهدات الدولية في القوانين المحلية. وعلى سبيل الممارسة فإن السودان يتبع التقليد المزدوج. ذلك أن أي حق أو التزام ناشئ عن اتفاق دولي لا يصبح ملزماً إلا بعد أن يصبح جزءً من القوانين المحلية عبر إجراء تشريعي. بيد أن السودان لم يتبن أي تشريع لتطبيق معاهدات حقوق الإنسان المذكورة أعلاه، ونتيجة لذلك فإن التشريعات الحالية تقع مقصرة عن المعايير الدولية في عدد من الأمور. ويشمل ذلك فشل المحاكم السودانية في الأخذ بـ أو تطبيق المعايير الدولية
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: wadalzain)
|
خطوات لتحسين اتباع وتطبيق المعايير الدولية حول حظر التعذيب
• رفع الوعي بمعايير حقوق الإنسان الدولية من خلال نشر المعلومات والتدريب.
• توثيق أي انتهاكات وإبلاغ السودانيين والأجانب بطبيعة الانتهاكات وردود فعل الحكومة (إذا كان هناك رد فعل). على سبيل المثال في شكل تقارير ظل لهيئات حقوق الإنسان الدولية المكلفة بمتابعة أداء السودان فيما يتعلق بالاتفاقيات؛
• استخدام معايير حقوق الإنسان الدولية في قضايا التعذيب سواء بشكل مباشر حيثما كان ذلك ممكناً أو استخدام تلك المعايير لتفسير القوانين المحلية كلما كان ذلك مناسباً؛
• تعبئة الحكومة والهيئات المستقلة مثل مفوضية حقوق الإنسان، عندما تعمل، لإجراء إصلاح قانوني حيثما دعت الضرورة من أجل جعل القانون السوداني متوافقاً مع المعايير الدولية
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: د.نجاة محمود)
|
Quote: شهادات من معارف لتبيدي في احزاب اخرى تجدها في البوست اعلاه
معا جميعا ضد الاكاذيب واشانة سمعة الناس بدون دليل.. |
وشهادات المعارف برضها عايزة دليل
الشهادات التي وصفتيها بالأكاذيب
شهادات صيغت بالدم والعرق ومكابدة الألم
شهادات يتبدى صدقها من نزيفها
والشهود أحياء
عاصم شريف وهاجر سيد أحمد وشبشة معانا هنا في البورد
وتبيدي يقرأ ويتابع
لو شايف فيها أكاذيب وإشانة سمعة
وهي بالحق تشين سمعته الشائنة
فعليه ان يذهب إلى النيابة العامة هنا
ويشتكيهم
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: أبو ساندرا)
|
Quote: ولأن التلميحات مؤذية جدآ ومؤسفة ، خاصة لأنها مست شخصية
ماعندها علاقة بالعمل العام ولا بالاسافير ، جريرتها انها زوجة
شخص يعاديه البندر هنا
حنان هذه انا زعلت ليها جدآ |
دا كلامك يا ابو ساندرا في بوست صلاح البندر
شايف التناقض؟
اي زول عنده الحق في رفض الاكاذيب
واشانة السمعة
الافادات في صالح تبيدي من ناس مختلفين
عنه فكريا درسوا معه وعرفوه شخصيا
موش كلام نت ولجوء سياسي
يبقى ما قيل في حقه مجرد اكاذيب الى ان تثبت...
وقصة الاغتصاب ما لافقة ابدا
حيث لاول مرة في كيس تعذيب جلاد يطلب من ضحيته ان يكون فاعل والجلاد مفعول به
واصلا الجنس هنا يستحدم للاهانة والسيطرة...
الكلام دا لا يدخل العقل...
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: د.نجاة محمود)
|
** في إحدي الجمعيات العمومية العاصفة لاتحاد الزقازيق حدث كثير من الاحتكاك بين ناس التجمع
والإتجاه الإسلامي . وبعد منتصف الليل كنت أتمشي في شارع القومية بالزقازيق قابلت تبيدي
ومعي زميلان من الجبهة الديمقراطية ، شتمته بلفظ نابي ، دونما سبب مباشر بيني وبينه ، لم
يرد علي حينها و حتي الآن رغم إننا ألتقينا مئات المرات بعد ذلك ، كلما أقابله أتذكر هذا الموقف
وأخجل من نفسي ...
** أحد الزملاء الذين تم إعتقالهم في عطبرة وهو بالتحديد عادل ود البيه وهو من زملاء الزقازيق
وكان تبيدي موجوداً في جهاز الأمن بعطبرة ، ذكر لي بأن تبيدي عامله أحسن معاملة ولم يتم تعذيبه
أو ضربه حتي نهاية اعتقاله.
** زاملت تبيدي في كلية التجارة جامعة الزقازيق سنوات عديدة ، نفترق عام أكاديمي ثم نلتقي في العام
الذي يليه لأسباب أكاديمية ، لم أري منه أو أسمع أي سلوك شاذ ، أعرف عن تبيدي عداءه الشديد للحزب الشيوعي
واعتداده بإنتماءه للإتجاه الإسلامي وهو حاد في خطابه ، وإلي تاريخ اليوم يكتب بحدة واضحة تجاه الحزب الشيوعي .
** فيما ذكره ميسرة حول الحدة التي كتب بها مقاله السابق وتم فصله من الإتحاد ثم إرجاعه بعد عام وهو المقال الذي تعرض فيه لبعض الإخوة والأخوات من كلية تجارة ، شاهدت مرتين الزميلة الفاضلة التي ورد ذكرها في المقال وهي تعتدي بالقول علي تبيدي وتشتمه مرة في كلية التجارة بعد أول امتحان من امتحانات آخر العام ، ومرة أخري في دار الاتحاد الكائن بشارع القومية نهاية العام الدراسي والمرتين كانت علي رؤوس الأشهاد ، لم يرد عليها تبيدي بأي كلمة .
** تبيدي اليوم معنا في الجمعية السودانية لخريجي الزقازيق ، وقد تم ترشيحه لمنصب نائب الرئيس بعد أن خلي المنصب باستقالة النائب السابق بترشيح من داخل وخارج اللجنة التنفيذية ولكنه رفض نسبة لإرتباطه بالسفر للدوحة . بيننا وحتي الآن كل الإحترام والود في التعامل رغم الإختلاف السياسي والفكري البائن .
** له علاقات واسعة وممتدة لليوم مع زملاء الدراسة من مختلف ألون الطيف السياسي ، وله علاقات عديدة في المجتمع الصحفي والرياضي .
** ما ذكرته أعلاه ليس دفاعاً عن تبيدي فهو ليس بنبي وله أخطاءه وذنوبه وآثامه مثلما للجميع أخطاءهم وذنوبهم
وآثامهم . وقد يكون قام بتجاوزات أتناء عمله هنا أو هناك ، مثلما فعل كثيرون من منتسبي أجهزة الأمن في كل العهود . إلا أن تكرار الهجوم عليه مرات عديدة دون عدد كبير من منتسبي جهاز الأمن من قام بالتعذيب حد القتل وكل أسماءهم معروفة يثير التساؤل لماذا تبيدي تحديداً .
** كامل احترامي وإعزازي للزميل والصديق شبشة وانا لا أشكك في روايته علي الإطلاق هو والزملاء الأفاضل الذين تعرضوا للتعذيب طيلة عهد الإنقاذ وكامل تضامني معهم ومع كل من تعرض للإعتقال والتعذيب بسبب آراءه الفكرية وإنتماءه الحزبي ، ويجب علي كل من تعرض لتجرية مماثلة أن يلجأ للقضاء لأقتصاص حقه .
ولي عودة ...
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: د.نجاة محمود)
|
لا ، مافي تناقض ف
- حنان ليست شخصية عامة ولا تتعاطى السياسة بشكل منظم
وليست كادر أمني في أي من أجهزة الأمن ، وماعندها علاقة بالاسافير
الزج بها في معترك حتى ولو كان زوجها طرف فيه خطأ كبير وظلم فادح
- تبيدي ، ضابط أمن ، منظم سياسيآ( كوز ) له خصومة حادة مع معارضي سلطته
وبالأخص من الشيوعيين ، وجهت ضده إتهامات محددة بضلوعه في عمليات تعذيب
قالها ناس موجودين هنا ومعروفين بالأسم ، ووقائع التعذيب محددة مكانآ وزمانآ
وشهودآ ، كما ان تبيدي بحب وظيفته يتابع مايكتب هنا وفي إمكانه اللجوء إلى
القضاء لينفي عنه التهمة الشنيعة بما فيها الشذوذ ، ولعلمك تبيدي طالع ماكتب
ضده منذ سنوات ولم يتحرك للدفاع عن سمعته بالوسائل والطرق القانونية
شفتي كيف مافي تناقض ؟
هناك دافعنا عن الحق
وهنا ايضآ ندافع عن الحق
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: محمد فرح)
|
سلام يا محمد فرح
البوست قديم ونزل هنا قبل عام
كتبته زميلتنا الشجاعة هاجر سيد احمد
وشرحت بالتفصيل التعذيب الذي تعرض له زوجها عضو البورد ايضا عاصم شريف
Quote: إطلاقاً ماإتوقعت ياخالد إنك تكون بالوساخه دي كلّها
ده أسوأ أنواع الكذب
وأفجر درجات الخصومه
بوست قبيح يابكري يجب أن يزال
موش قبيح وبس
ده أقبح من القبح نفسه |
اتفق معك ان ما قام به تبيدي وتعذيبه لزميلنا عاصم
فعل قبيح ، لكن يجب ان يظل مرفوعا هكذا لافتة وبوستر
يذكر الكيزان وكلاب الامن افعالهم القبيحة
انها ماركة يا محمد فرح ماركة مسجلة باسم الجبهة الاسلامية
الذين ابتدعوا بيوت الاشباح وادخلوا خصومهم السياسيين فيها
ومارسوا معهم ابشع انواع التعذيب النفسي والجسدي وافجر درجات الخصومة
لكنهم صمدوا في وجه الجلاد ولم ينكسروا
ولقنوا الكيزان درسا في الصمود والشجاعة النادرة
منهم من قضى مثل دكتور علي فضل والماحي السخي ومحمد عبدالسلام وعبدالمنعم سلمان
وعبدالمنعم رحمه .. والقائمة طويلة
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: عمر صديق)
|
Quote: ده أسوأ أنواع الكذب
وأفجر درجات الخصومه |
محمد فرح
زي ما قلت في بوست مشابه..أنا تبيدي دا ما بعرفو لكين بعرف راوي قصة التعذيب المؤلمة..
وهو ود خالتي عاصم و بعرف انو ما ممكن يكون مختلق القصة...
أذكر أعتقال عاصم ايام بكا حبوبتنا امنة في بربر...و لكني و الحق يقال لم أعلم بهذه التفاصيل الا قريبا...
أنا برضو لمن قريت القصة لمن بطني قلبت...لكين البعرف عاصم شريف بعرف أنو لا يمكن أن يكون قاطع القصة من راسو!
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: سيف النصر محي الدين محمد أحمد)
|
الاخ:خالد
احترامي القدير لشخصكم،وشكرا لكم علي ايرادكم لهذه المعلومات.
حقيقة هي قصة او واقعة لماسي عديدة اقترفها ناس تجردوا من كل انسانيه
عليه يجب توثيقها ومتابعة حيثايتها قضائيا،ومتابعة مقترفيها اينما كانوا.
بمعني لا تنظرهم<فاعليها> للتحرك قضائيا،كما ذكرت.
وتاكد اخي خالد،بان سعيكم في هذا الاتجاه سوف يجد سندا ودعما كبيرا من البعض.
وكذلك سوف يجر الكثير من الفظائع التي ارتكبت في حق سودانيين اختلفوا سياسيا
مع هذا النظام.
لابد من الخروج من حالات السرد الي الفعل والمتابعة والمحاسبة.
لكي نؤسس لسودان حر وديقراطي اكيد لابد من وقفة مع الماضي بكل استشراف
لمستقبل واعد لابنائنا واحفادنا ،لكي لا تتكرر التجربه
مودتي اليك وكل المنفيين في استراليا.
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: الفاضل يسن عثمان)
|
Quote: خطوات لتحسين اتباع وتطبيق المعايير الدولية حول حظر التعذيب
• رفع الوعي بمعايير حقوق الإنسان الدولية من خلال نشر المعلومات والتدريب.
• توثيق أي انتهاكات وإبلاغ السودانيين والأجانب بطبيعة الانتهاكات وردود فعل الحكومة (إذا كان هناك رد فعل).
على سبيل المثال في شكل تقارير ظل لهيئات حقوق الإنسان الدولية المكلفة بمتابعة أداء السودان فيما يتعلق بالاتفاقيات؛
• استخدام معايير حقوق الإنسان الدولية في قضايا التعذيب
سواء بشكل مباشر حيثما كان ذلك ممكناً أو استخدام تلك المعايير لتفسير القوانين المحلية كلما كان ذلك مناسباً؛
• تعبئة الحكومة والهيئات المستقلة مثل مفوضية حقوق الإنسان، عندما تعمل،
لإجراء إصلاح قانوني حيثما دعت الضرورة من أجل جعل القانون السوداني متوافقاً مع المعايير الدولية |
عين العقل يا ود الزين
ووراء المجرمين حتى القصاص
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: د.نجاة محمود)
|
نجاة محمود
تبيدي عذب بيده وأشرف على تعذيب ناس كثار أعرفهم بالإسم
منهم ومن أثق وأصدق كل كلمة قالها هم شبشبة وعاصم
ومن مات منهم علي الماحي السخي لأني حملته بيدي وأدخلته المستشفى وأشرفت على سفره
ولن يهدأ لي بال حتى أجد زبانية جهاز الأمن في يد عدالة نزيهة وقضاء حر
وأقول ليك حاجة يا نجاة والله العلي العظيم حق عمر النيجيب آخدو من تبيدي بي يدى
إلا ما يلاقيني
وهو في الدوحة إلا يمنعوني السفر أو يقتلوني
أنت عارفاني ضد العنف اللفظي والجسدي
لكن حق جنا حشاي بآخدو بي ضراعي عديل
وخلي شهادة الشهود بإنفصام شخصية تبيدي تنفعه حينها
وحق علي فضل
والله لو شهد 39 مليون سوداني بحسن خلقه ما هو إلا مريض وعديم الدين والضمير والأخلاق والقيم
ودي أنا واثقة منها
يا نجاة بالعقل إنت لو قالوا ليك إشتغلي في جهاز الأمن تقولي والله كل زول في الجهاز معلق من عرقوبوا
إشمعنى في الحزب الشيوعي ما أي زول معلق من عرقوبوا؟؟؟
| |
|
|
|
|
|
|
|
|
|
Re: تفاصيل التعذيب الذي تعرض له الزميل عاصم من قبل كادر الامن محمد حامد تبيدي (Re: شادية عبد المنعم)
|
سلامات يا شادية
وتحياتي
Quote: وأقول ليك حاجة يا نجاة
والله العلي العظيم حق عمر النيجيب آخدو من تبيدي بي يدى
إلا ما يلاقيني |
حقنا بنقاوي ونقلعوا
نقلعوا زندية نص النهار
والتبيدي ما بيقدر يلاقيك
صدقيني ما بيرفع عينو قدامك لانو مكسور
وليهم يوم اولاد اللذينا
حتى نافع ما قدر يرفع عينو قدام وائل طه
لمن هاجموا امس في الجامعة
وقال ليه في وشو انت سفاح
وذكروا بالناس العذبهم من الريح لحدي علي فضل
ما رفع عينو وما بيقدر
| |
|
|
|
|
|
|
| |
خالد العبيد
rani
wadalzain
Nader Abu Kadouk
أبو ساندرا
محمد فرح
محمد الشيخ أرباب
عمر صديق
زياد جعفر عبدالله
الفاضل يسن عثمان
فيس بوك
تويتر
انستقرام
يوتيوب
بنتيريست